Shri Yugal Ashtakam Text in Bengali:
শ্রীয়ুগলাষ্টকম্
শ্রীমাধবেন্দ্রপুরীবিরচিতং ।
বৃন্দাবনবিহারাঢ্যৌ সচ্চিদানন্দবিগ্রহৌ ।
মণিমণ্ডপমধ্যস্থৌ রাধাকৃষ্ণৌ নমাম্যহম্ ॥ ১॥
পীতনীলপটৌ শান্তৌ শ্যামগৌরকলেবরৌ ।
সদা রাসরতৌ সত্যৌ রাধাকৃষ্ণৌ নমাম্যহম্ ॥ ২॥
ভাবাবিষ্টৌ সদা রম্যৌ রাসচাতুর্যপণ্ডিতৌ ।
মুরলীগানতত্ত্বজ্ঞৌ রাধাকৃষ্ণৌ নমাম্যহম্ ॥ ৩॥
য়মুনোপবনাবাসৌ কদম্ববনমন্দিরৌ ।
কল্পদ্রুমবনাধীশৌ রাধাকৃষ্ণৌ নমাম্যহম্ ॥ ৪॥
য়মুনাস্নানসুভগৌ গোবর্ধনবিলাসিনৌ ।
দিব্যমন্দারমালাঢ্যৌ রাধাকৃষ্ণৌ নমাম্যহম্ ॥ ৫॥
মঞ্জীররঞ্জিতপদৌ নাসাগ্রগজমৌক্তিকৌ ।
মধুরস্মেরসুমুখৌ রাধাকৃষ্ণৌ নমাম্যহম্ ॥ ৬॥
অনন্তকোটিব্রহ্মাণ্ডে সৃষ্টিস্থিত্যন্তকারিণৌ ।
মোহনৌ সর্বলোকানাং রাধাকৃষ্ণৌ নমাম্যহম্ ॥ ৭॥
পরস্পরসমাবিষ্টৌ পরস্পরগণপ্রিয়ৌ ।
রসসাগরসম্পন্নৌ রাধাকৃষ্ণৌ নমাম্যহম্ ॥ ৮॥
ইতি শ্রীমাধবেন্দ্রপুরীবিরচিতং শ্রীয়ুগলাষ্টকং সম্পূর্ণম্ ।
Shri Yugalashtakam Lyrics in Bengali | Stotras, Stutis & Aarti
