Shri Yugal Ashtakam Text in Telugu:
శ్రీయుగలాష్టకమ్
శ్రీమాధవేన్ద్రపురీవిరచితం ।
వృన్దావనవిహారాఢ్యౌ సచ్చిదానన్దవిగ్రహౌ ।
మణిమణ్డపమధ్యస్థౌ రాధాకృష్ణౌ నమామ్యహమ్ ॥ ౧॥
పీతనీలపటౌ శాన్తౌ శ్యామగౌరకలేబరౌ ।
సదా రాసరతౌ సత్యౌ రాధాకృష్ణౌ నమామ్యహమ్ ॥ ౨॥
భావావిష్టౌ సదా రమ్యౌ రాసచాతుర్యపణ్డితౌ ।
మురలీగానతత్త్వజ్ఞౌ రాధాకృష్ణౌ నమామ్యహమ్ ॥ ౩॥
యమునోపవనావాసౌ కదమ్బవనమన్దిరౌ ।
కల్పద్రుమవనాధీశౌ రాధాకృష్ణౌ నమామ్యహమ్ ॥ ౪॥
యమునాస్నానసుభగౌ గోవర్ధనవిలాసినౌ ।
దివ్యమన్దారమాలాఢ్యౌ రాధాకృష్ణౌ నమామ్యహమ్ ॥ ౫॥
మఞ్జీరరఞ్జితపదౌ నాసాగ్రగజమౌక్తికౌ ।
మధురస్మేరసుముఖౌ రాధాకృష్ణౌ నమామ్యహమ్ ॥ ౬॥
అనన్తకోటిబ్రహ్మాణ్డే సృష్టిస్థిత్యన్తకారిణౌ ।
మోహనౌ సర్వలోకానాం రాధాకృష్ణౌ నమామ్యహమ్ ॥ ౭॥
పరస్పరసమావిష్టౌ పరస్పరగణప్రియౌ ।
రససాగరసమ్పన్నౌ రాధాకృష్ణౌ నమామ్యహమ్ ॥ ౮॥
ఇతి శ్రీమాధవేన్ద్రపురీవిరచితం శ్రీయుగలాష్టకం సమ్పూర్ణమ్ ।
Shri Yugalashtakam Lyrics in Telugu | Stotras, Stutis & Aarti
