Shri Yugal Ashtakam Text in Oriya:
ଶ୍ରୀୟୁଗଲାଷ୍ଟକମ୍
ଶ୍ରୀମାଧଵେନ୍ଦ୍ରପୁରୀଵିରଚିତଂ ।
ଵୃନ୍ଦାଵନଵିହାରାଢ୍ୟୌ ସଚ୍ଚିଦାନନ୍ଦଵିଗ୍ରହୌ ।
ମଣିମଣ୍ଡପମଧ୍ୟସ୍ଥୌ ରାଧାକୃଷ୍ଣୌ ନମାମ୍ୟହମ୍ ॥ ୧॥
ପୀତନୀଲପଟୌ ଶାନ୍ତୌ ଶ୍ୟାମଗୌରକଲେବରୌ ।
ସଦା ରାସରତୌ ସତ୍ୟୌ ରାଧାକୃଷ୍ଣୌ ନମାମ୍ୟହମ୍ ॥ ୨॥
ଭାଵାଵିଷ୍ଟୌ ସଦା ରମ୍ୟୌ ରାସଚାତୁର୍ୟପଣ୍ଡିତୌ ।
ମୁରଲୀଗାନତତ୍ତ୍ଵଜ୍ଞୌ ରାଧାକୃଷ୍ଣୌ ନମାମ୍ୟହମ୍ ॥ ୩॥
ୟମୁନୋପଵନାଵାସୌ କଦମ୍ବଵନମନ୍ଦିରୌ ।
କଲ୍ପଦ୍ରୁମଵନାଧୀଶୌ ରାଧାକୃଷ୍ଣୌ ନମାମ୍ୟହମ୍ ॥ ୪॥
ୟମୁନାସ୍ନାନସୁଭଗୌ ଗୋଵର୍ଧନଵିଲାସିନୌ ।
ଦିଵ୍ୟମନ୍ଦାରମାଲାଢ୍ୟୌ ରାଧାକୃଷ୍ଣୌ ନମାମ୍ୟହମ୍ ॥ ୫॥
ମଞ୍ଜୀରରଞ୍ଜିତପଦୌ ନାସାଗ୍ରଗଜମୌକ୍ତିକୌ ।
ମଧୁରସ୍ମେରସୁମୁଖୌ ରାଧାକୃଷ୍ଣୌ ନମାମ୍ୟହମ୍ ॥ ୬॥
ଅନନ୍ତକୋଟିବ୍ରହ୍ମାଣ୍ଡେ ସୃଷ୍ଟିସ୍ଥିତ୍ୟନ୍ତକାରିଣୌ ।
ମୋହନୌ ସର୍ଵଲୋକାନାଂ ରାଧାକୃଷ୍ଣୌ ନମାମ୍ୟହମ୍ ॥ ୭॥
ପରସ୍ପରସମାଵିଷ୍ଟୌ ପରସ୍ପରଗଣପ୍ରିୟୌ ।
ରସସାଗରସମ୍ପନ୍ନୌ ରାଧାକୃଷ୍ଣୌ ନମାମ୍ୟହମ୍ ॥ ୮॥
ଇତି ଶ୍ରୀମାଧଵେନ୍ଦ୍ରପୁରୀଵିରଚିତଂ ଶ୍ରୀୟୁଗଲାଷ୍ଟକଂ ସମ୍ପୂର୍ଣମ୍ ।
Shri Yugalashtakam Lyrics in Oriya | Stotras, Stutis & Aarti
