Shri Yugal Ashtakam Text in Malayalam:
ശ്രീയുഗലാഷ്ടകം
ശ്രീമാധവേന്ദ്രപുരീവിരചിതം ।
വൃന്ദാവനവിഹാരാഢ്യൌ സച്ചിദാനന്ദവിഗ്രഹൌ ।
മണിമണ്ഡപമധ്യസ്ഥൌ രാധാകൃഷ്ണൌ നമാംയഹം ॥ 1॥
പീതനീലപടൌ ശാന്തൌ ശ്യാമഗൌരകലേബരൌ ।
സദാ രാസരതൌ സത്യൌ രാധാകൃഷ്ണൌ നമാംയഹം ॥ 2॥
ഭാവാവിഷ്ടൌ സദാ രംയൌ രാസചാതുര്യപണ്ഡിതൌ ।
മുരലീഗാനതത്ത്വജ്ഞൌ രാധാകൃഷ്ണൌ നമാംയഹം ॥ 3॥
യമുനോപവനാവാസൌ കദംബവനമന്ദിരൌ ।
കല്പദ്രുമവനാധീശൌ രാധാകൃഷ്ണൌ നമാംയഹം ॥ 4॥
യമുനാസ്നാനസുഭഗൌ ഗോവര്ധനവിലാസിനൌ ।
ദിവ്യമന്ദാരമാലാഢ്യൌ രാധാകൃഷ്ണൌ നമാംയഹം ॥ 5॥
മഞ്ജീരരഞ്ജിതപദൌ നാസാഗ്രഗജമൌക്തികൌ ।
മധുരസ്മേരസുമുഖൌ രാധാകൃഷ്ണൌ നമാംയഹം ॥ 6॥
അനന്തകോടിബ്രഹ്മാണ്ഡേ സൃഷ്ടിസ്ഥിത്യന്തകാരിണൌ ।
മോഹനൌ സര്വലോകാനാം രാധാകൃഷ്ണൌ നമാംയഹം ॥ 7॥
പരസ്പരസമാവിഷ്ടൌ പരസ്പരഗണപ്രിയൌ ।
രസസാഗരസമ്പന്നൌ രാധാകൃഷ്ണൌ നമാംയഹം ॥ 8॥
ഇതി ശ്രീമാധവേന്ദ്രപുരീവിരചിതം ശ്രീയുഗലാഷ്ടകം സമ്പൂര്ണം ।