Sri Annapurna Stotram (Ashtakam) in English:
॥ śrī annapūrṇā stōtram ॥
nityānandakarī varābhayakarī saundaryaratnākarī
nirdhūtākhilaghōrapāvanakarī pratyakṣamāhēśvarī |
prālēyācalavaṁśapāvanakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 1 ||
nānāratnavicitrabhūṣaṇakarī hēmāmbarāḍambarī
muktāhāravilambamānavilasadvakṣōjakumbhāntarī |
kāśmīrāgaruvāsitāṅgarucirā kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 2 ||
yōgānandakarī ripukṣayakarī dharmārthaniṣṭhākarī
candrārkānalabhāsamānalaharī trailōkyarakṣākarī |
sarvaiśvaryasamastavāñchitakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 3 ||
kailāsācalakandarālayakarī gaurī umā śaṅkarī
kaumārī nigamārthagōcarakarī ōṅkārabījākṣarī |
mōkṣadvārakavāṭapāṭanakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 4 ||
dr̥śyādr̥śyavibhūtivāhanakarī brahmāṇḍabhāṇḍōdarī
līlānāṭakasūtrakhēlanakarī vijñānadīpāṅkurī |
śrīviśvēśamanaḥprasādanakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 5 ||
urvīsarvajanēśvarī jayakarī mātā kr̥pāsāgarī
vēṇīnīlasamānakuntaladharī nityānnadānēśvarī |
sarvānandakarī sadā śubhakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 6 ||
ādikṣāntasamastavarṇanakarī śambhōstribhāvākarī
kāśmīrātrijalēśvarī trilaharī nityāṅkurā śarvarī |
kāmākāṅkṣakarī janōdayakarī* kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 7 ||
(* pāṭhabhēdaḥ – svargadvārakavāṭapāṭanakarī)
dēvī sarvavicitraratnaracitā dākṣāyaṇī sundarī
vāmē svādupayōdharā priyakarī saubhāgyamāhēśvarī |
bhaktābhīṣṭakarī sadā śubhakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 8 ||
candrārkānalakōṭikōṭisadr̥śā candrāṁśubimbādharī
candrārkāgnisamānakuṇḍaladharī candrārkavarṇēśvarī |
mālāpustakapāśasāṅkuśadharī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 9 ||
kṣatratrāṇakarī mahā:’bhayakarī mātā kr̥pāsāgarī
sākṣānmōkṣakarī sadā śivakarī viśvēśvaraśrīdharī |
dakṣākrandakarī nirāmayakarī kāśīpurādhīśvarī
bhikṣāṁ dēhi kr̥pāvalambanakarī mātānnapūrṇēśvarī || 10 ||
annapūrṇē sadāpūrṇē śaṅkaraprāṇavallabhē |
jñānavairāgyasiddhyarthaṁ bhikṣāṁ dēhi ca pārvati || 11 ||
mātā ca pārvatī dēvī pitā dēvō mahēśvaraḥ |
bāndhavāḥ śivabhaktāśca svadēśō bhuvanatrayam || 12 ||
Also Read:
Sri Annapurna Stotram (Ashtakam) Lyrics in English | Hindi | Kannada | Telugu | Tamil
