ভ্রমরাম্বাষ্টকম্ অথবা শ্রীমাতৃস্তবঃ Lyrics in Bengali:
চাঞ্চল্যারুণলোচনাঞ্চিতকৃপাচন্দ্রার্কচূডামণিং
চারুস্মেরমুখাং চরাচরজগত্সংরক্ষণীং তত্পদাম্ ।
চঞ্চ্চম্পকনাসিকাগ্রবিলসন্মুক্তামণীরঞ্জিতাং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ১॥
কস্তূরীতিলকাঞ্চিতেন্দুবিলসত্প্রোদ্ভাসিফালস্থলীং
কর্পূরদ্রাবমিক্ষচূর্ণখদিরামোদোল্লসদ্বীটিকাম্ ।
লোলাপাঙ্গতরঙ্গিতৈরধিকৃপাসারৈর্নতানন্দিনীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ২॥
রাজন্মত্তমরালমন্দগমনাং রাজীবপত্রেক্ষণাং
রাজীবপ্রভবাদিদেবমকুটৈ রাজত্পদাম্ভোরুহাম্ ।
রাজীবায়তমন্দমণ্ডিতকুচাং রাজাধিরাজেশ্বরীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৩॥
ষট্তারাং গণদীপিকাং শিবসতীং ষড্বৈরিবর্গাপহাং
ষট্চক্রান্তরসংস্থিতাং বরসুধাং ষড্যোগিনীবেষ্টিতাম্ ।
ষট্চক্রাঞ্চিতপাদুকাঞ্চিতপদাং ষড্ভাবগাং ষোডশীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৪॥
শ্রীনাথাদৃতপালিতাত্রিভুবনাং শ্রিচক্রসংচারিণীং
জ্ঞানাসক্তমনোজয়ৌবনলসদ্গন্ধর্বকন্যাদৃতাম্ ।
দীনানামাতিবেলভাগ্যজননীং দিব্যাম্বরালংকৃতাং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৫॥
লাবণ্যাধিকভূষিতাঙ্গলতিকাং লাক্ষালসদ্রাগিণীং
সেবায়াতসমস্তদেববনিতাং সীমন্তভূষান্বিতাম্ ।
ভাবোল্লাসবশীকৃতপ্রিয়তমাং ভণ্ডাসুরচ্ছেদিনীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৬॥
ধন্যাং সোমবিভাবনীয়চরিতাং ধারাধরশ্যামলাং
মুন্যারাধনমেধিনীং সুমবতাং মুক্তিপ্রদানব্রতাম্ ।
কন্যাপূজনপুপ্রসন্নহৃদয়াং কাঞ্চীলসন্মধ্যমাং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৭॥
কর্পূরাগরুকুঙ্কুমাঙ্কিতকুচাং কর্পূরবর্ণস্থিতাং
কৃষ্টোত্কৃষ্টসুকৃষ্টকর্মদহনাং কামেশ্বরীং কামিনীম্ ।
কামাক্ষীং করুণারসার্দ্রহৃদয়াং কল্পান্তরস্থায়িনীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৮॥
গায়ত্রীং গরুডধ্বজাং গগনগাং গান্ধর্বগানপ্রিয়াং
গম্ভীরাং গজগামিনীং গিরিসুতাং গন্ধাক্ষতালংকৃতাম্ ।
গঙ্গাগৌত্মগর্গসংনুতপদাং গাং গৌতমীং গোমতীং
শ্রীশৈলস্থলবাসিনীং ভগবতীং শ্রীমাতরং ভাবয়ে ॥ ৯॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ
ভ্রমরাম্বাষ্টকং সম্পূর্ণম্ ॥
Also Read:
Sri Bhramaramba Ashtakam Lyrics in Hindi | English | Bengali | Kannada | Malayalam | Telugu | Tamil | Gujarati | Punjabi | Oriya
