Sri Ganesha Ashtakam in English:
॥ śrī gaṇēśāṣṭakam – 1 ॥
sarvē ucuḥ –
yatō:’nantaśaktēranantāśca lōkā
yatō nirguṇādapramēyā guṇāstē |
yatō bhāti sarvaṁ tridhā bhēdabhinnaṁ
sadā taṁ gaṇēśaṁ namāmō bhajāmaḥ || 1 ||
yataścāvirāsījjagatsarvamēta-
ttathā:’bjāsanō viśvagō viśvagōptā |
tathēndrādayō dēvasaṅghā manuṣyāḥ
sadā taṁ gaṇēśaṁ namāmō bhajāmaḥ || 2 ||
yatō vahnibhānū bhavō bhūrjalaṁ ca
yataḥ sāgarāścandramā vyōma vāyuḥ |
yataḥ sthāvarā jaṅgamā vr̥kṣasaṅghāḥ
sadā taṁ gaṇēśaṁ namāmō bhajāmaḥ || 3 ||
yatō dānavāḥ kinnarā yakṣasaṅghā
yataścāraṇā vāraṇāḥ śvāpadāśca |
yataḥ pakṣikīṭā yatō vīrūdhaśca
sadā taṁ gaṇēśaṁ namāmō bhajāmaḥ || 4 ||
yatō buddhirajñānanāśō mumukṣōḥ
yataḥ sampadō bhaktasantōṣadāḥ syuḥ |
yatō vighnanāśō yataḥ kāryasiddhiḥ
sadā taṁ gaṇēśaṁ namāmō bhajāmaḥ || 5 ||
yataḥ putrasampadyatō vāñchitārthō
yatō bhaktivighnāstathā:’nēkarūpāḥ |
yataḥ śōkamōhau yataḥ kāma ēvaṁ
sadā taṁ gaṇēśaṁ namāmō bhajāmaḥ || 6 ||
yatō:’nantaśaktiḥ sa śēṣō babhūva
dharādhāraṇē:’nēkarūpē ca śaktaḥ |
yatō:’nēkadhā svargalōkā hi nānā
sadā taṁ gaṇēśaṁ namāmō bhajāmaḥ || 7 ||
yatō vēdavācō vikuṇṭhā manōbhiḥ
sadā nēti nētīti yattā gr̥ṇanti |
parabrahmarūpaṁ cidānandabhūtaṁ
sadā taṁ gaṇēśaṁ namāmō bhajāmaḥ || 8 ||
śrīgaṇēśa uvāca –
punarūcē gaṇādhīśaḥ stōtramētatpaṭhēnnaraḥ |
trisandhyaṁ tridinaṁ tasya sarvakāryaṁ bhaviṣyati || 9 ||
yō japēdaṣṭadivasaṁ ślōkāṣṭakamidaṁ śubham |
aṣṭavāraṁ caturthyāṁ tu sō:’ṣṭasiddhiravāpnuyāt || 10 ||
yaḥ paṭhēnmāsamātraṁ tu daśavāraṁ dinē dinē |
sa mōcayēdbandhagataṁ rājavaśyaṁ na saṁśayaḥ || 11 ||
vidyākāmō labhēdvidyāṁ putrārthī putramāpnuyāt |
vāñchitān labhatē sarvānēkaviṁśativārataḥ || 12 ||
yō japētparayā bhaktyā gajānanaparō naraḥ |
ēvamuktvā tatō dēvaścāntardhānaṁ gataḥ prabhuḥ || 13 ||
Also Read:
Sri Ganesha Ashtakam Lyrics in English | Hindi | Kannada | Telugu | Tamil
