Sri Ganesha Bhujanga Stuti in Telugu:
॥ శ్రీ గణేశ భుజంగ స్తుతిః ॥
శ్రియః కార్యనిద్ధేర్ధియస్సత్సుకర్ధేః
పతిం సజ్జనానాం గతిం దైవతానామ్ |
నియంతారమంతస్స్వయం భాసమానం
భజే విఘ్నరాజం భవానీతనూజమ్ || ౧ ||
గణానామధీశం గుణానాం సదీశం
కరీంద్రాననం కృత్తకందర్పమానమ్ |
చతుర్బాహుయుక్తం చిదానందసక్తం
భజే విఘ్నరాజం భవానీతనూజమ్ || ౨ ||
జగత్ప్రాణవీర్యం జనత్రాణశౌర్యం
సురాభీష్టకార్యం సదా క్షోభ్య ధైర్యమ్ |
గుణిశ్లాఘ్యచర్యం గణాధీశవర్యం
భజే విఘ్నరాజం భవానీతనూజమ్ || ౩ ||
చలద్వక్త్రతుండం చతుర్బాహుదండం
మదాస్రావిగండం మిళచ్చంద్రఖండమ్ |
కనద్దంతకాండం మునిత్రాణశౌండం
భజే విఘ్నరాజం భవానీతనూజమ్ || ౪ ||
నిరస్తాంతరాయం పరిధ్వస్తమాయం
చిదానందకాయం సదా మత్సహాయమ్ |
అజస్రానపాయం త్వజంచాప్రమేయం
భజే విఘ్నరాజం భవానీతనూజమ్ || ౫ ||
వరం చాఽభయం పాశ పుస్తాక్షసూత్ర
సృణీన్బీజపూరం కరైః పంకజం చ |
దధానం సరోజాసనం శక్తియుక్తం
భజే విఘ్నరాజం భవానీతనూజమ్ || ౬ ||
మహామూషకారూఢమాధారశక్త్యా
సమారాధితాంఘ్రిం మహామాతృకాభిః |
సమావృత్యసంసేవితం దేవతాభి-
ర్భజే విఘ్నరాజం భవానీతనూజమ్ || ౭ ||
శ్రుతీనాం శిరోభిస్స్తుతం సర్వశక్తం
పతిం సిద్ధిబుద్ధ్యోర్గతిం భూసురాణామ్ |
సురాణాం వరిష్ఠం గణానామధీశం
భజే విఘ్నరాజం భవానీతనూజమ్ || ౮ ||
గణాధీశసామ్రాజ్యసింహాసనస్థం
సమారాధ్యమబ్జాసనాద్యైస్సమస్తైః |
ఫణాభృత్సమాబద్ధతుండం ప్రసన్నం
భజే విఘ్నరాజం భవానీతనూజమ్ || ౯ ||
లసన్నాగకేయూరమంజీరహారం
భుజంగాధిరాజస్ఫురత్కర్ణపూరమ్ |
కనద్భూతిరుద్రాక్షరత్నాదిభూషం
భజే విఘ్నరాజం భవానీతనూజమ్ || ౧౦ ||
స్ఫురద్వ్యాఘ్రచర్మోత్తరీయోపధానం
తురీయాద్వయాత్మానుసంధానధుర్యమ్ |
తపోయోగివర్యం కృపోదారచర్యం
భజే విఘ్నరాజం భవానీతనూజమ్ || ౧౧ ||
నిజజ్యోతిషాద్యోతయంతం సమస్తం
దివిజ్యోతిషాం మండలం చాత్మనాం చ |
భజద్భక్తసౌభాగ్య సిద్ధ్యర్థ బీజం
భజే విఘ్నరాజం భవానీతనూజమ్ || ౧౨ ||
సదావాసకల్యాణపుర్యాం నివాసం
గురోరాజ్ఞయా కుర్వతాభూసురేణ |
మహాయోగివేల్నాడుసిద్ధాంతినా య-
త్కృతం స్తోత్రమిష్టార్థదం తత్పఠధ్వమ్ || ౧౩ ||
ఇతి శ్రీసుబ్రహ్మణ్యయోగివిరచితం శ్రీగణేశభుజంగ స్తోత్రమ్ |
Also Read:
Sri Ganesha Bhujanga Stuti Lyrics in English | Sanskrit |Kannada | Telugu | Tamil