Ayyapa Ashtottara Shatanama Stotram in Bengali:
॥ হরিহরাষ্টোত্তরশতনামস্তোত্রম্ অথবা শ্রীহরিহরাত্মকস্তোত্রম্ ॥
শ্রীগণেশায় নমঃ ॥
গোবিন্দ মাধব মুকুন্দ হরে মুরারে
শম্ভো শিবেশ শশিশেখর শূলপাণে ।
দামোদরাচ্যুত জনার্দন বাসুদেব
ত্যাজ্যা ভটা য় ইতি সন্ততমামনন্তি ॥ ১॥
গঙ্গাধরান্ধকরিপো হর নীলকণ্ঠ
বৈকুণ্ঠ কৈটভরিপো কমঠাব্জপাণে ।
ভূতেশ খণ্ডপরশো মৃড চণ্ডিকেশ
ত্যাজ্যা ভটা য় ইতি সন্ততমামনন্তি ॥ ২॥
বিষ্ণো নৃসিংহ মধুসূদন চক্রপাণে
গৌরীপতে গিরিশ শঙ্কর চন্দ্রচূড ।
নারায়াণাসুরনিবর্হণ শার্ঙ্গপাণে
ত্যাজ্যা ভটা য় ইতি সন্ততমামনন্তি ॥ ৩॥
মৃত্যুঞ্জয়োগ্র বিষমেক্ষণ কামশত্রো
শ্রীকান্ত পীতবসনাম্বুদনীল শৌরে ।
ঈশান কৃত্তিবসন ত্রিদশৈকনাথ
ত্যাজ্যা ভটা য় ইতি সন্ততমামনন্তি ॥ ৪॥
লক্ষ্মীপতে মধুরিপো পুরুষোত্তমাদ্য
শ্রীকণ্ঠ দিগ্বসন শান্ত পিনাকপাণে ।
আনন্দকন্দ ধরণীধর পদ্মনাভ
ত্যাজ্যা ভটা য় ইতি সন্ততমামনন্তি ॥ ৫॥
সর্বেশ্বর ত্রিপুরসূদন দেবদেব
ব্রহ্মণ্যদেব গরুডধ্বজ শঙ্খপাণে ।
ত্র্যক্ষোরগাভরণ বালমৃগাঙ্কমৌলে
ত্যাজ্যা ভটা য় ইতি সন্ততমামনন্তি ॥ ৬॥
শ্রীরাম রাঘব রমেশ্বর রাবণারে
ভূতেশ মন্মথরিপো প্রমথাধিনাথ ।
চাণূরমর্দন হৃষীকপতে মুরারে
ত্যাজ্যা ভটা য় ইতি সন্ততমামনন্তি ॥ ৭॥
শূলিন্ গিরীশ রজনীশ কলাবতংস
কংসপ্রণাশন সনাতন কেশিনাশ ।
ভর্গ ত্রিনেত্র ভব ভূতপতে পুরারে
ত্যাজ্যা ভটা য় ইতি সন্ততমামনন্তি ॥ ৮॥
গোপীপতে য়দুপতে বসুদেবসূনো
কর্পূরগৌর বৃষভধ্বজ ভালনেত্র ।
গোবর্ধনোদ্ধরণ ধর্মধুরীণ গোপ
ত্যাজ্যা ভটা য় ইতি সন্ততমামনন্তি ॥ ৯॥
স্থাণো ত্রিলোচন পিনাকধর স্মরারে
কৃষ্ণানিরুদ্ধ কমলাকর কল্মষারে ।
বিশ্বেশ্বর ত্রিপথগার্দ্রজটাকলাপ
ত্যাজ্যা ভটা য় ইতি সন্ততমামনন্তি ॥ ১০॥
অষ্টোত্তরাধিকশতেন সুচারুনাম্নাং
সন্দর্ভিতাং ললিতরত্নকদম্বকেন ।
সন্নায়কাং দৃঢগুণাং নিজকণ্ঠগতাং য়ঃ
কুর্যাদিমাং স্রজমহো স য়মং ন পশ্যেত্ ॥ ১১॥
গণাবূচতুঃ ।
ইত্থং দ্বিজেন্দ্র নিজভৃত্যগণান্সদৈব
সংশিক্ষয়েদবনিগান্স হি ধর্মরাজঃ ।
অন্যেঽপি য়ে হরিহরাঙ্কধরা ধরায়াং
তে দূরতঃ পুনরহো পরিবর্জনীয়াঃ ॥ ১২॥
অগস্ত্য উবাচ ।
য়ো ধর্মরাজরচিতাং ললিতপ্রবন্ধাং
নামাবলিং সকলকল্মষবীজহন্ত্রীম্ ।
ধীরোঽত্র কৌস্তুভভৃতঃ শশিভূষণস্য
নিত্যং জপেত্স্তনরসং ন পিবেত্স মাতুঃ ॥ ১৩॥
ইতি শৃণ্বন্ কথাং রম্যাং শিবশর্মা প্রিয়েঽনঘাম্ ।
প্রহর্ষবক্ত্রঃ পুরতো দদর্শ সরসীং পুরীম্ ॥ ১৪॥
ইতি (শ্রীস্কন্দপুরাণে কাশীখণ্ডে ধর্মরাজপ্রোক্তং
হরিহরাষ্টোত্তরশতনামস্তোত্রং সম্পূর্ণম্ ।
Also Read:
Ayyappa Swamy Slokam – Sri Harihara Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil