Shiva Stotram

Sri Hatakeshwara Ashtakam Lyrics in English

Shri Hatakeshwara Ashtakam in English:

॥ śrī hāṭakēśvarāṣṭakam ॥
jaṭātaṭāntarōllasatsurāpagōrmibhāsvaram
lalāṭanētramindunāvirājamānaśēkharam |
lasadvibhūtibhūṣitaṁ phaṇīṁdrahāramīśvaram
namāmi nāṭakēśvaraṁ bhajāmi hāṭakēśvaram || 1 ||

purāndhakādidāhakaṁ manōbhavapradāhakam
mahāgharāśināśakaṁ abhīpsitārthadāyakam |
jagattrayaikakārakaṁ vibhākaraṁ vidārakam
namāmi nāṭakēśvaraṁ bhajāmi hāṭakēśvaram || 2 ||

madīya mānasasthalē sadā:’stu tē padadvayam
madīya vaktrapaṁkajē śivēti cākṣaradvayam |
madīya lōcanāgrataḥ sadā:’rdhacandravigraham
namāmi nāṭakēśvaraṁ bhajāmi hāṭakēśvaram || 3 ||

bhajaṁti hāṭakēśvaraṁ subhakti bhāvatō trayē
bhajaṁti hāṭakēśvaraṁ pramāṇamātra nāgarāḥ |
dhanēna tēja sādhikāḥ kulēna cā:’khilōnnatāḥ
namāmi nāṭakēśvaraṁ bhajāmi hāṭakēśvaram || 4 ||

sadā śivō:’hamityaharniśaṁ bhajēta yō janāḥ
sadā śivaṁ karōti taṁ na saṁśayō:’tra kaścana |
ahō dayālutā mahēśvarasya dr̥śyatāṁ budhā
namāmi nāṭakēśvaraṁ bhajāmi hāṭakēśvaram || 5 ||

dharādharātmajāpatē trilōcanēśa śaṁkaraṁ
girīśa candraśēkharā:’hirājabhūṣaṇēśvarā |
mahēśa nandivāhanēti saṅghaṭannaharniśaṁ
namāmi nāṭakēśvaraṁ bhajāmi hāṭakēśvaram || 6 ||

mahēśa pāhi māṁ mudā girīśa pāhi māṁ sadā
bhavārṇavē nimajjatastvamēva mē:’si tārakaḥ |
karāvalaṁbanaṁ jhaṭityahō:’dhunā pradīyatāṁ
namāmi nāṭakēśvaraṁ bhajāmi hāṭakēśvaram || 7 ||

dharādharēśvarēśvaraṁ śivaṁ nidhīśvarēśvaraṁ
surāsurēśvaraṁ ramāpatīśvaraṁ mahēśvaraṁ |
pracaṇḍa caṇḍikēśvaraṁ vinīta nandikēśvaraṁ
namāmi nāṭakēśvaraṁ bhajāmi hāṭakēśvaram || 8 ||

hāṭakēśasya bhaktyā yō hāṭakēśāṣṭakaṁ paṭhēt |
hāṭakēśa prasādēna hāṭakēśatvamāpnuyāt ||

Also Read:

Sri Hatakeshwara Ashtakam Lyrics in Sanskrit | English |  Kannada | Telugu | Tamil

Add Comment

Click here to post a comment