Sri Jogulamba Ashtakam in Telugu:
॥ శ్రీ జోగుళాంబాష్టకం ॥
మహాయోగిపీఠస్థలే తుంగభద్రాతటే
సూక్ష్మకాశ్యాం సదాసంవసంతీం |
మహాయోగిబ్రహ్మేశవామాంకసంస్థాం
శరచ్చంద్రబింబాం భజే జోగుళాంబాం || ౧ ||
జ్వలద్రత్నవైడూర్యముక్తా ప్రవాళ
ప్రవీణ్యస్థగాంగేయకోటీరశోభాం |
సుకాశ్మీరరేఖాప్రభాఖ్యాం స్వఫాలే
శరచ్చంద్రబింబాం భజే జోగుళాంబాం || ౨ ||
స్వసౌందర్యమందస్మితాం బిందువక్త్రాం
రసత్కజ్జలాలిప్త పద్మాభనేత్రాం |
పరాం పార్వతీం విద్యుదాభాసగాత్రీం
శరచ్చంద్రబింబాం భజే జోగుళాంబాం || ౩ ||
ఘనశ్యామలాపాదసంలోక వేణీం
మనశ్శంకరారామపీయూష వాణీం |
శుకాశ్లిష్టసుశ్లాఘ్యపద్మాభపాణీం
శరచ్చంద్రబింబాం భజే జోగుళాంబాం || ౪ ||
సుధాపూర్ణ గాంగేయకుంభస్తనాఢ్యాం
లసత్పీతకౌశేయవస్త్రాం స్వకట్యాం |
గళేరత్నముక్తావళీపుష్పహారాం
శరచ్చంద్రబింబాం భజే జోగుళాంబాం || ౫ ||
శివాం శాంకరీం సర్వకళ్యాణశీలాం
భవానీం భవాంభోనిధేర్దివ్యనౌకాం |
కుమారీం కులోత్తారణీమాదివిద్యాం
శరచ్చంద్రబింబాం భజే జోగుళాంబాం || ౬ ||
చలత్కింకిణీం నూపురాపాదపద్మాం
సురేంద్రైర్మృగేంద్రైర్మహాయోగిబృందైః |
సదా సంస్తువంతీం పరం వేదవిద్భిః
శరచ్చంద్రబింబాం భజే జోగుళాంబాం || ౭ ||
హరేస్సోదరీం హవ్యవాహస్వరూపాం
ప్రసన్నాం ప్రపన్నార్తిహంత్రీం ప్రసిద్ధాం |
మహాసిద్ధిబుద్ధ్యాదివంద్యాం పరేశీం
శరచ్చంద్రబింబాం భజే జోగుళాంబాం || ౮ ||
ఇదం జోగుళాంబాష్టకం యః పఠేద్వా
ప్రభాతే నిశార్ధేఽథవా చిత్తశుద్ధిః |
పృథివ్యాం పరం సర్వభోగాంశ్చ భుక్త్వా
శ్రియం ముక్తిమాప్నోతి దివ్యాం ప్రసిద్ధః || ౯ ||
Also Read:
Sri Jogulamba Ashtakam Lyrics in English | Hindi |Kannada | Telugu | Tamil