Sri Krishna Bhujanga Prayata Ashtakam in English:
॥ bhujaṅgaprayātāṣṭakam ॥
sadā gōpikāmaṇḍalē rājamānaṁ
lasannr̥tyabandhādilīlānidānam |
galaddarpakandarpaśōbhābhidānaṁ
bhajē nandasūnuṁ sadānandarūpam || 1 ||
vrajastrījanānandasandōhasaktaṁ
sudhāvarṣivaṁśīninādānuraktam |
tribhaṅgākr̥ti svīkr̥tasvīyabhaktaṁ
bhajē nandasūnuṁ sadānandarūpam || 2 ||
sphuradrāsalīlāvilāsātiramyaṁ
parityaktagēhādidāsaikagamyam |
vimānasthitāśēṣadēvādinamyaṁ
bhajē nandasūnuṁ sadānandarūpam || 3 ||
svalīlārasānandadugdhōdamagnaṁ
priyasvāminībāhukaṇṭhaikalagnam |
rasātmaikarūpā:’vabōdhaṁ tribhaṅgaṁ
bhajē nandasūnuṁ sadānandarūpam || 4 ||
rasāmōdasampādakaṁ mandahāsaṁ
kr̥tābhīranārīvihāraikarāsam |
prakāśīkr̥tasvīyanānāvilāsaṁ
bhajē nandasūnuṁ sadānandarūpam || 5 ||
jitā:’naṅgasarvāṅgaśōbhābhirāmaṁ
kṣapāpūritasvāminīvr̥ndakāmam |
nijādhīnatāvartirāmātivāmaṁ
bhajē nandasūnuṁ sadānandarūpam || 6 ||
svasaṅgīkr̥tānantagōpālabālaṁ
vr̥tasvīyagōpīmanōvr̥ttipālam |
kr̥tānantacauryādilīlārasālaṁ
bhajē nandasūnuṁ sadānandarūpam || 7 ||
dhr̥tādrīśagōvardhanādhārahastaṁ
paritrātagōgōpagōpīsamastam |
surādhīśasarvādidēvapraśastaṁ
bhajē nandasūnuṁ sadānandarūpam || 8 ||
iti śrīharirāyācārya viracitaṁ bhujaṅgaprayātāṣṭakam |
Also Read:
Sri Krishna Bhujanga Prayata Ashtakam Lyrics in Hindi | English | Kannada | Telugu | Tamil
