Sri Krishna Kavacham in English:
॥ śrī kr̥ṣṇa kavacam ॥
praṇamya dēvaṁ viprēśaṁ praṇamya ca sarasvatīm |
praṇamya ca munīn sarvān sarvaśāstra viśāradān || 1 ||
śrīkr̥ṣṇa kavacaṁ vakṣyē śrīkīrtivijayapradam |
kāntārē pathi durgē ca sadā rakṣākaraṁ nr̥ṇām || 2 ||
smr̥tvā nīlāmbudaśyāmaṁ nīlakuñcita kuntalam |
barhipiñchalasanmauliṁ śaraccandranibhānanam || 3 ||
rājīvalōcanaṁ rājadvēṇunābhūṣitādharam |
dīrghapīnamahābāhuṁ śrīvatsāṅkitavakṣasam || 4 ||
bhūbhāraharaṇōdyuktaṁ kr̥ṣṇaṁ gīrvāṇavanditam |
niṣkalaṁ dēvadēvēśaṁ nāradādibhirarcitam || 5 ||
nārāyaṇaṁ jagannāthaṁ mandasmita virājitam |
japēdēvamimaṁ bhaktyā mantraṁ sarvārthasiddhayē || 6 ||
sarvadōṣaharaṁ puṇyaṁ sakalavyādhināśanam |
vasudēvasutaḥ pātu mūrdhānaṁ mama sarvadā || 7 ||
lalāṭaṁ dēvakīsūnuḥ bhrūyugmaṁ nandanandanaḥ |
nayanau pūtanāhantā nāsāṁ śakaṭamardanaḥ || 8 ||
yamalārjunahr̥tkarṇau kapōlau nagamardanaḥ |
dantān gōpālakaḥ pātu jihvāṁ hayyaṅgavīṇadhr̥t || 9 || [*bhuk*]
ōṣṭhaṁ dhēnukajitpāyādadharaṁ kēśināśanaḥ |
cibukaṁ pātu gōvindō baladēvānujō mukham || 10 ||
akrūrasahitaḥ kaṇṭhaṁ kakṣau dantivarāntakaḥ |
bhujau cāṇūrahārirmē karau kaṁsaniṣūdanaḥ || 11 ||
vakṣō lakṣmīpatiḥ pātu hr̥dayaṁ jagadīśvaraḥ |
udaraṁ madhurānāthō nābhiṁ dvāravatīpatiḥ || 12 ||
rukmiṇīvallabhaḥ pr̥ṣṭhaṁ jaghanaṁ śiśupālahā |
ūrū pāṇḍavadūtō mē jānunī pārthasārathiḥ || 13 ||
viśvarūpadharō jaṅghē prapadē bhūmibhārahr̥t |
caraṇau yādavaḥ pātu pātu kr̥ṣṇō:’khilaṁ vapuḥ || 14 ||
divā pāyājjagannāthō rātrau nārāyaṇaḥ svayam |
sarvakālamupāsīnaḥ sarvakāmārthasiddhayē || 15 ||
idaṁ kr̥ṣṇabalōpētaṁ yaḥ paṭhēt kavacaṁ naraḥ |
sarvadā:’:’rtibhayānmuktaḥ kr̥ṣṇabhaktiṁ samāpnuyāt || 16 ||
iti śrī kr̥ṣṇa kavacam |
Also Read:
Sri Krishna Kavacham Lyrics in Hindi | English | Kannada | Telugu | Tamil
