Shri Krishna Lahari Stotram in Telugu:
॥ శ్రీ కృష్ణలహరీ స్తోత్రం ॥
కదా బృందారణ్యే విపులయమునాతీరపుళినే
చరంతం గోవిందం హలధరసుదామాదిసహితమ్ |
అహో కృష్ణ స్వామిన్ మధురమురళీమోహన విభో
ప్రసీదేతి క్రోశన్నిమిషమివ నేష్యామి దివసాన్ || ౧ ||
కదా కాళిందీయైః హరిచరణముద్రాంకితతటైః
స్మరన్గోపీనాథం కమలనయనం సస్మితముఖమ్ |
అహో పూర్ణానందాంబుజవదన భక్తైకలలన
ప్రసీదేతి క్రోశన్నిమిషమివ నేష్యామి దివసాన్ || ౨ ||
కదాచిత్ఖేలంతం వ్రజపరిసరే గోపతనయే
కుతశ్చిత్సంప్రాప్తం కిమపి భయదం హరవిభో |
అయే రాధే కిం వా హరసి రసికే కంచుకయుగం
ప్రసీదేతి క్రోశన్నిమిషమివ నేష్యామి దివసాన్ || ౩ ||
కదాచిద్గోపీనాం హసితచకితం స్నిగ్ధనయనం
స్థితం గోపీబృందే నటమివ నటంతం సులలితమ్ |
సురాధీశైస్సర్వైః స్తుతపదమిమం శ్రీహరిమితి
ప్రసీదేతి క్రోశన్నిమిషమివ నేష్యామి దివసాన్ || ౪ ||
కదాచిత్సచ్ఛాయాశ్రితమభిమహాంతం యదుపతిం
సమాధిస్వచ్ఛాయాంచల ఇవ విలోలైకమకరమ్ |
అయే భక్తోదారాంబుజవదన నందస్య తనయ
ప్రసీదేతి క్రోశన్నిమిషమివ నేష్యామి దివసాన్ || ౫ ||
కదాచిత్కాళింద్యాం తటతరుకదంబే స్థితమిమం
స్మయంతం సాకూతం హృతవసనగోపీస్తనతటమ్ |
అహో శక్రానందాంబుజవదన గోవర్ధనధరం
ప్రసీదేతి క్రోశన్నిమిషమివ నేష్యామి దివసాన్ || ౬ ||
కదాచిత్కాంతారే విజయసఖమిష్టం నృపసుతం
వదంతం పార్థేంద్రం నృపసుత సఖే బంధురితి చ |
భ్రమంతం విశ్రాంతం శ్రితమురళి రమ్యం హరిమిమం
ప్రసీదేతి క్రోశన్నిమిషమివ నేష్యామి దివసాన్ || ౭ ||
కదా ద్రక్ష్యే పూర్ణం పురుషమమలం పంకజదృశం
అహో విష్ణో యోగిన్ రసికమురళీమోహన విభో |
దయాం కర్తుం దీనే పరమకరుణాబ్ధే సముచితం
ప్రసీదేతి క్రోశన్నిమిషమివ నేష్యామి దివసాన్ || ౮ ||
ఇతి వాసుదేవానందసరస్వతీకృతమ్ శ్రీకృష్ణలహరీస్తోత్రం |
Also Read:
Sri Krsna Bhagavad Lahari Stotram Lyrics in Hindi | English | Kannada | Telugu | Tamil
