Sri Lalitha Sahasranama Stotram Poorvapeetika in English:
॥ śrī lalitā sahasranāma stōtram – pūrvapīṭhikā ॥
śrī lalitā sahasranāma stōtra – pūrvapīṭhikā
agastya uvāca –
aśvānana mahābuddhē sarvaśāstraviśārada |
kathitaṁ lalitādēvyāścaritaṁ paramādbhutam || 1 ||
pūrvaṁ prādurbhavō mātustataḥ paṭṭābhiṣēcanam |
bhaṇḍāsuravadhaścaiva vistarēṇa tvayōditaḥ || 2 ||
varṇitaṁ śrīpuraṁ cāpi mahāvibhavavistaraṁ |
śrīmatpañcadaśākṣaryāḥ mahimā varṇitastathā || 3 ||
ṣōḍhānyāsādayō nyāsāḥ nyāsakhaṇḍē samīritāḥ |
antaryāgakramaścaiva bahiryāgakramastathā || 4 ||
mahāyāgakramaścaiva pūjākhaṇḍē samīritaḥ |
puraścaraṇakhaṇḍē tu japalakṣaṇamīritam || 5 ||
hōmakhaṇḍē tvayā prōktō hōmadravyavidhikramaḥ |
cakrarājasya vidyāyāḥ śrī dēvyā dēśikātmanōḥ || 6 ||
rahasyakhaṇḍē tādātmyaṁ parasparamudīritam |
stōtrakhaṇḍē bahuvidhāstsutayaḥ parikīrtitāḥ || 7 ||
mantriṇīdaṇḍinīdēvyōḥ prōktē nāmasahasrakē |
na tu śrīlalitādēvyāḥ prōktaṁ nāmasahasrakam || 8 ||
tatra mē samśayō jātō hayagrīva dayānidhē |
kiṁ vā tvayā vismr̥taṁ tat jñātvā vā samupēkṣitam || 9 ||
mama vā yōgyatā nāsti śrōtuṁ nāmasahasrakam |
kimarthaṁ bhavatā nōktaṁ tatra mē kāraṇaṁ vada || 10 ||
sūta uvāca –
iti pr̥ṣṭō hayagrīvō muninā kumbhajanmanā |
prahr̥ṣṭō vacanaṁ prāha tāpasaṁ kumbhasambhavam || 11 ||
śrīhayagrīva uvāca –
lōpāmudrāpatē:’gastya sāvadhānamanāśśr̥ṇu |
nāmnāṁ sahasraṁ yannōktaṁ kāraṇaṁ tadvadāmi tē || 12 ||
rahasyamiti matvāhaṁ nōktavān tē na cānyathā |
punaśca pr̥cchatē bhaktyā tasmāttattē vadāmyaham || 13 ||
brūyācchiṣyāya bhaktāya rahasyamapi dēśikaḥ |
bhavatā na pradēyaṁ syādabhaktāya kadācana || 14 ||
na śaṭhāya na duṣṭāya nāviśvāsāya karhicit |
śrīmātr̥bhaktiyuktāya śrīvidyārājavēdinē || 15 ||
upāsakāya śuddhāya dēyaṁ nāmasahasrakam |
yāni nāmasahasrāṇi sadyassiddhipradāni vai || 16 ||
tantrēṣu lalitādēvyāstēṣu mukhyamidaṁ munē |
śrīvidyaiva tu mantrāṇāṁ tatra kādiryathā parā || 17 ||
purāṇāṁ śrīpuramiva śaktīnāṁ lalitā tathā |
śrīvidyōpāsakānāṁ ca yathā dēvaḥ paraśśivaḥ || 18 ||
tathā nāmasahasrēṣu paramētat prakīrtitam |
yathāsya paṭhanāddēvī prīyatē lalitāmbikā || 19 ||
anyanāmasahasrasya pāṭhānna prīyatē tathā |
śrīmātuḥ prītayē tasmādaniśaṁ kīrtayēdidam || 20 ||
bilvapatraiścakrarājē yō:’rcayēllalitāmbikām |
padmairvā tulasīpatrairēbhirnāmasahasrakaiḥ || 21 ||
sadyaḥ prasādaṁ kurutē tasya siṁhāsanēśvarī |
cakrādhirājamabhyarcya japtvā pañcadaśākṣarīm || 22 ||
japāntē kīrtayēnnityamidaṁ nāmasahasrakam |
japapūjādyaśaktaścētpaṭhēnnāmasahasrakam || 23 ||
sāṅgārcanē sāṅgajapē yatphalaṁ tadavāpnuyāt |
upāsanē stutīrasyāḥ paṭhēdabhyudayō hi saḥ || 24 ||
idaṁ nāmasahasraṁ tu kīrtayēnnityakarmavat |
cakrarājārcanaṁ dēvyāḥ japō nāmnāṁ ca kīrtanam || 25 ||
bhaktasya kr̥tyamētāvadanyadabhyudayaṁ viduḥ |
bhaktasyāvaśyakamidaṁ nāmasāhasrakīrtanam || 26 ||
tatra hētuṁ pravakṣyāmi śr̥ṇu tvaṁ kumbhasambhava |
purā śrīlalitādēvī bhaktānāṁ hitakāmyayā || 27 ||
vāgdēvīrvaśinīmukhyāssamāhūyēdamabravīt |
vāgdēvatā vaśinyādyāśśr̥ṇudhvaṁ vacanaṁ mama || 28 ||
bhavatyō matprasādēna prōllasadvāgvibhūtayaḥ |
madbhaktānāṁ vāgvibhūti pradānē viniyōjitāḥ || 29 ||
maccakrasya rahasyajñā mama nāmaparāyaṇāḥ |
mama stōtravidhānāya tasmādājñāpayāmi vaḥ || 30 ||
kurudhvamaṅkitaṁ stōtraṁ mama nāmasahasrakaiḥ |
yēna bhaktaiḥ stutāyā mē sadyaḥ prītiḥ parā bhavēt || 31 ||
śrī hayagrīva uvāca –
ityājñaptāstatō dēvyaśrśīdēvyā lalitāmbayā |
rahasyairnāmabhirdivyaiścakrusstōtramanuttamam || 32 ||
rahasyanāmasāhasramiti tadviśrutaṁ param |
tataḥ kadācitsadasi sthitvā siṁhāsanē:’mbikā || 33 ||
svasēvāvasaraṁ prādātsarvēṣāṁ kumbhasambhava |
sēvārthamāgatāstatra brahmāṇībrahmakōṭayaḥ || 34 ||
lakṣmīnārāyaṇānāṁ ca kōṭayassamupāgatāḥ |
gaurīkōṭisamētānāṁ rudrāṇāmapi kōṭayaḥ || 35 ||
mantriṇī daṇḍinīmukhyāssēvārthaṁ ca samāgatāḥ |
śaktayō vividhākārāstāsāṁ saṅkhyā na vidyatē || 36 ||
divyaughā mānavaughāśca siddhaughāśca samāgatāḥ |
tatra śrīlalitādēvī sarvēṣāṁ darśanaṁ dadau || 37 ||
tēṣu dr̥ṣṭvōpaviṣṭēṣu svē svē sthānē yathākramam |
tatra śrīlalitādēvīkaṭākṣākṣēpacōditāḥ || 38 ||
utthāya vaśinīmukhyā baddhāñjalipuṭāstadā |
astuvannāmasāhasraissvakr̥tairlalitāmbikām || 39 ||
śrutvā stavaṁ prasannābhūllalitā paramēśvarī |
tē sarvē vismayaṁ jagmuryētatra sadasi sthitāḥ || 40 ||
tataḥ prōvāca lalitā sadasyān dēvatāgaṇān |
mamājñayaiva vāgdēvyaścakrusstōtramanuttamam || 41 ||
aṅkitaṁ nāmabhirdivyairmama prītividhāyakaiḥ |
tatpaṭhadhvaṁ sadā yūyaṁ stōtraṁ matprītivr̥ddhayē || 42 ||
pravartayadhvaṁ bhaktēṣu mama nāmasāhasrakam |
idaṁ nāma sahasraṁ mē yō bhaktaḥ paṭhatē:’sakr̥t || 43 ||
sa mē priyatamō jñēyastasmai kāmān dadāmyaham |
śrīcakrē māṁ samabhyarcya japtvā pañcadaśākṣarīm || 44 ||
paścānnāmasahasraṁ mē kīrtayēnmama tuṣṭayē |
māmarcayatu vā mā vā vidyāṁ japatu vā na vā || 45 ||
kīrtayēnnāmasāhasramidaṁ matprītayē sadā |
matprītyā sakalān kāmān labhatē nātra samśayaḥ || 46 ||
tasmānnāmasahasraṁ mē kīrtayadhvaṁ sadādarāt |
iti śrī lalitēśānī śāsti dēvān sahānugān || 47 ||
tadājñayā tadārabhya brahmaviṣṇumahēśvarāḥ |
śaktayōmantriṇīmukhyā idaṁ nāmasahasrakam || 48 ||
paṭhanti bhaktyā satataṁ lalitāparituṣṭayē |
tasmādavaśyaṁ bhaktēna kīrtanīyamidaṁ munē || 49 ||
āvaśyakatvē hētustē mayā prōktō munīśvara |
idānīṁ nāmasāhasraṁ vakṣyāmi śraddhayā śr̥ṇu || 50 ||
iti śrī brahmāṇḍapurāṇē hayagrīvāgastyasaṁvādē lalitāsahasranāmapūrvabhāgō nāma prathamō:’dhyāyaḥ ||
Also Read:
Sri Lalitha Sahasranama Stotram Poorvapeetika Lyrics in English | Hindi | Kannada | Telugu | Tamil