Sri Mrityunjaya Aksharamala Stotram in Hindi:
॥ श्री मृत्युञ्जय अक्षरमाला स्तोत्रम् ॥
मृत्युञ्जया पाहि मृत्युञ्जया पाहि
मृत्युञ्जया पाहि मृत्युञ्जया ।
अद्रीशजाऽधीश विद्राविताघौघ भद्राकृते पाहि मृत्युञ्जया ।
आकाशकेशाऽमराधीशवन्द्या त्रिलोकेश्वरा पाहि मृत्युञ्जया ।
इन्दूपलेन्दुप्रभोत्फुल्ल कुन्दारविन्दाकृते पाहि मृत्युञ्जया ।
ईक्षाहतानङ्ग दाक्षायणीनाथ मोक्षाकृते पाहि मृत्युञ्जया ।
उक्षेशसञ्चार यक्षेशसन्मित्र दक्षार्चिता पाहि मृत्युञ्जया ।
ऊहापथाऽतीत माहात्म्यसम्युक्त मोहान्तका पाहि मृत्युञ्जया ।
ऋद्धिप्रदाऽशेषबुद्धिप्रतारज्ञ सिद्धेश्वरा पाहि मृत्युञ्जया ।
ॠपर्वतोत्तुङ्ग शृङ्गाग्रसङ्गागहेतो सदा पाहि मृत्युञ्जया ।
लुप्तात्मभक्तौघ सङ्घाति सङ्घातुकारि प्रहन् पाहि मृत्युञ्जया ।
लूतीकृतानेकपारादि कृत्यन्तनेयाधुना पाहि मृत्युञ्जया ।
एकादशाकार राकेन्दुसङ्काश शोकान्तका पाहि मृत्युञ्जया ।
ऐश्वर्यधामाऽर्क वैश्वानराभास विश्वाधिका पाहि मृत्युञ्जया ।
ओषध्यधीशाम्शभूषाधिपापौघ मोक्षप्रदा पाहि मृत्युञ्जया ।
औद्धत्यहीन प्रबुद्धप्रभाव प्रबुद्धाखिला पाहि मृत्युञ्जया ।
अम्बासमाश्लिष्ट लम्बोदरापत्य बिम्बाधरा पाहि मृत्युञ्जया ।
अस्तोककारुण्य दुस्तारसंसारनिस्तारणा पाहि मृत्युञ्जया ।
कर्पूरगौराग्र सर्पाढ्य कन्दर्पदर्पापहा पाहि मृत्युञ्जया ।
खद्योतनेत्राग्नि विद्युद्ग्रहार्क्षादि विद्योतिता पाहि मृत्युञ्जया ।
गन्धेभ चर्माङ्ग सक्ताङ्ग संसारसिन्धुप्लवा पाहि मृत्युञ्जया ।
घर्माम्शुसङ्काश धर्मैकसम्प्राप्य शर्मप्रदा पाहि मृत्युञ्जया ।
ङोत्पत्तिबीजाऽखिलोत्पत्तिबीजाऽमराधीश मां पाहि मृत्युञ्जया ।
चन्द्रार्धचूडाऽमरेन्द्रार्चिताऽऽनन्दसान्द्रा प्रभो पाहि मृत्युञ्जया ।
छन्दश्शिरोरत्नसन्दोह संवेद्य मन्दस्मिता पाहि मृत्युञ्जया ।
जन्मक्षयाऽतीत चिन्मात्रमूर्ते भवोन्मूलिता पाहि मृत्युञ्जया ।
झणच्चारु घण्टामणि व्रातकाञ्चीगुणश्रोणिका पाहि मृत्युञ्जया ।
ञित्यष्टचिन्तान्तरङ्ग श्रमोच्चाटनाऽनन्दकृत् पाहि मृत्युञ्जया ।
टङ्कातिटङ्का मरुन्नेत्रभङ्गाननासङ्गता पाहि मृत्युञ्जया ।
ठालीमहापालि केली तिरस्कारि सत्खेलना पाहि मृत्युञ्जया ।
डोलायमानाऽन्तरङ्गीकृताऽनेक लास्येश मां पाहि मृत्युञ्जया ।
ढक्काध्वनिध्वानदाहध्वनि भ्रान्तशत्रुत्व मां पाहि मृत्युञ्जया ।
णाकार नेत्रान्तसन्तोषितात्म श्रितानन्द मां पाहि मृत्युञ्जया ।
तापत्रयात्युग्रदावानलासाक्षिरूपाऽव्यया पाहि मृत्युञ्जया ।
स्थाणो मुरारातिबाणोल्लसत्पञ्चबाणान्तका पाहि मृत्युञ्जया ।
दीनावनाद्यन्तहीनागमान्तैकमानोदिता पाहि मृत्युञ्जया ।
धात्री धराधीश पुत्रीपरिष्वङ्गचित्राकृते पाहि मृत्युञ्जया ।
नन्दीशवाहाऽरविन्दासनाराध्य वेदाकृते पाहि मृत्युञ्जया ।
पापान्धकारप्रदीपाऽद्वयानन्दरूपा प्रभो पाहि मृत्युञ्जया ।
फालाम्बकानन्तनीलोज्ज्वलन्नेत्र शूलायुधा पाहि मृत्युञ्जया ।
बालार्कबिम्बाम्शु भास्वज्जटाजूटिकाऽलङ्कृता पाहि मृत्युञ्जया ।
भोगीश्वराऽनन्त योगिप्रियाऽभीष्टभोगप्रदा पाहि मृत्युञ्जया ।
मौलिद्युनद्यूर्मि मालाजटाजूटि कालीप्रिया पाहि मृत्युञ्जया ।
यज्ञेश्वरा खण्डतज्ञानिधी दक्षयज्ञान्तका पाहि मृत्युञ्जया ।
राकेन्दुकोटिप्रतीकाशलोकादिसृड्वन्दिता पाहि मृत्युञ्जया ।
लङ्केशवन्द्याङ्घ्रि पङ्केरुहाऽशेषशङ्कापहा पाहि मृत्युञ्जया ।
वागीशवन्द्याङ्घ्रि वन्दारुमन्दार शौरिप्रिया पाहि मृत्युञ्जया ।
शर्वाऽखिलाधार सर्वेश गीर्वाणगर्वापहा पाहि मृत्युञ्जया ।
षड्वक्त्रतात त्रिषाड्गुण्य लोकादिसृड्वन्दिता पाहि मृत्युञ्जया ।
सोमावतं सान्तरङ्ग स्वयन्धाम सामप्रिया पाहि मृत्युञ्जया ।
हेलानिगीर्णोग्रहालाहलासह्य कालान्तका पाहि मृत्युञ्जया ।
लाणीधराधीश बाणासनापाप्त शोणाकृते पाहि मृत्युञ्जया ।
क्षित्यम्बुतेजो मरुद्व्योम सोमात्म सत्याकृते पाहि मृत्युञ्जया ।
ईशार्चिताङ्घ्रे महेशाऽखिलावास काशीपते पाहि मृत्युञ्जया ॥
मृत्युञ्जया पाहि मृत्युञ्जया पाहि
मृत्युञ्जया पाहि मृत्युञ्जया ।
इति श्री मृत्युञ्जय अक्षरमालिका स्तोत्रम् ।
Also Read:
Sri Mrityunjaya Aksharamala Stotram Lyrics in Hindi | English | Kannada | Telugu | Tamil
