Shri Mrityunjaya Stotram in English:
॥ śrī mr̥tyuñjaya stōtram ॥
nandikēśvara uvāca –
kailāsasyōttarē śr̥ṅgē śuddhasphaṭikasannibhē |
tamōguṇavihīnē tu jarāmr̥tyuvivarjitē || 1 ||
sarvatīrthāspadādhārē sarvajñānakr̥tālayē |
kr̥tāñjali puṭō brahmā dhyānaśīlassadāśivam || 2 ||
papraccha praṇatō bhūtvā jānubhyāmavaniṁ gataḥ |
sarvārthasampadādhārō brahmā lōkapitāmahaḥ || 3 ||
brahmōvāca –
kēnōpāyēna dēvēśa cirāyurlōmaśō:’bhavat |
tanmē brūhi mahēśāna lōkānāṁ hitakāmyayā || 4 ||
śrīsadāśiva uvāca –
śr̥ṇu brahmanpravakṣyāmi cirāyurmunisattamaḥ |
sañjātō karmaṇā yēna vyādhimr̥tyuvivarjitaḥ || 5 ||
tasminnēkārṇavē ghōrē salilaughapariplutē |
kr̥tāntabhayanāśāya stutō mr̥tyuñjayaḥ śivaḥ || 6 ||
tasya saṅkīrtanānnityaṁ martyō mr̥tyuvivarjitaḥ |
tvamēva kīrtayan brahmanmr̥tyu jētuṁ na saṁśayaḥ || 7 ||
lōmaśa uvāca –
ōṁ dēvādidēva dēvēśa sarvaprāṇabhr̥tāṁ vara |
prāṇināmapi nāthastvaṁ mr̥tyuñjaya namō:’stu tē || 8 ||
dēhināṁ jīvabhūtō:’si jīvō jīvasya kāraṇam |
jagatāṁ rakṣakastvaṁ vai mr̥tyuñjaya namō:’stu tē || 9 ||
hēmādriśikharākāra sudhāvīcimanōhara |
puṇḍarīka paraṁjyōtirmutyuñjaya namō:’stu tē || 10 ||
dhyānādhāra mahājñāna sarvajñānaikakāraṇa |
paritrātāsi lōkānāṁ mr̥tyuñjaya namō:’stu tē || 11 ||
nihatā yēna kālēna sadēvāsuramānuṣāḥ |
gandharvāpsarasaścaiva siddhavidyādharāstathā || 12 ||
sādhyāśca vasavō rudrāstathāśvinisutāvubhau |
marutaśca diśō nāgāḥ sthāvarā jaṅgamāstathā || 13 ||
yē dhyāyanti parāṁ mūrtiṁ pūjayantyamarādhipa |
na tē mr̥tyuvaśaṁ yānti mr̥tyuñjaya namō:’stu tē || 14 ||
tvamōṅkārō:’si vēdānāṁ dēvānāṁ ca sadāśivaḥ |
ādhāraśaktiśśaktīnāṁ mr̥tyuñjaya namō:’stu tē || 15 ||
sthāvarē jaṅgamē vāpi yāvattiṣṭhati mēdinī |
jīvatvityāha lōkō:’yaṁ mr̥tyuñjaya namō:’stu tē || 16 ||
sōmasūryāgnimadhyastha vyōmavyāpin sadāśivaḥ |
kālatraya mahākāla mr̥tyuñjaya namō:’stu tē || 17 ||
prabuddhē cāprabuddhē ca tvamēva sr̥jasē jagat |
sr̥ṣṭirūpēṇa dēvēśa mr̥tyuñjaya namō:’stu tē || 18 ||
vyōmni tvaṁ vyōmarūpō:’si tējassarvatra tējasi |
prāṇināṁ jñānarūpō:’si mr̥tyuñjaya namō:’stu tē || 19 ||
jagajjīvō jagatprāṇaḥ sraṣṭā tvaṁ jagataḥ prabhuḥ |
kāraṇaṁ sarvatīrthānāṁ mr̥tyuñjaya namō:’stu tē || 20 ||
nētā tvamindriyāṇāṁ ca sarvajñānaprabōdhakaḥ |
sāṁkhyayōgaśca haṁsaśca mr̥tyuñjaya namō:’stu tē || 21 ||
rūpātītassurūpaśca piṇḍasthā padamēva ca |
caturvidhaphalādhāra mr̥tyuñjaya namō:’stu tē || 22 ||
rēcakē vahnirūpō:’si sōmarūpō:’si pūrakē |
kuṁbhakē śivarūpō:’si mr̥tyuñjaya namō:’stu tē || 23 ||
kṣayaṁ karōti pāpānāṁ puṇyānāmapi vardhasam |
hētustvaṁ śrēyasāṁ nityaṁ mr̥tyuñjaya namō:’stu tē || 24 ||
sarvamāyākalātīta sarvēndriyaparā vara |
sarvēndriyakalādhīśa mr̥tyuñjaya namō:’stu tē || 25 ||
rūpaṁ gandhō rasaḥ sparśaḥ śabdaḥ saṁskāra ēva ca |
tvattaḥ prakāśa ētēṣāṁ mr̥tyuñjaya namō:’stu tē || 26 ||
caturvidhānāṁ sr̥ṣṭīnāṁ hētustvaṁ kāraṇēśvara |
bhāvābhāvaparicchinna mr̥tyuñjaya namō:’stu tē || 27 ||
tvamēkō niṣkalō lōkē sakalaṁ bhuvanatrayam |
atisūkṣmātirūpastvaṁ mr̥tyuñjaya namō:’stu tē || 28 ||
tvaṁ prabōdhastvamādhārastvadbījaṁ bhuvanatrayam |
satvaṁ rajastamastvaṁ hi mr̥tyuñjaya namō:’stu tē || 29 ||
tvaṁ sōmastvaṁ dinēśaśca tvamātmā prakr̥tēḥ paraḥ |
aṣṭatriṁśatkalānātha mr̥tyuñjaya namō:’stu tē || 30 ||
sarvēndriyāṇāmādhāraḥ sarvabhūtagaṇāśrayaḥ |
sarvajñānamayassattvaṁ mr̥tyuñjaya namō:’stu tē || 31 ||
tvamātmā sarvabhūtānāṁ guṇānāṁ tvamadhīśvaraḥ |
sarvānandamayādhāra mr̥tyuñjaya namō:’stu tē || 32 ||
tvaṁ yajñassarvayajñānāṁ tvaṁ buddhirbōdhalakṣaṇā |
śabdabrahma tvamōṅkārō mr̥tyuñjaya namō:’stu tē || 33 ||
śrīsadāśiva uvāca –
ēvaṁ saṅkīrtayēdyastu śucistadgatamānasaḥ |
bhaktyā śr̥ṇōti yō brahmanna sa mr̥tyuvaśō bhavēt || 34 ||
na ca mr̥tyubhayaṁ tasya prāptakālaṁ ca laṅghayēt |
apamr̥tyubhayaṁ tasya praṇaśyati na saṁśayaḥ || 35 ||
vyādhayō nōpapadyantē nōpasargabhayaṁ bhavēt |
pratyāsannāntarē kālē śataikāvartanē kr̥tē || 36 ||
mr̥tyurna jāyatē tasya rōgānmucyati niścitam |
pañcamyāṁ vā daśamyāṁ vā paurṇamāsyāmathāpi vā || 37 ||
śatamāvartayēdyastu śatavarṣaṁ sa jīvati |
tējasvī balasampannō labhatē śriyamuttamām || 38 ||
trividhaṁ nāśayētpāpaṁ manōvākkāyasaṁbhavam |
abhicārāṇi karmāṇi karmāṇyātharvaṇāni ca || 39 ||
idaṁ rahasyaṁ paramaṁ dēvadēvasya śūlinaḥ |
duḥsvapnanāśanaṁ puṇyaṁ sarvavighnavināśanam || 40 ||
iti śrīnr̥siṁhapurāṇē śivabrahmasaṁvādē śrīmr̥tyuñjayastōtraṁ saṁpūrṇam |
Also Read:
Sri Mrityunjaya Stotram in Sanskrit | English | Kannada | Telugu | Tamil
