Shri Mrityunjaya Stotram in Kannada:
॥ ಶ್ರೀ ಮೃತ್ಯುಂಜಯ ಸ್ತೋತ್ರಂ ॥
ನನ್ದಿಕೇಶ್ವರ ಉವಾಚ –
ಕೈಲಾಸಸ್ಯೋತ್ತರೇ ಶೃಙ್ಗೇ ಶುದ್ಧಸ್ಫಟಿಕಸನ್ನಿಭೇ |
ತಮೋಗುಣವಿಹೀನೇ ತು ಜರಾಮೃತ್ಯುವಿವರ್ಜಿತೇ || ೧ ||
ಸರ್ವತೀರ್ಥಾಸ್ಪದಾಧಾರೇ ಸರ್ವಜ್ಞಾನಕೃತಾಲಯೇ |
ಕೃತಾಞ್ಜಲಿ ಪುಟೋ ಬ್ರಹ್ಮಾ ಧ್ಯಾನಶೀಲಸ್ಸದಾಶಿವಮ್ || ೨ ||
ಪಪ್ರಚ್ಛ ಪ್ರಣತೋ ಭೂತ್ವಾ ಜಾನುಭ್ಯಾಮವನಿಂ ಗತಃ |
ಸರ್ವಾರ್ಥಸಮ್ಪದಾಧಾರೋ ಬ್ರಹ್ಮಾ ಲೋಕಪಿತಾಮಹಃ || ೩ ||
ಬ್ರಹ್ಮೋವಾಚ –
ಕೇನೋಪಾಯೇನ ದೇವೇಶ ಚಿರಾಯುರ್ಲೋಮಶೋಽಭವತ್ |
ತನ್ಮೇ ಬ್ರೂಹಿ ಮಹೇಶಾನ ಲೋಕಾನಾಂ ಹಿತಕಾಮ್ಯಯಾ || ೪ ||
ಶ್ರೀಸದಾಶಿವ ಉವಾಚ –
ಶೃಣು ಬ್ರಹ್ಮನ್ಪ್ರವಕ್ಷ್ಯಾಮಿ ಚಿರಾಯುರ್ಮುನಿಸತ್ತಮಃ |
ಸಞ್ಜಾತೋ ಕರ್ಮಣಾ ಯೇನ ವ್ಯಾಧಿಮೃತ್ಯುವಿವರ್ಜಿತಃ || ೫ ||
ತಸ್ಮಿನ್ನೇಕಾರ್ಣವೇ ಘೋರೇ ಸಲಿಲೌಘಪರಿಪ್ಲುತೇ |
ಕೃತಾನ್ತಭಯನಾಶಾಯ ಸ್ತುತೋ ಮೃತ್ಯುಞ್ಜಯಃ ಶಿವಃ || ೬ ||
ತಸ್ಯ ಸಙ್ಕೀರ್ತನಾನ್ನಿತ್ಯಂ ಮರ್ತ್ಯೋ ಮೃತ್ಯುವಿವರ್ಜಿತಃ |
ತ್ವಮೇವ ಕೀರ್ತಯನ್ ಬ್ರಹ್ಮನ್ಮೃತ್ಯು ಜೇತುಂ ನ ಸಂಶಯಃ || ೭ ||
ಲೋಮಶ ಉವಾಚ –
ಓಂ ದೇವಾದಿದೇವ ದೇವೇಶ ಸರ್ವಪ್ರಾಣಭೃತಾಂ ವರ |
ಪ್ರಾಣಿನಾಮಪಿ ನಾಥಸ್ತ್ವಂ ಮೃತ್ಯುಞ್ಜಯ ನಮೋಽಸ್ತು ತೇ || ೮ ||
ದೇಹಿನಾಂ ಜೀವಭೂತೋಽಸಿ ಜೀವೋ ಜೀವಸ್ಯ ಕಾರಣಮ್ |
ಜಗತಾಂ ರಕ್ಷಕಸ್ತ್ವಂ ವೈ ಮೃತ್ಯುಞ್ಜಯ ನಮೋಽಸ್ತು ತೇ || ೯ ||
ಹೇಮಾದ್ರಿಶಿಖರಾಕಾರ ಸುಧಾವೀಚಿಮನೋಹರ |
ಪುಣ್ಡರೀಕ ಪರಂಜ್ಯೋತಿರ್ಮುತ್ಯುಞ್ಜಯ ನಮೋಽಸ್ತು ತೇ || ೧೦ ||
ಧ್ಯಾನಾಧಾರ ಮಹಾಜ್ಞಾನ ಸರ್ವಜ್ಞಾನೈಕಕಾರಣ |
ಪರಿತ್ರಾತಾಸಿ ಲೋಕಾನಾಂ ಮೃತ್ಯುಞ್ಜಯ ನಮೋಽಸ್ತು ತೇ || ೧೧ ||
ನಿಹತಾ ಯೇನ ಕಾಲೇನ ಸದೇವಾಸುರಮಾನುಷಾಃ |
ಗನ್ಧರ್ವಾಪ್ಸರಸಶ್ಚೈವ ಸಿದ್ಧವಿದ್ಯಾಧರಾಸ್ತಥಾ || ೧೨ ||
ಸಾಧ್ಯಾಶ್ಚ ವಸವೋ ರುದ್ರಾಸ್ತಥಾಶ್ವಿನಿಸುತಾವುಭೌ |
ಮರುತಶ್ಚ ದಿಶೋ ನಾಗಾಃ ಸ್ಥಾವರಾ ಜಙ್ಗಮಾಸ್ತಥಾ || ೧೩ ||
ಯೇ ಧ್ಯಾಯನ್ತಿ ಪರಾಂ ಮೂರ್ತಿಂ ಪೂಜಯನ್ತ್ಯಮರಾಧಿಪ |
ನ ತೇ ಮೃತ್ಯುವಶಂ ಯಾನ್ತಿ ಮೃತ್ಯುಞ್ಜಯ ನಮೋಽಸ್ತು ತೇ || ೧೪ ||
ತ್ವಮೋಙ್ಕಾರೋಽಸಿ ವೇದಾನಾಂ ದೇವಾನಾಂ ಚ ಸದಾಶಿವಃ |
ಆಧಾರಶಕ್ತಿಶ್ಶಕ್ತೀನಾಂ ಮೃತ್ಯುಞ್ಜಯ ನಮೋಽಸ್ತು ತೇ || ೧೫ ||
ಸ್ಥಾವರೇ ಜಙ್ಗಮೇ ವಾಪಿ ಯಾವತ್ತಿಷ್ಠತಿ ಮೇದಿನೀ |
ಜೀವತ್ವಿತ್ಯಾಹ ಲೋಕೋಽಯಂ ಮೃತ್ಯುಞ್ಜಯ ನಮೋಽಸ್ತು ತೇ || ೧೬ ||
ಸೋಮಸೂರ್ಯಾಗ್ನಿಮಧ್ಯಸ್ಥ ವ್ಯೋಮವ್ಯಾಪಿನ್ ಸದಾಶಿವಃ |
ಕಾಲತ್ರಯ ಮಹಾಕಾಲ ಮೃತ್ಯುಞ್ಜಯ ನಮೋಽಸ್ತು ತೇ || ೧೭ ||
ಪ್ರಬುದ್ಧೇ ಚಾಪ್ರಬುದ್ಧೇ ಚ ತ್ವಮೇವ ಸೃಜಸೇ ಜಗತ್ |
ಸೃಷ್ಟಿರೂಪೇಣ ದೇವೇಶ ಮೃತ್ಯುಞ್ಜಯ ನಮೋಽಸ್ತು ತೇ || ೧೮ ||
ವ್ಯೋಮ್ನಿ ತ್ವಂ ವ್ಯೋಮರೂಪೋಽಸಿ ತೇಜಸ್ಸರ್ವತ್ರ ತೇಜಸಿ |
ಪ್ರಾಣಿನಾಂ ಜ್ಞಾನರೂಪೋಽಸಿ ಮೃತ್ಯುಞ್ಜಯ ನಮೋಽಸ್ತು ತೇ || ೧೯ ||
ಜಗಜ್ಜೀವೋ ಜಗತ್ಪ್ರಾಣಃ ಸ್ರಷ್ಟಾ ತ್ವಂ ಜಗತಃ ಪ್ರಭುಃ |
ಕಾರಣಂ ಸರ್ವತೀರ್ಥಾನಾಂ ಮೃತ್ಯುಞ್ಜಯ ನಮೋಽಸ್ತು ತೇ || ೨೦ ||
ನೇತಾ ತ್ವಮಿನ್ದ್ರಿಯಾಣಾಂ ಚ ಸರ್ವಜ್ಞಾನಪ್ರಬೋಧಕಃ |
ಸಾಂಖ್ಯಯೋಗಶ್ಚ ಹಂಸಶ್ಚ ಮೃತ್ಯುಞ್ಜಯ ನಮೋಽಸ್ತು ತೇ || ೨೧ ||
ರೂಪಾತೀತಸ್ಸುರೂಪಶ್ಚ ಪಿಣ್ಡಸ್ಥಾ ಪದಮೇವ ಚ |
ಚತುರ್ವಿಧಫಲಾಧಾರ ಮೃತ್ಯುಞ್ಜಯ ನಮೋಽಸ್ತು ತೇ || ೨೨ ||
ರೇಚಕೇ ವಹ್ನಿರೂಪೋಽಸಿ ಸೋಮರೂಪೋಽಸಿ ಪೂರಕೇ |
ಕುಂಭಕೇ ಶಿವರೂಪೋಽಸಿ ಮೃತ್ಯುಞ್ಜಯ ನಮೋಽಸ್ತು ತೇ || ೨೩ ||
ಕ್ಷಯಂ ಕರೋತಿ ಪಾಪಾನಾಂ ಪುಣ್ಯಾನಾಮಪಿ ವರ್ಧಸಮ್ |
ಹೇತುಸ್ತ್ವಂ ಶ್ರೇಯಸಾಂ ನಿತ್ಯಂ ಮೃತ್ಯುಞ್ಜಯ ನಮೋಽಸ್ತು ತೇ || ೨೪ ||
ಸರ್ವಮಾಯಾಕಲಾತೀತ ಸರ್ವೇನ್ದ್ರಿಯಪರಾ ವರ |
ಸರ್ವೇನ್ದ್ರಿಯಕಲಾಧೀಶ ಮೃತ್ಯುಞ್ಜಯ ನಮೋಽಸ್ತು ತೇ || ೨೫ ||
ರೂಪಂ ಗನ್ಧೋ ರಸಃ ಸ್ಪರ್ಶಃ ಶಬ್ದಃ ಸಂಸ್ಕಾರ ಏವ ಚ |
ತ್ವತ್ತಃ ಪ್ರಕಾಶ ಏತೇಷಾಂ ಮೃತ್ಯುಞ್ಜಯ ನಮೋಽಸ್ತು ತೇ || ೨೬ ||
ಚತುರ್ವಿಧಾನಾಂ ಸೃಷ್ಟೀನಾಂ ಹೇತುಸ್ತ್ವಂ ಕಾರಣೇಶ್ವರ |
ಭಾವಾಭಾವಪರಿಚ್ಛಿನ್ನ ಮೃತ್ಯುಞ್ಜಯ ನಮೋಽಸ್ತು ತೇ || ೨೭ ||
ತ್ವಮೇಕೋ ನಿಷ್ಕಲೋ ಲೋಕೇ ಸಕಲಂ ಭುವನತ್ರಯಮ್ |
ಅತಿಸೂಕ್ಷ್ಮಾತಿರೂಪಸ್ತ್ವಂ ಮೃತ್ಯುಞ್ಜಯ ನಮೋಽಸ್ತು ತೇ || ೨೮ ||
ತ್ವಂ ಪ್ರಬೋಧಸ್ತ್ವಮಾಧಾರಸ್ತ್ವದ್ಬೀಜಂ ಭುವನತ್ರಯಮ್ |
ಸತ್ವಂ ರಜಸ್ತಮಸ್ತ್ವಂ ಹಿ ಮೃತ್ಯುಞ್ಜಯ ನಮೋಽಸ್ತು ತೇ || ೨೯ ||
ತ್ವಂ ಸೋಮಸ್ತ್ವಂ ದಿನೇಶಶ್ಚ ತ್ವಮಾತ್ಮಾ ಪ್ರಕೃತೇಃ ಪರಃ |
ಅಷ್ಟತ್ರಿಂಶತ್ಕಲಾನಾಥ ಮೃತ್ಯುಞ್ಜಯ ನಮೋಽಸ್ತು ತೇ || ೩೦ ||
ಸರ್ವೇನ್ದ್ರಿಯಾಣಾಮಾಧಾರಃ ಸರ್ವಭೂತಗಣಾಶ್ರಯಃ |
ಸರ್ವಜ್ಞಾನಮಯಸ್ಸತ್ತ್ವಂ ಮೃತ್ಯುಞ್ಜಯ ನಮೋಽಸ್ತು ತೇ || ೩೧ ||
ತ್ವಮಾತ್ಮಾ ಸರ್ವಭೂತಾನಾಂ ಗುಣಾನಾಂ ತ್ವಮಧೀಶ್ವರಃ |
ಸರ್ವಾನನ್ದಮಯಾಧಾರ ಮೃತ್ಯುಞ್ಜಯ ನಮೋಽಸ್ತು ತೇ || ೩೨ ||
ತ್ವಂ ಯಜ್ಞಸ್ಸರ್ವಯಜ್ಞಾನಾಂ ತ್ವಂ ಬುದ್ಧಿರ್ಬೋಧಲಕ್ಷಣಾ |
ಶಬ್ದಬ್ರಹ್ಮ ತ್ವಮೋಙ್ಕಾರೋ ಮೃತ್ಯುಞ್ಜಯ ನಮೋಽಸ್ತು ತೇ || ೩೩ ||
ಶ್ರೀಸದಾಶಿವ ಉವಾಚ –
ಏವಂ ಸಙ್ಕೀರ್ತಯೇದ್ಯಸ್ತು ಶುಚಿಸ್ತದ್ಗತಮಾನಸಃ |
ಭಕ್ತ್ಯಾ ಶೃಣೋತಿ ಯೋ ಬ್ರಹ್ಮನ್ನ ಸ ಮೃತ್ಯುವಶೋ ಭವೇತ್ || ೩೪ ||
ನ ಚ ಮೃತ್ಯುಭಯಂ ತಸ್ಯ ಪ್ರಾಪ್ತಕಾಲಂ ಚ ಲಙ್ಘಯೇತ್ |
ಅಪಮೃತ್ಯುಭಯಂ ತಸ್ಯ ಪ್ರಣಶ್ಯತಿ ನ ಸಂಶಯಃ || ೩೫ ||
ವ್ಯಾಧಯೋ ನೋಪಪದ್ಯನ್ತೇ ನೋಪಸರ್ಗಭಯಂ ಭವೇತ್ |
ಪ್ರತ್ಯಾಸನ್ನಾನ್ತರೇ ಕಾಲೇ ಶತೈಕಾವರ್ತನೇ ಕೃತೇ || ೩೬ ||
ಮೃತ್ಯುರ್ನ ಜಾಯತೇ ತಸ್ಯ ರೋಗಾನ್ಮುಚ್ಯತಿ ನಿಶ್ಚಿತಮ್ |
ಪಞ್ಚಮ್ಯಾಂ ವಾ ದಶಮ್ಯಾಂ ವಾ ಪೌರ್ಣಮಾಸ್ಯಾಮಥಾಪಿ ವಾ || ೩೭ ||
ಶತಮಾವರ್ತಯೇದ್ಯಸ್ತು ಶತವರ್ಷಂ ಸ ಜೀವತಿ |
ತೇಜಸ್ವೀ ಬಲಸಮ್ಪನ್ನೋ ಲಭತೇ ಶ್ರಿಯಮುತ್ತಮಾಮ್ || ೩೮ ||
ತ್ರಿವಿಧಂ ನಾಶಯೇತ್ಪಾಪಂ ಮನೋವಾಕ್ಕಾಯಸಂಭವಮ್ |
ಅಭಿಚಾರಾಣಿ ಕರ್ಮಾಣಿ ಕರ್ಮಾಣ್ಯಾಥರ್ವಣಾನಿ ಚ || ೩೯ ||
ಇದಂ ರಹಸ್ಯಂ ಪರಮಂ ದೇವದೇವಸ್ಯ ಶೂಲಿನಃ |
ದುಃಸ್ವಪ್ನನಾಶನಂ ಪುಣ್ಯಂ ಸರ್ವವಿಘ್ನವಿನಾಶನಮ್ || ೪೦ ||
ಇತಿ ಶ್ರೀನೃಸಿಂಹಪುರಾಣೇ ಶಿವಬ್ರಹ್ಮಸಂವಾದೇ ಶ್ರೀಮೃತ್ಯುಞ್ಜಯಸ್ತೋತ್ರಂ ಸಂಪೂರ್ಣಮ್ |
Also Read:
Sri Mrityunjaya Stotram in Sanskrit | English | Kannada | Telugu | Tamil
