Lord Murugan Ashtakam Lyrics in Malayalam:
ഓം ശ്രീ ഗണേശായ നമഃ
മുരുകഷ്ഷണ്‍മുഖസ്സ്കന്ദഃ സുബ്രഹ്മണ്യശ്ശിവാത്മജഃ ।
വല്ലീസേനാപതിഃ പാതു വിഘ്നരാജാനുജസ്സദാ ॥ 1॥
മുരുക ശ്രീമതാന്നാഥ ഭോഗമോക്ഷപ്രദ പ്രഭോ ।
ദേവദേവ മഹാസേന പാഹി പാഹി സദാ വിഭോ ॥ 2॥
മുരുകം മുക്തിദം ദേവം മുനീനാം മോദകം പ്രഭും ।
മോചകം സര്‍വദുഃഖാനാം മോഹനാശം സദാ നുമഃ ॥ 3॥
മുരുകേണ മുകുന്ദേന മുനീനാം ഹാര്‍ദവാസിനാ ।
വല്ലീശേന മഹേശേന പാലിതാസ്സര്‍വദാ വയം ॥ 4॥
മുരുകായ നമഃ പ്രാതഃ മുരുകായ നമോ നിശി ।
മുരുകായ നമഃ സായം മുരുകായ നമോ നമഃ ॥ 5॥
മുരുകാത്പരമാത്സത്യാദ്ഗാങ്ഗേയാച്ഛിഖിവാഹനാത് ।
ഗുഹാത്പരം ന ജാനേഽഹം തത്വം കിമപി സര്‍വദാ ॥ 6॥
മുരുകസ്യ മഹേശസ്യ വല്ലീസേനാപതേഃ പ്രഭോഃ ।
ചിദംബരവിലാസസ്യ ചരണൌ സര്‍വദാ ഭജേ ॥ 7॥
മുരുകേ ദേവസേനേശേ ശിഖിവാഹേ ദ്വിഷഡ്ഭുജേ ।
കൃത്തികാതനയേ ശംഭൌ സര്‍വദാ രമതാം മനഃ ॥ 8॥
ഇതി മുരുകാഷ്ടകം സമ്പൂര്‍ണം ॥
Sri Muruka Ashtakam Lyrics in Malayalam | മുരുകാഷ്ടകം
