Sri Rama Stotram

Sri Rama Pancharatnam Lyrics in English

Sri Rama Pancharatnam in English:

॥ śrī rāma pañcaratnam ॥
kañjātapatrāyatalōcanāya
karṇāvataṁsōjjvalakuṇḍalāya |
kāruṇyapātrāya suvaṁśajāya
namō:’stu rāmāya salakṣmaṇāya || 1 ||

vidyunnibhāmbhōdasuvigrahāya
vidyādharaiḥ saṁstutasadguṇāya |
vīrāvatārāya virōdhihantrē
namō:’stu rāmāya salakṣmaṇāya || 2 ||

saṁsaktadivyāyudhakārmukāya
samudragarvāpaharāyudhāya |
sugrīvamitrāya surārihantrē
namō:’stu rāmāya salakṣmaṇāya || 3 ||

pītāmbarālaṅkr̥tamadhyakāya
pitāmahēndrāmaravanditāya |
pitrē svabhaktasya janasya mātrē
namō:’stu rāmāya salakṣmaṇāya || 4 ||

namō namastē:’khilapūjitāya
namō namaścandranibhānanāya |
namō namastē raghuvaṁśajāya
namō:’stu rāmāya salakṣmaṇāya || 5 ||

imāni pañcaratnāni trisandhyaṁ yaḥ paṭhēnnaraḥ |
sarvapāpavinirmuktaḥ sa yāti paramāṁ gatim || 6 ||

iti śrīrāmakarṇāmr̥tāntargataṁ śrīrāmapañcaratnam |

Also Read:

Sri Rama Pancharatnam Lyrics in Hindi | English |  Kannada | Telugu | Tamil

Add Comment

Click here to post a comment