Sri Shasti Devi Stotram in English:
॥ śrī ṣaṣṭhī dēvi stōtram ॥
dhyānam |
śrīmanmātaramambikāṁ vidhimanōjātāṁ sadābhīṣṭadāṁ
skandēṣṭāṁ ca jagatprasūṁ vijayadāṁ satputra saubhāgyadāṁ |
sadratnābharaṇānvitāṁ sakaruṇāṁ śubhrāṁ śubhāṁ suprabhāṁ
ṣaṣṭhāṁśāṁ prakr̥tēḥ paraṁ bhagavatīṁ śrī dēvasēnāṁ bhajē ||
ṣaṣṭhāṁśāṁ prakr̥tēḥ śuddhāṁ supratiṣṭāṁ ca suvratāṁ
suputradāṁ ca śubhadāṁ dayārūpāṁ jagatprasūṁ |
śvētacampakavarṇābhāṁ raktabhūṣaṇabhūṣitāṁ
pavitrarūpāṁ paramaṁ dēvasēnā parāṁ bhajē ||
stōtram |
namō dēvyai mahādēvyai siddhyai śāntyai namō namaḥ |
śubhāyai dēvasēnāyai ṣaṣṭhī dēvyai namō namaḥ || 1 ||
varadāyai putradāyai dhanadāyai namō namaḥ |
sukhadāyai mōkṣadāyai ṣaṣṭhī dēvyai namō namaḥ || 2 ||
sr̥ṣṭyai ṣaṣṭhāṁśarūpāyai siddhāyai ca namō namaḥ |
māyāyai siddhayōginyai ṣaṣṭhī dēvyai namō namaḥ || 3 ||
sārāyai śāradāyai ca parādēvyai namō namaḥ |
bālādiṣṭātr̥ dēvyai ca ṣaṣṭhī dēvyai namō namaḥ || 4 ||
kalyāṇadāyai kalyāṇyai phaladāyai ca karmaṇāṁ |
pratyakṣāyai sarvabhaktānāṁ ṣaṣṭhī dēvyai namō namaḥ || 5 ||
pūjyāyai skandakāntāyai sarvēṣāṁ sarvakarmasu |
dēvarakṣaṇakāriṇyai ṣaṣṭhī dēvyai namō namaḥ || 6 ||
śuddhasattvasvarūpāyai vanditāyai nr̥ṇāṁ sadā |
hiṁsākrōdhavarjitāyai ṣaṣṭhī dēvyai namō namaḥ || 7 ||
dhanaṁ dēhi priyāṁ dēhi putraṁ dēhi surēśvari |
mānaṁ dēhi jayaṁ dēhi dviṣō jahi mahēśvari || 8 ||
dharmaṁ dēhi yaśō dēhi ṣaṣṭhī dēvī namō namaḥ |
dēhi bhūmiṁ prajāṁ dēhi vidyāṁ dēhi supūjitē |
kalyāṇaṁ ca jayaṁ dēhi ṣaṣṭhī dēvyai namō namaḥ || 9 ||
phalaśr̥ti |
iti dēvīṁ ca saṁstutya labhētputraṁ priyavrataṁ |
yaśaśvinaṁ ca rājēndraṁ ṣaṣṭhī dēvi prasādata ||
ṣaṣṭhī stōtramidaṁ brahmān yaḥ śr̥ṇōti tu vatsaraṁ |
aputrō labhatē putraṁ varaṁ sucira jīvanam ||
varṣamēkaṁ ca yā bhaktyā saṁstutyēdaṁ śr̥ṇōti ca |
sarvapāpātvinirmuktā mahāvandhyā prasūyatē ||
vīraṁ putraṁ ca guṇinaṁ vidyāvantaṁ yaśasvinaṁ |
sucirāyuṣyavantaṁ ca sūtē dēvi prasādataḥ ||
kāka vandhyā ca yā nārī mr̥tapatyā ca yā bhavēt |
varṣaṁ śr̥tvā labhētputraṁ ṣaṣṭhī dēvī prasādataḥ ||
rōga yuktē ca bālē ca pitāmātā śr̥ṇōti cēt |
māsēna mucyatē rōgān ṣaṣṭhī dēvī prasādataḥ ||
jaya dēvi jaganmātaḥ jagadānandakāriṇi |
prasīda mama kalyāṇi namastē ṣaṣṭhī dēvatē ||
śrī ṣaṣṭhī dēvi stōtram sampūrṇam ||
Also Read:
Sri Shashti Devi Stotram Lyrics in English | Hindi |Kannada | Telugu | Tamil