Shri Shiva Navaratna Stava in Kannada:
॥ ಶ್ರೀ ಶಿವ ನವರತ್ನ ಸ್ತವಃ ॥
ಬೃಹಸ್ಪತಿರುವಾಚ –
ನಮೋ ಹರಾಯ ದೇವಾಯ ಮಹಾಮಾಯಾ ತ್ರಿಶೂಲಿನೇ |
ತಾಪಸಾಯ ಮಹೇಶಾಯ ತತ್ತ್ವಜ್ಞಾನಪ್ರದಾಯಿನೇ || ೧ ||
ನಮೋ ಮೌಂಜಾಯ ಶುದ್ಧಾಯ ನಮಃ ಕಾರುಣ್ಯಮೂರ್ತಯೇ |
ನಮೋ ದೇವಾಧಿದೇವಾಯ ನಮೋ ವೇದಾಂತದಾಯಿನೇ || ೨ ||
ನಮಃ ಪರಾಯ ರುದ್ರಾಯ ಸುಪಾರಾಯ ನಮೋ ನಮಃ |
ವಿಶ್ವಮೂರ್ತೇ ಮಹೇಶಾಯ ವಿಶ್ವಾಧಾರಾಯ ತೇ ನಮಃ || ೩ ||
ನಮೋ ಭಕ್ತ ಭವಚ್ಛೇದ ಕಾರಣಾಯಾಽಮಲಾತ್ಮನೇ |
ಕಾಲಕಾಲಾಯ ಕಾಲಾಯ ಕಾಲಾತೀತಾಯ ತೇ ನಮಃ || ೪ ||
ಜಿತೇಂದ್ರಿಯಾಯ ನಿತ್ಯಾಯ ಜಿತಕ್ರೋಧಾಯ ತೇ ನಮಃ |
ನಮಃ ಪಾಷಂಡಭಂಗಾಯ ನಮಃ ಪಾಪಹರಾಯ ತೇ || ೫ ||
ನಮಃ ಪರ್ವತರಾಜೇಂದ್ರ ಕನ್ಯಕಾಪತಯೇ ನಮಃ |
ಯೋಗಾನಂದಾಯ ಯೋಗಾಯ ಯೋಗಿನಾಂಪತಯೇ ನಮಃ || ೬ ||
ಪ್ರಾಣಾಯಾಮಪರಾಣಾಂ ತು ಪ್ರಾಣರಕ್ಷಾಯ ತೇ ನಮಃ |
ಮೂಲಾಧಾರೇ ಪ್ರವಿಷ್ಟಾಯ ಮೂಲದೀಪಾತ್ಮನೇ ನಮಃ || ೭ ||
ನಾಭಿಕಂ ತೇ ಪ್ರವಿಷ್ಟಾಯ ನಮೋ ಹೃದ್ದೇಶವರ್ತಿನೇ |
ಸಚ್ಚಿದಾನಂದಪೂರ್ಣಾಯ ನಮಸ್ಸಾಕ್ಷಾತ್ಪರಾತ್ಮನೇ || ೮ ||
ನಮಶ್ಶಿವಾಯಾದ್ಭುತವಿಕ್ರಮಾಯ ತೇ
ನಮಶ್ಶಿವಾಯಾದ್ಭುತವಿಗ್ರಹಾಯ ತೇ |
ನಮಶ್ಶಿವಾಯಾಖಿಲನಾಯಕಾಯ ತೇ
ನಮಶ್ಶಿವಾಯಾಮೃತಹೇತವೇ ನಮಃ || ೯ ||
ಸೂತ ಉವಾಚ –
ಯ ಇದಂ ಪಠತೇ ನಿತ್ಯಂ ಸ್ತೋತ್ರಂ ಭಕ್ತ್ಯಾ ಸುಸಂಯುತಃ |
ತಸ್ಯ ಮುಕ್ತಿಃ ಕರಸ್ಥಾ ಸ್ಯಾಚ್ಛಂಕರಪ್ರಿಯಕಾರಣಾತ್ || ೧೦ ||
ವಿದ್ಯಾರ್ಥೀ ಲಭತೇ ವಿದ್ಯಾಂ ವಿವಾಹಾರ್ಥೀ ಗೃಹೀ ಭವೇತ್ |
ವೈರಾಗ್ಯಕಾಮೋ ಲಭತೇ ವೈರಾಗ್ಯಂ ಭವತಾರಕಮ್ || ೧೧ ||
ತಸ್ಮಾದ್ದಿನೇ ದಿನೇ ಯೂಯಮಿದಂ ಸ್ತೋತ್ರಂ ಸಮಾಹಿತಾಃ |
ಪಠಂತು ಭವನಾಶಾರ್ಥಮಿದಂ ವೋ ಭವನಾಶನಮ್ || ೧೨ ||
ಇತಿ ಶ್ರೀಸ್ಕಾಂದೇಮಹಾಪುರಾಣೇ ಸೂತಸಂಹಿತಾಯಾಂ ಬೃಹಸ್ಪತಿಕೃತ ಶಿವನವರತ್ನಸ್ತವಃ |
Also Read:
Sri Shiva Navaratna Stava Lyrics in Sanskrit | English | Kannada | Telugu | Tamil
