Shri Shiva Navaratna Stava in Sanskrit:
॥ श्री शिव नवरत्न स्तवः ॥
बृहस्पतिरुवाच –
नमो हराय देवाय महामाया त्रिशूलिने ।
तापसाय महेशाय तत्त्वज्ञानप्रदायिने ॥ १ ॥
नमो मौञ्जाय शुद्धाय नमः कारुण्यमूर्तये ।
नमो देवाधिदेवाय नमो वेदान्तदायिने ॥ २ ॥
नमः पराय रुद्राय सुपाराय नमो नमः ।
विश्वमूर्ते महेशाय विश्वाधाराय ते नमः ॥ ३ ॥
नमो भक्त भवच्छेद कारणायाऽमलात्मने ।
कालकालाय कालाय कालातीताय ते नमः ॥ ४ ॥
जितेन्द्रियाय नित्याय जितक्रोधाय ते नमः ।
नमः पाषण्डभङ्गाय नमः पापहराय ते ॥ ५ ॥
नमः पर्वतराजेन्द्र कन्यकापतये नमः ।
योगानन्दाय योगाय योगिनाम्पतये नमः ॥ ६ ॥
प्राणायामपराणां तु प्राणरक्षाय ते नमः ।
मूलाधारे प्रविष्टाय मूलदीपात्मने नमः ॥ ७ ॥
नाभिकं ते प्रविष्टाय नमो हृद्देशवर्तिने ।
सच्चिदानन्दपूर्णाय नमस्साक्षात्परात्मने ॥ ८ ॥
नमश्शिवायाद्भुतविक्रमाय ते
नमश्शिवायाद्भुतविग्रहाय ते ।
नमश्शिवायाखिलनायकाय ते
नमश्शिवायामृतहेतवे नमः ॥ ९ ॥
सूत उवाच –
य इदं पठते नित्यं स्तोत्रं भक्त्या सुसम्युतः ।
तस्य मुक्तिः करस्था स्याच्छङ्करप्रियकारणात् ॥ १० ॥
विद्यार्थी लभते विद्यां विवाहार्थी गृही भवेत् ।
वैराग्यकामो लभते वैराग्यं भवतारकम् ॥ ११ ॥
तस्माद्दिने दिने यूयमिदं स्तोत्रं समाहिताः ।
पठन्तु भवनाशार्थमिदं वो भवनाशनम् ॥ १२ ॥
इति श्रीस्कान्देमहापुराणे सूतसंहितायां बृहस्पतिकृत शिवनवरत्नस्तवः ।
Also Read:
Sri Shiva Navaratna Stava Lyrics in Sanskrit | English | Kannada | Telugu | Tamil
