Ashtaka Shiva Stotram

Sri Shivasundaradhyana Ashtakam Lyrics in Telugu

Shri Shiva Sundaradhyana Ashtakam in Telugu:

 ॥ శ్రీశివసున్దరధ్యానాష్టకమ్ ॥ 
వన్దే ఫేననిభం తుషారధవలం వన్దే సుధాస్తోమభం
వన్దే దుగ్ధసమద్యుతిం భపతిభం వన్దే మృణాలప్రభమ్ ।
వన్దే కున్దనగత్విషం రజతభం వన్దే శతాదిత్యభం
వన్దే శ్వేతచయోజ్జ్వలం ప్రభుమణిం వన్దే శివం సున్దరమ్ ॥ ౧ ॥

వన్దే వ్యాలగలం త్రిశూలలసితం వన్దే కలేశాలయం
వన్దే కాలహరం హలాహలగలం వన్దే కపాలప్రియమ్ ।
వన్దే భాలసులోచనం త్రినయనం వన్దే మహాజూటకం
వన్దే భస్మకలేవరం కలిహరం వన్దే శివం సున్దరమ్ ॥ ౨ ॥

వన్దే పర్వతవాసినం శశిధరం వన్దే గణేశప్రియం
వన్దే హైమవతీపతిం సురపతిం వన్దే కుమారాత్మజమ్ ।
వన్దే కృత్తికటిం మనోజ్ఞడమరుం వన్దే చ గఙ్గాధరం
వన్దే యోగవినోదినం ప్రమథినం వన్దే శివం సున్దరమ్ ॥ ౩ ॥

వన్దే పఞ్చముఖం మహానటవరం వన్దే దయాసాగరం
వన్దే విష్ణునతం విరఞ్చివినుతం వన్దే సురారాధితమ్ ।
వన్దే రావణవన్దితం మునిగురుం వన్దే ప్రశాన్తాననం
వన్దేర్ద్ధప్రమదాఙ్గినం వృషభగం వన్దే శివం సున్దరమ్ ॥ ౪ ॥

వన్దే శక్తివిభూషితం రిపుహరం వన్దే పినాకాన్వితం
వన్దే దైత్యహరం పురత్రయహరం వన్దేన్ధకధ్వమ్సకమ్ ।
వన్దే హస్తివిమర్దకం గరభుజం వన్దే శ్మశానభ్రమం
వన్దే దక్షశిరశ్ఛిదం మఖభిదం వన్దే శివం సున్దరమ్ ॥ ౫ ॥

వన్దే మారకమారకం త్రిపురహం వన్దే కృతాన్తాధిపం
వన్దే శత్రుకులాకరాలకులిషం వన్దే త్రితాపాన్తకమ్ ।
వన్దే ఘోరవిషాన్తకం శమకరం వన్దే జగత్తారకం
వన్దే వ్యాధిహరం విపత్క్షయకరం వన్దే శివం సున్దరమ్ ॥ ౬ ॥

వన్దే శ్రీపరమేశ్వరం మృతిహరం వన్దే జగత్కారణం
వన్దే భాస్కరచన్ద్రవహ్నినయనం వన్దే ప్రభుం త్ర్యమ్బకమ్ ।
వన్దే ధీపరివర్ద్ధకం దురితహం వన్దేభిషేకప్రియం
వన్దే జ్ఞానమహోదధిం బుధపతిం వన్దే శివం సున్దరమ్ ॥ ౭ ॥

వన్దే సర్వభయాన్తకం పశుపతిం వన్దే జగద్రక్షకం
వన్దే దుఃఖవినాశకం భవభిదం వన్దే హరం శఙ్కరమ్ ।
వన్దే భక్తగణప్రియం విజయదం వన్దే ప్రజావత్సలం
వన్దే శీఘ్రవరప్రదం శరణదం వన్దే శివం సున్దరమ్ ॥ ౮ ॥

ఇతి వ్రజకిశోరవిరచతం శ్రీశివసున్దరధ్యానాష్టకం సమ్పూర్ణమ్ ।

Also Read:

Shiva Sundara Dhyana in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil