Suta Geetaa in English:
॥ sootageetaa ॥
shreematsootasamhitaayaam । chaturthasya yajnyavaibhavakhand’asyoparibhaage
sootageetaapraarambhah’ ।
prathamo’dhyaayah’ । 1 । sootageetih’ । 1-28
dviteeyo’dhyaayah’ । 2 । aatmanaa sri’sht’ikathanam । 1-80
tri’teeyo’dhyaayah’ । 3 । saamaanyasri’sht’ikathanam । 1-65
chaturtho’dhyaayah’ । 4 । visheshasri’sht’ikathanam । 1-49
panchamo’dhyaayah’ । 5 । aatmasvaroopakathanam । 1-74
shasht’ho’dhyaayah’ । 6 । sarvashaastraarthasangrahavarnanam । 1-37
saptamo’dhyaayah’ । 7 । rahasyavichaarah’ । 1-34
asht’amo’dhyaayah’ । 8 । sarvavedaantasangrahah’ ॥ 1-91
Total chapters 8 versess 458
atha prathamo’dhyaayah’ ।
1 । sootageetih’ ।
aishvaram paramaanandamanantam satyachidghanam ।
aatmatvenaiva pashyantam nistarangasamudravat ॥ 1 ॥
nirvikalpam susampoornam suprasannam shuchismitam ।
bhaasayantam jagadbhaasaa bhaanumantamivaaparam ॥ 2 ॥
pranamya munayah’ sootam dand’avatpri’thiveetale ।
kri’tanjaliput’aa bhootvaa tusht’uvuh’ parayaa mudaa ॥ 3 ॥
namaste bhagavan shambhuprasaadaavaaptavedana ।
namaste bhagavan shambhucharanaambhojavallabha ॥ 4 ॥
namaste shambhubhaktaanaamagraganya samaahita ।
namaste shambhubhaktaanaamateeva hitabodhaka ॥ 5 ॥
namaste vedavedaantapadmakhand’adivaakara ।
vyaasavijnyaanadeepasya vartibhootaaya te namah’ ॥ 6 ॥
puraanamuktaamaalaayaah’ sootrabhootaaya te namah’ ।
asmaakam bhavavri’kshasya kut’haaraaya namo’stu te ॥ 7 ॥
kri’paasaagara sarveshaam hitaprada namo’stu te ।
namo’vijnyaatadoshaaya namo jnyaanagunaaya te ॥ 8 ॥
maatri’bhootaaya martyaanaam vyaasashishyaaya te namah’ ।
dharmisht’haaya namastubhyam brahmanisht’haaya te namah’ ॥ 9 ॥
samaaya sarvajantoonaam saarabhootaaya te namah’ ।
saakshaatsatyaparaanaam tu satyabhootaaya te namah’ ॥ 10 ॥
namo namo namastubhyam punarbhooyo namo namah’ ।
asmaakam gurave saakshaannamah’ svaatmapradaayine ॥ 11 ॥
evam gotrarshayah’ stutvaa sootam sarvahitapradam ।
prashnam prachakrire sarve sarvalokahitaishinah’ ॥ 12 ॥
so’pi sootah’ svatah’ siddhah’ svaroopaanubhavaatparaat ।
utthaaya svagurum vyaasam dadhyau sarvahite ratam ॥ 13 ॥
asminnavasare vyaasah’ saakshaatsatyavateesutah’ ।
bhasmoddhoolitasarvaangastripund’raankitamastakah’ ॥ 14 ॥
kri’shnaajinee sottareeya aashaad’hena viraajitah’ ।
rudraakshamaalaabharanastatraivaavirabhootsvayam ॥ 15 ॥
tam dri’sht’vaa deshikendraanaam deshikam karunaakaram ।
sootah’ satyavateesoonum svashishyaih’ saha sattamaih’ ॥ 16 ॥
pranamya dand’avadbhoomau prasannendriyamaanasah’ ।
yathaarham poojayaamaasa dattvaa chaa”sanamuttamam ॥ 17 ॥
bhadramastu susampoornam soota shishya mamaa”stika ।
tavaishaamapi kim kaaryam mayaa tadbroohi me’nagha ॥ 19 ॥
evam vyaasavachah’ shrutvaa sootah’ pauraanikottamah’ ।
uvaacha madhuram vaakyam lokaanaam hitamuttamam ॥ 20 ॥
soota uvaacha –
ime hi munayah’ shuddhaah’ satyadharmaparaayanaah’ ।
madgeetaashravane chaishaamasti shraddhaa mahattaraa ॥ 21 ॥
bhavatprasaade satyeva shakyate saa vibhaashitum ।
yadi prasanno bhagavan vadetyaajnyaapayaadya maam ॥ 22 ॥
iti sootavachah’ shrutvaa bhagavaan karunaanidhih’ ।
tvadeeyaamadya taam geetaam vadaishaamarthinaam shubhaam ॥ 23 ॥
ityuktvaa shishyamaalingya hri’dayam tasya samspri’shan ।
saambam sarveshvaram dhyaatvaa nireekshyainam kri’paabalaat ॥ 24 ॥
sthaapayitvaa mahaadevam hri’daye tasya susthiram ।
tasya moordhaanamaaghraaya bhagavaanagamadguruh’ ॥ 25 ॥
so’pi sootah’ punah’ saambam dhyaatvaa devam tryambakam ।
pranamya dand’avadbhoomau smri’tvaa vyaasam cha sadgurum ॥ 26 ॥
kri’taanjaliput’o bhootvaa mantramaadyam shad’aksharam ।
yapitvaa shraddhayaa saardham nireekshya munipungavan ॥ 27 ॥
kri’tapranaamo munibhih’ svageetaamatinirmalaam ।
vaktumaarabhate soota sarvalokahite ratah’ ॥ 28 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam sootageetirnaama prathamo’dhyaayah’ ॥ 1 ॥
atha dviteeyo’dhyaayah’ ॥
2 । aatmanaa sri’sht’ikathanam ।
soota uvaacha –
shrunuta brahmavichchhresht’haa bhaagyavantah’ samaahitaah’ ।
vakshyaami paramam guhyam vijnyaanam vedasammatam ॥ 1 ॥
asti kashchitsvata siddhah’ satyajnyaanasukhaadvayah’ ।
vishvasya jagatah’ kartaa pashupaashavilakshanah’ ॥ 2 ॥
aakaashaadeeni bhootaani pancha teshaam prakeertitaah’ ।
gunaah’ shabdaadayah’ pancha pancha karmendriyaani cha ॥ 3 ॥
nyaanendriyaani panchaiva praanaadyaa dasha vaayavah’ ।
mano buddhirahankaarashchittam cheti chatusht’ayam ॥ 4 ॥
teshaam kaaranabhootaikaa’vidyaa shat’trimshakah’ pashuh’ ।
vishvasya jagatah’ kartaa pashoranyah’ parah’ shivah’ ॥ 5 ॥
aatmaanah’ pashavah’ sarve proktaa ajnyaaninah’ sadaa ।
ajnyaanamaatmanaameshaamanaadyeva svabhaavatah’ ॥ 6 ॥
samsaarabeejamajnyaanam samsaaryajnyah’ pumaanyatah’ ।
nyaanaattasya nivri’ttih’ syaatprakaashaattamaso yathaa ॥ 7 ॥
ajnyaanaakaarabhedenaavidyaakhyenaiva kevalam ।
pashoonaamaatmanaam bhedah’ kalpito na svabhaavatah’ ॥ 8 ॥
ajnyaanaakaarabhedena maayaakhyenaiva kevalam ।
vibhaagah’ kalpito vipraah’ paramaatatvalakshanah’ ॥ 9 ॥
ghat’aakaashamahaakaashavibhaagah’ kalpito yathaa ।
tathaiva kalpito bhedo jeevaatmaparamaatmanoh’ ॥ 10 ॥
yathaa jeevabahutvam tu kalpitam munipungavaah’ ।
tathaa parabahutvam cha kalpitam na svabhaavatah’ ॥ 10 ॥
yathochchaavachabhaavastu jeevabhede tu kalpitah’ ।
tathochchaavachabhaavashcha parabhede cha kalpitah’ ॥ 12 ॥
dehendriyaadisanghaatavaasanaabhedabheditaa ।
avidyaa jeevabhedasya heturnaanyah’ prakeertitah’ ॥ 13 ॥
gunaanaam vaasanaabhedabheditaa yaa dvijarshabhaah’ ।
maayaa saa parabhedasya heturnaanyah’ prakeertitah’ ॥ 14 ॥
yasya maayaagatam sattvam shareeram syaattamogunah’ ।
samhaaraaya trimoorteenaam sa rudrah’ syaanna chaaparah’ ॥ 15 ॥
tathaa yasya tamah’ saakshaachchhareeram saattviko gunah’ ।
paalanaaya trimoorteenaam sa vishnuh’ syaanna chaaparah’ ॥ 16 ॥
rajo yasya shareeram syaattadevotpaadanaaya cha ।
trimoorteenaam sa vai brahmaa bhavedvipraa na chaaparah’ ॥ 17 ॥
rudrasya vigraham shuklam kri’shnam vishnoshcha vigraham ।
brahmano vigraham raktam chintayedbhuktimuktaye ॥ 18 ॥
shauklyam sattvagunaajjaatam raago jaato rajogunaat ।
kaarshnyam tamogunaajjaatamiti vidyaatsamaasatah’ ॥ 19 ॥
paratattvaikataabuddhyaa brahmaanam vishnumeeshvaram ।
paratattvatayaa vedaa vadanti smri’tayo’pi cha ॥ 20 ॥
puraanaani samastaani bhaaratapramukhaanyapi ।
paratattvaikataabuddhyaa taatparyam pravadanti cha ॥ 21 ॥
brahmavishnvaadiroopena kevalam munipungavaah’ ।
brahmavishnvaadayastveva na param tattvamaastikaah’ ॥ 22 ॥
tathaa’pi rudrah’ sarveshaamutkri’sht’ah’ parikeertitah’ ।
svashareeratayaa yasmaanmanute sattvamuttamam ॥ 23 ॥
rajasastamasah’ sattvamutkri’sht’am hi dvijottamaah’ ।
sattvaatsukham cha jnyaanam cha yatkinchidaparam param ॥ 24 ॥
paratattvaprakaashastu rudrsyaiva mahattarah’ ।
brahmavishnvaadidevaanaam na tathaa munipungavaah’ ॥ 25 ॥
paratattvatayaa rudrah’ svaatmaanam manute bhri’sham ।
paratattvaprakaashena na tathaa devataantaram ॥ 26 ॥
haribrahmaadiroopena svaatmaanam manute bhri’sham ।
haribrahmaadayo devaa na tathaa rudramaastikaah’ ॥ 27 ॥
rudrah’ kathanchitkaaryaartham manute rudraroopatah’ ।
na tathaa devataah’ sarvaa brahmasphoortyalpataabalaat ॥ 28 ॥
brahmavishnvaadayo devaah’ svaatmaanam manvate’njasaa ।
na kashchittattvaroopena na tathaa rudra aastikaah’ ॥ 29 ॥
brahmavishnvaadayo devaah’ svaatmaanam manvate’njasaa ।
kathanchittattvaroopena na tathaa rudra aastikaah’ ॥ 30 ॥
tattvabuddhih’ svatah’siddhaa rudrasyaasya tapodhanaah’ ।
haribrahmaadibuddhistu teshaam svaabhaavikee mataa ॥ 31 ॥
haribrahmaadidevaanye poojayanti yathaabalam ।
achiraanna parapraaptisteshaamasti kramena hi ॥ 32 ॥
rudram ye vedavichchhresht’haah’ poojayanti yathaabalam ।
teshaamasti parapraaptirachiraanna kramena tu ॥ 33 ॥
rudraakaaratayaa rudro varisht’ho devataantaraat ।
iti nishchayabuddhistu naraanaam muktidaayinee ॥ 34 ॥
gunaabhimaanino rudraaddharibrahmaadidevataah’ ।
varisht’haa iti buddhistu satyam samsaarakaaranam ॥ 35 ॥
paratattvaadapi shresht’ho rudro vishnuh’ pitaamahah’ ।
iti nishchayabuddhistu satyam samsaarakaaranam ॥ 36 ॥
rudro vishnuh’ prajaanaathah’ svaraat’samraat’purandarah’ ।
paratattvamiti jnyaanam naraanaam muktikaaranam ॥ 37 ॥
amaatye raajabuddhistu na doshaaya phalaaya hi ।
tasmaadbrahmamatirmukhyaa sarvatra na hi samshayah’ ॥ 38 ॥
tathaa’pi rudre viprendraah’ paratattvamatirbhri’sham ।
varisht’haa na tathaa’nyeshu parasphoortyalpataabalaat ॥ 39 ॥
asti rudrasya viprendraa antah’ sattvam bahistamah’ ।
vishnorantastamah’ sattvam bahirasti rajogunah’ ॥ 40 ॥
antarbahishcha viprendraa asti tasya prajaapateh’ ।
ato’pekshya gunam sattvam manushyaa vivadanti cha ॥ 41 ॥
harih’ shresht’ho harah’ shresht’ha ityaho mohavaibhavam ।
sattvaabhaavaatprajaanaatham varisht’ham naiva manvate ॥ 42 ॥
anekajanmasiddhaanaam shrautasmaartaanuvartinaam ।
harah’ shresht’ho hareh’ saakshaaditi buddhih’ prajaayate ॥ 43 ॥
mahaapaapavataam nree’naam harih’ shresht’ho haraaditi ।
buddhirvijaayate teshaam sadaa samsaara eva hi ॥ 44 ॥
nirvikalpe pare tattve shraddhaa yeshaam vijaayate ।
ayatnasiddhaa paramaa muktisteshaam na samshayah’ ॥ 45 ॥
nirvikalpam param tattvam naama saakshaachchhivah’ parah’ ।
so’yam saambastrinetrashcha chandraardhakri’tashekharah’ ॥ 46 ॥
svaatmatattvasukhasphoortipramodaattaand’avapriyah’ ।
rudravishnuprajaanaathairupaasyo gunamoortibhih’ ॥ 47 ॥
eedri’shee paramaa moortiryasyaasaadhaaranee sadaa ।
taddhi saakshaatparam tattvam naanyatsatyam mayoditam ॥ 48 ॥
vishnum brahmaanamanyam vaa svamohaanmanvate param ।
na teshaam muktireshaa’sti tataste na param padam ॥ 49 ॥
tasmaadeshaa paraa moortiryasyaasaadhaaranee bhavet ।
sa shivah’ sachchidaanandah’ saakshaattattvam na chaaparah’ ॥ 50 ॥
brahmaa vishnushcha rudrashcha vibhaktaa api pand’itaah’ ।
paramaatmavibhaagasthaa na jeevavyoohasamsthitaah’ ॥ 51 ॥
avidyopaadhiko jeevo na maayopaadhikah’ khalu ।
maayopaadhikachaitanyam paramaatmaa hi naaparam ॥ 52 ॥
maayaakaaryagunachchhannaa brahmavishnumaheshvaraah’ ।
maayopaadhiparavyoohaa na jeevavyoohasamsthitaah’ ॥ 53 ॥
paramaatmavibhaagatvam brahmaadeenaam dvijarshabhaah’ ।
samaanamapi rudrastu varisht’ho naatra samshayah’ ॥ 54 ॥
brahmaa vishnushcha rudrasya svaasaadhaaranaroopatah’ ।
svavibhootyaatmanaa chaapi kurvaate eva sevanam ॥ 55 ॥
rudra svenaiva roopena vishnoshcha brahmanastathaa ।
sevanam naiva kurute vibhootervaa dvayorapi ॥ 56 ॥
kevalam kri’payaa rudro lokaanaam hitakaamyayaa ।
svavibhootyaatmanaa vishnorbrahmanashchaaparasya cha ॥ 57 ॥
karoti sevaam he vipraah’ kadaachitsatyameeritam ।
na tathaa brahmanaa vishnurna brahmaa na purandarah’ ॥ 58 ॥
etaavanmaatramaalambya rudram vishnum prajaapatim ।
manvate hi samam martyaa maayayaa parimohitaah’ ॥ 59 ॥
kechideshaam mahaayaasaatsaamyam vaanchhanti mohitaah’ ।
harerajasya chotkarsham haraadvaanchhanti kechana ॥ 60 ॥
rudrena saamyamanyeshaam vaanchhanti cha vimohitaah’ ।
te mahaapaatakairyuktaa yaasyanti narakaarnavam ॥ 61 ॥
rudraadutkarshamanyeshaam ye vaanchhanti mohitaah’ ।
pachyante narake teevre sadaa te na hi samshayah’ ॥ 62 ॥
kechidadvaitamaashritya baid’aalavratikaa naraah’ ।
saamyam rudrena sarveshaam pravadanti vimohitaah’ ॥ 63 ॥
dehaakaarena chaikatve satyapi dvijapungavaah’ ।
shirasaa paadayoh’ saamyam sarvathaa naasti hi dvijaah’ ॥ 64 ॥
yathaa”syaapaanayoh’ saamyam chhidrato’pi na vidyate ।
tathaikatve’pi sarveshaam rudrasaamyam na vidyate ॥ 65 ॥
vishnuprajaapateendraanaamutkarsham shankaraadapi ।
pravadanteeva vaakyaani shrautaani pratibhaanti cha ॥ 66 ॥
pauraanikaani vaakyaani smaartaani pratibhaanti cha ।
taani tattvaatmanaa teshaamutkarsham pravadanti hi ॥ 67 ॥
vishnuprajaapateendrebhyo rudrasyotkarshamaastikaah’ ।
vadanti yaani vaakyaani taani sarvaani he dvijaah’ ॥ 68 ॥
pravadanti svaroopena tathaa tattvaatmanaa’pi cha ।
naivam vishnvaadidevaanaamiti tattvavyavasthitih’ ॥ 69 ॥
bahunoktena kim jeevaastrimoorteenaam vibhootayah’ ।
varisht’haa hi vibhootibhyaste varisht’haa na samshayah’ ॥ 70 ॥
teshu rudro varisht’hashcha tato maayee parah’ shivah’ ।
maayaavishisht’aatsarvajnyah’ saambah’ satyaadilakshanah’ ॥ 71 ॥
varisht’ho munayah’ saakshaachchhivo naatra vichaaranaa ।
shivaadvarisht’ho naivaasti mayaa satyamudeeritam ॥ 72 ॥
shivasvaroopamaalod’ya pravadaami samaasatah’ ।
shivaadanyatayaa bhaatam shiva eva na samshayah’ ॥ 73 ॥
shivaadanyatayaa bhaatam shivam yo veda vedatah’ ।
sa veda paramam tattvam naasti samshayakaaranam ॥ 74 ॥
yah’ shivah’ sakalam saakshaadveda vedaantavaakyatah’ ।
sa mukto naatra sandehah’ satyameva mayoditam ॥ 75 ॥
bhaasamaanamidam sarvam bhaanameveti veda yah’ ।
sa bhaanaroopam devesham yaati naatra vichaaranaa ॥ 76 ॥
prateetamakhilam shambhum tarkatashcha pramaanatah’ ।
svaanubhootyaa cha yo veda sa eva paramaarthavit ॥ 77 ॥
yagadroopatayaa pashyannapi naiva prapashyati ।
prateetamakhilam brahma sampashyanna hi samshayah’ ॥ 78 ॥
prateetamaprateetam cha sadasachcha parah’ shivah’ ।
iti vedaantavaakyaanaam nisht’haakaasht’haa sudurlabhaa ॥ 79 ॥
iti sakalam kri’payaa mayoditam vah’
shrutivachasa kathitam yathaa tathaiva ।
yadi hri’daye nihitam samastameta-
tparamagatirbhavataamihaiva siddhaa ॥ 80 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam aatmanaa sri’sht’ikathanam naama dviteeyo’dhyaayah’ ॥ 2 ॥
atha tri’teeyo’dhyaayah’ ।
3 । saamaanyasri’sht’ikathanam ।
soota uvaacha –
shivaatsatyaparaanandaprakaashaikasvalakshanaat ।
aavirbhootamidam sarvam chetanaachetanaatmakam ॥ 1 ॥
adviteeyo’vikaaree cha nirmalah’ sa shivah’ parah’ ।
tathaa’pi sri’jati praajnyaah’ sarvametachcharaacharam ॥ 2 ॥
manimanraushadhaadeenaam svabhaavo’pi na shakyate ।
kimu vaktavyamaashcharyam vibhorasya paraatmanah’ ॥ 3 ॥
shrutih’ sanaatanee saadhvee sarvamaanottamottamaa ।
praaha chaadvaitanairmalyam nirvikaaratvamaatmanah’ ॥ 4 ॥
sargasthityantamapyaaha chetanaachetanasya cha ।
ateendriyaarthavijnyaane maanam nah’ shrutireva hi ॥ 5 ॥
shrutyaikagamye sookshmaarthe sa tarkah’ kim karishyati ।
maanaanugraahakastarko na svatantrah’ kadaachana ॥ 6 ॥
shrutih’ sanaatanee shambhorabhivyaktaa na samshayah’ ।
shankarena praneeteti pravadantyapare janaah’ ॥ 7 ॥
yadaa saa’naadibhootaiva tadaa maanamateeva saa ।
svatashcha parato dosho naasti yasmaaddvijarshabhaah’ ॥ 8 ॥
svato dosho na vedasya vidyate sookshmadarshane ।
asti chedvyavahaarasya lopa eva prasajyate ॥ 9 ॥
paratashcha na dosho’sti parasyaabhaavato dvijaah’ ।
svato dusht’o’pi shabdastu maanamevaa”ptasangamaat ॥ 10 ॥
iti vaartaa’pi vaartaiva muneendraah’ sookshmadarshane ।
svato dusht’ah’ katham maanam bhavatyanyasya sangamaat ॥ 11 ॥
yatsambandhena yo bhaavo yasya praajnyaah’ prasiddhyati ।
sa tasya bhraantireva syaanna svabhaavah’ kathanchana ॥ 12 ॥
yapaakusumalauhityam vibhaati sphat’ike bhri’sham ।
tathaa’pi tasya lauhityam bhraantireva na vaastavam ॥ 13 ॥
vahnipaakajalauhityamisht’akaayaam na vaastavam ।
lauhityam taijasaamshastu nesht’akaayaa niroopane ॥ 14 ॥
anyatraanyasya dharmastu prateeto vibhramo matah’ ।
aaptaapekshee tu shabdastu praamaanyaaya na sarvathaa ॥ 15 ॥
anaaptayogaachchhabdasya praamaanyam munipungavaah’ ।
svatah’siddham tirobhootam svanaashaaya hi kevalam ॥ 16 ॥
yadaa saa shankaerenoktaa tadaa’pi shrutiraastikaah’ ।
pramaanam sutaraamaaptatama eva maheshvarah’ ॥ 17 ॥
sarvadoshaviheenasya mahaakaarunikasya cha ।
sarvajnyasyaiva shuddhasya katham doshah’ prakalpyate ॥ 18 ॥
sarvadoshavishisht’asya nirghri’nasya duraatmanah’ ।
alpajnyasya cha jeevasya dri’sht’aa’naaptirhi sattamaah’ ॥ 19 ॥
yasya smaranamaatrena samalo nirmalo bhavet ।
broota satyataponisht’haah’ katham sa malino bhavet ॥ 20 ॥
atah’ pakshadvayenaapi vedo maanam na samshayah’ ।
vedo’naadih’ shivastasya vyanjakah’ paramaarthatah’ ॥ 21 ॥
abhivyaktimapekshyaiva pranetetyuchyate shivah’ ।
tasmaadvedopadisht’aartho yathaartho naatra samshayah’ ॥ 22 ॥
iha taavanmayaa proktamadviteeyah’ parah’ shivah’ ।
tathaa’pi tena sakalam nirmitam tatsa eva hi ॥ 23 ॥
chitsvaroopah’ shivashchetyam jagatsarvam charaacharam ।
tathaa sati viruddham tajjagachchhambhuh’ katham bhavet ॥ 24 ॥
ityevamaadichodyasya dvijendraa naasti sambhavah’ ।
yatra vedavirodhah’ syaattatra chodyasya sambhavah’ ॥ 25 ॥
chodanaalakshane dharme na yathaa chodyasambhavah’ ।
tathaa na chodanaagamye shive chodyasya sambhavah’ ॥ 26 ॥
baadhyabaadhakabhaavastu vyaadhibheshajayoryathaa ।
shaastrena gamyate tadvadayamartho’pi naanyatah’ ॥ 27 ॥
eeshvarasya svaroope cha jagatsargaadishu dvijaah’ ।
ateendriyaartheshvanyeshu maanam nah’ shrutireva hi ॥ 28 ॥
athavaa devadevasya sarvadurghat’akaarinee ।
shaktirasti tayaa sarvam ghat’ate maayayaa’naghaah’ ॥ 29 ॥
prateetisiddhaa saa maayaa tattvato’tra na samshayah’ ।
tayaa durghat’akaarinyaa sarvam tasyopapadyate ॥ 30 ॥
saa tisht’hatu mahaamaayaa sarvadurghat’akaarinee ।
vedamaanena samsiddham sarvam tadgraahyameva hi ॥ 31 ॥
chodyaanarhe tu vedaarthe chodyam kurvan patatyadhah’ ।
atah’ sarvam parityajya vedamekam samaashrayet ॥ 32 ॥
roopaavalokane chakshuryathaa’saadhaaranam bhavet ।
tathaa dharmaadivijnyaane vedo’saadhaaranah’ parah’ ॥ 33 ॥
roopaavalokanasyedam yathaa ghraanam na kaaranam ।
tathaa dharmaadibuddhestu dvijaastarko na kaaranam ॥ 34 ॥
tasmaadvedoditenaiva prakaarena maheshvarah’ ।
adviteeyah’ svayam shuddhastathaa’peedam jagattatah’ ॥ 35 ॥
aavirbhootam tirobhootam sa eva sakalam jagat ।
vaibhavam tasya vijnyaatum na shakyam bhaashitum mayaa ॥ 36 ॥
sa eva saahasee saakshaatsarvaroopatayaa sthitah’ ।
parijnyaatum cha vaktum cha samartho naaparah’ pumaan ॥ 37 ॥
yathaa’yah’ paavakeneddham bhaateeva dahateeva cha ।
tathaa vedah’ shiveneddhah’ sarvam vakteeva bhaasate ॥ 38 ॥
ayo’vayavasankraanto yathaa dahati paavakah’ ।
tathaa vedeshu sankraantah’ shivah’ sarvaarthasaadhakah’ ॥ 39 ॥
tathaa’pi vedarahitah’ svayam dharmaadivastuni ।
na pramaanam vinaa tena vedo’pi dvijapungavaah’ ॥ 40 ॥
tasmaadvedo mahesheddhah’ pramaanam sarvavastuni ।
anyathaa na jad’ah’ shabdo’teendriyaarthasya saadhakah’ ॥ 41 ॥
merupaarshve tapastaptvaa dri’sht’vaa shambhum jagadgurum ।
ayamartho mayaa jnyaatastatastasya prasaadatah’ ॥ 42 ॥
tadaajnyayaiva viprendraah’ samhiteyam mayoditaa ।
aham kshudro’pi yushmaakam mahataamapi deshikah’ ॥ 43 ॥
abhavam saa shivasyaa”jnyaa langhaneeyaa na kenachit ।
shivasyaa”jnyaabalaadvishnurjaayate mriyate’pi cha ॥ 44 ॥
brahmaa sarvajagatkartaa viraat’samraat’svaraad’api ।
kharosht’rataravah’ kshudraa brahmavishnvaadayo’bhavan ॥ 45 ॥
tasmaad gurutvam me vipraa yujyate na hi samshayah’ ।
shishyatvam chaapi yushmaakam svatantrah’ khalu shankarah’ ॥ 46 ॥
mahaadevasya bhaktaashcha tadbhaktaa api dehinah’ ।
svatantraa vedavichchhresht’haah’ kim punah’ sa maheshvarah’ ॥ 47 ॥
svaatantryaaddhi shivenaiva visham bhuktam vinaa’mri’tam ।
brahmanashcha shirashchhinnam vishnorapi tathaiva cha ॥ 48 ॥
svaatantryaaddhi kri’tam tena muneendraa brahmavaadinah’ ।
tatprasaadaanmayaa sarvam viditam karabilvavat ॥ 49 ॥
prasaadabalatah’ saakshaatsatyaarthah’ kathito mayaa ।
prasaadena vinaa vaktum ko vaa shakto muneeshvaraah’ ॥ 50 ॥
tasmaatsarvam parityajya shraddhayaa parayaa saha ।
maduktam paramaadvaitam vidyaadvedoditam budhah’ ॥ 51 ॥
vijnyaanena vinaa’nyena naasti muktirna samshayah’ ।
ato yooyamapi praajnyaa bhavataadvaitavaadinah’ ॥ 52 ॥
paramaadvaitavijnyaanam siddham svaanubhavena cha ।
shrutismri’tipuraanaadyaistarkairvedaanusaaribhih’ ॥ 53 ॥
paramaadvaitavijnyaanameva graahyam yathaasthitam ।
naanyatarkaishcha hantavyamidamaamnaayavaakyajam ॥ 54 ॥
vinaiva paramaadvaitam bhedam kechana mohitaah’ ।
kalpayanti tadaa shambhuh’ sadviteeyo bhavishyati ॥ 55 ॥
aamnaayaartham mahaadvaitam naiva jaananti ye janaah’ ।
vedasiddham mahaadvaitam ko vaa vijnyaatumarhati ॥ 56 ॥
bhinnaabhinnatayaa devam paramaadvaitalakshanam ।
kalpayanti mahaamohaatkechittachcha na sangatam ॥ 57 ॥
bhedaabhede’pi bhedaamsho mithyaa bhavati sattamaah’ ।
bhedaaniroopanaadeva dharmyaaderaniroopanaat ॥ 58 ॥
tasmaannaasteeshvaraadanyatkinchidapyaastikottamaah’ ।
dviteeyaadvai bhayam jantorbhavateetyaaha hi shrutih’ ॥ 59 ॥
ko mohastatra kah’ shoka ekatvamanupashyatah’ ।
iti chaa”ha hi saa saadhvee shrutiradvaitamaastikaah’ ॥ 60 ॥
ekatvameva vaakyaartho naaparah’ paramaastikaah’ ।
stutininde virudhyete bhedo yadi vivakshitah’ ॥ 61 ॥
ateeva shuddhachittaanaam kevalam karunaabalaat ।
paramaadvaitamaamnaayaatprabhaati shraddhayaa saha ॥ 62 ॥
shivabhat’t’aarakasyaiva prasaade pushkale sati ।
paramaadvaitamaabhaati yathaavannaanyahetunaa ॥ 63 ॥
na bhaati paramaadvaitam prasaadarahitasya tu ।
durlabhah’ khalu devasya prasaadah’ paramaastikaah’ ॥ 64 ॥
atashcha vedoditavartmanaiva
vihaaya vaadaantarajanmabuddhim ।
vimuktikaamah’ paramaadviteeyam
samaashrayedeva shivasvaroopam ॥ 65 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam saamaanyasri’sht’ikathanam naama tri’teeyo’dhyaayah’ ॥ 3 ॥
atha chaturtho’dhyaayah’ ।
4 । visheshasri’sht’ikathanam ।
soota uvaacha –
eeshvaro jagatah’ kartaa maayayaa sveeyayaa puraa ।
abhedena sthitah’ poorvakalpavaasanayaanvitah’ ॥ 1 ॥
kaalakarmaanugunyena svaabhinnasveeyamaayayaa ।
abhinno’pi tayaa svasya bhedam kalpayati prabhuh’ ॥ 2 ॥
kalpito’yam dvijaa bhedo naabhedam baadhate sadaa ।
kalpitaanaamavastutvaadavirodhashcha sidhyate ॥ 3 ॥
punah’ poorvakshanotpannavaasanaabalato’naghaah’ ।
eekshitaa poorvavadbhootvaa svashaktyaa parayaa yutah’ ॥ 4 ॥
maayaayaa gunabhedena rudram vishnum pitaamaham ।
sri’sht’vaanupraavishatteshaamantaryaamitayaa harah’ ॥ 5 ॥
teshaam rudrah’ paraabhedaatparatattvavadeva tu ।
karoti sargasthityantam rudraroopena sattamaah’ ॥ 6 ॥
samharatyavisheshena jagatsarvam charaacharam ।
vishnurapyaastikaah’ saakshaatparabhedena kevalam ॥ 7 ॥
karoti sargasthityantam vishnuroopena he dvijaah’ ।
paalayatyavisheshena jagatsarvam charaacharam ॥ 8 ॥
brahmaa’pi munishaardoolaah’ paraabhedena kevalam ।
karoti sargasthityantam brahmaroopena sattamaah’ ।
karoti vividham sarvam jagatpoorvam yathaa tathaa ॥ 9 ॥
shabdaadibhootasri’sht’istuparasyaiva shivasya tu ॥ 10 ॥
sarvaantah’karanaanaam tu samasht’eh’ sri’sht’iraastikaah’ ।
trimoorteenaam harasyaiva praadhaanyena na samshayah’ ॥ 11 ॥
praanaanaamapi sarveshaam samasht’eh’ sri’sht’iraastikaah’ ।
api rudrasya tasyaiva praadhaanyena na samshayah’ ॥ 12 ॥
sarvajnyaanendriyaanaam tu samasht’eenaam janirdvijaah’ ।
trimoorteenaam harasyaiva praadhaanyena na samshayah’ ॥ 13 ॥
sarvakarmendriyaanaam tu samasht’eenaam janirdvijaah’ ।
trimoorteenaam harasyaiva praadhaanyena na samshayah’ ॥ 14 ॥
tathaa’pi paramam tattvam trimoorteenaam tu kaaranam ।
brahmavishnumaheshaanaam sri’sht’aavupakaroti cha ॥ 15 ॥
upachaaratayaa te’pi srasht’aara iti shabditaah’ ।
tatraapi tattvatah’ srasht’ri’ brahmaivaadvayamaastikaah’ ॥ 16 ॥
vyasht’ayastu samasht’ibhyo jaayante brahmanaanaghaah’ ।
samasht’ishu vijaayante devataah’ poorvakalpavat ॥ 17 ॥
samasht’ivyasht’iroopaanaam sri’sht’aanaam paalako harih’ ।
rudrasteshaam tu samhartaa dvijaa roopaantarena cha ॥ 18 ॥
yaa devataa’ntah’karanasamasht’au poorvakalpavat ।
vijaataa sa munishresht’haa rukmagarbha iteeritah’ ॥ 19 ॥
yaataa praanasamasht’au yaa sa sootraatmasamaahvayah’ ।
digvaayvarkajalaadhyakshapri’thivyaakhyaastu devataah’ ।
yaayante kramashah’ shrotrapramukheshu samasht’ishu ॥ 20 ॥
paadapaanyaadishu praajnyaah’ karmendriya samasht’ishu ।
trivikramendrapramukhaa jaayante devataah’ kramaat ॥ 21 ॥
samasht’ishu vijaataa yaa devataastaa yathaakramam ।
vyasht’ibhootendriyaanaam tu niyantryo devataa dvijaah’ ॥ 22 ॥
maarutastvagadhisht’haataa digdevee karnadevataa ॥ 23 ॥
netraabhimaanee sooryah’ syaajjihvaayaa varunastathaa ।
ghraanaabhimaaninee devee pri’thiveeti prakeertitaa ॥ 24 ॥
paayormitro’bhimaanyaatmaa paadasyaapi trivikramah’ ।
indro hastaniyantaa syaachchhivah’ sarvaniyaamakah’ ॥ 25 ॥
mano buddhirahankaarashchittam cheti chaturvidham ।
syaadantah’karanam praajnyaah’ kramaatteshaam hi devataah’ ॥ 26 ॥
chandro vaachaspatirvipraah’ saakshaatkaalaagnirudrakah’ ।
shivashcheti mayaa proktaah’ saakshaavedaantapaaragaah’ ॥ 27 ॥
aakaashaadeeni bhootaani sthoolaani punaraastikaah’ ।
yaayante sookshmabhootebhyah’ poorvakalpe yathaa tathaa ॥ 28 ॥
and’abhedastathaa lokabhedaasteshu cha chetanaah’ ।
achetanaani chaanyaani bhautikaani cha poorvavat ॥ 29 ॥
vijaayante cha bhogaartham chetanaanaam shareerinaam ।
bhoktaarah’ pashavah’ sarve shivo bhojayitaa parah’ ॥ 30 ॥
sukhaduh’khaadisamsaaro bhogah’ sarvamidam suraah’ ।
svapnavaddevadevasya maayayaiva vinirmitam ॥ 31 ॥
maayayaa nirmitam sarvam maayaiva hi niroopane ।
kaaranavyatirekena kaaryam neti hi darshitam ॥ 32 ॥
maayaa’pi kaaranatvena kalpitaa munipungavaah’ ।
adhisht’haanaatirekena naasti tattvaniroopane ॥ 33 ॥
vyavahaaradri’shaa maayaakalpanaa naiva vastutah’ ।
vastutah’ paramaadvaitam brahmaivaasti na chetarat ॥ 34 ॥
maayaaroopatayaa saakshaadbrahmaiva pratibhaasate ।
yagajjeevaadiroopenaapyaho devasya vaibhavam ॥ 35 ॥
svasvaroopaatirekena brahmano naasti kinchana ।
tathaa’pi svaatirekena bhaati haa daivavaibhavam ॥ 36 ॥
yagadaatmatayaa pashyanbadhyate na vimuchyate ॥ 37 ॥
sarvametatparam brahma pashyansvaanubhavena tu ।
muchyate ghorasamsaaraatsadya eva na samshayah’ ॥ 38 ॥
sarvametatparam brahma viditvaa sudri’d’ham budhaah’ ।
maanatarkaanubhootyaiva gurooktyaa cha prasaadatah’ ।
nyaanapraakat’yabaahulyaajjnyaanam cha svaatmanaiva tu ॥ 39 ॥
svaatmanaa kevalenaiva tisht’hanmuchyeta bandhanaat ।
ya evam veda vedaartham muchyate sa tu bandhanaat ॥ 40 ॥
sopaanakramatashchaivam pashyannaatmaanamadvayam ।
sarvam jagadidam vipraah’ pashyannapi na pashyati ॥ 41 ॥
bhaasamaanamidam sarvam bhaanaroopam param padam ।
pashyanvedaantamaanena sadya eva vimuchyate ॥ 42 ॥
evamaatmaanamadvaitamapashyanneva pashyatah’ ।
yagadaatmatayaa bhaanamapi svaatmaiva kevalam ॥ 43 ॥
viditvaivam mahaayogee jagadbhaane’pi nishchalah’ ।
yathaabhaatamidam sarvamanujaanaati chaa”tmanaa ॥ 44 ॥
nishedhati cha tatsiddhiranujnyaatasya kevalam ।
tadasiddhirnishedho’sya siddhyasiddhee cha tasya na ॥ 45 ॥
prakaashaatmatayaa saakshaatsthitirevaasya kevalam ।
vidyate naiva vijnyaanam naajnyaanam na jagatsadaa ॥ 46 ॥
prakaashaatmatayaa saakshaatsthitiratyapi bhaashanam ।
aham vadaami mohena tachcha tasminna vidyate ॥ 47 ॥
tasya nisht’haa mayaa vaktum vijnyaatum cha na shakyate ।
shraddhaamaatrena yatkinchijjapyate bhraantachetasaa ॥ 48 ॥
iti guhyamidam kathitam mayaa
nikhilopanishaddhri’dayangamam ।
harapankajalochanapaalitam
vidiatam yadi vedavideva sah’ ॥ 49 ॥
॥ iti shreesootasamhitaayaam yajnyavaibhavakhand’asyoparibhaabhaage
sootageetaayaam visheshasri’sht’ikathanamnaama chaturtho’dhyaayah’ ॥ 4 ॥
atha panchamo’dhyaayah’ ।
5 । aatmasvaroopakathanam ।
soota uvaacha –
vakshyaami paramam guhyam yushmaakam munipungavaah’ ।
vijnyaanam vedasambhootam bhaktaanaamuttamottamam ॥ 1 ॥
rudra vishnuprajaanaathapramukhaah’ sarvachetanaah’ ।
svarasenaahamityaahuridamityapi cha svatah’ ॥ 2 ॥
idambuddhishcha baahyaarthe tvahambuddhistathaa”tmani ।
prasiddhaa sarvajantoonaam vivaado’tra na kashchana ॥ 3 ॥
idamarthe ghat’aadyarthe’naatmatvam sarvadehinaam ।
ahamarthe tathaa”tmatvamapi siddham svabhaavatah’ ॥ 4 ॥
evam samastajantoonaamanubhootirvyavasthitaa ।
bhraantaa api na kurvanti vivaadam chaatra sattamaah’ ॥ 5 ॥
evam vyavasthite hyarthe sati buddhimataam varaah’ ।
samsaaravishavri’kshasya moolachchhedanakaankshibhih’ ॥ 6 ॥
yatra yatredamityeshaa buddhirdri’sht’aa svabhaavatah’ ।
tatra tatra tvanaatmatvam vijnyaatavyam vichakshanaih’ ॥ 7 ॥
yatra yatraahamityeshaa buddhirdri’sht’aa svabhaavatah’ ।
tatra tatra tathaatmatvam vijnyaatavyam maneeshibhih’ ॥ 8 ॥
shareere dri’shyate sarvairidambuddhistathaiva cha ।
ahambuddhishcha viprendraastataste bhinnagochare ॥ 9 ॥
shareeraalambanaa buddhiridamityaastikottamaah’ ।
chidaatmalambanaa saakshaadahambuddhirna samshayah’ ॥ 10 ॥
idamarthe shareere tu yaa’hamityuditaa matih’ ।
saa mahaabhraantireva syaadatasmimstadgrahatvatah’ ॥ 11 ॥
achidroopamahambuddheeh’ pind’am naa’lambanam bhavet ।
mri’tpind’aadishvadri’sht’atvaattato’naatmaiva vigrahah’ ॥ 12 ॥
achittvaadindriyaanaam cha praanasya manasastathaa ।
aalambanatvam naastyeva buddheshchaahammatim prati ॥ 13 ॥
buddherachittvam sangraahyam dri’sht’atvaajjanmanaashayoh’ ।
achidroopasya kud’yaadeh’ khalu janmaavanaashanam ॥ 14 ॥
ahankaarasya chaachittvaachchittasya cha tathaiva cha ।
aalambanatvam naastyeva sadaa’hampratyayam prati ॥ 15 ॥
sarvapratyayaroopena sadaa’hankaara eva hi ।
nivartate’tohankaarastvanaatmaiva shareeravat ॥ 16 ॥
parinaamasvabhaavasya ksheeraaderdvijapungavaah’ ।
achetanatvam loke’sminprasiddham khalu santatam ॥ 17 ॥
tasmaachchidroopa evaa”tmaa’hambuddherartha aastikaah’ ।
achidroopamidambuddheranaatmaivaartah eerutah’ ॥ 18 ॥
satyapi pratyayaarthatve pratyagaatmaa svayamprabhah’ ।
vri’ttyadheenatayaa naiva vibhaati ghat’akud’yavat ॥ 19 ॥
svachchhavri’ttimanupraapya vri’tteh’ saakshitayaa sthitah’ ।
vri’ttyaa nivartyamajnyaanam grasate tena tejasaa ॥ 20 ॥
anupravisht’achaitanyasambandhaat vri’ttiraastikaah’ ।
yad’aroopam ghat’aadyartham bhaasayatyaatmaroopavat ॥ 21 ॥
ato’hampratyayaarthe’pi naanaatmaa syaadghat’aadivat ।
svayamprakaasharoopena saakshaadaatmaiva kevalam ॥ 22 ॥
yatsambandhaadahamvri’ttih’ pratyayatvena bhaasate ।
sa katham pratyayaadheenaprakaashah’ syaatsvayamprabhah’ ॥ 23 ॥
ahamvri’ttih’ svatah’siddhachaitanyedbhaa’vabhaasate ।
tatsambandhaadahankaarah’ pratyayeeva prakaashate ॥ 24 ॥
aatmaa’hampratyayaakaarasambandhabhraantimaatratah’ ।
kartaa bhoktaa sukhee duh’khee jnyaateti pratibhaasate ॥ 25 ॥
vastutastasya naastyeva chinmaatraadaparam vapuh’ ।
chidroopameva svaajnyaanaadanyathaa pratibhaasate ॥ 26 ॥
sarvadeheshvahamroopah’ pratyayo yah’ prakaashate ।
tasya chidroopa evaa”tmaa saakshaadartho na chaaparah’ ॥ 27 ॥
gauriti pratyayasyaartho yathaa gotvam tu kevalam ।
tathaa’hampratyayasyaarthashchidroopaatmaiva kevalam ॥ 28 ॥
vyaktisambandharoopena gotvam bhinnam prateeyate ।
chidahankaarasambandhaadbhedena pratibhaati cha ॥ 29 ॥
yathaivaiko’pi goshabdo bhinnaartho vyaktibhedatah’ ।
tathaivaiko’pyahamshabdo bhinnaartho vyaktibhedatah’ ॥ 30 ॥
yathaa prateetyaa govyaktirgoshabdaartho na tattvatah’ ।
tattvato gotvamevaarthah’ saakshaadvedavidaam varaah’ ॥ 31 ॥
tathaa prateetyaa’hankaaro’hamshabdaartho na tattvatah’ ।
tattvatah’ pratyagaatmaiva sa evaakhilasaadhakah’ ॥ 32 ॥
ekatve’pi pri’thaktvena vyapadesho’pi yujyate ।
antah’karanabhedena saakshinah’ pratyagaatmanah’ ॥ 33 ॥
rudravishnuprajaanaathapramukhaah’ sarvachetanaah’ ।
chinmaatraatmanyahamshabdam prayunjante hi tattvatah’ ॥ 34 ॥
sushupto’smeeti sarvo’yam sushuptaadutthito janah’ ।
sushuptikaaleenasvaatmanyahamshabdam dvijottamaah’ ॥ 35 ॥
prayunkte tatra dehaadivisheshaakaarabhaasanam ।
na hi kevalachaitanyam sushupteh’ saadhakam svatah’ ॥ 36 ॥
pratibhaati tatastasmimshchinmaatre pratyagaatmani ।
ahamshabdapravri’ttih’ syaanna tu sopaadhikaatmani ॥ 37 ॥
yathaa’yo dahateetyukte vahnirdahati kevalam ।
naayastadvadahamshabdashchaitanyasyaiva vaachakah’ ॥ 38 ॥
prateetyaa vahnisambandhaadyathaa’yo daahakam tathaa ।
chitsambandhaadahankaaro’hamshabdaarthah’ prakeertitah’ ॥ 39 ॥
chaitanyeddhaahama sparshaaddehaadau bhraantachetasaam ।
ahamshabdaprayogah’ syaattathaa’hampratyayo’pi cha ॥ 40 ॥
ittham vivekatah’ saakshyam dehaadipraanapoorvakam ।
antah’karanamaatmaanam vibhajya svaatmanah’ pri’thak ॥ 41 ॥
sarvasaakshinamaatmaanam svayanjyotih’svalakshanam ।
satyamaanandamadvaitamahamartham vichintayet ॥ 42 ॥
rudravishnuprajaanaathapramukhaah’ sarvachetanaah’ ।
ahameva param brahmetyaahuraatmaanameva hi ॥ 43 ॥
te tu chinmaatramadvaitamahamarthatayaa bhri’sham ।
angeekri’tyaahamadvaitam brahmetyaahurna dehatah’ ॥ 44 ॥
chinmaatram sarvagam satyam sampoornasukhamadvayam ।
saakshaadbrahmaiva naivaanyaditi tattvavidaam sthitih’ ॥ 45 ॥
shaastram satyachidaanandamanantam vastu kevalam ।
shuddham brahmeti sashraddham praaha vedavidaam varaah’ ॥ 46 ॥
pratyagaatmaa’yamadvandvah’ saakshee sarvasya sarvadaa ।
satyajnyaanasukhaanantalakshanah’ sarvadaa’naghaah’ ॥ 47 ॥
ato’yam pratyagaatmaiva svaanubhootyekagocharah’ ।
shaastrasiddham param brahma naaparam paramaarthatah’ ॥ 48 ॥
evam tarkapramaanaabhyaamaachaaryoktyaa cha maanavah’ ।
avijnyaaya shivaatmaikyam samsaare patati bhramaat ॥ 49 ॥
shaastraachaaryopadeshena tarkaih’ shaastraanusaaribhih’ ।
sarvasaakshitayaa”tmaanam samyang nishchitya susthirah’ ॥ 50 ॥
svaatmano’nyatayaa bhaatam samastamavisheshatah’ ।
svaatmamaatratayaa buddhvaa punah’ svaatmaanamadvayam ॥ 51 ॥
shuddham brahmeti nishchitya svayam svaanubhavena cha ।
nishchayam cha svachinmaatre vilaapyaavikriye’dvaye ॥ 52 ॥
vilaapanam cha chidroopam buddhvaa kevalaroopatah’ ।
svayam tisht’hedayam saakshaadbrahmavitpravaro munih’ ॥ 53 ॥
eedri’shee paramaa nisht’haa shrautee svaanubhavaatmikaa ।
deshikaalokanenaiva kevalena hi sidhyati ॥ 54 ॥
deshikaalokanam chaapi prasaadaatpaarameshvaraat ।
sidhyatyayatnatah’ praajnyaah’ satyameva mayoditam ॥ 55 ॥
satyam satyam punah’ satyamuddhri’tya bhujamuchyate ।
prasaadaadeva sarveshaam sarvasiddhirmaheshituh’ ॥ 56 ॥
prasaade shaambhave siddhe sarvam shambhutayaa svatah’ ।
vibhaati naanyathaa vipraah’ satyameva mayoditam ॥ 57 ॥
yadaa shambhutayaa sarvam vibhaati svata eva tu ।
tadaa hi shaambhavah’ saakshaatprasaadah’ satyameeritam ॥ 58 ॥
shivaadanyatayaa kinchidapi bhaati yadaa dvijaah’ ।
tadaa na shaankaro bodhah’ sanjaata iti me matih’ ॥ 59 ॥
shivaadanyatayaa sarvam prateetamapi pand’itah’ ।
tattvadri’sht’yaa shivam sarvam susthiram paripashyati ॥ 60 ॥
shivaakaarena vaa nityam prapanchaakaarato’pi vaa ।
yeevaakaarena vaa bhaatam yattadbrahma vichintayet ॥ 61 ॥
shambhureva sadaa bhaati sarvaakaarena naaparah’ ।
iti vijnyaanasampannah’ shaankarajnyaaninaam varah’ ॥ 62 ॥
shambhuroopatayaa sarvam yasya bhaati svabhaavatah’ ।
na tasya vaidikam kinchittaantrikam chaasti laukikam ॥ 63 ॥
yathaabhaatasvaroopena shivam sarvam vichintayan ।
yogee charati lokaanaamupakaaraaya naanyathaa ॥ 64 ॥
svasvaroopaatirekena nishiddham vihitam tu vaa ।
na pashyati mahaayogee bhaati svaatmatayaa’khilam ॥ 65 ॥
chand’aalagehe vipraanaam gri’he vaa paramaarthavit ।
bhakshyabhojyaadivaishamyam na kinchidapi pashyati ॥ 66 ॥
yathesht’am vartate yogee shivam sarvam vichintayan ।
taadri’sho hi mahaayogee ko vaa tasya nivaarakah’ ॥ 67 ॥
bahunoktena kim saakshaaddeshikasya nireekshanaat ।
prasaadaadeva rudrasya parashaktestathaiva cha ॥ 68 ॥
shrutibhaktibalaatpunyaparipaakabalaadapi ।
shivaroopatayaa sarvam svabhaavaadeva pashyati ॥ 69 ॥
shivah’ sarvamiti jnyaanam shaankaram shokamohanut ।
ayameva hi vedaartho naaparah’ satyameeritam ॥ 70 ॥
shrutau bhaktirgurau bhaktih’ shive bhaktishcha dehinaam ।
saadhanam satyavidyaayaah’ satyameva mayoditam ॥ 71 ॥
sopaanakramato labdham vijnyaanam yasya susthiram ।
tasya muktih’ paraa siddhaa satyameva mayoditam ॥ 72 ॥
nityamuktasya samsaaro bhraantisiddhah’ sadaa khalu ।
tasmaajjnyaanena naashah’ syaatsamsaarasya na karmanaa ॥ 73 ॥
nyaanalaabhaaya vedoktaprakaarena samaahitah’ ।
mahaakaarunikam saakshaadgurumeva samaashrayet ॥ 74 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam aatmasvaroopakathanam naama panchamo’dhyaayah’ ॥ 5 ॥
atha shasht’ho’dhyaayah’ ।
6 । sarvashaastraarthasangrahavarnanam ।
soota uvaacha –
vakshyaami paramam guhyam sarvashaastraarthasangraham ।
yam viditvaa dvijaa martyo na punarjaayate bhuvi ॥ 1 ॥
saakshaatparataram tattvam sachchidaanandalakshanam ।
sarveshaam nah’ sadaa saakshaadaatmabhootamapi svatah’ ॥ 2 ॥
durdarshameva sookshmatvaaddevaanaam mahataamapi ।
rudrah’ svaatmatayaa bhaatam tatsadaa paripashyati ॥ 3 ॥
vishnuh’ kadaachittattvam kathanchitparipashyati ।
tathaa kathanchidbrahmaa’pi kadaachitparipashyati ॥ 4 ॥
trimoorteenaam tu yajjnyaanam brahmaikavishayam param ।
tasyaapi saadhakam tattvam saakshitvaannaiva gocharam ॥ 5 ॥
prasaadaadeva tasyaiva paratattvasya kevalam ।
devaadayo’pi pashyanti tatraapi brahma saadhakam ॥ 6 ॥
atah’ prasaadasiddhyartham parayaa shraddhayaa saha ।
dhyeyameva param tattvam hri’dayaambhojamadhyagam ॥ 7 ॥
trimoorteenaam tu rudro’pi shivam paramakaaranam ।
sadaa moortyaatmanaa preetyaa dhyaayati dvijapungavaah’ ॥ 8 ॥
trimoorteenaam tu vishnushcha shivam paramakaaranam ।
sadaa moortyaatmanaa preetyaa dhyaayati dvijapungavaah’ ॥ 9 ॥
trimoorteenaam virincho’pi shivam paramakaaranam ।
sadaa moortyaatmanaa preetyaa dhyaayati dvijapungavaah’ ॥ 10 ॥
brahmavishnumaheshaanaam trimoorteenaam vichakshanaah’ ।
vibhootiroopaa devaashcha dhyaayanti preetisamyutaah’ ॥ 11 ॥
ghri’takaat’hinyavanmoortih’ sachchidaanandalakshanaa ।
shivaadbhedena naivaasti shiva eva hi saa sadaa ॥ 12 ॥
brahmavishnumaheshaadyaah’ shivadhyaanaparaa api ।
paramaatmavibhaagasthaa na jeevavyoohasamsthitaah’ ॥ 13 ॥
brahmavishnumaheshaanaamaavirbhaavaa api dvijaah’ ।
paramaatmavibhaagasthaa na jeevavyoohasamsthitaah’ ॥ 14 ॥
paratattva param brahma jeevaatmaparamaatmanoh’ ।
aupaadhikena bhedena dvidhaabhootamiva sthitam ॥ 15 ॥
punyapaapaavri’taa jeevaa raagadveshamalaavri’taah’ ।
yanmanaashaabhibhootaashcha sadaa samsaarino’vashaah’ ॥ 16 ॥
brahmavishnumaheshaanaam tathaa teshaam dvijarshabhaah’ ।
aavirbhaavavisheshaanaam punyapaapaadayo na hi ॥ 17 ॥
aajnyayaa paratattvasya jeevaanaam hitakaamyayaa ।
aavirbhaavatirobhaavau teshaam kevalamaastikaah’ ॥ 18 ॥
haribrahmaharaasteshaamaavirbhaavaashcha suvrataah’ ।
sadaa samsaaribhirjeevairupaasyaa bhuktimuktaye ॥ 19 ॥
upaasyatve samaane’pi harah’ shresht’ho harerajaat ।
na samo na viheenashcha naasti sandehakaaranam ॥ 20 ॥
viheenam vaa samam vaa’pi harinaa brahmanaa haram ।
ye pashyanti sadaa te tu pachyante narakaanale ॥ 21 ॥
haribrahmaadidevebhyah’ shresht’ham pashyanti ye haram ।
te mahaaghorasamsaaraanmuchyante naatra samshayah’ ॥ 22 ॥
praadhaanyena param tattvam moortidvaarena yogibhih’ ।
dhyeyam mumukshibhirnityam hri’dayaambhojamadhyame ॥ 23 ॥
kaaryabhootaa haribrahmapramukhaah’ sarvadevataah’ ।
apradhaanatayaa dhyeyaa na pradhaanatayaa sadaa ॥ 24 ॥
sarvaishvaryena sampannah’ sarveshah’ sarvakaaranam ।
shambhureva sadaa saambo na vishnurna prajaapatih’ ॥ 25 ॥
tasmaattatkaaranam dhyeyam praadhaanyena mumukshubhih’ ।
na kaaryakot’inikshiptaa brahmavishnumaheshvaraah’ ॥ 26 ॥
shivankaratvam sarveshaam devaanaam vedavittamaah’ ।
svavibhootimapekshyaiva na parabrahmavatsadaa ॥ 27 ॥
shivankaratvam sampoornam shivasyaiva paraatmanah’ ।
saambamoortidharasyaasya jagatah’ kaaranasya hi ॥ 28 ॥
ato’pi sa shivo dhyeyah’ praadhaanyena shivankarah’ ।
sarvamanyatparityajya daivatam parameshvaraat ॥ 29 ॥
saakshaatparashivasyaiva sheshatvenaambikaapateh’ ।
devataah’ sakalaa dhyeyaa na praadhaanyena sarvadaa ॥ 30 ॥
shikhaa’pyaatharvanee saadhvee sarvavedottamottamaa ।
asminnarthe samaaptaa saa shrutayashchaaparaa api ॥ 31 ॥
yathaa saakshaatparam brahma pratisht’haa sakalasya cha ।
tathaivaatharvano vedah’ pratisht’haivaakhilashruteh’ ॥ 32 ॥
kandastaarastathaa binduh’ shaktistaaro mahaadrumah’ ।
skandhashaakhaa akaaraadyaa varnaa yadvattathaiva tu ॥ 33 ॥
taaraskandah’ shruterjaatih’ shaktiraatharvano drumah’ ।
skandhashaakhaastrayo vedaah’ parnaah’ smri’tipuraanakaah’ ॥ 34 ॥
angaani shaakhaavaranam tarkaastasyaivarakshakaah’ ।
pushpam shivaparijnyaanam phalam muktih’ paraa mataa ॥ 35 ॥
bahunoktena kim vipraah’ shivo dhyeyah’ shivankarah’ ।
sarvamanyatparityajya daivatam bhuktimuktaye ॥ 36 ॥
sarvamuktam samaasena saaraatsaarataram budhaah’ ।
shivadhyaanam sadaa yooyam kurudhvam yatnatah’ sadaa ॥ 37 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam sarvashaastraarthasangraho naama shasht’ho’dhyaayah’ ॥ 6 ॥
atha saptamo’dhyaayah’ ।
7 । rahasyavichaarah’ ।
soota uvaacha –
rahasyam sampravakshyaami samaasena na vistaraat ।
shrunuta shraddhayaa vipraah’ sarvasiddhyarthamuttamam ॥ 1 ॥
devataah’ sarvadeheshu sthitaah’ satyatapodhanaah’ ।
sarveshaam kaaranam saakshaatparatattvamapi sthitam ॥ 2 ॥
panchabhootaatmake dehe sthoole shaat’kaushike sadaa ।
pri’thivyaadikramenaiva vartante pancha devataah’ ॥ 3 ॥
kaaryam brahmaa maheebhaage kaaryam vishnurjalaamshake ।
kaaryam rudro’gnibhaage cha vaayvamshe cheshvarah’ parah’ ।
aakaashaamshe shareerasya sthitah’ saakshaatsadaashivah’ ॥ 4 ॥
shareerasya bahirbhaage viraad’aatmaa sthitah’ sadaa ॥ 5 ॥
antarbhaage svaraad’aatmaa samraad’dehasya madhyame ।
nyaanendriyasamaakhyeshu shrotraadishu yathaakramaat ॥ 6 ॥
digvaayvarkajalaadhyakshabhoomisanjnyaashcha devataah’ ।
karmendriyasamaakhyeshu paadapaanyaadishu kramaat ॥ 7 ॥
trivikramendravahnyaakhyaa devataashcha prajaapatih’ ।
mitrasanjnyashcha vartante praane sootraatmasanjnyitah’ ॥ 8 ॥
hiranyagarbho bhagavaanantah’karanasanjnyite ।
tadavasthaaprabhedeshu chandramaa manasi sthitah’ ॥ 9 ॥
buddhau bri’haspatirvipraah’ sthitah’ kaalaagnirudrakah’ ।
ahankaare shivashchitte romasu kshudradevataah’ ॥ 10 ॥
bhootapretaadayah’ sarve dehasyaasthishu samsthitaah’ ।
pishaachaa raakshasaah’ sarve sthitaah’ snaayushu sarvashah’ ॥ 11 ॥
majjaakhye pitri’gandharvaastvangmaamsarudhireshu cha ।
vartante tatra samsiddhaa devataah’ sakalaa dvijaah’ ॥ 12 ॥
trimoorteenaam tu yo brahmaa tasya ghoraa tanurdvijaah’ ।
dakshinaakshini jantoonaamantarbhaage ravirbahih’ ॥ 13 ॥
trimoorteenaam tu yo brahmaa tasya shaantaa tanurdvijaah’ ।
vartate vaamanetraantarbhaage baahye nishaakarah’ ॥ 14 ॥
trimoorteenaam tu yo vishnuh’ sa kant’he vartate sadaa ।
antah’ shaantatanurghoraa tanurbaahye dvijarshabhaah’ ॥ 15 ॥
trimoorteenaam tu yo rudro hri’daye vartate sadaa ।
antah’ shaantatanurghoraa tanurbaahye dvijarshabhaah’ ॥ 16 ॥
sarveshaam kaaranam yattadbrahma satyaadilakshanam ।
brahmarandhre mahaasthaane vartate satatam dvijaah’ ॥ 17 ॥
chichchhaktih’ paramaa dehamadhyame supratisht’hitaa ।
maayaashaktirlalaat’aagrabhaage vyomaambujaadadhah’ ॥ 18 ॥
naadaroopaa paraa shaktirlalaat’asya tu madhyame ।
bhaage bindumayee shaktirlalaat’asyaaparaamshake ॥ 19 ॥
bindumadhye tu jeevaatmaa sookshmaroopena vartate ।
hri’daye sthoolaroopena madhyamena tu madhyame ॥ 20 ॥
devee sarasvatee saakshaadbrahmapatnee sanaatanee ।
yihvaagre vartate nityam sarvavidyaapradaayinee ॥ 21 ॥
vishnupatnee mahaalakshmeervartate’naahate sadaa ।
rudrapatnee tu rudrena paarvatee saha vartate ॥ 22 ॥
sarvatra vartate saakshaachchhivah’ saambah’ sanaatanah’ ।
satyaadilakshanah’ shuddhah’ sarvadevanamaskri’tah’ ॥ 23 ॥
samyagjnyaanavataam dehe devataah’ sakalaa amooh’ ।
pratyagaatmatayaa bhaanti devataaroopato’pi cha ॥ 24 ॥
veda maargaikanisht’haanaam vishuddhaanaam tu vigrahe ।
devataaroopato bhaanti dvijaa na pratyagaatmanaa ॥ 25 ॥
taantrikaanaam shareere tu devataah’ sakalaa amooh’ ।
vartante na prakaashante dvijendraah’ shuddhyabhaavatah’ ॥ 26 ॥
yathaajaatajanaanaam tu shareere sarvadevataah’ ।
tirobhootatayaa nityam vartante munisattamaah’ ॥ 27 ॥
atashcha bhogamokshaarthee shareeram devataamayam ।
svakeeyam parakeeyam cha poojayettu visheshatah’ ॥ 28 ॥
naavamaanam sadaa kuryaanmohato vaa’pi maanavah’ ।
yadi kuryaatpramaadena patatyeva bhavodadhau ॥ 29 ॥
durvri’ttamapi moorkham cha poojayeddevataatmanaa ।
devataaroopatah’ pashyanmuchyate bhavabandhanaat ॥ 30 ॥
mohenaapi sadaa naiva kuryaadapriyabhaashanam ।
yadi kuryaatpramaadena hanti tam devataa paraa ॥ 31 ॥
na kshatam vigrahe kuryaadastrashastranakhaadibhih’ ।
tathaa na lohitam kuryaadyadi kuryaatpatatyadhah’ ॥ 32 ॥
svadehe paradehe vaa na kuryaadankanam narah’ ।
yadi kuryaachcha chakraadyaih’ patatyeva na samshayah’ ॥ 33 ॥
rahasyam sarvashaastraanaam mayaa proktam samaasatah’ ।
shareeram devataaroopam bhajadhvam yooyamaastikah’ ॥ 34 ॥
॥ iti shreesootasamhitaayaam yajnyavaibhavakhand’asyoparibhaage
sootageetaayaam rahasyavichaaro naama saptamo’dhyaayah’ ॥ 7 ॥
atha asht’amo’dhyaayah’ ।
8 । sarvavedaantasangrahah’ ।
soota uvaacha –
atha vakshye samaasena sarvavedaantasangraham ।
yam viditvaa narah’ saakshaannirvaanamadhigachchhati ॥ 1 ॥
paraatparataram tattvam shivah’ satyaadilakshanah’ ।
tasyaasaadhaaranee moortirambikaasahitaa sadaa ॥ 2 ॥
svasvaroopamahaanandapramodaattaand’avapriyaa ।
shivaadinaamaanyevaasya naamaani munipungavaah’ ॥ 3 ॥
brahmaa vishnushcha rudrashcha paratattvavibhootayah’ ।
trimoorteenaam tu rudrastu varisht’ho brahmano hareh’ ॥ 4 ॥
samsaarakaaranam maayaa saa sadaa sadvilakshanaa ।
prateetyaiva tu sadbhaavastasyaa naiva pramaanatah’ ॥ 5 ॥
saa’pi brahmaatirekena vastuto naiva vidyate ।
tattvajnyaanena maayaayaa baadho naanyena karmanaa ॥ 6 ॥
nyaanam vedaantavaakyottham brahmaatmaikatvagocharam ।
tachcha devaprasaadena guroh’ saakshaannireekshanaat ।
yaayate shaktipaatena vaakyaadevaadhikaarinaam ॥ 7 ॥
nyaanechchhaakaaranam daanam yajnyaashcha vividhaa api ।
tapaamsi sarvavedaanaam vedaantaanaam tathaiva cha ॥ 8 ॥
puraanaanaam samastaanaam smri’teenaam bhaaratasya cha ।
vedaangaanaam cha sarveshaamapi vedaarthapaaragaah’ ॥ 9 ॥
adhyaapanam chaadhyayanam vedaarthe tvaramaanataa ।
upekshaa vedabaahyaarthe laukikeshvakhileshvapi ॥ 10 ॥
shaantidaantyaadayo dharmaa jnyaanasyaangaani suvrataah’ ॥ 11 ॥
nyaanaangeshu samasteshu bhaktyaa linge shivaarchanam ।
pratisht’haa devadevasya shivasthaananireekshanam ॥ 12 ॥
shivabhaktasya poojaa cha shivabhaktistathaiva cha ।
rudraakshadhaaranam bhaktyaa karne kant’he tathaa kare ॥ 13 ॥
agnirityaadibhirmantrairbhasmanaivaavagunt’hanam ।
tripund’radhaaranam chaapi lalaat’aadisthaleshu cha ॥ 14 ॥
vedavedaantanisht’hasya mahaakaarunikasya cha ।
guroh’ shushrooshanam nityam varisht’ham parikeertitam ॥ 15 ॥
chinmantrasya padaakhyasya hamsaakhyasya manorjapah’ ।
shad’aksharasya taarasya varisht’hah’ parikeertitah’ ॥ 16 ॥
avimukhyasamaakhyam cha sthaanam vyaaghrapuraabhidham ।
shreemaddakshinakailaasasamaakhyam cha sushobhanam ॥ 17 ॥
maargaantaroditaachaaraatsmaarto dharmah’ sushobhanah’ ।
smaartaachchhrautah’ paro dharmah’ shrautaachchhresht’ho na vidyate ॥ 18 ॥
ateendriyaarthe dharmaadau shive paramakaarane ।
shrutireva sadaa maanam smri’tistadanusaarinee ॥ 19 ॥
aastikyam sarvadharmasya kandabhootam prakeertitam ।
pratishiddhakriyaatyaagah’ kandasyaapi cha kaaranam ॥ 20 ॥
shivah’ sarvamiti jnyaanam sarvajnyaanottamottamam ।
tattulyam tatparam chaapi na kinchidapi vidyate ॥ 21 ॥
vaktavyam sakalam proktam mayaa’tishraddhayaa saha ।
atah’ param tu vaktavyam na pashyaami muneeshvaraah’ ॥ 22 ॥
ityuktvaa bhagavaansooto muneenaam bhaavitaatmanaam ।
saambam sarveshvaram dhyaatvaa bhaktyaa paravasho’bhavat ॥ 23 ॥
atha parashivabhaktyaa sachchidaanandapoornam
parashivamanubhooya tvaatmaroopena sootah’ ।
muniganamavalokya praaha saakshaadghri’naabdhi-
rjanapadahitaroopam veditavyam tu kinchit ॥ 24 ॥
shrutipathagalitaanaam maanushaanaam tu tantram
gurugururakhileshah’ sarvavitpraaha shambhuh’ ।
shrutipathanirataanaam tatra naivaasti kinchi-
ddhitakaramiha sarvam pushkalam satyamuktam ॥ 25 ॥
shrutirapi manujaanaam varnadharmam babhaashe
paragururakhileshah’ praaha tantreshu tadvat ।
shrutipathagalitaanaam varnadharmam ghri’naabdhih’
shrutipathanirataanaam naiva tatsevaneeyam ॥ 26 ॥
shrutipathanirataanaamaashramaa yadvaduktaah’
paragururakhileshastadvadaahaa”shramaamshcha ।
shrutipathagalitaanaam maanushaanaam tu tantram
harirapi munimukhyaah’ praaha tantre svakeeye ॥ 27 ॥
vidhirapi manujaanaamaaha varnaashramaamshcha
shrutipathagalitaanaameva tantre svakeeye ।
shrutipathanirataanaam te na samsevaneeyaah’ ।
shrutipathasamamaargau naiva satyam mayotam ॥ 28 ॥
haraharividhipoojaa keertitaa sarvatantra
shrutipathanirataanam yadvaduktaatu poojaa ।
shrutipathagalitaanaamyadvaduktaa tu poojaa ।
shrutipathagalitaanaameva tantroktapoojaa
shrutipathanirataanaam sarvavedoditaiva ॥ 29 ॥
shrutipathagalitaanaam sarvatantreshu lingam
kathitamakhiladuh’khadhvamsadhvamsakam tatra tatra ।
shrutipathanirataanaam tatsadaa naiva dhaaryam
shrutirapimanujaanaamaaha lingam vishuddham ॥ 30 ॥
shivaagamoktaashramanisht’hamaanava-
stripund’ralingam tu sadaiva dhaarayet ।
taduktatantrena lalaat’amadhyame
mahaadarenaiva sitena bhasmanaa ॥ 31 ॥
vishnvaagamoktaashramanisht’hamaanava-
stathaiva pund’raantaramoordhvaroopakam ।
trishoolaroopam chaturashrameva vaa
mri’daa lalaat’e tu sadaiva dhaarayet ॥ 32 ॥
brahmaagamoktaashramanisht’hamaanavo
lalaat’amadhye’pi cha vartulaakri’tim ।
taduktamantrena sitena bhasmanaa
mri’daa’thavaa chandanastu dhaarayet ॥ 33 ॥
ashvatthapatrasadri’sham harichandanena
madhyelalaat’amatishobhanamaadarena ।
buddhaagame munivaraa yadi samskri’tashche-
nmri’dvaarinaa satatameva tu dhaarayechcha ॥ 34 ॥
oordhvapund’ratrayam nityam dhaarayedbhasmanaa mri’daa ।
lalaat’e hri’daye baahvoshchandanenaathavaa narah’ ॥ 35 ॥
sitena bhasmanaa tiryaktripund’rasya cha dhaaranam ।
sarvaagameshu nisht’haanaam tattanmantrena shobhanam ॥ 36 ॥
shivaagameshu nisht’haanaam dhaaryam tiryaktripund’rakam ।
ekameva sadaa bhootyaa naiva pund’raantaram budhaah’ ॥ 37 ॥
vedamaargaikanisht’haanaam vedoktenaiva vartmanaa ।
lalaat’e bhasmanaa tiryaktripund’ram dhaaryameva hi ॥ 38 ॥
lalaat’e bhasmanaa tiryaktripund’rasya tu dhaaranam ।
vinaa pund’raantaram mohaaddhaarayanpatati dvijah’ ॥ 39 ॥
vishnvaagamaaditantreshu deekshitaanaam vidheeyate ।
shankhachakragadaapoorvairankanam naanyadehinaam ॥ 40 ॥
deekshitaanaam tu tantreshu naraanaamankana dvijaah’ ।
upakaarakamevoktam kramena munipungavaah’ ॥ 41 ॥
pund’raantarasya tantreshu dhaaranam deekshitasya tu ।
upakaarakamevoktam kramena munipungavaah’ ॥ 42 ॥
vedamaargaikanisht’hastu mohenaapyankito yadi ।
patatyeva na sandehastathaa pund’raantaraadapi ॥ 43 ॥
naankanam vigrahe kuryaadvedapanthaanamaashritah’ ।
pund’raantaram bhramaadvaapi lalaat’e na dhaarayet ॥ 44 ॥
tantroktena prakaarena devataa yaa pratisht’hitaa ।
saa’pi vandyaa susevyaa cha poojaneeyaa cha vaidikaih’ ॥ 45 ॥
shuddhameva hi sarvatra devataaroopamaastikaah’ ।
tattattantroktapoojaa tu tantranisht’hasya kevalam ॥ 46 ॥
tantreshu deekshito martyo vaidikam na spri’shetsadaa ।
vaidikashchaapi tantreshu deekshitam na spri’shetsadaa ॥ 47 ॥
raajaa tu vaidikaansarvaamstaantrikaanakhilaanapi ।
asankeernatayaa nityam sthaapayenmatimattamaah’ ॥ 48 ॥
annapaanaadibhirvastraih’ sarvaan raajaa’bhirakshayet ।
vaidikaamstu visheshena jnyaaninam tu visheshatah’ ॥ 49 ॥
mahaadevasamo devo yathaa naasti shrutau smri’tau ।
tathaa vaidikatulyastu naasti tantraavalambishu ॥ 50 ॥
shivajnyaanasamam jnyaanam yathaa naasti shrutau smri’tau ।
tathaa vaidikatulyastu naasti tantraavalambishu ॥ 51 ॥
yathaa vaaraanasee tulyaa puree naasti shrutau smri’tau ।
tathaa vaidikatulyastu naasti tantraavalambishu ॥ 52 ॥
shad’aksharosamo mantro yathaa naasti shrutau smri’tau ।
tathaa vaidikatulyastu naasti tantraavalambishu ॥ 53 ॥
yathaa bhaageeratheetulyaa nadee naasti shrutau smri’tau ।
tathaa vaidikatulyastu naasti tantraavalambishu ॥ 54 ॥
odanena samam bhojyam yathaa loke na vidyate ।
tathaa vaidikatulyastu naasti tantraavalambishu ॥ 55 ॥
devadevo mahaadevo yathaa sarvaih’ prapoojyate ।
tathaiva vaidiko martyah’ poojyah’ sarvajanairapi ॥ 56 ॥
aadityena viheenam tu jagadandham yathaa bhavet ।
tathaa vaidikaheenam tu jagadandham na samshayah’ ॥ 57 ॥
praanendriyaadiheenam tu shareeram kunapam yathaa ।
tathaa vaidikaheenam tu jagadvyartham na samshayah’ ॥ 58 ॥
aho vaidikamaahaatmyam mayaa vaktum na shakyate ।
veda eva tu maahaatmyam vaidikasyaabraveenmudaa ॥ 59 ॥
smri’tayashcha puraanaani bhaarataadeeni suvrataah’ ।
vaidikasya tu maahaatmyam pravadanti sadaa mudaa ॥ 60 ॥
vedoktam taantrikaah’ sarve sveekurvanti dvijarshabhaah’ ।
nopajeevanti tantroktam veda saakshaatsanaatanah’ ॥ 61 ॥
ityuktvaa bhagavaansootah’ svagurum vyaasasanjnyitam ।
smri’tvaa bhaktyaa vasho bhootvaa papaata bhuvi dand’avat ॥ 62 ॥
asminnavasare shreemaanmunih’ satyavateesutah’ ।
shishyasmri’tyankushaakri’sht’astatraivaa”virabhootsvayam ॥ 63 ॥
tam dri’sht’vaa munayah’ sarve santoshaadgadgadasvaraah’ ।
nishchesht’aa nitaraam bhoomau pranamya karunaanidhim ॥ 64 ॥
stotraih’ stutvaa mahaatmaanam vyaasam satyavateesutam ।
poojayaamaasuratyartham vanyapushpaphalaadibhih’ ॥ 65 ॥
bhagavaanapi sarvajnyah’ karunaasaagarah’ prabhuh’ ।
uvaacha madhuram vaakyam muneenaalokya suvrataan ॥ 66 ॥
vyaasa uvaacha –
shivamastu muneendraanaam naashivam tu kadaachana ।
aho bhaagyamaho bhaagyam mayaa vaktum na shakyate ॥ 67 ॥
shrooyataam munayah’ sarve bhaagyavantah’ samaahitaah’ ।
prasaadaadeva rudrasya prabhoh’ kaarunikasya cha ॥ 68 ॥
puraanaanaam samastaanaamaham kartaa puraa’bhavam ।
matprasaadaadayam sootastvabhavadrudravallabhah’ ॥ 69 ॥
rudrasyaa”jnyaabalaadeva prabhoh’ kaarunikasya cha ।
puraanasamhitakartaa deshikashchaabhavadbhri’sham ॥ 70 ॥
puraa kri’tena punyena bhavanto’peeshvaraajnyayaa ।
sootaadasmaachchhruterartham shrutavanto yathaatatham ॥ 71 ॥
kri’taarthaashcha prasaadashcha raudrah’ kim na karishyati ।
aajnyayaa kevalam shambhoraham vedaarthavedane ॥ 72 ॥
sampoornah’ sarvavedaantavaakyaanaamarthanishchaye ।
samarthashcha niyuktashcha sootraarambhakri’te’pi cha ॥ 73 ॥
aajnyayaa devadevasya bhavataamapi yoginaam ।
nyaane gurugurushchaahamabhavam munipungavaah’ ॥ 74 ॥
bhavanto’pi shivajnyaane vedasiddhe visheshatah’ ।
bhaktyaa paramayaa yuktaa nisht’haa bhavata sarvadaa ॥ 75 ॥
ityuktvaa bhagavaan vyaasah’ svashishyam sootamuttamam ।
utthaapyaa”lingya devesham smri’tvaa natvaa’gamadguruh’ ॥ 76 ॥
punashcha sootah’ sarvajnyah’ svashishyaanavalokya cha ।
praaha gambheerayaa vaachaa bhavataam shivamastviti ॥ 77 ॥
mayoktaa paramaa geetaa pat’hitaa yena tasya tu ।
aayuraarogyamaishvaryam vijnyaanam cha bhavishyati ॥ 78 ॥
shivaprasaadah’ sulabho bhavishyati na samshayah’ ।
gurutvam cha manushyaanaam bhavishyati na samshayah’ ॥ 79 ॥
vidyaaroopaa yaa shivaa vedavedyaa
satyaanandaanantasamvitsvaroopaa ।
tasyaa vaachah’ sarvalokaika maatu-
rbhaktyaa nityam chambikaayaah’ prasaadaat ॥ 80 ॥
guruprasaadaadapi suvrataa mayaa
shivaprasaadaadapi chottamottamaat ।
vinaayakasyaapi mahaaprasaadaat
shad’aananasyaapi mahaaprasaadaat ॥ 81 ॥
yajnyavaibhavasamaahvayah’ kri’tah’
sarvavedamathanena sattamaah’ ।
atra muktirapi shobhanaa paraa
susthitaiva na hi tatra samshayah’ ॥ 82 ॥
yajnyavaibhavasamaahvayam param
khand’amatra vimalam pat’hennarah’ ।
satyabodhasukhalakshanam
satyameva jhat’iti prayaati hi ॥ 83 ॥
maduktasamhitaa paraa samastaduh’khahaarinee
narasya muktidaayinee shivaprasaadakaarinee ।
samastavedasaaratah’ sunirmitaa’tishobhanaa
mahattaraanubhootimadbhiraadri’taa na chaaparaih’ ॥ 84 ॥
maduktasamhitaa tu yaa tayaa viruddhamasti che-
danarthakam hi tadbudhaa vachah’ prayojanaaya na ।
shrutipramaanaroopinee susamhitaa mayoditaa
shrutipramaanameva saa mahaajanasya santatam ॥ 85 ॥
maduktasamhitaamimaamatipriyena maanavah’
pat’hanna yaati samsri’tim prayaati shankaram param ।
atashcha shobhanaamimaamaharnisham samaahitah’
shrutipramaanavatpat’hedatandritah’ svamuktaye ॥ 86 ॥
puraanasamhitaamimaamatipriyena yah’ pumaan
shrunoti samsri’tim punarna yaati yaati shankaram ।
paraanubhootiradvayaa vijaayate cha tasya saa
shivaa cha vaachi nri’tyati priyena shankaro’pi cha ॥ 87 ॥
satyapoornasukhabodhalakshanam
tattvamarthavibhavam sanaatanam ।
satsvaroopamashubhaapaham shivam
bhaktigamyamamalam sadaa numah’ ॥ 88 ॥
yaa’nubhootiramalaa sadoditaa
vedamaananirataa shubhaavahaa ।
taamateeva sukhadaamaham shivaam
keshavaadijanasevitaam numah’ ॥ 89 ॥
vedapadmanikarasya bhaaskaram
devadevasadri’sham ghri’naanidhim ।
vyaasamisht’aphaladam gurum numah’
shokamohavisharogabheshajam ॥ 90 ॥
ye vedavedaantadhanaa mahaajanaah’
shivaabhimaanaikanirastakilbishaah’ ।
namaami vaachaa shirasaa hri’daa cha taan
bhavaahivegasya nivaarakaanaham ॥ 91 ॥
॥ iti shreeskaandapuraane sootasamhitaayaam chaturthasya
yajnyavaibhavakhand’asyoparibhaage sootageetaayaam
sarvavedaantasangraho naamaasht’amo’dhyaayah’ ॥ 8 ॥
sootageetaa samaaptaa ।
om tatsat
Also Read:
Suta Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
