Templesinindiainfo

Best Spiritual Website

Tulajashtakam Lyrics in Bengali | তুলজাষ্টকম্

তুলজাষ্টকম্ Lyrics in Bengali:

দুগ্ধেন্দু কুন্দোজ্জ্বলসুন্দরাঙ্গীং
মুক্তাফলাহারবিভূষিতাঙ্গীম্ ।
শুভ্রাম্বরাং স্তনভরালসাঙ্গীং
বন্দেঽহমাদ্যাং তুলজাভবানীম্ ॥ ১॥

বালার্কভাসামতিচারুহাসাং
মাণিক্যমুক্তাফলহারকণ্ঠীম্ ।
রক্তাম্বরাং রক্তবিশালনেত্রীং
বন্দেঽহমাদ্যাং তুলজাভবানীম্ ॥ ২॥

শ্যামাঙ্গবর্ণাং মৃগশাবনেত্রাং
কৌশেয়বস্ত্রাং কুসুমেষু পূজ্যাম্ ॥
কস্তূরিকাচন্দনচর্চিতাঙ্গীং
বন্দেঽহমাদ্যাং তুলজাভবানীম্ ॥ ৩॥

পীতাম্বরাং চম্পককান্তিগৌরীং
অলঙ্কৃতামুত্তমমণ্ডনৈশ্চ ।
নাশায় ভূতাং ভুবি দানবানাং
বন্দেঽহমাদ্যাং তুলজাভবানীম্ ॥ ৪॥

চন্দ্রার্কতাটঙ্কধরাং ত্রিনেত্রাং
শূলং দধানামতিকালরূপাম্ ।
বিপক্ষনাশায় ধৃতায়ুধাং তাং
বন্দেঽহমাদ্যাং তুলজাভবানীম্ ॥ ৫॥

ব্রহ্মেন্দ্র নারায়ণরুদ্রপূজ্যাং
দেবাঙ্গনাভিঃ পরিগীয়মানাম্ ।
স্তুতাং বচোভির্মুনিনারদাদ্যৈঃ
বন্দেঽহমাদ্যাং তুলজাভবানীম্ ॥ ৬॥

অষ্টাঙ্গয়োগে সনকাদিভিশ্চ
ধ্যাতাং মুনীন্দ্রৈশ্চ সমাধিগম্যাম্ ।
ভক্তস্য নিত্যং ভুবি কামধেনুং
বন্দেঽহমাদ্যাং তুলজাভবানীম্ ॥ ৭॥

সিংহাসনস্থাং পরিবীজ্যমানাং
দেবৈঃ সমস্তৈশ্চ সুচামরৈশ্চ ।
ছত্রং দধানামতিশুভ্রবর্ণাং
বন্দেঽহমাদ্যাং তুলজাভবানীম্ ॥ ৮॥

পূর্ণঃ কটাক্ষোঽখিললোকমাতু-
র্গিরীন্দ্রকন্যাং ভজতাং সুধন্যাম্ ।
দারিদ্র্যকং নৈব কদা জনানাং
চিন্তা কুতঃ স্যাদ্ভবসাগরস্য ॥ ৯॥

তুলজাষ্টকমিদং স্তোত্রং ত্রিকালং য়ঃ পঠেন্নরঃ ।
আয়ুঃ কীর্তির্যশো লক্ষ্মী ধনপুত্রানবাপ্নুয়াত্ ॥ ১০॥

॥ ইতি শ্রীমচ্ছঙ্করাচার্য বিরচিতং তুলজাষ্টকম্ সম্পূর্ণম্ ॥

Tulajashtakam Lyrics in Bengali | তুলজাষ্টকম্

Leave a Reply

Your email address will not be published. Required fields are marked *

Scroll to top