Shivastotram upamanyukrita in Gujarati:
॥ ઉપમન્યુકૃતશિવસ્તોત્રમ્ ॥
શ્રીગણેશાય નમઃ ।
જય શઙ્કર પાર્વતીપતે મૃડ શમ્ભો શશિખણ્ડમણ્દન ।
મદનાન્તક ભક્તવત્સલ પ્રિયકૈલાસ દયાસુધામ્બુધે ॥ ૧ ॥
સદુપાયકથાસ્વપણ્ડિતો હૃદયે દુઃખશરેણ ખણ્ડિતઃ ।
શશિખણ્ડશિખણ્ડમણ્ડનં શરણં યામિ શરણ્યમીશ્વરમ્ ॥ ૨ ॥
મહતઃ પરિતઃ પ્રસર્પતસ્તમસો દર્શનભેદિનો ભિદે ।
દિનનાથ ઇવ સ્વતેજસા હૃદયવ્યોમ્નિ મનાગુદેહિ નઃ ॥ ૩ ॥
ન વયં તવ ચર્મચક્ષુષા પદવીમપ્યુપવીક્ષિતું ક્ષમાઃ ।
કૃપયાઽભયદેન ચક્ષુષા સકલેનેશ વિલોકયાશુ નઃ ॥ ૪ ॥
ત્વદનુસ્મૃતિરેવ પાવની સ્તુતિયુક્તા ન હિ વક્તુમીશ સા ।
મધુરં હિ પયઃ સ્વભાવતો નનુ કિદૃક્સિતશર્કરાન્વિતમ્ ॥ ૫ ॥
સવિષોઽપ્યમૃતાયતે ભવાઞ્છવમુણ્ડાભરણોઽપિ પાવનઃ ।
ભવ એવ ભવાન્તકઃ સતાં સમદૃષ્ટિર્વિષમેક્ષણોઽપિ સન્ ॥ ૬ ॥
અપિ શૂલધરો સતાં નિરામયો દૃઢવૈરાગ્યરતોઽપિ રાગવાન્ ।
અપિ ભૈક્ષ્યચરો મહેશ્વરશ્ચરિતં ચિત્રમિદં હિ તે પ્રભો ॥ ૭ ॥
વિતરત્યભિવાઞ્છિતં દૃશા પરિદૃષ્ટઃ કિલ કલ્પપાદપઃ ।
હૃદયે સ્મૃત એવ ધીમતે નમતેઽભીષ્ટફલપ્રદો ભવાન્ ॥ ૮ ॥
સહસૈવ ભુજઙ્ગપાશવાન્વિનિગૃહ્ણાતિ ન યાવદન્તકઃ ।
અભયં કુરુ તાવદાશુ મે ગતજીવસ્ય પુનઃ કિમૌષધૈઃ ॥ ૯ ॥
સવિષૈરિવ ભીમપન્નગૈર્વિષયૈરેભિરલં પરિક્ષતમ્ ।
અમૃતૈરિવ સંભ્રમેણ મામભિષિઞ્ચાશુ દયાવલોકનૈઃ ॥ ૧૦ ॥
મુનયો બહવોઽદ્ય ધન્યતાં ગમિતા સ્વાભિમતાર્થદર્શિનઃ ।
કરુણાકર યેન તેન મામવસન્નં નનુ પશ્ય ચક્ષુષા ॥ ૧૧ ॥
પ્રણમામ્યથ યામિ ચાપરં શરણં કં કૃપણાભયપ્રદમ્ ।
વિરહીવ વિભો પ્રિયામયં પરિપશ્યામિ ભવન્મયં જગત્ ॥ ૧૨ ॥
બહવો ભવતાઽનુકમ્પિતાઃ કિમિતીશાન ન માનુકમ્પસે ।
દધતા કિમુ મન્દરાચલં પરમાણુઃ કમઠેન દુર્ધરઃ ॥૧૩ ॥
અશુચિં યદિ માનુમન્યસે કિમિદં મૂર્ધ્નિ કપાલદામ તે ।
ઉત શાઠ્યમસાધુસઙ્ગિનં વિષલક્ષ્માસિ ન કિં દ્વિજિહ્વધૃક્ ॥ ૧૪ ॥
ક્વ દૃશં વિદધામિ કિં કરોમ્યનુતિષ્ઠામિ કથં ભયાકુલઃ ।
ક્વ નુ તિષ્ઠસિ રક્ષ રક્ષ મામયિ શમ્ભો શરણાગતોઽસ્મિ તે ॥ ૧૫ ॥
વિલુઠામ્યવનૌ કિમાકુલઃ કિમુરો હન્મિ શિરશ્છિનદ્મિ વા ।
કિમુ રોદિમિ રારટીમિ કિં કૃપણં માં ન યદીક્ષસે પ્રભો ॥ ૧૬ ॥
શિવ સર્વગ શર્વ શર્મદં પ્રણતો દેવ દયાં કુરુષ્વ મે ।
નમ ઈશ્વર નાથ દિક્પતે પુનરેવેશ નમો નમોઽસ્તુ તે ॥ ૧૭ ॥
શરણં તરુણેન્દુશેખરઃ શરણં મે ગિરિરાજકન્યકા ।
શરણં પુનરેવ તાવુભૌ શરણં નાન્યદુપૈમિ દૈવતમ્ ॥ ૧૮ ॥
ઉપમન્યુકૃતં સ્તવોત્તમં જપતઃ શમ્ભુસમીપવર્તિનઃ ।
અભિવાઞ્છિતભાગ્યસમ્પદઃ પરમાયુઃ પ્રદદાતિ શઙ્કરઃ ॥ ૧૯ ॥
ઉપમન્યુકૃતં સ્તવોત્તમં પ્રજપેદ્યસ્તુ શિવસ્ય સન્નિધૌ ।
શિવલોકમવાપ્ય સોઽચિરાત્સહ તેનૈવ શિવેન મોદતે ॥ ૨૦ ॥
ઇત્યુપમન્યુકૃતં શિવસ્તોત્રં સમ્પૂર્ણમ્ ।
Also Read:
Upamanyu Krutha Shiva Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
