Templesinindiainfo

Best Spiritual Website

Upamanyu Krutha Shiva Stotram Lyrics in English

Shivastotram upamanyukrita in English:

॥ upamanyukr̥ta śivastōtram ॥
jaya śaṅkara pārvatīpatē mr̥ḍa śambhō śaśikhaṇḍamaṇḍana |
madanāntaka bhaktavatsala priyakailāsa dayāsudhāmbudhē || 1 ||

sadupāyakathāsvapaṇḍitō hr̥dayē duḥkhaśarēṇa khaṇḍitaḥ |
śaśikhaṇḍaśikhaṇḍamaṇḍanaṁ śaraṇaṁ yāmi śaraṇyamīśvaram || 2 ||

mahataḥ paritaḥ prasarpatastamasō darśanabhēdinō bhidē |
dinanātha iva svatējasā hr̥dayavyōmni manāgudēhi naḥ || 3 ||

na vayaṁ tava carmacakṣuṣā padavīmapyupavīkṣituṁ kṣamāḥ |
kr̥payā:’bhayadēna cakṣuṣā sakalēnēśa vilōkayāśu naḥ || 4 ||

tvadanusmr̥tirēva pāvanī stutiyuktā na hi vaktumīśa sā |
madhuraṁ hi payassvabhāvatō nanu kīdr̥ksitaśarkarānvitam || 5 ||

saviṣō:’pyamr̥tāyatē bhavāñcchavamuṇḍābharaṇō:’pi pāvanaḥ |
bhava ēva bhavāntakassatāṁ samadr̥ṣṭirviṣamēkṣaṇō:’pi san || 6 ||

api śūladharō nirāmayō dr̥ḍhavairāgyaratō:’pi rāgavān |
api bhaikṣyacarō mahēśvaraścaritaṁ citramidaṁ hi tē prabhō || 7 ||

vitaratyabhivāñchitaṁ dr̥śā paridr̥ṣṭaḥ kila kalpapādapaḥ |
hr̥dayē smr̥ta ēva dhīmatē namatē:’bhīṣṭaphalapradō bhavān || 8 ||

sahasaiva bhujaṅgapāśavānvinigr̥hṇāti na yāvadantakaḥ |
abhayaṁ kuru tāvadāśu mē gatajīvasya punaḥ kimauṣadhaiḥ || 9 ||

saviṣairiva bhīmapannagairviṣayairēbhiralaṁ parikṣatam |
amr̥tairiva sambhramēṇa māmabhiṣiñcāśu dayāvalōkanaiḥ || 10 ||

munayō bahavō:’dya dhanyatāṁ gamitāssvābhimatārthadarśinaḥ |
karuṇākara yēna tēna māmavasannaṁ nanu paśya cakṣuṣā || 11 ||

praṇamāmyatha yāmi cāparaṁ śaraṇaṁ kaṁ kr̥paṇābhayapradam |
virahīva vibhō priyāmayaṁ paripaśyāmi bhavanmayaṁ jagat || 12 ||

bahavō bhavatā:’nukampitāḥ kimitīśāna na mānukampasē |
dadhatā kimu mandarācalaṁ paramāṇuḥ kamaṭhēna durdharaḥ || 13 ||

aśuciṁ yadi mānumanyasē kimidaṁ mūrdhni kapāladāma tē |
uta śāṭhyamasādhusaṅginaṁ viṣalakṣmāsi na kiṁ dvijihvadhr̥k || 14 ||

kva dr̥śaṁ vidadhāmi kiṁ karōmyanutiṣṭhāmi kathaṁ bhayākulaḥ |
kva nu tiṣṭhasi rakṣa rakṣa māmayi śambhō śaraṇāgatō:’smi tē || 15 ||

viluṭhāmyavanau kimākulaḥ kimurō hanmi śiraśchinadmi vā |
kimu rōdimi rāraṭīmi kiṁ kr̥paṇaṁ māṁ na yadīkṣasē prabhō || 16 ||

śiva sarvaga śarva śarmada praṇatō dēva dayāṁ kuruṣva mē |
nama īśvara nātha dikpatē punarēvēśa namō namō:’stu tē || 17 ||

śaraṇaṁ taruṇēnduśēkharaśśaraṇaṁ mē girirājakanyakā |
śaraṇaṁ punarēva tāvubhau śaraṇaṁ nānyadupaimi daivatam || 18 ||

upamanyukr̥taṁ stavōttamaṁ japataśśambhusamīpavartinaḥ |
abhivāñchitabhāgyasampadaḥ paramāyuḥ pradadāti śaṅkaraḥ || 19 ||

upamanyukr̥taṁ stavōttamaṁ prajapēdyastu śivasya sannidhau |
śivalōkamavāpya sō:’cirātsaha tēnaiva śivēna mōdatē || 20 ||

ityupamanyukr̥taṁ śivastōtram sampūrṇam |

Also Read:

Upamanyu Krutha Shiva Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil

Upamanyu Krutha Shiva Stotram Lyrics in English

Leave a Reply

Your email address will not be published. Required fields are marked *

Scroll to top