ઉપશાન્ત્યષ્ટકમ્ Lyrics in Gujarati:
અનુપાસાદિતસુગુરોરવિચારિતવેદશીર્ષતત્ત્વસ્ય ।
કથમુપશાન્તિઃ સ્યાદ્ભો સતતં સત્સઙ્ગરહિતસ્ય ॥ ૧॥
અન્નમયાદિષુ પઞ્ચસ્વહમ્મતિં યાવદેષ ન જહાતિ ।
તાવત્કથમુપશાન્તેઃ પાત્રં પ્રભવેચ્છુકાદિતુલ્યોઽપિ ॥ ૨॥
ચરતામક્ષાશ્વાનાં રૂપપ્રમુખેષુ વિષમવિષયેષુ ।
દોષવિમર્શકશાહતિમકુર્વતઃ સ્યાત્કથં શાન્તિઃ ॥
તત્ત્વાવબોધમણિવરભૂષણહીનં યદીયહૃદયં સ્યાત્ ।
કથમુપશાન્તિર્વૃણુયાત્તં પુરુષં સાદરં લોકે ॥ ૪॥
નક્તન્દિવં પરાચિ પ્રવણસ્વાન્તસ્ય દેહસક્તધિયઃ ।
કથમુપશાન્તિઃ પુંસઃ પ્રભવેદપિ કલ્પકોટિશતૈઃ ॥ ૫॥
યોગાખ્યગારુડમનુપ્રવરેણ કૃતો ન યેન રદભઙ્ગઃ ।
તૃષ્ણાકૃષ્ણભુજઙ્ગ્યાઃ કથમુપશાન્તિર્ભવેત્તસ્ય ॥ ૬॥
સુતગેહમિત્રતરુણીપ્રભૃતિષુ યસ્યાસ્તિ દૃઢતરઃ સ્નેહઃ ।
સ કથમુપશાન્તિવિષયામપિ ગાથાં ગાતુમીશ્વરઃ સ્યાદ્ભો ॥ ૭॥
સન્ત્યજતિ નૈવ કર્માણ્યખિલાન્યવિગીતમાર્ગેણ ।
સશિખં ચ યજ્ઞસૂત્રં યઃ સ કથં શાન્તિભાજનં પ્રભવેત્ ॥ ૮॥
ઇતિ શૃઙ્ગેરિ શ્રીજગદ્ગુરુ શ્રીસચ્ચિદાનન્દશિવાભિનવનૃસિંહ-
ભારતીસ્વામિભિઃ વિરચિતં ઉપશાન્ત્યષ્ટકં સમ્પૂર્ણમ્ ।