River Shri Yamuna Ashtakam 2 Lyrics in Gujarati:
યમુનાષ્ટકમ્ ૨
॥ શ્રીઃ॥
કૃપાપારાવારાં તપનતનયાં તાપશમનીં
મુરારિપ્રેયસ્યાં ભવભયદવાં ભક્તિવરદામ્ ।
વિયજ્જ્વાલોન્મુક્તાં શ્રિયમપિ સુખાપ્તેઃ પરિદિનં
સદા ધીરો નૂનં ભજતિ યમુનાં નિત્યફલદામ્ ॥ ૧॥
મધુવનચારિણિ ભાસ્કરવાહિનિ જાહ્નવિસઙ્ગિનિ સિન્ધુસુતે
મધુરિપુભૂષણિ માધવતોષિણિ ગોકુલભીતિવિનાશકૃતે ।
જગદઘમોચિનિ માનસદાયિનિ કેશવકેલિનિદાનગતે
જય યમુને જય ભીતિનિવારિણિ સંકટનાશિનિ પાવય મામ્ ॥ ૨॥
અયિ મધુરે મધુમોદવિલાસિનિ શૈલવિદારિણિ વેગપરે
પરિજનપાલિનિ દુષ્ટનિષૂદિનિ વાઞ્છિતકામવિલાસધરે ।
વ્રજપુરવાસિજનાર્જિતપાતકહારિણિ વિશ્વજનોદ્ધરિકે
જય યમુને જય ભીતિનિવારિણિ સંકટનાશિનિ પાવય મામ્ ॥ ૩॥
અતિવિપદમ્બુધિમગ્નજનં ભવતાપશતાકુલમાનસકં
ગતિમતિહીનમશેષભયાકુલમાગતપાદસરોજયુગમ્ ।
ઋણભયભીતિમનિષ્કૃતિપાતકકોટિશતાયુતપુઞ્જતરં
જય યમુને જય ભીતિનિવારિણિ સંકટનાશિનિ પાવય મામ્ ॥ ૪॥
નવજલદદ્યુતિકોટિલસત્તનુહેમભયાભરરઞ્જિતકે
તડિદવહેલિપદાઞ્ચલચઞ્ચલશોભિતપીતસુચેલધરે ।
મણિમયભૂષણચિત્રપટાસનરઞ્જિતગઞ્જિતભાનુકરે
જય યમુને જય ભીતિનિવારિણિ સંકટનાશિનિ પાવય મામ્ ॥ ૫॥
શુભપુલિને મધુમત્તયદૂદ્ભવરાસમહોત્સવકેલિભરે
ઉચ્ચકુલાચલરાજિતમૌક્તિકહારમયાભરરોદસિકે ।
નવમણિકોટિકભાસ્કરકઞ્ચુકિશોભિતતારકહારયુતે
જય યમુને જય ભીતિનિવારિણિ સંકટનાશિનિ પાવય મામ્ ॥ ૬॥
કરિવરમૌક્તિકનાસિકભૂષણવાતચમત્કૃતચઞ્ચલકે
મુખકમલામલસૌરભચઞ્ચલમત્તમધુવ્રતલોચનિકે ।
મણિગણકુણ્ડલલોલપરિસ્ફુરદાકુલગણ્ડયુગામલકે
જય યમુને જય ભીતિનિવારિણિ સંકટનાશિનિ પાવય મામ્ ॥ ૭॥
કલરવનૂપુરહેમમયાચિતપાદસરોરુહસારુણિકે
ધિમિધિમિધિમિધિમિતાલવિનોદિતમાનસમઞ્જુલપાદગતે ।
તવ પદપઙ્કજમાશ્રિતમાનવચિત્તસદાખિલતાપહરે
જય યમુને જય ભીતિનિવારિણિ સંકટનાશિનિ પાવય મામ્ ॥ ૮॥
ભવોત્તાપામ્ભોધૌ નિપતિતજનો દુર્ગતિયુતો
યદિ સ્તૌતિ પ્રાતઃ પ્રતિદિનમન્યાશ્રયતયા ।
હયાહ્રેષૈઃ કામં કરકુસુમપુઞ્જૈ રવિસુતાં
સદા ભોક્તા ભોગાન્મરણસમયે યાતિ હરિતામ્ ॥ ૯॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ
યમુનાષ્ટકમ્ સમ્પૂર્ણમ્ ॥
