River Shri Yamuna Ashtakam 6 Lyrics in Gujarati:
શ્રીયમુનાષ્ટકમ્ ૬
મદ-કલકલ-કલબિઙ્ક-કુલાકુલ-કોક-કુતૂહલ-નીરે
તરુણ-તમાલ-વિશાલ-રસાલ-પલાશ-વિલાસ-સુતીરે ।
તરલ-તુષાર-તરઙ્ગ-વિહાર-વિલોલિત-નીરજ-નાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૧॥
લલિત-કદમ્બ-કદમ્બ-નિતમ્બ-મયૂર-મનોહર-નાદે
નિજ-જલ-સઙ્ગિત-શીતલ-મારુત-સેવિત-પાદપ-પાદે ।
વિકસિત-સિત-શતપત્ર-લસદ્-ગમનાઞ્ચિત-મત્ત-મરાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૨॥
રાધા-રમણ-ચરણ-શરણાગતિ-જીવન-જીવન-વાહે
બહુતર-સઞ્ચિત-પાપ-વિદારણ-દૂરીકૃત-ભવ-દાહે ।
વિધિ-વિસ્માપક-દુર્જન-તાપક-નિજ-તેજો-જિત-કાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૩॥
અમર-નિકર-વર-વાગ્-અભિનન્દિત-હરિ-જલ-કેલિ-વિલાસે
નિજ-તટ-વાસિ-મનોરથ-પૂરણ-કૃત-સુરતરુ-પરિહાસે ।
સ્નાન-વિમર્દિત-હરિ-પદ-કુઙ્કુમ-પઙ્ક-કલઙ્કિત-ભાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૪॥
અમલ-કમલ-કુલ-દલ-ચલ-મધુકર-નિનદ-પ્રતિધ્વનિ-શોભે
સ્વ-સલિલ-શીકર-સેવક-નર-વર-સમુદિત-હરિ-પદ-લોભે ।
સ્વાઙ્ગ-સ્પર્શ-સુખી-કૃત-વાયુ-સમુદ્ધત-જન-પદ-જાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૫॥
મણિ-ગણ-મૌક્તિક-મઞ્જુલ-માલ-નિબદ્ધ-તટ-દ્વય-ભાસે
પ્રકર-નિકર-તનુ-ધારિ-સુરેશ્વર-મણ્ડલ-રચિત-નિવાસે ।
વિપુલ-વિશદ-મૃદુ-તલ-પુલિનાવલિ-કમન-ગમન-બક-માલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૬॥
અગણિત-ગુણ-ગણ-સાધન-સમુદય-દુર્લભ-ભક્તિ-તડાગે
સાનન્દાત્યવગાહન-દાયિનિ માધવ-સમ-તનુ-રાગે ।
રસ-નિધિ-સુખ-વિધિ-કારણ-કેશવ-પાદ-વિમુખ-વિકરાલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૭॥
વ્રજ-નવ-યુવતિ-વિહાર-વિધાયક-કુઞ્જ-પુઞ્જ-કૃત-સેવે
નિજ-સુષમા-નિચયેન વશીકૃત-ગોકુલ-જીવન-દેવે ।
કૃષ્ણ-ચન્દ્ર-કરુણા-રસ-વાહિનિ-વૃન્દાવન-વન-માલે
મમ દુરિતં ત્વરિતં હિ વિનાશય નલિનાનન્દક-બાલે ॥ ૮॥
સાર્થક-સુન્દર-પદ-યમકાઞ્ચિત-કરણ-કુતૂહલ-કારં
પદ્યાષ્ટકમિદમર્ક-સુતા-મહિમામૃત-વર્ણન-ભારમ્ ।
કવિવર-નન્દ-કિશોર-કૃતં શુભ-ભક્તિ-યુતો નર-જાતિઃ
કોઽપિ પઠેદ્યદિ ગોષ્ઠ-પુરન્દર-ભક્ત-ગણેષુ વિભાતિ ॥ ૯॥
ઇતિ શ્રીનન્દકિશોરગોસ્વામિવિરચિતં શ્રીયમુનાષ્ટકં સમ્પૂર્ણમ્ ।
