Bala Rama Sahasranamastotram 2 Lyrics in Malayalam:
॥ ശ്രീബാലാത്രിപുരസുന്ദരീസഹസ്രനാമസ്തോത്രം 2 ॥
സമാധ്യുപരതം കാലേ കദാചിദ്വിജനേ മുദാ ।
പരമാനന്ദസന്ദോഹമുദിതം പ്രാഹ പാര്‍വതീ ॥ 1 ॥
ശ്രീദേവ്യുവാച –
ശ്രീമന്നാഥ തവാനന്ദകാരണം ബ്രൂഹി ശങ്കര ।
യോഗീന്ദ്രോപാസ്യ ദേവേശ പ്രേമപൂര്‍ണ സുധാനിധേ ।
കൃപാസ്തി യദി മേ ശംഭോ സുഗോപ്യമപി കഥ്യതാം ॥ 2 ॥
ശ്രീഭൈരവഃ
നിര്‍ഭരാനന്ദസന്ദോഹഃ ശക്തിഭാവേന ജായതേ ।
ലാവണ്യസിന്ധുസ്തത്രാസ്തി ബാലായാ രസകന്ദരഃ ॥ 3 ॥
താമേവാനുക്ഷണം ദേവീം ചിന്തയാമി തതഃ ശിവാം ।
തസ്യാ നാമസഹസ്രാണി കഥയാമി തവ പ്രിയേ ॥ 4 ॥
സുഗോപ്യാന്യപി രംഭോരു ഗംഭീരസ്നേഹവിഭ്രമാത് ।
താമേവ സ്തുവതോ ദേവി ധ്യായതോഽനുക്ഷണം മമ ।
സുഖസന്ദോഹസംഭാവോ ജ്ഞാനാനന്ദസ്യ കാരണം ॥ 5 ॥
അസ്യ ശ്രീബാലാത്രിപുരസുന്ദരീ സഹസ്രനാമസ്തോത്രസ്യ ശങ്കര ഋഷിഃ,
അനുഷ്ടുപ് ഛന്ദഃ । ശ്രീബാലാത്രിപുരാ ദേവതാ । ഐം ബീജം । സൌഃ ശക്തിഃ ।
ക്ലീം കീലകം । ശ്രീബാലാപ്രീത്യര്‍ഥേ സമസ്തപുരുഷാര്‍ഥസിദ്‍ധ്യര്‍ഥേ
പാരായണേ വിനിയോഗഃ ।
ഐം അങ്ഗുഷ്ഠാഭ്യാം നമഃ । ക്ലീം തര്‍ജനീഭ്യാം നമഃ ।
സൌഃ മധ്യമാഭ്യാം നമഃ । ഐം അനാമികാഭ്യാം നമഃ ।
ക്ലീം കനിഷ്ഠികാഭ്യാം നമഃ । സൌഃ കരതലകരപൃഷ്ഠാഭ്യാം നമഃ ।
ഏവം ഹൃദയാദിന്യാസഃ ।
ധ്യാനം ।
അരുണകിരണജാലൈ രഞ്ജിതാശാവകാശാ
വിധൃതജപവടീകാ പുസ്തകാഭീതിഹസ്താ ।
ഇതരവരകരാഢ്യാ ഫുല്ലകല്‍ഹാര സംസ്ഥാ
നിവസതു ഹൃദി ബാലാ നിത്യകല്യാണശീലാ ॥
രക്താംബരാം ചന്ദ്രകലാവതംസാം സമുദ്യദാദിത്യനിഭാം ത്രിനേത്രാം ।
വിദ്യാക്ഷമാലാഭയദാനഹസ്താം ധ്യായാമി ബാലാമരുണാംബുജസ്ഥാം ॥
ആനന്ദസിന്ധുരാനന്ദാഽഽനന്ദമൂര്‍തിര്‍വിനോദിനീ ।
ത്രിപുരാ സുന്ദരീ പ്രേമപാഥോനിധിരനുത്തമാ ॥ 1 ॥
വാമാര്‍ധഗഹ്വരാ ഭൂതിര്‍വിഭൂതിഃ ശങ്കരീ ശിവാ ।
ശൃങ്ഗാരമൂര്‍തിര്‍വരദാ രസാ ച ശുഭഗോചരാ ॥ 2 ॥
പരമാനന്ദലഹരീ രതീ രങ്ഗവതീ ഗതിഃ ।
രങ്ഗമാലാനങ്ഗകലാ കേലീ കൈവല്യദാ കലാ ॥ 3 ॥
രസകല്‍പാ കല്‍പലതാ കുതൂഹലവതീ ഗതിഃ ।
വിനോദദിഗ്ധാ സുസ്നിഗ്ധാ മുഗ്ധമൂര്‍തിര്‍മനോരമാ ॥ 4 ॥
ബാലാര്‍കകോടികിരണാ ചന്ദ്രകോടിസുശീതലാ ।
സ്രവത്പീയൂഷദിഗ്ധാങ്ഗീ സ്വര്‍ഗാര്‍ഥപരികല്‍പിതാ ॥ 5 ॥
കുരങ്ഗനയനാ കാന്താ സുഗതിഃ സുഖസന്തതിഃ ।
രാജരാജേശ്വരീ രാജ്ഞീ മഹേന്ദ്രപരിവന്ദിതാ ॥ 6 ॥
പ്രപഞ്ചഗതിരീശാനീ പ്രപഞ്ചഗതിരുത്തമാ ।
ദുര്‍വാസാ ദുഃസഹാ ശക്തിഃ ശിഞ്ജത്കനകനൂപുരാ ॥ 7 ॥
മേരുമന്ദരവക്ഷോജാ സൃണിപാശവരായുധാ ।
ശരകോദണ്ഡസംസക്തപാണിദ്വയവിരാജിതാ ॥ 8 ॥
ചന്ദ്രബിംബാനനാ ചാരുമുകുടോത്തംസചന്ദ്രികാ ।
സിന്ദൂരതിലകാ ചാരുധമ്മില്ലാമലമാലികാ ॥ 9 ॥
മന്ദാരദാമമുദിതാ രത്നമാലാവിഭൂഷിതാ ।
സുവര്‍ണാഭരണപ്രീതാ മുക്താദാമമനോരമാ ॥ 10 ॥
താംബൂലപൂര്‍ണവദനാ മദനാനന്ദമാനസാ ।
സുഖാരാധ്യാ തപഃ സാരാ കൃപാപാരാ വിധീശ്വരീ ॥ 11 ॥
വക്ഷഃസ്ഥലലസദ്രത്നപ്രഭാ മധുരസോന്‍മദാ ।
ബിന്ദുനാദാത്മകോച്ചാരരഹിതാ തുര്യരൂപിണീ ॥ 12 ॥
കമനീയാകൃതിര്‍ധന്യാ ശാങ്കരീ പ്രീതിമഞ്ജരീ ।
പ്രപഞ്ചാ പഞ്ചമീ പൂര്‍ണാ പൂര്‍ണപീഠനിവാസിനീ ॥ 13 ॥
രാജ്യലക്ഷ്മീശ്ച ശ്രീലക്ഷ്മീര്‍മഹാലക്ഷ്മീഃ സുരാജികാ ।
സന്തോഷസീമാ സമ്പത്തിഃ ശാതകൌംഭീ 1 തഥാ ദ്യുതിഃ ॥ 14 ॥
1 ശാതകുംഭപ്രിയാകൃതിഃ
പരിപൂര്‍ണാ ജഗദ്ധാത്രീ വിധാത്രീ ബലവര്‍ധിനീ ।
സാര്‍വഭൌമനൃപശ്രീശ്ച സാംരാജ്യഗതിരംബികാ ॥ 15 ॥
സരോജാക്ഷീ ദീര്‍ഘദൃഷ്ടിഃ സാചീക്ഷണവിചക്ഷണാ ।
രങ്ഗസ്രവന്തീ രസികാ (100) പ്രധാനാ രസരൂപിണീ ॥ 16 ॥
രസസിന്ധുഃ സുഗാത്രീ ച ധൂസരീ മൈഥുനോന്‍മുഖാ ।
നിരന്തരഗുണാസക്താ ശക്തിര്‍നിധുവനാത്മികാ ॥ 17 ॥
കാമാക്ഷീ കമനീയാ ച കാമേശീ ഭഗമങ്ഗലാ ।
സുഭഗാ ഭോഗിനീ ഭോഗ്യാ ഭഗ്യദാ സുഭഗാ ഭഗാ ॥ 18 ॥
ഭഗലിങ്ഗാനന്ദകലാ ഭഗമധ്യനിവാസിനീ ।
ഭഗരൂപാ ഭഗമയീ ഭഗയന്ത്രാ ഭഗോത്തമാ ॥ 19 ॥
യോനിമുദ്രാ കാമകലാ കുലാമൃതപരായണാ ।
കുലകുണ്ഡാലയാ സൂക്ഷ്മാ ജീവാത്മാ ലിങ്ഗരൂപിണീ ॥ 20 ॥
മൂലക്രിയാ മൂലരൂപാ മൂലാകൃതിസ്വരൂപിണീ ।
സോത്സുകാ കമലാനന്ദാ ചിദ്ഭാവാഽഽത്മഗതിഃ ശിവാ ॥ 21 ॥
ശ്വേതാരുണാ ബിന്ദുരൂപാ വേദയോനിര്‍ധ്വനിക്ഷണാ ।
ഘണ്ടാകോടി രവാരാവാ രവിബിംബോത്ഥിതാഽദ്ഭുതാ ॥ 22 ॥
നാദാന്തലീനാ സമ്പൂര്‍ണാ പൂര്‍ണസ്ഥാ ബഹുരൂപികാ ।
ഭൃങ്ഗാരാവാ വംശഗതിര്‍വാദിത്രാ മുരജധ്വനിഃ ॥ 23 ॥
വര്‍ണമാലാ സിദ്ധികലാ ഷട് ചക്രക്രമവാസിനീ ।
മൂലകേലീരതാ സ്വാധിഷ്ഠാനാ തുര്യനിവാസിനീ ॥ 24 ॥
മണിപൂരസ്ഥിതിഃ സ്നിഗ്ധാ കൂര്‍മചക്രപരായണാ ।
അനാഹതഗതിര്‍ദീപശിഖാ മണിമയാകൃതിഃ ॥ 25 ॥
വിശുദ്ധാ ശബ്ദസംശുദ്ധാ ജീവബോധസ്ഥലീ രവാ ।
ആജ്ഞാചക്രാബ്ജസംസ്ഥാ ച സ്ഫുരന്തീ നിപുണാ ത്രിവൃത് ॥ 26 ॥
ചന്ദ്രികാ ചന്ദ്രകോടി ശ്രീഃ സൂര്യകോടിപ്രഭാമയീ ।
പദ്മരാഗാരുണച്ഛായാ നിശ്ചലാഽമൃതനന്ദിനീ ।
കാന്താങ്ഗസങ്ഗമുദിതാ സുധാമാധുര്യസംഭൃതാ ॥ 28 ॥
മഹാമഞ്ചസ്ഥിതാഽലിപ്താ തൃപ്താ ദൃപ്താ സുസംഭൃതിഃ ।
സ്രവത്പീയൂഷസംസിക്താ രക്താര്‍ണവവിവര്‍ധിനീ ॥ 29 ॥
സുരക്താ പ്രിയസംസിക്താ ശശ്വത്കുണ്ഡാലയാഽഭയാ । (200) ।
ശ്രേയഃ ശ്രുതിശ്ച പ്രത്യേകാനവകേശിഫലാവലീ ॥ 30 ॥
പ്രീതാ ശിവാ ശിവപ്രിയാ ശാങ്കരീ ശാംഭവീ വിഭാ ।
സ്വയംഭൂഃ സ്വപ്രിയാ സ്വീയാ സ്വകീയാ ജനമാതൃകാ ॥ 31 ॥
സ്വാരാമാ സ്വാശ്രയാ സാധ്വീ സുധാധാരാഽധികാധികാ ।
മങ്ഗലോജ്ജയിനീ മാന്യാ സര്‍വമങ്ഗലസങ്ഗിനീ ॥ 32 ॥
ഭദ്രാ ഭദ്രാവലീ കന്യാ കലിതാര്‍ധേന്ദുബിംബഭാക് ।
കല്യാണലതികാ കാംയാ കുകര്‍മാ കുമതിര്‍മനുഃ ॥ 33 ॥
കുരങ്ഗാക്ഷീ ക്ഷീബനേത്രാ ക്ഷാരാ രസമദോന്‍മദാ ।
വാരുണീപാനമുദിതാ മദിരാരചിതാശ്രയാ ॥ 34 ॥
കാദംബരീപാനരുചിര്‍വിപാശാ പാശഭീതിനുത് ।
മുദിതാ മുദിതാപാങ്ഗാ ദരദോലിതദീര്‍ഘദൃക് ॥ 35 ॥
ദൈത്യകുലാനലശിഖാ മനോരഥസുധാദ്യുതിഃ ।
സുവാസിനീ പീനഗാത്രീ പീനശ്രോണിപയോധരാ ॥ 36 ॥
സുചാരുകബരീ ദന്തദീധിതിദീപ്രമൌക്തികാ ।
ബിംബാധരാ ദ്യുതിമുഖാ പ്രവാലോത്തമദീധിതിഃ ॥ 37 ॥
തിലപ്രസൂനനാസാഗ്രാ ഹേമകക്കോലഭാലകാ ।
നിഷ്കലങ്കേന്ദുവദനാ ബാലേന്ദുമുകുടോജ്ജ്വലാ ॥ 38 ॥
നൃത്യത്ഖഞ്ജനനേത്രശ്രീര്‍വിസ്ഫുരത്കര്‍ണശഷ്കുലീ ।
ബാലചന്ദ്രാതപത്രാര്‍ധാ മണിസൂര്യകിരീടിനീ 1 ॥ 39 ॥
1 കേശൌഘചമ്പകാസേനാമാലതീദാമപണ്ഡിതാ – ഇത്യധികം ।
ഹേമമാണിക്യതാടങ്കാ മണികാഞ്ചനകുണ്ഡലാ ।
സുചാരുചിബുകാ കംബുകണ്ഠീ മണിമനോരമാ ॥ 40 ॥
ഗങ്ഗാതരങ്ഗഹാരോര്‍മിര്‍മത്തകോകിലനിഃസ്വനാ ।
മൃണാലവിലസദ്ബാഹുഃ പാശാങ്കുശധനുര്‍ധരാ ॥ 41 ॥
കേയൂരകടകാച്ഛന്നാ നാനാരത്നമനോരമാ ।
താംരപങ്കജപാണിശ്രീര്‍നഖരത്നപ്രഭാവതീ ॥ 42 ॥
അങ്ഗുലീയമണിശ്രേണിചഞ്ചദങ്ഗുലിസന്തതിഃ ।
മന്ദരദ്വന്ദ്വസുകുചാ രോമരാജീഭുജങ്ഗകാ ॥ 43 ॥
ഗംഭീരനാഭിസ്ത്രിവലീവലയാ ച സുമധ്യമാ ।
രണത്കാഞ്ചീഗുണോന്നദ്ധാ പട്ടാംശുകസുനീവികാ ॥ 44 ॥
മേരുഗുണ്ഡീനിതംബാഢ്യാ ഗജഗണ്ഡോരുയുഗ്മയുക് ।
സുജാനുമന്ദരാസക്തലസജ്ജങ്ഘാദ്വയാന്വിതാ ॥ 45 ॥
ഗൂഢഗുല്‍ഫാ മഞ്ജുശിഞ്ജന്‍മണിനൂപുരമണ്ഡിതാ 1 ।
1 പദദ്വന്ദ്വാ രുണാംഭോജാ നഖചന്ദ്രാ രവിപ്രഭാ ।
സുസോമപ്രപദാ രാജഹംസാ മത്തേഭമന്ദഗാ ॥ ഇത്യധികം (extra) ।
യോഗിധ്യേയപദദ്വന്ദ്വാ സുധാമാഽമൃതസാരിണീ ॥ 46 ॥
ലാവണ്യസിന്ധുഃ സിന്ദൂരതിലകാ കുടിലാലകാ ।
സാധുസിദ്ധാ സുബുദ്ധാ ച ബുധാ വൃന്ദാരകോദയാ ॥ 47 ॥
ബാലാര്‍കകിരണശ്രേണീശോണാ ശ്രീപ്രേമകാമധുക് ।
രസഗംഭീരസരസീ പദ്മിനീ (300) രസസാരസാ ॥ 48 ॥
പ്രസന്നാഽഽസന്നവരദാ ശാരദാ ച സുഭാഗ്യദാ ।
നടരാജപ്രിയാ വിശ്വനാട്യാ നര്‍തകനര്‍തകീ ॥ 49 ॥
വിചിത്രയന്ത്രാ ചിത്തന്ത്രാ വിദ്യാവല്ലീ ഗതിഃ ശുഭാ ।
കൂടാരകൂടാ കൂടസ്ഥാ പഞ്ചകൂടാ ച പഞ്ചമീ ॥ 50 ॥
ചതുഷ്കൂടാ ത്രികൂടാദ്യാ ഷട്കൂടാ വേദപൂജിതാ ।
കൂടഷോഡശസമ്പന്നാ തുരീയാ പരമാ കലാ ॥ 51 ॥
ഷോഡശീ മന്ത്രയന്ത്രാണാമീശ്വരീ മേരുമണ്ഡലാ ।
ഷോഡശാര്‍ണാ ത്രിവര്‍ണാ ച ബിന്ദുനാദസ്വരൂപിണീ ॥ 52 ॥
വര്‍ണാതീതാ വര്‍ണമാതാ ശബ്ദബ്രഹ്മമഹാസുഖാ ।
ചൈതന്യവല്ലീ കൂടാത്മാ കാമേശീ സ്വപ്രദൃശ്യഗാ ॥ 53 ॥
സ്വപ്നാവതീ ബോധകരീ ജാഗൃതിര്‍ജാഗരാശ്രയാ ।
സ്വപ്നാശ്രയാ സുഷുപ്തിശ്ച തന്ദ്രാമുക്താ ച മാധവീ ॥ 54 ॥
ലോപാമുദ്രാ കാമരാജ്ഞീ മാനവീ വിത്തപാര്‍ചിതാ ।
ശാകംഭരീ നന്ദിവിദ്യാ ഭാസ്വദ്വിദ്യോതമാലിനീ ॥ 55 ॥
മാഹേന്ദ്രീ സ്വര്‍ഗസമ്പത്തിര്‍ദുര്‍വാസഃസേവിതാ ശ്രുതിഃ ।
സാധകേന്ദ്രഗതിഃ സാധ്വീ സുലഭാ സിദ്ധികന്ദരാ ॥ 56 ॥
പുരത്രയേശീ പുരജിദര്‍ചിതാ പുരദേവതാ ।
പുഷ്ടിര്‍വിഘ്നഹരീ ഭൂതിര്‍വിഗുണാ പൂജ്യകാമധുക് ॥ 57 ॥
ഹിരണ്യമാതാ ഗണപാ ഗുഹമാതാ നിതംബിനീ ।
സര്‍വസീമന്തിനീ മോക്ഷാ ദീക്ഷാ ദീക്ഷിതമാതൃകാ ॥ 58 ॥
സാധകാംബാ സിദ്ധമാതാ സാധകേന്ദ്രാ മനോരമാ ।
യൌവനോന്‍മാദിനീ തുങ്ഗാ സുശ്രോണിര്‍മദമന്ഥരാ ॥ 59 ॥
പദ്മരക്തോത്പലവതീ രക്തമാല്യാനുലേപനാ ।
രക്തമാലാരുചിഃ ശിഖാശിഖണ്ഡിന്യതിസുന്ദരീ ॥ 60 ॥
ശിഖണ്ഡിനൃത്തസന്തുഷ്ടാ സൌരഭേയീ വസുന്ധരാ ।
സുരഭിഃ കാമദാ കാംയാ കമനീയാര്‍ഥകാമദാ ॥ 61 ॥
നന്ദിനീ ലക്ഷണവതീ വസിഷ്ഠാലയദേവതാ ।
ഗോലോകദേവീ (400) ലോകശ്രീര്‍ഗോലോകപരിപാലികാ ॥ 62 ॥
ഹവിര്‍ധാനീ ദേവമാതാ വൃന്ദാരകവരാനുയുക് ।
രുദ്രപത്നീ ഭദ്രമാതാ സുധാധാരാഽംബുവിക്ഷതിഃ ॥ 63 ॥
ദക്ഷിണാ യജ്ഞസമ്മൂര്‍തിഃ സുബാലാ ധീരനന്ദിനീ ।
ക്ഷീരപൂര്‍ണാര്‍ണവഗതിഃ സുധായോനിഃ സുലോചനാ ॥ 64 ॥
രാമാനുഗാ സുസേവ്യാ ച സുഗന്ധാലയവാസഗാ ।
സുചാരിത്രാ സുത്രിപുരാ സുസ്തനീ സ്തനവത്സലാ ॥ 65 ॥
രജസ്വലാ രജോയുക്താ രഞ്ജികാ രങ്ഗമാലികാ ।
രക്തപ്രിയാ സുരക്താ ച രതിരങ്ഗസ്വരൂപിണീ ॥ 66 ॥
രജഃ ശുക്രാംബികാ നിഷ്ഠാ രതനിഷ്ഠാ രതിസ്പൃഹാ ।
ഹാവഭാവാ കാമകേലിസര്‍വസ്വാ സുരജീവികാ ॥ 67 ॥
സ്വയംഭൂകുസുമാനന്ദാ സ്വയംഭൂകുസുമപ്രിയാ ।
സ്വയംഭൂപ്രീതിസന്തുഷ്ടാ സ്വയംഭൂനിന്ദകാന്തകൃത് ॥ 68 ॥
സ്വയംഭൂസ്ഥാ ശക്തിപുടീ രതിസര്‍വസ്വപീഠികാ ।
അത്യന്തസഭികാ ദൂതീ വിദഗ്ധാ പ്രീതിപൂജിതാ ॥ 69 ॥
കുല്ലികാ യന്ത്രനിലയാ യോഗപീഠാധിവാസിനീ ।
സുലക്ഷണാ രസരൂപാ സര്‍വലക്ഷണലക്ഷിതാ ॥ 70 ॥
നാനാലങ്കാരസുഭഗാ പഞ്ചബാണസമര്‍ചിതാ ।
ഊര്‍ധ്വത്രികോണനിലയാ ബാലാ കാമേശ്വരീ തഥാ ॥ 71 ॥
ഗണാധ്യക്ഷാ കുലാധ്യക്ഷാ ലക്ഷ്മീശ്ചൈവ സരസ്വതീ ।
വസന്തസമയപ്രീതാ പ്രീതിഃ കുചഭരാനതാ ॥ 72 ॥
കലാധരമുഖാഽമൂര്‍ധാ പാദവൃദ്ധിഃ കലാവതീ ।
പുഷ്പപ്രിയാ ധൃതിശ്ചൈവ രതികണ്ഠീ മനോരമാ ॥ 73 ॥
മദനോന്‍മാദിനീ ചൈവ മോഹിനീ പാര്‍വണീകലാ ।
ശോഷിണീ വശിനീ രാജിന്യത്യന്തസുഭഗാ ഭഗാ ॥ 74 ॥
പൂഷാ വശാ ച സുമനാ രതിഃ പ്രീതിര്‍ധൃതിസ്തഥാ ।
ഋദ്ധിഃ സൌംയാ മരീച്യംശുമാലാ പ്രത്യങ്ഗിരാ തഥാ ॥ 75 ॥
ശശിനീ ചൈവ സുച്ഛായാ സമ്പൂര്‍ണമണ്ഡലോദയാ ।
തുഷ്ടാ ചാമൃതപൂര്‍ണാ ച ഭഗയന്ത്രനിവാസിനീ ॥ 76 ॥
ലിങ്ഗയന്ത്രാലയാ (500) ശംഭുരൂപാ സംയോഗയോഗിനീ ।
ദ്രാവിണീ ബീജരൂപാ ച അക്ഷുബ്ധാ സാധകപ്രിയാ ॥ 77 ॥
രാജബീജമയീ രാജ്യസുഖദാ വാഞ്ഛിതപ്രദാ ।
രജഃ സംവീര്യശക്തിശ്ച ശുക്രവിച്ഛിവരൂപിണീ ॥ 78 ॥
സര്‍വസാരാ സാരമയാ ശിവശക്തിമയീ പ്രഭാ ।
സംയോഗാനന്ദനിലയാ സംയോഗപ്രീതിമാതൃകാ ॥ 79 ॥
സംയോഗകുസുമാനന്ദാ സംയോഗാ യോഗവര്‍ധിനീ ।
സംയോഗസുഖദാരസ്ഥാ ചിദാനന്ദൈകസേവിതാ ॥ 80 ॥
അര്‍ധ്യപൂജകസമ്പത്തിരര്‍ഘ്യദ്രവ്യസ്വരൂപിണീ ।
സാമരസ്യാ പരാ പ്രീതാ പ്രിയസങ്ഗമരൂപിണീ ॥ 81 ॥
ജ്ഞാനദൂതീ ജ്ഞാനഗംയാ ജ്ഞാനയോനിഃ ശിവാലയാ ।
ചിത്കലാ ജ്ഞാനസകലാ സകുലാ സകുലാത്മികാ ॥ 82 ॥
കലാചതുഷ്ടയീ പദ്മിന്യതിസൂക്ഷ്മാ പരാത്മികാ ।
ഹംസകേലിസ്ഥലീ ച്ഛായാ ഹംസദ്വയവികാസിനീ ॥ 83 ॥
വിരാഗതാ മോക്ഷകലാ പരമാത്മകലാവതീ ।
വിദ്യാകലാന്തരാത്മസ്ഥാ ചതുഷ്ടയകലാവതീ ॥ 84 ॥
വിദ്യാസന്തോഷിണീ തൃപ്തിഃ പരബ്രഹ്മപ്രകാശികാ ।
പരമാത്മപരാ വസ്തുലീനശക്തിചതുഷ്ടയീ ॥ 85 ॥
ശാന്തിര്‍ബോധകലാവാപ്തിഃ പരജ്ഞാനാത്മികാ കലാ ।
പശ്യന്തീ പരമാത്മസ്ഥാ ചാന്തരാത്മകലാകുലാ ॥ 86 ॥
മധ്യമാ വൈഖരീ ചാത്മകലാനന്ദാ കലാവതീ ।
താരിണീ തരണീ താരാ ശിവലിങ്ഗാലയാഽഽത്മവിത് ॥ 87 ॥
പരസ്പരശുഭാചാരാ ബ്രഹ്മാനന്ദവിനോദിനീ ।
രസാലസാ ദൂതരാസാ സാര്‍ഥാ സാര്‍ഥപ്രിയാ ഹ്യുമാ ॥ 88 ॥
ജാത്യാദിരഹിതാ യോഗിയോഗിന്യാനന്ദവര്‍ധിനീ । 1
1 കാന്താ ശാന്താ ദാന്തഗതിര്‍വേദാദ്യുദ്ദാമപദ്ധതിഃ – ഇത്യധികം ।
വീരഭാവപ്രദാ ദിവ്യാ വീരസൂര്‍വീരഭാവദാ ॥ 89 ॥
പശുത്വാഭിവീരഗതിര്‍വീരസങ്ഗമഹോദയാ ।
മൂര്‍ധാഭിഷിക്ത രാജശ്രീഃ ക്ഷത്രിയോത്തമമാതൃകാ ॥ 90 ॥
ശസ്ത്രാസ്ത്രകുശലാ ശോഭാ രസസ്ഥാ യുദ്ധജീവികാ ।
വിജയാ യോഗിനീ യാത്രാ പരസൈന്യവിമര്‍ദിനീ ॥ 91 ॥
പൂര്‍ണാ (600) വിത്തൈഷിണീ വിത്താ വിത്തസഞ്ചയശാലിനീ ।
ഭാണ്ഡാഗാരസ്ഥിതാ രത്നാ രത്നശ്രേണ്യധിവാസിനീ ॥ 92 ॥
മഹിഷീ രാജഭോഗ്യാ ച ഗണികാ ഗണഭോഗഭൃത് ।
കരിണീ വഡവാ യോഗ്യാ മല്ലസേനാ പദാതികാ ॥ 93 ॥
സൈന്യശ്രേണീ ശൌര്യരതാ പതാകാധ്വജവാസിനീ ।
സുച്ഛത്രാ ചാംബികാ ചാംബാ പ്രജാപാലനസദ്ഗതിഃ ॥ 94 ॥
സുരഭിഃ പൂജകാചാരാ രാജകാര്യപരായണാ ।
ബ്രഹ്മക്ഷത്രമയീ സോമസൂര്യാന്തര്യാമിനീ സ്ഥിതിഃ ॥ 95 ॥
പൌരോഹിത്യപ്രിയാ സാധ്വീ ബ്രഹ്മാണീ യജ്ഞസന്തതിഃ ।
സോമപാനപരാ പ്രീതാ ജനാഢ്യാ തപനാ ക്ഷമാ ॥ 96 ॥
പ്രതിഗ്രഹപരാ ദാത്രീ സൃഷ്ടാജാതിഃ സതാങ്ഗതിഃ ।
ഗായത്രീ വേദലഭ്യാ ച ദീക്ഷാ സന്ധ്യാപരായണാ ॥ 97 ॥
രത്നസദ്ദീധിതിര്‍വിശ്വവാസനാ വിശ്വജീവികാ ।
കൃഷിവാണിജ്യഭൂതിശ്ച വൃദ്ധിര്‍ധീശ്ച കുസീദികാ ॥ 98 ॥
കുലാധാരാ സുപ്രസാരാ മനോന്‍മനീ പരായണാ ।
ശൂദ്രാ വിപ്രഗതിഃ കര്‍മകരീ കൌതുകപൂജിതാ ॥ 99 ॥
നാനാവിചാരചതുരാ ബാലാ പ്രൌഢാ കലാമയീ ।
സുകര്‍ണധാരാ നൌഃ പാരാ സര്‍വാശാ ദുര്‍ഗമോചനീ ॥ 100 ॥
ദുര്‍ഗാ വിന്ധ്യവനസ്ഥാ ച കന്ദര്‍പനയപൂരണീ ।
ഭൂഭാരശമനീ കൃഷ്ണാ രക്ഷാരാധ്യാ രസോല്ലസാ ॥ 101 ॥
ത്രിവിധോത്പാതശമനീ സമഗ്രസുഖശേവധിഃ ।
പഞ്ചാവയവവാക്യശ്രീഃ പ്രപഞ്ചോദ്യാനചന്ദ്രികാ ॥ 102 ॥
സിദ്ധസന്ദോഹസുഖിതാ യോഗിനീവൃന്ദവന്ദിതാ ।
നിത്യാഷോഡശാരൂപാ ച കാമേശീ ഭഗമാലിനീ ॥ 103 ॥
നിത്യക്ലിന്നാ ച ഭീ(ഭേ) രുണ്ഡാ വഹ്നിമണ്ഡലവാസിനീ ।
മഹാവിദ്യേശ്വരീ നിത്യാ ശിവദൂതീതി വിശ്രുതാ ॥ 104 ॥
ത്വരിതാ പ്രഥിതാ ഖ്യാതാ വിഖ്യാതാ കുലസുന്ദരീ ।
നിത്യാ നീലപതാകാ ച വിജയാ സര്‍വമങ്ഗലാ ॥ 105 ॥
ജ്വാലാമാലാ(700) വിചിത്രാ ച മഹാത്രിപുരസിന്ദരീ ।
ഗുരുവൃന്ദാ പരഗുരുഃ പ്രകാശാനന്ദനാഥിനീ ॥ 106 ॥
ശിവാനന്ദനാഥരൂപാ ശക്ത്യാനന്ദസ്വരൂപിണീ ।
ദേവ്യാനന്ദനാഥമയീ കൌലേശാനന്ദനാഥിനീ ॥ 107 ॥
ദിവ്യൌഘഗുരുരൂപാ ച സമയാനന്ദനാഥിനീ ।
ശുക്ലദേവ്യാനന്ദനാഥാ കുലേശാനന്ദനാഥിനീ 1 ॥ 108 ॥
1 കാമേശ്വര്യാനന്ദനാഥമയീ ശ്രീഗുരുരൂപിണീ – ഇത്യധികം ।
ക്ലിന്നാങ്ഗാനന്ദരൂപാ ച സമയാനന്ദനാഥിനീ ।
വേദാനന്ദനാഥമയീ സഹജാനന്ദനാഥിനീ ॥ 109 ॥
സിദ്ധൌഘഗുരുരൂപാ ച അപരാഗുരുരൂപിണീ ।
ഗഗനാനന്ദനാഥാ ച വിശ്വാനന്ദസ്വനാഥിനീ ॥ 110 ॥
വിമലാനന്ദനാഥാ ച മദനാനന്ദനാഥിനീ ।
ഭുവനാദ്യാ ച ലീലാദ്യാ നന്ദനാനന്ദനാഥിനീ ॥ 111 ॥
സ്വാത്മാനന്ദാനന്ദരൂപാ പ്രിയാദ്യാനന്ദനാഥിനീ ।
മാനവൌഘഗുരുശ്രേഷ്ഠാ പരമേഷ്ഠി ഗുരുപ്രഭാ ॥ 112 ॥
പരഗുഹ്യാ ഗുരുശക്തിഃ സ്വഗുരുകീര്‍തനപ്രിയാ ।
ത്രൈലോക്യമോഹനഖ്യാതാ സര്‍വാശാപരിപൂരകാ ॥ 113 ॥
സര്‍വസങ്ക്ഷോഭിണീ പൂര്‍വാംനായപ്രഥിതവൈഭവാ ।
ശിവാശക്തിഃ ശിവശക്തിഃ ശിവചക്രത്രയാലയാ ॥ 114 ॥
സര്‍വസൌഭാഗ്യദാഖ്യാ ച സര്‍വാര്‍ഥസാധികാഹ്വയാ ।
സര്‍വരക്ഷാകരാഖ്യാ ച ദക്ഷിണാംനായദേവതാ ॥ 115 ॥
മധ്യാര്‍കചക്രനിലയാ പശ്ചിമാംനായദേവതാ ।
നവചക്രകൃതാവാസാ കൌബേരാംനായദേവതാ ॥ 116 ॥
കുബേരപൂജ്യാ കുലജാ കുലാംനായപ്രവര്‍തിനീ ।
ബിന്ദുചക്രകൃതാവാസാ മധ്യസിംഹാസനേശ്വരീ ॥ 117 ॥
ശ്രീവിദ്യാ ച മഹാലക്ഷ്മീഃ ലക്ഷ്മീഃ ശക്തിത്രയാത്മികാ ।
സര്‍വസാംരാജ്യലക്ഷ്മീശ്ച പഞ്ചലക്ഷ്മീതിവിശ്രുതാ ॥ 118 ॥
ശ്രീവിദ്യാ ച പരഞ്ജ്യോതിഃ പരനിഷ്കലശാംഭവീ ।
മാതൃകാ പഞ്ചകോശീ ച ശ്രീവിദ്യാ ത്വരിതാ തഥാ ॥ 119 ॥
പാരിജാതേശ്വരീ ചൈവ ത്രികൂടാ പഞ്ചബാണഗാ ।
പഞ്ചകല്‍പലതാ പഞ്ചവിദ്യാ ചാമൃതപീഠികാ ॥ 120 ॥
സുധാസൂ രമണേശാനാ ചാന്നപൂര്‍ണാ ച കാമധുക് ।
ശ്രീവിദ്യാ സിദ്ധലക്ഷ്മീശ്ച മാതങ്ഗീ ഭുവനേശ്വരീ ॥ 121 ॥
വാരാഹീ പഞ്ചരത്നാനാമീശ്വരീ മാതൃവര്‍ണഗാ ।
പരാഞ്ജ്യോതിഃ കോശരൂപാ ഐന്ദവീ കലയാ യുതാ ॥ 122 ॥
പരിതഃ സ്വാമിനീ ശക്തിദര്‍ശനാ രവിബിന്ദുയുക് ।
ബ്രഹ്മദര്‍ശനരൂപാ ച ശിവദര്‍ശനരൂപിണീ ॥ 123 ॥
വിഷ്ണുദര്‍ശനരൂപാ ച സൃഷ്ടിചക്രനിവാസിനീ ।
സൌരദര്‍ശനരൂപാ ച സ്ഥിതിചക്രകൃതാലയാ ॥ 124 ॥
ബൌദ്ധദര്‍ശനരൂപാ ച മഹാത്രിപുരസുന്ദരീ ।
തത്ത്വമുദ്രാസ്വരൂപാ ച പ്രസന്നാ(800) ജ്ഞാനമുദ്രികാ ॥ 125 ॥
സര്‍വോപചാരസന്തുഷ്ടാ ഹൃന്‍മയീ ശീര്‍ഷദേവതാ ।
ശിഖാസ്ഥിതാ ബ്രഹ്മമയീ നേത്രത്രയവിലാസിനീ ॥ 126 ॥
അസ്ത്രസ്ഥാ ചതുരസ്രാ ച ദ്വാരകാദ്വാരവാസിനീ ।
അണിമാ പശ്ചിമസ്ഥാ ച ലഘിമോത്തരദേവതാ ॥ 127 ॥
പൂര്‍വസ്ഥാ മഹിമേശിത്വാ ദക്ഷിണദ്വാരദേവതാ ।
വശിത്വാ വായുകോണസ്ഥാ പ്രാകാംയേശാനദേവതാ ॥ 128 ॥
അഗ്നികോണസ്ഥിതാ ഭുക്തിരിച്ഛാ നൈഋതവാസിനീ ।
പ്രാപ്തിസിദ്ധിരവസ്ഥാ ച പ്രാകാംയാര്‍ധവിലാസിനീ ॥ 129 ॥
ബ്രാഹ്മീ മാഹേശ്വരീ ചൈവ കൌമാരീ വൈഷ്ണവീ തഥാ ।
വാരാഹ്യൌന്ദ്രീ ച ചാമുണ്ഡാ മഹാലക്ഷ്മീര്‍ദിശാങ്ഗതിഃ ॥ 130 ॥
ക്ഷോഭിണീ ദ്രാവിണീ മുദ്രാഽഽകര്‍ഷോന്‍മാദനകാരിണീ ।
മഹാങ്കുശാ ഖേചരീ ച ബീജാഖ്യാ യോനിമുദ്രികാ ॥ 131 ॥
സര്‍വാശാപൂരചക്രസ്ഥാ കാര്യസിദ്ധികരീ തഥാ ।
കാമാകര്‍ഷിണികാശക്തിര്‍ബുദ്‍ധ്യാകര്‍ഷണരൂപിണീ ॥ 132 ॥
അഹങ്കാരാകര്‍ഷിണീ ച ശബ്ദാകര്‍ഷണരൂപിണീ ।
സ്പര്‍ശാകര്‍ഷണരൂപാ ച രൂപാകര്‍ഷണരൂപിണീ ॥ 133 ॥
രസാകര്‍ഷണരൂപാ ച ഗന്ധാകര്‍ഷണരൂപിണീ ।
ചിത്താകര്‍ഷണരൂപാ ച ധൈര്യാകര്‍ഷണരൂപിണീ ॥ 134 ॥
സ്മൃത്യാകര്‍ഷണരൂപാ ച ബീജാകര്‍ഷണരൂപിണീ ।
അമൃതാകര്‍ഷിണീ ചൈവ നാമാകര്‍ഷണരൂപിണീ ॥ 135 ॥
ശരീരാകര്‍ഷിണീദേവീ ആത്മാകര്‍ഷണരൂപിണീ ।
ഷോഡശസ്വരരൂപാ ച സ്രവത്പീയൂഷമന്ദിരാ ॥ 136 ॥
ത്രിപുരേശീ സിദ്ധരൂപാ കലാദലനിവാസിനീ ।
സര്‍വസങ്ക്ഷോഭചക്രേശീ ശക്തിര്‍ഗുപ്തതരാഭിധാ ॥ 137 ॥
അനങ്ഗകുസുമാശക്തിരനങ്ഗകടിമേഖലാ ।
അനങ്ഗമദനാഽനങ്ഗമദനാതുരരൂപിണീ ॥ 138 ॥
അനങ്ഗരേഖാ ചാനങ്ഗവേഗാനങ്ഗാങ്കുശാഭിധാ ।
അനങ്ഗമാലിനീ ശക്തിരഷ്ടവര്‍ഗദിഗന്വിതാ ॥ 139 ॥
വസുപത്രകൃതാവാസാ ശ്രീമത്ത്രിപുരസുന്ദരീ ।
സര്‍വസാംരാജ്യസുഖദാ സര്‍വസൌഭാഗ്യദേശ്വരീ ॥ 140 ॥
സമ്പ്രദായേശ്വരീ സര്‍വസങ്ക്ഷോഭണകരീ തഥാ ।
സര്‍വവിദ്രാവിണീ സര്‍വാകര്‍ഷണാടോപകാരിണീ ॥ 141 ॥
സര്‍വാഹ്ലാദനശക്തിശ്ച സര്‍വജൃംഭണകാരിണീ ।
സര്‍വസ്തംഭന ശക്തിശ്ച സര്‍വസമ്മോഹിനീ തഥാ ॥ 142 ॥
സര്‍വവശ്യകരീശക്തിഃ സര്‍വസര്‍വാനുരഞ്ജിനീ ।
സര്‍വോന്‍മാദനശക്തിശ്ച സര്‍വാര്‍ഥസിദ്ധികാരിണീ ॥ 143 ॥
സര്‍വസമ്പത്തിദാ ശക്തിഃ സര്‍വമന്ത്രമയീ തഥാ ।
സര്‍വദ്വന്ദ്വക്ഷയകരീ(900) സിദ്ധിസ്ത്രിപുരവാസിനീ ॥ 144 ॥
സര്‍വാര്‍ഥസാധകേശീ ച സര്‍വകാര്യാര്‍ഥസിദ്ധിദാ ।
ചതുര്‍ദശാരചക്രേശീ കലായോഗസമന്വിതാ ॥ 145 ॥
സര്‍വസിദ്ധിപ്രദാ ദേവീ സര്‍വസമ്പത്പ്രദാ തഥാ ।
സര്‍വപ്രിയങ്കരീ ശക്തിഃ സര്‍വമങ്ഗലകാരിണീ ॥ 146 ॥
സര്‍വകാമപ്രപൂര്‍ണാ ച സര്‍വദുഃഖപ്രമോചിനീ ।
സര്‍വമൃത്യുപ്രശമനീ സര്‍വവിഘ്നവിനാശിനീ ॥ 147 ॥
സര്‍വാങ്ഗസുന്ദരീ ദേവീ സര്‍വസൌഭാഗ്യദായിനീ ।
ത്രിപുരേശീ സര്‍വസിദ്ധിപ്രദാ ച ദശകോണഗാ ॥ 148 ॥
സര്‍വരക്ഷാകരേശീ ച നിഗര്‍ഭാ യോഗിനീ തഥാ ।
സര്‍വജ്ഞാ സര്‍വശക്തിശ്ച സര്‍വൈശ്വര്യപ്രദാ തഥാ ॥ 149 ॥
സര്‍വജ്ഞാനമയീദേവീ സര്‍വവ്യാധിവിനാശിനീ ।
സര്‍വാധാരസ്വരൂപാ ച സര്‍വപാപഹരാ തഥാ ॥ 150 ॥
സര്‍വാനന്ദമയീദേവീ സര്‍വരക്ഷാസ്വരൂപിണീ ।
മഹിമാശക്തിദേവീ ച ദേവീ സര്‍വസമൃദ്ധിദാ ॥ 151 ॥
അന്തര്‍ദശാരചക്രേശീ ദേവീ ത്രിപുരമാലിനീ ।
സര്‍വരോഗഹരേശീ ച രഹസ്യാ യോഗിനീ തഥാ ॥ 152 ॥
വാഗ്ദേവീ വശിനീ ചൈവ ദേവീകാമേശ്വരീ തഥാ ।
മോദിനീ വിമലാ ചൈവ അരുണാ ജയിനീ തഥാ ॥ 153 ॥
സര്‍വേശ്വരീ കൌലിനീ ച ഹ്യഷ്ടാരസര്‍വസിദ്ധിദാ ।
സര്‍വകാമപ്രദേശീ ച പരാപരരഹസ്യവിത് ॥ 154 ॥
ത്രികോണചതുരശ്രസ്ഥാ സര്‍വൈശ്വര്യാഽഽയുധാത്മികാ ।
കാമേശ്വരീബാണരൂപാ കാമേശീചാപരൂപിണീ ॥ 155 ॥
കാമേശീപാശരൂപാ ച കാമേശ്യങ്കുശരൂപിണീ ।
കാമേശ്വരീന്ദ്രശക്തിശ്ച അഗ്നിചക്രകൃതാലയാ ॥ 156 ॥
കാമഗിര്യധിദേവീ ച ത്രികോണസ്ഥാഽഗ്രകോണഗാ ।
ദക്ഷകോണേശ്വരീ വിഷ്ണുശക്തിര്‍ജാലന്ധരാശ്രയാ ॥ 157 ॥
സൂര്യചക്രാലയാ രുദ്രശക്തിര്‍വാമാങ്ഗകോണഗാ ।
സോമചക്രാ ബ്രഹ്മശക്തിഃ പൂര്‍ണഗിര്യനുരാഗിണീ ॥ 158 ॥
ശ്രീമത്ത്രികോണഭുവനാ ത്രിപുരാത്മാ മഹേശ്വരീ ।
സര്‍വാനന്ദമയേശീ ച ബിന്ദുഗാതിരഹസ്യഭൃത് ॥ 159 ॥
പരബ്രഹ്മസ്വരൂപാ ച മഹാത്രിപുരസുന്ദരീ ।
സര്‍വചക്രാന്തരസ്ഥാ ച സമസ്തചക്രനായികാ ॥ 160 ॥
സര്‍വചക്രേശ്വരീ സര്‍വമന്ത്രാണാമീശ്വരീ തഥാ ।
സര്‍വവിദ്യേശ്വരീ ചൈവ സര്‍വവാഗീശ്വരീ തഥാ ॥ 161 ॥
സര്‍വയോഗീശ്വരീ ചൈവ പീഠേശ്വര്യഖിലേശ്വരീ ।
സര്‍വകാമേശ്വരീ സര്‍വതത്ത്വേശ്വര്യാഗമേശ്വരീ ॥ 162 ॥
ശക്തിഃ ശക്തിധൃഗുല്ലാസാ നിര്‍ദ്വന്ദ്വാ ദ്വൈതഗര്‍ഭിണീ ।
നിഷ്പ്രപഞ്ചാ മഹാമായാ സപ്രപഞ്ചാ സുവാസിനീ ॥ 163 ॥
സര്‍വവിശ്വോത്പത്തിധാത്രീ പരമാനന്ദസുന്ദരീ (1000) ।
ഇത്യേതത്കഥിതം ദിവ്യം പരമാനന്ദകാരണം ॥ 164 ॥
ലാവണ്യസിന്ധുലഹരീബാലായാസ്തോഷമന്ദിരം ।
സഹസ്രനാമ തന്ത്രാണാം സാരമാകൃഷ്യ പാര്‍വതി ॥ 165 ॥
അനേന സ്തുവതോ നിത്യമര്‍ധരാത്രേ നിശാമുഖേ ।
പ്രാതഃ കാലേ ച പൂജായാം സര്‍വകാലമതഃ പ്രിയേ ॥ 166 ॥
സര്‍വസാംരാജ്യസുഖദാ ബാലാ ച പരിതുഷ്യതി ।
രത്നാനി വിവിധാന്യസ്യ വിത്താനി പ്രചുരാണി ച ॥ 167 ॥
മനോരഥപഥസ്ഥാനി ദദാതി പരമേശ്വരീ ।
പുത്രാഃ പൌത്രാശ്ച വര്‍ധന്തേ സന്തതിഃ സാര്‍വകാലികീ ॥ 168 ॥
ശത്രവസ്തസ്യ നശ്യന്തി വര്‍ധന്തേഽസ്യ ബലാനി ച ।
വ്യാധയസ്തസ്യ ദൂരസ്ഥാഃ സകലാന്യൌഷധാനി ച ॥ 169 ॥
മന്ദിരാണി വിചിത്രാണി രാജന്തേ തസ്യ സര്‍വദാ ।
കൃഷിഃ ഫലവതീ തസ്യ ഭൂമിഃ കാമദുഘാഽവ്യയാ ॥ 170 ॥
സ്ഫീതോ ജനപദസ്തസ്യ രാജ്യം തസ്യ നിരീതികം ।
മാതങ്ഗാഃ പക്ഷിണസ്തുങ്ഗാഃ സിഞ്ചന്തോ മദവാരിഭിഃ ॥ 171 ॥
ദ്വാരേ തസ്യ വിരാജന്തേ ഹൃഷ്ടാ നാഗതുരങ്ഗമാഃ ।
പ്രജാസ്തസ്യ വിരാജന്തേ നിര്‍വിവാദാശ്ച മന്ത്രിണഃ ॥ 172 ॥
ജ്ഞാതയസ്തസ്യ തുഷ്യന്തി ശീലം തസ്യാതിസുന്ദരം ।
ലക്ഷ്മീസ്തസ്യ വശേ നിത്യം സ്വാസനാ ച മനോരമാ ॥ 173 ॥
ഗദ്യപദ്യമയീ വാണീ തസ്യ ഗങ്ഗാതരങ്ഗവത് ।
നാനാപദപദാര്‍ഥാനാം വാദചാതുര്യസംഭൃതാ ॥ 174 ॥
സമഗ്രരസസമ്പത്തിശാലിനീ ലാസ്യമാലിനീ ।
അദൃഷ്ടാന്യപി ശാസ്ത്രാണീ പ്രകാശ്യന്തേ നിരന്തരം ॥ 175 ॥
നിഗ്രഹഃ പരവാക്യാനാം സഭായാം തസ്യ ജായതേ ।
സ്തുവന്തി വന്ദിനസ്തം വൈ രാജാനോ ദാസവത്തഥാ ॥ 176 ॥
ശസ്ത്രാണ്യസ്ത്രാണി തദങ്ഗേ ജനയന്തി രുജാം ന ഹി ।
മഹിലാസ്തസ്യ വശഗാഃ സര്‍വാവസ്ഥാ ഭവന്തി വൈ ॥ 177 ॥
വിഷം നിര്‍വിഷതാം യാതി പാനീയമമൃതം ഭവേത് ।
പരപക്ഷസ്തംഭനം ച പ്രതിപക്ഷസ്യ ജൃംഭണം ॥ 178 ॥
നവരാത്രേണ ജായേത സ തദഭ്യാസയോഗവിത് ।
അഹോരാത്രം പഠേദ്യസ്തു നിസ്തന്ദ്രഃ ശാന്തമാനസഃ ॥ 179 ॥
വശേ തസ്യ പ്രജാ യാതി സര്‍വേ ലോകാഃ സുനിശ്ചിതം ।
ഷണ്‍മാസാഭ്യാസയോഗേന യോഗമായാതി നിശ്ചിതം ॥ 180 ॥
നിത്യം കാമകലാം ധ്യായന്‍ യഃ പഠേത് സ്തോത്രമുത്തമം ।
മദനോന്‍മാദകലിതാഃ പുരന്‍ഘ്ര്യാസ്തദ്വശാനുഗാഃ ॥ 181 ॥
ലാവണ്യമദനാഃ സാക്ഷാദ്വൈദഗ്ധ്യമുദിതേക്ഷണാഃ ।
പ്രേമപൂര്‍ണാമപി വശേ ഹ്യുര്‍വശീം സ ഹി വിന്ദതി ॥ 182 ॥
ഭൂര്‍ജപത്രേ രോചനയാ കുങ്കുമേന ശുഭേ ദിനേ ।
ലാക്ഷാരസദ്രവേണാപി യാവകൈര്‍വാ വിശേഷതഃ ॥ 183 ॥
ധാതുരാഗേണ വാ ദേവി ലിഖിതം യന്ത്രമഞ്ചിതം ।
സുവര്‍ണരൌപ്യഗര്‍ഭസ്ഥം സുസമ്പൂതം സുസാധിതം ॥ 184 ॥
ബാലാബുദ്‍ധ്യാ പൂജിതം ച പ്രതിഷ്ഠിതസമീരണം ।
ധാരയേന്‍മസ്തകേ കണ്ഠേ ബാഹുമൂലേ തഥാ ഹൃദി ॥ 185 ॥
നാഭൌ വാപി ധൃതം ധന്യം ജയദം സര്‍വകാമദം ।
രക്ഷണം നാപരം കിഞ്ചിദ്വിദ്യതേ ഭുവനത്രയേ ॥ 186 ॥
ഗ്രഹരോഗാദിഭയഹൃത് സുഖകൃത്യവിവര്‍ധനം ।
ബലവീര്യകരം ക്രൂരഭൂതശത്രുവിനാശനം ॥ 187 ॥
പുത്രപൌത്രാന്‍ ഗുണഗണൈര്‍വര്‍ധനം ധനധാന്യകൃത് ।
ധരണ്യാം സാ പുരീ ധന്യാ യത്രായം സാധകോത്തമഃ ॥ 188 ॥
യദ്ഗൃഹേ ലിഖിതം തിഷ്ഠേത് സ്തോത്രമേതദ്വരാനനേ ।
തത്ര ചാഹം ശിവേ നിത്യം ഹരിശ്ച കമലാ തഥാ ॥ 189 ॥
വസാമഃ സര്‍വതീര്‍ഥാനാമുത്പത്തിസ്തത്ര ജായതേ ।
യോ വാപി പാഠയേദ്ഭക്ത്യാ പഠേദ്വൈ സാധകോത്തമഃ ॥ 190 ॥
ജ്ഞാനാനന്ദകലായോഗാദൈക്യവൃത്തിം സ വിന്ദതി ।
സ്തോത്രേണാനേന ദേവേശി തവ പൂജാഫലം ലഭേത് ॥ 191 ॥
ഷോഢാന്യാസതനുര്‍ഭൂത്വാ പഠിതവ്യം പ്രയത്നതഃ ।
ഉത്തമാ സര്‍വതന്ത്രാണാം ബാലായാഃ പൂജനസ്രുതിഃ ॥ 192 ॥
തത്രോത്തമാ ഷോഡശാര്‍ണാ തത്രേദം സ്തോത്രമുത്തമം ।
നാശിഷ്യായ പ്രദാതവ്യമശുദ്ധായ ശഠായ ച ॥ 193 ॥
അലസായാപ്രയത്നായാശിവാഭക്തായ സുന്ദരി ।
ഭക്തിഹീനായ മലിനേ ഗുരുനിന്ദാപരായ ച ॥ 194 ॥
വിഷ്ണുഭക്തിവിഹീനായ വികല്‍പാവൃതബുദ്ധയേ ।
ദേയം ഭക്തവരേ മുക്തേഃ കാരണം ഭക്തിവര്‍ധനം ॥ 195 ॥
ലതായോഗേ പഠേദ്യസ്തു സ്തോത്രമേതദ്വരാനനേ ।
സൈവ കല്‍പലതാ തസ്യ വാഞ്ഛാഫലകരീ തഥാ ॥ 196 ॥
പുഷ്പിതായാ ലതായോഗേ കുരങ്ഗമുഖി സാധകഃ ।
അക്ഷുബ്ധഃ സന്‍ പഠേദ്യസ്തു ശതയജ്ഞസ്യ പുണ്യഭാക് ॥ 197 ॥
ബ്രഹ്മാദയോഽപി ദേവേശി പ്രാര്‍ഥയന്തി പദദ്വയം ।
സ്വയം ശിവഃ സ വിജ്ഞേയോ യോ ബാലാഭാവലമ്പടഃ ॥ 198 ॥
ബ്രഹ്മാനന്ദമയീ ജ്യോത്സ്നാ സദാശിവവിധൂദിതാ ।
ആനന്ദോ യോഽപി യം വേദാ വദന്ത്യസ്യാ വശേ സ്ഥിതാഃ ॥ 199 ॥
ആഹ്ലാദനം ബാലാധ്യാനാദ്ബാലായാ നാമകീര്‍തനാത് ।
സദാനന്ദാഭ്യാസയോഗാത് സദാനന്ദഃ പ്രജായതേ ॥ 200 ॥
ഇതി ശ്രീരുദ്രയാമലേ തന്ത്രേ ഭൈരവഭൈരവീസംവാദേ
ശ്രീബാലാത്രിപുരസുന്ദരീസഹസ്രനാമസ്തോത്രം സമ്പൂര്‍ണം ॥
Also Read 1000 Names of Bala Rama :
1000 Names of Balarama | Sahasranama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil