Maha Ganapati Sahasranamastotram 1 Lyrics in Oriya:
॥ ମହାଗଣପତିସହସ୍ରନାମସ୍ତୋତ୍ରମ୍ ୧ ॥
। ମୁନିରୁଵାଚ ।
କଥଂ ନାମ୍ନାଂ ସହସ୍ରଂ ତଂ ଗଣେଶ ଉପଦିଷ୍ଟଵାନ୍ ।
ଶିଵଦଂ ତନ୍ମମାଚକ୍ଷ୍ଵ ଲୋକାନୁଗ୍ରହତତ୍ପର ॥ ୧ ॥
। ବ୍ରହ୍ମୋଵାଚ ।
ଦେଵଃ ପୂର୍ଵଂ ପୁରାରାତିଃ ପୁରତ୍ରୟଜୟୋଦ୍ୟମେ ।
ଅନର୍ଚନାଦ୍ଗଣେଶସ୍ୟ ଜାତୋ ଵିଘ୍ନାକୁଲଃ କିଲ ॥ ୨ ॥
ମନସା ସ ଵିନିର୍ଧାର୍ୟ ଦଦୃଶେ ଵିଘ୍ନକାରଣମ୍ ।
ମହାଗଣପତିଂ ଭକ୍ତ୍ୟା ସମଭ୍ୟର୍ଚ୍ୟ ୟଥାଵିଧି ॥ ୩ ॥
ଵିଘ୍ନପ୍ରଶମନୋପାୟମପୃଚ୍ଛଦପରିଶ୍ରମମ୍ ।
ସନ୍ତୁଷ୍ଟଃ ପୂଜୟା ଶମ୍ଭୋର୍ମହାଗଣପତିଃ ସ୍ଵୟମ୍ ॥ ୪ ॥
ସର୍ଵଵିଘ୍ନପ୍ରଶମନଂ ସର୍ଵକାମଫଲପ୍ରଦମ୍ ।
ତତସ୍ତସ୍ମୈ ସ୍ଵୟଂ ନାମ୍ନାଂ ସହସ୍ରମିଦମବ୍ରଵୀତ୍ ॥ ୫ ॥
ଅସ୍ୟ ଶ୍ରୀମହାଗଣପତିସହସ୍ରନାମସ୍ତୋତ୍ରମାଲାମନ୍ତ୍ରସ୍ୟ ।
ଗଣେଶ ଋଷିଃ । ମହାଗଣପତିର୍ଦେଵତା । ନାନାଵିଧାନିଚ୍ଛନ୍ଦାଂସି ।
ହୁମିତି ବୀଜମ୍ । ତୁଙ୍ଗମିତି ଶକ୍ତିଃ । ସ୍ଵାହାଶକ୍ତିରିତି କୀଲକମ୍ ॥
ଅଥ କରନ୍ୟାସଃ ।
ଗଣେଶ୍ଵରୋ ଗଣକ୍ରୀଡ ଇତ୍ୟଙ୍ଗୁଷ୍ଠାଭ୍ୟାଂ ନମଃ ।
କୁମାରଗୁରୁରୀଶାନ ଇତି ତର୍ଜନୀଭ୍ୟାଂ ନମଃ ॥ ୧ ॥
ବ୍ରହ୍ମାଣ୍ଡକୁମ୍ଭଶ୍ଚିଦ୍ଵ୍ୟୋମେତି ମଧ୍ୟମାଭ୍ୟାଂ ନମଃ ।
ରକ୍ତୋ ରକ୍ତାମ୍ବରଧର ଇତ୍ୟନାମିକାଭ୍ୟାଂ ନମଃ ॥ ୨ ॥
ସର୍ଵସଦ୍ଗୁରୁସଂସେଵ୍ୟ ଇତି କନିଷ୍ଠିକାଭ୍ୟାଂ ନମଃ ।
ଲୁପ୍ତଵିଘ୍ନଃ ସ୍ଵଭକ୍ତାନାମିତି କରତଲକରପୃଷ୍ଠାଭ୍ୟାଂ ନମଃ ॥ ୩ ॥
ଅଥ ହୃଦୟାଦିନ୍ୟାସଃ ।
ଛନ୍ଦଶ୍ଛନ୍ଦୋଦ୍ଭଵ ଇତି ହୃଦୟାୟ ନମଃ ।
ନିଷ୍କଲୋ ନିର୍ମଲ ଇତି ଶିରସେ ସ୍ଵାହା ।
ସୃଷ୍ଟିସ୍ଥିତିଲୟକ୍ରୀଡ ଇତି ଶିଖାୟୈ ଵଷଟ୍ ।
ଜ୍ଞାନଂ ଵିଜ୍ଞାନମାନନ୍ଦ ଇତି କଵଚାୟ ହୁମ୍ ।
ଅଷ୍ଟାଙ୍ଗୟୋଗଫଲଭୃଦିତି ନେତ୍ରତ୍ରୟାୟ ଵୌଷଟ୍ ।
ଅନନ୍ତଶକ୍ତିସହିତ ଇତ୍ୟସ୍ତ୍ରାୟ ଫଟ୍ ।
ଭୂର୍ଭୁଵଃ ସ୍ଵରୋମ୍ ଇତି ଦିଗ୍ବନ୍ଧଃ ॥
ଅଥ ଧ୍ୟାନମ୍ ।
ଗଜଵଦନମଚିନ୍ତ୍ୟଂ ତୀକ୍ଷ୍ଣଦଂଷ୍ଟ୍ରଂ ତ୍ରିନେତ୍ରଂ
ବୃହଦୁଦରମଶେଷଂ ଭୂତିରାଜଂ ପୁରାଣମ୍ ।
ଅମରଵରସୁପୂଜ୍ୟଂ ରକ୍ତଵର୍ଣଂ ସୁରେଶଂ
ପଶୁପତିସୁତମୀଶଂ ଵିଘ୍ନରାଜଂ ନମାମି ॥ ୧ ॥
ସକଲଵିଘ୍ନଵିନାଶନଦ୍ଵାରା ଶ୍ରୀମହାଗଣପତିପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ॥
ଶ୍ରୀଗଣପତିରୁଵାଚ ।
ଓଂ ଗଣେଶ୍ଵରୋ ଗଣକ୍ରୀଡୋ ଗଣନାଥୋ ଗଣାଧିପଃ ।
ଏକଦନ୍ତୋ ଵକ୍ରତୁଣ୍ଡୋ ଗଜଵକ୍ତ୍ରୋ ମହୋଦରଃ ॥ ୧ ॥
ଲମ୍ବୋଦରୋ ଧୂମ୍ରଵର୍ଣୋ ଵିକଟୋ ଵିଘ୍ନନାଶନଃ ।
ସୁମୁଖୋ ଦୁର୍ମୁଖୋ ବୁଦ୍ଧୋ ଵିଘ୍ନରାଜୋ ଗଜାନନଃ ॥ ୨ ॥
ଭୀମଃ ପ୍ରମୋଦ ଆମୋଦଃ ସୁରାନନ୍ଦୋ ମଦୋତ୍କଟଃ ।
ହେରମ୍ବଃ ଶମ୍ବରଃ ଶମ୍ଭୁର୍ଲମ୍ବକର୍ଣୋ ମହାବଲଃ ॥ ୩ ॥
ନନ୍ଦନୋ ଲମ୍ପଟୋ ଭୀମୋ ମେଘନାଦୋ ଗଣଞ୍ଜୟଃ ।
ଵିନାୟକୋ ଵିରୂପାକ୍ଷୋ ଵୀରଃ ଶୂରଵରପ୍ରଦଃ ॥ ୪ ॥
ମହାଗଣପତିର୍ବୁଦ୍ଧିପ୍ରିୟଃ କ୍ଷିପ୍ରପ୍ରସାଦନଃ ।
ରୁଦ୍ରପ୍ରିୟୋ ଗଣାଧ୍ୟକ୍ଷ ଉମାପୁତ୍ରୋଽଘନାଶନଃ ॥ ୫ ॥
କୁମାରଗୁରୁରୀଶାନପୁତ୍ରୋ ମୂଷକଵାହନଃ ।
ସିଦ୍ଧିପ୍ରିୟଃ ସିଦ୍ଧିପତିଃ ସିଦ୍ଧଃ ସିଦ୍ଧିଵିନାୟକଃ ॥ ୬ ॥
ଅଵିଘ୍ନସ୍ତୁମ୍ବୁରୁଃ ସିଂହଵାହନୋ ମୋହିନୀପ୍ରିୟଃ ।
କଟଙ୍କଟୋ ରାଜପୁତ୍ରଃ ଶାକଲଃ ସଂମିତୋଽମିତଃ ॥ ୭ ॥
କୂଷ୍ମାଣ୍ଡସାମସମ୍ଭୂତିର୍ଦୁର୍ଜୟୋ ଧୂର୍ଜୟୋ ଜୟଃ ।
ଭୂପତିର୍ଭୁଵନପତିର୍ଭୂତାନାଂ ପତିରଵ୍ୟୟଃ ॥ ୮ ॥
ଵିଶ୍ଵକର୍ତା ଵିଶ୍ଵମୁଖୋ ଵିଶ୍ଵରୂପୋ ନିଧିର୍ଗୁଣଃ ।
କଵିଃ କଵୀନାମୃଷଭୋ ବ୍ରହ୍ମଣ୍ୟୋ ବ୍ରହ୍ମଵିତ୍ପ୍ରିୟଃ ॥ ୯ ॥
ଜ୍ୟେଷ୍ଠରାଜୋ ନିଧିପତିର୍ନିଧିପ୍ରିୟପତିପ୍ରିୟଃ ।
ହିରଣ୍ମୟପୁରାନ୍ତଃସ୍ଥଃ ସୂର୍ୟମଣ୍ଡଲମଧ୍ୟଗଃ ॥ ୧୦ ॥
କରାହତିଧ୍ଵସ୍ତସିନ୍ଧୁସଲିଲଃ ପୂଷଦନ୍ତଭିତ୍ ।
ଉମାଙ୍କକେଲିକୁତୁକୀ ମୁକ୍ତିଦଃ କୁଲପାଵନଃ ॥ ୧୧ ॥
କିରୀଟୀ କୁଣ୍ଡଲୀ ହାରୀ ଵନମାଲୀ ମନୋମୟଃ ।
ଵୈମୁଖ୍ୟହତଦୈତ୍ୟଶ୍ରୀଃ ପାଦାହତିଜିତକ୍ଷିତିଃ ॥ ୧୨ ॥
ସଦ୍ୟୋଜାତଃ ସ୍ଵର୍ଣମୁଞ୍ଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ଵପ୍ନହୃତ୍ପ୍ରସହନୋ ଗୁଣୀ ନାଦପ୍ରତିଷ୍ଠିତଃ ॥ ୧୩ ॥
ସୁରୂପଃ ସର୍ଵନେତ୍ରାଧିଵାସୋ ଵୀରାସନାଶ୍ରୟଃ ।
ପୀତାମ୍ବରଃ ଖଣ୍ଡରଦଃ ଖଣ୍ଡଵୈଶାଖସଂସ୍ଥିତଃ ॥ ୧୪ ॥
ଚିତ୍ରାଙ୍ଗଃ ଶ୍ୟାମଦଶନୋ ଭାଲଚନ୍ଦ୍ରୋ ହଵିର୍ଭୁଜଃ ।
ୟୋଗାଧିପସ୍ତାରକସ୍ଥଃ ପୁରୁଷୋ ଗଜକର୍ଣକଃ ॥ ୧୫ ॥
ଗଣାଧିରାଜୋ ଵିଜୟଃ ସ୍ଥିରୋ ଗଜପତିର୍ଧ୍ଵଜୀ ।
ଦେଵଦେଵଃ ସ୍ମରଃ ପ୍ରାଣଦୀପକୋ ଵାୟୁକୀଲକଃ ॥ ୧୬ ॥
ଵିପଶ୍ଚିଦ୍ଵରଦୋ ନାଦୋ ନାଦଭିନ୍ନମହାଚଲଃ ।
ଵରାହରଦନୋ ମୃତ୍ୟୁଞ୍ଜୟୋ ଵ୍ୟାଘ୍ରାଜିନାମ୍ବରଃ ॥ ୧୭ ॥
ଇଚ୍ଛାଶକ୍ତିଭଵୋ ଦେଵତ୍ରାତା ଦୈତ୍ୟଵିମର୍ଦନଃ ।
ଶମ୍ଭୁଵକ୍ତ୍ରୋଦ୍ଭଵଃ ଶମ୍ଭୁକୋପହା ଶମ୍ଭୁହାସ୍ୟଭୂଃ ॥ ୧୮ ॥
ଶମ୍ଭୁତେଜାଃ ଶିଵାଶୋକହାରୀ ଗୌରୀସୁଖାଵହଃ ।
ଉମାଙ୍ଗମଲଜୋ ଗୌରୀତେଜୋଭୂଃ ସ୍ଵର୍ଧୁନୀଭଵଃ ॥ ୧୯ ॥
ୟଜ୍ଞକାୟୋ ମହାନାଦୋ ଗିରିଵର୍ଷ୍ମା ଶୁଭାନନଃ ।
ସର୍ଵାତ୍ମା ସର୍ଵଦେଵାତ୍ମା ବ୍ରହ୍ମମୂର୍ଧା କକୁପ୍ଶ୍ରୁତିଃ ॥ ୨୦ ॥
ବ୍ରହ୍ମାଣ୍ଡକୁମ୍ଭଶ୍ଚିଦ୍ଵ୍ୟୋମଭାଲଃସତ୍ୟଶିରୋରୁହଃ ।
ଜଗଜ୍ଜନ୍ମଲୟୋନ୍ମେଷନିମେଷୋଽଗ୍ନ୍ୟର୍କସୋମଦୃକ୍ ॥ ୨୧ ॥
ଗିରୀନ୍ଦ୍ରୈକରଦୋ ଧର୍ମାଧର୍ମୋଷ୍ଠଃ ସାମବୃଂହିତଃ ।
ଗ୍ରହର୍କ୍ଷଦଶନୋ ଵାଣୀଜିହ୍ଵୋ ଵାସଵନାସିକଃ ॥ ୨୨ ॥
ଭ୍ରୂମଧ୍ୟସଂସ୍ଥିତକରୋ ବ୍ରହ୍ମଵିଦ୍ୟାମଦୋଦକଃ ।
କୁଲାଚଲାଂସଃ ସୋମାର୍କଘଣ୍ଟୋ ରୁଦ୍ରଶିରୋଧରଃ ॥ ୨୩ ॥
ନଦୀନଦଭୁଜଃ ସର୍ପାଙ୍ଗୁଲୀକସ୍ତାରକାନଖଃ ।
ଵ୍ୟୋମନାଭିଃ ଶ୍ରୀହୃଦୟୋ ମେରୁପୃଷ୍ଠୋଽର୍ଣଵୋଦରଃ ॥ ୨୪ ॥
କୁକ୍ଷିସ୍ଥୟକ୍ଷଗନ୍ଧର୍ଵରକ୍ଷଃକିନ୍ନରମାନୁଷଃ ।
ପୃଥ୍ଵୀକଟିଃ ସୃଷ୍ଟିଲିଙ୍ଗଃ ଶୈଲୋରୁର୍ଦସ୍ରଜାନୁକଃ ॥ ୨୫ ॥
ପାତାଲଜଙ୍ଘୋ ମୁନିପାତ୍କାଲାଙ୍ଗୁଷ୍ଠସ୍ତ୍ରୟୀତନୁଃ ।
ଜ୍ୟୋତିର୍ମଣ୍ଡଲଲାଙ୍ଗୂଲୋ ହୃଦୟାଲାନନିଶ୍ଚଲଃ ॥ ୨୬ ॥
ହୃତ୍ପଦ୍ମକର୍ଣିକାଶାଲୀ ଵିୟତ୍କେଲିସରୋଵରଃ ।
ସଦ୍ଭକ୍ତଧ୍ୟାନନିଗଡଃ ପୂଜାଵାରିନିଵାରିତଃ ॥ ୨୭ ॥
ପ୍ରତାପୀ କାଶ୍ୟପୋ ମନ୍ତା ଗଣକୋ ଵିଷ୍ଟପୀ ବଲୀ ।
ୟଶସ୍ଵୀ ଧାର୍ମିକୋ ଜେତା ପ୍ରଥମଃ ପ୍ରମଥେଶ୍ଵରଃ ॥ ୨୮ ॥
ଚିନ୍ତାମଣିର୍ଦ୍ଵୀପପତିଃ କଲ୍ପଦ୍ରୁମଵନାଲୟଃ ।
ରତ୍ନମଣ୍ଡପମଧ୍ୟସ୍ଥୋ ରତ୍ନସିଂହାସନାଶ୍ରୟଃ ॥ ୨୯ ॥
ତୀଵ୍ରାଶିରୋଦ୍ଧୃତପଦୋ ଜ୍ଵାଲିନୀମୌଲିଲାଲିତଃ ।
ନନ୍ଦାନନ୍ଦିତପୀଠଶ୍ରୀର୍ଭୋଗଦୋ ଭୂଷିତାସନଃ ॥ ୩୦ ॥
ସକାମଦାୟିନୀପୀଠଃ ସ୍ଫୁରଦୁଗ୍ରାସନାଶ୍ରୟଃ ।
ତେଜୋଵତୀଶିରୋରତ୍ନଂ ସତ୍ୟାନିତ୍ୟାଵତଂସିତଃ ॥ ୩୧ ॥
ସଵିଘ୍ନନାଶିନୀପୀଠଃ ସର୍ଵଶକ୍ତ୍ୟମ୍ବୁଜାଲୟଃ ।
ଲିପିପଦ୍ମାସନାଧାରୋ ଵହ୍ନିଧାମତ୍ରୟାଲୟଃ ॥ ୩୨ ॥
ଉନ୍ନତପ୍ରପଦୋ ଗୂଢଗୁଲ୍ଫଃ ସଂଵୃତପାର୍ଷ୍ଣିକଃ ।
ପୀନଜଙ୍ଘଃ ଶ୍ଲିଷ୍ଟଜାନୁଃ ସ୍ଥୂଲୋରୁଃ ପ୍ରୋନ୍ନମତ୍କଟିଃ ॥ ୩୩ ॥
ନିମ୍ନନାଭିଃ ସ୍ଥୂଲକୁକ୍ଷିଃ ପୀନଵକ୍ଷା ବୃହଦ୍ଭୁଜଃ ।
ପୀନସ୍କନ୍ଧଃ କମ୍ବୁକଣ୍ଠୋ ଲମ୍ବୋଷ୍ଠୋ ଲମ୍ବନାସିକଃ ॥ ୩୪ ॥
ଭଗ୍ନଵାମରଦସ୍ତୁଙ୍ଗସଵ୍ୟଦନ୍ତୋ ମହାହନୁଃ ।
ହ୍ରସ୍ଵନେତ୍ରତ୍ରୟଃ ଶୂର୍ପକର୍ଣୋ ନିବିଡମସ୍ତକଃ ॥ ୩୫ ॥
ସ୍ତବକାକାରକୁମ୍ଭାଗ୍ରୋ ରତ୍ନମୌଲିର୍ନିରଙ୍କୁଶଃ ।
ସର୍ପହାରକଟୀସୂତ୍ରଃ ସର୍ପୟଜ୍ଞୋପଵୀତଵାନ୍ ॥ ୩୬ ॥
ସର୍ପକୋଟୀରକଟକଃ ସର୍ପଗ୍ରୈଵେୟକାଙ୍ଗଦଃ ।
ସର୍ପକକ୍ଷୋଦରାବନ୍ଧଃ ସର୍ପରାଜୋତ୍ତରଚ୍ଛଦଃ ॥ ୩୭ ॥
ରକ୍ତୋ ରକ୍ତାମ୍ବରଧରୋ ରକ୍ତମାଲାଵିଭୂଷଣଃ ।
ରକ୍ତେକ୍ଷଣୋ ରକ୍ତକରୋ ରକ୍ତତାଲ୍ଵୋଷ୍ଠପଲ୍ଲଵଃ ॥ ୩୮ ॥
ଶ୍ଵେତଃ ଶ୍ଵେତାମ୍ବରଧରଃ ଶ୍ଵେତମାଲାଵିଭୂଷଣଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ ୩୯ ॥
ସର୍ଵାଵୟଵସମ୍ପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵାଭରଣଶୋଭାଢ୍ୟଃ ସର୍ଵଶୋଭାସମନ୍ଵିତଃ ॥ ୪୦ ॥
ସର୍ଵମଙ୍ଗଲମାଙ୍ଗଲ୍ୟଃ ସର୍ଵକାରଣକାରଣମ୍ ।
ସର୍ଵଦେଵଵରଃ ଶାର୍ଙ୍ଗୀ ବୀଜପୂରୀ ଗଦାଧରଃ ॥ ୪୧ ॥
ଶୁଭାଙ୍ଗୋ ଲୋକସାରଙ୍ଗଃ ସୁତନ୍ତୁସ୍ତନ୍ତୁଵର୍ଧନଃ ।
କିରୀଟୀ କୁଣ୍ଡଲୀ ହାରୀ ଵନମାଲୀ ଶୁଭାଙ୍ଗଦଃ ॥ ୪୨ ॥
ଇକ୍ଷୁଚାପଧରଃ ଶୂଲୀ ଚକ୍ରପାଣିଃ ସରୋଜଭୃତ୍ ।
ପାଶୀ ଧୃତୋତ୍ପଲଃ ଶାଲିମଞ୍ଜରୀଭୃତ୍ସ୍ଵଦନ୍ତଭୃତ୍ ॥ ୪୩ ॥
କଲ୍ପଵଲ୍ଲୀଧରୋ ଵିଶ୍ଵାଭୟଦୈକକରୋ ଵଶୀ ।
ଅକ୍ଷମାଲାଧରୋ ଜ୍ଞାନମୁଦ୍ରାଵାନ୍ ମୁଦ୍ଗରାୟୁଧଃ ॥ ୪୪ ॥
ପୂର୍ଣପାତ୍ରୀ କମ୍ବୁଧରୋ ଵିଧୃତାଙ୍କୁଶମୂଲକଃ ।
କରସ୍ଥାମ୍ରଫଲଶ୍ଚୂତକଲିକାଭୃତ୍କୁଠାରଵାନ୍ ॥ ୪୫ ॥
ପୁଷ୍କରସ୍ଥସ୍ଵର୍ଣଘଟୀପୂର୍ଣରତ୍ନାଭିଵର୍ଷକଃ ।
ଭାରତୀସୁନ୍ଦରୀନାଥୋ ଵିନାୟକରତିପ୍ରିୟଃ ॥ ୪୬ ॥
ମହାଲକ୍ଷ୍ମୀପ୍ରିୟତମଃ ସିଦ୍ଧଲକ୍ଷ୍ମୀମନୋରମଃ ।
ରମାରମେଶପୂର୍ଵାଙ୍ଗୋ ଦକ୍ଷିଣୋମାମହେଶ୍ଵରଃ ॥ ୪୭ ॥
ମହୀଵରାହଵାମାଙ୍ଗୋ ରତିକନ୍ଦର୍ପପଶ୍ଚିମଃ ।
ଆମୋଦମୋଦଜନନଃ ସମ୍ପ୍ରମୋଦପ୍ରମୋଦନଃ ॥ ୪୮ ॥
ସଂଵର୍ଧିତମହାଵୃଦ୍ଧିରୃଦ୍ଧିସିଦ୍ଧିପ୍ରଵର୍ଧନଃ ।
ଦନ୍ତସୌମୁଖ୍ୟସୁମୁଖଃ କାନ୍ତିକନ୍ଦଲିତାଶ୍ରୟଃ ॥ ୪୯ ॥
ମଦନାଵତ୍ୟାଶ୍ରିତାଙ୍ଘ୍ରିଃ କୃତଵୈମୁଖ୍ୟଦୁର୍ମୁଖଃ ।
ଵିଘ୍ନସମ୍ପଲ୍ଲଵଃ ପଦ୍ମଃ ସର୍ଵୋନ୍ନତମଦଦ୍ରଵଃ ॥ ୫୦ ॥
ଵିଘ୍ନକୃନ୍ନିମ୍ନଚରଣୋ ଦ୍ରାଵିଣୀଶକ୍ତିସତ୍କୃତଃ ।
ତୀଵ୍ରାପ୍ରସନ୍ନନୟନୋ ଜ୍ଵାଲିନୀପାଲିତୈକଦୃକ୍ ॥ ୫୧ ॥
ମୋହିନୀମୋହନୋ ଭୋଗଦାୟିନୀକାନ୍ତିମଣ୍ଡନଃ ।
କାମିନୀକାନ୍ତଵକ୍ତ୍ରଶ୍ରୀରଧିଷ୍ଠିତଵସୁନ୍ଧରଃ ॥ ୫୨ ॥
ଵସୁଧାରାମଦୋନ୍ନାଦୋ ମହାଶଙ୍ଖନିଧିପ୍ରିୟଃ ।
ନମଦ୍ଵସୁମତୀମାଲୀ ମହାପଦ୍ମନିଧିଃ ପ୍ରଭୁଃ ॥ ୫୩ ॥
ସର୍ଵସଦ୍ଗୁରୁସଂସେଵ୍ୟଃ ଶୋଚିଷ୍କେଶହୃଦାଶ୍ରୟଃ ।
ଈଶାନମୂର୍ଧା ଦେଵେନ୍ଦ୍ରଶିଖଃ ପଵନନନ୍ଦନଃ ॥ ୫୪ ॥
ପ୍ରତ୍ୟୁଗ୍ରନୟନୋ ଦିଵ୍ୟୋ ଦିଵ୍ୟାସ୍ତ୍ରଶତପର୍ଵଧୃକ୍ ।
ଐରାଵତାଦିସର୍ଵାଶାଵାରଣୋ ଵାରଣପ୍ରିୟଃ ॥ ୫୫ ॥
ଵଜ୍ରାଦ୍ୟସ୍ତ୍ରପରୀଵାରୋ ଗଣଚଣ୍ଡସମାଶ୍ରୟଃ ।
ଜୟାଜୟପରିକରୋ ଵିଜୟାଵିଜୟାଵହଃ ॥ ୫୬ ॥
ଅଜୟାର୍ଚିତପାଦାବ୍ଜୋ ନିତ୍ୟାନନ୍ଦଵନସ୍ଥିତଃ ।
ଵିଲାସିନୀକୃତୋଲ୍ଲାସଃ ଶୌଣ୍ଡୀ ସୌନ୍ଦର୍ୟମଣ୍ଡିତଃ ॥ ୫୭ ॥
ଅନନ୍ତାନନ୍ତସୁଖଦଃ ସୁମଙ୍ଗଲସୁମଙ୍ଗଲଃ ।
ଜ୍ଞାନାଶ୍ରୟଃ କ୍ରିୟାଧାର ଇଚ୍ଛାଶକ୍ତିନିଷେଵିତଃ ॥ ୫୮ ॥
ସୁଭଗାସଂଶ୍ରିତପଦୋ ଲଲିତାଲଲିତାଶ୍ରୟଃ ।
କାମିନୀପାଲନଃ କାମକାମିନୀକେଲିଲାଲିତଃ ॥ ୫୯ ॥
ସରସ୍ଵତ୍ୟାଶ୍ରୟୋ ଗୌରୀନନ୍ଦନଃ ଶ୍ରୀନିକେତନଃ ।
ଗୁରୁଗୁପ୍ତପଦୋ ଵାଚାସିଦ୍ଧୋ ଵାଗୀଶ୍ଵରୀପତିଃ ॥ ୬୦ ॥
ନଲିନୀକାମୁକୋ ଵାମାରାମୋ ଜ୍ୟେଷ୍ଠାମନୋରମଃ ।
ରୌଦ୍ରୀମୁଦ୍ରିତପାଦାବ୍ଜୋ ହୁମ୍ବୀଜସ୍ତୁଙ୍ଗଶକ୍ତିକଃ ॥ ୬୧ ॥
ଵିଶ୍ଵାଦିଜନନତ୍ରାଣଃ ସ୍ଵାହାଶକ୍ତିଃ ସକୀଲକଃ ।
ଅମୃତାବ୍ଧିକୃତାଵାସୋ ମଦଘୂର୍ଣିତଲୋଚନଃ ॥ ୬୨ ॥
ଉଚ୍ଛିଷ୍ଟୋଚ୍ଛିଷ୍ଟଗଣକୋ ଗଣେଶୋ ଗଣନାୟକଃ ।
ସାର୍ଵକାଲିକସଂସିଦ୍ଧିର୍ନିତ୍ୟସେଵ୍ୟୋ ଦିଗମ୍ବରଃ ॥ ୬୩ ॥
ଅନପାୟୋଽନନ୍ତଦୃଷ୍ଟିରପ୍ରମେୟୋଽଜରାମରଃ ।
ଅନାଵିଲୋଽପ୍ରତିହତିରଚ୍ୟୁତୋଽମୃତମକ୍ଷରଃ ॥ ୬୪ ॥
ଅପ୍ରତର୍କ୍ୟୋଽକ୍ଷୟୋଽଜୟ୍ୟୋଽନାଧାରୋଽନାମୟୋଽମଲଃ ।
ଅମେୟସିଦ୍ଧିରଦ୍ଵୈତମଘୋରୋଽଗ୍ନିସମାନନଃ ॥ ୬୫ ॥
ଅନାକାରୋଽବ୍ଧିଭୂମ୍ୟଗ୍ନିବଲଘ୍ନୋଽଵ୍ୟକ୍ତଲକ୍ଷଣଃ ।
ଆଧାରପୀଠମାଧାର ଆଧାରାଧେୟଵର୍ଜିତଃ ॥ ୬୬ ॥
ଆଖୁକେତନ ଆଶାପୂରକ ଆଖୁମହାରଥଃ ।
ଇକ୍ଷୁସାଗରମଧ୍ୟସ୍ଥ ଇକ୍ଷୁଭକ୍ଷଣଲାଲସଃ ॥ ୬୭ ॥
ଇକ୍ଷୁଚାପାତିରେକଶ୍ରୀରିକ୍ଷୁଚାପନିଷେଵିତଃ ।
ଇନ୍ଦ୍ରଗୋପସମାନଶ୍ରୀରିନ୍ଦ୍ରନୀଲସମଦ୍ୟୁତିଃ ॥ ୬୮ ॥
ଇନ୍ଦୀଵରଦଲଶ୍ୟାମ ଇନ୍ଦୁମଣ୍ଡଲମଣ୍ଡିତଃ ।
ଇଧ୍ମପ୍ରିୟ ଇଡାଭାଗ ଇଡାଵାନିନ୍ଦିରାପ୍ରିୟଃ ॥ ୬୯ ॥
ଇକ୍ଷ୍ଵାକୁଵିଘ୍ନଵିଧ୍ଵଂସୀ ଇତିକର୍ତଵ୍ୟତେପ୍ସିତଃ ।
ଈଶାନମୌଲିରୀଶାନ ଈଶାନପ୍ରିୟ ଈତିହା ॥ ୭୦ ॥
ଈଷଣାତ୍ରୟକଲ୍ପାନ୍ତ ଈହାମାତ୍ରଵିଵର୍ଜିତଃ ।
ଉପେନ୍ଦ୍ର ଉଡୁଭୃନ୍ମୌଲିରୁଡୁନାଥକରପ୍ରିୟଃ ॥ ୭୧ ॥
ଉନ୍ନତାନନ ଉତ୍ତୁଙ୍ଗ ଉଦାରସ୍ତ୍ରିଦଶାଗ୍ରଣୀଃ ।
ଊର୍ଜସ୍ଵାନୂଷ୍ମଲମଦ ଊହାପୋହଦୁରାସଦଃ ॥ ୭୨ ॥
ଋଗ୍ୟଜୁଃସାମନୟନ ଋଦ୍ଧିସିଦ୍ଧିସମର୍ପକଃ ।
ଋଜୁଚିତ୍ତୈକସୁଲଭୋ ଋଣତ୍ରୟଵିମୋଚନଃ ॥ ୭୩ ॥
ଲୁପ୍ତଵିଘ୍ନଃ ସ୍ଵଭକ୍ତାନାଂ ଲୁପ୍ତଶକ୍ତିଃ ସୁରଦ୍ଵିଷାମ୍ ।
ଲୁପ୍ତଶ୍ରୀର୍ଵିମୁଖାର୍ଚାନାଂ ଲୂତାଵିସ୍ଫୋଟନାଶନଃ ॥ ୭୪ ॥
ଏକାରପୀଠମଧ୍ୟସ୍ଥ ଏକପାଦକୃତାସନଃ ।
ଏଜିତାଖିଲଦୈତ୍ୟଶ୍ରୀରେଧିତାଖିଲସଂଶ୍ରୟଃ ॥ ୭୫ ॥
ଐଶ୍ଵର୍ୟନିଧିରୈଶ୍ଵର୍ୟମୈହିକାମୁଷ୍ମିକପ୍ରଦଃ ।
ଐରଂମଦସମୋନ୍ମେଷ ଐରାଵତସମାନନଃ ॥ ୭୬ ॥
ଓଂକାରଵାଚ୍ୟ ଓଂକାର ଓଜସ୍ଵାନୋଷଧୀପତିଃ ।
ଔଦାର୍ୟନିଧିରୌଦ୍ଧତ୍ୟଧୈର୍ୟ ଔନ୍ନତ୍ୟନିଃସମଃ ॥ ୭୭ ॥
ଅଙ୍କୁଶଃ ସୁରନାଗାନାମଙ୍କୁଶାକାରସଂସ୍ଥିତଃ ।
ଅଃ ସମସ୍ତଵିସର୍ଗାନ୍ତପଦେଷୁ ପରିକୀର୍ତିତଃ ॥ ୭୮ ॥
କମଣ୍ଡଲୁଧରଃ କଲ୍ପଃ କପର୍ଦୀ କଲଭାନନଃ ।
କର୍ମସାକ୍ଷୀ କର୍ମକର୍ତା କର୍ମାକର୍ମଫଲପ୍ରଦଃ ॥ ୭୯ ॥
କଦମ୍ବଗୋଲକାକାରଃ କୂଷ୍ମାଣ୍ଡଗଣନାୟକଃ ।
କାରୁଣ୍ୟଦେହଃ କପିଲଃ କଥକଃ କଟିସୂତ୍ରଭୃତ୍ ॥ ୮୦ ॥
ଖର୍ଵଃ ଖଡ୍ଗପ୍ରିୟଃ ଖଡ୍ଗଃ ଖାନ୍ତାନ୍ତଃସ୍ଥଃ ଖନିର୍ମଲଃ ।
ଖଲ୍ଵାଟଶୃଙ୍ଗନିଲୟଃ ଖଟ୍ଵାଙ୍ଗୀ ଖଦୁରାସଦଃ ॥ ୮୧ ॥
ଗୁଣାଢ୍ୟୋ ଗହନୋ ଗଦ୍ୟୋ ଗଦ୍ୟପଦ୍ୟସୁଧାର୍ଣଵଃ ।
ଗଦ୍ୟଗାନପ୍ରିୟୋ ଗର୍ଜୋ ଗୀତଗୀର୍ଵାଣପୂର୍ଵଜଃ ॥ ୮୨ ॥
ଗୁହ୍ୟାଚାରରତୋ ଗୁହ୍ୟୋ ଗୁହ୍ୟାଗମନିରୂପିତଃ ।
ଗୁହାଶୟୋ ଗୁଡାବ୍ଧିସ୍ଥୋ ଗୁରୁଗମ୍ୟୋ ଗୁରୁର୍ଗୁରୁଃ ॥ ୮୩ ॥
ଘଣ୍ଟାଘର୍ଘରିକାମାଲୀ ଘଟକୁମ୍ଭୋ ଘଟୋଦରଃ ।
ଙକାରଵାଚ୍ୟୋ ଙାକାରୋ ଙକାରାକାରଶୁଣ୍ଡଭୃତ୍ ॥ ୮୪ ॥
ଚଣ୍ଡଶ୍ଚଣ୍ଡେଶ୍ଵରଶ୍ଚଣ୍ଡୀ ଚଣ୍ଡେଶଶ୍ଚଣ୍ଡଵିକ୍ରମଃ ।
ଚରାଚରପିତା ଚିନ୍ତାମଣିଶ୍ଚର୍ଵଣଲାଲସଃ ॥ ୮୫ ॥
ଛନ୍ଦଶ୍ଛନ୍ଦୋଦ୍ଭଵଶ୍ଛନ୍ଦୋ ଦୁର୍ଲକ୍ଷ୍ୟଶ୍ଛନ୍ଦଵିଗ୍ରହଃ ।
ଜଗଦ୍ୟୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମୟଃ ॥ ୮୬ ॥
ଜପ୍ୟୋ ଜପପରୋ ଜାପ୍ୟୋ ଜିହ୍ଵାସିଂହାସନପ୍ରଭୁଃ ।
ସ୍ରଵଦ୍ଗଣ୍ଡୋଲ୍ଲସଦ୍ଧାନଝଙ୍କାରିଭ୍ରମରାକୁଲଃ ॥ ୮୭ ॥
ଟଙ୍କାରସ୍ଫାରସଂରାଵଷ୍ଟଙ୍କାରମଣିନୂପୁରଃ ।
ଠଦ୍ଵୟୀପଲ୍ଲଵାନ୍ତସ୍ଥସର୍ଵମନ୍ତ୍ରେଷୁ ସିଦ୍ଧିଦଃ ॥ ୮୮ ॥
ଡିଣ୍ଡିମୁଣ୍ଡୋ ଡାକିନୀଶୋ ଡାମରୋ ଡିଣ୍ଡିମପ୍ରିୟଃ ।
ଢକ୍କାନିନାଦମୁଦିତୋ ଢୌଙ୍କୋ ଢୁଣ୍ଢିଵିନାୟକଃ ॥ ୮୯ ॥
ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵମ୍ପଦନିରୂପିତଃ ।
ତାରକାନ୍ତରସଂସ୍ଥାନସ୍ତାରକସ୍ତାରକାନ୍ତକଃ ॥ ୯୦ ॥
ସ୍ଥାଣୁଃ ସ୍ଥାଣୁପ୍ରିୟଃ ସ୍ଥାତା ସ୍ଥାଵରଂ ଜଙ୍ଗମଂ ଜଗତ୍ ।
ଦକ୍ଷୟଜ୍ଞପ୍ରମଥନୋ ଦାତା ଦାନଂ ଦମୋ ଦୟା ॥ ୯୧ ॥
ଦୟାଵାନ୍ଦିଵ୍ୟଵିଭଵୋ ଦଣ୍ଡଭୃଦ୍ଦଣ୍ଡନାୟକଃ ।
ଦନ୍ତପ୍ରଭିନ୍ନାଭ୍ରମାଲୋ ଦୈତ୍ୟଵାରଣଦାରଣଃ ॥ ୯୨ ॥
ଦଂଷ୍ଟ୍ରାଲଗ୍ନଦ୍ଵୀପଘଟୋ ଦେଵାର୍ଥନୃଗଜାକୃତିଃ ।
ଧନଂ ଧନପତେର୍ବନ୍ଧୁର୍ଧନଦୋ ଧରଣୀଧରଃ ॥ ୯୩ ॥
ଧ୍ୟାନୈକପ୍ରକଟୋ ଧ୍ୟେୟୋ ଧ୍ୟାନଂ ଧ୍ୟାନପରାୟଣଃ ।
ଧ୍ଵନିପ୍ରକୃତିଚୀତ୍କାରୋ ବ୍ରହ୍ମାଣ୍ଡାଵଲିମେଖଲଃ ॥ ୯୪ ॥
ନନ୍ଦ୍ୟୋ ନନ୍ଦିପ୍ରିୟୋ ନାଦୋ ନାଦମଧ୍ୟପ୍ରତିଷ୍ଠିତଃ ।
ନିଷ୍କଲୋ ନିର୍ମଲୋ ନିତ୍ୟୋ ନିତ୍ୟାନିତ୍ୟୋ ନିରାମୟଃ ॥ ୯୫ ॥
ପରଂ ଵ୍ୟୋମ ପରଂ ଧାମ ପରମାତ୍ମା ପରଂ ପଦମ୍ ॥ ୯୬ ॥
ପରାତ୍ପରଃ ପଶୁପତିଃ ପଶୁପାଶଵିମୋଚନଃ ।
ପୂର୍ଣାନନ୍ଦଃ ପରାନନ୍ଦଃ ପୁରାଣପୁରୁଷୋତ୍ତମଃ ॥ ୯୭ ॥
ପଦ୍ମପ୍ରସନ୍ନଵଦନଃ ପ୍ରଣତାଜ୍ଞାନନାଶନଃ ।
ପ୍ରମାଣପ୍ରତ୍ୟୟାତୀତଃ ପ୍ରଣତାର୍ତିନିଵାରଣଃ ॥ ୯୮ ॥
ଫଣିହସ୍ତଃ ଫଣିପତିଃ ଫୂତ୍କାରଃ ଫଣିତପ୍ରିୟଃ ।
ବାଣାର୍ଚିତାଙ୍ଘ୍ରିୟୁଗଲୋ ବାଲକେଲିକୁତୂହଲୀ ।
ବ୍ରହ୍ମ ବ୍ରହ୍ମାର୍ଚିତପଦୋ ବ୍ରହ୍ମଚାରୀ ବୃହସ୍ପତିଃ ॥ ୯୯ ॥
ବୃହତ୍ତମୋ ବ୍ରହ୍ମପରୋ ବ୍ରହ୍ମଣ୍ୟୋ ବ୍ରହ୍ମଵିତ୍ପ୍ରିୟଃ ।
ବୃହନ୍ନାଦାଗ୍ର୍ୟଚୀତ୍କାରୋ ବ୍ରହ୍ମାଣ୍ଡାଵଲିମେଖଲଃ ॥ ୧୦୦ ॥
ଭ୍ରୂକ୍ଷେପଦତ୍ତଲକ୍ଷ୍ମୀକୋ ଭର୍ଗୋ ଭଦ୍ରୋ ଭୟାପହଃ ।
ଭଗଵାନ୍ ଭକ୍ତିସୁଲଭୋ ଭୂତିଦୋ ଭୂତିଭୂଷଣଃ ॥ ୧୦୧ ॥
ଭଵ୍ୟୋ ଭୂତାଲୟୋ ଭୋଗଦାତା ଭ୍ରୂମଧ୍ୟଗୋଚରଃ ।
ମନ୍ତ୍ରୋ ମନ୍ତ୍ରପତିର୍ମନ୍ତ୍ରୀ ମଦମତ୍ତୋ ମନୋ ମୟଃ ॥ ୧୦୨ ॥
ମେଖଲାହୀଶ୍ଵରୋ ମନ୍ଦଗତିର୍ମନ୍ଦନିଭେକ୍ଷଣଃ ।
ମହାବଲୋ ମହାଵୀର୍ୟୋ ମହାପ୍ରାଣୋ ମହାମନାଃ ॥ ୧୦୩ ॥
ୟଜ୍ଞୋ ୟଜ୍ଞପତିର୍ୟଜ୍ଞଗୋପ୍ତା ୟଜ୍ଞଫଲପ୍ରଦଃ ।
ୟଶସ୍କରୋ ୟୋଗଗମ୍ୟୋ ୟାଜ୍ଞିକୋ ୟାଜକପ୍ରିୟଃ ॥ ୧୦୪ ॥
ରସୋ ରସପ୍ରିୟୋ ରସ୍ୟୋ ରଞ୍ଜକୋ ରାଵଣାର୍ଚିତଃ ।
ରାଜ୍ୟରକ୍ଷାକରୋ ରତ୍ନଗର୍ଭୋ ରାଜ୍ୟସୁଖପ୍ରଦଃ ॥ ୧୦୫ ॥
ଲକ୍ଷୋ ଲକ୍ଷପତିର୍ଲକ୍ଷ୍ୟୋ ଲୟସ୍ଥୋ ଲଡ୍ଡୁକପ୍ରିୟଃ ।
ଲାସପ୍ରିୟୋ ଲାସ୍ୟପରୋ ଲାଭକୃଲ୍ଲୋକଵିଶ୍ରୁତଃ ॥ ୧୦୬ ॥
ଵରେଣ୍ୟୋ ଵହ୍ନିଵଦନୋ ଵନ୍ଦ୍ୟୋ ଵେଦାନ୍ତଗୋଚରଃ ।
ଵିକର୍ତା ଵିଶ୍ଵତଶ୍ଚକ୍ଷୁର୍ଵିଧାତା ଵିଶ୍ଵତୋମୁଖଃ ॥ ୧୦୭ ॥
ଵାମଦେଵୋ ଵିଶ୍ଵନେତା ଵଜ୍ରିଵଜ୍ରନିଵାରଣଃ ।
ଵିଵସ୍ଵଦ୍ବନ୍ଧନୋ ଵିଶ୍ଵାଧାରୋ ଵିଶ୍ଵେଶ୍ଵରୋ ଵିଭୁଃ ॥ ୧୦୮ ॥
ଶବ୍ଦବ୍ରହ୍ମ ଶମପ୍ରାପ୍ୟଃ ଶମ୍ଭୁଶକ୍ତିଗଣେଶ୍ଵରଃ ।
ଶାସ୍ତା ଶିଖାଗ୍ରନିଲୟଃ ଶରଣ୍ୟଃ ଶମ୍ବରେଶ୍ଵରଃ ॥ ୧୦୯ ॥
ଷଡୃତୁକୁସୁମସ୍ରଗ୍ଵୀ ଷଡାଧାରଃ ଷଡକ୍ଷରଃ ।
ସଂସାରଵୈଦ୍ୟଃ ସର୍ଵଜ୍ଞଃ ସର୍ଵଭେଷଜଭେଷଜମ୍ ॥ ୧୧୦ ॥
ସୃଷ୍ଟିସ୍ଥିତିଲୟକ୍ରୀଡଃ ସୁରକୁଞ୍ଜରଭେଦକଃ ।
ସିନ୍ଦୂରିତମହାକୁମ୍ଭଃ ସଦସଦ୍ଭକ୍ତିଦାୟକଃ ॥ ୧୧୧ ॥
ସାକ୍ଷୀ ସମୁଦ୍ରମଥନଃ ସ୍ଵୟଂଵେଦ୍ୟଃ ସ୍ଵଦକ୍ଷିଣଃ ।
ସ୍ଵତନ୍ତ୍ରଃ ସତ୍ୟସଙ୍କଲ୍ପଃ ସାମଗାନରତଃ ସୁଖୀ ॥ ୧୧୨ ॥
ହଂସୋ ହସ୍ତିପିଶାଚୀଶୋ ହଵନଂ ହଵ୍ୟକଵ୍ୟଭୁକ୍ ।
ହଵ୍ୟଂ ହୁତପ୍ରିୟୋ ହୃଷ୍ଟୋ ହୃଲ୍ଲେଖାମନ୍ତ୍ରମଧ୍ୟଗଃ ॥ ୧୧୩ ॥
କ୍ଷେତ୍ରାଧିପଃ କ୍ଷମାଭର୍ତା କ୍ଷମାକ୍ଷମପରାୟଣଃ ।
କ୍ଷିପ୍ରକ୍ଷେମକରଃ କ୍ଷେମାନନ୍ଦଃ କ୍ଷୋଣୀସୁରଦ୍ରୁମଃ ॥ ୧୧୪ ॥
ଧର୍ମପ୍ରଦୋଽର୍ଥଦଃ କାମଦାତା ସୌଭାଗ୍ୟଵର୍ଧନଃ ।
ଵିଦ୍ୟାପ୍ରଦୋ ଵିଭଵଦୋ ଭୁକ୍ତିମୁକ୍ତିଫଲପ୍ରଦଃ ॥ ୧୧୫ ॥
ଆଭିରୂପ୍ୟକରୋ ଵୀରଶ୍ରୀପ୍ରଦୋ ଵିଜୟପ୍ରଦଃ ।
ସର୍ଵଵଶ୍ୟକରୋ ଗର୍ଭଦୋଷହା ପୁତ୍ରପୌତ୍ରଦଃ ॥ ୧୧୬ ॥
ମେଧାଦଃ କୀର୍ତିଦଃ ଶୋକହାରୀ ଦୌର୍ଭାଗ୍ୟନାଶନଃ ।
ପ୍ରତିଵାଦିମୁଖସ୍ତମ୍ଭୋ ରୁଷ୍ଟଚିତ୍ତପ୍ରସାଦନଃ ॥ ୧୧୭ ॥
ପରାଭିଚାରଶମନୋ ଦୁଃଖହା ବନ୍ଧମୋକ୍ଷଦଃ ।
ଲଵସ୍ତ୍ରୁଟିଃ କଲା କାଷ୍ଠା ନିମେଷସ୍ତତ୍ପରକ୍ଷଣଃ ॥ ୧୧୮ ॥
ଘଟୀ ମୁହୂର୍ତଃ ପ୍ରହରୋ ଦିଵା ନକ୍ତମହର୍ନିଶମ୍ ।
ପକ୍ଷୋ ମାସର୍ତ୍ଵୟନାବ୍ଦୟୁଗଂ କଲ୍ପୋ ମହାଲୟଃ ॥ ୧୧୯ ॥
ରାଶିସ୍ତାରା ତିଥିର୍ୟୋଗୋ ଵାରଃ କରଣମଂଶକମ୍ ।
ଲଗ୍ନଂ ହୋରା କାଲଚକ୍ରଂ ମେରୁଃ ସପ୍ତର୍ଷୟୋ ଧ୍ରୁଵଃ ॥ ୧୨୦ ॥
ରାହୁର୍ମନ୍ଦଃ କଵିର୍ଜୀଵୋ ବୁଧୋ ଭୌମଃ ଶଶୀ ରଵିଃ ।
କାଲଃ ସୃଷ୍ଟିଃ ସ୍ଥିତିର୍ଵିଶ୍ଵଂ ସ୍ଥାଵରଂ ଜଙ୍ଗମଂ ଜଗତ୍ ॥ ୧୨୧ ॥
ଭୂରାପୋଽଗ୍ନିର୍ମରୁଦ୍ଵ୍ୟୋମାହଂକୃତିଃ ପ୍ରକୃତିଃ ପୁମାନ୍ ।
ବ୍ରହ୍ମା ଵିଷ୍ଣୁଃ ଶିଵୋ ରୁଦ୍ର ଈଶଃ ଶକ୍ତିଃ ସଦାଶିଵଃ ॥ ୧୨୨ ॥
ତ୍ରିଦଶାଃ ପିତରଃ ସିଦ୍ଧା ୟକ୍ଷା ରକ୍ଷାଂସି କିନ୍ନରାଃ ।
ସିଦ୍ଧଵିଦ୍ୟାଧରା ଭୂତା ମନୁଷ୍ୟାଃ ପଶଵଃ ଖଗାଃ ॥ ୧୨୩ ॥
ସମୁଦ୍ରାଃ ସରିତଃ ଶୈଲା ଭୂତଂ ଭଵ୍ୟଂ ଭଵୋଦ୍ଭଵଃ ।
ସାଙ୍ଖ୍ୟଂ ପାତଞ୍ଜଲଂ ୟୋଗଂ ପୁରାଣାନି ଶ୍ରୁତିଃ ସ୍ମୃତିଃ ॥ ୧୨୪ ॥
ଵେଦାଙ୍ଗାନି ସଦାଚାରୋ ମୀମାଂସା ନ୍ୟାୟଵିସ୍ତରଃ ।
ଆୟୁର୍ଵେଦୋ ଧନୁର୍ଵେଦୋ ଗାନ୍ଧର୍ଵଂ କାଵ୍ୟନାଟକମ୍ ॥ ୧୨୫ ॥
ଵୈଖାନସଂ ଭାଗଵତଂ ମାନୁଷଂ ପାଞ୍ଚରାତ୍ରକମ୍ ।
ଶୈଵଂ ପାଶୁପତଂ କାଲାମୁଖମ୍ଭୈରଵଶାସନମ୍ ॥ ୧୨୬ ॥
ଶାକ୍ତଂ ଵୈନାୟକଂ ସୌରଂ ଜୈନମାର୍ହତସଂହିତା ।
ସଦସଦ୍ଵ୍ୟକ୍ତମଵ୍ୟକ୍ତଂ ସଚେତନମଚେତନମ୍ ॥ ୧୨୭ ॥
ବନ୍ଧୋ ମୋକ୍ଷଃ ସୁଖଂ ଭୋଗୋ ୟୋଗଃ ସତ୍ୟମଣୁର୍ମହାନ୍ ।
ସ୍ଵସ୍ତି ହୁଂ ଫଟ୍ ସ୍ଵଧା ସ୍ଵାହା ଶ୍ରୌଷଡ୍ ଵୌଷଡ୍ ଵଷଣ୍ଣମଃ ॥ ୧୨୮ ॥
ଜ୍ଞାନଂ ଵିଜ୍ଞାନମାନନ୍ଦୋ ବୋଧଃ ସଂଵିତ୍ସମୋଽସମଃ ।
ଏକ ଏକାକ୍ଷରାଧାର ଏକାକ୍ଷରପରାୟଣଃ ॥ ୧୨୯ ॥
ଏକାଗ୍ରଧୀରେକଵୀର ଏକୋଽନେକସ୍ଵରୂପଧୃକ୍ ।
ଦ୍ଵିରୂପୋ ଦ୍ଵିଭୁଜୋ ଦ୍ଵ୍ୟକ୍ଷୋ ଦ୍ଵିରଦୋ ଦ୍ଵୀପରକ୍ଷକଃ ॥ ୧୩୦ ॥
ଦ୍ଵୈମାତୁରୋ ଦ୍ଵିଵଦନୋ ଦ୍ଵନ୍ଦ୍ଵହୀନୋ ଦ୍ଵୟାତିଗଃ ।
ତ୍ରିଧାମା ତ୍ରିକରସ୍ତ୍ରେତା ତ୍ରିଵର୍ଗଫଲଦାୟକଃ ॥ ୧୩୧ ॥
ତ୍ରିଗୁଣାତ୍ମା ତ୍ରିଲୋକାଦିସ୍ତ୍ରିଶକ୍ତୀଶସ୍ତ୍ରିଲୋଚନଃ ।
ଚତୁର୍ଵିଧଵଚୋଵୃତ୍ତିପରିଵୃତ୍ତିପ୍ରଵର୍ତକଃ ॥ ୧୩୨ ॥
ଚତୁର୍ବାହୁଶ୍ଚତୁର୍ଦନ୍ତଶ୍ଚତୁରାତ୍ମା ଚତୁର୍ଭୁଜଃ ।
ଚତୁର୍ଵିଧୋପାୟମୟଶ୍ଚତୁର୍ଵର୍ଣାଶ୍ରମାଶ୍ରୟଃ ।
ଚତୁର୍ଥୀପୂଜନପ୍ରୀତଶ୍ଚତୁର୍ଥୀତିଥିସମ୍ଭଵଃ ॥ ୧୩୩ ॥
ପଞ୍ଚାକ୍ଷରାତ୍ମା ପଞ୍ଚାତ୍ମା ପଞ୍ଚାସ୍ୟଃ ପଞ୍ଚକୃତ୍ତମଃ ॥ ୧୩୪ ॥
ପଞ୍ଚାଧାରଃ ପଞ୍ଚଵର୍ଣଃ ପଞ୍ଚାକ୍ଷରପରାୟଣଃ ।
ପଞ୍ଚତାଲଃ ପଞ୍ଚକରଃ ପଞ୍ଚପ୍ରଣଵମାତୃକଃ ॥ ୧୩୫ ॥
ପଞ୍ଚବ୍ରହ୍ମମୟସ୍ଫୂର୍ତିଃ ପଞ୍ଚାଵରଣଵାରିତଃ ।
ପଞ୍ଚଭକ୍ଷପ୍ରିୟଃ ପଞ୍ଚବାଣଃ ପଞ୍ଚଶିଖାତ୍ମକଃ ॥ ୧୩୬ ॥
ଷଟ୍କୋଣପୀଠଃ ଷଟ୍ଚକ୍ରଧାମା ଷଡ୍ଗ୍ରନ୍ଥିଭେଦକଃ ।
ଷଡଙ୍ଗଧ୍ଵାନ୍ତଵିଧ୍ଵଂସୀ ଷଡଙ୍ଗୁଲମହାହ୍ରଦଃ ॥ ୧୩୭ ॥
ଷଣ୍ମୁଖଃ ଷଣ୍ମୁଖଭ୍ରାତା ଷଟ୍ଶକ୍ତିପରିଵାରିତଃ ।
ଷଡ୍ଵୈରିଵର୍ଗଵିଧ୍ଵଂସୀ ଷଡୂର୍ମିଭୟଭଞ୍ଜନଃ ॥ ୧୩୮ ॥
ଷଟ୍ତର୍କଦୂରଃ ଷଟ୍କର୍ମା ଷଡ୍ଗୁଣଃ ଷଡ୍ରସାଶ୍ରୟଃ ।
ସପ୍ତପାତାଲଚରଣଃ ସପ୍ତଦ୍ଵୀପୋରୁମଣ୍ଡଲଃ ॥ ୧୩୯ ॥
ସପ୍ତସ୍ଵର୍ଲୋକମୁକୁଟଃ ସପ୍ତସପ୍ତିଵରପ୍ରଦଃ ।
ସପ୍ତାଙ୍ଗରାଜ୍ୟସୁଖଦଃ ସପ୍ତର୍ଷିଗଣଵନ୍ଦିତଃ ॥ ୧୪୦ ॥
ସପ୍ତଚ୍ଛନ୍ଦୋନିଧିଃ ସପ୍ତହୋତ୍ରଃ ସପ୍ତସ୍ଵରାଶ୍ରୟଃ ।
ସପ୍ତାବ୍ଧିକେଲିକାସାରଃ ସପ୍ତମାତୃନିଷେଵିତଃ ॥ ୧୪୧ ॥
ସପ୍ତଚ୍ଛନ୍ଦୋ ମୋଦମଦଃ ସପ୍ତଚ୍ଛନ୍ଦୋ ମଖପ୍ରଭୁଃ ।
ଅଷ୍ଟମୂର୍ତିର୍ଧ୍ୟେୟମୂର୍ତିରଷ୍ଟପ୍ରକୃତିକାରଣମ୍ ॥ ୧୪୨ ॥
ଅଷ୍ଟାଙ୍ଗୟୋଗଫଲଭୃଦଷ୍ଟପତ୍ରାମ୍ବୁଜାସନଃ ।
ଅଷ୍ଟଶକ୍ତିସମାନଶ୍ରୀରଷ୍ଟୈଶ୍ଵର୍ୟପ୍ରଵର୍ଧନଃ ॥ ୧୪୩ ॥
ଅଷ୍ଟପୀଠୋପପୀଠଶ୍ରୀରଷ୍ଟମାତୃସମାଵୃତଃ ।
ଅଷ୍ଟଭୈରଵସେଵ୍ୟୋଽଷ୍ଟଵସୁଵନ୍ଦ୍ୟୋଽଷ୍ଟମୂର୍ତିଭୃତ୍ ॥ ୧୪୪ ॥
ଅଷ୍ଟଚକ୍ରସ୍ଫୁରନ୍ମୂର୍ତିରଷ୍ଟଦ୍ରଵ୍ୟହଵିଃପ୍ରିୟଃ ।
ଅଷ୍ଟଶ୍ରୀରଷ୍ଟସାମଶ୍ରୀରଷ୍ଟୈଶ୍ଵର୍ୟପ୍ରଦାୟକଃ ।
ନଵନାଗାସନାଧ୍ୟାସୀ ନଵନିଧ୍ୟନୁଶାସିତଃ ॥ ୧୪୫ ॥
ନଵଦ୍ଵାରପୁରାଵୃତ୍ତୋ ନଵଦ୍ଵାରନିକେତନଃ ।
ନଵନାଥମହାନାଥୋ ନଵନାଗଵିଭୂଷିତଃ ॥ ୧୪୬ ॥
ନଵନାରାୟଣସ୍ତୁଲ୍ୟୋ ନଵଦୁର୍ଗାନିଷେଵିତଃ ।
ନଵରତ୍ନଵିଚିତ୍ରାଙ୍ଗୋ ନଵଶକ୍ତିଶିରୋଦ୍ଧୃତଃ ॥ ୧୪୭ ॥
ଦଶାତ୍ମକୋ ଦଶଭୁଜୋ ଦଶଦିକ୍ପତିଵନ୍ଦିତଃ ।
ଦଶାଧ୍ୟାୟୋ ଦଶପ୍ରାଣୋ ଦଶେନ୍ଦ୍ରିୟନିୟାମକଃ ॥ ୧୪୮ ॥
ଦଶାକ୍ଷରମହାମନ୍ତ୍ରୋ ଦଶାଶାଵ୍ୟାପିଵିଗ୍ରହଃ ।
ଏକାଦଶମହାରୁଦ୍ରୈଃସ୍ତୁତଶ୍ଚୈକାଦଶାକ୍ଷରଃ ॥ ୧୪୯ ॥
ଦ୍ଵାଦଶଦ୍ଵିଦଶାଷ୍ଟାଦିଦୋର୍ଦଣ୍ଡାସ୍ତ୍ରନିକେତନଃ ।
ତ୍ରୟୋଦଶଭିଦାଭିନ୍ନୋ ଵିଶ୍ଵେଦେଵାଧିଦୈଵତମ୍ ॥ ୧୫୦ ॥
ଚତୁର୍ଦଶେନ୍ଦ୍ରଵରଦଶ୍ଚତୁର୍ଦଶମନୁପ୍ରଭୁଃ ।
ଚତୁର୍ଦଶାଦ୍ୟଵିଦ୍ୟାଢ୍ୟଶ୍ଚତୁର୍ଦଶଜଗତ୍ପତିଃ ॥ ୧୫୧ ॥
ସାମପଞ୍ଚଦଶଃ ପଞ୍ଚଦଶୀଶୀତାଂଶୁନିର୍ମଲଃ ।
ତିଥିପଞ୍ଚଦଶାକାରସ୍ତିଥ୍ୟା ପଞ୍ଚଦଶାର୍ଚିତଃ ॥ ୧୫୨ ॥
ଷୋଡଶାଧାରନିଲୟଃ ଷୋଡଶସ୍ଵରମାତୃକଃ ।
ଷୋଡଶାନ୍ତପଦାଵାସଃ ଷୋଡଶେନ୍ଦୁକଲାତ୍ମକଃ ॥ ୧୫୩ ॥
କଲାସପ୍ତଦଶୀ ସପ୍ତଦଶସପ୍ତଦଶାକ୍ଷରଃ ।
ଅଷ୍ଟାଦଶଦ୍ଵୀପପତିରଷ୍ଟାଦଶପୁରାଣକୃତ୍ ॥ ୧୫୪ ॥
ଅଷ୍ଟାଦଶୌଷଧୀସୃଷ୍ଟିରଷ୍ଟାଦଶଵିଧିଃ ସ୍ମୃତଃ ।
ଅଷ୍ଟାଦଶଲିପିଵ୍ୟଷ୍ଟିସମଷ୍ଟିଜ୍ଞାନକୋଵିଦଃ ॥ ୧୫୫ ॥
ଅଷ୍ଟାଦଶାନ୍ନସମ୍ପତ୍ତିରଷ୍ଟାଦଶଵିଜାତିକୃତ୍ ।
ଏକଵିଂଶଃ ପୁମାନେକଵିଂଶତ୍ୟଙ୍ଗୁଲିପଲ୍ଲଵଃ ॥ ୧୫୬ ॥
ଚତୁର୍ଵିଂଶତିତତ୍ତ୍ଵାତ୍ମା ପଞ୍ଚଵିଂଶାଖ୍ୟପୂରୁଷଃ ।
ସପ୍ତଵିଂଶତିତାରେଶଃ ସପ୍ତଵିଂଶତିୟୋଗକୃତ୍ ॥ ୧୫୭ ॥
ଦ୍ଵାତ୍ରିଂଶଦ୍ଭୈରଵାଧୀଶଶ୍ଚତୁସ୍ତ୍ରିଂଶନ୍ମହାହ୍ରଦଃ ।
ଷଟ୍ତ୍ରିଂଶତ୍ତତ୍ତ୍ଵସମ୍ଭୂତିରଷ୍ଟତ୍ରିଂଶତ୍କଲାତ୍ମକଃ ॥ ୧୫୮ ॥
ପଞ୍ଚାଶଦ୍ଵିଷ୍ଣୁଶକ୍ତୀଶଃ ପଞ୍ଚାଶନ୍ମାତୃକାଲୟଃ ।
ଦ୍ଵିପଞ୍ଚାଶଦ୍ଵପୁଃଶ୍ରେଣୀତ୍ରିଷଷ୍ଟ୍ୟକ୍ଷରସଂଶ୍ରୟଃ ।
ପଞ୍ଚାଶଦକ୍ଷରଶ୍ରେଣୀପଞ୍ଚାଶଦ୍ରୁଦ୍ରଵିଗ୍ରହଃ ॥ ୧୫୯ ॥
ଚତୁଃଷଷ୍ଟିମହାସିଦ୍ଧିୟୋଗିନୀଵୃନ୍ଦଵନ୍ଦିତଃ ।
ନମଦେକୋନପଞ୍ଚାଶନ୍ମରୁଦ୍ଵର୍ଗନିରର୍ଗଲଃ ॥ ୧୬୦ ॥
ଚତୁଃଷଷ୍ଟ୍ୟର୍ଥନିର୍ଣେତା ଚତୁଃଷଷ୍ଟିକଲାନିଧିଃ ।
ଅଷ୍ଟଷଷ୍ଟିମହାତୀର୍ଥକ୍ଷେତ୍ରଭୈରଵଵନ୍ଦିତଃ ॥ ୧୬୧ ॥
ଚତୁର୍ନଵତିମନ୍ତ୍ରାତ୍ମା ଷଣ୍ଣଵତ୍ୟଧିକପ୍ରଭୁଃ ।
ଶତାନନ୍ଦଃ ଶତଧୃତିଃ ଶତପତ୍ରାୟତେକ୍ଷଣଃ ॥ ୧୬୨ ॥
ଶତାନୀକଃ ଶତମଖଃ ଶତଧାରାଵରାୟୁଧଃ ।
ସହସ୍ରପତ୍ରନିଲୟଃ ସହସ୍ରଫଣିଭୂଷଣଃ ॥ ୧୬୩ ॥
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରନାମସଂସ୍ତୁତ୍ୟଃ ସହସ୍ରାକ୍ଷବଲାପହଃ ॥ ୧୬୪ ॥
ଦଶସାହସ୍ରଫଣିଭୃତ୍ଫଣିରାଜକୃତାସନଃ ।
ଅଷ୍ଟାଶୀତିସହସ୍ରାଦ୍ୟମହର୍ଷିସ୍ତୋତ୍ରପାଠିତଃ ॥ ୧୬୫ ॥
ଲକ୍ଷାଧାରଃ ପ୍ରିୟାଧାରୋ ଲକ୍ଷାଧାରମନୋମୟଃ ।
ଚତୁର୍ଲକ୍ଷଜପପ୍ରୀତଶ୍ଚତୁର୍ଲକ୍ଷପ୍ରକାଶକଃ ॥ ୧୬୬ ॥
ଚତୁରଶୀତିଲକ୍ଷାଣାଂ ଜୀଵାନାଂ ଦେହସଂସ୍ଥିତଃ ।
କୋଟିସୂର୍ୟପ୍ରତୀକାଶଃ କୋଟିଚନ୍ଦ୍ରାଂଶୁନିର୍ମଲଃ ॥ ୧୬୭ ॥
ଶିଵୋଦ୍ଭଵାଦ୍ୟଷ୍ଟକୋଟିଵୈନାୟକଧୁରନ୍ଧରଃ ।
ସପ୍ତକୋଟିମହାମନ୍ତ୍ରମନ୍ତ୍ରିତାଵୟଵଦ୍ୟୁତିଃ ॥ ୧୬୮ ॥
ତ୍ରୟସ୍ତ୍ରିଂଶତ୍କୋଟିସୁରଶ୍ରେଣୀପ୍ରଣତପାଦୁକଃ ।
ଅନନ୍ତଦେଵତାସେଵ୍ୟୋ ହ୍ୟନନ୍ତଶୁଭଦାୟକଃ ॥ ୧୬୯ ॥
ଅନନ୍ତନାମାନନ୍ତଶ୍ରୀରନନ୍ତୋଽନନ୍ତସୌଖ୍ୟଦଃ ।
ଅନନ୍ତଶକ୍ତିସହିତୋ ହ୍ୟନନ୍ତମୁନିସଂସ୍ତୁତଃ ॥ ୧୭୦ ॥
ଇତି ଵୈନାୟକଂ ନାମ୍ନାଂ ସହସ୍ରମିଦମୀରିତମ୍ ।
ଇଦଂ ବ୍ରାହ୍ମେ ମୁହୂର୍ତେ ୟଃ ପଠତି ପ୍ରତ୍ୟହଂ ନରଃ ॥ ୧୭୧ ॥
କରସ୍ଥଂ ତସ୍ୟ ସକଲମୈହିକାମୁଷ୍ମିକଂ ସୁଖମ୍ ।
ଆୟୁରାରୋଗ୍ୟମୈଶ୍ଵର୍ୟଂ ଧୈର୍ୟଂ ଶୌର୍ୟଂ ବଲଂ ୟଶଃ ॥ ୧୭୨ ॥
ମେଧା ପ୍ରଜ୍ଞା ଧୃତିଃ କାନ୍ତିଃ ସୌଭାଗ୍ୟମଭିରୂପତା ।
ସତ୍ୟଂ ଦୟା କ୍ଷମା ଶାନ୍ତିର୍ଦାକ୍ଷିଣ୍ୟଂ ଧର୍ମଶୀଲତା ॥ ୧୭୩ ॥
ଜଗତ୍ସଂଵନନଂ ଵିଶ୍ଵସଂଵାଦୋ ଵେଦପାଟଵମ୍ ।
ସଭାପାଣ୍ଡିତ୍ୟମୌଦାର୍ୟଂ ଗାମ୍ଭୀର୍ୟଂ ବ୍ରହ୍ମଵର୍ଚସମ୍ ॥ ୧୭୪ ॥
ଓଜସ୍ତେଜଃ କୁଲଂ ଶୀଲଂ ପ୍ରତାପୋ ଵୀର୍ୟମାର୍ୟତା ।
ଜ୍ଞାନଂ ଵିଜ୍ଞାନମାସ୍ତିକ୍ୟଂ ସ୍ଥୈର୍ୟଂ ଵିଶ୍ଵାସତା ତଥା ॥ ୧୭୫ ॥
ଧନଧାନ୍ୟାଦିଵୃଦ୍ଧିଶ୍ଚ ସକୃଦସ୍ୟ ଜପାଦ୍ଭଵେତ୍ ।
ଵଶ୍ୟଂ ଚତୁର୍ଵିଧଂ ଵିଶ୍ଵଂ ଜପାଦସ୍ୟ ପ୍ରଜାୟତେ ॥ ୧୭୬ ॥
ରାଜ୍ଞୋ ରାଜକଲତ୍ରସ୍ୟ ରାଜପୁତ୍ରସ୍ୟ ମନ୍ତ୍ରିଣଃ ।
ଜପ୍ୟତେ ୟସ୍ୟ ଵଶ୍ୟାର୍ଥେ ସ ଦାସସ୍ତସ୍ୟ ଜାୟତେ ॥ ୧୭୭ ॥
ଧର୍ମାର୍ଥକାମମୋକ୍ଷାଣାମନାୟାସେନ ସାଧନମ୍ ।
ଶାକିନୀଡାକିନୀରକ୍ଷୋୟକ୍ଷଗ୍ରହଭୟାପହମ୍ ॥ ୧୭୮ ॥
ସାମ୍ରାଜ୍ୟସୁଖଦଂ ସର୍ଵସପତ୍ନମଦମର୍ଦନମ୍ ।
ସମସ୍ତକଲହଧ୍ଵଂସି ଦଗ୍ଧବୀଜପ୍ରରୋହଣମ୍ ॥ ୧୭୯ ॥
ଦୁଃସ୍ଵପ୍ନଶମନଂ କ୍ରୁଦ୍ଧସ୍ଵାମିଚିତ୍ତପ୍ରସାଦନମ୍ ।
ଷଡ୍ଵର୍ଗାଷ୍ଟମହାସିଦ୍ଧିତ୍ରିକାଲଜ୍ଞାନକାରଣମ୍ ॥ ୧୮୦ ॥
ପରକୃତ୍ୟପ୍ରଶମନଂ ପରଚକ୍ରପ୍ରମର୍ଦନମ୍ ।
ସଙ୍ଗ୍ରାମମାର୍ଗେ ସର୍ଵେଷାମିଦମେକଂ ଜୟାଵହମ୍ ॥ ୧୮୧ ॥
ସର୍ଵଵନ୍ଧ୍ୟତ୍ଵଦୋଷଘ୍ନଂ ଗର୍ଭରକ୍ଷୈକକାରଣମ୍ ।
ପଠ୍ୟତେ ପ୍ରତ୍ୟହଂ ୟତ୍ର ସ୍ତୋତ୍ରଂ ଗଣପତେରିଦମ୍ ॥ ୧୮୨ ॥
ଦେଶେ ତତ୍ର ନ ଦୁର୍ଭିକ୍ଷମୀତୟୋ ଦୁରିତାନି ଚ ।
ନ ତଦ୍ଗେହଂ ଜହାତି ଶ୍ରୀର୍ୟତ୍ରାୟଂ ଜପ୍ୟତେ ସ୍ତଵଃ ॥ ୧୮୩ ॥
କ୍ଷୟକୁଷ୍ଠପ୍ରମେହାର୍ଶଭଗନ୍ଦରଵିଷୂଚିକାଃ ।
ଗୁଲ୍ମଂ ପ୍ଲୀହାନମଶମାନମତିସାରଂ ମହୋଦରମ୍ ॥ ୧୮୪ ॥
କାସଂ ଶ୍ଵାସମୁଦାଵର୍ତଂ ଶୂଲଂ ଶୋଫାମୟୋଦରମ୍ ।
ଶିରୋରୋଗଂ ଵମିଂ ହିକ୍କାଂ ଗଣ୍ଡମାଲାମରୋଚକମ୍ ॥ ୧୮୫ ॥
ଵାତପିତ୍ତକଫଦ୍ଵନ୍ଦ୍ଵତ୍ରିଦୋଷଜନିତଜ୍ଵରମ୍ ।
ଆଗନ୍ତୁଵିଷମଂ ଶୀତମୁଷ୍ଣଂ ଚୈକାହିକାଦିକମ୍ ॥ ୧୮୬ ॥
ଇତ୍ୟାଦ୍ୟୁକ୍ତମନୁକ୍ତଂ ଵା ରୋଗଦୋଷାଦିସମ୍ଭଵମ୍ ।
ସର୍ଵଂ ପ୍ରଶମୟତ୍ୟାଶୁ ସ୍ତୋତ୍ରସ୍ୟାସ୍ୟ ସକୃଜ୍ଜପଃ ॥ ୧୮୭ ॥
ପ୍ରାପ୍ୟତେଽସ୍ୟ ଜପାତ୍ସିଦ୍ଧିଃ ସ୍ତ୍ରୀଶୂଦ୍ରୈଃ ପତିତୈରପି ।
ସହସ୍ରନାମମନ୍ତ୍ରୋଽୟଂ ଜପିତଵ୍ୟଃ ଶୁଭାପ୍ତୟେ ॥ ୧୮୮ ॥
ମହାଗଣପତେଃ ସ୍ତୋତ୍ରଂ ସକାମଃ ପ୍ରଜପନ୍ନିଦମ୍ ।
ଇଚ୍ଛୟା ସକଲାନ୍ ଭୋଗାନୁପଭୁଜ୍ୟେହ ପାର୍ଥିଵାନ୍ ॥ ୧୮୯ ॥
ମନୋରଥଫଲୈର୍ଦିଵ୍ୟୈର୍ଵ୍ୟୋମୟାନୈର୍ମନୋରମୈଃ ।
ଚନ୍ଦ୍ରେନ୍ଦ୍ରଭାସ୍କରୋପେନ୍ଦ୍ରବ୍ରହ୍ମଶର୍ଵାଦିସଦ୍ମସୁ ॥ ୧୯୦ ॥
କାମରୂପଃ କାମଗତିଃ କାମଦଃ କାମଦେଶ୍ଵରଃ ।
ଭୁକ୍ତ୍ଵା ୟଥେପ୍ସିତାନ୍ଭୋଗାନଭୀଷ୍ଟୈଃ ସହ ବନ୍ଧୁଭିଃ ॥ ୧୯୧ ॥
ଗଣେଶାନୁଚରୋ ଭୂତ୍ଵା ଗଣୋ ଗଣପତିପ୍ରିୟଃ ।
ନନ୍ଦୀଶ୍ଵରାଦିସାନନ୍ଦୈର୍ନନ୍ଦିତଃ ସକଲୈର୍ଗଣୈଃ ॥ ୧୯୨ ॥
ଶିଵାଭ୍ୟାଂ କୃପୟା ପୁତ୍ରନିର୍ଵିଶେଷଂ ଚ ଲାଲିତଃ ।
ଶିଵଭକ୍ତଃ ପୂର୍ଣକାମୋ ଗଣେଶ୍ଵରଵରାତ୍ପୁନଃ ॥ ୧୯୩ ॥
ଜାତିସ୍ମରୋ ଧର୍ମପରଃ ସାର୍ଵଭୌମୋଽଭିଜାୟତେ ।
ନିଷ୍କାମସ୍ତୁ ଜପନ୍ନିତ୍ୟଂ ଭକ୍ତ୍ୟା ଵିଘ୍ନେଶତତ୍ପରଃ ॥ ୧୯୪ ॥
ୟୋଗସିଦ୍ଧିଂ ପରାଂ ପ୍ରାପ୍ୟ ଜ୍ଞାନଵୈରାଗ୍ୟସଂୟୁତଃ ।
ନିରନ୍ତରେ ନିରାବାଧେ ପରମାନନ୍ଦସଂଜ୍ଞିତେ ॥ ୧୯୫ ॥
ଵିଶ୍ଵୋତ୍ତୀର୍ଣେ ପରେ ପୂର୍ଣେ ପୁନରାଵୃତ୍ତିଵର୍ଜିତେ ।
ଲୀନୋ ଵୈନାୟକେ ଧାମ୍ନି ରମତେ ନିତ୍ୟନିର୍ଵୃତେ ॥ ୧୯୬ ॥
ୟୋ ନାମଭିର୍ହୁତୈର୍ଦତ୍ତୈଃ ପୂଜୟେଦର୍ଚୟୀନ୍ନରଃ ।
ରାଜାନୋ ଵଶ୍ୟତାଂ ୟାନ୍ତି ରିପଵୋ ୟାନ୍ତି ଦାସତାମ୍ ॥ ୧୯୭ ॥
ତସ୍ୟ ସିଧ୍ୟନ୍ତି ମନ୍ତ୍ରାଣାଂ ଦୁର୍ଲଭାଶ୍ଚେଷ୍ଟସିଦ୍ଧୟଃ ।
ମୂଲମନ୍ତ୍ରାଦପି ସ୍ତୋତ୍ରମିଦଂ ପ୍ରିୟତମଂ ମମ ॥ ୧୯୮ ॥
ନଭସ୍ୟେ ମାସି ଶୁକ୍ଲାୟାଂ ଚତୁର୍ଥ୍ୟାଂ ମମ ଜନ୍ମନି ।
ଦୂର୍ଵାଭିର୍ନାମଭିଃ ପୂଜାଂ ତର୍ପଣଂ ଵିଧିଵଚ୍ଚରେତ୍ ॥ ୧୯୯ ॥
ଅଷ୍ଟଦ୍ରଵ୍ୟୈର୍ଵିଶେଷେଣ କୁର୍ୟାଦ୍ଭକ୍ତିସୁସଂୟୁତଃ ।
ତସ୍ୟେପ୍ସିତଂ ଧନଂ ଧାନ୍ୟମୈଶ୍ଵର୍ୟଂ ଵିଜୟୋ ୟଶଃ ॥ ୨୦୦ ॥
ଭଵିଷ୍ୟତି ନ ସନ୍ଦେହଃ ପୁତ୍ରପୌତ୍ରାଦିକଂ ସୁଖମ୍ ।
ଇଦଂ ପ୍ରଜପିତଂ ସ୍ତୋତ୍ରଂ ପଠିତଂ ଶ୍ରାଵିତଂ ଶ୍ରୁତମ୍ ॥ ୨୦୧ ॥
ଵ୍ୟାକୃତଂ ଚର୍ଚିତଂ ଧ୍ୟାତଂ ଵିମୃଷ୍ଟମଭିଵନ୍ଦିତମ୍ ।
ଇହାମୁତ୍ର ଚ ଵିଶ୍ଵେଷାଂ ଵିଶ୍ଵୈଶ୍ଵର୍ୟପ୍ରଦାୟକମ୍ ॥ ୨୦୨ ॥
ସ୍ଵଚ୍ଛନ୍ଦଚାରିଣାପ୍ୟେଷ ୟେନ ସନ୍ଧାର୍ୟତେ ସ୍ତଵଃ ।
ସ ରକ୍ଷ୍ୟତେ ଶିଵୋଦ୍ଭୂତୈର୍ଗଣୈରଧ୍ୟଷ୍ଟକୋଟିଭିଃ ॥ ୨୦୩ ॥
ଲିଖିତଂ ପୁସ୍ତକସ୍ତୋତ୍ରଂ ମନ୍ତ୍ରଭୂତଂ ପ୍ରପୂଜୟେତ୍ ।
ତତ୍ର ସର୍ଵୋତ୍ତମା ଲକ୍ଷ୍ମୀଃ ସନ୍ନିଧତ୍ତେ ନିରନ୍ତରମ୍ ॥ ୨୦୪ ॥
ଦାନୈରଶେଷୈରଖିଲୈର୍ଵ୍ରତୈଶ୍ଚ
ତୀର୍ଥୈରଶେଷୈରଖିଲୈର୍ମଖୈଶ୍ଚ ।
ନ ତତ୍ଫଲଂ ଵିନ୍ଦତି ୟଦ୍ଗଣେଶ-
ସହସ୍ରନାମସ୍ମରଣେନ ସଦ୍ୟଃ ॥ ୨୦୫ ॥
ଏତନ୍ନାମ୍ନାଂ ସହସ୍ରଂ ପଠତି ଦିନମଣୌ ପ୍ରତ୍ୟହଂ
ପ୍ରୋଜ୍ଜିହାନେ ସାୟଂ ମଧ୍ୟନ୍ଦିନେ ଵା
ତ୍ରିଷଵଣମଥଵା ସନ୍ତତଂ ଵା ଜନୋ ୟଃ ।
ସ ସ୍ୟାଦୈଶ୍ଵର୍ୟଧୁର୍ୟଃ ପ୍ରଭଵତି ଵଚସାଂ
କୀର୍ତିମୁଚ୍ଚୈସ୍ତନୋତି ଦାରିଦ୍ର୍ୟଂ ହନ୍ତି ଵିଶ୍ଵଂ
ଵଶୟତି ସୁଚିରଂ ଵର୍ଧତେ ପୁତ୍ରପୌତ୍ରୈଃ ॥ ୨୦୬ ॥
ଅକିଞ୍ଚନୋଽପ୍ୟେକଚିତ୍ତୋ ନିୟତୋ ନିୟତାସନଃ ।
ପ୍ରଜପଂଶ୍ଚତୁରୋ ମାସାନ୍ ଗଣେଶାର୍ଚନତତ୍ପରଃ ॥ ୨୦୭ ॥
ଦରିଦ୍ରତାଂ ସମୁନ୍ମୂଲ୍ୟ ସପ୍ତଜନ୍ମାନୁଗାମପି ।
ଲଭତେ ମହତୀଂ ଲକ୍ଷ୍ମୀମିତ୍ୟାଜ୍ଞା ପାରମେଶ୍ଵରୀ ॥ ୨୦୮ ॥
ଆୟୁଷ୍ୟଂ ଵୀତରୋଗଂ କୁଲମତିଵିମଲଂ ସମ୍ପଦଶ୍ଚାର୍ତିନାଶଃ var ଚାର୍ତଦାନାଃ
କୀର୍ତିର୍ନିତ୍ୟାଵଦାତା ଭଵତି ଖଲୁ ନଵା କାନ୍ତିରଵ୍ୟାଜଭଵ୍ୟା । var ଭଣିତିରଭିନଵା
ପୁତ୍ରାଃ ସନ୍ତଃ କଲତ୍ରଂ ଗୁଣଵଦଭିମତଂ ୟଦ୍ୟଦନ୍ୟଚ୍ଚ ତତ୍ତନ୍ var ସତ୍ୟଂ
ନିତ୍ୟଂ ୟଃ ସ୍ତୋତ୍ରମେତତ୍ ପଠତି ଗଣପତେସ୍ତସ୍ୟ ହସ୍ତେ ସମସ୍ତମ୍ ॥ ୨୦୯ ॥
ଗଣଞ୍ଜୟୋ ଗଣପତିର୍ହେରମ୍ବୋ ଧରଣୀଧରଃ ।
ମହାଗଣପତିର୍ବୁଦ୍ଧିପ୍ରିୟଃ କ୍ଷିପ୍ରପ୍ରସାଦନଃ ॥ ୨୧୦ ॥ var ଗଣପତିର୍ଲକ୍ଷପ୍ରଦଃ
ଅମୋଘସିଦ୍ଧିରମୃତମନ୍ତ୍ରଶ୍ଚିନ୍ତାମଣିର୍ନିଧିଃ ।
ସୁମଙ୍ଗଲୋ ବୀଜମାଶାପୂରକୋ ଵରଦଃ କଲଃ ॥ ୨୧୧ ॥ var ଵରଦଃ ଶିଵଃ
କାଶ୍ୟପୋ ନନ୍ଦନୋ ଵାଚାସିଦ୍ଧୋ ଢୁଣ୍ଢିର୍ଵିନାୟକଃ ।
ମୋଦକୈରେଭିରତ୍ରୈକଵିଂଶତ୍ୟା ନାମଭିଃ ପୁମାନ୍ ॥ ୨୧୨ ॥
ଉପାୟନଂ ଦଦେଦ୍ଭକ୍ତ୍ୟା ମତ୍ପ୍ରସାଦଂ ଚିକୀର୍ଷତି ।
ଵତ୍ସରଂ ଵିଘ୍ନରାଜୋଽସ୍ୟ ତଥ୍ୟମିଷ୍ଟାର୍ଥସିଦ୍ଧୟେ ॥ ୨୧୩ ॥
ୟଃ ସ୍ତୌତି ମଦ୍ଗତମନା ମମାରାଧନତତ୍ପରଃ ।
ସ୍ତୁତୋ ନାମ୍ନା ସହସ୍ରେଣ ତେନାହଂ ନାତ୍ର ସଂଶୟଃ ॥ ୨୧୪ ॥
ନମୋ ନମଃ ସୁରଵରପୂଜିତାଙ୍ଘ୍ରୟେ
ନମୋ ନମୋ ନିରୁପମମଙ୍ଗଲାତ୍ମନେ ।
ନମୋ ନମୋ ଵିପୁଲଦୟୈକସିଦ୍ଧୟେ
ନମୋ ନମଃ କରିକଲଭାନନାୟ ତେ ॥ ୨୧୫ ॥
କିଙ୍କିଣୀଗଣରଚିତଚରଣଃ
ପ୍ରକଟିତଗୁରୁମିତଚାରୁକରଣଃ ।
ମଦଜଲଲହରୀକଲିତକପୋଲଃ
ଶମୟତୁ ଦୁରିତଂ ଗଣପତିନାମ୍ନା ॥ ୨୧୬ ॥
॥ ଇତି ଶ୍ରୀଗଣେଶପୁରାଣେ ଉପାସନାଖଣ୍ଡେ ଈଶ୍ଵରଗଣେଶସଂଵାଦେ
ଗଣେଶସହସ୍ରନାମସ୍ତୋତ୍ରଂ ନାମ ଷଟ୍ଚତ୍ଵାରିଂଶୋଽଧ୍ୟାୟଃ ॥
Also Read 1000 Names of Sri Maha Ganapati:
1000 Names of Sri Mahaganapati | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
