Hariharaputra Sahasranama Stotram Abhishekam Mantra in Hindi:
॥ श्रीहरिहरपुत्रसहस्रनामाभिषेकमन्त्रम् ॥
प्राणापान-व्यानोदान-समाना मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ १ ॥
वाङ्मनश्चक्षुश्रोत्रजिह्वाघ्राणरेतोबुद्ध्याकूतिस्सङ्कल्पा मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ २ ॥
त्वक्चर्म-माग्ंस-रुधिर-मेदो-मज्जा-स्नायवोऽस्थीनि मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ ३ ॥
शिरःपाणि-पाद-पार्श्वपृष्ठोरूदर-जङ्घा-शिश्नोपस्थ-पायवो मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ ४ ॥
पृथिव्यापस्तेजो-वायुराकाशा मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ ५ ॥
शब्द-स्पर्श-रूप-रस-गन्धा मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ ६ ॥
(मनो-बुद्ध्यहङ्कारश्वित्तं मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥)
मनो-वाक्काय-कर्माणि मे शुध्यन्ताम् ।
ज्योतिरहं विरजा विपाप्मा भूयासग्ं स्वाहा ॥ ७ ॥
देवस्य त्वा सवितुः प्रसवे अश्विनोर्बाहुभ्यां पूष्णो हस्ताभ्यां
अश्विनो भेषज्येन तेजसे ब्रह्मवर्चसायाभिषिञ्चामि ॥ ८ ॥
देवस्य त्वा सवितुः प्रसवे अश्विनोर्बाहुभ्यां पूष्णो हस्ताभ्यां
सरस्वत्यै भेषज्येन वीर्यायान्नाद्यायाभिषिञ्चामि ॥ ९ ॥
देवस्य त्वा सवितुः प्रसवे अश्विनोर्बाहुभ्यां पूष्णो हस्ताभ्यां
इन्द्रस्येन्द्रियेण श्रियै यशसे बलायाभिषिञ्चामि ॥ १० ॥
इति श्रीहरिहरपुत्रसहस्रनामाभिषेकमन्त्रं सम्पूर्णम् ।
Also Read:
1000 Names of Sri Hariharaputra | Sahasranama Stotram Abhishekamantram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
