Shri Lakinisahasranamastotram Lyrics in Telugu:
॥ శ్రీలాకినీసహస్రనామస్తోత్రమ్ ॥
శ్రీగణేశాయ నమః ।
ఆనన్దభైరవీ ఉవాచ ।
అథ సమ్భేదనార్థాయ వక్ష్యే షట్పఙ్కజస్య చ ।
మహారుద్రస్య దేవస్య శ్రీ శ్రీమృత్యుఞ్జయస్య చ ॥ ౧ ॥
లాకినీ శక్తిసహితం సహస్రనామమఙ్గలమ్ ।
అష్టోత్తరశతవ్యాప్తం నిగూఢం భవ సిద్ధయే ॥ ౨ ॥
ధారయిత్వా పఠిత్వా చ శ్రుత్వా వా నామమఙ్గలమ్ ।
శృణుష్వ పరమానన్ద యోగేన్ద్ర చన్ద్రశేఖర ॥ ౩ ॥
తవాహ్లాదప్రణయనాత్ సర్వసమ్పత్తిప్రాప్తయే ।
మణియోగసుసిద్ధ్యర్థం సావధానాఽవధారయ ॥ ౪ ॥
అష్టోత్తరసహస్రనామమఙ్గలస్య కహోడ
ఋషిర్గాయత్రీచ్ఛన్దో మహారుద్రమృత్యుఞ్జయలాకినీ సరస్వతీదేవతా
సర్వాభీష్టశచీపీఠయోగసిద్ధ్యర్థే వినియోగః ।
ఓం మృత్యుఞ్జయ రుద్రాది లాకిన్యాది సరస్వతీ ।
మృత్యుజేతా మహారౌద్రీ మహారుద్రసరస్వతీ ॥ ౫ ॥
మహారౌద్రో మృత్యుహరో మహామణివిభూషితా ।
మహాదేవో మహావక్త్రో మహామాయా మహేశ్వరీ ॥ ౬ ॥
మహావీరో మహాకాలో మహాచణ్డేశ్వరీ స్నుషా ।
మహావాతో మహాభేదో వీరభద్రా మహాతురా ॥ ౭ ॥
మహాచణ్డేశ్వరో మీనో మణిపూరప్రకాశికా ।
మహామత్తో మహారాత్రో మహావీరాసనస్థితా ॥ ౮ ॥
మాయావీ మారహన్తా చ మాతఙ్గీ మఙ్గలేశ్వరీ ।
మృత్యుహారీ మునిశ్రేష్ఠా మనోహారీ మనోయవా ॥ ౯ ॥
మణ్డలస్థో మనీలాఙ్గో మాన్యా మోహనమౌలినీ ।
మత్తవేశో మహాబాణో మహాబలా మహాలయా ॥ ౧౦ ॥
మారీ హారీ మహామారీ మదిరామత్తగామినీ ।
మహామాయాశ్రయో మౌనీ మహామాయా మరుత్ప్రియా ॥ ౧౧ ॥
ముద్రాశీ మదిరాపీ చ మనోయోగా మహోదయా ।
మాంసాశీ మీనభక్షశ్చ మోహినీ మేఘవాహనా ॥ ౧౨ ॥
మానభఙ్గప్రియో మాన్యా మహామాన్యో మహాబలా ।
మహాబాణధరో ముఖ్యో మహావిద్యా మహీర్యసీ ॥ ౧౩ ॥
మహాశూలధరోఽనన్తో మహాబలీ మహాకులా ।
మలయాద్రినివాసీ చ మతిర్మాలాసనప్రియా ॥ ౧౪ ॥
మాయాపతిర్మహారుద్రో మరుణాహతకారిణీ ।
మాలాధారీ శఙ్ఖమాలీ మఞ్జరీ మాంసభక్షిణీ ॥ ౧౫ ॥
మహాలక్షణసమ్పన్నో మహాలక్షణలక్షణా ।
మహాజ్ఞానీ మహావేగీ మౌషలీ ముషలప్రియా ॥ ౧౬ ॥
మహోఖ్యో మాలినీనాథో మన్దరాద్రినివాసినీ ।
మౌనీనామన్తరస్థశ్చ మానభఙ్గా మనఃస్వినీ ॥ ౧౭ ॥
మహావిద్యాపతిర్మధ్యో మధ్యే పర్వతవాసినీ ।
మదిరాపో మన్దహరో మదనామదనాసనా ॥ ౧౮ ॥
మదనస్థో మదక్షేత్రో మహాహిమనివాసినీ ।
మహాన్ మహాత్మా మాఙ్గల్యో మహామఙ్గలధారిణీ ॥ ౧౯ ॥
మహాహీనశరీరశ్చ మనోహరతదుద్భవా ।
మాయాశక్తిపతిర్మోహా మహామోహనివాసినీ ॥ ౨౦ ॥
మహచ్చితో నిర్మలాత్మా మహతామశుచిస్థిత ।
మత్తకుఞ్జరపృష్ఠస్థో మత్తకుఞ్జరగామినీ ॥ ౨౧ ॥
మకరో మరుతానన్దో మాకరీ మృగపూజితా ।
మణీపూజ్యా మనోరూపీ మేదమాంసవిభోజినీ ॥ ౨౨ ॥
మహాకామీ మహాధీరో మహామహిషమర్దినీ ।
మహిషాసురబుద్ధిస్థో మహిషాసురనాశినీ ॥ ౨౩ ॥
మహిషస్థో మహేశస్థో మధుకైటభనాశినీ ।
మధునాథశ్చ మధుపో మధుమాంసాదిసిద్ధిదా ॥ ౨౪ ॥
మహాభైరవపూజ్యశ్చ మహాభైరవపూజితా ।
మహాకాన్తి ప్రియానన్దో మహాకాన్తిస్థితాఽమరా ॥ ౨౫ ॥
మాలాకోటిధరో మాలో ముణ్డమాలావిభూషితా ।
మణ్డలజ్ఞాననిరతో మణిమణ్డలవాసినీ ॥ ౨౬ ॥
మహావిభూతిక్రోధస్థో మిథ్యాదోషసరస్వతీ ।
మేరుస్థో మేరునిలయ మేనకానుజరూపిణి ॥ ౨౭ ॥
మహాశైలాసన మేరుమోహినీ మేఘవాహినీ ।
మఞ్జుఘోషో మఞ్జునాథో మోహముద్గరధారిణీ ॥ ౨౮ ॥
మేఢ్రస్థో మణిపీఠస్థో మూలరూపా మనోహరా ।
మఙ్గలార్థో మహాయోగీ మత్తమేహసముద్భవా ॥ ౨౯ ॥
మతిస్థిత మనోమానో మనోమాతా మహోన్మనీ ।
మన్దబుద్ధిహరో మృత్యుర్మృత్యుహన్త్రీ మనఃప్రియా ॥ ౩౦ ॥
మహాభక్తో మహాశక్తో మహాశక్తిర్మదాతురా ।
మణిపురప్రకాశశ్చ మణిపురవిభేదినీ ॥ ౩౧ ॥
మకారకూటనిలయో మానా మానమనోహరీ ।
మాక్షరో మాతృకావర్ణోం మాతృకాబీజమాలినీ ॥ ౩౨ ॥
మహాతేజా మహారశ్మిర్మన్యుగ స్యాన్ మధుప్రియా ।
మధుమాంససముత్పన్నో మధుమాంసవిహారిణీ ॥ ౩౩ ॥
మైథునానన్దనిరతో మైథునాలాపమోహినీ ।
మురారిప్రేమసంతుష్టో మురారికరసేవితా ॥ ౩౪ ॥
మాల్యచన్దనదిగ్ధాఙ్గో మాలినీ మన్త్రజీవికా ।
మన్త్రజాలస్థితో మన్త్రీ మన్త్రిణాంమన్త్రసిద్ధిదా ॥ ౩౫ ॥
మన్త్రచైతన్యకారీ చ మన్త్రసిద్ధిప్రియా సతీ ।
మహాతీర్థప్రియో మేషో మహాసింహాసనస్థితా ॥ ౩౬ ॥
మహాక్రోధసముత్పన్నో మహతీ బుద్ధిదాయినీ ।
మరణజ్ఞానరహితో మహామరణనాశినీ ॥ ౩౭ ॥
మరణోద్భూతహన్తా చ మహాముద్రాన్వితా ముదా ।
మహామోదకరో మారో మారస్థా మారనాశినీ ॥ ౩౮ ॥
మహాహేతుహరో హర్తా మహాపురనివాసినీ ।
మహాకౌలికపాలశ్చ మహాదైత్యనివారిణీ ॥ ౩౯ ॥
మార్తణ్డకోటికిరణో మృతిహన్త్రీ మృతిస్థితా ।
మహాశైలోఽమలో మాయీ మహాకాలగుణోదయా ॥ ౪౦ ॥
మహాజయో మహారుద్రో మహారుద్రారుణాకరా ।
మనోవర్ణమృజోమాఖ్యో ముద్రా తరుణరూపిణీ ॥ ౪౧ ॥
ముణ్డమాలాధరో మార్యో మార్యపుష్పమృజామనీ ।
మఙ్గలప్రేమభావస్థా మహావిద్యుత్ప్రభాఽచలా ॥ ౪౨ ॥
ముద్రాధారీ మతస్థైర్యో మతభేదప్రకారిణీ ।
మహాపురాణవేత్తా చ మహాపౌరాణికాఽమృతా ॥ ౪౩ ॥
మౌనవిద్యో మహావిద్యా మహాధననివాసినీ ।
మఘవా మాఘమధ్యస్థా మహాసైన్యా మహోరగా ॥ ౪౪ ॥
మహాఫణిధరో మాత్రా మాతృకా మన్త్రవాసినీ ।
మహావిభూతిదానాఢ్యా మేరువాహనవాహనా ॥ ౪౫ ॥
మహాహ్లాదో మహామిత్రో మహామైత్రేయపూజితా ।
మార్కణ్డేయసిద్ధిదాతా మార్కణ్డేయాయుషిస్థితా ॥ ౪౬ ॥
మార్కణ్డేయో ముహుఃప్రీతో మాతృకామణ్డలేశ్వరీ ।
మానసంస్థో మానదాతా మనోధారణతత్పరా ॥ ౪౭ ॥
మయదానవచిత్తస్థో మయదానవచిత్రిణీ ।
మహాగుణధరానన్దో మహాలిఙ్గవిహారిణీ ॥ ౪౮ ॥
మహేశ్వరస్థితో మూలో మూలవిద్యాకులోదయా ।
మాయాపో మోహనోన్మాదీ మహాగురునివాసినీ ॥ ౪౯ ॥
మహాశుక్లామ్బరధరో మలయాగురుధూపితా ।
మధూపినీ మధూల్లాసో మాధ్వీరససమాశ్రయా ॥ ౫౦ ॥
మహాగురుర్మహాదేహో మహోత్సాహా మహోత్పలా ।
మధ్యపఙ్కజసంస్థాతా మధ్యామ్బుజనివాసినీ ॥ ౫౧ ॥
మారీభయహరో మల్లో మల్లగ్రహవిరోధినీ ।
మహాముణ్డలయోన్మాదీ మదఘూర్ణీతలోచనా ॥ ౫౨ ॥
మహాసద్యోజాతకాలో మహాకపిలవర్తీనీ ।
మేఘవాహో మహావక్త్రో మనసామణిధారిణీ ॥ ౫౩ ॥
మరణాశ్రయహన్తా చ మహాగుర్వీగణస్థితా ।
మహాపద్మస్థితో మన్త్రో మన్త్రవిద్యానిధీశ్వరీ ॥ ౫౪ ॥
మకరాసనసంస్థాతా మహామృత్యువినాశినీ ।
మోహనో మోహినీనాథో మత్తనర్తనవాసినీ ॥ ౫౫ ॥
మహాకాలకులోల్లాసీ మహాకామాదినాశినీ ।
మూలపద్మనివాసీ చ మహామూలకులోదయా ॥ ౫౬ ॥
మాసాఖ్యో మాంసనిలయా మఙ్గలస్థా మహాగుణా ।
మాయాఛన్నతరో మీనో మీమాంసాగుణవాదినీ ॥ ౫౭ ॥
మీమాంసాకారకో మాయీ మార్జారసిద్ధిదాయినీ ।
మేదినీవల్లభక్షేమో మేదినీజ్ఞానమోదినీ ॥ ౫౮ ॥
మౌషలీశ మృషార్థస్థో మనకల్పితకేశరీ ।
మనస శ్రీధరో జాపో మన్దహాససుశోభితా ॥ ౫౯ ॥
మైనాకో మేనకాపుత్రో మాయాఛన్నా మహాక్రియా ।
మహాక్రియా చ లోమాణ్డో మణ్డలాసనశోభితా ॥ ౬౦ ॥
మాయాధారణకర్తా చ మహాద్వేషవినాశినీ ।
ముక్తకేశీ ముక్తదేహో ముక్తిదా ముక్తిమానినీ ॥ ౬౧ ॥
ముక్తాహారధరో ముక్తో ముక్తిమార్గప్రకాశినీ ।
మహాముక్తిక్రియాచ్ఛన్నో మహోచ్చగిరినన్దినీ ॥ ౬౨ ॥
మూషలాద్యస్త్రహన్తా చ మహాగౌరీమనఃక్రియా ।
మహాధనీ మహామానీ మనోమత్తా మనోలయా ॥ ౬౩ ॥
మహారణగత సాన్తో మహావీణావినోదినీ ।
మహాశత్రునిహన్తా చ మహాస్త్రజాలమాలినీ ॥ ౬౪ ॥
శివో రుద్రో వలీశానీ కితవామోదవర్ధీనీ ।
చన్ద్రచూడాధరో వేదో మదోన్మత్తా మహోజ్జ్వలా ॥ ౬౫ ॥
విగలత్కోటిచన్ద్రాభో విధుకోటిసమోదయా ।
అగ్నిజ్వాలాధరో వీరో జ్వాలామాలాసహస్రధా ॥ ౬౬ ॥
భర్గప్రియకరో ధర్మో మహాధార్మీకతత్పరా ।
ధర్మధ్వజో ధర్మకర్తా ధర్మగుప్తి ప్రసృత్త్వరీ ॥ ౬౭ ॥
మహావిద్రుమపూరస్థో విద్రుమాభాయుతప్రభా ।
పుష్పమాలాధరో మాన్యో శత్రూణాం కులనాశినీ ॥ ౬౮ ॥
కోజాగరో విసర్గస్థో బీజమాలావిభూషితా ।
బీజచన్ద్రో బీజపూరో బీజాభా విఘ్ననాశినీ ॥ ౬౯ ॥
విశిష్టో విధిమోక్షస్థో వేదాఙ్గపరిపూరిణీ ।
కిరాతినీపతి శ్రీమాన్ విజ్ఞావిజ్ఞజనప్రియా ॥ ౭౦ ॥
వర్ధస్థో వర్ధసమ్పన్నో వర్ణమాలావిభూషితా ।
మహాద్రుమగత శూరో విలసత్కోటిచన్ద్రభా ॥ ౭౧ ॥
మహాకుమారనిలయో మహాకామకుమారికా ।
కామజాలక్రియానాథో వికలా కమలాసనా ॥ ౭౨ ॥
ఖణ్డబుద్ధిహరో భావో భవతీతి దురాసనా ।
అసంఖ్యకో రూపసంఖ్యో నామసంఖ్యాదిపూరణీ ॥ ౭౩ ॥
సద్మనాద్యమనా కోషకిఙ్కిణీజాలమాలినీ ।
చన్ద్రాయుతముఖామ్భోజో విభాయుతసమాననా ॥ ౭౪ ॥
కాలబుద్ధిహరో బాలో భగవత్యమ్బికాఽణ్డజా ।
ముణ్డహస్తశ్చాతురాద్యః వివాదరహితాఽవృతా ॥ ౭౫ ॥
పఞ్చమాచారకుశలో మహాపఞ్చమలాలసా ।
వికారశూన్యో దుర్ధర్షో ద్విపదా మానుషక్రియా ॥ ౭౬ ॥
మయదానవకర్మస్థో విధాతృకర్మబోధినీ ।
కలికాలక్రియారూఢ వాయవీఘర్ఘరధ్వని ॥ ౭౭ ॥
సర్వసఞ్చారకర్తా చ సర్వసఞ్చారకర్త్రీకా ।
మన్దమన్దగతిప్రేమా మన్దమన్దగతిస్థితా ॥ ౭౮ ॥
సాట్టహాసో విధుకలా చాఘోరాఘోరయాతనా ।
మహానరకహర్తా చ నరకాదివిపాకహా ॥ ౭౯ ॥
పఞ్చరశ్మిసముద్భూతో నగాదిబలఘాతినీ ।
గరుడాసనసమ్పూజ్యో గరుడప్రేమవర్ధీనీ ॥ ౮౦ ॥
అశ్వత్థవృక్షనిలయో వటవృక్షతలస్థితా ।
చిరాఙ్గో ప్రథమాబుద్ధి ప్రపఞ్చసారసఙ్గతి ॥ ౮౧ ॥
స్థితికర్తా స్థితిచ్ఛాయా విమదా ఛత్రధారిణీ ।
దాడిమాభాసకుసుమో దాడిమోద్భవపుష్పికా ॥ ౮౨ ॥
ద్రాఢ్యో ద్రవీభరతికా రతికాలాపవర్ధీనీ ।
రత్నగర్భో రత్నమాలా రత్నేశ్వర ఇవాగతి ॥ ౮౩ ॥
ప్రసిద్ధః పావనీ పుచ్ఛా పుచ్ఛసుస్థ పరాపరా ।
ఖేచరీ ఖేచర స్వస్థో మహాఖడ్గధరా జయా ॥ ౮౪ ॥
కిశోరభావఖేలస్థో విఖనాదిప్రకారికా ।
మహాశబ్దప్రకాశశ్చ మహాశబ్దప్రకాశికా ॥ ౮౫ ॥
చారుహాసో విపధన్తా శత్రుమిత్రగణస్థితా ।
వజ్రదణ్డధరో వ్యాఘ్రో వియత్ఖేలనఖఞ్జనా ॥ ౮౬ ॥
గదాధర శీలధారీ శశికర్పూరగాఽబలా ।
వసనాసనకారీ చ వసనావసనప్రియా ॥ ౮౭ ॥
మహావిద్యాధరో గుప్తో విశిష్టగోపనక్రియా ।
గుప్తగీతాగాయనస్థో గుప్తశాస్త్రగలప్రదా ॥ ౮౮ ॥
యోగవిద్యాపురాణశ్చ యాగవిద్యా విభాకలా ।
ఏకకాలో ద్వికాలశ్చాత్ర కాలఫలామ్బుజా ॥ ౮౯ ॥
అష్టాదశభుజో రౌద్రీ భుజగా విఘ్ననాశినీ ।
విద్యాగోపనకారీ చ విద్యాసిద్ధిప్రదాయినీ ॥ ౯౦ ॥
విజయానన్దగో మన్దో మహాకాలమహేశ్వరీ ।
భూతిదానరతో మార్గోం మహద్గీతాప్రకాశినీ ॥ ౯౧ ॥
కేశాద్యావేశసన్తానో మఙ్గలాభా కులాన్తరా ।
ద్విభుజో వేదబాహుశ్చ షడ్భుజా కామచారిణీ ॥ ౯౨ ॥
చన్ద్రకాన్తమాల్యధరో లోకాతిలోకరాగిణీ ।
త్రిభఙ్గదేహనికరో విభాఙ్గస్థా వినోదినీ ॥ ౯౩ ॥
త్రికూటస్థస్త్రిభావస్థస్త్రిశరీరా త్రికాలజా ।
ఏకవక్త్రో ద్వివక్త్రశ్చ వక్త్రశూన్యా శిశుప్రియా ॥ ౯౪ ॥
శ్రీ విద్యామన్త్రజాలస్థో విజ్ఞానీ కుశలేశ్వరీ ।
ఘటాసరగతో గౌరా గౌరవీ గౌరికాఽచలా ॥ ౯౫ ॥
గురుజ్ఞానగతో గన్ధో గన్ధభోగ్యా గిరిధ్వజా ।
ఛాయామణ్డలమధ్యస్థో వికటా పుష్కరాననా ॥ ౯౬ ॥
కామాఖ్యో నిరహఙ్కార కామరూపనృపాఙ్గజా ।
సులభో దుర్లభో దుఃఖీ సూక్ష్మాతిసూక్ష్మరూపిణీ ॥ ౯౭ ॥
బీజజాపపశో క్రూరో విమోహగుణనాశినీ ।
అర్ధరో నిపుణోల్లాశో విభురూపా సరస్వతీ ॥ ౯౮ ॥
అనన్తఘోషనిలయో విహఙ్గగణగామినీ ।
అచ్యుతేశ ప్రకాణ్డస్థ ప్రచణ్డఫాలవాహినీ ॥ ౯౯ ॥
అభ్రాన్తో భ్రాన్తిరహితా శ్రాన్తో యాన్తి ప్రతిష్ఠితా ।
అవ్యర్థో వ్యర్థవాక్యస్థో విశఙ్కాశఙ్కయాన్వితా ॥ ౧౦౦ ॥
యమునాపతిప పీనో మహాకాలవసావహా ।
జమ్బూద్వీపేశ్వర పార పారావారకృతాసనీ ॥ ౧౦౧ ॥
వజ్రదణ్డధర శాన్తో మిథ్యాగతిరతీన్ద్రియా ।
అనన్తశయనో న్యూనః పరమాహ్లాదవర్ధీనీ ॥ ౧౦౨ ॥
శిష్టాశ్రణిలయో వ్యాఖ్యో వసన్తకాలసుప్రియా ।
విరజాన్దోలితో భిన్నో విశుద్ధగుణమణ్డితా ॥ ౧౦౩ ॥
అఞ్జనేశః ఖఞ్జనేశ పలలాసవభక్షిణీ ।
అఙ్గభాషాకృతిస్నాతా సుధారసఫలాతురా ॥ ౧౦౪ ॥
ఫలబీజధరో దౌర్గో ద్వారపాలనపల్లవా ।
పిప్పలాదః కారణశ్చ విఖ్యాతిరతివల్లభా ॥ ౧౦౫ ॥
సంహారవిగ్రహో విప్రో విషణ్ణా కామరూపిణీ ।
అవలాపో నాపనాపో విక్లృప్తా కంసనాశినీ ॥ ౧౦౬ ॥
హఠాత్కారేణతో చామో నాచామో వినయక్రియా ।
సర్వ సర్వసుఖాచ్ఛన్నో జితాజితగుణోదయా ॥ ౧౦౭ ॥
భాస్వత్కిరీటో రాఙ్కారీ వరుణేశీతలాన్తరా ।
అమూల్యరత్నదానాఢ్యో దివారాత్రిస్త్రిఖణ్డజా ॥ ౧౦౮ ॥
మారబీజమహామానో హరబీజాదిసంస్థితా ।
అనన్తవాసుకీశానో లాకినీ కాకినీ ద్విధా ॥ ౧౦౯ ॥
కోటిధ్వజో బృహద్గర్గశ్చాముణ్డా రణచణ్డికా ।
ఉమేశో రత్నమాలేశీ వికుమ్భగణపూజితా ॥ ౧౧౦ ॥
నికుమ్భపూజిత కృష్ణో విష్ణుపత్నీ సుధాత్మికా ।
అల్పకాలహరః కున్తో మహాకున్తాస్త్రధారిణీ ॥ ౧౧౧ ॥
బ్రహ్మాస్త్రధారక క్షిప్తో వనమాలావిభూషితా ।
ఏకాక్షర ద్వయక్షరశ్చ షోడశాక్షరసమ్భవా ॥ ౧౧౨ ॥
అతిగమ్భీరవాతస్థో మహాగమ్భీరవాద్యగా ।
త్రివిధాత్మా త్రిదేశాత్మా తృతీయాత్రాణకారిణీ ॥ ౧౧౩ ॥
కియత్కాలచలానన్దో విహఙ్గగమనాసనా ।
గీర్వాణ బాణహన్తా చ బాణహస్తా విధూచ్ఛలా ॥ ౧౧౪ ॥
బిన్దుధర్మోజ్జ్వలోదారో వియజ్జ్వలనకారిణీ ।
వివాసా వ్యాసపూజ్యశ్చ నవదేశీప్రధానికా ॥ ౧౧౫ ॥
విలోలవదనో వామో విరోమా మోదకారిణీ ।
హిరణ్యహారభూషాఙ్గః కలిఙ్గనన్దినీశగా ॥ ౧౧౬ ॥
అనన్యక్షీణవక్షశ్చ క్షితిక్షోభవినాశికా ।
క్షణక్షేత్రప్రసాదాఙ్గో వశిష్ఠాదిఋషీశ్వరీ ॥ ౧౧౭ ॥
రేవాతీరనివాసీ చ గఙ్గాతీరనివాసినీ ।
చాఙ్గేశః పుష్కరేశశ్చ వ్యాసభాషావిశేషికా ॥ ౧౧౮ ॥
అమలానాథసంజ్ఞశ్చ రామేశ్వరసుపూజితా ।
రమానాథ ప్రభు ప్రాప్తి కీర్తీదుర్గాభిధానికా ॥ ౧౧౯ ॥
లమ్బోదర ప్రేమకాలో లమ్బోదరకులప్రియా ।
స్వర్గదేహో ధ్యానమానో లోచనాయతధారిణీ ॥ ౧౨౦ ॥
అవ్యర్థవచనప్రక్ష్యో విద్యావాగీశ్వరప్రియా ।
అబ్దమానస్మృతిప్రాణ కలిఙ్గనగరేశ్వరీ ॥ ౧౨౧ ॥
అతిగుహ్యతరజ్ఞానీ గుప్తచన్ద్రాత్మికాఽవ్యయా ।
మణినాగగతో గన్తా వాగీశానీ బలప్రదా ॥ ౧౨౨ ॥
కులాసనగతో నాశో వినాశా నాశసుప్రియా ।
వినాశమూలః కూలస్థః సంహారకులకేశ్వరీ ॥ ౧౨౩ ॥
త్రివాక్యగుణవిప్రేన్ద్రో మహదాశ్చర్యచిత్రిణీ ।
ఆశుతోషగుణాచ్ఛన్న మదవిహ్వలమణ్డలా ॥ ౧౨౪ ॥
విరూపాక్షీ లేలిహశ్చ మహాముద్రాప్రకాశినీ ।
అష్టాదశాక్షరో రుద్రో మకరన్దసుబిన్దుగా ॥ ౧౨౫ ॥
ఛత్రచామరధారీ చ ఛత్రదాత్రీ త్రిపౌణ్డ్రజా ।
ఇన్ద్రాత్మకో విధాతా చ ధనదా నాదకారిణీ ॥ ౧౨౬ ॥
కుణ్డలీపరమానన్దో మధుపుష్పసముద్భవా ।
బిల్వవృక్షస్థితో రుద్రో నయనామ్బుజవాసినీ ॥ ౧౨౭ ॥
హిరణ్యగర్భ కౌమారో విరూపాక్షా ఋతుప్రియా ।
శ్రీవృక్షనిలయశ్యామో మహాకులతరూద్భవా ॥ ౧౨౮ ॥
కులవృక్షస్థితో విద్వాన్ హిరణ్యరజతప్రియా ।
కులపః ప్రాణప ప్రాణా పఞ్చచూడధరాధరా ॥ ౧౨౯ ॥
ఉషతీ వేదికానాథో నర్మధర్మవివేచికా ।
శీతలాప్త శీతహీనో మనఃస్థైర్యకరీ క్షయా ॥ ౧౩౦ ॥
కుక్షిస్థ క్షణభఙ్గస్థో గిరిపీఠనివాసినీ ।
అర్ధకాయః ప్రసన్నాత్మా ప్రసన్నవనవాసినీ ॥ ౧౩౧ ॥
ప్రతిష్ఠేశ ప్రాణధర్మా జ్యోతీరూపా ఋతుప్రియా ।
ధర్మధ్వజపతాకేశో బలాకా రసవర్ద్ధీనీ ॥ ౧౩౨ ॥
మేరుశృఙ్గగతో ధూర్తో ధూర్తమత్తా ఖలస్పృహా ।
సేవాసిద్ధిప్రదోఽనన్తోఽనన్తకార్యవిభేదికా ॥ ౧౩౩ ॥
భావినామత్త్వజానజ్ఞో విరాటపీఠవాసినీ ।
విచ్ఛేదచ్ఛేదభేదశ్చ ఛలన్శాస్త్రప్రకాశికా ॥ ౧౩౪ ॥
చారుకర్మ్యా సంస్కృతశ్చ తప్తహాటకరూపిణీ ।
పరానన్దరసజ్ఞానీ రససన్తానమన్త్రిణీ ॥ ౧౩౫ ॥
ప్రతీక్ష సూక్ష్మశబ్దశ్చ ప్రసఙ్గసఙ్గతిప్రియా ।
అమాయీ సాగరోద్భూతో వన్ధ్యాదోషవివర్జీతా ॥ ౧౩౬ ॥
జితధర్మో జ్వలచ్ఛత్రీ వ్యాపికా ఫలవాహనా ।
వ్యాఘ్రచర్మామ్బరో యోగీ మహాపీనా వరప్రదా ॥ ౧౩౭ ॥
వరదాతా సారదాతా జ్ఞానదా వరవాహినీ ।
చారుకేశధరో మాపో విశాలా గుణదాఽమ్బరా ॥ ౧౩౮ ॥
తాడఙ్కమాలానిర్మాలధరస్తాడఙ్కమోహినీ ।
పఞ్చాలదేశ సన్భూతో విశుద్ధస్వరవల్లభా ॥ ౧౩౯ ॥
కిరాతపూజితో వ్యాధో మనుచిన్తాపరాయణా ।
శివ వాక్యరతో వామో భృగురామకులేశ్వరీ ॥ ౧౪౦ ॥
స్వయమ్భూ కుసుమాచ్ఛన్నో విధివిద్యాప్రకాశినీ ।
ప్రభాకరతనూద్భూతో విశల్యకరణీశ్వరీ ॥ ౧౪౧ ॥
ఉషతీశ్వర సమ్పర్కీ యోగవిజ్ఞానవాసినీ ।
ఉత్తమో మధ్యమో వ్యాఖ్యో వాచ్యావాచ్యవరాఙ్గనా ॥ ౧౪౨ ॥
ఆమ్బీజవాదరోషాఢ్యా మన్దరోదరకారిణీ ।
కృష్ణసిద్ధాన్తసంస్థానో యుద్ధసాధనచర్చీకా ॥ ౧౪౩ ॥
మథురాసున్దరీనాథో మథురాపీఠవాసినీ ।
పలాయనవిశూన్యశ్చ ప్రకృతిప్రత్యయస్థితా ॥ ౧౪౪ ॥
ప్రకృతిప్రాణనిలయో వికృతిజ్ఞాననాశినీ ।
సర్వశాస్త్రవిభేదశ్చ మత్తసింహాసనాసనా ॥ ౧౪౫ ॥
ఇతిహాసప్రియో ధీరో విమలాఽమలరూపిణీ ।
మణిసింహాసనస్థశ్చ మణిపూరజయోదయా ॥ ౧౪౬ ॥
భద్రకాలీజపానన్దో భద్రాభద్రప్రకాశినీ ।
శ్రీభద్రో భద్రనాథశ్చ భయభఙ్గవిహింసినీ ॥ ౧౪౭ ॥
ఆత్మారామో విధేయాత్మా శూలపాణిప్రియాఽన్తరా ।
అతివిద్యాదృఢాభ్యాసో విశేషవిత్తదాయినీ ॥ ౧౪౮ ॥
అజరాఽమరకాన్తిశ్చ కాన్తికోటిధరా శుభా ।
పశుపాల పద్మసంస్థ శ్రీశపాశుపతాఽస్త్రదా ॥ ౧౪౯ ॥
సర్వశాస్త్రధరో దృప్తో జ్ఞానినీ జ్ఞానవర్ధీనీ ।
ద్వితీయానాథ ఈశార్ద్ధో బాదరాయణమోహినీ ॥ ౧౫౦ ॥
శవమాంసాశనో భీమో భీమనేత్రా భయానకా ।
శివజ్ఞానక్రమో దక్ష క్రియాయోగపరాయణా ॥ ౧౫౧ ॥
దానస్థో దానసమ్పన్నో దన్తురా పార్వతీపరా ।
ప్రియానన్దో దివాకర్తా నిశానిషాదఘాతినీ ॥ ౧౫౨ ॥
అష్టహస్తో విలోలాక్షో మనఃస్థాపనకారిణీ ।
మృదుపుత్రో మృదుచ్ఛత్రో విభాఽఙ్గపుణ్యనన్దినీ ॥ ౧౫౩ ॥
అన్తరిక్షగతో మూలో మూలపుత్రప్రకాశినీ ।
అభీతిదాననిరతో విధుమాలామనోహరీ ॥ ౧౫౪ ॥
చతురాస్రజాహ్నవీశో గిరికన్యా కుతూహలీ ।
శిశుపాలరిపుప్రాణో విదేశపదరక్షిణీ ॥ ౧౫౫ ॥
విలక్షణో విధిజ్ఞాతా మానహన్త్రీ త్రివిక్రమా ।
త్రికోణాననయోగీశో నిమ్ననాభిర్నగేశ్వరీ ॥ ౧౫౬ ॥
నవీన గుణసమ్పన్నో నవకన్యాకులాచలా ।
త్రివిధేశో విశఙ్కేతో విజ్వరా జ్వరదాయినీ ॥ ౧౫౭ ॥
అతిధామీకపుత్రశ్చ చారుసింహాసనస్థితా ।
స్థాపకోత్తమవర్గాణాం సతాం సిద్ధిప్రకాశినీ ॥ ౧౫౮ ॥
సిద్ధప్రియో విశాలాక్షో ధ్వంసకర్త్రీ నిరఞ్జనా ।
శక్తీశో వికలేశశ్చ క్రతుకర్మఫలోదయా ॥ ౧౫౯ ॥
విఫలేశో వియద్గామీ లలితా బుద్ధివాహనా ।
మలయాద్రితప క్షేమ క్షయకర్త్రీ రజోగుణా ॥ ౧౬౦ ॥
ద్విరుణ్డకో ద్వారపాలో బలేవీఘ్నవినాశినీ ।
మాయాపద్మగతో మానో మారీవిద్యావినాశినీ ॥ ౧౬౧ ॥
హిఙ్గులాజస్థిత సిద్ధో విదుషాం వాదసారిణీ ।
శ్రీపతీశ శ్రీకరేశ శ్రీవిద్యా భువనేశ్వరీ ॥ ౧౬౨ ॥
మతిప్రథమజో ధన్యో మిథిలానాథపుత్రికా ।
రామచన్ద్రప్రియ ప్రాప్తో రఘునాథకులేశ్వరీ ॥ ౧౬౩ ॥
కూర్మః కూర్మగతో వీరో వసావర్గా గిరీశ్వరీ ।
రాజరాజేశ్వరీబాలో రతిపీఠగుణాన్తరా ॥ ౧౬౪ ॥
కామరూపధరోల్లాసో విదగ్ధా కామరూపిణీ ।
అతిథీశ సర్వభర్తా నానాలఙ్కారశోభితా ॥ ౧౬౫ ॥
నానాలఙ్కారభూషాఙ్గో నరమాలావిభూషితా ।
జగన్నాథో జగద్వ్యాపీ జగతామిష్టసిద్ధిదా ॥ ౧౬౬ ॥
జగత్కామో జగద్వ్యాపీ జయన్తీ జయదాయినీ ।
జయకారీ జీవకారీ జయదా జీవనీ జయా ॥ ౧౬౭ ॥
జయో గణేశ శ్రీదాతా మహాపీఠనివాసినీ ।
విషమ సామవేదస్థో యజుర్వేదాంశయోగయా ॥ ౧౬౮ ॥
త్రికాలగుణగమ్భీరో ద్వావింశతికరామ్బుజా ।
సహస్రబాహు సారస్థో భాగగా భవభావినీ ॥ ౧౬౯ ॥
భవనాదికరో మార్గో వినీతా నయనామ్బుజా ।
సర్వత్రాకర్షకోఽఖణ్డ సర్వజ్ఞానాభికర్షీణీ ॥ ౧౭౦ ॥
జితాశయో జితవిప్రః కలఙ్కగుణవర్జీతా ।
నిరాధారో నిరాలమ్బో విషయా జ్ఞానవర్జీతా ॥ ౧౭౧ ॥
అతివిస్తారవదనో వివాదఖలనాశినీ ।
భార్యానాథః క్షోభనాశో రిపూణాం కులపూజితా ॥ ౧౭౨ ॥
ఆశవో భూరివర్గాణాం చారుకున్తలమణ్డితా ।
అతిబుద్ధిధరో సూక్ష్మో రజనీధ్వాన్తనాశినీ ॥ ౧౭౩ ॥
జ్యోత్స్నాజాలకరో యోగీ వియోగశాయినీ యుగా ।
యుగగామీ యోగగామీ జయదా లాకినీ శివా ॥ ౧౭౪ ॥
సంజ్ఞాబుద్ధికరో భావో భవభీతివిమోహినీ ।
సున్దర సున్దరానన్దో రతికారతిసున్దరీ ॥ ౧౭౫ ॥
రతిజ్ఞానీ రతిసుఖో రతినాథప్రకాశినీ ।
బుద్ధరూపీ బోధమాత్రో వైరోధో ద్వైతవర్జీతా ॥ ౧౭౬ ॥
భూరిభావహరానన్దో భూరిసన్తానదాయినీ ।
యజ్ఞసాధనకర్తా చ సుయజ్ఞ పఞ్చమోచనా ॥ ౧౭౭ ॥
కోటికోటిచన్ద్రతేజః కోటికోటిరుచిచ్ఛటా ।
కోటికోటిచఞ్చలాభో ద్వికోట్యయుతచఞ్చలా ॥ ౧౭౮ ॥
కోటిసూర్యాచ్ఛన్నదేహ కోటికోటిరవిప్రభా ।
కోటిచన్ద్రకాన్తమణి కోటీన్దుకాన్తనిర్మలా ॥ ౧౭౯ ॥
శతకోటివిధుమణి శతకోటీన్దుకాన్తగా ।
విలసత్కోటికాలాగ్ని కోటికాలానలోపమా ॥ ౧౮౦ ॥
కోటివహ్నిగతో వహ్ని వహ్నిజాయా ద్విగోద్భవా ।
మహాతేజో వహ్నివారిః కాలాగ్నిహారధారిణీ ॥ ౧౮౧ ॥
కాలాగ్నిరుద్రో భగవాన్ కాలాగ్నిరుద్రరూపిణీ ।
కాలాత్మా కలికాలాత్మా కలికా కులలాకినీ ॥ ౧౮౨ ॥
మృత్యుజితో మృత్యుతేజా మృత్యుఞ్జయమనుప్రియా ।
మహామృత్యుహరో మృత్యుఽపమృత్యువినాశినీ ॥ ౧౮౩ ॥
జయో జయేశో జయదో జయదా జయవర్ధీనీ ।
జయకరో జగద్ధర్మో జగజ్జీవనరక్షిణీ ॥ ౧౮౪ ॥
సర్వజిత్ సర్వరూపీ చ సర్వదా సర్వభావినీ ।
ఇత్యేతత్ కథితం నాథ మహావిద్యాభిధానకమ్ ॥ ౧౮౫ ॥
శబ్దబ్రహ్మమయం సాక్షాత్ కల్పవృక్షస్వరూపకమ్ ।
అష్టోత్తరసహస్రాఖ్యం శతసంఖ్యాసమాకులమ్ ॥ ౧౮౬ ॥
త్రైలోక్యమఙ్గలక్షేత్రం సిద్ధవిద్యాఫలప్రదమ్ ।
సకలం నిష్కలం సాక్షాత్ కల్పద్రుమకలాన్వితమ్ ॥ ౧౮౭ ॥
యోగినామాత్మవిజ్ఞానమాత్మజ్ఞానకరం పరమ్ ।
యః పఠేద్ భావసమ్పూర్ణో మిథ్యాధర్మవివర్జీతః ॥ ౧౮౮ ॥
రుద్రపీఠే స్వయం భూత్త్వా మహాయోగీ భవేద్ధ్రువమ్ ।
అకస్మాత్సిద్ధిమాప్నోతి చాధమామ్మాల్యదాయినీమ్ ॥ ౧౮౯ ॥
రాజలక్ష్మీధనైశ్వర్యమతిధైర్య హయాదికమ్ ।
కుఞ్జరం సున్దరం వీరం పుత్రం రాజ్యం సుఖం జయమ్ ॥ ౧౯౦ ॥
రాజరాజేశ్వరత్వం చ దివ్యవాహనమేవ చ ।
అక్లేశపఞ్చమాసిద్ధిం తతః ప్రాప్నోతి మధ్యమామ్ ॥ ౧౯౧ ॥
అత్యన్తదుఃఖహననం గురుత్వం లోకమణ్డలే ।
దేవానాం భక్తిసంఖ్యాఞ్చ దివ్యభావం సదా సుఖమ్ ॥ ౧౯౨ ॥
ఆయుర్వృద్ధిం లోకవశ్యం పూర్ణకోశం హి గోధనమ్ ।
దేవానాం రాజ్యభవనం ప్రత్యక్షే స్వప్నకాలకే ॥ ౧౯౩ ॥
దీర్ఘదృష్టిభయత్యాగం చాల్పకార్యవివర్జీతమ్ ।
సదా ధర్మప్రియత్వం చ ధర్మజ్ఞానం మహాగుణమ్ ॥ ౧౯౪ ॥
వివేకాఙ్కురమానన్దం శ్రీవాణీసుకృపాన్వితమ్ ।
తత ఉత్తమయోగస్థాం సిద్ధిం ప్రాప్నోతి సాధకః ॥ ౧౯౫ ॥
అనన్తగుణసంస్థానం మాయార్థభూతివర్జనమ్ ।
ఏకాన్తస్థానవసతిం యోగశాస్త్రనియోజనమ్ ॥ ౧౯౬ ॥
సర్వాకాఙ్క్షావిశూన్యత్వం దైవతైకాన్తసేవనమ్ ।
ఖేచరత్వం సర్వగతిం భావసిద్ధిం సురప్రియమ్ ॥ ౧౯౭ ॥
సదా రౌద్రక్రియాయోగం విభూత్యష్టాఙ్గసిద్ధిదమ్ ।
దృఢజ్ఞానం సర్వశాస్త్రకారిత్వం రససాగరమ్ ॥ ౧౯౮ ॥
ఏకభావం ద్వైతశూన్యం మహాపదనియోజనమ్ ।
మహాగుణవతీవిద్యాపతిత్వం శాన్తిమేవ చ ॥ ౧౯౯ ॥
ప్రాప్నోతి సాధకశ్రేష్ఠో యః పఠేద్ భావనిశ్చలః ।
త్రికాలమేకకాలం వా ద్వికాలం వా పఠేత్ సుధీః ॥ ౨౦౦ ॥
శతమష్టోత్తరం చాస్య పురశ్చర్యావిధిః స్మృతః ।
పురశ్చరణమాకృత్య పఠిత్వా చ పునః పునః ॥ ౨౦౧ ॥
అష్టైశ్వర్యయుతో భూత్వా మనోగతిమవాప్నుయాత్ ।
సర్వత్ర కుశలం వ్యాప్తం యః పఠేన్నియతః శుచిః ॥ ౨౦౨ ॥
షట్చక్రమణిపీఠఞ్చ భిత్త్వాఽనాహతగో భవేత్ ।
అనాహతం తతో భిత్త్వా విశుద్ధసఙ్గమో భవేత్ ॥ ౨౦౩ ॥
విశుద్ధపద్మం భిత్త్వా చ శీర్షే ద్విదలగో భవేత్ ।
ద్విదలాదిమహాపద్మం భిత్త్వైతత్ స్తోత్రపాఠతః ॥ ౨౦౪ ॥
చతుర్వర్గాం క్రియాం కృత్వా చాన్తే నిర్వాణమోక్షభాక్ ।
యోగినాం యోగసిద్ధ్యర్థే సర్వభూతదయోదయమ్ ॥ ౨౦౫ ॥
నిర్వాణమోక్షసిద్ధ్యర్థే కథితం పరమేశ్వర ।
ఏతత్స్తవనపాఠేన కిం న సిద్ధ్యతి భూతలే ॥ ౨౦౬ ॥
కులం కులక్రమేణైవ సాధయేద్ యోగసాధనమ్ ।
యోగాన్తే యోగమధ్యే చ యోగాద్యే ప్రపఠేత్ స్తవమ్ ॥ ౨౦౭ ॥
కృత్తికారోహిణీయోగయాత్రాయాం మిథునే తథా ।
శ్రవణాయాం మేషగణే కుజే చేన్దుసమాకులే ॥ ౨౦౮ ॥
శనివారే చ సఙ్క్రాన్త్యాం కుజవారే పునః పునః ।
సన్ధ్యాకాలే లిఖేత్ స్తోత్రం ధ్యానధారణయోగిరాట్ ॥ ౨౦౯ ॥
భూర్జపత్రే లిఖిత్వా చ కణ్ఠే శీర్షే ప్రధారయేత్ ।
అథవా రాత్రియోగే చ కులచక్రే లిఖేత్ సుధీః ॥ ౨౧౦ ॥
సర్వత్ర కులయోగేన పఠన్ సిద్ధిమవాప్నుయాత్ ।
ఏతన్నామ్నా ప్రజుహుయాత్ కాలికాకృతిమాన్ భవేత్ ॥ ౨౧౧ ॥
తద్దశాంశక్రమేణైవ హుత్వా యోగీహ సర్వదా ।
మణిపూరే దృఢో భూత్వా రుద్రశక్తికృపాం లభేత్ ॥ ౨౧౨ ॥
॥ ఇతి శ్రీరుద్రయామలే ఉత్తరతన్త్రే
లాకినీశాష్టోత్తరశతసహస్రనామస్తోత్రం సమ్పూర్ణమ్ ॥
Also Read 1000 Names of Sri Lakhani:
1000 Names of Sri Lakini | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
