Shri Lakshmi Sahasranamastotram Lyrics in Malayalam:
॥ ശ്രീലക്ഷ്മീസഹസ്രനാമസ്തോത്രം 1 ॥
അസ്യ ശ്രീമഹാലക്ഷ്മീസഹസ്രനാമസ്തോത്രമഹാമന്ത്രസ്യ
ശ്രീമഹാവിഷ്ണുര്‍ഭഗവാന്‍ ഋഷിഃ, അനുഷ്ടുപ്ഛന്ദഃ,
ശ്രീമഹാലക്ഷ്മീഃ ദേവതാ । ശ്രീം ബീജം ഹ്രീം ശക്തിഃ, ഹ്രൈം കീലകം ।
ശ്രീമഹാലക്ഷ്മീപ്രസാദസിദ്ധ്യര്‍ഥേ ജപേ വിനിയോഗഃ ॥
പദ്മാനനേ പദ്മകരേ സര്‍വലോകൈകപൂജിതേ ।
സാന്നിധ്യം കുരു മേ ചിത്തേ വിഷ്ണുവക്ഷഃസ്ഥലസ്ഥിതേ ॥ 1 ॥
ഭഗവദ്ദക്ഷിണേ പാര്‍ശ്വേ ശ്രിയം ദേവീമവസ്ഥിതാം ।
ഈശ്വരീം സര്‍വഭൂതാനാം ജനനീം സര്‍വദേഹിനാം ॥ 2 ॥
ചാരുസ്മിതാം ചാരുദതീം ചാരുനേത്രാനനഭ്രുവം ।
സുകപോലാം സുകര്‍ണാഗ്രന്യസ്തമൌക്തികകുണ്ഡലാം ॥ 3 ॥
സുകേശാം ചാരുബിംബോഷ്ഠീം രത്നതുങ്ഗഘനസ്തനീം ।
അലകാഗ്രൈരലിനിഭൈരലങ്കൃതമുഖാംബുജം ॥ 4 ॥
ലസത്കനകസങ്കാശാം പീനസുന്ദരകന്ധരാം ।
നിഷ്കകണ്ഠീം സ്തനാലംബിമുക്താഹാരവിരാജിതാം ॥ 5 ॥
നീലകുന്തലമധ്യസ്ഥമാണിക്യമകുടോജ്ജ്വലാം ।
ശുക്ലമാല്യാംബരധരാം തപ്തഹാടകവര്‍ണിനീം ॥ 6 ॥
അനന്യസുലഭൈസ്തൈസ്തൈര്‍ഗുണൈഃ സൌംയമുഖൈര്‍നിജൈഃ ।
അനുരൂപാനവദ്യാങ്ഗീം ഹരേര്‍നിത്യാനപായിനീം ॥ 7 ॥
ശ്രീര്‍വാസുദേവമഹിഷീ പുമ്പ്രധാനേശ്വരേശ്വരീ ।
അചിന്ത്യാനന്തവിഭവാ ഭാവാഭാവവിഭാവിനീ ॥ 1 ॥
അഹംഭാവാത്മികാ പദ്മാ ശാന്താനന്തചിദാത്മികാ ।
ബ്രഹ്മഭാവം ഗതാ ത്യക്തഭേദാ സര്‍വജഗന്‍മയീ ॥ 2 ॥
ഷാഡ്ഗുണ്യപൂര്‍ണാ ത്രയ്യന്തരൂപാത്മാനപഗാമിനീ ।
ഏകയോഗ്യാഽശൂന്യഭാവാകൃതിസ്തേജഃ പ്രഭാവിനീ ॥ 3 ॥
ഭാവ്യഭാവകഭാവാത്മഭാവ്യാ കാമധുഗാഽഽത്മഭൂഃ ।
ഭാവാഭാവമയീ ദിവ്യാ ഭേദ്യഭേദകഭാവനീ ॥ 4 ॥
ജഗത്കുടുംബിന്യഖിലാധാരാ കാമവിജൃംഭിണീ ।
പഞ്ചകൃത്യകരീ പഞ്ചശക്തിമയ്യാത്മവല്ലഭാ ॥ 5 ॥
ഭാവാഭാവാനുഗാ സര്‍വസമ്മതാഽഽത്മോപഗൂഹിനീ ।
അപൃഥക്ചാരിണീ സൌംയാ സൌംയരൂപവ്യവസ്ഥിതാ ॥ 6 ॥
ആദ്യന്തരഹിതാ ദേവീ ഭവഭാവ്യസ്വരൂപിണീ ।
മഹാവിഭൂതിഃ സമതാം ഗതാ ജ്യോതിര്‍ഗണേശ്വരീ ॥ 7 ॥
സ്വാതന്ത്ര്യരൂപാ ദേവോരഃസ്ഥിതാ തദ്ധര്‍മധര്‍മിണീ ।
സര്‍വഭൂതേശ്വരീ സര്‍വഭൂതമാതാഽഽത്മമോഹിനീ ॥ 9 ॥
സര്‍വാങ്ഗസുന്ദരീ സര്‍വവ്യാപിനീ പ്രാപ്തയോഗിനീ ।
വിമുക്തിദായിനീ ഭക്തിഗംയാ സംസാരതാരിണീ ॥ 10 ॥
ധര്‍മാര്‍ഥസാധിനീ വ്യോമനിലയാ വ്യോമവിഗ്രഹാ ।
പഞ്ചവ്യോമപദീ രക്ഷവ്യാവൃതിഃ പ്രാപ്യപൂരിണീ ॥ 11 ॥
ആനന്ദരൂപാ സര്‍വാപ്തിശാലിനീ ശക്തിനായികാ ।
ഹിരണ്യവര്‍ണാ ഹൈരണ്യപ്രാകാരാ ഹേമമാലിനീ ॥ 12 ॥
പ്രത്നരത്നാ ഭദ്രപീഠാ വേശിനീ രജതസ്രജാ ।
സ്വാജ്ഞാകാര്യമരാ നിത്യാ സുരഭിര്‍വ്യോമചാരിണീ ॥ 13 ॥
യോഗക്ഷേമവഹാ സര്‍വസുലഭേച്ഛാക്രിയാത്മികാ ।
കരുണാഗ്രാനതമുഖീ കമലാക്ഷീ ശശിപ്രഭാ ॥ 14 ॥
കല്യാണദായിനീ കല്യാ കലികല്‍മഷനാശിനീ ।
പ്രജ്ഞാപരിമിതാഽഽത്മാനുരൂപാ സത്യോപയാചിതാ ॥ 15 ॥
മനോജ്ഞേയാ ജ്ഞാനഗംയാ നിത്യമുക്താത്മസേവിനീ ।
കര്‍തൃശക്തിഃ സുഗഹനാ ഭോക്തൃശക്തിര്‍ഗുണപ്രിയാ ॥ 16 ॥
ജ്ഞാനശക്തിരനൌപംയാ നിര്‍വികല്‍പാ നിരാമയാ ।
അകലങ്കാഽമൃതാധാരാ മഹാശക്തിര്‍വികാസിനീ ॥ 17 ॥
മഹാമായാ മഹാനന്ദാ നിഃസങ്കല്‍പാ നിരാമയാ ।
ഏകസ്വരൂപാ ത്രിവിധാ സങ്ഖ്യാതീതാ നിരഞ്ജനാ ॥ 18 ॥
ആത്മസത്താ നിത്യശുചിഃ പരശക്തിഃ സുഖോചിതാ ।
നിത്യശാന്താ നിസ്തരങ്ഗാ നിര്‍ഭിന്നാ സര്‍വഭേദിനീ ॥ 19 ॥
അസങ്കീര്‍ണാഽവിധേയാത്മാ നിഷേവ്യാ സര്‍വപാലിനീ ।
നിഷ്കാമനാ സര്‍വരസാഽഭേദ്യാ സര്‍വാര്‍ഥ സാധിനീ ॥ 20 ॥
അനിര്‍ദേശ്യാഽപരിമിതാ നിര്‍വികാരാ ത്രിലക്ഷണാ ।
ഭയങ്കരീ സിദ്ധിരൂപാഽവ്യക്താ സദസദാകൃതിഃ ॥ 21 ॥
അപ്രതര്‍ക്യാഽപ്രതിഹതാ നിയന്ത്രീ യന്ത്രവാഹിനീ ।
ഹാര്‍ദമൂര്‍തിര്‍മഹാമൂര്‍തിഃ അവ്യക്താ വിശ്വഗോപിനീ ॥ 22 ॥
വര്‍ധമാനാഽനവദ്യാങ്ഗീ നിരവദ്യാ ത്രിവര്‍ഗദാ ।
അപ്രമേയാഽക്രിയാ സൂക്ഷ്മാ പരനിര്‍വാണദായിനീ ॥ 23 ॥
അവിഗീതാ തന്ത്രസിദ്ധാ യോഗസിദ്ധാഽമരേശ്വരീ ।
വിശ്വസൂതിസ്തര്‍പയന്തീ നിത്യതൃത്പാ മഹൌഷധിഃ ॥ 24 ॥
ശബ്ദാഹ്വയാ ശബ്ദസഹാ കൃതജ്ഞാ കൃതലക്ഷണാ ।
ത്രിവര്‍തിനീ ത്രിലോകസ്ഥാ ഭൂര്‍ഭുവഃസ്വരയോനിജാ ॥ 25 ॥
അഗ്രാഹ്യാഽഗ്രാഹികാഽനന്താഹ്വയാ സര്‍വാതിശായിനീ ।
വ്യോമപദ്മാ കൃതധുരാ പൂര്‍ണകാമാ മഹേശ്വരീ ॥ 26 ॥
സുവാച്യാ വാചികാ സത്യകഥനാ സര്‍വപാലിനീ ।
ലക്ഷ്യമാണാ ലക്ഷയന്തീ ജഗജ്ജ്യേഷ്ഠാ ശുഭാവഹാ ॥ 27 ॥
ജഗത്പ്രതിഷ്ഠാ ഭുവനഭര്‍ത്രീ ഗൂഢപ്രഭാവതീ ।
ക്രിയായോഗാത്മികാ മൂര്‍തിഃ ഹൃദബ്ജസ്ഥാ മഹാക്രമാ ॥ 28 ॥
പരമദ്യൌഃ പ്രഥമജാ പരമാപ്താ ജഗന്നിധിഃ ।
ആത്മാനപായിനീ തുല്യസ്വരൂപാ സമലക്ഷണാ ॥ 29 ॥
തുല്യവൃത്താ സമവയാ മോദമാനാ ഖഗധ്വജാ ।
പ്രിയചേഷ്ടാ തുല്യശീലാ വരദാ കാമരൂപിണീ ॥ 30 ॥
സമഗ്രലക്ഷണാഽനന്താ തുല്യഭൂതിഃ സനാതനീ ।
മഹര്‍ദ്ധിഃ സത്യസങ്കല്‍പാ ബഹ്വൃചാ പരമേശ്വരീ ॥ 31 ॥
ജഗന്‍മാതാ സൂത്രവതീ ഭൂതധാത്രീ യശസ്വിനീ ।
മഹാഭിലാഷാ സാവിത്രീ പ്രധാനാ സര്‍വഭാസിനീ ॥ 32 ॥
നാനാവപുര്‍ബഹുഭിദാ സര്‍വജ്ഞാ പുണ്യകീര്‍തനാ ।
ഭൂതാശ്രയാ ഹൃഷീകേശ്വര്യശോകാ വാജിവാഹികാ ॥ 33 ॥
ബ്രഹ്മാത്മികാ പുണ്യജനിഃ സത്യകാമാ സമാധിഭൂഃ ।
ഹിരണ്യഗര്‍ഭാ ഗംഭീരാ ഗോധൂലിഃ കമലാസനാ ॥ 34 ॥
ജിതക്രോധാ കുമുദിനീ വൈജയന്തീ മനോജവാ ।
ധനലക്ഷ്മീഃ സ്വസ്തികരീ രാജ്യലക്ഷ്മീര്‍മഹാസതീ ॥ 35 ॥
ജയലക്ഷ്മീര്‍മഹാഗോഷ്ഠീ മഘോനീ മാധവപ്രിയാ ।
പദ്മഗര്‍ഭാ വേദവതീ വിവിക്താ പരമേഷ്ഠിനീ ॥ 36 ॥
സുവര്‍ണബിന്ദുര്‍മഹതീ മഹായോഗിപ്രിയാഽനഘാ ।
പദ്മേ സ്ഥിതാ വേദമയീ കുമുദാ ജയവാഹിനീ ॥ 37 ॥
സംഹതിര്‍നിര്‍മിതാ ജ്യോതിഃ നിയതിര്‍വിവിധോത്സവാ ।
രുദ്രവന്ദ്യാ സിന്ധുമതീ വേദമാതാ മധുവ്രതാ ॥ 38 ॥
വിശ്വംഭരാ ഹൈമവതീ സമുദ്രേച്ഛാവിഹാരിണീ ।
അനുകൂലാ യജ്ഞവതീ ശതകോടിഃ സുപേശലാ ॥ 39 ॥
ധര്‍മോദയാ ധര്‍മസേവ്യാ സുകുമാരീ സഭാവതീ ।
ഭീമാ ബ്രഹ്മസ്തുതാ മധ്യപ്രഭാ ദേവര്‍ഷിവന്ദിതാ ॥ 40 ॥
ദേവഭോഗ്യാ മഹാഭാഗാ പ്രതിജ്ഞാപൂര്‍ണശേവധിഃ ।
സുവര്‍ണരുചിരപ്രഖ്യാ ഭോഗിനീ ഭോഗദായിനീ ॥ 41 ॥
വസുപ്രദോത്തമവധൂഃ ഗായത്രീ കമലോദ്ഭവാ ।
വിദ്വത്പ്രിയാ പദ്മചിഹ്നാ വരിഷ്ഠാ കമലേക്ഷണാ ॥ 42 ॥
പദ്മപ്രിയാ സുപ്രസന്നാ പ്രമോദാ പ്രിയപാര്‍ശ്വഗാ ।
വിശ്വഭൂഷാ കാന്തിമതീ കൃഷ്ണാ വീണാരവോത്സുകാ ॥ 43 ॥
രോചിഷ്കരീ സ്വപ്രകാശാ ശോഭമാനവിഹങ്ഗമാ ।
ദേവാങ്കസ്ഥാ പരിണതിഃ കാമവത്സാ മഹാമതിഃ ॥ 44 ॥
ഇല്വലോത്പലനാഭാഽധിശമനീ വരവര്‍ണിനീ ।
സ്വനിഷ്ഠാ പദ്മനിലയാ സദ്ഗതിഃ പദ്മഗന്ധിനീ ॥ 45 ॥
പദ്മവര്‍ണാ കാമയോനിഃ ചണ്ഡികാ ചാരുകോപനാ ।
രതിസ്നുഷാ പദ്മധരാ പൂജ്യാ ത്രൈലോക്യമോഹിനീ ॥ 46 ॥
നിത്യകന്യാ ബിന്ദുമാലിന്യക്ഷയാ സര്‍വമാതൃകാ ।
ഗന്ധാത്മികാ സുരസികാ ദീപ്തമൂര്‍തിഃ സുമധ്യമാ ॥ 47 ॥
പൃഥുശ്രോണീ സൌംയമുഖീ സുഭഗാ വിഷ്ടരശ്രുതിഃ ।
സ്മിതാനനാ ചാരുദതീ നിംനനാഭിര്‍മഹാസ്തനീ ॥ 48 ॥
സ്നിഗ്ധവേണീ ഭഗവതീ സുകാന്താ വാമലോചനാ ।
പല്ലവാങ്ഘ്രിഃ പദ്മമനാഃ പദ്മബോധാ മഹാപ്സരാഃ ॥ 49 ॥
വിദ്വത്പ്രിയാ ചാരുഹാസാ ശുഭദൃഷ്ടിഃ കകുദ്മിനീ ।
കംബുഗ്രീവാ സുജഘനാ രക്തപാണിര്‍മനോരമാ ॥ 50 ॥
പദ്മിനീ മന്ദഗമനാ ചതുര്‍ദംഷ്ട്രാ ചതുര്‍ഭുജാ ।
ശുഭരേഖാ വിലാസഭ്രൂഃ ശുകവാണീ കലാവതീ ॥ 51 ॥
ഋജുനാസാ കലരവാ വരാരോഹാ തലോദരീ ।
സന്ധ്യാ ബിംബാധരാ പൂര്‍വഭാഷിണീ സ്ത്രീസമാഹ്വയാ ॥ 52 ॥
ഇക്ഷുചാപാ സുമശരാ ദിവ്യഭൂഷാ മനോഹരാ ।
വാസവീ പാണ്ഡരച്ഛത്രാ കരഭോരുസ്തിലോത്തമാ ॥ 53 ॥
സീമന്തിനീ പ്രാണശക്തിഃ വിഭീഷണ്യസുധാരിണീ ।
ഭദ്രാ ജയാവഹാ ചന്ദ്രവദനാ കുടിലാലകാ ॥ 54 ॥
ചിത്രാംബരാ ചിത്രഗന്ധാ രത്നമൌലിസമുജ്ജ്വലാ ।
ദിവ്യായുധാ ദിവ്യമാല്യാ വിശാഖാ ചിത്രവാഹനാ ॥ 55 ॥
അംബികാ സിന്ധുതനയാ സുശ്രേണിഃ സുമഹാസനാ ।
സാമപ്രിയാ നംരിതാങ്ഗീ സര്‍വസേവ്യാ വരാങ്ഗനാ ॥ 56 ॥
ഗന്ധദ്വാരാ ദുരാധര്‍ഷാ നിത്യപുഷ്ടാ കരീഷിണീ ।
ദേവജുഷ്ടാഽഽദിത്യവര്‍ണാ ദിവ്യഗന്ധാ സുഹൃത്തമാ ॥ 57 ॥
അനന്തരൂപാഽനന്തസ്ഥാ സര്‍വദാനന്തസങ്ഗമാ ।
യജ്ഞാശിനീ മഹാവൃഷ്ടിഃ സര്‍വപൂജ്യാ വഷട്ക്രിയാ ॥ 58 ॥
യോഗപ്രിയാ വിയന്നാഭിഃ അനന്തശ്രീരതീന്ദ്രിയാ ।
യോഗിസേവ്യാ സത്യരതാ യോഗമായാ പുരാതനീ ॥ 59 ॥
സര്‍വേശ്വരീ സുതരണിഃ ശരണ്യാ ധര്‍മദേവതാ ।
സുതരാ സംവൃതജ്യോതിഃ യോഗിനീ യോഗസിദ്ധിദാ ॥ 60 ॥
സൃഷ്ടിശക്തിര്‍ദ്യോതമാനാ ഭൂതാ മങ്ഗലദേവതാ ।
സംഹാരശക്തിഃ പ്രബലാ നിരുപാധിഃ പരാവരാ ॥ 61 ॥
ഉത്താരിണീ താരയന്തീ ശാശ്വതീ സമിതിഞ്ജയാ ।
മഹാശ്രീരജഹത്കീര്‍തിഃ യോഗശ്രീഃ സിദ്ധിസാധനീ ॥ 62 ॥
പുണ്യശ്രീഃ പുണ്യനിലയാ ബ്രഹ്മശ്രീര്‍ബ്രാഹ്മണപ്രിയാ ।
രാജശ്രീ രാജകലിതാ ഫലശ്രീഃ സ്വര്‍ഗദായിനീ ॥ 63 ॥
ദേവശ്രീരദ്ഭുതകഥാ വേദശ്രീഃ ശ്രുതിമാര്‍ഗിണീ ।
തമോഽപഹാഽവ്യയനിധിഃ ലക്ഷണാ ഹൃദയങ്ഗമാ ॥ 94 ॥
മൃതസഞ്ജീവിനീ ശുഭ്രാ ചന്ദ്രികാ സര്‍വതോമുഖീ ।
സര്‍വോത്തമാ മിത്രവിന്ദാ മൈഥിലീ പ്രിയദര്‍ശനാ ॥ 65 ॥
സത്യഭാമാ വേദവേദ്യാ സീതാ പ്രണതപോഷിണീ ।
മൂലപ്രകൃതിരീശാനാ ശിവദാ ദീപ്രദീപിനീ ॥ 66 ॥
അഭിപ്രിയാ സ്വൈരവൃത്തിഃ രുക്മിണീ സര്‍വസാക്ഷിണീ ।
ഗാന്ധാരിണീ പരഗതിഃ തത്വഗര്‍ഭാ ഭവാഭവാ ॥ 67 ॥
അന്തര്‍വൃത്തിര്‍മഹാരുദ്രാ വിഷ്ണുദുര്‍ഗാ മഹാബലാ ।
മദയന്തീ ലോകധാരിണ്യദൃശ്യാ സര്‍വനിഷ്കൃതിഃ ॥ 68 ॥
ദേവസേനാഽഽത്മബലദാ വസുധാ മുഖ്യമാതൃകാ ।
ക്ഷീരധാരാ ഘൃതമയീ ജുഹ്വതീ യജ്ഞദക്ഷിണാ ॥ 69 ॥
യോഗനിദ്രാ യോഗരതാ ബ്രഹ്മചര്യാ ദുരത്യയാ ।
സിംഹപിഞ്ഛാ മഹാദുര്‍ഗാ ജയന്തീ ഖങ്ഗധാരിണീ ॥ 70 ॥
സര്‍വാര്‍തിനാശിനീ ഹൃഷ്ട സര്‍വേച്ഛാപരിപൂരികാ ।
ആര്യാ യശോദാ വസുദാ ധര്‍മകാമാര്‍ഥമോക്ഷദാ ॥ 71 ॥
ത്രിശൂലിനീ പദ്മചിഹ്നാ മഹാകാലീന്ദുമാലിനീ ।
ഏകവീരാ ഭദ്രകാലീ സ്വാനന്ദിന്യുല്ലസദ്ഗദാ ॥ 72 ॥
നാരായണീ ജഗത്പൂരിണ്യുര്‍വരാ ദ്രുഹിണപ്രസൂഃ ।
യജ്ഞകാമാ ലേലിഹാനാ തീര്‍ഥകര്യുഗ്രവിക്രമാ ॥ 73 ॥
ഗരുത്മദുദയാഽത്യുഗ്രാ വാരാഹീ മാതൃഭാശിണീ ।
അശ്വക്രാന്താ രഥക്രാന്താ വിഷ്ണുക്രാന്തോരുചാരിണീ ॥ 74 ॥
വൈരോചനീ നാരസിംഹീ ജീമൂതാ ശുഭദേക്ഷണാ ।
ദീക്ഷാവിദാ വിശ്വശക്തിഃ ബീജശക്തിഃ സുദര്‍ശനീ ॥ 75 ॥
പ്രതീതാ ജഗതീ വന്യധാരിണീ കലിനാശിനീ ।
അയോധ്യാഽച്ഛിന്നസന്താനാ മഹാരത്നാ സുഖാവഹാ ॥ 76 ॥
രാജവത്യപ്രതിഭയാ വിനയിത്രീ മഹാശനാ ।
അമൃതസ്യന്ദിനീ സീമാ യജ്ഞഗര്‍ഭാ സമേക്ഷണാ ॥ 77 ॥
ആകൂതിഋഗ്യജുസ്സാമഘോഷാഽഽരാമവനോത്സുകാ ।
സോമപാ മാധവീ നിത്യകല്യാണീ കമലാര്‍ചിതാ ॥ 78 ॥
യോഗാരൂഢാ സ്വാര്‍ഥജുഷ്ടാ വഹ്നിവര്‍ണാ ജിതാസുരാ ।
യജ്ഞവിദ്യാ ഗുഹ്യവിദ്യാഽധ്യാത്മവിദ്യാ കൃതാഗമാ ॥ 79 ॥
ആപ്യായനീ കലാതീതാ സുമിത്രാ പരഭക്തിദാ ।
കാങ്ക്ഷമാണാ മഹാമായാ കോലകാമാഽമരാവതീ ॥ 80 ॥
സുവീര്യാ ദുഃസ്വപ്നഹരാ ദേവകീ വസുദേവതാ ।
സൌദാമിനീ മേഘരഥാ ദൈത്യദാനവമര്‍ദിനീ ॥ 81 ॥
ശ്രേയസ്കരീ ചിത്രലീലൈകാകിനീ രത്നപാദുകാ ।
മനസ്യമാനാ തുലസീ രോഗനാശിന്യുരുപ്രദാ ॥ 82 ॥
തേജസ്വിനീ സുഖജ്വാലാ മന്ദരേഖാഽമൃതാശിനീ ।
ബ്രഹ്മിഷ്ഠാ വഹ്നിശമനീ ജുഷമാണാ ഗുണാത്യയാ ॥ 83 ॥
കാദംബരീ ബ്രഹ്മരതാ വിധാത്ര്യുജ്ജ്വലഹസ്തികാ ।
അക്ഷേഭ്യാ സര്‍വതോഭദ്രാ വയസ്യാ സ്വസ്തിദക്ഷിണാ ॥ 84 ॥
സഹസ്രാസ്യാ ജ്ഞാനമാതാ വൈശ്വാനര്യക്ഷവര്‍തിനീ ।
പ്രത്യഗ്വരാ വാരണവത്യനസൂയാ ദുരാസദാ ॥ 85 ॥
അരുന്ധതീ കുണ്ഡലിനീ ഭവ്യാ ദുര്‍ഗതിനാശിനീ ।
മൃത്യുഞ്ജയാ ത്രാസഹരീ നിര്‍ഭയാ ശത്രുസൂദിനീ ॥ 86 ॥
ഏകാക്ഷരാ സത്പുരന്ധ്രീ സുരപക്ഷാ സുരാതുലാ ।
സകൃദ്വിഭാതാ സര്‍വാര്‍തിസമുദ്രപരിശോഷിണീ ॥ 87 ॥
ബില്വപ്രിയാഽവനീ ചക്രഹൃദയാ കംബുതീര്‍ഥഗാ ।
സര്‍വമന്ത്രാത്മികാ വിദ്യുത്സുവര്‍ണാ സര്‍വരഞ്ജിനീ ॥ 88 ॥
ധ്വജഛത്രാശ്രയാ ഭൂതിര്‍വൈഷ്ണവീ സദ്ഗുണോജ്ജ്വലാ ।
സുഷേണാ ലോകവിദിതാ കാമസൂര്‍ജഗദാദിഭൂഃ ॥ 89 ॥
വേദാന്തയോനിര്‍ജിജ്ഞാസാ മനീഷാ സമദര്‍ശിനീ ।
സഹസ്രശക്തിരാവൃത്തിഃ സുസ്ഥിരാ ശ്രേയസാം നിധിഃ ॥ 90 ॥
രോഹിണീ രേവതീ ചന്ദ്രസോദരീ ഭദ്രമോഹിനീ ।
സൂര്യാ കന്യാപ്രിയാ വിശ്വഭാവനീ സുവിഭാവിനീ ॥ 91 ॥
സുപ്രദൃശ്യാ കാമചാരിണ്യപ്രമത്താ ലലന്തികാ ।
മോക്ഷലക്ഷ്മീര്‍ജഗദ്യോനിഃ വ്യോമലക്ഷ്മീഃ സുദുര്ലഭാ ॥ 92 ॥
ഭാസ്കരീ പുണ്യഗേഹസ്ഥാ മനോജ്ഞാ വിഭവപ്രദാ ।
ലോകസ്വാമിന്യച്യുതാര്‍ഥാ പുഷ്കലാ ജഗദാകൃതിഃ ॥ 93 ॥
വിചിത്രഹാരിണീ കാന്താ വാഹിനീ ഭൂതവാസിനീ ।
പ്രാണിനീ പ്രാണദാ വിശ്വാ വിശ്വബ്രഹ്മാണ്ഡവാസിനീ ॥ 94 ॥
സമ്പൂര്‍ണാ പരമോത്സാഹാ ശ്രീമതീ ശ്രീപതിഃ ശ്രുതിഃ ।
ശ്രയന്തീ ശ്രീയമാണാ ക്ഷ്മാ വിശ്വരൂപാ പ്രസാദിനീ ॥ 95 ॥
ഹര്‍ഷിണീ പ്രഥമാ ശര്‍വാ വിശാലാ കാമവര്‍ഷിണീ ।
സുപ്രതീകാ പൃശ്നിമതീ നിവൃത്തിര്‍വിവിധാ പരാ ॥ 96 ॥
സുയജ്ഞാ മധുരാ ശ്രീദാ ദേവരാതിര്‍മഹാമനാഃ ।
സ്ഥൂലാ സര്‍വാകൃതിഃ സ്ഥേമാ നിംനഗര്‍ഭാ തമോനുദാ ॥ 97 ॥
തുഷ്ടിര്‍വാഗീശ്വരീ പുഷ്ടിഃ സര്‍വാദിഃ സര്‍വശോഷിണീ ।
ശക്ത്യാത്മികാ ശബ്ദശക്തിഃ വിശിഷ്ടാ വായുമത്യുമാ ॥ 98 ॥
ആന്വീക്ഷികീ ത്രയീ വാര്‍താ ദണ്ഡനീതിര്‍നയാത്മികാ ।
വ്യാലീ സങ്കര്‍ഷിണീ ദ്യോതാ മഹാദേവ്യപരാജിതാ ॥ 99 ॥
കപിലാ പിങ്ഗലാ സ്വസ്ഥാ ബലാകീ ഘോഷനന്ദിനീ ।
അജിതാ കര്‍ഷിണീ നീതിര്‍ഗരുഡാ ഗരുഡാസനാ ॥ 100 ॥
ഹ്ലാദിന്യനുഗ്രഹാ നിത്യാ ബ്രഹ്മവിദ്യാ ഹിരണ്‍മയീ ।
മഹീ ശുദ്ധവിധാ പൃഥ്വീ സന്താനിന്യംശുമാലിനീ ॥ 101 ॥
യജ്ഞാശ്രയാ ഖ്യാതിപരാ സ്തവ്യാ വൃഷ്ടിസ്ത്രികാലഗാ ।
സംബോധിണി ശബ്ദപുര്‍ണാ വിജയാംഽശുമതീ കലാ ॥ 102 ॥
ശിവാ സ്തുതുപ്രിയാ ഖ്യാതിഃ ജീവയന്തീ പുനര്‍വസുഃ ।
ദീക്ഷാ ഭക്താര്‍തിഹാ രക്ഷാ പരീക്ഷാ യജ്ഞസംഭവാ ॥ 103 ॥
ആര്‍ദ്രാ പുഷ്കരിണീ പുണ്യാ ഗണ്യാ ദാരിദ്ര്യഭഞ്ജിനീ ।
ധന്യാ മാന്യാ പദ്മനേമിഃ ഭാര്‍ഗവീ വംശവര്‍ധനീ ॥ 104 ॥
തീക്ഷ്ണപ്രവൃത്തിഃ സത്കീര്‍തിഃ നിഷേവ്യാഽഘവിനാശിനീ ।
സംജ്ഞാ നിഃസംശയാ പൂര്‍വാ വനമാലാ വസുന്ധരാ ॥ 105 ॥
പൃഥുര്‍മഹോത്കടാഽഹല്യാ മണ്ഡലാഽഽശ്രിതമാനദാ ।
സര്‍വാ നിത്യോദിതോദാരാ ജൃംഭമാണാ മഹോദയാ ॥ 106 ॥
ചന്ദ്രകാന്തോദിതാ ചന്ദ്രാ ചതുരശ്രാ മനോജവാ ।
ബാലാ കുമാരീ യുവതിഃ കരുണാ ഭക്തവത്സലാ ॥ 107 ॥
മേദിന്യ്യുപനിഷന്‍മിശ്രാ സുമവീരുദ്ധനേശ്വരീ ।
ദുര്‍മര്‍ഷണീ സുചരിതാ ബോധാ ശോഭാ സുവര്‍ചലാ ॥ 108 ॥
യമുനാഽക്ഷൌഹിണീ ഗങ്ഗാ മന്ദാകിന്യമരാലയാ ।
ഗോദാ ഗോദാവരീ ചന്ദ്രഭാഗാ കാവേര്യുദന്വതീ ॥ 109 ॥
സിനീവാലീ കുഹൂ രാകാ വാരണാ സിന്ധുമത്യമാ ।
വൃദ്ധിഃ സ്ഥിതിര്‍ധ്രുവാ ബുദ്ധിഃ ത്രിഗുണാ ഗുണഗഹ്വരാ ॥ 110 ॥
പൂര്‍തിര്‍മായാത്മികാ സ്ഫൂര്‍തിര്‍വ്യാഖ്യാ സൂത്രാ പ്രജാവതീ ।
വിഭൂതിര്‍നിഷ്കലാ രംഭാ രക്ഷാ സുവിമലാ ക്ഷമാ ॥ 111 ॥
പ്രാപ്തിര്‍വാസന്തികാലേഖാ ഭൂരിബീജാ മഹാഗദാ ।
അമോഘാ ശാന്തിദാ സ്തുത്യാ ജ്ഞാനദോത്കര്‍ഷിണീ ശിഖാ ॥ 112 ॥
പ്രകൃതിര്‍ഗോമതീ ലീലാ കമലാ കാമധുഗ്വിധിഃ ।
പ്രജ്ഞാ രാമാ പരാ സന്ധ്യാ സുഭദ്രാ സര്‍വമങ്ഗലാ ॥ 113 ॥
നന്ദാ ഭദ്രാ ജയാ രിക്താ തിഥിപൂര്‍ണാഽമൃതംഭരാ ।
കാഷ്ഠാ കാമേശ്വരീ നിഷ്ഠാ കാംയാ രംയാ വരാ സ്മൃതിഃ ॥ 114 ॥
ശങ്ഖിനീ ചക്രിണീ ശ്യാമാ സമാ ഗോത്രാ രമാ ദിതിഃ ।
ശാന്തിര്‍ദാന്തിഃ സ്തുതിഃ സിദ്ധിഃ വിരജാഽത്യുജ്ജ്വലാഽവ്യയാ ॥ 115 ॥
വാണീ ഗൌരീന്ദിരാ ലക്ഷ്മീഃ മേധാ ശ്രദ്ധാ സരസ്വതീ ।
സ്വധാ സ്വാഹാ രതിരുഷാ വസുവിദ്യാ ധൃതിഃ സഹാ ॥ 116 ॥
ശിഷ്ടേഷ്ടാ ച ശുചിര്‍ധാത്രീ സുധാ രക്ഷോഘ്ന്യജാഽമൃതാ ।
രത്നാവലീ ഭാരതീഡാ ധീരധീഃ കേവലാഽഽത്മദാ ॥ 117 ॥
യാ സാ ശുദ്ധിഃ സസ്മിതാ കാ നീലാ രാധാഽമൃതോദ്ഭവാ ।
പരധുര്യാസ്പദാ ഹ്രീര്‍ഭൂഃ കാമിനീ ശോകനാശിനീ ॥ 118 ॥
മായാകൃതീ രസഘനാ നര്‍മദാ ഗോകുലാശ്രയാ ।
അര്‍കപ്രഭാ രഥേഭാശ്വനിലയേന്ദുപ്രഭാഽദ്ഭുതാ ॥ 119 ॥
ശ്രീഃ കൃശാനുപ്രഭാ വജ്രലംഭനാ സര്‍വഭൂമിദാ ।
ഭോഗപ്രിയാ ഭോഗവതീ ഭോഗീന്ദ്രശയനാസനാ ॥ 120 ॥
അശ്വപൂര്‍വാ രഥമധ്യാ ഹസ്തിനാദപ്രബോധിനീ ।
സര്‍വലക്ഷണലക്ഷണ്യാ സര്‍വലോകപ്രിയങ്കരീ ॥ 121 ॥
സര്‍വോത്കൃഷ്ടാ സര്‍വമയീ ഭവഭങ്ഗാപഹാരിണീ ।
വേദാന്തസ്ഥാ ബ്രഹ്മനീതിഃ ജ്യോതിഷ്മത്യമൃതാവഹാ ॥ 122 ॥
ഭൂതാശ്രയാ നിരാധാരാ സംഹിതാ സുഗുണോത്തരാ ।
സര്‍വാതിശായിനീ പ്രീതിഃ സര്‍വഭൂതസ്ഥിതാ ദ്വിജാ ।
സര്‍വമങ്ഗലമാങ്ഗല്യാ ദൃഷ്ടാദൃഷ്ടഫലപ്രദാ ॥ 123 ॥
ഇതി ശ്രീലക്ഷ്മീസഹസ്രനാമസ്തോത്രം സമ്പൂര്‍ണം ।
Also Read 1000 Names of Shri Laxmi:
1000 Names of of Sri Lakshmi | Sahasranama Stotram 1 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
