Shri Lakshmi Sahasranamastotram Lyrics in Malayalam:
॥ ശ്രീലക്ഷ്മീസഹസ്രനാമസ്തോത്രം 2 ॥
(നാരദീയോപപുരാണതഃ)
മിത്രസഹ ഉവാച-
ഭഗവന്‍ സര്‍വധര്‍മജ്ഞ സര്‍വശാസ്ത്രവിശാരദ ।
പാവനാനാം ഹി മഹസാം നിദാനം ത്വം മഹാമുനേ ॥ 1 ॥
അതര്‍കിതേനാഗമേന തവ തുഷ്ടോഽസ്മി സര്‍വദാ ।
ഹൃദയം നിര്‍വൃതം മേഽദ്യ മഹാദുഃഖൌഘപീഡിതം ॥ 2 ॥
ദേവാ ഗൃഹേഷു സന്തുഷ്ടാഃ താരിതാഃ പിതരശ്ച യേ ।
ചിരായ മേ മനസ്യസ്തി സംശയോ ബലവത്തരഃ ॥ 3 ॥
പൃച്ഛാമി ത്വാമഹം തം വൈ ഉത്തരം ദാതുമര്‍ഹസി ।
ഇഷ്ടം മയാ ച ബഹുഭിഃ യജ്ഞൈസ്സമ്പൂര്‍ണദക്ഷിണൈഃ ॥ 4 ॥
ദാനാനി ച മഹാര്‍ഹാണി പാത്രേഷു സ്പര്‍ശിതാനി ച ।
അനൃതം നോക്തപൂര്‍വം മേ പ്രജാ ധര്‍മേണ പാലിതാഃ ॥ 5 ॥
പതിവ്രതാ മഹാഭാഗാ നിത്യം സുസ്നിഗ്ധഭാഷിണീ ।
പൂജ്യാന്‍ ഗൃഹാഗതാന്‍ സര്‍വാനാരാധയതി നിത്യദാ ॥ 6 ॥
തഥാ ഹി സേവതേ ദേവാന്‍ യഥാഽഹമപി നാശകം ।
ഭാര്യാഽനുകൂലാ മേ ദേവീ മദയന്തീ മനസ്വിനീ ॥ 7 ॥
തഥാപി ദുഃഖം സമ്പ്രാപ്തം മയാ ദ്വാദശവാര്‍ഷികം ।
രാക്ഷസത്വം മഹാഘോരം സമ്പൂര്‍ണനരകോപമം ॥ 8 ॥
തത്ര വൃത്താനി കാര്യാണി സ്മൃത്വാ മേ വേപതേ മനഃ ।
ഭക്ഷിതാഃ കതി വാ തത്ര ദ്വിപദാശ്ച ചതുഷ്പദാഃ ॥ 9 ॥
തത്സര്‍വമസ്തു തന്നൈവ ചിന്ത്യതേ ശാപഹേതുകം ।
ഗുരുപുത്രേ ഗുരുസമഃ ശക്തിഃ സംഭക്ഷിതോ മയാ ॥ 10 ॥
ബ്രഹ്മഹത്യാകൃതം പാപം കഥം മേ ന ഭവിഷ്യതി ।
ശാപാദ്രാക്ഷസതാ കാലേ പ്രാപ്താ യദ്യപി തന്‍മയാ ॥ 11 ॥
രാത്രിന്ദിവം മേ ദഹതി ഹൃദയം ഹി സബന്ധനം ।
ന രോചതേ മേ ഭുക്തിര്‍വാ സുപ്തിര്‍വാപി ഗതിര്‍ബഹിഃ ॥ 12 ॥
മഹാബന്ധനമേതന്‍മേ രാജ്യം ഹി മനുതേ മനഃ ।
കിന്നു തത്കാരണം യേന പ്രാപ്തോഽഹം താദൃശീം ശുചം ॥ 13 ॥
വക്തുമര്‍ഹസി സര്‍വജ്ഞ തത്പ്രായശ്ചിത്തവിസ്തരം ।
ഉപാദിശ മഹാമന്ത്രതന്ത്രജ്ഞ പ്രണതായ മേ ॥ 14 ॥
ശ്രീനാരദ ഉവാച-
ശൃണു രാജന്‍പ്രവക്ഷ്യാമി പ്രാഗ്ജന്‍മചരിതം തവ ।
യേനേദൃശം ത്വയാ പ്രാപ്തം ദുഃഖമത്യന്തദുസ്സഹം ॥ 15 ॥
പുരാഭൂദ്ബാഹ്മണഃ കശ്ചിത്താംരപര്‍ണിനദീതടേ ।
ദരിദ്രോഽത്യന്തദുര്‍ഭാഗ്യഃ ബഹുപുത്രകുടുംബവാന്‍ ॥ 16 ॥
കൃഷ്ണശര്‍മേതി വിഖ്യാതഃ വേദവേദാങ്ഗതത്വവിത് ।
തവ ഭാര്യാഽഭവത്പുണ്യാ സദാ ചണ്ഡീ കുരൂപിണീ ॥ 17 ॥
കിന്തു ശക്തിവ്രതാചാരേഽപ്രതിമാ ശുദ്ധമാനസാ ।
കടുവാങ്മാനിനീ നാംനാ ക്ഷുത്പിപാസാര്‍ദിതാ സദാ ॥ 18 ॥
ദാരിദ്ര്യശമനാര്‍ഥം ത്വം സര്‍വലക്ഷണലക്ഷിതം ।
കല്‍പയിത്വ ശ്രിയോ മൂര്‍തിം ഭക്ത്യാ പൂജിതവാന്‍ഗൃഹേ ॥ 19 ॥
മാനിന്യപ്യന്വഹം ഭക്ത്യാ ഗോമയാലേപനാദിഭിഃ ।
രങ്ഗവല്യാപ്യലങ്കൃത്യ പൂജാസ്ഥാനം ഗൃഹേ തവ ॥ 20 ॥
പായസാപൂപനൈവേദ്യൈഃ സാ ത്വാം പര്യചരന്‍മുദാ ।
ഏകദാ ഭൃഗുവാരേ ത്വാം സഹസ്രകമലാര്‍ചനം ॥ 21 ॥
വിധാതും വിഷ്ണുപത്ന്യാസ്തു പദ്മാന്യാനയിതും ഗതഃ ।
ഗതേഽര്‍ധദിവസേ ഗേഹം പ്രാപ്യ ഖിന്നോഽനയോദിതഃ ॥ 22 ॥
ഹന്താര്‍ധദിവസോഽതീതഃ കദാ ദേവാനസങ്ഖ്യകാന്‍ ।
അഭ്യര്‍ച്യാഥ ശ്രിയോ ദേവ്യാഃ സഹസ്രകമലാര്‍ചനം ॥ 23 ॥
കൃത്വാ ഭുക്ത്വാ കദാഽന്നം നോ ദര്‍ശയിഷ്യസി താംയതാം ।
ബാലാ രുദന്തി ക്ഷുധിതാഃ പക്വം ഭവതി ശീതലം ॥ 24 ॥
ഇതി തസ്യാം ഭര്‍ത്സയന്ത്യാം തൂഷ്ണീം പൂജാമധാദ്ഭവാന്‍ ।
സഹസ്രപദ്മപൂജായാം ചലന്ത്യാം മധ്യതസ്തു സാ ॥ 25 ॥
അസമര്‍ഥാ ക്ഷുധം സോഢും ബാലൈസ്സഹ ബുഭോജ ഹ ।
തദാ ത്വം കുപിതോഽപ്യേനാം ന ച കിഞ്ചിദപി ബ്രുവന്‍ ॥ 26 ॥
ഗൃഹാന്നിര്‍ഗത്യ ശാന്താത്മാ കിം കൃത്യമിതി ചിന്തയന്‍ ।
നിര്യാന്തം ത്വാം തു സാ പ്രാഹ ക്വ ഗച്ഛസി സുദുര്‍മതേ ॥ 27 ॥
അനിര്‍വര്‍ത്യ ശ്രിയഃ പൂജാം പ്രാരബ്ധാം സുമഹാദരം ।
പൃഥങ്നൈവേദ്യമസ്തീഹ നാസ്മാഭിര്‍ഭക്ഷിതം ഹി തത് ॥ 28 ॥
കാലാത്യയാത്ക്ഷുധാര്‍താനാം ഭുക്തിം ദേവീ സഹിഷ്യതേ ।
തദ്വിധേഹി ശ്രിയഃ പൂജാം മാ സ്മ നിഷ്കാരണം ക്രുധഃ ॥ 29 ॥
നരകേ മാ പതോ ബുദ്ധ്യാ മാം ച പാതയ മാ വൃഥാ ।
ഇതി തസ്യാം ബ്രുവാണായാം ത്വം ഗൃഹാന്നിരഗാഃ ക്രുധാ ॥ 30 ॥
സദ്യഃ സന്യസ്യ വിപിനേഽവാത്സീസ്ത്വം വിധിനാ കില ।
യതിത്വേഽപി സദാ ബുദ്ധ്യാ പൂര്‍വാശ്രമകഥാം സ്മരന്‍ ॥ 31 ॥
ദാരിദ്ര്യം സര്‍വധര്‍മാണാം പ്രത്യൂഹായ പ്രവര്‍തതേ ।
സത്യപ്യസ്മിന്ധര്‍മപത്നീ അനുകൂലാ ഭവേദ്യദി ॥ 32 ॥
നരസ്യ ജന്‍മ സുഖിതം നാന്യഥാഽര്‍ഥശതൈരപി ।
വന്ധ്യാജാനിസ്സ ഭവതു അനുകൂലകലത്രവാന്‍ ॥ 33 ॥
ലഭതേ ജന്‍മസാഫല്യമേതദ്ദേവ്യാഃ പ്രസാദജം ।
ഇത്യേവം ചിന്തയന്നേവ ത്യക്ത്വാ ദേഹം തരോസ്തലേ ॥ 34 ॥
ഇക്ഷ്വാകുവംശേ ജാതസ്ത്വം രാജാ മിത്രസഹാഭിധഃ ।
രുഷാ പരവശോ യസ്മാദസമാപ്യ ശ്രിയോഽര്‍ചനം ॥ 35 ॥
നിര്‍ഗതോഽസി ഗൃഹാത്തസ്മാദ്ദുഃഖമേതദുപസ്ഥിതം ।
സാപി ത്വയി വിനിര്യാതേ പശ്ചാത്താപവതീ ഭൃശം ॥ 36 ॥
പ്രക്ഷാലിതാങ്ഘ്രിഹസ്താഽഥ പ്രയതാഽഽചംയ സത്വരം ।
നൈവേദ്യം സ്വയമീശ്വര്യൈ പ്രണംയ ച നിവേദ്യ ച ॥ 37 ॥
അംബ സര്‍വസ്യ ലോകസ്യ ജനന്യസി സഹസ്വ തത് ।
ആഗാംസി മമ നാഗാരികേതനോരഃസ്ഥലാലയേ ॥ 38 ॥
യസ്യാം ജാതൌ തു മേ ഭര്‍താ തത്പൂജാപുണ്യതോ ഭവേത് ।
ഭവേയമഹമപ്യത്ര ജാതൌ തം ചാപ്നുയാം യഥാ ॥ 39 ॥
കാമക്രോധാദിഹീനാ സ്യാം തഥാംബാനുഗ്രഹം കുരു ।
ഇതി ദേവീം പ്രാര്‍ഥയന്തീ ജീവന്തീ കൃച്ഛ്രതോ ഭുവി ॥ 40 ॥
ത്യക്ത്വാ ദേഹം പുനര്‍ജാതാ രാജവംശേ സുപാവനേ ।
മദയന്തീതി നാംനാ വൈ തവ ഭാര്യാഽഭവത്പുനഃ ॥ 41 ॥
അഭുക്തേ ത്വയി ഭുത്ക്യാ സാ വന്ധ്യാ ജാതാ വധൂമണിഃ ।
ഉഭയോര്‍ഭവതോര്ലക്ഷ്മീപൂജായാമപരാധതഃ ॥ 42 ॥
ഉഭാവപി മഹാദുഃഖം പ്രാപ്തൌ ദ്വാദശവര്‍ഷികം ।
ത്യക്ത്വാ രാജ്യം ച കോശഞ്ച ദരിദ്രാവതിദുഃഖിതൌ ॥ 43 ॥
മാ ബ്രഹ്മഹത്യാദോഷാത്ത്വം ഭൈഷീ രാജന്‍ കഥഞ്ചന ।
യാം ജാതിമനുവിഷ്ടോ ഹി താദൃശീം ത്വം ക്രിയാമധാഃ ॥ 44 ॥
കിന്തു ഭൂയശ്ച്യുതേ രാജ്യാദ്ഭേതവ്യം ശ്രീപ്രകോപതഃ ।
നാംനാം തദദ്യ ശ്രീദേവ്യാഃ സഹസ്രേണ ശതേന ച ॥ 45 ॥
അഷ്ടോത്തരേണ പദ്മാനാം പുഞ്ജതസ്താം പ്രപൂജയ ।
ഭവേത്തവ സ്ഥിരം രാജ്യം ദുഃഖം നാണ്വപി തേ ഭവേത് ॥ 46 ॥
ഭാര്യാ തേ സാപി ശുശ്രൂഷാം സ്വയമേവ കരോതു തേ ।
വര്‍ഷമാത്രം പൂജിതാ സാ ലക്ഷ്മീര്‍നാരായണപ്രിയാ ॥ 47 ॥
യുവയോസ്സര്‍വകാമാനാം ദാത്രീ സ്യാന്നാത്ര സംശയഃ ।
സ്ത്രീസങ്ഗപ്രതിഹന്താഽസ്തി ശാപോ യദ്യപി തേ പ്രഭോ ॥ 48 ॥
പ്രസോഷ്യതേ ച തനയം തവ ഭാര്യാ കഥഞ്ചന ।
പുത്രപൌത്രാഭിവൃദ്ധ്യാ ത്വം മോദിഷ്യസി മഹേന്ദ്രവത് ॥ 49 ॥
യഥാ പൃഷ്ടം മഹാഭാഗ ദുഃഖഹേതുസ്തവോദിതഃ ।
ഉക്തസ്തത്പരിഹാരോഽപി കിമിച്ഛസി പുനര്‍വദ ॥ 50 ॥
രാജോവാച-
ധന്യോഽസ്ംയനുഗൃഹീതോഽസ്മി മഹര്‍ഷേ കൃപയാ തവ ।
മത്തോ ന വിദ്യതേ കശ്ചില്ലോകേഽസ്മിന്‍ ഭാഗ്യവത്തരഃ ॥ 51 ॥
തവ പാദാബ്ജയുഗലേ പ്രണാമാനാം ശതം ശതം ।
കരോമി പാഹി മാം വിപ്ര കുലോത്തംസ ദയാനഘ ॥ 52 ॥
നാംനാം സഹസ്രം ശ്രീദേവ്യാ അഷ്ടോത്തരശതാധികം ।
പ്രബ്രൂഹി മേ മുനിശ്രേഷ്ഠ പൂജായാ വിധിമപ്യഥ ॥ 53 ॥
ജപസ്യ ച വിധിം തേഷാം നാംനാം ശുശ്രൂഷവേ വദ ।
സൂത ഉവാച-
ഇതി രാജ്ഞാ മുനിശ്രേഷ്ഠഃ പൃഷ്ടസ്സവിനയം തതഃ ॥ 54 ॥
നമസ്കൃത്യ ശ്രിയൈ പശ്ചാദ്ധ്യാത്വോവാച മഹീപതിം ।
ശ്രീനാരദ ഉവാച-
സംയക് പൃഷ്ടം മഹാരാജ സര്‍വലോകഹിതം ത്വയാ ॥ 55 ॥
വക്ഷ്യാമി താനി നാമാനി പൂജാഞ്ചാപി യഥാക്രമം ।
പലമാനസുവര്‍ണേന രജതേനാഥ താംരതഃ ॥ 56 ॥
ചതുര്‍ഭുജാം പദ്മധരാം വരാഭയവിശോഭിനീം ।
നിഷണ്ണാം ഫുല്ലകമലേ ചതുര്‍ദന്തൈഃ സിതൈര്‍ഗജൈഃ ॥ 57 ॥
സുവര്‍ണഘണ്ടാമുഖരൈഃ കൃതക്ഷീരാഭിഷേചനാം ।
കടകാങ്ഗദമഞ്ജീരരശനാദി വിഭൂഷണൈഃ ॥ 58 ॥
വിഭൂഷിതാം ക്ഷൌമവസ്ത്രാം സിന്ദൂരതിലകാഞ്ചിതാം ।
പ്രസന്നവദനാംഭോജാം പ്രപന്നാര്‍തിവിനാശിനീം ॥ 59 ॥
ഛത്രചാമരഹസ്താഢ്യൈഃ സേവിതാമപ്സരോഗണൈഃ ।
കൃത്വൈവം പ്രതിമാം താം ച പ്രതിഷ്ഠാപ്യ യഥാവിധി ॥ 60 ॥
ശ്രീം ലക്ഷ്ംയൈ നമ ഇത്യേവ ധ്യാനാവാഹനപൂര്‍വകാന്‍ ।
ഉവചാരാംശ്ചതുഷ്ഷഷ്ടിം കല്‍പയേത ഗൃഹേ സുധീഃ ॥ 61 ॥
പ്രതിമായാ അലാഭേ തു ലക്ഷ്ംയാസ്സമ്പ്രാപ്യ ചാലയം ।
കാരയേദുപചാരാംസ്തു യഥാവിധ്യര്‍ചകൈര്‍മുദാ ॥ 62 ॥
തസ്യാപ്യഭാവേ ത്വാലേഖ്യേ ലിഖിതാം വര്‍ണകൈസ്തഥാ ।
പൂജയേത്തസ്യ ചാഭാവേ കൃതാം ചന്ദനദാരുണാ ॥ 63 ॥
തദഭാവേ ചന്ദനേന രചിതാം പൂജയേദ്രമാം ।
ഏഷാമഭാവേ വികചേ കമലേ കര്‍ണികാഗതാം ॥ 64 ॥
ധ്യാത്വാ തഥാവിധാം ദേവീമാദരേണ പ്രപൂജയേത് ।
കമലാനാം സഹസ്രേണാപ്യഷ്ടോത്തരശതേന ച ॥ 65 ॥
അര്‍ചയേദിന്ദിരാപാദൌ ധ്യാത്വാഭീഷ്ടാനി ചേതസി ।
ശ്രീദേവ്യാ നാമസാഹസ്രം അഷ്ടോത്തരശതാധികം ॥ 66 ॥
അഥാതസ്സമ്പ്രവക്ഷ്യാമി ശൃണു നാന്യമനാ നൃപ ।
പാരായണപ്രകാരഃ ॥
ഓം അസ്യ ശ്രീമഹാലക്ഷ്മീസഹസ്രനാമസ്തോത്രമഹാമന്ത്രസ്യ നാരദ ഋഷിഃ ।
അനുഷ്ടുപഛന്ദഃ । ശ്രീമഹാലക്ഷ്മീര്‍ദേവതാ ।
ഹ്രാം ബീജം । ഹ്രിം ശക്തിഃ । ഹ്രൂം കീലകം ।
ശ്രീമഹാലക്ഷ്മീപ്രസാദസിദ്ധ്യര്‍ഥേ
ശ്രീമഹാലക്ഷ്മീസഹസ്രനാമമന്ത്രജപേ വിനിയോഗഃ ॥
ഓം ഹ്ലാം ഹിരണ്യവര്‍ണാം ഹരിണീം സുവര്‍ണരജതസ്രജാം । അങ്ഗുഷ്ഠാഭ്യാണ്‍ നമഃ ।
മം ഹ്ലീം ചന്ദ്രാം ഹിരണ്‍മയീം ലക്ഷ്മീം ജാതവേദോ ന ആവഹ । തര്‍ജനീഭ്യാം നമഃ ।
ഹാം ഹ്ലൂം താം മ ആവഹ ജാതവേദോ ലക്ഷ്മീമനപഗാമിനീം । മധ്യമാഭ്യാം നമഃ ।
ലം ഹ്ലൈം യസ്യാം ഹിരണ്യം വിന്ദേയം ഗാമശ്വമ്പുരുഷാനഹം । അനാമികാഭ്യാം നമഃ ।
ക്ഷ്ംയൈം ഹ്ലൌം ശ്രിയം ദേവീമുപഹ്വയേ ശ്രീര്‍മാ ദേവീ ജുഷതം ।
കരതലകരപൃഷ്ഠാഭ്യാം നമഃ ॥
ഓം ഹ്ലാം കാംസോസ്മിതാം ഹിരണ്യപ്രാകാരാമാര്‍ദ്രാം ജ്വലന്തീം തൃപ്താം തര്‍പയന്തീം ।
ഹൃദയായ നമഃ ।
മം ഹ്ലീം പദ്മേ സ്ഥിതാം പദ്മവര്‍ണാം താമിഹോപഹ്വയേ ശ്രിയം ।
ശിരസേ സ്വാഹാ ।
ഹാം ഹ്ലൂം ചന്ദ്രാം പ്രഭാസാം യശസാ ജ്വലന്തീം ശ്രിയം ലോകേ ദേവജുഷ്ടാമുദാരാം ।
ശിഖായൈ വഷട് ।
ലം ഹ്ലൈം താം പദ്മിനീമീം ശരണമഹം പ്രപദ്യേഽലക്ഷ്മീര്‍മേ
നശ്യതാം ത്വാം വൃണേ ।
കവചായ ഹും ।
ക്ഷ്ംയൈം ഹ്രൌം ആദിത്യവര്‍ണേ തപസോഽധിജാതോ വനസ്പതിസ്തവ
വൃക്ഷോഽഥ ബില്വഃ । നേത്രത്രയായ വൌഷട് ।
നമഃ ഹ്ലഃ തസ്യ ഫലാനി തപസാ നുദാന്തു മായാന്തരായാശ്ച ബാഹ്യാ അലക്ഷ്മീഃ ।
അസ്ത്രായ ഫട് । ഭൂര്‍ഭുവസ്സുവരോമിതി ദിഗ്ബന്ധഃ ॥
ധ്യാനം-
ലക്ഷ്മീദേവീം ദ്വിപദ്മാഭയവരദകരാം തപ്തകാര്‍തസ്വരാഭാം
ശുഭ്രാഭ്രാഭേഭയുഗ്മദ്വയകരധൃതകുംഭാദ്ഭിരാസിച്യമാനാം ।
രത്നൌഘാബദ്ധമൌലിം വിമലതരദുകൂലാര്‍തവാലേപനാഢ്യാം
പദ്മാക്ഷീം പദ്മനാഭോരസി കൃതവസതിം പദ്മഗാം ചിന്തയാമി ॥
ലം പൃഥിവ്യാത്മികായൈ ഗന്ധം സമര്‍പയാമി ।
ഹം ആകാശാത്മികായൈ പുഷ്പാണി സമര്‍പയാമി ।
യം വായ്വാത്മികായൈ ധൂപമാഘ്രാപയാമി ।
രം വഹ്ന്യാത്മികായൈ । ദീപം ദര്‍ശയാമി ।
വം അമൃതാത്മികായൈ । അമൃതം നിവേദയാമി ।
സം സര്‍വാത്മികായൈ സര്‍വോപചാരാന്‍ സമര്‍പയാമി ।
പാരായണാന്തേ ഓം ഹ്ലാം ഉപൈതു മാം ദേവസഖഃ കീര്‍തിശ്ച മണിനാ സഹ ।
ഹൃദയായ നമഃ ।
മം ഹ്ലീം പ്രാദുര്‍ഭൂതോഽസ്മി രാഷ്ട്രേഽസ്മിന്‍കീര്‍തിമൃദ്ധിം ദദാതു മേ ।
ശിരസേ സ്വാഹാ ।
ഹാം ഹ്ലൂം ക്ഷുത്പിപാസാമലാം ജ്യേഷ്ഠാം അലക്ഷ്മീം നാശയാംയഹം ।
ശിഖായൈ വഷട് ।
ലം ഹ്ലൈം അഭൂതിമസമൃദ്ധിഞ്ച സര്‍വാം നിര്‍ണുദ മേ ഗൃഹാത് ।
കവചായ ഹും ।
ക്ഷ്ംയൈം ഹ്ലൌം ഗന്ധദ്വാരാം ദുരാധര്‍ഷാം നിത്യപുഷ്ടാം കരീഷിണീം ।
നൈത്രത്രയായ വൌഷട് ।
നമഃ ഹ്ലഃ ഈശ്വരീം സര്‍വഭൂതാനാം താമിഹോപഹ്നയേ ശ്രിയം ।
അസ്ത്രായ ഹട് ॥
ഭൂര്‍ഭുവസ്സുവരോമിതി ദിഗ്വിമോകഃ ।
ധ്യാനം ।
ലമിത്യാദി പഞ്ചപൂജാ ।
അഥ ശ്രീലക്ഷ്മീസഹസ്രനാമസ്തോത്രം ॥
ശ്രീനാരദ ഉവാച –
മഹാലക്ഷ്മീര്‍മഹേശാനാ മഹാമായാ മലാപഹാ ।
വിഷ്ണുപത്നീ വിധീശാര്‍ച്യാ വിശ്വയോനിര്‍വരപ്രദാ ॥ 1 ॥
ധാത്രീ വിധാത്രീ ധര്‍മിഷ്ഠാ ധമ്മില്ലോദ്ഭാസിമല്ലികാ ।
ഭാര്‍ഗവീ ഭക്തിജനനീ ഭവനാഥാ ഭവാര്‍ചിതാ ॥ 2 ॥
ഭദ്രാ ഭദ്രപ്രദാ ഭവ്യാ ഭക്താഭീഷ്ടഫലപ്രദാ ।
പ്രളയസ്ഥാ പ്രസിദ്ധാ മാ പ്രകൃഷ്ടൈശ്വര്യദായിനീ ॥ 3 ॥
വിഷ്ണുശക്തിര്‍വിഷ്ണുമായാ വിഷ്ണുവക്ഷഃസ്ഥലസ്ഥിതാ ।
വാഗ്രൂപാ വാഗ്വിഭൂതിജ്ഞാ വാക്പ്രദാ വരദാ വരാ ॥ 4 ॥
സമ്പത്പ്രദാ സര്‍വശക്തിഃ സംവിദ്രൂപാ സമാഽസമാ ।
ഹരിദ്രാഭാ ഹരിന്നാഥപൂജിതാ ഹരിമോഹിനീ ॥ 5 ॥
ഹതപാപാ ഹതഖലാ ഹിതാഹിതവിവര്‍ജിതാ ।
ഹിതാഹിതപരാഽഹേയാ ഹര്‍ഷദാ ഹര്‍ഷരൂപിണീ ॥ 6 ॥
വേദശാസ്ത്രാലിസംസേവ്യാ വേദരൂപാ വിധിസ്തുതാ ।
ശ്രുതിഃ സ്മൃതിര്‍മതിഃ സാധ്വീ ശ്രുതാഽശ്രുതധരാ ധരാ ॥ 7 ॥
ശ്രീഃ ശ്രിതാഘധ്വാന്തഭാനുഃ ശ്രേയസീ ശ്രേഷ്ഠരൂപിണീ ।
ഇന്ദിരാ മന്ദിരാന്തസ്ഥാ മന്ദുരാവാസിനീ മഹീ ॥ 8 ॥
ധനലക്ഷ്മീര്‍ധനകരീ ധനിപ്രീതാ ധനപ്രദാ ।
ധാനാസമൃദ്ധിദാ ധുര്യാ ധുതാഘാ ധൌതമാനസാ ॥ 9 ॥
ധാന്യലക്ഷ്മീര്‍ദാരിതാഘാ ദാരിദ്ര്യവിനിവാരിണീ ।
വീരലക്ഷ്മീര്‍വീരവന്ദ്യാ വീരഖഡ്ഗാഗ്രവാസിനീ ॥ 10 ॥
അക്രോധനാഽലോഭപരാ ലലിതാ ലോഭിനാശിനീ ।
ലോകവന്ദ്യാ ലോകമാതാ ലോചനാധഃകൃതോത്പലാ ॥ 11 ॥
ഹസ്തിഹസ്തോപമാനോരുഃ ഹസ്തദ്വയധൃതാംബുജാ ।
ഹസ്തികുംഭോപമകുചാ ഹസ്തികുംഭസ്ഥലസ്ഥിതാ ॥ 12 ॥
രാജലക്ഷ്മീ രാജരാജസേവിതാ രാജ്യദായിനീ ।
രാകേന്ദുസുന്ദരീ രസ്യാ രസാലരസഭാഷണാ ॥ 13 ॥
കോശവൃദ്ധിഃ കോടിദാത്രീ കോടികോടിരവിപ്രഭാ ।
കര്‍മാരാഢ്യാ കര്‍മഗംയാ കര്‍മണാം ഫലദായിനീ ॥ 14 ॥
ധൈര്യപ്രദാ ധൈര്യരൂപാ ധീരാ ധീരസമര്‍ചിതാ ।
പതിവ്രതാ പരതരപുരുഷാര്‍ഥപ്രദാഽപരാ ॥ 15 ॥
പദ്മാലയാ പദ്മകരാ പദ്മാക്ഷീ പദ്മധാരിണീ ।
പദ്മിനീ പദ്മദാ പദ്മാ പദ്മശങ്ഖാദിസേവിതാ ॥ 16 ॥
ദിവ്യാ ദിവ്യാങ്ഗരാഗാഢ്യാ ദിവ്യാദിവ്യസ്വരൂപധൃത് ।
ദയാനിധിര്‍ദാനപരാ ദാനവാരാതിഭാമിനീ ॥ 17 ॥
ദേവകാര്യപരാ ദേവീ ദൈത്യേന്ദ്രപരിപൂജിതാ ।
നാരായണീ നാദഗതാ നാകരാജസമര്‍ചിതാ ॥ 18 ॥
നക്ഷത്രനാഥവദനാ നരസിംഹപ്രിയാഽനലാ ।
ജഗദ്രൂപാ ജഗന്നാഥാ ജങ്ഗമാജങ്ഗമാകൃതിഃ ॥ 19 ॥
കവിതാ കഞ്ജനിലയാ കംരാ കലിനിഷേധിനീ ।
കാരുണ്യസിന്ധുഃ കമലാ കമലാക്ഷീ കുചോന്നതാ ॥ 20 ॥
ബലിപ്രിയാ ബലിഹരീ ബലിനീ ബലിസംസ്തുതാ ।
ഹീരഭൂഷാ ഹീനദോഷാ ഹാനിഹര്‍ത്രീ ഹതാസുരാ ॥ 21 ॥
ഹവ്യകവ്യാര്‍ചിതാ ഹത്യാദികപാതകനാശിണീ ।
വിശുദ്ധസത്ത്വാ വിവശാ വിശ്വബാധാഹരീ വധൂഃ ॥ 22 ॥
ബ്രഹ്മാണീ ബ്രഹ്മജനനീ ബ്രഹ്മരൂപാ ബൃഹദ്വപുഃ ।
ബന്ദീകൃതാമരവധൂമോചിനീ ബന്ധുരാലകാ ॥ 23 ॥
ബിലേശയാങ്ഗനാവന്ദ്യാ ബീഭത്സരഹിതാഽബലാ ।
ഭോഗിനീ ഭുവനാധീശാ ഭോഗിഭോഗശയാഽഭയാ ॥ 24 ॥
ദാമോദരപ്രിയാ ദാന്താ ദാശേശപരിസേവിതാ ।
ജാമദഗ്ന്യപ്രിയാ ജഹ്നുതനയാ പാവനാങ്ഘിരകാ ॥ 25 ॥
ക്ഷീരോദമഥനോദ്ഭൂതാ ക്ഷീരാക്താ ക്ഷിതിരൂപിണീ ।
ക്ഷേമങ്കരീ ക്ഷയകരീ ക്ഷേത്രജ്ഞാ ക്ഷേത്രദായിനീ ॥ 26 ॥
സ്വയംവൃതാച്യുതാ സ്വീയരക്ഷിണീ സ്വത്വദായിനീ ।
താരകേശമുഖീ താര്‍ക്ഷ്യസ്വാമിനീ താരിതാശ്രിതാ ॥ 27 ॥
ഗുണാതീതാ ഗുണവതീ ഗുണ്യാ ഗരുഡസംസ്ഥിതാ ।
ഗേയാ ഗയാക്ഷേത്രഗതാ ഗാനതുഷ്ടാ ഗതിപ്രദാ ॥ 28 ॥
ശേഷരൂപാ ശേഷശായിഭാമിനീ ശിഷ്ടസമ്മതാ ।
ശേവധിഃ ശോഷിതാശേഷഭുവനാ ശോഭനാകൃതിഃ ॥ 29 ॥
പാഞ്ചരാത്രാര്‍ചിതാ പാഞ്ചജന്യധാര്യങ്കവാസിനീ ।
പാഷണ്ഡദ്വേഷിണീ പാശമോചനീ പാമരപ്രിയാ ॥ 30 ॥
ഭയങ്കരീ ഭയഹരീ ഭര്‍തൃഭക്താ ഭവാപഹാ ।
ഹ്രീര്‍ഹ്രീമതീ ഹൃതതമാഃ ഹതമായാ ഹതാശുഭാ ॥ 31 ॥
രഘുവംശസ്നുഷാ രാമാ രംയാ രാമപ്രിയാ രമാ ।
സീരധ്വജസുതാ സീതാ സീമാതീതഗുണോജ്ജ്വലാ ॥ 32 ॥
ജാനകീ ജഗദാനന്ദദായിനീ ജഗതീഭവാ ।
ഭൂഗര്‍ഭസംഭവാ ഭൂതിഃ ഭൂഷിതാങ്ഗീ ഭൃതാനതാ ॥ 33 ॥
വേദസ്തവാ വേദവതീ വൈദേഹീ വേദവിത്പ്രിയാ ।
വേദാന്തവേദ്യാ വീര്യാഢ്യാ വീരപത്നീ വിശിഷ്ടധീഃ ॥ 34 ॥
ശിവചാപാരോപപണാ ശിവാ ശിവപരാര്‍ചിതാ ।
സാകേതവാസിനീ സാധുസ്വാന്തഗാ സ്വാദുഭക്ഷിണീ ॥ 35 ॥
ഗുഹാഗതാ ഗുഹനതാ ഗുഹാഗതമുനിസ്തുതാ ।
ദരസ്മിതാ ദനുജസംഹര്‍ത്രീ ദശരഥസ്നുഷാ ॥ 36 ॥
ദായപ്രദാ ദാനഫലാ ദക്ഷാ ദാശരഥിപ്രിയാ ।
കാന്താ കാന്താരഗാ കാംയാ കാരണാതീതവിഗ്രഹാ ॥ 37 ॥
വീരാ വിരാധസംഹര്‍ത്രീ വിശ്വമായാവിധായിനീ ।
വേദ്യാ വൈദ്യപ്രിയാ വൈദ്യാ വേധോവിഷ്ണുശിവാകൃതിഃ ॥ 38 ॥
ഖരദൂഷണകാലാഗ്നിഃ ഖരഭാനുകുലസ്നുഷാ ।
ശൂരാ ശൂര്‍പണഖാഭങ്ഗകാരിണീ ശ്രുതവല്ലഭാ ॥ 39 ॥
സുവര്‍ണമൃഗതൃഷ്ണാഢ്യാ സുവര്‍ണസദൃശാങ്ഗകാ ।
സുമിത്രാസുഖദാ സൂതസംസ്തുതാ സുതദാരദാ ॥ 40 ॥
സുമിത്രാനുഗ്രഹപരാ സുമന്ത്രാ സുപ്രതിഷ്ഠിതാ ।
ശ്യാമാ ശ്യാമലനേത്രാന്താ ശ്യാമന്യഗ്രോധസേവിനീ ॥ 41 ॥
തുങ്ഗസ്ഥാനപ്രദാ തുങ്ഗാ ഗങ്ഗാപ്രാര്‍ഥനതത്പരാ ।
ഗതിപ്രിയാ ഗര്‍ഭരൂപാ ഗതിര്‍ഗതിമതീ ച ഗൌഃ ॥ 42 ॥
ഗര്‍വദൂരാ ഗര്‍വഹരീ ഗതിനിര്‍ജിതഹംസികാ ।
ദശാനനവധോദ്യുക്താ ദയാസിന്ധുര്‍ദശാതിഗാ ॥ 43 ॥
സേതുഹേതുര്‍ഹേതുഹീനാ ഹേതുഹേതുമദാത്മികാ ।
ഹനൂമത്സ്വാമിനീ ഹൃഷ്ടാ ഹൃഷ്ടപുഷ്ടജനസ്തുതാ ॥ 44 ॥
വാമകേശീ വാമനേത്രീ വാദ്യാ വാദിജയപ്രദാ ।
ധനധാന്യകരീ ധര്‍ംയാ ധര്‍മാധര്‍മഫലപ്രദാ ॥ 45 ॥
സമുദ്രതനയാ സ്തുത്യാ സമുദ്രാ സദ്രസപ്രദാ ।
സാമപ്രിയാ സാമനുതാ സാന്ത്വോക്തിഃ സായുധാ സതീ ॥ 46 ॥
ശീതീകൃതാഗ്നിഃ ശീതാംശുമുഖീ ശീലവതീ ശിശുഃ ।
ഭസ്മീകൃതാസുരപുരാ ഭരതാഗ്രജഭാമിനീ ॥ 47 ॥
രാക്ഷസീദുഃഖദാ രാജ്ഞീ രാക്ഷസീഗണരക്ഷിണീ ।
സരസ്വതീ സരിദ്രൂപാ സന്നുതാ സദ്ഗതിപ്രദാ ॥ 48 ॥
ക്ഷമാവതീ ക്ഷമാശീലാ ക്ഷമാപുത്രീ ക്ഷമാപ്രദാ ।
ഭര്‍തൃഭക്തിപരാ ഭര്‍തൃദൈവതാ ഭരതസ്തുതാ ॥ 49 ॥
ദൂഷണാരാതിദയിതാ ദയിതാലിങ്ഗനോത്സുകാ ।
അല്‍പമധ്യാഽല്‍പധീദൂരാ കല്‍പവല്ലീ കലാധരാ ॥ 50 ॥
സുഗ്രീവവന്ദ്യാ സുഗ്രീവാ വ്യഗ്രീഭാവാവിതാനതാ ।
നീലാശ്മഭൂഷാ നീലാദിസ്തുതാ നീലോത്പലേക്ഷണാ ॥ 51 ॥
ന്യായ്യാ ന്യായപരാഽഽരാധ്യാ ന്യായാന്യായഫലപ്രദാ ।
പുണ്യദാ പുണ്യലഭ്യാ ച പുരുഷോത്തമഭാമിനീ ॥ 52 ॥
പുരുഷാര്‍ഥപ്രദാ പുണ്യാ പണ്യാ ഫണിപതിസ്തുതാ ।
അശോകവനികാസ്ഥാനാഽശോകാ ശോകവിനാശിനീ ॥ 53 ॥
ശോഭാരൂപാ ശുഭാ ശുഭ്രാ ശുഭ്രദന്താ ശുചിസ്മിതാ ।
പുരുഹൂതസ്തുതാ പൂര്‍ണാ പൂര്‍ണരൂപാ പരേശയാ ॥ 54 ॥
ദര്‍ഭാഗ്രധീര്‍ദഹരഗാ ദര്‍ഭബ്രഹ്മാസ്ത്രഭാമിനീ ।
ത്രൈലോക്യമാതാ ത്രൈലോക്യമോഹിനീ ത്രാതവായസാ ॥ 55 ॥
ത്രാണൈകകാര്യാ ത്രിദശാ ത്രിദശാധീശസേവിതാ ।
ലക്ഷ്മണാ ലക്ഷ്മണാരാധ്യാ ലക്ഷ്മണാഗ്രജനായികാ ॥ 56 ॥
ലങ്കാവിനാശിനീ ലക്ഷ്യാ ലലനാ ലലിതാശയാ ।
താരകാഖ്യപ്രിയാ താരാ താരികാ താര്‍ക്ഷ്യഗാ തരിഃ ॥ 57 ॥
താടകാരാതിമഹിഷീ താപത്രയകുഠാരികാ ।
താംരാധരാ താര്‍ക്ഷ്യനുതാ താംരാക്ഷീ താരിതാനതാ ॥ 58 ॥
രഘുവംശപതാകാ ശ്രീരഘുനാഥസധര്‍മിണീ ।
വനപ്രിയാ വനപരാ വനജാക്ഷീ വിനീതിദാ ॥ 59 ॥
വിദ്യാപ്രിയാ വിദ്വദീഡ്യാ വിദ്യാഽവിദ്യാവിനാശിനീ ।
സര്‍വാധാരാ ശമപരാ ശരഭങ്ഗമുനിസ്തുതാ ॥ 60 ॥
ബില്വപ്രിയാ ബലിമതീ ബലിസംസ്തുതവൈഭവാ ।
ബലിരാക്ഷസസംഹര്‍ത്രീ ബഹുകാ ബഹുവിഗ്രഹാ ॥ 61 ॥
ക്ഷത്രിയാന്തകരാരാതിഭാര്യാ ക്ഷത്രിയവംശജാ ।
ശരണാഗതസംരക്ഷാ ശരചാപാസിപൂജിതാ ॥ 62 ॥
ശരീരഭാജിതരതിഃ ശരീരജഹരസ്തുതാ ।
കല്യാണീ കരുണാമൂര്‍തിഃ കലുഷഘ്നീ കവിപ്രിയാ ॥ 63 ॥
അചക്ഷുരശ്രുതിരപാദാപ്രാണാ ചാമനാ അധീഃ ।
അപാണിപാദാഽപ്യവ്യക്താ വ്യക്താ വ്യഞ്ജിതവിഷ്ടപാ ॥ 64 ॥
ശമീപ്രിയാ സകലദാ ശര്‍മദാ ശര്‍മരൂപിണീ ।
സുതീക്ഷ്ണവന്ദനീയാങ്ഘ്രിഃ സുതവദ്വത്സലാ സുധീഃ ॥ 65 ॥
സുതീക്ഷ്ണദണ്ഡാ സുവ്യക്താ സുതീഭൂതജഗത്ത്രയാ ।
മധുരാ മധുരാലാപാ മധുസൂദനഭാമിനീ ॥ 66 ॥
മാധ്വീ ച മാധവസതീ മാധവീകുസുമപ്രിയാ ।
പരാ പരഭൃതാലാപാ പരാപരഗതിപ്രദാ ॥ 67 ॥
വാല്‍മീകിവദനാംഭോധിസുധാ ബലിരിപുസ്തുതാ ।
നീലാങ്ഗദാദിവിനുതാ നീലാങ്ഗദവിഭൂഷിതാ ॥ 68 ॥
വിദ്യാപ്രദാ വിയന്‍മധ്യാ വിദ്യാധരകൃതസ്തവാ ।
കുല്യാ കുശലദാ കല്യാ കലാ കുശലവപ്രസൂഃ ॥ 69 ॥
വശിനീ വിശദാ വശ്യാ വന്ദ്യാ വന്ദാരുവത്സലാ ।
മാഹേന്ദ്രീ മഹദാ മഹ്യാ മീനാക്ഷീ മീനകേതനാ ॥ 70 ॥
കമനീയാ കലാമൂര്‍തിഃ കുപിതാഽകുപിതാ കൃപാ ।
അനസൂയാങ്ഗരാഗാങ്കാഽനസൂയാ സൂരിവന്ദിതാ ॥ 71 ॥
അംബാ ബിംബാധരാ കംബുകന്ധരാ മന്ഥരാ ഉമാ ।
രാമാനുഗാഽഽരാമചരീ രാത്രിഞ്ചരഭയങ്കരീ ॥ 72 ॥
ഏകവേണീധരാ ഭൂമിശയനാ മലിനാംബരാ ।
രക്ഷോഹരീ ഗിരിലസദ്വക്ഷോജാ ജ്ഞാനവിഗ്രഹാ ॥ 73 ॥
മേധാ മേധാവിനീ മേധ്യാ മൈഥിലീ മാതൃവര്‍ജിതാ ।
അയോനിജാ വയോനിത്യാ പയോനിധിസുതാ പൃഥുഃ ॥ 74 ॥
വാനരര്‍ക്ഷപരീവാരാ വാരിജാസ്യാ വരാന്വിതാ ।
ദയാര്‍ദ്രാഽഭയദാ ഭദ്രാ നിദ്രാമുദ്രാ മുദായതിഃ ॥ 75 ॥
ഗൃധ്രമോക്ഷപ്രദാ ഗൃധ്നുഃ ഗൃഹീതവരമാലികാ ।
ശ്വശ്രേയസപ്രദാ ശശ്വദ്ഭവാ ശതധൃതിപ്രസൂഃ ॥ 76 ॥
ശരത്പദ്മപദാ ശാന്താ ശ്വശുരാര്‍പിതഭൂഷണാ ।
ലോകാധാരാ നിരാനന്ദാ നീരാഗാ നീരജപ്രിയാ ॥ 77 ॥
നീരജാ നിസ്തമാ നിഃസ്വാ നീരീതിര്‍നീതിനൈപുണാ ।
നാരീമണിര്‍നരാകാരാ നിരാകാരാഽനിരാകൃതാ ॥ 78 ॥
കൌമാരീ കൌശലനിധിഃ കൌശികീ കൌസ്തുഭസ്വസാ ।
സുധാകരാനുജാ സുഭ്രൂഃ സുജാതാ സോമഭൂഷണാ ॥ 79 ॥
കാലീ കലാപിനീ കാന്തിഃ കൌശേയാംബരമണ്ഡിതാ ।
ശശക്ഷതജസംരക്തചന്ദനാലിപ്തഗാത്രകാ ॥ 80 ॥
മഞ്ജീരമണ്ഡിതപദാ മഞ്ജുവാക്യാ മനോരമാ ।
ഗായത്ര്യര്‍ഥസ്വരൂപാ ച ഗായത്രീ ഗോഗതിപ്രദാ ॥ 81 ॥
ധന്യാഽക്ഷരാത്മികാ ധേനുഃ ധാര്‍മികാ ധര്‍മവര്‍ധിനീ ।
ഏലാലകാഽപ്യേധമാനകൃപാ കൃസരതര്‍പിതാ ॥ 82 ॥
കൃഷ്ണാ കൃഷ്ണാലകാ കൃഷ്ടാ കഷ്ടഘ്നീ ഖണ്ഡിതാശരാ ।
കലാലാപാ കലഹകൃദ്ദൂരാ കാവ്യാബ്ധികൌമുദീ ॥ 83 ॥
അകാരണാ കാരണാത്മാ കാരണാവിനിവര്‍തിനീ ।
കവിപ്രിയാ കവനദാ കൃതാര്‍ഥാ കൃഷ്ണഭാമിനീ ॥ 84 ॥
രുക്മിണീ രുക്മിഭഗിനീ രുചിരാ രുചിദാ രുചിഃ ।
രുക്മപ്രിയാ രുക്മഭൂഷാ രൂപിണീ രൂപവര്‍ജിതാ ॥ 85 ॥പൃ
അഭീഷ്മാ ഭീഷ്മതനയാ ഭീതിഹൃദ്ഭൂതിദായിനീ ।
സത്യാ സത്യവ്രതാ സഹ്യാ സത്യഭാമാ ശുചിവ്രതാ ॥ 86 ॥
സമ്പന്നാ സംഹിതാ സമ്പത് സവിത്രീ സവിതൃസ്തുതാ ।
ദ്വാരകാനിലയാ ദ്വാരഭൂതാ ദ്വിപദഗാ ദ്വിപാത് ॥ 87 ॥
ഏകൈകാത്മൈകരൂപൈകപത്നീ ചൈകേശ്വരീ പ്രസൂഃ ।
അജ്ഞാനധ്വാന്തസൂര്യാര്‍ചിഃ ദാരിദ്ര്യാഗ്നിഘനാവലീ ॥ 88 ॥
പ്രദ്യുംനജനനീ പ്രാപ്യാ പ്രകൃഷ്ടാ പ്രണതിപ്രിയാ ।
വാസുദേവപ്രിയാ വാസ്തുദോഷഘ്നീ വാര്‍ധിസംശ്രിതാ ॥ 89 ॥
വത്സലാ കൃത്സ്നലാവണ്യാ വര്‍ണ്യാ ഗണ്യാ സ്വതന്തിരകാ ।
ഭക്താ ഭക്തപരാധീനാ ഭവാനീ ഭവസേവിതാ ॥ 90 ॥
രാധാപരാധസഹനീ രാധിതാശേഷസജ്ജനാ ।
കോമലാ കോമലമതിഃ കുസുമാഹിതശേഖരാ ॥ 91 ॥
കുരുവിന്ദമണിശ്രേണീഭൂഷണാ കൌമുദീരുചിഃ ।
അംലാനമാല്യാ സമ്മാനകാരിണീ സരയൂരുചിഃ ॥ 92 ॥
കടാക്ഷനൃത്യത്കരുണാ കനകോജ്ജ്വലഭൂഷണാ ।
നിഷ്ടപ്തകനകാഭാങ്ഗീ നീലകുഞ്ചിതമൂര്‍ധജാ ॥ 93 ॥
വിശൃങ്ഖലാ വിയോനിസ്ഥാ വിദ്യമാനാ വിദാംവരാ ।
ശൃങ്ഗാരിണീ ശിരീഷാങ്ഗീ ശിശിരാ ശിരസി സ്ഥിതാ ॥ 94 ॥
സൂര്യാത്മികാ സൂരിനംയാ സൂര്യമണ്ഡലവാസിനീ ।
വഹ്നിശൈത്യകരീ വഹ്നിപ്രവിഷ്ടാ വഹ്നിശോഭിതാ ॥ 95 ॥
നിര്‍ഹേതുരക്ഷിണീ നിഷ്കാഭരണാ നിഷ്കദായിനീ ।
നിര്‍മമാ നിര്‍മിതജഗന്നിസ്തമസ്കാ നിരാശ്രയാ ॥ 96 ॥
നിരയാര്‍തിഹരീ നിഘ്നാ നിഹിതാ നിഹതാസുരാ ।
രാജ്യാഭിഷിക്താ രാജ്യേശീ രാജ്യദാ രാജിതാശ്രിതാ ॥ 97 ॥
രാകേന്ദുവദനാ രാത്രിചരഘ്നീ രാഷ്ട്രവല്ലഭാ ।
ശ്രിതാച്യുതപ്രിയാ ശ്രോത്രീ ശ്രീദാമസഖവല്ലഭാ ॥ 98 ॥
രമണീ രമണീയാങ്ഗീ രമണീയഗുണാശ്രയാ ।
രതിപ്രിയാ രതികരീ രക്ഷോഘ്നീ രക്ഷിതാണ്ഡകാ ॥ 99 ॥
രസരൂപാ രസാത്മൈകരസാ രസപരാശ്രിതാ ।
രസാതലസ്ഥിതാ രാസതത്പരാ രഥഗാമിനീ ॥ 100 ॥
അശ്വാരൂഢാ ഗജാരൂഢാ ശിബികാതലശായിനീ ।
ചലത്പാദാ ചലദ്വേണീ ചതുരങ്ഗബലാനുഗാ ॥ 101 ॥
ചഞ്ചച്ചന്ദ്രകരാകാരാ ചതുര്‍ഥീ ചതുരാകൃതിഃ ।
ചൂര്‍ണീകൃതാശരാ ചൂര്‍ണാലകാ ചൂതഫലപ്രിയാ ॥ 102 ॥
ശിഖാശീഘ്രാ ശിഖാകാരാ ശിഖാവിധൃതമല്ലികാ ।
ശിക്ഷാശിക്ഷിതമൂര്‍ഖാലിഃ ശീതാഽശീതാ ശതാകൃതിഃ ॥ 103 ॥
വൈഷ്ണവീ വിഷ്ണുസദൃശീ വിഷ്ണുലോകപ്രദാ വൃഷാ ।
വീണാഗാനപ്രിയാ വീണാ വീണാധരമുനിസ്തുതാ ॥ 104 ॥
വൈദികീ വൈദികാചാരപ്രീതാ വൈദൂര്യഭൂഷണാ ।
സുന്ദരാങ്ഗീ സുഹൃത്സ്ഫീതാ സാക്ഷിണീ സാക്ഷമാലികാ ॥ 105 ॥
ക്രിയാ ക്രിയാപരാ ക്രൂരാ ക്രൂരരാക്ഷസഹാരിണീ ।
തല്‍പസ്ഥാ തരണിസ്ഥാനാ താപത്രയനിവാരിണീ ॥ 106 ॥
തീര്‍ണപ്രതിജ്ഞാ തീര്‍ഥേശീ തീര്‍ഥപാദാ തിഥിപ്രിയാ ।
ചര്യാ ചരണദാ ചീര്‍ണാ ചീരാങ്കാ ചത്വരസ്ഥിതാ ॥ 107 ॥
ലതാ ലതാങ്ഗീ ലാവണ്യാ ലഘ്വീ ലക്ഷ്യാശരാലയാ ।
ലീലാ ലീലാഹതഖലാ ലീനാ ലീഢാ ശുഭാവലിഃ ॥ 108 ॥
ലൂതോപമാനാ ലൂനാഘാ ലോലാഽലോലവിഭൂതിദാ ।
അമര്‍ത്യാ മര്‍ത്യസുലഭാ മാനുഷീ മാനവീ മനുഃ ॥ 109 ॥
സുഗന്ധാ സുഹിതാ സൂക്ഷ്മാ സൂക്ഷ്മമധ്യാ സുതോജ്ജ്വലാ ।
മണിര്‍മണിമതീ മഞ്ജുഗമനാ മഹിതാ മുനിഃ ॥ 110 ॥
മിതാഽമിതസുഖാകാരാ മീലിതാ മീനലോചനാ ।
ഗോമതീ ഗോകുലസ്ഥാനാ ഗോദാ ഗോകുലവാസിനീ ॥ 111 ॥
ഗജേന്ദ്രഗാമിനീ ഗംയാ മാദ്രീ മായാവിനീ മധുഃ ।
ത്രിലോചനനുതാ ത്രിഷ്ടുബനഷ്ടുപ്പങ്ക്തിരൂപിണീ ॥ 112 ॥
ദ്വിപാത്ത്രിപാദഷ്ടപദീ നവപാച്ച ചതുഷ്പദീ ।
പങ്ക്ത്യാനനോപദേഷ്ട്രീ ച ശാരദാ പങ്ക്തിപാവനീ ॥ 113 ॥
ശേഖരീഭൂതശീതാംശുഃ ശേഷതല്‍പാധിശായിനീ ।
ശേമുഷീ മുഷിതാശേഷപാതകാ മാതൃകാമയീ ॥ 114 ॥
ശിവവന്ദ്യാ ശിഖരിണീ ഹരിണീ കരിണീ സൃണിഃ ।
ജഗച്ചക്ഷുര്‍ജഗന്‍മാതാ ജങ്ഗമാജങ്ഗമപ്രസൂഃ ॥ 115 ॥
സര്‍വശബ്ദാ സര്‍വമുക്തിഃ സര്‍വഭക്തിസ്സമാഹിതാ ।
ക്ഷീരപ്രിയാ ക്ഷാലിതാഘാ ക്ഷീരാംബുധിസുതാഽക്ഷയാ ॥ 116 ॥
മായിനീ മഥനോദ്ഭൂതാ മുഗ്ധാ ദുഗ്ധോപമസ്ഥിതാ ।
വശഗാ വാമനയനാ ഹംസിനീ ഹംസസേവിതാ ॥ 117 ॥
അനങ്ഗാഽനങ്ഗജനനീ സുതുങ്ഗപദദായിനീ ।
വിശ്വാ വിശ്വേഡിതാ വിശ്വധാത്രീ വിശ്വാധികാര്‍ഥദാ ॥ 118 ॥
ഗദ്യപദ്യസ്തുതാ ഗന്ത്രീ ഗച്ഛന്തീ ഗരുഡാസനാ ।
പശ്യന്തീ ശൃണ്വതീ സ്പര്‍ശകര്‍ത്രീ രസനിരൂപിണീ ॥ 119 ॥
ഭൃത്യപ്രിയാ ഭൃതികരീ ഭരണീയാ ഭയാപഹാ ।
പ്രകര്‍ഷദാ പ്രസിദ്ധേശാ പ്രമാണം പ്രമിതിഃ പ്രമാ ॥ 120 ॥
ആകാശരൂപിണ്യധ്യസ്താ മധ്യസ്ഥാ മധ്യമാ മിതിഃ ।
തലോദരീ തലകരീ തടിദ്രൂപാ തരങ്ഗിണീ ॥ 121 ॥
അകമ്പാ കമ്പിതരിപുഃ ജംഭാരിസുഖദായിനീ ।
ദയാവിഷ്ടാ ശിഷ്ടസുഹൃത് വിഷ്ടരശ്രവസഃപ്രിയാ ॥ 122 ॥
ഹൃഷീകസുഖദാ ഹൃദ്യാഽഭീതാ ഭീതാര്‍തിഹാരിണീ ।
മാതാ മനുമുഖാരാധ്യാ മാതങ്ഗീ മാനിതാഖിലാ ॥ 123 ॥
ഭൃഗുപ്രിയാ ഭ്രുഗുസുതാ ഭാര്‍ഗവേഡ്യാ മഹാബലാ ।
അനുകൂലാഽമലതനുഃ ലോപഹീനാ ലിപിസ്തുതാ ॥ 124 ॥
അന്നദാഽന്നസ്വരൂപഽന്നപൂര്‍ണാഽപര്‍ണാ ഋണാപഹാ ।
വൃന്ദാ വൃന്ദാവനരതിഃ ബന്ദീഭൂതാമരീസ്തുതാ ॥ 125 ॥
തേജസ്വിനീ തുര്യപൂജ്യാ തേജസ്ത്രിതയരൂപിണീ ।
ഷഡാസ്യജയദാ ഷഷ്ഠീ ഷഡൂര്‍മിപരിവര്‍ജിതാ ॥ 126 ॥
ഷഡ്ജപ്രിയാ സത്ത്വരൂപാ സവ്യമാര്‍ഗപ്രപൂജിതാ ।
സനാതനതനുസ്സന്നാ സമ്പന്‍മൂര്‍തിഃ സരീസൃപാ ॥ 127 ॥
ജിതാശാ ജന്‍മകര്‍മാദിനാശിനീ ജ്യേഷ്ഠരൂപിണീ ।
ജനാര്‍ദനഹൃദാവാസാ ജനാനന്ദാ ജയാഽജനിഃ ॥ 128 ॥
വാസനാ വാസനാഹന്ത്രീ വാമാ വാമവിലോചനാ ।
പയസ്വിനീ പൂതതനുഃ പാത്രീ പരിഷദര്‍ചിതാ ॥ 129 ॥
മഹാമോഹപ്രമഥിനീ മഹാഹര്‍ഷാ മഹാധൃതിഃ ।
മഹാവീര്യാ മഹാചര്യാ മഹാപ്രീതാ മഹാഗുണാ ॥ 130 ॥
മഹാശക്തിര്‍മഹാസക്തിഃ മഹാജ്ഞാനാ മഹാരതിഃ ।
മഹാപൂജ്യാ മഹേജ്യാ ച മഹാലാഭപ്രദാ മഹീ ॥ 131 ॥
മഹാസമ്പന്‍മഹാകമ്പാ മഹാലക്ഷ്യാ മഹാശയാ ।
മഹാരൂപാ മഹാധൂപാ മഹാമതിര്‍മഹാമഹാ ॥ 132 ॥
മഹാരോഗഹരീ മുക്താ മഹാലോഭഹരീ മൃഡാ ।
മേദസ്വിനീ മാതൃപൂജ്യാ മേയാ മാ മാതൃരൂപിണീ ॥ 133 ॥
നിത്യമുക്താ നിത്യബുദ്ധാ നിത്യതൃപ്താ നിധിപ്രദാ ।
നീതിജ്ഞാ നീതിമദ്വന്ദ്യാ നീതാ പ്രീതാച്യുതപ്രിയാ ॥ 134 ॥
മിത്രപ്രിയാ മിത്രവിന്ദാ മിത്രമണ്ഡലശോഭിനീ ।
നിരങ്കുശാ നിരാധാരാ നിരാസ്ഥാനാ നിരാമയാ ॥ 135 ॥
നിര്ലേപാ നിഃസ്പൃഹാ നീലകബരീ നീരജാസനാ ।
നിരാബാധാ നിരാകര്‍ത്രീ നിസ്തുലാ നിഷ്കഭൂഷിതാ ॥ 136 ॥
നിരഞ്ജനാ നിര്‍മഥനാ നിഷ്ക്രോധാ നിഷ്പരിഗ്രഹാ ।
നിര്ലോഭാ നിര്‍മലാ നിത്യതേജാ നിത്യകൃപാന്വിതാ ॥ 137 ॥
ധനാഢ്യാ ധര്‍മനിലയാ ധനദാ ധനദാര്‍ചിതാ ।
ധര്‍മകര്‍ത്രീ ധര്‍മഗോപ്ത്രീ ധര്‍മിണീ ധര്‍മദേവതാ ॥ 138 ॥
ധാരാ ധരിത്രീ ധരണിഃ ധുതപാപാ ധുതാശരാ ।
സ്ത്രീദേവതാഽക്രോധനാഥാഽമോഹാഽലോഭാഽമിതാര്‍ഥദാ ॥ 139 ॥
കാലരൂപാഽകാലവശാ കാലജ്ഞാ കാലപാലിനീ ।
ജ്ഞാനിധ്യേയാ ജ്ഞാനിഗംയാ ജ്ഞാനദാനപരായണാ ॥ 140 ॥
ഇതി ശ്രീനാരദീയോപപുരാണാന്തര്‍ഗതം ശ്രീലക്ഷ്മീസഹസ്രനാമസ്തോത്രം 2 സമ്പൂര്‍ണം ॥
Also Read 1000 Names of Shri Laxmi:
1000 Names of of Sri Lakshmi | Sahasranama Stotram 2 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil