Templesinindiainfo

Best Spiritual Website

1000 Names of Sri Parashurama | Sahasranama Stotram Lyrics in Gujarati

Shri Parashuramasahasranamastotram Lyrics in Gujarati:

॥ શ્રીપરશુરામસહસ્રનામસ્તોત્રમ્ ॥

શ્રીગણેશાય નમઃ ।

પુરા દાશરથી રામઃ કૃતોદ્વાહઃ સબાન્ધવઃ ।
ગચ્છન્નયોધ્યાં રાજેન્દ્રઃ પિતૃમાતૃસુહૃદ્ વૃતઃ ॥ ૧ ॥

દદર્શ યાન્તં માર્ગેણ ક્ષત્રિયાન્તકરં વિભુમ્ ।
રામં તં ભાર્ગવં દૃષ્ટ્વાભિતસ્તુષ્ટાવ રાઘવઃ ।
રામઃ શ્રીમાન્મહાવિષ્ણુરિતિ નામ સહસ્રતઃ ॥ ૨ ॥

અહં ત્વત્તઃ પરં રામ વિચરામિ સ્વલીલયા ।
ઇત્યુક્તવન્તમભ્યર્ચ્ય પ્રણિપત્ય કૃતાઞ્જલિઃ ॥ ૩ ॥

શ્રીરાઘવ ઉવાચ –

યન્નામગ્રહણાજ્જન્તુઃ પ્રાપ્નુયાત્ર ભવાપદમ્ ।
યસ્ય પાદાર્ચનાત્સિદ્ધિઃ સ્વેપ્સિતાં નૌમિ ભાર્ગવમ્ ॥ ૪ ॥

નિઃસ્પૃહો યઃ સદા દેવો ભૂમ્યાં વસતિ માધવઃ ।
આત્મબોધોદધિં સ્વચ્છં યોગિનં નૌમિ ભાર્ગવમ્ ॥ ૫ ॥

યસ્માદેતજ્જગત્સર્વં જાયતે યત્ર લીલયા ।
સ્થિતિં પ્રાપ્નોતિ દેવેશં જામદગ્ન્યં નમામ્યહમ્ ॥ ૬ ॥

યસ્ય ભ્રૂ ભઙ્ગમાત્રેણ બ્રહ્માદ્યાઃ સકલાઃ સુરાઃ ।
શતવારં ભવન્યત્ર ભવન્તિ ન ભવન્તિ ચ ॥ ૭ ॥

તપ ઉગ્રં ચચારાદૌ યમુદ્દિશ્ય ચ રેણુકા ।
આદ્યા શક્તિર્મહાદેવી રામં તં પ્રણમામ્યહમ્ ॥ ૮ ॥

॥ અથ વિનિયોગઃ ॥

ૐ અસ્ય શ્રીજામદગ્ન્યસહસ્રનામસ્તોત્રમહામન્ત્રસ્ય શ્રીરામ ઋષિઃ ।
જામદગ્ન્યઃ પરમાત્મા દેવતા ।
અનુષ્ટુપ્ છન્દઃ । શ્રીમદવિનાશરામપ્રીત્યર્થં
ચતુર્વિધપુરુષાર્થસિદ્ધ્યર્થં જપે વિનિયોગઃ ॥

॥ અથ કરન્યાસઃ ॥

ૐ હ્રાં ગોવિન્દાત્મને અઙ્ગુષ્ઠાભ્યાં નમઃ ।
ૐ હ્રીં મહીધરાત્મને તર્જનીભ્યાં નમઃ ।
ૐ હ્રૂં હૃષીકેશાત્મને મધ્યમાભ્યાં નમઃ ।
ૐ હ્રૈં ત્રિવિક્રમાત્મને અનામિકાભ્યાં નમઃ ।
ૐ હ્રૌં વિષ્ણવાત્મને કનિષ્ઠિકાભ્યાં નમઃ ।
ૐ હ્રઃ માધવાત્મને કરતલકરપૃષ્ઠાભ્યાં નમઃ ॥

॥ અથ હૃદયન્યાસઃ ॥

ૐ હ્રાં ગોવિન્દાત્મને હૃદયાય નમઃ ।
ૐ હ્રીં મહીધરાત્મને શિરસે સ્વાહા ।
ૐ હ્રૂં હૃષીકેશાત્મને શિખાયૈ વષટ્ ।
ૐ હ્રૈં ત્રિવિક્રમાત્મને કવચાય હુમ્ ।
ૐ હ્રૌં વિષ્ણવાત્મને નેત્રત્રયાય વૌષટ્ ।
ૐ હ્રઃ માધવાત્મને અસ્ત્રાય ફટ્ ।

॥ અથ ધ્યાનમ્ ॥

શુદ્ધજામ્બૂનદનિભં બ્રહ્મવિષ્ણુશિવાત્મકમ્ ।
સર્વાભરણસંયુક્તં કૃષ્ણાજિનધરં વિભુમ્ ॥ ૯ ॥

બાણચાપૌ ચ પરશુમભયં ચ ચતુર્ભુજૈઃ ।
પ્રકોષ્ઠશોભિ રુદ્રાક્ષૈર્દધાનં ભૃગુનન્દનમ્ ॥ ૧૦ ॥

હેમયજ્ઞોપવીતં ચ સ્નિગ્ધસ્મિતમુખામ્બુજમ્ ।
દર્ભાઞ્ચિતકરં દેવં ક્ષત્રિયક્ષયદીક્ષિતમ્ ॥ ૧૧ ॥

શ્રીવત્સવક્ષસં રામં ધ્યાયેદ્વૈ બ્રહ્મચારિણમ્ ।
હૃત્પુણ્ડરીકમધ્યસ્થં સનકાદ્યૈરભિષ્ટુતમ્ ॥ ૧૨ ॥

સહસ્રમિવ સૂર્યાણામેકી ભૂય પુરઃ સ્થિતમ્ ।
તપસામિવ સન્મૂર્તિં ભૃગુવંશતપસ્વિનમ્ ॥ ૧૩ ॥

ચૂડાચુમ્બિતકઙ્કપત્રમભિતસ્તૂણીદ્વયં પૃષ્ઠતો
ભસ્મસ્નિગ્ધપવિત્રલાઞ્છનવપુર્ધત્તે ત્વચં રૌરવીમ્ ।
મૌઞ્જ્યા મેખલયા નિયન્ત્રિતમધોવાસશ્ચ માઞ્જિષ્ઠકમ્
પાણૌ કાર્મુકમક્ષસૂત્રવલયં દણ્ડં પરં પૈપ્પલમ્ ॥ ૧૪ ॥

રેણુકાહૃદયાનન્દં ભૃગુવંશતપસ્વિનમ્ ।
ક્ષત્રિયાણામન્તકં પૂર્ણં જામદગ્ન્યં નમામ્યહમ્ ॥ ૧૫ ॥

અવ્યક્તવ્યક્તરૂપાય નિર્ગુણાય ગુણાત્મને ।
સમસ્તજગદાધારમૂર્તયે બ્રહ્મણે નમઃ ॥ ૧૬ ॥

॥ શ્રીપરશુરામ દ્વાદશ નામાનિ ॥

હરિઃ પરશુધારી ચ રામશ્ચ ભૃગુનન્દનઃ ।
એકવીરાત્મજોવિષ્ણુર્જામદગ્ન્યઃ પ્રતાપવાન્ ॥ ૧૭ ॥

સહ્યાદ્રિવાસી વીરશ્ચ ક્ષત્રજિત્પૃથિવીપતિઃ ।
ઇતિ દ્વાદશનામાનિ ભાર્ગવસ્ય મહાત્મનઃ ।
યસ્ત્રિકાલે પઠેન્નિત્યં સર્વત્ર વિજયી ભવેત્ ॥ ૧૮ ॥

॥ અથ શ્રીપરશુરામસહસ્રનામસ્તોત્રમ્ ॥

ૐ રામઃ શ્રીમાન્મહાવિષ્ણુર્ભાર્ગવો જમદગ્નિજઃ ।
તત્ત્વરૂપી પરં બ્રહ્મ શાશ્વતઃ સર્વશક્તિધૃક્ ॥ ૧ ॥

વરેણ્યો વરદઃ સર્વસિદ્ધિદઃ કઞ્જલોચનઃ ।
રાજેન્દ્રશ્ચ સદાચારો જામદગ્ન્યઃ પરાત્પરઃ ॥ ૨ ॥

પરમાર્થૈકનિરતો જિતામિત્રો જનાર્દનઃ ।
ઋષિ પ્રવરવન્ધશ્ચ દાન્તઃ શત્રુવિનાશનઃ ॥ ૩ ॥

સર્વકર્મા પવિત્રશ્ચ અદીનો દીનસાધકઃ ।
અભિવાદ્યો મહાવીરસ્તપસ્વી નિયમઃ પ્રિયઃ ॥ ૪ ॥

સ્વયમ્ભૂઃ સર્વરૂપશ્ચ સર્વાત્મા સર્વદૃક્પ્રભુઃ ।
ઈશાનઃ સર્વદેવાદિર્વરીયન્સર્વગોઽચ્યુતઃ ॥ ૫ ॥

સર્વજ્ઞઃ સર્વવેદાદિઃ શરણ્યઃ પરમેશ્વરઃ ।
જ્ઞાનભાવ્યોઽપરિચ્છેદ્યઃ શુચિર્વાગ્મી પ્રતાપવાન્ ॥ ૬ ॥

જિતક્રોધો ગુડાકેશો દ્યુતિમાનરિમર્દનઃ ।
રેણુકાતનયઃ સાક્ષાદજિતોઽવ્યય એવ ચ ॥ ૭ ॥

વિપુલાંસો મહોરસ્કોઽતીન્દ્રો વન્દ્યો દયાનિધિઃ ।
અનાદિર્ભગવાનિન્દ્રઃ સર્વલોકારિમર્દનઃ ॥ ૮ ॥

સત્યઃ સત્યવ્રતઃ સત્યસન્ધઃ પરમધાર્મિકઃ ।
લોકાત્મા લોકકૃલ્લોકવન્દ્યઃ સર્વમયો નિધિઃ ॥ ૯ ॥

વશ્યો દયા સુધીર્ગોપ્તા દક્ષઃ સર્વૈકપાવનઃ ।
બ્રહ્મણ્યો બ્રહ્મચારી ચ બ્રહ્મ બ્રહ્મપ્રકાશકઃ ॥ ૧૦ ॥

સુન્દરોઽજિનવાસાશ્ચ બ્રહ્મસૂત્રધરઃ સમઃ ।
સૌમ્યો મહર્ષિઃ શાન્તશ્ચ મૌઞ્જીભૃદ્દણ્ડધારકઃ ॥ ૧૧ ॥

કોદણ્ડી સર્વજિત્છત્રદર્પહા પુણ્યવર્ધનઃ । var સર્વજિચ્છત્રુદર્પહા
કવિર્બ્રહ્મર્ષિ વરદઃ કમણ્ડલુધરઃ કૃતી ॥ ૧૨ ॥

મહોદારોઽતુલો ભાવ્યો જિતષડ્વર્ગમણ્ડલઃ ।
કાન્તઃ પુણ્યઃ સુકીર્તિશ્ચ દ્વિભુજશ્ચાદિ પૂરુષઃ ॥ ૧૩ ॥

અકલ્મષો દુરારાધ્યઃ સર્વાવાસઃ કૃતાગમઃ ।
વીર્યવાન્સ્મિતભાષી ચ નિવૃત્તાત્મા પુનર્વસુઃ ॥ ૧૪ ॥

અધ્યાત્મયોગકુશલઃ સર્વાયુધવિશારદઃ ।
યજ્ઞસ્વરૂપી યજ્ઞેશો યજ્ઞપાલઃ સનાતનઃ ॥ ૧૫ ॥

ઘનશ્યામઃ સ્મૃતિઃ શૂરો જરામરણવર્જિતઃ ।
ધીરો દાન્તઃ સુરૂપશ્ચ સર્વતીર્થમયો વિધિઃ ॥ ૧૬ ॥ ધીરોદાત્તઃ સ્વરૂપશ્ચ
વર્ણી વર્ણાશ્રમગુરુઃ સર્વજિત્પુરુષોઽવ્યયઃ ।
શિવશિક્ષાપરો યુક્તઃ પરમાત્મા પરાયણઃ ॥ ૧૭ ॥

પ્રમાણ રૂપો દુર્જ્ઞેયઃ પૂર્ણઃ ક્રૂરઃ ક્રતુર્વિભુઃ ।
આનન્દોઽથ ગુણશ્રેષ્ઠોઽનન્તદૃષ્ટિર્ગુણાકરઃ ॥ ૧૮ ॥

ધનુર્ધરો ધનુર્વેદઃ સચ્ચિદાનન્દવિગ્રહઃ ।
જનેશ્વરો વિનીતાત્મા મહાકાયસ્તપસ્વિરાટ્ ॥ ૧૯ ॥

અખિલાદ્યો વિશ્વકર્મા વિનીતાત્મા વિશારદઃ ।
અક્ષરઃ કેશવઃ સાક્ષી મરીચિઃ સર્વકામદઃ ॥ ૨૦ ॥

કલ્યાણઃ પ્રકૃતિ કલ્પઃ સર્વેશઃ પુરુષોત્તમઃ ।
લોકાધ્યક્ષો ગભીરોઽથ સર્વભક્તવરપ્રદઃ ॥ ૨૧ ॥

જ્યોતિરાનન્દરૂપશ્ચ વહ્નીરક્ષય આશ્રમી ।
ભૂર્ભુવઃસ્વસ્તપોમૂર્તી રવિઃ પરશુધૃક્ સ્વરાટ્ ॥ ૨૨ ॥

બહુશ્રુતઃ સત્યવાદી ભ્રાજિષ્ણુઃ સહનો બલઃ ।
સુખદઃ કારણં ભોક્તા ભવબન્ધ વિમોક્ષકૃત્ ॥ ૨૩ ॥

સંસારતારકો નેતા સર્વદુઃખવિમોક્ષકૃત્ ।
દેવચૂડામણિઃ કુન્દઃ સુતપા બ્રહ્મવર્ધનઃ ॥ ૨૪ ॥

નિત્યો નિયતકલ્યાણઃ શુદ્ધાત્માથ પુરાતનઃ ।
દુઃસ્વપ્નનાશનો નીતિઃ કિરીટી સ્કન્દદર્પહૃત્ ॥ ૨૫ ॥

અર્જુનઃ પ્રાણહા વીરઃ સહસ્રભુજજિદ્ધરીઃ ।
ક્ષત્રિયાન્તકરઃ શૂરઃ ક્ષિતિભારકરાન્તકૃત્ ॥ ૨૬ ॥

પરશ્વધધરો ધન્વી રેણુકાવાક્યતત્પરઃ ।
વીરહા વિષમો વીરઃ પિતૃવાક્યપરાયણઃ ॥ ૨૭ ॥

માતૃપ્રાણદ ઈશશ્ચ ધર્મતત્ત્વવિશારદઃ ।
પિતૃક્રોધહરઃ ક્રોધઃ સપ્તજિહ્વસમપ્રભઃ ॥ ૨૮ ॥

સ્વભાવભદ્રઃ શત્રુઘ્નઃ સ્થાણુઃ શમ્ભુશ્ચ કેશવઃ ।
સ્થવિષ્ઠઃ સ્થવિરો બાલઃ સૂક્ષ્મો લક્ષ્યદ્યુતિર્મહાન્ ॥ ૨૯ ॥

બ્રહ્મચારી વિનીતાત્મા રુદ્રાક્ષવલયઃ સુધીઃ ।
અક્ષકર્ણઃ સહસ્રાંશુર્દીપ્તઃ કૈવલ્યતત્પરઃ ॥ ૩૦ ॥

આદિત્યઃ કાલરુદ્રશ્ચ કાલચક્રપ્રવર્તકઃ ।
કવચી કુણ્ડલી ખડ્ગી ચક્રી ભીમપરાક્રમઃ ॥ ૩૧ ॥

મૃત્યુઞ્જયો વીર સિંહો જગદાત્મા જગદ્ગુરુઃ ।
અમૃત્યુર્જન્મરહિતઃ કાલજ્ઞાની મહાપટુઃ ॥ ૩૨ ॥

નિષ્કલઙ્કો ગુણગ્રામોઽનિર્વિણ્ણઃ સ્મરરૂપધૃક્ ।
અનિર્વેદ્યઃ શતાવર્તો દણ્ડો દમયિતા દમઃ ॥ ૩૩ ॥

પ્રધાનસ્તારકો ધીમાંસ્તપસ્વી ભૂતસારથિઃ ।
અહઃ સંવત્સરો યોગી સંવત્સરકરો દ્વિજઃ ॥ ૩૪ ॥

શાશ્વતો લોકનાથશ્ચ શાખી દણ્ડી બલી જટી ।
કાલયોગી મહાનન્દઃ તિગ્મમન્યુઃ સુવર્ચસઃ ॥ ૩૫ ॥

અમર્ષણો મર્ષણાત્મા પ્રશાન્તાત્મા હુતાશનઃ ।
સર્વવાસાઃ સર્વચારી સર્વાધારો વિરોચનઃ ॥ ૩૬ ॥

હૈમો હેમકરો ધર્મો દુર્વાસા વાસવો યમઃ ।
ઉગ્રતેજા મહાતેજા જયો વિજયઃ કાલજિત્ ॥ ૩૭ ॥

સહસ્રહસ્તો વિજયો દુર્ધરો યજ્ઞભાગભુક્ ।
અગ્નિર્જ્વાલી મહાજ્વાલસ્ત્વતિધૂમો હુતો હવિઃ ॥ ૩૮ ॥

સ્વસ્તિદઃ સ્વસ્તિભાગશ્ચ મહાન્ભર્ગઃ પરો યુવા । મહાન્ભર્ગપરોયુવા
મહત્પાદો મહાહસ્તો બૃહત્કાયો મહાયશાઃ ॥ ૩૯ ॥

મહાકટિર્મહાગ્રીવો મહાબાહુર્મહાકરઃ ।
મહાનાસો મહાકમ્બુર્મહામાયઃ પયોનિધિઃ ॥ ૪૦ ॥

મહાવક્ષા મહૌજાશ્ચ મહાકેશો મહાજનઃ ।
મહામૂર્ધા મહામાત્રો મહાકર્ણો મહાહનુઃ ॥ ૪૧ ॥

વૃક્ષાકારો મહાકેતુર્મહાદંષ્ટ્રો મહામુખઃ ।
એકવીરો મહાવીરો વસુદઃ કાલપૂજિતઃ ॥ ૪૨ ॥

મહામેઘનિનાદી ચ મહાઘોષો મહાદ્યુતિઃ ।
શૈવઃ શૈવાગમાચારી હૈહયાનાં કુલાન્તકઃ ॥ ૪૩ ॥

સર્વગુહ્યમયો વજ્રી બહુલઃ કર્મસાધનઃ ।
કામી કપિઃ કામપાલઃ કામદેવઃ કૃતાગમઃ ॥ ૪૪ ॥

પઞ્ચવિંશતિતત્ત્વજ્ઞઃ સર્વજ્ઞઃ સર્વગોચરઃ ।
લોકનેતા મહાનાદઃ કાલયોગી મહાબલઃ ॥ ૪૫ ॥

અસઙ્ખ્યેયોઽપ્રમેયાત્મા વીર્યકૃદ્વીર્યકોવિદઃ ।
વેદવેદ્યો વિયદ્ગોપ્તા સર્વામરમુનીશ્વરઃ ॥ ૪૬ ॥

સુરેશઃ શરણં શર્મ શબ્દબ્રહ્મ સતાં ગતિઃ ।
નિર્લેપો નિષ્પ્રપઞ્ચાત્મા નિર્વ્યગ્રો વ્યગ્રનાશનઃ ॥ ૪૭ ॥

શુદ્ધઃ પૂતઃ શિવારમ્ભઃ સહસ્રભુજજિદ્ધરિઃ ।
નિરવદ્યપદોપાયઃ સિદ્ધિદઃ સિદ્ધિસાધનઃ ॥ ૪૮ ॥

ચતુર્ભુજો મહાદેવો વ્યૂઢોરસ્કો જનેશ્વરઃ ।
દ્યુમણિસ્તરણિર્ધન્યઃ કાર્તવીર્ય બલાપહા ॥ ૪૯ ॥

લક્ષ્મણાગ્રજવન્દ્યશ્ચ નરો નારાયણઃ પ્રિયઃ ।
એકજ્યોતિર્નિરાતઙ્કો મત્સ્યરૂપી જનપ્રિયઃ ॥ ૫૦ ॥

સુપ્રીતઃ સુમુખઃ સૂક્ષ્મઃ કૂર્મો વારાહકસ્તથા ।
વ્યાપકો નારસિંહશ્ચ બલિજિન્મધુસૂદનઃ ॥ ૫૧ ॥

અપરાજિતઃ સર્વસહો ભૂષણો ભૂતવાહનઃ ।
નિવૃત્તઃ સંવૃત્તઃ શિલ્પી ક્ષુદ્રહા નિત્ય સુન્દરઃ ॥ ૫૨ ॥

સ્તવ્યઃ સ્તવપ્રિયઃ સ્તોતા વ્યાસમૂર્તિરનાકુલઃ ।
પ્રશાન્તબુદ્ધિરક્ષુદ્રઃ સર્વસત્ત્વાવલમ્બનઃ ॥ ૫૩ ॥

પરમાર્થગુરુર્દેવો માલી સંસારસારથિઃ ।
રસો રસજ્ઞઃ સારજ્ઞઃ કઙ્કણીકૃતવાસુકિઃ ॥ ૫૪ ॥

કૃષ્ણઃ કૃષ્ણસ્તુતો ધીરો માયાતીતો વિમત્સરઃ ।
મહેશ્વરો મહીભર્તા શાકલ્યઃ શર્વરીપતિઃ ॥ ૫૫ ॥

તટસ્થઃ કર્ણદીક્ષાદઃ સુરાધ્યક્ષઃ સુરારિહા ।
ધ્યેયોઽગ્રધુર્યો ધાત્રીશો રુચિસ્ત્રિભુવનેશ્વરઃ ॥ ૫૬ ॥

કર્માધ્યક્ષો નિરાલમ્બઃ સર્વકામ્યઃ ફલપ્રદઃ ।
અવ્યક્તલક્ષણો વ્યક્તો વ્યક્તાવ્યક્તો વિશામ્પતિઃ ॥ ૫૭ ॥

ત્રિલોકાત્મા ત્રિલોકેશો જગન્નાથો જનેશ્વરઃ ।
બ્રહ્મા હંસશ્ચ રુદ્રશ્ચ સ્રષ્ટા હર્તા ચતુર્મુખઃ ॥ ૫૮ ॥

નિર્મદો નિરહઙ્કારો ભૃગુવંશોદ્વહઃ શુભઃ ।
વેધા વિધાતા દ્રુહિણો દેવજ્ઞો દેવચિન્તનઃ ॥ ૫૯ ॥

કૈલાસશિખરાવાસી બ્રાહ્મણો બ્રાહ્મણપ્રિયઃ ।
અર્થોઽનર્થો મહાકોશો જ્યેષ્ઠઃ શ્રેષ્ઠઃ શુભાકૃતિઃ ॥ ૬૦ ॥

બાણારિર્દમનો યજ્વા સ્નિગ્ધપ્રકૃતિરગ્નિયઃ ।
વરશીલો વરગુણઃ સત્યકીર્તિઃ કૃપાકરઃ ॥ ૬૧ ॥

સત્ત્વવાન્ સાત્ત્વિકો ધર્મી બુદ્ધઃ કલ્કી સદાશ્રયઃ ।
દર્પણો દર્પહા દર્પાતીતો દૃપ્તઃ પ્રવર્તકઃ ॥ ૬૨ ॥

અમૃતાંશોઽમૃતવપુર્વાઙ્મયઃ સદસન્મયઃ ।
નિધાનગર્ભો ભૂશાયી કપિલો વિશ્વભોજનઃ ॥ ૬૩ ॥

પ્રભવિષ્ણુર્ગ્રસિષ્ણુશ્ચ ચતુર્વર્ગફલપ્રદઃ ।
નારસિંહો મહાભીમઃ શરભઃ કલિપાવનઃ ॥ ૬૪ ॥

ઉગ્રઃ પશુપતિર્ભર્ગો વૈદ્યઃ કેશિનિષૂદનઃ ।
ગોવિન્દો ગોપતિર્ગોપ્તા ગોપાલો ગોપવલ્લભઃ ॥ ૬૫ ॥

ભૂતાવાસો ગુહાવાસઃ સત્યવાસઃ શ્રુતાગમઃ ।
નિષ્કણ્ટકઃ સહસ્રાર્ચિઃ સ્નિગ્ધઃ પ્રકૃતિદક્ષિણઃ ॥ ૬૬ ॥ લક્ષણઃ
અકમ્પિતો ગુણગ્રાહી સુપ્રીતઃ પ્રીતિવર્ધનઃ ।
પદ્મગર્ભો મહાગર્ભો વજ્રગર્ભો જલોદ્ભવઃ ॥ ૬૭ ॥

ગભસ્તિર્બ્રહ્મકૃદ્બ્રહ્મ રાજરાજઃ સ્વયમ્ભવઃ । સ્વયમ્ભુવઃ
સેનાનીરગ્રણી સાધુર્બલસ્તાલીકરો મહાન્ ॥ ૬૮ ॥

પૃથિવી વાયુરાપશ્ચ તેજઃ ખં બહુલોચનઃ ।
સહસ્રમૂર્ધા દેવેન્દ્રઃ સર્વગુહ્યમયો ગુરુઃ ॥ ૬૯ ॥

અવિનાશી સુખારામસ્ત્રિલોકી પ્રાણધારકઃ ।
નિદ્રારૂપં ક્ષમા તન્દ્રા ધૃતિર્મેધા સ્વધા હવિઃ ॥ ૭૦ ॥

હોતા નેતા શિવસ્ત્રાતા સપ્તજિહ્વો વિશુદ્ધપાત્ ।
સ્વાહા હવ્યશ્ચ કવ્યશ્ચ શતઘ્ની શતપાશધૃક્ ॥ ૭૧ ॥

આરોહશ્ચ નિરોહશ્ચ તીર્થઃ તીર્થકરો હરઃ ।
ચરાચરાત્મા સૂક્ષ્મસ્તુ વિવસ્વાન્ સવિતામૃતમ્ ॥ ૭૨ ॥

તુષ્ટિઃ પુષ્ટિઃ કલા કાષ્ઠા માસઃ પક્ષસ્તુ વાસરઃ ।
ઋતુર્યુગાદિકાલસ્તુ લિઙ્ગમાત્માથ શાશ્વતઃ ॥ ૭૩ ॥

ચિરઞ્જીવી પ્રસન્નાત્મા નકુલઃ પ્રાણધારણઃ ।
સ્વર્ગદ્વારં પ્રજાદ્વારં મોક્ષદ્વારં ત્રિવિષ્ટપમ્ ॥ ૭૪ ॥

મુક્તિર્લક્ષ્મીસ્તથા ભુક્તિર્વિરજા વિરજામ્બરઃ ।
વિશ્વક્ષેત્રં સદાબીજં પુણ્યશ્રવણકીર્તનઃ ॥ ૭૫ ॥

ભિક્ષુર્ભૈક્ષ્યં ગૃહં દારા યજમાનશ્ચ યાચકઃ ।
પક્ષી ચ પક્ષવાહશ્ચ મનોવેગો નિશાચરઃ ॥ ૭૬ ॥

ગજહા દૈત્યહા નાકઃ પુરુહૂતઃ પુરુષ્ટુતઃ । પુરુભૂતઃ
બાન્ધવો બન્ધુવર્ગશ્ચ પિતા માતા સખા સુતઃ ॥ ૭૭ ॥

ગાયત્રીવલ્લભઃ પ્રાંશુર્માન્ધાતા ભૂતભાવનઃ ।
સિદ્ધાર્થકારી સર્વાર્થશ્છન્દો વ્યાકરણ શ્રુતિઃ ॥ ૭૮ ॥

સ્મૃતિર્ગાથોપશાન્તશ્ચ પુરાણઃ પ્રાણચઞ્ચુરઃ । શાન્તિશ્ચ
વામનશ્ચ જગત્કાલઃ સુકૃતશ્ચ યુગાધિપઃ ॥ ૭૯ ॥

ઉદ્ગીથઃ પ્રણવો ભાનુઃ સ્કન્દો વૈશ્રવણસ્તથા ।
અન્તરાત્મા હૃષીકેશઃ પદ્મનાભઃ સ્તુતિપ્રિયઃ ॥ ૮૦ ॥સ્કન્દો વૈશ્રવણસ્તથા
પરશ્વધાયુધઃ શાખી સિંહગઃ સિંહવાહનઃ ।
સિંહનાદઃ સિંહદંષ્ટ્રો નગો મન્દરધૃક્સરઃ ॥ ૮૧ ॥ શરઃ
સહ્યાચલનિવાસી ચ મહેન્દ્રકૃતસંશ્રયઃ ।
મનોબુદ્ધિરહઙ્કારઃ કમલાનન્દવર્ધનઃ ॥ ૮૨ ॥

સનાતનતમઃ સ્રગ્વી ગદી શઙ્ખી રથાઙ્ગભૃત્ ।
નિરીહો નિર્વિકલ્પશ્ચ સમર્થોઽનર્થનાશનઃ ॥ ૮૩ ॥

અકાયો ભક્તકાયશ્ચ માધવોઽથ સુરાર્ચિતઃ ।
યોદ્ધા જેતા મહાવીર્યઃ શઙ્કરઃ સન્તતઃ સ્તુતઃ ॥ ૮૪ ॥

વિશ્વેશ્વરો વિશ્વમૂર્તિર્વિશ્વારામોઽથ વિશ્વકૃત્ ।
આજાનુબાહુઃ સુલભઃ પરં જ્યોતિઃ સનાતનઃ ॥ ૮૫ ॥

વૈકુણ્ઠઃ પુણ્ડરીકાક્ષઃ સર્વભૂતાશયસ્થિતઃ ।
સહસ્રશીર્ષા પુરુષઃ સહસ્રાક્ષઃ સહસ્રપાત્ ॥ ૮૬ ॥

ઊર્ધ્વરેતાઃ ઊર્ધ્વલિઙ્ગઃ પ્રવરો વરદો વરઃ ।
ઉન્મત્તવેશઃ પ્રચ્છન્નઃ સપ્તદ્વીપમહીપ્રદઃ ॥ ૮૭ ॥

દ્વિજધર્મપ્રતિષ્ઠાતા વેદાત્મા વેદકૃચ્છ્રયઃ ।
નિત્યઃ સમ્પૂર્ણકામશ્ચ સર્વજ્ઞઃ કુશલાગમઃ ॥ ૮૮ ॥

કૃપાપીયૂષજલધિર્ધાતા કર્તા પરાત્પરઃ ।
અચલો નિર્મલસ્તૃપ્તઃ સ્વે મહિમ્નિ પ્રતિષ્ઠિતઃ ॥ ૮૯ ॥

અસહાયઃ સહાયશ્ચ જગદ્ધેતુરકારણઃ ।
મોક્ષદઃ કીર્તિદશ્ચૈવ પ્રેરકઃ કીર્તિનાયકઃ ॥ ૯૦ ॥

અધર્મશત્રુરક્ષોભ્યો વામદેવો મહાબલઃ ।
વિશ્વવીર્યો મહાવીર્યો શ્રીનિવાસઃ સતાં ગતિઃ ॥ ૯૧ ॥

સ્વર્ણવર્ણો વરાઙ્ગશ્ચ સદ્યોગી ચ દ્વિજોત્તમઃ ।
નક્ષત્રમાલી સુરભિર્વિમલો વિશ્વપાવનઃ ॥ ૯૨ ॥

વસન્તો માધવો ગ્રીષ્મો નભસ્યો બીજવાહનઃ ।
નિદાઘસ્તપનો મેઘો નભો યોનિઃ પરાશરઃ ॥ ૯૩ ॥

સુખાનિલઃ સુનિષ્પન્નઃ શિશિરો નરવાહનઃ ।
શ્રીગર્ભઃ કારણં જપ્યો દુર્ગઃ સત્યપરાક્રમઃ ॥ ૯૪ ॥

આત્મભૂરનિરુદ્ધશ્ચ દત્તાત્રેયસ્ત્રિવિક્રમઃ ।
જમદગ્નિર્બલનિધિઃ પુલસ્ત્યઃ પુલહોઽઙ્ગિરાઃ ॥ ૯૫ ॥

વર્ણી વર્ણગુરુશ્ચણ્ડઃ કલ્પવૃક્ષઃ કલાધરઃ ।
મહેન્દ્રો દુર્ભરઃ સિદ્ધો યોગાચાર્યો બૃહસ્પતિઃ ॥ ૯૬ ॥

નિરાકારો વિશુદ્ધશ્ચ વ્યાધિહર્તા નિરામયઃ ।
અમોઘોઽનિષ્ટમથનો મુકુન્દો વિગતજ્વરઃ ॥ ૯૭ ॥

સ્વયંજ્યોતિર્ગુરુતમઃ સુપ્રસાદોઽચલસ્તથા ।
ચન્દ્રઃ સૂર્યઃ શનિઃ કેતુર્ભૂમિજઃ સોમનન્દનઃ ॥ ૯૮ ॥

ભૃગુર્મહાતપા દીર્ઘતપાઃ સિદ્ધો મહાગુરુઃ ।
મન્ત્રી મન્ત્રયિતા મન્ત્રો વાગ્મી વસુમનાઃ સ્થિરઃ ॥ ૯૯ ॥

અદ્રિરદ્રિશયો શમ્ભુર્માઙ્ગલ્યો મઙ્ગલોવૃતઃ ।
જયસ્તમ્ભો જગત્સ્તમ્ભો બહુરૂપો ગુણોત્તમઃ ॥ ૧૦૦ ॥

સર્વદેવમયોઽચિન્ત્યો દેવતાત્મા વિરૂપધૃક્ ।
ચતુર્વેદશ્ચતુર્ભાવશ્ચતુરશ્ચતુરપ્રિયઃ ॥ ૧૦૧ ॥

આદ્યન્તશૂન્યો વૈકુણ્ઠઃ કર્મસાક્ષી ફલપ્રદઃ ।
દૃઢાયુધઃ સ્કન્દગુરુઃ પરમેષ્ઠી પરાયણઃ ॥ ૧૦૨ ॥

કુબેરબન્ધુઃ શ્રીકણ્ઠો દેવેશઃ સૂર્યતાપનઃ ।
અલુબ્ધઃ સર્વશાસ્ત્રજ્ઞઃ શાસ્ત્રાર્થઃ પરમઃપુમાન્ ॥ ૧૦૩ ॥

અગ્ન્યાસ્યઃ પૃથિવીપાદો દ્યુમૂર્ધા દિક્ષ્રુતિઃ પરઃ । દ્વિમૂર્ધા
સોમાન્તઃ કરણો બ્રહ્મમુખઃ ક્ષત્રભુજસ્તથા ॥ ૧૦૪ ॥

વૈશ્યોરુઃ શૂદ્રપાદસ્તુ નદીસર્વાઙ્ગસન્ધિકઃ ।
જીમૂતકેશોઽબ્ધિકુક્ષિસ્તુ વૈકુણ્ઠો વિષ્ટરશ્રવાઃ ॥ ૧૦૫ ॥

ક્ષેત્રજ્ઞઃ તમસઃ પારી ભૃગુવંશોદ્ભવોઽવનિઃ ।
આત્મયોની રૈણુકેયો મહાદેવો ગુરુઃ સુરઃ ॥ ૧૦૬ ॥

એકો નૈકોઽક્ષરઃ શ્રીશઃ શ્રીપતિર્દુઃખભેષજમ્ ।
હૃષીકેશોઽથ ભગવાન્ સર્વાત્મા વિશ્વપાવનઃ ॥ ૧૦૭ ॥

વિશ્વકર્માપવર્ગોઽથ લમ્બોદરશરીરધૃક્ ।
અક્રોધોઽદ્રોહ મોહશ્ચ સર્વતોઽનન્તદૃક્તથા ॥ ૧૦૮ ॥

કૈવલ્યદીપઃ કૈવલ્યઃ સાક્ષી ચેતાઃ વિભાવસુઃ ।
એકવીરાત્મજો ભદ્રોઽભદ્રહા કૈટભાર્દનઃ ॥ ૧૦૯ ॥

વિબુધોઽગ્રવરઃ શ્રેષ્ઠઃ સર્વદેવોત્તમોત્તમઃ ।
શિવધ્યાનરતો દિવ્યો નિત્યયોગી જિતેન્દ્રિયઃ ॥ ૧૧૦ ॥

કર્મસત્યં વ્રતઞ્ચૈવ ભક્તાનુગ્રહકૃદ્ધરિઃ ।
સર્ગસ્થિત્યન્તકૃદ્રામો વિદ્યારાશિર્ગુરૂત્તમઃ ॥ ૧૧૧ ॥

રેણુકાપ્રાણલિઙ્ગં ચ ભૃગુવંશ્યઃ શતક્રતુઃ ।
શ્રુતિમાનેકબન્ધુશ્ચ શાન્તભદ્રઃ સમઞ્જસઃ ॥ ૧૧૨ ॥

આધ્યાત્મવિદ્યાસારશ્ચ કાલભક્ષો વિશૃઙ્ખલઃ ।
રાજેન્દ્રો ભૂપતિર્યોગી નિર્માયો નિર્ગુણો ગુણી ॥ ૧૧૩ ॥

હિરણ્મયઃ પુરાણશ્ચ બલભદ્રો જગત્પ્રદઃ । var. reversed lines
વેદવેદાઙ્ગપારજ્ઞઃ સર્વકર્મા મહેશ્વરઃ ॥ ૧૧૪ ॥

॥ ફલશ્રુતિઃ ॥

એવં નામ્નાં સહસ્રેણ તુષ્ટાવ ભૃગુવંશજમ્ ।
શ્રીરામઃ પૂજયામાસ પ્રણિપાતપુરઃસરમ્ ॥ ૧ ॥

કોટિસૂર્યપ્રતીકાશો જટામુકુટભૂષિતઃ ।
વેદવેદાઙ્ગપારજ્ઞઃ સ્વધર્મનિરતઃ કવિઃ ॥ ૨ ॥

જ્વાલામાલાવૃતો ધન્વી તુષ્ટઃ પ્રાહ રઘૂત્તમમ્ ।
સર્વૈશ્વર્યસમાયુક્તં તુભ્યં પ્રણતિ રઘૂત્તમમ્ ॥ ૩ ॥ પ્રાદાં
સ્વતેજો નિર્ગતં તસ્માત્પ્રાવિશદ્રાઘવં તતઃ ।
યદા વિનિર્ગતં તેજઃ બ્રહ્માદ્યાઃ સકલાઃ સુરાઃ ॥ ૪ ॥

ચેલુશ્ચ બ્રહ્મસદનં ચ કમ્પે ચ વસુન્ધરા । ચેલુશ્વચ બ્રહ્મમદનં
દદાહ ભાર્ગવં તેજઃ પ્રાન્તે વૈ શતયોજનામ્ ॥ ૫ ॥

અધસ્તાદૂર્ધ્વતશ્ચૈવ હાહેતિ કૃતવાઞ્જનઃ ।
તદા પ્રાહ મહાયોગી પ્રહસન્નિવ ભાર્ગવઃ ॥ ૬ ॥

શ્રીભાર્ગવ ઉવાચ –
મા ભૈષ્ટ સૈનિકા રામો મત્તો ભિન્નો ન નામતઃ ।
રૂપેણાપ્રતિમેનાપિ મહદાશ્ચર્યમદ્ભુતમ્ ।
સંસ્તુત્ય પ્રણાયાદ્રામઃ કૃતાઞ્જલિપુટો।બ્રવીત્ ॥ ૭ ॥

શ્રીરામ ઉવાચ –
યદ્રૂપં ભવતો લબ્ધં સર્વલોકભયઙ્કરમ્ ।
હિતં ચ જગતાં તેન દેવાનાં દુઃખનાશનમ્ ॥ ૮ ॥ દુઃખ શાતનમ્
જનાર્દન કરોમ્યદ્ય વિષ્ણો ભૃગુકુલોદ્ભવઃ ।
આશિષો દેહિ વિપ્રેન્દ્ર ભાર્ગવસ્તદનન્તરમ્ ॥ ૯ ॥

ઉવાચાશીર્વચો યોગી રાઘવાય મહાત્મને ।
પરં પ્રહર્ષમાપન્નો ભગવાન્ રામમબ્રવીત્ ॥ ૧૦ ॥

શ્રીભાર્ગવ ઉવાચ –
ધર્મે દૃઢત્વં યુધિ શત્રુઘાતો યશસ્તથાદ્યં પરમં બલઞ્ચ ।
યોગપ્રિયત્વં મમ સન્નિકર્ષઃ સદાસ્તુ તે રાઘવ રાઘવેશઃ ॥ ૧૧ ॥

તુષ્ટોઽથ રાઘવઃ પ્રાહ મયા પ્રોક્તં સ્તવં તવ ।
યઃ પઠેચ્છૃણુયાદ્વાપિ શ્રાવયેદ્વા દ્વિજોત્તમાન્ ॥ ૧૨ ॥

દ્વિજેષ્વકોપં પિતૃતઃ પ્રસાદં શતં સમાનામુપભોગયુક્તમ્ ।
કુલે પ્રસૂતિં માતૃતઃ પ્રસાદં સમાં પ્રાપ્તિં પ્રાપ્નુયાચ્ચાપિ દાક્ષ્યમ્ ।
પ્રીતિં ચાગ્ર્યાં બાન્ધવાનાં નિરોગમ્ કુલં પ્રસૂતૈઃ પૌત્રવર્ગૈઃ સમેતમ્ ॥ ૧૩ ॥

અશ્વમેધ સહસ્રેણ ફલં ભવતિ તસ્ય વૈ ।
ઘૃતાદ્યૈઃ સ્નાપયેદ્રામં સ્થાલ્યાં વૈ કલશે સ્થિતમ્ ॥ ૧૪ ॥

નામ્નાં સહસ્રેણાનેન શ્રદ્ધયા ભાર્ગવં હરિમ્ ।
સોઽપિ યજ્ઞસહસ્રસ્ય ફલં ભવતિ વાઞ્છિતમ્ ॥ ૧૫ ॥

પૂજ્યો ભવતિ રુદ્રસ્ય મમ ચાપિ વિશેષતઃ ।
તસ્માન્નામ્નાં સહસ્રેણ પૂજયેદ્યો જગદ્ગુરુમ્ ॥ ૧૬ ॥

જપન્નામ્નાં સહસ્રં ચ સ યાતિ પરમાં ગતિમ્ ।
શ્રીઃ કીર્તિર્ધીર્ધૃતિસ્તુષ્ટિઃ સન્તતિશ્ચ નિરામયા ॥ ૧૭ ॥

અણિમા લઘિમા પ્રાપ્તિરૈશ્વર્યાદ્યાશ્ચ ચ સિદ્ધયઃ ।
સર્વભૂતસુહૃત્ત્વં ચ લોકે વૃદ્ધીઃ પરા મતિઃ ॥ ૧૮ ॥

ભવેત્પ્રાતશ્ચ મધ્યાહ્નં સાયં ચ જપતો હરેઃ ।
નામાનિ ધ્યાયતો રામ સાન્નિધ્યં ચ હરેર્ભવેત્ ॥ ૧૯ ॥

અયને વિષુવે ચૈવ જપન્ત્વાલિખ્ય પુસ્તકમ્ ।
દદ્યાદ્વૈ યો વૈષ્ણવેભ્યો નષ્ટબન્ધો ન જાયતે ॥ ૨૦ ॥

ન ભવેચ્ચ કુલે તસ્ય કશ્ચિલ્લક્ષ્મીવિવર્જિતઃ ।
વરદો ભાર્ગવસ્તસ્ય લભતે ચ સતાં ગતિમ્ ॥ ૨૧ ॥

॥ ઇતિ શ્રીઅગ્નિપુરાણે દાશરથિરામપ્રોક્તં
શ્રીપરશુરામસહસ્રનામસ્તોત્રં સમ્પૂર્ણમ્ ॥

શ્રીભાર્ગવાર્પણમસ્તુ ।
॥ શ્રીરસ્તુ ॥

Also Read 1000 Names of Shri Parashurama:

1000 Names of Sri Parashurama | Narasimha Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Parashurama | Sahasranama Stotram Lyrics in Gujarati

Leave a Reply

Your email address will not be published. Required fields are marked *

Scroll to top