Shri Sharika Sahasranamastotram Lyrics in Gujarati:
॥ શ્રીશારિકાસહસ્રનામસ્તોત્રમ્ ॥
શ્રીભૈરવ ઉવાચ –
યા સા દેવી પુરાખ્યાતા શારિકારૂપધારિણી ।
જાલન્ધરરાક્ષસઘ્ની પ્રદ્યુમ્નશિખરે સ્થિતા ॥ ૧ ॥
તસ્યા નામસહસ્રં તે મન્ત્રગર્ભં જયાવહમ્ ।
કથયામિ પરાં વિદ્યાં સહસ્રાખ્યાભિધાં શિવે ॥ ૨ ॥
શિલાયાઃ શારિકાખ્યાયાઃ પરસર્વસ્વરૂપિણીમ્ ।
વિના નિત્યક્રિયાં દેવિ વિના ન્યાસં વિનાઽર્ચનમ્ ॥ ૩ ॥
વિના પુરસ્ક્રિયાં જાપ્યં વિના હોમં ચ તર્પણમ્ ।
વિના શ્મશાનગમનં વિના સમયપૂજનમ્ ॥ ૪ ॥
યયા લભેત્ ફલં સર્વં તાં વિદ્યા શૃણુ પાર્વતિ ।
યા દેવી ચેતના લોકે શિલારૂપાસ્તિ શારિકા ॥
સૃજત્યવતિ વિશ્વં તુ સંહરિષ્યતિ તામસી ।
સૈવ સંસારિણાં દેવિ પરમૈશ્વર્યદાયિની ॥ ૬ ॥
પરં પદં પ્રદાપ્યાન્તે મહાવિદ્યાત્મિકા શિલા ।
તસ્યા નામસહસ્રં તે વર્ણયામિ રહસ્યકમ્ ॥ ૭ ॥
રહસ્યં મમ સર્વસ્વં સકલાચારવલ્લભમ્ ।
યો જપેત્ પરમાં વિદ્યાં પઠેદાખ્યાસહસ્રકમ્ ॥ ૮ ॥
ધારયેત્ કવચં દિવ્યં પઠેત સ્તોત્રેશ્વરં પરમ્ ।
કિં તસ્ય દુર્લભં લોકે નાપ્નુયાદ્ યદ્યદીશ્વરિ ॥ ૯ ॥
અસ્ય નામ્નાં સહસ્રસ્ય મહાદેવ ઋષિઃ સ્મૃતઃ ।
છન્દોઽનુષ્ટુપ્ દેવતા ચ શારિકા પરિકીર્તિતા ॥ ૧૦ ॥
શર્મ બીજં રમા શક્તિઃ સિન્ધુરઃ કીલકં સ્મૃતમ્ ।
ધર્માર્થકામમોક્ષાર્થે વિનિયોગઃ પ્રકીર્તિતઃ ॥ ૧૧ ॥
ધ્યાનમસ્યાઃ પ્રવક્ષ્યામિ શૃણુ પર્વતનન્દિનિ ।
॥ વિનિયોગઃ ॥
અસ્ય શ્રીશારિકાભગવતીસહસ્રનામસ્તોત્રસ્ય, શ્રીમહાદેવ ઋષિઃ,
અનુષ્ટુપ્ છન્દઃ, શ્રીશારિકા ભગવતી દેવતા, શાં બીજં,
શ્રીં શક્તિઃ, ફ્રાં કીલકં, ધર્માર્થકામમોક્ષાર્થે વિનિયોગઃ
ઋષ્યાદિન્યાસં કૃત્વા, હ્રાંશ્રામિત્યાદિના કરાઙ્ગન્યાસૌ ॥
॥ ઋષ્યાદિન્યાસઃ ॥
ૐ શ્રીમહાદેવઋષયે નમઃ શિરસિ ।
અનુષ્ટુપ્છન્દસે નમઃ મુખે ।
શ્રીશારિકાભગવતી દેવતાયૈ નમઃ હૃદયે ॥
શાં બીજાય નમઃ દક્ષસ્તને ॥
શ્રીં શક્તયે નમઃ વામસ્તને ॥
ફ્રાં કીલકાય નમઃ નાભૌ ॥
શ્રીશારિકાભગવતી પ્રસાદસિદ્ધ્યર્થે પાઠે વિનિયોગાય નમઃ પાદયોઃ ॥
॥ ષડઙ્ગન્યાસઃ ॥
॥ કરન્યાસઃ ॥
હ્રાં શ્રાં અઙ્ગુષ્ઠાભ્યાં નમઃ । હ્રીં શ્રીં તર્જનીભ્યાં નમઃ ।
હ્રૂં શ્રૂં મધ્યમાભ્યાં નમઃ । હૈં શ્રૈં અનામિકાભ્યાં નમઃ ।
હ્રૌં શ્રૌં કનિષ્ઠાભ્યાં નમઃ । હ્રઃ શ્રઃ કરતલકરપુષ્ઠાભ્યાં નમઃ ।
॥ અઙ્ગન્યાસઃ ॥
હ્રાં શ્રાં હૃદયાય નમઃ । હ્રીં શ્રીં શિરસે સ્વાહા ।
હ્રૂં શ્રૂં શિખાયૈ વષટ્ । હૈં શ્રૈં કવચાય હુમ્ ।
હ્રૌં શ્રૌં નેત્રત્રયાય વૌષટ્ । હ્રઃ શ્રઃ અસ્ત્રાય ફટ્ ।
॥ ધ્યાનમ્ ॥
બાલાર્કકોટિસદૃશીમિન્દુચૂડાં કરામ્બુજૈઃ ।
વરચક્રાભયાસીંશ્ચ ધારયન્તીં હસન્મુખીમ્ ॥ ૧ ॥
સિંહારૂઢાં રક્તવસ્ત્રાં રક્તાભરણભૂષિતામ્ ।
વામદેવાઙ્કનિલયા હૃત્પદ્મે શારિકાં ભજે ॥ ૨ ॥
બાલાર્કકોટિદ્યુતિમિન્દુચૂડાં વરાસિચક્રાભયબાહુમાદ્યામ્ ।
સિંહાધિરૂઢાં શિવવામદેહલીનાં ભજે ચેતસિ શારિકેશીમ્ ॥ ૩ ॥
॥ સ્તોત્રમ્ ॥
ૐ હ્રીં શ્રીં હૂં ફ્રાં આં શાં શ્રીશારિકા શ્યામસુન્દરી ।
શિલા શારી શુકી શાન્તા શાન્તમાનસગોચરા ॥ ૧ ॥
શાન્તિસ્થા શાન્તિદા શાન્તિઃ શ્યામા શ્યામપયોધરા ।
દેવી શશાઙ્કબિમ્બાભા શશાઙ્કકૃતશેખરા ॥ ૨ ॥
શશાઙ્કશોભિલાવણ્યા શશાઙ્કમધ્યવાસિની ।
શાર્દૂરલવાહા દેવેશી શાર્દૂલસ્થિતિરુત્તમા ॥ ૩ ॥
શાદૂલચર્મવસના શક્તિઃ શાર્દૂલવાહના ।
ગૌરી પદ્માવતી પીના પીનવક્ષોજકુટ્મલા ॥ ૪ ॥
પીતામ્બરા રક્તદન્તા દાડિમીકુસુમોપમા ।
સ્ફુરદ્રત્નાંશુખચિતા રત્નમણ્ડલવિગ્રહા ॥ ૫ ॥
રક્તામ્બરધરા દેવી રત્નમાલાવિભૂષણા ।
રત્નસંમૂર્છિતાત્મા ચ દીપ્તા દીપ્તશિખા દયા ॥ ૬ ॥
દયાવતી કલ્પલતા કલ્પાન્તદહનોપમા ।
ભૈરવી ભીમનાદા ચ ભયાનકમુખી ભગા ॥ ૭ ॥
કારા કારુણ્યરૂપા ચ ભગમાલાવિભૂષણા ।
ભગેશ્વરી ભગસ્થા ચ કુરુકુલ્લા કૃશોદરી ॥ ૮ ॥
કાદમ્બરી પટોત્કૃષ્ટા પરમા પરમેશ્વરી ।
સતી સરસ્વતી સત્યા સત્યાસત્યસ્વરૂપિણી ॥ ૯ ॥
પરમ્પરા પટાકારા પાટલા પાટલપ્રભા ।
પદ્મિની પદ્મવદના પદ્મા પદ્માકરા શિવા ॥ ૧૦ ॥
શિવાશ્રયા શરચ્છાન્તા શચી રમ્ભા વિભાવરી ।
દ્યુમણિસ્તરણા પાઠા પીઠેશી પીવરાકૃતિઃ ॥ ૧૧ ॥
અચિન્ત્યા મુસલાધારા માતઙ્ગી મધુરસ્વના ।
વીણાગીતપ્રિયા ગાથા ગારુડી ગરુડધ્વજા ॥ ૧૨ ॥
અતીવ સુન્દરાકારા સુન્દરી સુન્દરાલકા ।
અલકા નાકમધ્યસ્થા નાકિની નાકિપૂજિતા ॥ ૧૩ ॥
પાતાલેશ્વરપૂજ્યા ચ પાતાલતલચારિણી ।
અનન્તાઽનન્તરૂપા ચ હ્યજ્ઞાતા (૧૦૦) જ્ઞાનવર્ધિની ॥ ૧૪ ॥
અમેયા હ્યપ્રમેયા ચ હ્યનન્તાદિત્યરૂપિણી ।
દ્વાદશાદિત્યસમ્પૂજ્યા શમી શ્યામાકબીજિની ॥ ૧૫ ॥
વિભાસા ભાસુરવર્ણા સમસ્તાસુરઘાતિની ।
સુધામયી સુધામૂર્તિઃ સુધા સર્વપ્રિયઙ્કરી ॥ ૧૬ ॥
સુખદા ચ સુરેશાની કૃશાનુવલ્લભા હવિઃ ।
સ્વાહા સ્વાહેશનેત્રા ચ હ્યગ્નિવક્ત્રાઽગ્નિતર્પિતા ॥ ૧૭ ॥
સોમસૂર્યાગ્નિનેત્રા ચ ભૂર્ભુવઃસ્વઃસ્વરૂપિણી ।
ભૂમિર્ભૂદેવપૂજ્યા ચ સ્વયમ્ભૂઃ સ્વાત્મપૂજકા ॥ ૧૮ ॥
સ્વયમ્ભૂ પુષ્પમાલાઢ્યા સ્વયમ્ભૂ પુષ્પવલ્લભા ।
આનન્દકન્દલી કન્દા સ્કન્દમાતા શિલાલયા ॥ ૧૯ ॥
ચેતના ચિદ્ભવાકારા ભવપત્ની ભયાપહા ।
વિઘ્નેશ્વરી ગણેશાની વિઘ્નવિધ્વંસિની નિશા ॥ ૨૦ ॥
વશ્યા વશિજનસ્તુત્યા સ્તુતિઃ શ્રુતિધરા શ્રુતિઃ ।
શાસ્ત્રવિધાનવિજ્ઞા ચ વેદશાસ્ત્રાર્થકોવિદા ॥ ૨૧ ॥
વેદ્યા વિદ્યામયી વિદ્યા વિધાતૃવરદા વધૂઃ ।
વધૂરૂપા વધૂપૂજ્યા વધૂપાનપ્રતર્પિતા ॥ ૨૨ ॥
વધૂપૂજનસન્તુષ્ટા વધૂમાલાવિભૂષણા ।
વામા વામેશ્વરી વામ્યા કુલાકુલવિચારિણી ॥ ૨૩ ॥
વિતર્કતર્કનિલયા પ્રલયાનલસન્નિભા ।
યજ્ઞેશ્વરી યજ્ઞમુખા યાજકા યજ્ઞપાત્રકા ॥ ૨૪ ॥
યક્ષેશ્વરી યક્ષધાત્રી પાર્વતી પર્વતાશ્રયા ।
પિલમ્પિલા પદસ્થાના પદદા નરકાન્તકા ॥ ૨૫ ॥
નારી નર્મપ્રિયા શ્રીદા શ્રીદશ્રીદા (૨૦૦) શરાયુધા ।
કામેશ્વરી રતિર્હૂતિરાહુતિર્હવ્યવાહના ॥ ૨૬ ॥
હરેશ્વરી હરિવધૂર્હાટકાઙ્ગદમણ્ડિતા ।
હપુષા સ્વર્ગતિર્વૈદ્યા સુમુખા ચ મહૌષધિઃ ॥ ૨૭ ॥
સર્વરોગહરા માધ્વી મધુપાનપરાયણા ।
મધુસ્થિતા મધુમયી મધુદાનવિશારદા ॥ ૨૮ ॥
મધુતૃપ્તા મધુરૂપા મધૂકકુસુમપ્રભા ।
માધવી માધવીવલ્લી મધુમત્તા મદાલસા ॥ ૨૯ ॥
મારપ્રિયા મારપૂજ્યા મારદેવપ્રિયઙ્કરી ।
મારેશી ચ મૃત્યુહરા હરિકાન્તા મનોન્મના ॥ ૩૦ ॥
મહાવૈદ્યપ્રિયા વૈદ્યા વૈદ્યાચારા સુરાર્ચિતા ।
સામન્તા પીનવપુષી ગુટી ગુર્વી ગરીયસી ॥ ૩૧ ॥
કાલાન્તકા કાલમુખી કઠોરા કરુણામયી ।
નીલા નાભી ચ વાગીશી દૂર્વા નીલસરસ્વતી ॥ ૩૨ ॥
અપારા પારગા ગમ્યા ગતિઃ પ્રીતિઃ પયોધરા ।
પયોદસદૃશચ્છાયા પારદાકૃતિલાલસા ॥ ૩૩ ॥
સરોજનિલયા નીતિઃ કીર્તિઃ કીર્તિકરી કથા ।
કાશી કામ્યા કપર્દીશા કાશપુષ્પોપમા રમા ॥ ૩૪ ॥
રામા રામપ્રિયા રામભદ્રદેવસમર્ચિતા ।
રામસમ્પૂજિતા રામસિદ્ધિદા રામરાજ્યદા ॥ ૩૫ ॥
રામભદ્રાર્ચિતા રેવા દેવકી દેવવત્સલા ।
દેવપૂજ્યા દેવવન્દ્યા દેવદાવનચર્ચિતા ॥ ૩૬ ॥
દૂતી દ્રુતગતિર્દમ્ભા દામિની વિજયા જયા ।
અશેષસુરસમ્પૂજ્યા નિઃશેષાસુરસૂદિની ॥ ૩૭ ॥
વટિની વટમૂલસ્થા લાસ્યહાસ્યૈકવલ્લભા ।
અરૂપા નિર્ગુણા સત્યા સદાસન્તોષવર્ધિની ॥ ૩૮ ॥
સોમ્યા યજુર્વહા યામ્યા ( ૩૦૦) યમુના યામિની યમી ।
દાક્ષી દયા ચ વરદા દાલ્ભ્યસેવ્યા પુરન્દરી ॥ ૩૯ ॥
પૌરન્દરી પુલોમેશી પૌલોમી પુલકાઙ્કુરા ।
પુરસ્થા વનભૂર્વન્યા વાનરી વનચારિણી ॥ ૪૦ ॥
સમસ્તવર્ણનિલયા સમસ્તવર્ણપૂજિતા ।
સમસ્તવર્ણવર્ણાઢ્યા સમસ્તગુરુવલ્લભા ॥ ૪૧ ॥
સમસ્તમુણ્ડમાલાઢ્યા માલિની મધુપસ્વના ।
કોશપ્રદા કોશવાસા ચમત્કૃતિરલમ્બુસા ॥ ૪૨ ॥
હાસદા સદસદ્રૂપા સર્વવર્ણમયી સ્મૃતિઃ ।
સર્વાક્ષરમયી વિદ્યા મૂલવિદ્યેશ્વરીશ્વરી ॥ ૪૩ ॥
અકારા ષોડશાકારા કારાબન્ધવિમોચિની ।
કકારવ્યઞ્જના ક્રાન્તા સર્વમન્ત્રાક્ષરાલયા ॥ ૪૪ ॥
અણુરૂપાઽપ્યમલા ચ ત્રૈગુણ્યાઽપ્યપરાજિતા ।
અમ્બિકાઽમ્બાલિકા ચામ્બા અનન્તગુણમેખલા ॥ ૪૫ ॥
અપર્ણા પર્ણશાલા ચ સાટ્ટહાસા હસન્તિકા ।
અદ્રિકન્યાઽપ્યટ્ટહાસાઽપ્યજરાઽસ્વાઽપ્યરુન્ધતી ॥ ૪૬ ॥
અબ્જાક્ષી ચાબ્જિની દેવી હ્યમ્બુજાસનપૂજિતા ।
અબ્જહસ્તા હ્યબ્જપાદા ચાબ્જપૂજનતોષિતા ॥ ૪૭ ॥
અકારમાતૃકા દેવી સર્વાનન્દકરી કલા ।
આનન્દસુન્દરી આદ્યા આઘૂર્ણારુણલોચના ॥ ૪૮ ॥
આદિદેવાન્તકાઽક્રૂરા આદિત્યકુલભૂષણા ।
આમ્બીજમણ્ડના દેવી ચાકારમાતૃકાવલિઃ ॥ ૪૯ ॥
ઇન્દુસ્તુતેન્દુબિમ્બાસ્યા ઇનકોટિસમપ્રભા ।
ઇન્દિરા મન્દુરાશાલા ચેતિહાસકથાસ્મૃતિઃ ॥ ૫૦ ॥
ઇલા ચેક્ષુરસાસ્વાદા ઇકારાક્ષરભૂષિતા ।
ઇન્દ્રસ્તુતા ચેન્દ્રપૂજ્યા ઇનભદ્રા ઇનેશ્વરી ॥ ૫૧ ॥
ઇભગતિરિભગીતિરિકારાક્ષરમાતૃકા ।
ઈશ્વરી વૈભવપ્રખ્યા ચેશાનીશ્વરવલ્લભા ॥ ૫૨ ॥
ઈશા કામકલાદેવી ઈકારાશ્રિતમાતૃકા 400 ।
ઉગ્રપ્રભોગ્રચિત્તા ચ ઉગ્રવામાઙ્ગવાસિની ॥ ૫૩ ॥
ઉષા વૈષ્ણવપૂજ્યા ચ ઉગ્રતારોલ્મુકાનના ।
ઉમેશ્વરીશ્વરી શ્રેષ્ઠા ઉદકસ્થા હ્યુદેશ્વરી ॥ ૫૪ ॥
ઉદકાઽચ્છોદકદા ચ ઉકારોદ્ભાસમાતૃકા ।
ઊષ્મા પ્યૂષા ઊષણા ચ તથોચિતવરપ્રદા ॥ ૫૫ ॥
ઋણહર્ત્રી ઋકારેશી ઋઌવર્ણા ઌવર્ણભાક્ ।
ૡકારભ્રુકુટિર્બાલા બાલાદિત્યસમપ્રભા ॥ ૫૬ ॥
એણાઙ્કમુકુટા ચૈહા એકારાક્ષરબીજિતા ।
એણપ્રિયા એણમધ્યવાસિની એણવત્સલા ॥ ૫૭ ॥
એણાઙ્કમધ્યસંસ્થા ચ ઐકારોદ્ભાસકૂટિની ।
ઓઙ્કારશેખરા દેવી ઔચિત્યપદમણ્ડિતા ॥ ૫૮ ॥
અમ્ભોજનિલયસ્થાના અઃસ્વરૂપા ચ સ્વર્ગતિઃ ।
ષોડશસ્વરરૂપા ચ ષોડશસ્વરગાયિની ॥ ૫૯ ॥
ષોડશી ષોડશાકારા કમલા કમલોદ્ભવા ।
કામેશ્વરી કલાભિજ્ઞા કુમારી કુટિલાલકા ॥ ૬૦ ॥
કુટિલા કુટિલાકારા કુટુમ્બસંયુતા શિવા ।
કુલા કુલપદેશાની કુલેશી કુબ્જિકા કલા ॥ ૬૧ ॥
કામા કામપ્રિયા કીરા કમનીયા કપર્દિની ।
કાલિકા ભદ્રકાલી ચ કાલકામાન્તકારિણી ॥ ૬૨ ॥
કપાલિની કપાલેશી કર્પૂરચયચર્ચિતા ।
કાદમ્વરી કોમલાઙ્ગી કાશ્મીરી કુઙ્કુમદ્યુતિઃ ॥ ૬૩ ॥
કુન્તા કૂર્ચાર્ણબીજાઢ્યા કમનીયા કુલાઽકુલા ।
કરાલાસ્યા કરાલાક્ષી વિકરાલસ્વરૂપિણી ॥ ૬૪ ॥
કામ્યાલકા કામદુઘા કામિની કામપાલિની ।
કન્થાધરા કૃપાકર્ત્રી કકારાક્ષરમાતૃકા ॥ ૬૫ ॥
ખડ્ગહસ્તા ખર્પરેશી ખેચરી ખગગામિની ।
ખેચરીમુદ્રયા યુક્તા ખેચરત્વપ્રદાયિની ॥ ૬૬ ॥
ખગાસના ખલોલાક્ષી ખેટેશી ખલનાશિની ।
ખેવટકાયુધહસ્તા (૫૦૦) ચ ખરાંશુદ્યુતિસન્નિભા ॥ ૬૭ ॥
ખાન્તા ખબીજનિલયા ખકારોલ્લાસમાતૃકા ।
વૈખરી બીજનિલયા ખરા ખેચરવલ્લભા ॥ ૬૮ ॥
ગુણ્યા ગજાસ્યજનની ગણેશવરદા ગયા ।
ગોદાવરી ગદાહસ્તા ગઙ્ગાધરવરપ્રદા ॥ ૬૯ ॥
ગોધા ગોવાહનેશાની ગરલાશનવલ્લભા ।
ગામ્ભીર્યભૂષણા ગઙ્ગા ગકારાર્ણવિભૂષણા ॥ ૭૦ ॥
ઘૃણા ઘોણાકરસ્તુત્યા ઘુર્ઘુરા ઘોરનાદિની ।
ઘટસ્થા ઘટજાસેવ્યા ઘનરૂપા ઘુણેશ્વરી ॥ ૭૧ ॥
ઘનવાહનસેવ્યા ચ ઘકારાક્ષરમાતૃકા ।
ઙાન્તા ઙવર્ણનિલયા ઙાણુરૂપા ઙણાલયા ॥ ૭૨ ॥
ઙેશા ઙેન્તા ઙનાજાપ્યા ઙવર્ણાક્ષરભૂષણા ।
ચામીકરરુચિશ્ચાન્દ્રી ચન્દ્રિકા ચન્દ્રરાગિણી ॥ ૭૩ ॥
ચલા ચલઞ્ચલા ચેલા ચન્દ્રા ચન્દ્રકરા ચલી ।
ચઞ્ચુરીકસ્વનાલાપા ચમત્કારસ્વરૂપિણી ॥ ૭૪ ॥
ચટુલી ચાટુકી ચાર્વી ચમ્પા ચમ્પકસન્નિભા ।
ચીનાંશુકધરા ચાટ્વી ચકારાર્ણવિભૂષણા ॥ ૭૫ ॥
છત્રી ચ્છત્રધરા ચ્છિન્ના ચ્છિન્નમસ્તા છટચ્છવિઃ ।
છાયાસુતપ્રિયા ચ્છાયા છવર્ણામલમાતૃકા ॥ ૭૬ ॥
જગદમ્બા જગજ્જ્યોતિર્જ્યોતીરૂપા જટાધરા ।
જયદા જયકર્ત્રી ચ જયસ્થા જયહાસિની ॥ ૭૭ ॥
જગત્પ્રિયા જગત્પૂજ્યા જગત્કર્ત્રી જરાતુરા ।
જ્વરઘ્ની જમ્ભદમની જગત્પ્રાણા જયાવહા ॥ ૭૮ ॥
જમ્ભારવરદા જૈત્રી જીવના જીવવાક્પ્રદા ।
જાગ્રતી ચ જગન્નિદ્રા જગદ્યોનિર્જલન્ધરા ॥ ૭૯ ॥
જાલન્ધરધરા જાયા જકારાક્ષરમાતૃકા ।
ઝમ્પા ઝિઞ્ઝેશ્વરી ઝાન્તા ઝકારાક્ષરમાતૃકા ॥ ૮૦ ॥
ઞાણુરૂપા ઞિણાવાસા (૬૦૦) ઞકોરેશી ઞણાયુધા ।
ઞવર્ગબીજભૂષાઢ્યા ઞકારાક્ષરમાતૃકા ॥ ૮૧ ॥
ટઙ્કાયુધા ટકારાઢ્યા ટોટાક્ષી ટસુકુન્તલા ।
ટઙ્કાયુધા ટલીરૂપા ટકારાક્ષરમાતૃકા ॥ ૮૨ ॥
ઠક્કુરા ઠક્કુરેશાની ઠકારત્રિતયેશ્વરી ।
ઠઃસ્વરૂપા ઠવર્ણાઢ્યા ઠકારાક્ષરમાતૃકા ॥ ૮૩ ॥
ડકા ડક્કેશ્વરી ડિમ્ભા ડવર્ણાક્ષરમાતૃકા ।
ઢિણી ઢેહા ઢિલ્લહસ્તા ઢકારાક્ષરમાતૃકા ॥ ૮૪ ॥
ણેશા ણાન્તા ણવર્ગાન્તા ણકારાક્ષરભૂષણા ।
તુરી તુર્યા તુલારૂપા ત્રિપુરા તામસપ્રિયા ॥ ૮૫ ॥
તોતુલા તારિણી તારા સપ્તવિંશતિરૂપિણી ।
ત્રિપુરા ત્રિગુણા ધ્યેયા ત્ર્યમ્બકેશી ત્રિલોકધૃત્ ॥ ૮૬ ॥
ત્રિવર્ગેશી ત્રયી ત્ર્યક્ષી ત્રિપદા વેદરૂપિણી ।
ત્રિલોકજનની ત્રાતા ત્રિપુરેશ્વરપૂજિતા ॥ ૮૭ ॥
ત્રિકોણસ્થા ત્રિકોણેશી કોણત્રયનિવાસિની ।
ત્રિકોણપૂજનતુષ્ટા ત્રિકોણપૂજનશ્રિતા ॥ ૮૮ ॥
ત્રિકોણદાનસંલગ્ના સર્વકોણશુભાર્થદા ।
વસુકોણસ્થિતા દેવી વસુકોણાર્થવાદિની ॥ ૮૯ ॥
વસુકોણપૂજિતા ચ ષટ્ચક્રક્રમવાસિની ।
નાગપત્રસ્થિતા શારી ત્રિવૃત્તપૂજનાર્થદા ॥ ૯૦ ॥
ચતુર્દ્વારાગ્રગા ચક્રબાહ્યાન્તરનિવાસિની ।
તામસી તોમરપ્રખ્યા તુમ્બુરુસ્વનનાદિની ॥ ૯૧ ॥
તુલાકોટિસ્વના તાપી તપસાં ફલવર્ધિની ।
તરલાક્ષી તમોહર્ત્રી તારકાસુરઘાતિની ॥ ૯૨ ॥
તરી તરણિરૂપા ચ તકારાક્ષરમાતૃકા ।
સ્થલી સ્થવિરરૂપા ચ સ્થૂલા સ્થાલી સ્થલાબ્જિની ॥
સ્થાવરેશા સ્થૂલમૂખી થકારાક્ષરમાતૃકા ।
દૂતિકા શિવદૂતી ચ દણ્ડાયુધધરા દ્યુતિઃ ॥ ૯૪ ॥
દયા દીનાનુકમ્પા ચ દમ્ભોલિધરવલ્લભા ।
દેશાનુચારિણી દ્રેક્કા દ્રાવિડેશી દવીયસી ॥ ૯૫ ॥
દાક્ષાયણી દ્રુમલતા (૭૦૦) દેવમાતાઽધિદેવતા ।
દધિજા દુર્લભાદેવી દેવતા પરમાક્ષરા ॥ ૯૬ ॥
દામોદરસુપૂજ્યા ચ દામોદરવરપ્રદા ।
દનુપુત્રીવિનાશા ચ દનુપુત્રકુલાર્ચિતા ॥ ૯૭ ॥
દણ્ડહસ્તા દણ્ડિપૂજ્યા દમદા ચ દમસ્થિતા ।
દશધેનુસુરૂપા ચ દકારાક્ષરમાતૃકા ॥ ૯૮ ॥
ધર્મ્યા ધર્મપ્રસૂર્ધન્યા ધનદા ધનવર્ધિની ।
ધૃતિર્ધૂતી ધન્યવધૂર્ધકારાક્ષરમાતૃકા ॥ ૯૯ ॥
નલિની નાલિકા નાપ્યા નારાચાયુધધારિણી ।
નીપોપવનમધ્યસ્થા નાગરેશી નરોત્તમા ॥ ૧૦૦ ॥
નરેશ્વરી નૃપારાધ્યા નૃપપૂજ્યા નૃપાર્થદા ।
નૃપસેવ્યા નૃપવન્દ્યા નરનારાયણપ્રસૂઃ ॥ ૧૦૧ ॥
નર્તકી નીરજાક્ષી ચ નવર્ણાક્ષરભૂષણા ।
પદ્મેશ્વરી પદ્મમુખી પત્રયાના પરાપરા ॥ ૧૦૨ ॥
પારાવારસુતા પાઠા પરવર્ગવિમર્દિની ।
પૂઃ પુરારિવધૂઃ પમ્પા પત્ની પત્રીશવાહના ॥ ૧૦૩
પીવરાંસા પતિપ્રાણા પીતલાક્ષી પતિવ્રતા ॥
પીઠા પીઠસ્થિતાઽપીઠા પીતાલઙ્કારભૂષણા ॥ ૧૦૪ ॥
પુરૂરવઃસ્તુતા પાત્રી પુત્રિકા પુત્રદા પ્રજા ।
પુષ્પોત્તંસા પુષ્પવતી પુષ્પમાલાવિભૂષણા ॥ ૧૦૫ ॥
પુષ્પમાલાતિશોભાઢ્યા પકારાક્ષરમાતૃકા ।
ફલદા સ્ફીતવસ્ત્રા ચ ફેરવારાવભીષણા ॥ ૧૦૬ ॥
ફલ્ગુની ફલ્ગુતીર્થસ્થા ફવર્ણાકૃતમણ્ડલા ।
બલદા બાલખિલ્યા ચ બાલા બલરિપુપ્રિયા ॥ ૧૦૭ ॥
બાલ્યાવસ્થા બર્બરેશી બકારાકૃતિમાતૃકા ।
ભદ્રિકા ભીમપત્ની ચ ભીમા ભર્ગશિખા ભયા ॥ ૧૦૮
ભયઘ્ની ભીમનાદા ચ ભયાનકમુખેક્ષણા ।
ભિલ્લીશ્વરી ભીતિહરા ભદ્રદા ભદ્રકારિણી ॥ ૧૦૯ ॥
ભદ્રેશ્વરી ભદ્રધરા ભદ્રાખ્યા ભાગ્યવર્ધિની (૮૦૦) ।
ભગમાલા ભગાવાસા ભવાની ભવતારિણી ॥ ૧૧૦ ॥
ભગયોનિર્ભગાકારા ભગસ્થા ભગરૂપિણી ।
ભગલિઙ્ગામૃતપ્રીતા ભકારાક્ષરમાતૃકા ॥ ૧૧૧ ॥
માન્યા માનપ્રદા મીના મીનકેતનલાલસા ।
મદોદ્ધતા મનોન્માન્યા મેના મૈનાકવત્સલા ॥ ૧૧૨ ॥
મધુમત્તા મધુપૂજ્યા મધુદા મધુ માધવી ।
માંસાહારા માંસપ્રીતા માંસભક્ષ્યા ચ માંસદા ॥ ૧૧૩
મારાર્તા મત્સ્યરૂપા ચ મત્સ્યધાતા મહત્તરા ।
મેરુશૃઙ્ગાગ્રતુઙ્ગાસ્યા મોદકાહારપૂજિતા ॥ ૧૧૪ ॥
માતઙ્ગિની મધુમત્તા મદમત્તા મદેશ્વરી ।
મઞ્જા મુગ્ધાનના મુગ્ધા મકારાક્ષરભૂષણા ॥ ૧૧૫ ॥
યશસ્વિની યતીશાની યત્નકર્ત્રી યજુઃપ્રિયા ।
યજ્ઞધાત્રી યજ્ઞફલા યજુર્વેદઋચામ્ફલા ॥ ૧૧૬ ॥
યશોદા યતિસેવ્યા ચ યાત્રા યાત્રિકવત્સલા ।
યોગેશ્વરી યોગગમ્યા યોગેન્દ્રજનવત્સલા ॥ ૧૧૭ ॥
યદુપુત્રી યમઘ્ની ચ યકારાક્ષરમાતૃકા ।
રત્નેશ્વરી રમાનાથસેવ્યા રથ્યા રજસ્વલા ॥ ૧૧૮ ॥
રાજ્યદા રાજરાજેશી રોગહર્ત્રી રજોવતી ।
રત્નાકરસુતા રમ્યા રાત્રી રાત્રિપતિપ્રભા ॥ ૧૧૯ ॥
રક્ષોઘ્ની રાક્ષસેશાની રક્ષોનાથસમર્ચિતા ।
રતિપ્રિયા રતિમુખ્યા રકારાકૃતિશેખરા ॥ ૧૨૦ ॥
લમ્બોદરી લલજ્જિહ્વા લાસ્યતત્પરમાનસા ।
લૂતાતન્તુવિતાનાસ્યા લક્ષ્મીર્લજ્જા લયાલિની ॥ ૧૨૧ ॥
લોકેશ્વરી લોકધાત્રી લાટસ્થા લક્ષણાકૃતિઃ ।
લમ્બા લમ્બકચોલ્લાસા લકારાકારવર્ધિની ॥ ૧૨૨ ॥
લિઙ્ગેશ્વરી લિઙ્ગલિઙ્ગા લિઙ્ગમાલા લસદ્દ્યુતિઃ ।
લક્ષ્મીરૂપા રસોલ્લાસા રામા રેવા રજસ્વલા ॥ ૧૨૩ ॥
લયદા લક્ષણા (૯૦૦) લોલા લકારાક્ષરમાતૃકા ।
વારાહી વરદાત્રી ચ વીરસૂર્વીરદાયિની ॥ ૧૨૪ ॥
વીરેશ્વરી વીરજન્યા વીરચર્વણચર્ચિતા ।
વરાયુધા વરાકા ચ વામના વામનાકૃતિઃ ॥ ૧૨૪ ॥
વધૂતા વધકા વધ્યા વધ્યભૂર્વાણિજપ્રિયા ।
વસન્તલક્ષ્મીર્વટુકી વટુકા વટુકેશ્વરી ॥ ૧૨૬ ॥
વટુપ્રિયા વામનેત્રા વામાચારૈકલાલસા ।
વાર્તા વામ્યા વરારોહા વેદમાતા વસુન્ધરા ॥ ૧૨૭
વયોયાના વયસ્યા ચ વકારાક્ષરમાતૃકા ।
શમ્ભુપ્રિયા શરચ્ચર્યા શાદ્વલા શશિવત્સલા ॥ ૧૨૮ ॥
શીતદ્યુતિઃ શીતરસા શોણોષ્ઠી શીકરપ્રદા ।
શ્રીવત્સલાઞ્છના શર્વા શર્વવામાઙ્ગવાસિની ॥ ૧૨૯ ॥
શશાઙ્કામલલક્ષ્મીશ્ચ શાર્દૂલતનુરદ્રિજા ।
શોષહર્ત્રી શમીમૂલા શકારાકૃતિશેખરા ॥ ૧૩૦ ॥
ષોડશી ષોડશીરૂપા ષઢા ષોઢા ષડાનના ।
ષટ્કૂટા ષડ્રસાસ્વાદા ષડશીતિમુખામ્બુજા ॥ ૧૩૧ ॥
ષડાસ્યજનની ષણ્ઠા ષવર્ણાક્ષરમાતૃકા ।
સારસ્વતપ્રસૂઃ સર્વા સર્વગા સર્વતોમુખા ॥ ૧૩૨ ॥
સમા સીતા સતીમાતા સાગરાભયદાયિની ।
સમસ્તશાપશમની સાલભઞ્જી સુદક્ષિણા ॥ ૧૩૩ ॥
સુષુપ્તિઃ સુરસા સાધ્વી સામગા સામવેદજા ।
સત્યપ્રિયા સોમમુખી સૂત્રસ્થા સૂતવલ્લભા ॥ ૧૩૪ ॥
સનકેશી સુનન્દા ચ સ્વવર્ગસ્થા સનાતની ।
સેતુભૂતા સમસ્તાશા સકારાક્ષરવલ્લભા ॥ ૧૩૪ ॥
હાલાહલપ્રિયા હેલા હાહારાવવિભૂષણા ।
હાહાહૂહૂસ્વરૂપા ચ હલધાત્રી હલિપ્રિયા ॥ ૧૩૬ ॥
હરિનેત્રા ઘોરરૂપા હવિષ્યા હૂતિવલ્લભા ।
હં ક્ષં લં ક્ષઃ સ્વરૂપા ચ સર્વમાતૃકપૂજિતા ॥ ૧૩૭ ॥
ૐ ઐં સૌઃ હ્રીં મહાવિદ્યા આં શાં ફ્રાં હૂંસ્વરૂપિણી । (૧૦૦૦)
ઇતિ શ્રીશારિકાદેવ્યા મન્ત્રનામસહસ્રકમ્ ॥ ૧૩૮ ॥
॥ ફલ શ્રુતિ ॥
પુણ્યં પુણ્યજનસ્તુત્યં નુત્યં વૈષ્ણવપૂજિતમ્ ।
ઇદં યઃ પઠતે દેવિ શ્રાવયેદ્યઃ શૃણોતિ ચ ॥ ૧૩૯
સ એવ ભગવાન્ દેવઃ સત્યં સત્યં સુરેશ્વરિ ।
એકકાલં દ્વિકાલં વા ત્રિકાલં પઠતે નરઃ ॥ ૧૪૦
વામાચારપરો દેવિ તસ્ય પુણ્યફલં શૃણુ ।
મૂકત્વં બધિરત્વં ચ કુષ્ઠં હન્યાચ્ચ શ્વિત્રિકામ્ ॥ ૧૪૧ ॥
વાતપિત્તકફાન્ ગુલ્માન્ રક્તસ્રાવં વિષૂચિકામ્ ।
સદ્યઃ શમયતે દેવિ શ્રદ્ધયા યઃ પઠેન્નિશિ ॥ ૧૪૨ ॥
અપસ્મારં કર્ણપીડાં શૂલં રૌદ્રં ભગન્દરમ્ ।
માસમાત્રં પઠેદ્યસ્તુ સ રોગૈર્મુચ્યતે ધ્રુવમ્ ॥ ૧૪૩ ॥
ભૌમે શનિદિને વાપિ ચક્રમધ્યે પઠેદ્યદિ ।
સદ્યસ્તસ્ય મહેશાનિ શારિકા વરદા ભવેત્ ॥ ૧૪૪ ॥
ચતુષ્પથે પઠેદ્યસ્તુ ત્રિરાત્રં રાત્રિવ્યત્યયે ।
દત્ત્વા બલિં સુરાં મુદ્રાં મત્સ્યં માંસં સભક્તકમ્ ॥ ૧૪૫
વબ્બોલત્વગ્રસાકીર્ણં શારી પ્રાદુર્ભવિપ્યતિ ।
યઃ પઠેદ્ દેવિ લોલાયાં ચિતાયાં શવસન્નિધૌ ॥ ૧૪૬ ॥
પાયમ્પાયં ત્રિવારં તુ તસ્ય પુણ્યફલં શૃણુ ।
બ્રહ્મહત્યાં ગુરોર્હત્યાં મદ્યપાનં ચ ગોવધમ્ ॥ ૧૪૭ ॥
મહાપાતકસઙ્ઘાતં ગુરુતલ્પગતોદ્ભવમ્ ।
સ્તેયં વા ભ્રૂણહત્યાં વા નાશયેન્નાત્ર સંશયઃ ॥ ૧૪૮ ॥
સ એવ હિ રમાપુત્રો યશસ્વી લોકપૂજિતઃ ।
વરદાનક્ષમો દેવિ વીરેશો ભૂતવલ્લભઃ ॥ ૧૪૯ ॥
ચક્રાર્ચને પઠેદ્યસ્તુ સાધકઃ શક્તિસન્નિધૌ ।
ત્રિવારં શ્રદ્ધયા યુક્તઃ સ ભવેદ્ભૈરવેશ્વરઃ ॥ ૧૫૦ ॥
કિઙ્કિં ન લભતે દેવિ સાધકો વીરસાધકઃ ।
પુત્રવાન્ ધનવાંશ્ચૈવ સત્યાચારપરઃ શિવે ॥ ૧૫૧ ॥
શક્તિં સમ્પૂજ્ય દેવેશિ પઠેત્ સ્તોત્રં પરામયમ્ ।
ઇહ લોકે સુખં ભુક્ત્વા પરત્ર ત્રિદિવં વ્રજેત્ ॥ ૧૫૨ ॥
ઇતિ નામસહસ્રં તુ શારિકાયા મનોરમમ્ ।
ગુહ્યાદ્ગુહ્યતમં લોકે ગોપનીયં સ્વયોનિવત્ ॥ ૧૫૩ ॥
॥ ઇતિ શ્રીરુદ્રયામલે તન્ત્રે દશવિદ્યારહસ્યે
શ્રીશારિકાયાઃ સહસ્રનામસ્તોત્રં સમ્પૂર્ણમ્ ॥
Also Read 1000 Names of Shri Sharikam:
1000 Names of Sri Sharika | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil