Shri Sharika Sahasranamastotram Lyrics in Telugu:
॥ శ్రీశారికాసహస్రనామస్తోత్రమ్ ॥
శ్రీభైరవ ఉవాచ –
యా సా దేవీ పురాఖ్యాతా శారికారూపధారిణీ ।
జాలన్ధరరాక్షసఘ్నీ ప్రద్యుమ్నశిఖరే స్థితా ॥ ౧ ॥
తస్యా నామసహస్రం తే మన్త్రగర్భం జయావహమ్ ।
కథయామి పరాం విద్యాం సహస్రాఖ్యాభిధాం శివే ॥ ౨ ॥
శిలాయాః శారికాఖ్యాయాః పరసర్వస్వరూపిణీమ్ ।
వినా నిత్యక్రియాం దేవి వినా న్యాసం వినాఽర్చనమ్ ॥ ౩ ॥
వినా పురస్క్రియాం జాప్యం వినా హోమం చ తర్పణమ్ ।
వినా శ్మశానగమనం వినా సమయపూజనమ్ ॥ ౪ ॥
యయా లభేత్ ఫలం సర్వం తాం విద్యా శృణు పార్వతి ।
యా దేవీ చేతనా లోకే శిలారూపాస్తి శారికా ॥
సృజత్యవతి విశ్వం తు సంహరిష్యతి తామసీ ।
సైవ సంసారిణాం దేవి పరమైశ్వర్యదాయినీ ॥ ౬ ॥
పరం పదం ప్రదాప్యాన్తే మహావిద్యాత్మికా శిలా ।
తస్యా నామసహస్రం తే వర్ణయామి రహస్యకమ్ ॥ ౭ ॥
రహస్యం మమ సర్వస్వం సకలాచారవల్లభమ్ ।
యో జపేత్ పరమాం విద్యాం పఠేదాఖ్యాసహస్రకమ్ ॥ ౮ ॥
ధారయేత్ కవచం దివ్యం పఠేత స్తోత్రేశ్వరం పరమ్ ।
కిం తస్య దుర్లభం లోకే నాప్నుయాద్ యద్యదీశ్వరి ॥ ౯ ॥
అస్య నామ్నాం సహస్రస్య మహాదేవ ఋషిః స్మృతః ।
ఛన్దోఽనుష్టుప్ దేవతా చ శారికా పరికీర్తితా ॥ ౧౦ ॥
శర్మ బీజం రమా శక్తిః సిన్ధురః కీలకం స్మృతమ్ ।
ధర్మార్థకామమోక్షార్థే వినియోగః ప్రకీర్తితః ॥ ౧౧ ॥
ధ్యానమస్యాః ప్రవక్ష్యామి శృణు పర్వతనన్దిని ।
॥ వినియోగః ॥
అస్య శ్రీశారికాభగవతీసహస్రనామస్తోత్రస్య, శ్రీమహాదేవ ఋషిః,
అనుష్టుప్ ఛన్దః, శ్రీశారికా భగవతీ దేవతా, శాం బీజం,
శ్రీం శక్తిః, ఫ్రాం కీలకం, ధర్మార్థకామమోక్షార్థే వినియోగః
ఋష్యాదిన్యాసం కృత్వా, హ్రాంశ్రామిత్యాదినా కరాఙ్గన్యాసౌ ॥
॥ ఋష్యాదిన్యాసః ॥
ఓం శ్రీమహాదేవఋషయే నమః శిరసి ।
అనుష్టుప్ఛన్దసే నమః ముఖే ।
శ్రీశారికాభగవతీ దేవతాయై నమః హృదయే ॥
శాం బీజాయ నమః దక్షస్తనే ॥
శ్రీం శక్తయే నమః వామస్తనే ॥
ఫ్రాం కీలకాయ నమః నాభౌ ॥
శ్రీశారికాభగవతీ ప్రసాదసిద్ధ్యర్థే పాఠే వినియోగాయ నమః పాదయోః ॥
॥ షడఙ్గన్యాసః ॥
॥ కరన్యాసః ॥
హ్రాం శ్రాం అఙ్గుష్ఠాభ్యాం నమః । హ్రీం శ్రీం తర్జనీభ్యాం నమః ।
హ్రూం శ్రూం మధ్యమాభ్యాం నమః । హైం శ్రైం అనామికాభ్యాం నమః ।
హ్రౌం శ్రౌం కనిష్ఠాభ్యాం నమః । హ్రః శ్రః కరతలకరపుష్ఠాభ్యాం నమః ।
॥ అఙ్గన్యాసః ॥
హ్రాం శ్రాం హృదయాయ నమః । హ్రీం శ్రీం శిరసే స్వాహా ।
హ్రూం శ్రూం శిఖాయై వషట్ । హైం శ్రైం కవచాయ హుమ్ ।
హ్రౌం శ్రౌం నేత్రత్రయాయ వౌషట్ । హ్రః శ్రః అస్త్రాయ ఫట్ ।
॥ ధ్యానమ్ ॥
బాలార్కకోటిసదృశీమిన్దుచూడాం కరామ్బుజైః ।
వరచక్రాభయాసీంశ్చ ధారయన్తీం హసన్ముఖీమ్ ॥ ౧ ॥
సింహారూఢాం రక్తవస్త్రాం రక్తాభరణభూషితామ్ ।
వామదేవాఙ్కనిలయా హృత్పద్మే శారికాం భజే ॥ ౨ ॥
బాలార్కకోటిద్యుతిమిన్దుచూడాం వరాసిచక్రాభయబాహుమాద్యామ్ ।
సింహాధిరూఢాం శివవామదేహలీనాం భజే చేతసి శారికేశీమ్ ॥ ౩ ॥
॥ స్తోత్రమ్ ॥
ఓం హ్రీం శ్రీం హూం ఫ్రాం ఆం శాం శ్రీశారికా శ్యామసున్దరీ ।
శిలా శారీ శుకీ శాన్తా శాన్తమానసగోచరా ॥ ౧ ॥
శాన్తిస్థా శాన్తిదా శాన్తిః శ్యామా శ్యామపయోధరా ।
దేవీ శశాఙ్కబిమ్బాభా శశాఙ్కకృతశేఖరా ॥ ౨ ॥
శశాఙ్కశోభిలావణ్యా శశాఙ్కమధ్యవాసినీ ।
శార్దూరలవాహా దేవేశీ శార్దూలస్థితిరుత్తమా ॥ ౩ ॥
శాదూలచర్మవసనా శక్తిః శార్దూలవాహనా ।
గౌరీ పద్మావతీ పీనా పీనవక్షోజకుట్మలా ॥ ౪ ॥
పీతామ్బరా రక్తదన్తా దాడిమీకుసుమోపమా ।
స్ఫురద్రత్నాంశుఖచితా రత్నమణ్డలవిగ్రహా ॥ ౫ ॥
రక్తామ్బరధరా దేవీ రత్నమాలావిభూషణా ।
రత్నసంమూర్ఛితాత్మా చ దీప్తా దీప్తశిఖా దయా ॥ ౬ ॥
దయావతీ కల్పలతా కల్పాన్తదహనోపమా ।
భైరవీ భీమనాదా చ భయానకముఖీ భగా ॥ ౭ ॥
కారా కారుణ్యరూపా చ భగమాలావిభూషణా ।
భగేశ్వరీ భగస్థా చ కురుకుల్లా కృశోదరీ ॥ ౮ ॥
కాదమ్బరీ పటోత్కృష్టా పరమా పరమేశ్వరీ ।
సతీ సరస్వతీ సత్యా సత్యాసత్యస్వరూపిణీ ॥ ౯ ॥
పరమ్పరా పటాకారా పాటలా పాటలప్రభా ।
పద్మినీ పద్మవదనా పద్మా పద్మాకరా శివా ॥ ౧౦ ॥
శివాశ్రయా శరచ్ఛాన్తా శచీ రమ్భా విభావరీ ।
ద్యుమణిస్తరణా పాఠా పీఠేశీ పీవరాకృతిః ॥ ౧౧ ॥
అచిన్త్యా ముసలాధారా మాతఙ్గీ మధురస్వనా ।
వీణాగీతప్రియా గాథా గారుడీ గరుడధ్వజా ॥ ౧౨ ॥
అతీవ సున్దరాకారా సున్దరీ సున్దరాలకా ।
అలకా నాకమధ్యస్థా నాకినీ నాకిపూజితా ॥ ౧౩ ॥
పాతాలేశ్వరపూజ్యా చ పాతాలతలచారిణీ ।
అనన్తాఽనన్తరూపా చ హ్యజ్ఞాతా (౧౦౦) జ్ఞానవర్ధినీ ॥ ౧౪ ॥
అమేయా హ్యప్రమేయా చ హ్యనన్తాదిత్యరూపిణీ ।
ద్వాదశాదిత్యసమ్పూజ్యా శమీ శ్యామాకబీజినీ ॥ ౧౫ ॥
విభాసా భాసురవర్ణా సమస్తాసురఘాతినీ ।
సుధామయీ సుధామూర్తిః సుధా సర్వప్రియఙ్కరీ ॥ ౧౬ ॥
సుఖదా చ సురేశానీ కృశానువల్లభా హవిః ।
స్వాహా స్వాహేశనేత్రా చ హ్యగ్నివక్త్రాఽగ్నితర్పితా ॥ ౧౭ ॥
సోమసూర్యాగ్నినేత్రా చ భూర్భువఃస్వఃస్వరూపిణీ ।
భూమిర్భూదేవపూజ్యా చ స్వయమ్భూః స్వాత్మపూజకా ॥ ౧౮ ॥
స్వయమ్భూ పుష్పమాలాఢ్యా స్వయమ్భూ పుష్పవల్లభా ।
ఆనన్దకన్దలీ కన్దా స్కన్దమాతా శిలాలయా ॥ ౧౯ ॥
చేతనా చిద్భవాకారా భవపత్నీ భయాపహా ।
విఘ్నేశ్వరీ గణేశానీ విఘ్నవిధ్వంసినీ నిశా ॥ ౨౦ ॥
వశ్యా వశిజనస్తుత్యా స్తుతిః శ్రుతిధరా శ్రుతిః ।
శాస్త్రవిధానవిజ్ఞా చ వేదశాస్త్రార్థకోవిదా ॥ ౨౧ ॥
వేద్యా విద్యామయీ విద్యా విధాతృవరదా వధూః ।
వధూరూపా వధూపూజ్యా వధూపానప్రతర్పితా ॥ ౨౨ ॥
వధూపూజనసన్తుష్టా వధూమాలావిభూషణా ।
వామా వామేశ్వరీ వామ్యా కులాకులవిచారిణీ ॥ ౨౩ ॥
వితర్కతర్కనిలయా ప్రలయానలసన్నిభా ।
యజ్ఞేశ్వరీ యజ్ఞముఖా యాజకా యజ్ఞపాత్రకా ॥ ౨౪ ॥
యక్షేశ్వరీ యక్షధాత్రీ పార్వతీ పర్వతాశ్రయా ।
పిలమ్పిలా పదస్థానా పదదా నరకాన్తకా ॥ ౨౫ ॥
నారీ నర్మప్రియా శ్రీదా శ్రీదశ్రీదా (౨౦౦) శరాయుధా ।
కామేశ్వరీ రతిర్హూతిరాహుతిర్హవ్యవాహనా ॥ ౨౬ ॥
హరేశ్వరీ హరివధూర్హాటకాఙ్గదమణ్డితా ।
హపుషా స్వర్గతిర్వైద్యా సుముఖా చ మహౌషధిః ॥ ౨౭ ॥
సర్వరోగహరా మాధ్వీ మధుపానపరాయణా ।
మధుస్థితా మధుమయీ మధుదానవిశారదా ॥ ౨౮ ॥
మధుతృప్తా మధురూపా మధూకకుసుమప్రభా ।
మాధవీ మాధవీవల్లీ మధుమత్తా మదాలసా ॥ ౨౯ ॥
మారప్రియా మారపూజ్యా మారదేవప్రియఙ్కరీ ।
మారేశీ చ మృత్యుహరా హరికాన్తా మనోన్మనా ॥ ౩౦ ॥
మహావైద్యప్రియా వైద్యా వైద్యాచారా సురార్చితా ।
సామన్తా పీనవపుషీ గుటీ గుర్వీ గరీయసీ ॥ ౩౧ ॥
కాలాన్తకా కాలముఖీ కఠోరా కరుణామయీ ।
నీలా నాభీ చ వాగీశీ దూర్వా నీలసరస్వతీ ॥ ౩౨ ॥
అపారా పారగా గమ్యా గతిః ప్రీతిః పయోధరా ।
పయోదసదృశచ్ఛాయా పారదాకృతిలాలసా ॥ ౩౩ ॥
సరోజనిలయా నీతిః కీర్తిః కీర్తికరీ కథా ।
కాశీ కామ్యా కపర్దీశా కాశపుష్పోపమా రమా ॥ ౩౪ ॥
రామా రామప్రియా రామభద్రదేవసమర్చితా ।
రామసమ్పూజితా రామసిద్ధిదా రామరాజ్యదా ॥ ౩౫ ॥
రామభద్రార్చితా రేవా దేవకీ దేవవత్సలా ।
దేవపూజ్యా దేవవన్ద్యా దేవదావనచర్చితా ॥ ౩౬ ॥
దూతీ ద్రుతగతిర్దమ్భా దామినీ విజయా జయా ।
అశేషసురసమ్పూజ్యా నిఃశేషాసురసూదినీ ॥ ౩౭ ॥
వటినీ వటమూలస్థా లాస్యహాస్యైకవల్లభా ।
అరూపా నిర్గుణా సత్యా సదాసన్తోషవర్ధినీ ॥ ౩౮ ॥
సోమ్యా యజుర్వహా యామ్యా ( ౩౦౦) యమునా యామినీ యమీ ।
దాక్షీ దయా చ వరదా దాల్భ్యసేవ్యా పురన్దరీ ॥ ౩౯ ॥
పౌరన్దరీ పులోమేశీ పౌలోమీ పులకాఙ్కురా ।
పురస్థా వనభూర్వన్యా వానరీ వనచారిణీ ॥ ౪౦ ॥
సమస్తవర్ణనిలయా సమస్తవర్ణపూజితా ।
సమస్తవర్ణవర్ణాఢ్యా సమస్తగురువల్లభా ॥ ౪౧ ॥
సమస్తముణ్డమాలాఢ్యా మాలినీ మధుపస్వనా ।
కోశప్రదా కోశవాసా చమత్కృతిరలమ్బుసా ॥ ౪౨ ॥
హాసదా సదసద్రూపా సర్వవర్ణమయీ స్మృతిః ।
సర్వాక్షరమయీ విద్యా మూలవిద్యేశ్వరీశ్వరీ ॥ ౪౩ ॥
అకారా షోడశాకారా కారాబన్ధవిమోచినీ ।
కకారవ్యఞ్జనా క్రాన్తా సర్వమన్త్రాక్షరాలయా ॥ ౪౪ ॥
అణురూపాఽప్యమలా చ త్రైగుణ్యాఽప్యపరాజితా ।
అమ్బికాఽమ్బాలికా చామ్బా అనన్తగుణమేఖలా ॥ ౪౫ ॥
అపర్ణా పర్ణశాలా చ సాట్టహాసా హసన్తికా ।
అద్రికన్యాఽప్యట్టహాసాఽప్యజరాఽస్వాఽప్యరున్ధతీ ॥ ౪౬ ॥
అబ్జాక్షీ చాబ్జినీ దేవీ హ్యమ్బుజాసనపూజితా ।
అబ్జహస్తా హ్యబ్జపాదా చాబ్జపూజనతోషితా ॥ ౪౭ ॥
అకారమాతృకా దేవీ సర్వానన్దకరీ కలా ।
ఆనన్దసున్దరీ ఆద్యా ఆఘూర్ణారుణలోచనా ॥ ౪౮ ॥
ఆదిదేవాన్తకాఽక్రూరా ఆదిత్యకులభూషణా ।
ఆమ్బీజమణ్డనా దేవీ చాకారమాతృకావలిః ॥ ౪౯ ॥
ఇన్దుస్తుతేన్దుబిమ్బాస్యా ఇనకోటిసమప్రభా ।
ఇన్దిరా మన్దురాశాలా చేతిహాసకథాస్మృతిః ॥ ౫౦ ॥
ఇలా చేక్షురసాస్వాదా ఇకారాక్షరభూషితా ।
ఇన్ద్రస్తుతా చేన్ద్రపూజ్యా ఇనభద్రా ఇనేశ్వరీ ॥ ౫౧ ॥
ఇభగతిరిభగీతిరికారాక్షరమాతృకా ।
ఈశ్వరీ వైభవప్రఖ్యా చేశానీశ్వరవల్లభా ॥ ౫౨ ॥
ఈశా కామకలాదేవీ ఈకారాశ్రితమాతృకా 400 ।
ఉగ్రప్రభోగ్రచిత్తా చ ఉగ్రవామాఙ్గవాసినీ ॥ ౫౩ ॥
ఉషా వైష్ణవపూజ్యా చ ఉగ్రతారోల్ముకాననా ।
ఉమేశ్వరీశ్వరీ శ్రేష్ఠా ఉదకస్థా హ్యుదేశ్వరీ ॥ ౫౪ ॥
ఉదకాఽచ్ఛోదకదా చ ఉకారోద్భాసమాతృకా ।
ఊష్మా ప్యూషా ఊషణా చ తథోచితవరప్రదా ॥ ౫౫ ॥
ఋణహర్త్రీ ఋకారేశీ ఋఌవర్ణా ఌవర్ణభాక్ ।
ౡకారభ్రుకుటిర్బాలా బాలాదిత్యసమప్రభా ॥ ౫౬ ॥
ఏణాఙ్కముకుటా చైహా ఏకారాక్షరబీజితా ।
ఏణప్రియా ఏణమధ్యవాసినీ ఏణవత్సలా ॥ ౫౭ ॥
ఏణాఙ్కమధ్యసంస్థా చ ఐకారోద్భాసకూటినీ ।
ఓఙ్కారశేఖరా దేవీ ఔచిత్యపదమణ్డితా ॥ ౫౮ ॥
అమ్భోజనిలయస్థానా అఃస్వరూపా చ స్వర్గతిః ।
షోడశస్వరరూపా చ షోడశస్వరగాయినీ ॥ ౫౯ ॥
షోడశీ షోడశాకారా కమలా కమలోద్భవా ।
కామేశ్వరీ కలాభిజ్ఞా కుమారీ కుటిలాలకా ॥ ౬౦ ॥
కుటిలా కుటిలాకారా కుటుమ్బసంయుతా శివా ।
కులా కులపదేశానీ కులేశీ కుబ్జికా కలా ॥ ౬౧ ॥
కామా కామప్రియా కీరా కమనీయా కపర్దినీ ।
కాలికా భద్రకాలీ చ కాలకామాన్తకారిణీ ॥ ౬౨ ॥
కపాలినీ కపాలేశీ కర్పూరచయచర్చితా ।
కాదమ్వరీ కోమలాఙ్గీ కాశ్మీరీ కుఙ్కుమద్యుతిః ॥ ౬౩ ॥
కున్తా కూర్చార్ణబీజాఢ్యా కమనీయా కులాఽకులా ।
కరాలాస్యా కరాలాక్షీ వికరాలస్వరూపిణీ ॥ ౬౪ ॥
కామ్యాలకా కామదుఘా కామినీ కామపాలినీ ।
కన్థాధరా కృపాకర్త్రీ కకారాక్షరమాతృకా ॥ ౬౫ ॥
ఖడ్గహస్తా ఖర్పరేశీ ఖేచరీ ఖగగామినీ ।
ఖేచరీముద్రయా యుక్తా ఖేచరత్వప్రదాయినీ ॥ ౬౬ ॥
ఖగాసనా ఖలోలాక్షీ ఖేటేశీ ఖలనాశినీ ।
ఖేవటకాయుధహస్తా (౫౦౦) చ ఖరాంశుద్యుతిసన్నిభా ॥ ౬౭ ॥
ఖాన్తా ఖబీజనిలయా ఖకారోల్లాసమాతృకా ।
వైఖరీ బీజనిలయా ఖరా ఖేచరవల్లభా ॥ ౬౮ ॥
గుణ్యా గజాస్యజననీ గణేశవరదా గయా ।
గోదావరీ గదాహస్తా గఙ్గాధరవరప్రదా ॥ ౬౯ ॥
గోధా గోవాహనేశానీ గరలాశనవల్లభా ।
గామ్భీర్యభూషణా గఙ్గా గకారార్ణవిభూషణా ॥ ౭౦ ॥
ఘృణా ఘోణాకరస్తుత్యా ఘుర్ఘురా ఘోరనాదినీ ।
ఘటస్థా ఘటజాసేవ్యా ఘనరూపా ఘుణేశ్వరీ ॥ ౭౧ ॥
ఘనవాహనసేవ్యా చ ఘకారాక్షరమాతృకా ।
ఙాన్తా ఙవర్ణనిలయా ఙాణురూపా ఙణాలయా ॥ ౭౨ ॥
ఙేశా ఙేన్తా ఙనాజాప్యా ఙవర్ణాక్షరభూషణా ।
చామీకరరుచిశ్చాన్ద్రీ చన్ద్రికా చన్ద్రరాగిణీ ॥ ౭౩ ॥
చలా చలఞ్చలా చేలా చన్ద్రా చన్ద్రకరా చలీ ।
చఞ్చురీకస్వనాలాపా చమత్కారస్వరూపిణీ ॥ ౭౪ ॥
చటులీ చాటుకీ చార్వీ చమ్పా చమ్పకసన్నిభా ।
చీనాంశుకధరా చాట్వీ చకారార్ణవిభూషణా ॥ ౭౫ ॥
ఛత్రీ చ్ఛత్రధరా చ్ఛిన్నా చ్ఛిన్నమస్తా ఛటచ్ఛవిః ।
ఛాయాసుతప్రియా చ్ఛాయా ఛవర్ణామలమాతృకా ॥ ౭౬ ॥
జగదమ్బా జగజ్జ్యోతిర్జ్యోతీరూపా జటాధరా ।
జయదా జయకర్త్రీ చ జయస్థా జయహాసినీ ॥ ౭౭ ॥
జగత్ప్రియా జగత్పూజ్యా జగత్కర్త్రీ జరాతురా ।
జ్వరఘ్నీ జమ్భదమనీ జగత్ప్రాణా జయావహా ॥ ౭౮ ॥
జమ్భారవరదా జైత్రీ జీవనా జీవవాక్ప్రదా ।
జాగ్రతీ చ జగన్నిద్రా జగద్యోనిర్జలన్ధరా ॥ ౭౯ ॥
జాలన్ధరధరా జాయా జకారాక్షరమాతృకా ।
ఝమ్పా ఝిఞ్ఝేశ్వరీ ఝాన్తా ఝకారాక్షరమాతృకా ॥ ౮౦ ॥
ఞాణురూపా ఞిణావాసా (౬౦౦) ఞకోరేశీ ఞణాయుధా ।
ఞవర్గబీజభూషాఢ్యా ఞకారాక్షరమాతృకా ॥ ౮౧ ॥
టఙ్కాయుధా టకారాఢ్యా టోటాక్షీ టసుకున్తలా ।
టఙ్కాయుధా టలీరూపా టకారాక్షరమాతృకా ॥ ౮౨ ॥
ఠక్కురా ఠక్కురేశానీ ఠకారత్రితయేశ్వరీ ।
ఠఃస్వరూపా ఠవర్ణాఢ్యా ఠకారాక్షరమాతృకా ॥ ౮౩ ॥
డకా డక్కేశ్వరీ డిమ్భా డవర్ణాక్షరమాతృకా ।
ఢిణీ ఢేహా ఢిల్లహస్తా ఢకారాక్షరమాతృకా ॥ ౮౪ ॥
ణేశా ణాన్తా ణవర్గాన్తా ణకారాక్షరభూషణా ।
తురీ తుర్యా తులారూపా త్రిపురా తామసప్రియా ॥ ౮౫ ॥
తోతులా తారిణీ తారా సప్తవింశతిరూపిణీ ।
త్రిపురా త్రిగుణా ధ్యేయా త్ర్యమ్బకేశీ త్రిలోకధృత్ ॥ ౮౬ ॥
త్రివర్గేశీ త్రయీ త్ర్యక్షీ త్రిపదా వేదరూపిణీ ।
త్రిలోకజననీ త్రాతా త్రిపురేశ్వరపూజితా ॥ ౮౭ ॥
త్రికోణస్థా త్రికోణేశీ కోణత్రయనివాసినీ ।
త్రికోణపూజనతుష్టా త్రికోణపూజనశ్రితా ॥ ౮౮ ॥
త్రికోణదానసంలగ్నా సర్వకోణశుభార్థదా ।
వసుకోణస్థితా దేవీ వసుకోణార్థవాదినీ ॥ ౮౯ ॥
వసుకోణపూజితా చ షట్చక్రక్రమవాసినీ ।
నాగపత్రస్థితా శారీ త్రివృత్తపూజనార్థదా ॥ ౯౦ ॥
చతుర్ద్వారాగ్రగా చక్రబాహ్యాన్తరనివాసినీ ।
తామసీ తోమరప్రఖ్యా తుమ్బురుస్వననాదినీ ॥ ౯౧ ॥
తులాకోటిస్వనా తాపీ తపసాం ఫలవర్ధినీ ।
తరలాక్షీ తమోహర్త్రీ తారకాసురఘాతినీ ॥ ౯౨ ॥
తరీ తరణిరూపా చ తకారాక్షరమాతృకా ।
స్థలీ స్థవిరరూపా చ స్థూలా స్థాలీ స్థలాబ్జినీ ॥
స్థావరేశా స్థూలమూఖీ థకారాక్షరమాతృకా ।
దూతికా శివదూతీ చ దణ్డాయుధధరా ద్యుతిః ॥ ౯౪ ॥
దయా దీనానుకమ్పా చ దమ్భోలిధరవల్లభా ।
దేశానుచారిణీ ద్రేక్కా ద్రావిడేశీ దవీయసీ ॥ ౯౫ ॥
దాక్షాయణీ ద్రుమలతా (౭౦౦) దేవమాతాఽధిదేవతా ।
దధిజా దుర్లభాదేవీ దేవతా పరమాక్షరా ॥ ౯౬ ॥
దామోదరసుపూజ్యా చ దామోదరవరప్రదా ।
దనుపుత్రీవినాశా చ దనుపుత్రకులార్చితా ॥ ౯౭ ॥
దణ్డహస్తా దణ్డిపూజ్యా దమదా చ దమస్థితా ।
దశధేనుసురూపా చ దకారాక్షరమాతృకా ॥ ౯౮ ॥
ధర్మ్యా ధర్మప్రసూర్ధన్యా ధనదా ధనవర్ధినీ ।
ధృతిర్ధూతీ ధన్యవధూర్ధకారాక్షరమాతృకా ॥ ౯౯ ॥
నలినీ నాలికా నాప్యా నారాచాయుధధారిణీ ।
నీపోపవనమధ్యస్థా నాగరేశీ నరోత్తమా ॥ ౧౦౦ ॥
నరేశ్వరీ నృపారాధ్యా నృపపూజ్యా నృపార్థదా ।
నృపసేవ్యా నృపవన్ద్యా నరనారాయణప్రసూః ॥ ౧౦౧ ॥
నర్తకీ నీరజాక్షీ చ నవర్ణాక్షరభూషణా ।
పద్మేశ్వరీ పద్మముఖీ పత్రయానా పరాపరా ॥ ౧౦౨ ॥
పారావారసుతా పాఠా పరవర్గవిమర్దినీ ।
పూః పురారివధూః పమ్పా పత్నీ పత్రీశవాహనా ॥ ౧౦౩
పీవరాంసా పతిప్రాణా పీతలాక్షీ పతివ్రతా ॥
పీఠా పీఠస్థితాఽపీఠా పీతాలఙ్కారభూషణా ॥ ౧౦౪ ॥
పురూరవఃస్తుతా పాత్రీ పుత్రికా పుత్రదా ప్రజా ।
పుష్పోత్తంసా పుష్పవతీ పుష్పమాలావిభూషణా ॥ ౧౦౫ ॥
పుష్పమాలాతిశోభాఢ్యా పకారాక్షరమాతృకా ।
ఫలదా స్ఫీతవస్త్రా చ ఫేరవారావభీషణా ॥ ౧౦౬ ॥
ఫల్గునీ ఫల్గుతీర్థస్థా ఫవర్ణాకృతమణ్డలా ।
బలదా బాలఖిల్యా చ బాలా బలరిపుప్రియా ॥ ౧౦౭ ॥
బాల్యావస్థా బర్బరేశీ బకారాకృతిమాతృకా ।
భద్రికా భీమపత్నీ చ భీమా భర్గశిఖా భయా ॥ ౧౦౮
భయఘ్నీ భీమనాదా చ భయానకముఖేక్షణా ।
భిల్లీశ్వరీ భీతిహరా భద్రదా భద్రకారిణీ ॥ ౧౦౯ ॥
భద్రేశ్వరీ భద్రధరా భద్రాఖ్యా భాగ్యవర్ధినీ (౮౦౦) ।
భగమాలా భగావాసా భవానీ భవతారిణీ ॥ ౧౧౦ ॥
భగయోనిర్భగాకారా భగస్థా భగరూపిణీ ।
భగలిఙ్గామృతప్రీతా భకారాక్షరమాతృకా ॥ ౧౧౧ ॥
మాన్యా మానప్రదా మీనా మీనకేతనలాలసా ।
మదోద్ధతా మనోన్మాన్యా మేనా మైనాకవత్సలా ॥ ౧౧౨ ॥
మధుమత్తా మధుపూజ్యా మధుదా మధు మాధవీ ।
మాంసాహారా మాంసప్రీతా మాంసభక్ష్యా చ మాంసదా ॥ ౧౧౩
మారార్తా మత్స్యరూపా చ మత్స్యధాతా మహత్తరా ।
మేరుశృఙ్గాగ్రతుఙ్గాస్యా మోదకాహారపూజితా ॥ ౧౧౪ ॥
మాతఙ్గినీ మధుమత్తా మదమత్తా మదేశ్వరీ ।
మఞ్జా ముగ్ధాననా ముగ్ధా మకారాక్షరభూషణా ॥ ౧౧౫ ॥
యశస్వినీ యతీశానీ యత్నకర్త్రీ యజుఃప్రియా ।
యజ్ఞధాత్రీ యజ్ఞఫలా యజుర్వేదఋచామ్ఫలా ॥ ౧౧౬ ॥
యశోదా యతిసేవ్యా చ యాత్రా యాత్రికవత్సలా ।
యోగేశ్వరీ యోగగమ్యా యోగేన్ద్రజనవత్సలా ॥ ౧౧౭ ॥
యదుపుత్రీ యమఘ్నీ చ యకారాక్షరమాతృకా ।
రత్నేశ్వరీ రమానాథసేవ్యా రథ్యా రజస్వలా ॥ ౧౧౮ ॥
రాజ్యదా రాజరాజేశీ రోగహర్త్రీ రజోవతీ ।
రత్నాకరసుతా రమ్యా రాత్రీ రాత్రిపతిప్రభా ॥ ౧౧౯ ॥
రక్షోఘ్నీ రాక్షసేశానీ రక్షోనాథసమర్చితా ।
రతిప్రియా రతిముఖ్యా రకారాకృతిశేఖరా ॥ ౧౨౦ ॥
లమ్బోదరీ లలజ్జిహ్వా లాస్యతత్పరమానసా ।
లూతాతన్తువితానాస్యా లక్ష్మీర్లజ్జా లయాలినీ ॥ ౧౨౧ ॥
లోకేశ్వరీ లోకధాత్రీ లాటస్థా లక్షణాకృతిః ।
లమ్బా లమ్బకచోల్లాసా లకారాకారవర్ధినీ ॥ ౧౨౨ ॥
లిఙ్గేశ్వరీ లిఙ్గలిఙ్గా లిఙ్గమాలా లసద్ద్యుతిః ।
లక్ష్మీరూపా రసోల్లాసా రామా రేవా రజస్వలా ॥ ౧౨౩ ॥
లయదా లక్షణా (౯౦౦) లోలా లకారాక్షరమాతృకా ।
వారాహీ వరదాత్రీ చ వీరసూర్వీరదాయినీ ॥ ౧౨౪ ॥
వీరేశ్వరీ వీరజన్యా వీరచర్వణచర్చితా ।
వరాయుధా వరాకా చ వామనా వామనాకృతిః ॥ ౧౨౪ ॥
వధూతా వధకా వధ్యా వధ్యభూర్వాణిజప్రియా ।
వసన్తలక్ష్మీర్వటుకీ వటుకా వటుకేశ్వరీ ॥ ౧౨౬ ॥
వటుప్రియా వామనేత్రా వామాచారైకలాలసా ।
వార్తా వామ్యా వరారోహా వేదమాతా వసున్ధరా ॥ ౧౨౭
వయోయానా వయస్యా చ వకారాక్షరమాతృకా ।
శమ్భుప్రియా శరచ్చర్యా శాద్వలా శశివత్సలా ॥ ౧౨౮ ॥
శీతద్యుతిః శీతరసా శోణోష్ఠీ శీకరప్రదా ।
శ్రీవత్సలాఞ్ఛనా శర్వా శర్వవామాఙ్గవాసినీ ॥ ౧౨౯ ॥
శశాఙ్కామలలక్ష్మీశ్చ శార్దూలతనురద్రిజా ।
శోషహర్త్రీ శమీమూలా శకారాకృతిశేఖరా ॥ ౧౩౦ ॥
షోడశీ షోడశీరూపా షఢా షోఢా షడాననా ।
షట్కూటా షడ్రసాస్వాదా షడశీతిముఖామ్బుజా ॥ ౧౩౧ ॥
షడాస్యజననీ షణ్ఠా షవర్ణాక్షరమాతృకా ।
సారస్వతప్రసూః సర్వా సర్వగా సర్వతోముఖా ॥ ౧౩౨ ॥
సమా సీతా సతీమాతా సాగరాభయదాయినీ ।
సమస్తశాపశమనీ సాలభఞ్జీ సుదక్షిణా ॥ ౧౩౩ ॥
సుషుప్తిః సురసా సాధ్వీ సామగా సామవేదజా ।
సత్యప్రియా సోమముఖీ సూత్రస్థా సూతవల్లభా ॥ ౧౩౪ ॥
సనకేశీ సునన్దా చ స్వవర్గస్థా సనాతనీ ।
సేతుభూతా సమస్తాశా సకారాక్షరవల్లభా ॥ ౧౩౪ ॥
హాలాహలప్రియా హేలా హాహారావవిభూషణా ।
హాహాహూహూస్వరూపా చ హలధాత్రీ హలిప్రియా ॥ ౧౩౬ ॥
హరినేత్రా ఘోరరూపా హవిష్యా హూతివల్లభా ।
హం క్షం లం క్షః స్వరూపా చ సర్వమాతృకపూజితా ॥ ౧౩౭ ॥
ఓం ఐం సౌః హ్రీం మహావిద్యా ఆం శాం ఫ్రాం హూంస్వరూపిణీ । (౧౦౦౦)
ఇతి శ్రీశారికాదేవ్యా మన్త్రనామసహస్రకమ్ ॥ ౧౩౮ ॥
॥ ఫల శ్రుతి ॥
పుణ్యం పుణ్యజనస్తుత్యం నుత్యం వైష్ణవపూజితమ్ ।
ఇదం యః పఠతే దేవి శ్రావయేద్యః శృణోతి చ ॥ ౧౩౯
స ఏవ భగవాన్ దేవః సత్యం సత్యం సురేశ్వరి ।
ఏకకాలం ద్వికాలం వా త్రికాలం పఠతే నరః ॥ ౧౪౦
వామాచారపరో దేవి తస్య పుణ్యఫలం శృణు ।
మూకత్వం బధిరత్వం చ కుష్ఠం హన్యాచ్చ శ్విత్రికామ్ ॥ ౧౪౧ ॥
వాతపిత్తకఫాన్ గుల్మాన్ రక్తస్రావం విషూచికామ్ ।
సద్యః శమయతే దేవి శ్రద్ధయా యః పఠేన్నిశి ॥ ౧౪౨ ॥
అపస్మారం కర్ణపీడాం శూలం రౌద్రం భగన్దరమ్ ।
మాసమాత్రం పఠేద్యస్తు స రోగైర్ముచ్యతే ధ్రువమ్ ॥ ౧౪౩ ॥
భౌమే శనిదినే వాపి చక్రమధ్యే పఠేద్యది ।
సద్యస్తస్య మహేశాని శారికా వరదా భవేత్ ॥ ౧౪౪ ॥
చతుష్పథే పఠేద్యస్తు త్రిరాత్రం రాత్రివ్యత్యయే ।
దత్త్వా బలిం సురాం ముద్రాం మత్స్యం మాంసం సభక్తకమ్ ॥ ౧౪౫
వబ్బోలత్వగ్రసాకీర్ణం శారీ ప్రాదుర్భవిప్యతి ।
యః పఠేద్ దేవి లోలాయాం చితాయాం శవసన్నిధౌ ॥ ౧౪౬ ॥
పాయమ్పాయం త్రివారం తు తస్య పుణ్యఫలం శృణు ।
బ్రహ్మహత్యాం గురోర్హత్యాం మద్యపానం చ గోవధమ్ ॥ ౧౪౭ ॥
మహాపాతకసఙ్ఘాతం గురుతల్పగతోద్భవమ్ ।
స్తేయం వా భ్రూణహత్యాం వా నాశయేన్నాత్ర సంశయః ॥ ౧౪౮ ॥
స ఏవ హి రమాపుత్రో యశస్వీ లోకపూజితః ।
వరదానక్షమో దేవి వీరేశో భూతవల్లభః ॥ ౧౪౯ ॥
చక్రార్చనే పఠేద్యస్తు సాధకః శక్తిసన్నిధౌ ।
త్రివారం శ్రద్ధయా యుక్తః స భవేద్భైరవేశ్వరః ॥ ౧౫౦ ॥
కిఙ్కిం న లభతే దేవి సాధకో వీరసాధకః ।
పుత్రవాన్ ధనవాంశ్చైవ సత్యాచారపరః శివే ॥ ౧౫౧ ॥
శక్తిం సమ్పూజ్య దేవేశి పఠేత్ స్తోత్రం పరామయమ్ ।
ఇహ లోకే సుఖం భుక్త్వా పరత్ర త్రిదివం వ్రజేత్ ॥ ౧౫౨ ॥
ఇతి నామసహస్రం తు శారికాయా మనోరమమ్ ।
గుహ్యాద్గుహ్యతమం లోకే గోపనీయం స్వయోనివత్ ॥ ౧౫౩ ॥
॥ ఇతి శ్రీరుద్రయామలే తన్త్రే దశవిద్యారహస్యే
శ్రీశారికాయాః సహస్రనామస్తోత్రం సమ్పూర్ణమ్ ॥
Also Read 1000 Names of Shri Sharikam:
1000 Names of Sri Sharika | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil