Templesinindiainfo

Best Spiritual Website

1000 Names of Sri Shiva from Skanda Mahapurana Lyrics in Telugu

Shiva Sahasranamastotram from Skandamahapurana in Telugu:

॥ శ్రీశివసహస్రనామస్తోత్రమ్ స్కన్దమహాపురాణాన్తర్గతమ్ ॥
(శ్రీస్కన్దమహాపురాణే శఙ్కరసంహితాయాం శివరహస్యఖణ్డే ఉపదేశకాణ్డే)
హరశ్శమ్భుర్మహాదేవో నీలకణ్ఠస్సదాశివః ।
భర్తా వరః పాణ్డరాఙ్గ ఆనన్దశ్శాన్తవిగ్రహః ॥ ౧ ॥

ఏకోఽనన్తో మృగధరః శూలపాణిర్భవః శివః ।
వహ్నిమధ్యనటో ముక్తః స్వయమ్భూర్నిశినర్తనః ॥ ౨ ॥

నన్దీ పరశుపాణిశ్చ జ్యోతిర్భస్మాఙ్గరాగభృత్ ।
గజోత్పాదీ కపాలీ చ నిత్యశ్శుద్ధోఽగ్నిధారకః ॥ ౩ ॥

శఙ్కరో భూరథో మేరుచాపో వృషభవాహనః ।
ఉత్పత్తిశూన్యో భూతేశో నాగాభరణధారణః ॥ ౪ ॥

ఉమార్ధదేహీ హిమవజ్జామాతా భర్గ ఉత్తమః ।
ఉమాపతిర్వహ్నిపాణిశ్ఛేత్తా ప్రలయనిర్భయః ॥ ౫ ॥

ఏకరుద్రః పార్థబాణప్రదో రుద్రోఽతివీర్యవాన్ ।
రవిచక్రరథస్తద్వత్సోమచక్రరథఃస్మృతః ॥ ౬ ॥

దిగమ్బరస్సర్వనేతా విష్ణుమత్స్యనిబర్హకః ।
మత్స్యనేత్రాపహారీచ మత్స్యనేత్ర విభూషణః ॥ ౭ ॥

మత్స్యపూజితపాదశ్చ తథైవ కమలాసనః ।
వేదవేద్యః స్మృతస్తద్వద్వేదాశ్వరథ ఈరితః ॥ ౮ ॥

వేదశ్చ వేదకౌపీనో వేదనుపూరకస్తథా ।
వేదవాక్యో వేదమూర్తిర్వేదాన్తో వేదపూజితః ॥ ౯ ॥

సర్వేశ్వరో నాదవాచ్యో బ్రహ్మమూర్ధనికృన్తనః ।
తాణ్డవశ్చామృతస్తద్వదూర్ధ్వతాణ్డవపణ్డితః ॥ ౧౦ ॥

ఆనన్దశ్చణ్డ ఆనన్దతాణ్డవః పూషదన్తభిత్ ।
భగనేత్రహరస్తద్వద్గజచర్మామ్బరప్రియః ॥ ౧౧ ॥

కామాన్తకో వ్యాఘ్రభేదీ మృగీ చైకాఙ్గకస్తథా ।
నిర్వికారః పశుపతిస్సర్వాత్మగోచరస్తథా ॥ ౧౨ ॥

అగ్రినేత్రో భానునేత్రశ్చన్ద్రనేత్రోఽపి కథ్యతే ।
కూర్మనిగ్రాహకః కూర్మకపాలాహారకస్తథా ॥ ౧౩ ॥

కూర్మపూజ్యస్తథా కూర్మకపాలాభరణస్తథా ।
వ్యాఘ్రచర్మామ్బరః స్వామీ తథా పాశవిమోచకః ॥ ౧౪ ॥

ఓఙ్కారాభేనద్ ద్వన్ద్వభఞ్జకజ్ఞానమూర్తయః ।
విష్ణుబాణో గణపతిః పూతోఽయన్తు పురాతనః ॥ ౧౫ ॥

భూతనుశ్చ కృపామూర్తిః విష్ణూత్పాదకపాదవాన్।
సుబ్రహ్మణ్యపితా బ్రహ్మపితా స్థాణురథ స్మృతః ॥ ౧౬ ॥

అర్భకక్షీరజలధిప్రదో పోత్రివిభేదకః ।
పోత్రిదన్తాపహారీ చ పోత్రిదన్తవిభూషణః ॥ ౧౭ ॥

పోత్రిపూజితపాదశ్చ చన్ద్రపుష్పేషుకస్తథా ।
సర్వోపాదానకస్తద్వదార్ద్రభోఽగ్నిసమాకృతిః ॥ ౧౮ ॥

మాతాపితృవిహీనశ్చ ధర్మాధర్మావుభావపి ।
నియుక్తరథసారథ్యబ్రహ్మపూజితపాదవాన్ ॥ ౧౯ ॥

రక్తపిఙ్గజటో విష్ణురభయో భానుదీపవాన్।
భూతసేనో మహాయోగీ యోగీ కాలియనర్తనః ॥ ౨౦ ॥

గీతప్రియో నారసింహనిగ్రహీతాఽపి కథ్యతే।
నారసింహశిరోభూషో నారసింహత్వగమ్బరః ॥ ౨౧ ॥

నారసింహత్వగుత్పాటీ నారాసింహసుపూజితః ।
అణురూపీ మహారూపీ అతిసున్దరవిగ్రహః ॥ ౨౨ ॥

ఆచార్యశ్చ పుణ్యగిరిరాచార్యోఽపి చ కథ్యతే।
భిక్షామర్దనగోలానాం గిరిష్వాచార్య ఈరితః ॥ ౨౩ ॥

తథైషాష్టమహాసిద్ధిరన్తకాన్తక ఈరితః ।
ఘోరస్తథైవ గిరిశః కృతమాలవిభూషణః ॥ ౨౪ ॥

వృషధ్వజో డమరుకధరో విష్ణ్వక్షిధారకః ।
రక్తాఙ్గశ్చ బ్రహ్మసృష్టిప్రదశ్చాభయరూపవాన్ ॥ ౨౫ ॥

విష్ణురక్షాప్రదస్తద్వదష్టైశ్వర్యసమన్వితః ।
తథైవాష్టగుణేశో వై చాష్టమఙ్గలకేశ్వరః ॥ ౨౬ ॥

బకాసురస్య హర్తా చ బకపక్షధరోఽపి సః ।
తథా మన్మథనాథోఽపి వాసుదేవసుతప్రదః ॥ ౨౭ ॥

మహావతోఽధ్వనిత్యశ్చ త్యక్తకేతక ఈరితః ।
మహావ్రతో బిల్వమాలాధారీ పాశుపతః స్మృతః ॥ ౨౮ ॥

త్రిధాభాశ్చ పరఞ్జ్యోతిర్ద్విసహస్రద్విజో భవాన్ ।
త్రివిక్రమనిహన్తా చ త్రివిక్రమసుపూజితః ॥ ౨౯ ॥

త్రివిక్రమత్వగుత్పాటీ తథా తచ్చర్మకఞ్చుకః ।
త్రివిక్రమాస్థిదణ్డీ చ సర్వో మధ్యస్థకోఽపి సః ॥ ౩౦ ॥

వటమూలో వేణిజటస్తథా విష్ణ్వస్థిభూషణః ।
వికృతో విజయశ్చైవ తథా భక్తకృపాకరః ॥ ౩౧ ॥

స్తోత్రపూజాప్రియో రామవరదో హృదయామ్బుజః ।
తథా పరశురామైనోహారకస్తేన పూజితః ॥ ౩౨ ॥

రుద్రాక్షమాలీ భోగీ చ మహాభోగీ చ సంస్మృతః ।
భోగాతీతశ్చ సర్వేశో యోగాతీతో హరిప్రియః ॥ ౩౩ ॥

వేదవేదాన్తకర్తా చ త్ర్యమ్బకమనోహరౌ ।
వినాయకో వితరణో విచిత్రో వ్రత ఇత్యపి ॥ ౩౪ ॥

పరమేశో విరూపాక్షో దేవదేవస్త్రిలోచనః ।
వైణికో విష్టరస్థోఽయం తథా క్షీరసమాకృతిః ॥ ౩౫ ॥

ఆరణః కాఠకశ్చైవ సుముఖోఽమృతవాగపి ।
ధుస్తూరపుష్పధారీ చ ఋగ్యజుర్వేదినావుభౌ ॥ ౩౬ ॥

సామవేదీ తథాఽథర్వవేదీ కామికకారణౌ ।
విమలో మకుటశ్చైవ వాతులోఽచిన్త్యయోగజౌ ॥ ౩౭ ॥

దీప్తస్సూక్ష్మస్తథైవాయం వీరశ్చ కిరణోఽపి చ ।
అజితశ్చ సహస్రశ్చ అంశుమాన్ సుప్రభేదకః ॥ ౩౮ ॥

తథా విజయనిశ్వాసౌ నామ్నా స్వాయమ్భువోఽప్యయమ్ ।
అనలో రౌరవశ్చన్ద్రజ్ఞానో బిమ్బ ఉదీరితః ॥ ౩౯ ॥

ప్రోద్గీతో లలితస్సిద్ధస్తథా సన్తాననామవాన్।
శర్వోత్తరస్తథాచార్యపారమేశ్వర ఈరితః ॥ ౪౦ ॥

ఉపాగమసమాఖ్యోఽపి తథా శివపురాణకః ।
భవిష్యచ్చ తథైవాయం మార్కణ్డేయోఽపి లైఙ్గకః ॥ ౪౧ ॥

స్కాన్దో వరాహోఽపి తథా వామనో మత్స్యకూర్మకౌ ।
బ్రహ్మాణ్డో బ్రాహ్మపాద్మౌ చ గారుడో విష్ణునారదౌ ॥ ౪౨ ॥

తథా భాగవతాగ్నేయౌ బ్రహ్మకైవర్తకోఽప్యయమ్ ।
తథైవోపపురాణోఽపి రామస్యాస్త్రప్రదోఽపి సః ॥ ౪౩ ॥

రామస్య చాపహారీ చ రామపూజితపాదవాన్।
మాయీ చ శుద్ధమాయీ చ వైఖరీ మధ్యమా పరా ॥ ౪౪ ॥

పశ్యన్తీ చ తథా సూక్ష్మా తథా ప్రణవచాపవాన్ ।
జ్ఞానాస్త్రస్సకలశ్చైవ నిష్కలస్సకలశ్చ వై ॥ ౪౫ ॥

విష్ణోః పతిరయం తద్వద్వలభద్రబలప్రదః ।
బలచాపాపహర్త్తా చ బలపూజితపాదవాన్ ॥ ౪౬ ॥

దణ్డాయుధో వాఙ్గనసోరగోచరసుగన్ధినౌ ।
శ్రీకణ్ఠోఽప్యయమాచారః ఖట్వాఙ్గః పాశభృత్తథా ॥ ౪౭ ॥

స్వర్ణరూపీ స్వర్ణవీర్యస్సకలాత్మాఽధిపః స్మృతః ।
ప్రలయః కాలనాథోఽపి విజ్ఞానం కాలనాయకః ॥ ౪౮ ॥

పినాకపాణిస్సుకృతో విష్కారో విస్తురక్తపః ।
విష్ణోః క్షారకరస్తద్వకృష్ణజ్ఞానప్రదో హి సః ॥ ౪౯ ॥

కృష్ణాయ పుత్రదః కృష్ణయుద్ధదః కృష్ణపాపహా ।
కృష్ణపూజితపాదశ్చ కర్కివిష్ణ్వశ్వభఞ్జనః ॥ ౫౦ ॥

కర్కిపూజితపాదశ్చ వహ్నిజిహ్వాతికృన్తనః ।
భారతీనాసికాచ్ఛేత్తా పాపనాశో జితేన్ద్రియః ॥ ౫౧ ॥

శిష్టో విశిష్టః కర్తా చ భీమేభ్యో భీమ ఉచ్యతే ।
శివతత్త్వం తథా విద్యాతత్త్వం పఞ్చాక్షరోఽపి సః ॥ ౫౨ ॥

పఞ్చవక్త్రః స్మితశిరోధారీ బ్రహ్మాస్థిభూషణః ।
ఆత్మతత్త్వం తథా దృశ్యసహాయో రసవీర్యవాన్ ॥ ౫౩ ॥

అదృశ్యద్రష్టా మేనాయా జామాతోగ్రష్షడఙ్గవాన్ ।
తథా దక్షశిరశ్ఛేత్తా తత్పురుషో బ్రాహ్మణశ్శిఖీ ॥ ౫౪ ॥

అష్టమూర్తిశ్చాష్టభుజష్షడక్షరసమాహ్వయః ।
పఞ్చకృత్యః పఞ్చధేనుః పఞ్చవృక్షోఽగ్నికశ్చివాన్ ॥ ౫౫ ॥

శఙ్ఖవర్ణస్సర్పకటిస్సూత్రోఽహఙ్కార ఈరితః ।
స్వాహాకారః స్వధాకారః ఫట్కారస్సుముఖః స్మృతః ॥ ౫౬ ॥

దీనాన్ధకకృపాలుశ్చ వామదేవోఽపి కన్థ్యతే ।
ధీరః కల్పో యుగో వర్షమాసావృతుసమాహ్వయః ॥ ౫౭ ॥

రాశివాసరనక్షత్రయోగాః కరణ ఈరితః ।
ఘటీ కాష్ఠా వినాడీ చ ప్రాణో గురునిమేషకౌ ॥ ౫౮ ॥

శ్రవణర్క్షో మేఘవాహో బ్రహ్మాణ్డసృగుదీరితః ।
జాగ్రత్స్వప్నసుషుప్తిశ్చ తుర్యోఽయమతితుర్యవాన్ ॥ ౫౯ ॥

తథైవ కేవలావస్థస్సకలావస్థ ఇత్యపి।
శుద్ధావస్థోత్తమాఙ్గౌ చ సృష్టిరక్షావిధాయినౌ ॥ ౬౦ ॥

సంహర్తా చ తిరోభూత అనుగ్రహకరస్తథా ।
స్వతన్త్రః పరతన్త్రశ్చ షణ్ముఖః కాల ఈరితః ॥ ౬౧ ॥

అకాలశ్చ తథా పాశుపతాస్త్రకర ఈశ్వరః ।
అఘోరక్షురికాస్త్రౌ చ ప్రత్యఙ్గాస్త్రోఽపి క్థ్యతే ॥ ౬౨ ॥

పాదోత్సృష్టమహాచక్రో విష్ణువేశ్యాభుజఙ్గకః ।
నాగయజ్ఞోపవీతీ చ పఞ్చవర్ణోఽపి మోక్షదః ॥ ౬౩ ॥

వాయ్వగ్నీశౌ సర్పకచ్ఛః పఞ్చమూర్తశ్చ భోగదః ।
తథా విష్ణుశిరశ్ఛేత్తా శేషజ్యో బిన్దునాదకః ॥ ౬౪ ॥

సర్వజ్ఞో విష్ణునిగలమోక్షకో బీజవర్ణకః ।
బిల్వపత్రధరో బిన్దునాదపీఠస్తు శక్తిదః ॥ ౬౫ ॥

తథా రావణనిష్పేష్టా భైరవోత్పాదకోఽప్యయమ్।
దక్షయజ్ఞవినాశీ చ త్రిపురత్రయశిక్షకః ॥ ౬౬ ॥

సిన్దూరపత్రధారీ చ మన్దారస్రగలఙ్కృతః ।
నిర్వీర్యో భావనాతీతస్తథా భూతగణేశ్వరః ॥ ౬౭ ॥

బిష్ణుభ్రూమధ్యపాదీ చ సర్వోపాదానకారణమ్ ।
నిమిత్తకారణం సర్వసహకార్యపి కథ్యతే ॥ ౬౮ ॥

తత్సద్వ్యాసకరచ్ఛేత్తా శూలప్రోతహరిస్తథా ।
భేదాభేదౌ వేదవల్లీకణ్ఠచ్ఛేత్తా హి కథ్యతే ॥ ౬౯ ॥

పఞ్చబ్రహ్మస్వరూపీ చ భేదాభేదోభయాత్మవాన్ ।
అచ్ఛస్ఫటిక సఙ్కాశో బ్రహ్మభస్మావలేపనః ॥ ౭౦ ॥

నిర్దగ్ధవిష్ణుభస్మాఙ్గరాగః పిఙ్గజటాధరః ।
చణ్డార్పితప్రసాదశ్చ ధాతా ధాతృవివర్జితః ॥ ౭౧ ॥

కల్పాతీతః కల్పభస్మ చాగస్త్యకుసుమప్రియః ।
అనుకల్పోపకల్పౌ చ సఙ్కల్పశ్ఛేదదున్దుభిః ॥ ౭౨ ॥

వికల్పో విష్ణుదుర్జ్ఞేయపాదో మృత్యుఞ్జయః స్మృతః ।
విష్ణుశ్మశాననటనో విష్ణుకేశోపవీతవాన్ ॥ ౭౩ ॥

బ్రహ్మశ్మశాననటనః పఞ్చరావణఘాతకః ।
సర్పాధీశాన్తరస్తద్వదనలాసురఘాతకః ॥ ౭౪ ॥

మహిషాసురసంహర్తా నాలీదూర్వావతంసకః ।
దేవర్షినరదైత్యేశో రాక్షసేశో ధనేశ్వరః ॥ ౭౫ ॥

చరాచరేశోఽనుపదో మూర్తిచ్ఛన్దస్వరూపిణౌ ।
ఏకద్విత్రిచతుః పఞ్చజానినో విక్రమాశ్రమః ॥ ౭౬ ॥

బ్రహ్మవిష్ణుకపాలాప్తజయకిఙ్కిణికాఙ్ఘ్రికః ।
సంహారకాట్టహాసోఽపి సర్వసంహారకః స్మృతః ॥ ౭౭ ॥

సర్వసంహారనేత్రాగ్నిః సృష్టికృద్వాఙ్మనోయుతః ।
సంహారకృత్ త్రిశూలోఽపి రక్షాకృత్పాణిపాదవాన్ ॥ ౭౮ ॥

భృఙ్గినాట్యప్రియశ్శఙ్ఖపద్మనిధ్యోరధీశ్వరః ।
సర్వాన్తరో భక్తచిన్తితార్థదో భక్తవత్సలః ॥ ౭౯ ॥

భక్తాపరాధసోఢా చ వికీర్ణజట ఈరితః ।
జటామకుటధారీచ విశదాస్త్రోఽపి కథ్యతే ॥ ౮౦ ॥

అపస్మారీకృతావిద్యాపృష్ఠాఙ్ఘ్రిః స్థౌల్యవర్జితః ।
యువా నిత్యయువా వృద్ధో నిత్యవృద్ధోఽపి కథ్యతే ॥ ౮౧ ॥

శక్త్యుత్పాటీ శక్తియుక్తస్సత్యాత్సత్యోఽపి కథ్యతే।
విష్ణూత్పాదక అద్వన్ద్వః సత్యాసత్యశ్చ ఈరితః ॥ ౮౨ ॥

మూలాధారస్తథా స్వాధిష్ఠానశ్చ మణిపూరకః ।
అనాహతో విశుద్ధ్యాజ్ఞే తథా బ్రహ్మబిలం స్మృతః ॥ ౮౩ ॥

వరాభయకరశ్శాస్తృపితా తారకమారకః ।
సాలోక్యదశ్వ సామీప్యదాయీ సారూప్యదః స్మృతః ॥ ౮౪ ॥

సాయుజ్యముక్తిదస్తద్వద్ధరికన్ధరపాదుకః ।
నికృత్తబ్రహ్మమూర్ధా చ శాకినీడాకినీశ్వరః ॥ ౮౫ ॥

యోగినీమోహినీనాథో దుర్గానాథోఽపి కథ్యతే।
యజ్ఞో యజ్ఞేశ్వరో యజ్ఞహవిర్భుగ్యజ్వనాం ప్రియః ॥ ౮౬ ॥

విష్ణుశాపాపహర్తా చ చన్ద్రశాపాపహారకః ।
ఇన్ద్రశాపాపహర్తాచ వేదాగమపురాణకృత్ ॥ ౮౭ ॥

విష్ణుబ్రహ్మోపదేష్టా చ స్కన్దోమాదేశికోఽప్యయమ్।
విఘ్నేశస్యోపదేష్టా చ నన్దికేశగురుస్తథా ॥ ౮౮ ॥

తథా ఋషిగురుస్సర్వగురుర్దశదిగీశ్వరః ।
దశాయుధదశాఙ్గౌ చ జ్ఞానయజ్ఞోపవీతవాన్ ॥ ౮౯ ॥

బ్రహ్మవిష్ణుశిరోముణ్డకన్దుకః పరమేశ్వరః ।
జ్ఞానక్రియాయోగచర్యానిరతోరగకుణ్డలౌ ॥ ౯౦ ॥

బ్రహ్మతాలప్రియో విష్ణుపటహప్రీతిరప్యయమ్।
భణ్డాసురాపహర్తాచ కఙ్కపత్రధరోఽప్యయమ్ ॥ ౯౧ ॥

తన్త్రవాద్యరతస్తద్వదర్కపుష్పప్రియోఽప్యయమ్।
విష్ణ్వాస్యముక్తవీర్యోఽపి దేవ్యగ్గ్రకృతతాణ్డవః ॥ ౯౨ ॥

జ్ఞానామ్బరో జ్ఞానభూషో విష్ణుశఙ్ఖప్రియోఽప్యయమ్ ।
విష్ణూదరవిముక్తాత్మవీర్యశ్చైవ పరాత్పరః ॥ ౯౩ ॥

మహేశ్వరశ్చేశ్వరోఽపి లిఙ్గోద్భవసుఖాసనౌ ।
ఉమాసఖశ్చన్ద్రచూడశ్చార్ధనారీశ్వరః స్మృతః ॥ ౯౪ ॥

సోమాస్కన్దస్తథా చక్రప్రసాదీ చ త్రిమూర్తికః ।
అర్ధాఙ్గవిష్ణుశ్చ తథా దక్షిణామూర్తిరవ్యయః ॥ ౯౫ ॥

భిక్షాటనశ్చ కఙ్కాలః కామారిః కాలశాసనః ।
జలన్ధరారిస్త్రిపురహన్తా చ విషభక్షణః ॥ ౯౬ ॥

కల్యాణసున్దరశరభమూర్తీ చ త్రిపాదపి ।
ఏకపాదో భైరవశ్చ వృషారూఢస్సదానటః ॥ ౯౭ ॥

గఙ్గాధరష్షణ్ణవతితత్త్వమప్యయమీరితః ।
తథా సాష్టశతభేదమూరతిరష్టశతాహ్వయః ॥ ౯౮ ॥

అష్టోత్తరశతం తాలరాగనృత్తైకపణ్డితః ।
సహస్రాఖ్యస్సహస్రాక్షస్సహస్రముఖ ఈరితః ॥ ౯౯ ॥

సహస్రబాహు స్తన్మూర్తిరనన్తముఖ ఈరితః ।
అనన్తనామాపి తథా చానన్తశ్రుతిరప్యయమ్ ॥ ౧౦౦ ॥

అనన్తనయనస్తద్వదనన్తఘ్రాణమణ్డితః ।
అనన్తరూప్యయం తద్వదనన్తైశ్వర్యవాన్ స్మృతః ॥ ౧౦౧ ॥

అనన్తశక్తికృత్యావాననన్తజ్ఞానవానయమ్ ।
అనన్తానన్దసన్దోహ అనన్తౌదార్యవానయమ్ ॥ ౧౦౨ ॥

తథైవ పృథివీమూర్తిః పృథివీశోఽపి కథ్యతే ।
పృథివీధారకస్తద్వత్పృథివ్యాన్తర ఈరితః ॥ ౧౦౩ ॥

పృథివ్యతీతశ్చ తథా పార్థివాణ్డాభిమాన్యయమ్ ।
తదణ్డపురుషహృదయకమలోఽపి నిగద్యతే ॥ ౧౦౪ ॥

తదణ్డభువనేశానః తచ్ఛక్తిధరణాత్మకః ।
ఆధారశక్త్యధిష్ఠానానన్తాః కాలాగ్నిరప్యయమ్ ॥ ౧౦౫ ॥

కాలాగ్నిరుద్రభువనపతిరప్యయమీరితః ।
అనన్తశ్చ తథేశశ్చ శఙ్కరః పద్మపిఙ్గలౌ ॥ ౧౦౬ ॥

కాలశ్చ జలజశ్చైవ క్రోధోఽతిబల ఈరితః ।
ధనదశ్చాతికూశ్మాణ్డభువనేశోఽపి కథ్యతే ॥ ౧౦౭ ॥

కూశ్మాణ్డస్సప్తపాతాలనాయకోఽపి నిగద్యతే ।
పాతాలాన్తోఽపి చేశానో బలాతిబలనావుభౌ ॥ ౧౦౮ ॥

బలవికరణశ్చాయం బలేశోఽపి బలేశ్వరః ।
బలాధ్యక్షశ్చ బలవాన్హాటకేశోఽపి కథ్యతే ॥ ౧౦౯ ॥

తథా తద్భువనేశానస్తథైవాష్టగజేశ్వరః ।
అష్టనాగేశ్వరస్తద్వద్భూలోకేశోఽపి కథ్యతే ॥ ౧౧౦ ॥

మేర్వీశో మేరుశిఖరరాజోఽవనిపతిస్తథా ।
త్ర్యమ్బకశ్చాష్టకులపర్వతేశోఽపి కథ్యతే ॥ ౧౧౧ ॥

మానసోత్తరగిరి స్తద్వద్విశ్వేశోఽపి నిగద్యతే ।
స్వర్ణలోకశ్చక్రవాలగిరివాసవిరామకః ॥ ౧౧౨ ॥

ధర్మో వివిధధామా చ శఙ్ఖపాలశ్చ కథ్యతే ।
తథా కనకరోమా చ పర్జన్యః కేతుమానపి ॥ ౧౧౩ ॥

విరోచనో హరిచ్ఛాయో రక్తచ్ఛాయశ్చ కథ్యతే ।
మహాన్ధకారనాథోఽపి అణ్డభిత్తీశ్వరోఽప్యయమ్ ॥ ౧౧౪ ॥

ప్రాచీవజ్రీశ్వరో దక్షిణప్రాచీశోఽపి గద్యతే ।
అగ్నీశ్వరో దక్షిణశ్చ దిగీశో ధర్మరాడపి ॥ ౧౧౫ ॥

దక్షిణాశాపతిస్తద్వన్నిరృతీశోఽపి కథ్యతే ।
పశ్చిమాశాపతిస్తద్వద్వరుణేశోఽపి కథ్యతే ॥ ౧౧౬ ॥

తథోదక్పశ్చిమేశోఽపి వాయ్వీశోఽపి తథోచ్యతే ।
తథైవోత్తరదిఙ్నాథః కుబేరేశోఽపి చోచ్యతే ॥ ౧౧౭ ॥

తథైవోత్తరపూర్వేశ ఈశానేశోఽపి కథ్యతే ।
కైలాసశిఖరీనాథః శ్రీకణ్ఠపరమేశ్వరః ॥ ౧౧౮ ॥

మహాకైలాసనాథోఽపి మహాసదాశివః స్మృతః ।
భువర్లోకేశశమ్భూగ్రాస్సూర్యమణ్డలనాయకః ॥ ౧౧౯ ॥

ప్రకాశరుద్రో యశ్చన్ద్రమణ్డలేశోఽపి కథ్యతే ।
తథా చన్ద్రమహాదేవో నక్షత్రాణామధీశ్వరః ॥ ౧౨౦ ॥

గ్రహలోకేశ గన్ధర్వగాన్ధర్వేశావుభావపి ।
సిద్ధవిద్యాధరేశోఽయం కిన్నరేశోఽపి కథ్యతే ॥ ౧౨౧ ॥

యక్షచారణనాథోఽపి స్వర్లోకేశోఽపి స స్మృతః ।
భీమశ్చైవ మహర్లోకనాథశ్చైవ మహాభవః ॥ ౧౨౨ ॥

జనలోకేశ్వరో జ్ఞానపాదో జననవర్జితః ।
అతిపిఙ్గల ఆశ్చర్యో భౌతికశ్చ శృతోఽప్యయమ్ ॥ ౧౨౩ ॥

తపోలోకేశ్వరస్తప్తో మహాదేవోఽపి స స్మృతః ।
సత్యలోకేశ్వరస్తద్వత్ బ్రహ్మేశానోఽపి చోచ్యతే ॥ ౧౨౪ ॥

విష్ణులోకేశవిష్పవీశౌ శివలోకః పరశ్శివః ।
అణ్డాన్తేశో దణ్డపాణిరణ్డపృష్ఠేశ్వరోఽప్యయమ్ ॥ ౧౨౫ ॥

శ్వేతశ్చ వాయువేగోఽపి సుపాత్రశ్చ స్మృతోఽప్యయమ్ ।
విద్యాహ్వయాత్మకస్తద్వత్కాలాగ్నిశ్చ స్మృతోఽప్యయమ్ ॥ ౧౨౬ ॥

మహాసంహారకస్తద్వన్మహాకాలోఽపి కథ్యతే ।
మహానిరృతిరప్యేవ మహావరుణ ఇత్యపి ॥ ౧౨౭ ॥

వీరభద్రో మహాంస్తద్వచ్ఛతరుద్రోఽపి కథ్యతే ।
భద్రకాలవీరభద్రౌ కమణ్డలుధరోఽప్యయమ్ ॥ ౧౨౮ ॥

అబ్భువనేశోఽపి తథా లక్ష్మీనాథోఽపి కథ్యతే ।
సరస్వతీశో దేవేశః ప్రభావేశోఽపి కథ్యతే ॥ ౧౨౯ ॥

తథైవ డిణ్డీవల్మీకనాథౌ పుష్కరనాయకః ।
మణ్డీశభారభూతేశౌ బిలాలకమహేశ్వర ॥ ౧౩౦ ॥

తేజోమణ్డలనాథోఽపి తేజోమణ్డలమూర్తిపః ।
తేజోమణ్డలవిశ్వేశశ్శివోఽగ్నిరపి కథ్యతే ॥ ౧౩౧ ॥

వాయుమణ్డలమూర్తిశ్చ వాయుమణ్డలధారకః ।
వాయుమణ్డలనాథశ్చ వాయుమణ్డలరక్షకః ॥ ౧౩౨ ॥

మహావాయుసువేగోఽయమాకాశమణ్డలేశ్వరః ।
ఆకాశమణ్డలధరస్తన్మూర్తిరపి సంస్మృతః ॥ ౧౩౩ ॥

ఆకాశమణ్డలాతీతస్తన్మణ్డలభువనపః ।
మహారుద్రశ్చ తన్మాత్రమణ్డలేశశ్చ సంస్మృతః ॥ ౧౩౪ ॥

తన్మాత్రమణ్డలపతిర్మహాశర్వమహాభవౌ ।
మహాపశుపీతశ్చాపి మహాభీమో మహాహరః ॥ ౧౩౫ ॥

కర్మేన్ద్రియమణ్డలేశస్తన్మణ్డలభువః పతిః పతిః ।
క్రియాసరస్వతీనాథః క్రియా ( శ్రియా) లక్ష్మీపతిస్తథా ॥ ౧౩౬ ॥

క్రియేన్ద్రియః క్రియామిత్రః క్రియాబ్రహ్మ పతిః పతిః ।
జ్ఞానేన్ద్రియమణ్డలేశః తన్మణ్డలభువనపః ॥ ౧౩౭ ॥

భూమిదేవదిశ్శివేశశ్చ వరుణోఽపి చ వహ్నిపః ।
వాతేశో వివిధావిష్టమణ్డలేశాబుభావపి ॥ ౧౩౮ ॥

విషయమణ్డలభువనేశో గన్ధర్వేశః శివేశ్వరః ।
ప్రాసాదబలభద్రశ్చ సూక్మేశో మానవేశ్వరః ॥ ౧౩౯ ॥

అన్తఃకరణమణ్డలేశో బుద్ధిచిత్తమనః పతిః ।
అహఙ్కారేశ్వరశ్చాపి గుణమణ్డలనాయకః ॥ ౧౪౦ ॥

సంవర్తస్తామసగుణపతిస్తద్భువనాధిపః ।
ఏకవీరః కృతాన్తశ్చ సన్న్యాసీ సర్వశఙ్కరః ॥ ౧౪౧ ॥

పురుషమృగానుగ్రహదస్ససాక్షీకో గుణాధిపః ।
కాక్షీకశ్చ భువనేశః కృతశ్చ కృతభైరవః ॥ ౧౪౨ ॥

బ్రహ్మాశ్రీకణ్ఠదేవోఽయం సరాజసగుణేశ్వరః ।
రాజసగుణభువనేశో బలాధ్యక్షశ్చ కథ్యతే ॥ ౧౪౩ ॥

గుణాధ్యక్షో మహాశాన్తో మహాత్రిపురఘాతకః ।
సర్వరూపీ నిమేషశ్చ ఉన్మేష ఇతి కథ్యతే ॥ ౧౪౪ ॥

ప్రకృతీమణ్డలేశోఽయం తన్మణ్డలభువనపః ।
శుభరామశుభభీమశుద్ధోగ్రశుద్ధభవ శుద్ధశర్వశుద్ధైకవీరాః ॥ ౧౪౫ ॥

ప్రచణ్డపురుషశుభగన్ధజనిరహితహరీశనాగమణ్డలేశాః ।
నాగమణ్డలభువనేశ అప్రతిష్ఠః ప్రతిష్ఠకః ॥ ౧౪౬ ॥

రూపాఙ్గమనోన్మనమహావీరస్వరూపకాః ।
కల్యాణబహువీరశ్చ బలమేధాదిచేతనః ॥ ౧౪౭ ॥

దక్షో నియతిమణ్డలేశో నియతిమణ్డలభువనపః ।
వాసుదేవశ్చ వజ్రీ చ విధాతాఽభ్రమణిః స్మృతః ॥ ౧౪౮ ॥

కలవికరణశ్చైవ బలవికరణస్తథా ।
బలప్రమథనశ్చైవ సర్వభూతదమశ్చ సః ॥ ౧౪౯ ॥

విద్యామణ్డలేశో విద్యామణ్డలభువనపః ।
మహాదేవో మహాజ్యోతిర్మహాదేవేశ ఇత్యపి ॥ ౧౫౦ ॥

కలామణ్డలేశశ్వ కలామణ్డలభువనపః ।
విశుద్ధశ్చ ప్రబుద్ధశ్చ శుద్ధశ్చైవ స్మృతశ్చ సః ॥ ౧౫౧ ॥

శుచివర్ణప్రకాశశ్చ మహోక్షోక్షా చ కీర్తితః ।
మాయాతన్వీశ్వరో మాయాభువనేశస్సుశక్తిమాన్ ॥ ౧౫౨ ॥

విద్యోతనో విశ్వబీజో జ్యోతీరూపశ్చ గోపతిః ।
త్రికాలబ్రహ్మకర్తా చ అనన్తేశశ్చ సంస్మృతః ॥ ౧౫౩ ॥

శుద్ధవిద్యేశః శుద్ధశ్చ విద్యాభువననాయకః ।
వామేశసర్వజ్యేష్ఠేశౌ రౌద్రీకాలేశ్వరావుభౌ ॥ ౧౫౪ ॥

కలవికరణీకశ్చ బలవికరణీశ్వరః ।
బలప్రమథినీశోఽపి సర్వభూతదమేశ్వరః ॥ ౧౫౫ ॥

మనోన్మనేశస్తత్త్వేశస్తథైవ భువనేశ్వరః ।
మహామహేశ్వరస్సదాశివతత్త్వేశ్వరావుభౌ ॥ ౧౫౬ ॥

సదాశివభువనేశో జ్ఞానవైరాగ్యనాయకః ।
ఐశ్వర్యేశశ్చ ధర్మేశస్సదాశివ ఇతి స్మృతః ॥ ౧౫౭ ॥

అణుసదాశివోఽప్యేష అష్టవిద్యేశ్వరోఽప్యయమ్ ।
శక్తితత్త్వేశ్వరశ్శక్తిభువనేశోఽపి కథ్యతే ॥ ౧౫౮ ॥

బిన్దుమూర్తిస్సప్తకోటిమహామన్త్రేశ్వరోఽప్యయమ్ ।
నివృత్తీశః ప్రతిష్ఠేశో విద్యేశశ్శాన్తినాయకః ॥ ౧౫౯ ॥

శాన్త్యతీతేశ్వరస్తద్వదర్ధచన్ద్రేశ్వరోఽప్యయమ్ ।
సుశాన్తీశశ్చ తథా శివాశ్రయసమాహ్వయః ॥ ౧౬౦ ॥

యోజనీయశ్చ యోజ్యశ్చ యోజనాతీతనాయకః ।
సుప్రభేదనిరోధీశౌ ఇన్ధనీరేచకేశ్వరః ॥ ౧౬౧ ॥

రౌద్రీశజ్ఞానబోధేశౌ తమోపహ ఇతి స్మృతః ।
నాదతత్త్వేశ్వరస్తద్వన్నాదాఖ్యభువనేశ్వరః ॥ ౧౬౨ ॥

ఇన్ధికేశో దీపికేశో మోచికేశశ్చ సంస్మృతః ।
ఊర్ధ్వగామినీశోఽపి ఇడానాథోఽపి కథ్యతే ॥ ౧౬౩ ॥

సుషుమ్నేశః పిఙ్గలేశో బ్రహ్మరన్ధ్రేశ్వరోఽప్యయమ్ ।
బ్రహ్మరన్ధ్రస్వరూపీశః పఞ్చబీజేశ్వరోఽప్యయమ్ ॥ ౧౬౪ ॥

అమృతేశశ్చ శక్తీశస్సూక్ష్మేశశ్చ సుసూక్ష్మపః ।
మృతేశశ్చామృతేశోఽపి వ్యాపినీశోఽపి కథ్యతే ॥ ౧౬౫ ॥

పరనాదేశ్వరో వ్యోమ వ్యోమరూపీ చ కథ్యతే ।
అనాశ్రితోఽప్యనన్తశ్చ అనాదశ్చ మునీశ్వరః ॥ ౧౬౬ ॥

ఉన్మనీశో మన్త్రమూర్తిర్మన్త్రేశో మన్త్రధారకః ।
మన్త్రాతీతః పదామూర్తిః పదేశః పదధారకః ॥ ౧౬౭ ॥

పదాతీతోఽక్షరాత్మా చ అక్షరేశోఽక్షరాశ్రయః ।
కలాతీతశ్చ తథా ఓఙ్కారాత్మా చ కథ్యతే ॥ ౧౬౮ ॥

ఓఙ్కారేశశ్చతథా ఓఙ్కారాసన ఈరితః ।
పరాశక్తిపతిస్తద్వదాదిశక్తిపతిశ్చ సః ॥ ౧౬౯ ॥

ఇచ్ఛాశక్తిపతిశ్చైవ జ్ఞానశక్తిపతిశ్చ సః ।
క్రియాశక్తిపతిస్తద్వత్ శివసాదాఖ్య ఈరితః ॥ ౧౭౦ ॥

అమూర్తిసాదారవ్యశ్చైవ మూర్తిసాదారవ్య ఈరితః ।
కర్తృసాదాఖ్యశ్చ తథా కర్మసాదాఖ్య ఈరితః ॥ ౧౭౧ ॥

సర్వస్రష్టా సర్వరక్షాకారకస్సర్వహారకః ।
తిరోభావకృదప్యేష సర్వానుగ్రాహకస్తథా ॥ ౧౭౨ ॥

నిరఞ్జనోఽచఞ్చలశ్చ విమలోఽనల ఈరితః ।
సచ్చిదానన్దరూపీ చ విష్ణుచక్రప్రసాదకృత్ ॥ ౧౭౩ ॥

సర్వవ్యాపీ తథాద్వైతవిశిష్టాద్వైతకావుభౌ ।
పరిపూర్ణో లిఙ్గరూపో మహాలిఙ్గస్వరూపవాన్ ॥ ౧౭౪ ॥

శ్రీసూతః –
ఏవమాఖ్యాతమధునా యుష్మాకం బ్రాహ్మణోత్తమాః ।
అష్టోత్తరసహస్రాణి నామాని గిరిజాపతేః ॥ ౧౭౫ ॥

యః పఠేచ్ఛమ్భునామాని పవిత్రాణి మహామతిః ।
శృణుయాద్వాపి భక్త్యా స రుద్ర ఏవ న సంశయః ॥ ౧౭౬ ॥

స ధన్యస్స కులీనశ్చ స పూజ్యస్స మహత్తరః ।
తస్యైవ చ మహాలక్ష్మీస్తస్యైవ చ సరస్వతీ ॥ ౧౭౭ ॥

స శక్తానపి సఙ్గ్రామే విభీషయతి రుద్రవత్ ।
పుత్రార్థీ పుత్రమాప్నోతి ధనార్థీ చ మహద్ధనమ్ ॥ ౧౭౮ ॥

ఆరోగ్యకామస్త్వారోగ్యమవ్యాధిదృఢగాత్రతామ్ ।
శిఖాయాం ధారయేద్యోఽసౌ లిఖిత్వా పుస్తకే సదా ॥ ౧౭౯ ॥

రాజద్వారే చ సదసి స వశీకురుతే జనాన్ ।
న చ హింసన్తి సర్పాద్యా రాక్షసా న పిశాచకాః ॥

కిం పునర్బ్రాహ్మణశ్రేష్ఠాస్సర్వాన్కామాన్ లభేదయమ్ ॥ ౧౮౦ ॥

॥ ఇతి శ్రీస్కన్దమహాపురాణే శఙ్కరసంహితాయాం శివరహస్యఖణ్డే
ఉపదేశకాణ్డే శ్రీశివసహస్రనామస్తోత్రం సమ్పూర్ణమ్ ॥

Also Read:

1000 Names of Sri Shiva | Sahasranama Stotram from Skanda Mahapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Shiva from Skanda Mahapurana Lyrics in Telugu

Leave a Reply

Your email address will not be published. Required fields are marked *

Scroll to top