Shiva Sahasranama Stotram from Saurapurana in Malayalam:
॥ ശ്രീശിവസഹസ്രനാമസ്തോത്രം ശ്രീസൌരപുരാണാന്തര്‍ഗതം ॥
ഋഷയ ഊചു –
സുദര്‍ശനാഖ്യം യച്ചക്രം ലബ്ധവാംസ്തത്കഥം ഹരിഃ ।
മഹാദേവാദ്ഭഗവതഃ സത്ത തദ്വക്തുമര്‍ഹസി ॥ 1 ॥
സൂത ഉവാച –
ദേവാസുരാണാമഭവത്സങ്ഗ്രാമോഽദ്ഭുതദര്‍ശനഃ ।
ദേവാ വിനിര്‍ജിതാ ദൈത്യൈര്‍വിഷ്ണും ശരണമാഗതാഃ ॥ 2 ॥
സ്തുത്വാ തം വിവിധൈഃ സ്തോത്രൈഃ പ്രണംയ പുരതഃ സ്ഥിതാഃ ।
ഭയഭീതാശ്ച തേ സര്‍വേ ക്ഷതാങ്ഗാഃ ക്ലേശിതാ ഭൃശം ॥ 3 ॥
താന്ദൃഷ്ട്വാ പ്രാഹ ഭഗവാന്ദേവദേവോ ജനാര്‍ദനഃ ।
കിമര്‍ഥമാഗതാ ദേവാ വക്തുമര്‍ഹഥ സാമ്പ്രതം ॥ 4 ॥
വചഃ ശ്രുത്വാ ഹരേര്‍ദേവാഃ പ്രണംയോചുഃ സുരോത്തമാഃ ।
നിര്‍ജിതാ ദാനവൈഃ സര്‍വേ ശരണം ത്വാമിഹാഽഽഗതാഃ ॥ 5 ॥
ഗതിസ്ത്വമേവ ദേവാനാം ത്രാതാ ത്വം പുരുഷോത്തമ ।
ഹന്തുമര്‍ഹസി താഞ്ശീഘ്രമവധ്യാന്വാരിജേക്ഷണ ॥ 6 ॥
ജാലന്ധരവധാര്‍ഥായ യച്ചക്രം ശൂലപാണിനഃ ।
മഹാദേവവരാല്ലബ്ധം ജഹി തേന മഹാബലാന്‍ ॥ 7 ॥
തേഷാം തദ്വചനം ശ്രുത്വാ ഭഗവാന്വാരിജേക്ഷണഃ ।
അഹം ദേവാസ്തഥാ നൂനം കരിഷ്യാമീതി സുവ്രതാഃ ॥ 8 ॥
ഹിമവത്പര്‍വതം ഗത്വാ പൂജയാമാസ ശങ്കരം ।
ലിങ്ഗം തത്ര പ്രതിഷ്ഠാപ്യ സ്നാപ്യ ഗന്ധോദകൈഃ ശുഭൈഃ ॥ 9 ॥
ത്വരിതാഖ്യേന രുദ്രേണ സമ്പൂജ്യ ച മഹേശ്വരം ।
തതോ നാംനാം സഹസ്രേണ തുഷ്ടാവ പരമേശ്വരം ॥ 10 ॥
പ്രതിനാമ ച പദ്മാനി തൈരിഷ്ട്വാ വൃഷഭധ്വജം ।
ഭവാദ്യൈര്‍നാമഭിര്‍ഭക്ത്യാ സ്തോതും സമുപചക്രമേ ॥ 11 ॥
ശ്രീവിഷ്ണുരുവാച –
ഭവഃ ശിവോ ഹരോ രുദ്രഃ പുഷ്കലോ മുഗ്ധലോചനഃ ।
അഗ്രഗണ്യഃ സദാചാരഃ സര്‍വഃ ശംഭുര്‍മഹേശ്വരഃ ॥ 12 ॥
ഈശ്വരഃ സ്ഥാണുരീശാനഃ സഹസ്രാക്ഷഃ സഹസ്രപാത് ।
വരീയാന്വരദോ വന്ദ്യഃ ശങ്കരഃ പരമേശ്വരഃ ॥ 13 ॥
ഗങ്ഗാധരഃ ശൂലധരഃ പരാര്‍ഥൈകപ്രയോജകഃ ।
സര്‍വജ്ഞഃ സര്‍വദേവാദിര്‍ഗിരിധന്വാ ജടാധരഃ ॥ 14 ॥
ചന്ദ്രാപീഡശ്ചന്ദ്രമൌലിര്‍വേധാ വിശ്വാമരേശ്വരഃ ।
വേദാന്തസാരസന്ദോഹഃ കപാലീ നീലലോഹിതഃ ॥ 15 ॥
ധ്യാനാഹാരോഽപരിച്ഛേദ്യോ ഗൌരീഭര്‍താ ഗണേശ്വരഃ ।
അഷ്ടമൂര്‍തിര്‍വിശ്വമൂര്‍തിസ്ത്രിവര്‍ഗഃ സ്വര്‍ഗസാധനഃ ॥ 16 ॥
ജ്ഞാനഗംയോ ദൃഢപ്രജ്ഞോ ദേവദേവസ്ത്രിലോചനഃ ।
വാമദേവോ മഹാദേവഃ പടുഃ പരിവൃഢോ ദൃഢഃ ॥ 17 ॥
വിശ്വരൂപോ വിരൂപാക്ഷോ വാഗീശഃ ശ്രുതിമന്ത്രഗഃ ।
സര്‍വപ്രണവസംവാദീ വൃഷാങ്കോ വൃഷവാഹനഃ ॥ 18 ॥
ഈശഃ പിനാകീ ഖട്വാങ്ഗീ ചിത്രവേഷശ്ചിരന്തനഃ ।
മനോമയോ മഹായോഗീ സ്ഥിരോ ബ്രഹ്മാണ്ഡധൂര്‍ജടീ ॥ 19 ॥
കാലകാലഃ കൃത്തിവാസാഃ സുഭഗഃ പ്രണവാത്മകഃ ।
നാഗചൂഡഃ സുചക്ഷുഷ്യോ ദുര്‍വാസാഃ പുരശാസനഃ ॥ 20 ॥
ദൃഗായുധഃ സ്കന്ദഗുരുഃ പരമേഷ്ഠീ പരായണഃ ।
അനാദിമധ്യനിധനോ ഗിരീശോ ഗിരിജാധവഃ ॥ 21 ॥
കുബേരബന്ധുഃ ശ്രീകണ്ഠോ ലോകവന്ദ്യോത്തമോ മൃദുഃ ।
സാമാന്യോ ദേവകോ ദണ്ഡീ നീലകണ്ഠഃ പരശ്വധീഃ ॥ 22 ॥
വിശാലാക്ഷോ മഹാവ്യാധഃ സുരേശഃ സൂര്യതാപനഃ ।
ധര്‍മധാമാ ക്ഷമാക്ഷേത്രം ഭഗവാന്‍ഭഗനേത്രഹാ ॥ 23 ॥
ഉഗ്രഃ പശുപതിസ്താര്‍ക്ഷ്യഃ പ്രിയഭക്തഃ പ്രിയംവദഃ ।
ദാതാ ദയാകരോ ദക്ഷഃ കപര്‍ദീ കാമശാസനഃ ॥ 24
ശ്മശാനനിലയസ്തിഷ്യഃ ശ്മശാനസ്ഥോ മഹേശ്വരഃ ।
ലോകകര്‍താ ഭൂതപതിര്‍മഹാകര്‍താ മഹൌഷധിഃ ॥ 25 ॥
ഉത്തരോ ഗോപതിര്‍ഗോപ്താ ജ്ഞാനഗംയഃ പുരാതനഃ ।
നീതിഃ സുനീതിഃ ശുദ്ധാത്മാ സോമഃ സോമരതഃ സുധീഃ ॥ 25 ॥
സോമപോഽമൃതപഃ സൌംയോ മഹാനീതിര്‍മഹാസ്മൃതിഃ ।
അജാതശത്രുരാലോക്യഃ സംഭാവ്യോ ഹവ്യവാഹനഃ ॥ 27 ॥
ലോകകാരോ വേദകാരഃ സൂത്രകാരഃ സനാതനഃ ।
മഹര്‍ഷിഃ കപിലാചാര്യോ വിശ്വദീപ്തിര്‍വിലോചനഃ ॥ 28 ॥
പിനാകപാണിര്‍ഭൂദേവഃ സ്വസ്തികൃത്സ്വസ്തിദഃ സുധാ ।
ധാത്രീധാമാ ധാമകരഃ സര്‍വഗഃ സര്‍വഗോചരഃ ॥ 29 ॥
ബ്രഹ്മസൃഗ്വിശ്വസൃക്സര്‍ഗഃ കര്‍ണികാരഃ പ്രിയഃ കവിഃ ।
ശാഖോ വിശാഖോ ഗോശാഖഃ ശിവോ ഭിഷഗനുത്തമഃ ॥ 30 ॥
ഗങ്ഗാപ്ലവോദകോ ഭവ്യഃ പുഷ്കലഃ സ്ഥപതിഃ സ്ഥിതഃ ।
വിജിതാത്മാ വിധേയാത്മാ ഭൂതവാഹനസാരഥിഃ ॥ 31 ॥
സഗണോ ഗണകായശ്ച സുകീര്‍തിശ്ഛിന്നസംശയഃ ।
കാമദേവഃ കാമകാലോ ഭസ്മോദ്ധൂലിതവിഗ്രഹഃ ॥ 32 ॥
ഭസ്മപ്രിയോ ഭസ്മശായീ കാമീ കാന്തഃ കൃതാഗമഃ ।
സമാവൃത്തോ നിവൃത്താത്മാ ധര്‍മപുഞ്ജഃ സദാശിവഃ ॥ 33 ॥
അകല്‍മഷശ്ചതുര്‍ബാഹുഃ സര്‍വാവാസോ ദുരാസദഃ ।
ദുര്ലഭോ ദുര്‍ഗമോ ദുര്‍ഗഃ സര്‍വായുധവിശാരദഃ ॥ 34 ॥
അധ്യാത്മയോഗനിലയഃ സുതന്തുസ്തന്തുവര്‍ധനഃ ।
ശുഭാങ്ഗോ യോഗസാരങ്ഗോ ജഗദീശോ ജനാര്‍ദനഃ ॥ 35 ॥
ഭസ്മശുദ്ധികരോ മേരുസ്തേജസ്വീ ശുദ്ധവിഗ്രഹഃ ।
ഹിരണ്യരേതാസ്തരണിര്‍മരീചിര്‍മഹിമാലയഃ ॥ 36 ॥
മഹാഹ്രദോ മഹാഗര്‍തഃ സിദ്ധവൃന്ദാരവന്ദിതഃ ।
വ്യാഘ്രചര്‍മധരോ വ്യാലീ മഹാഭൂതോ മഹാനിധിഃ ॥ 37 ॥
അമൃതാത്മാഽമൃതവപുഃ പഞ്ചയജ്ഞഃ പ്രഭഞ്ജനഃ ।
പഞ്ചവിംശതിതത്ത്വസ്ഥഃ പാരിജാതഃ പരാപരഃ ॥ 38 ॥
സുലഭഃ സുവ്രതഃ ശൂരോ വാഗ്മായൈകനിധിര്‍നിധിഃ ।
വര്‍ണാശ്രമഗുരുര്‍വര്‍ണീ ശത്രുജിച്ഛത്രുതാപനഃ ॥ 39 ॥
ആശ്രമഃ ക്ഷപണഃ ക്ഷാമോ ജ്ഞാനവാനചലശ്ചലഃ ।
പ്രമാണഭൂതോ ദുര്‍ജ്ഞേയഃ സുപര്‍ണോ വായുവാഹനഃ ॥ 40 ॥
ധനുര്‍ധരോ ധനുര്‍വേദോ ഗുണരാശിര്‍ഗുണാകരഃ ।
അനന്തദൃഷ്ടിരാനന്ദോ ദണ്ഡോ ദമയിതാ ദമഃ ॥ 41 ॥
അവിവാദ്യോ മഹാകായോ വിശ്വകര്‍മാ വിശാരദഃ ।
വീതരാഗോ വിനീതാത്മാ തപസ്വീ ഭൂതവാഹനഃ ॥ 42 ॥
ഉന്‍മത്തവേഷഃ പ്രച്ഛന്നോ ജിതകാമോ ജിതപ്രിയഃ ।
കല്യാണപ്രകൃതിഃ കല്‍പഃ സര്‍വലോകപ്രജാപതിഃ ॥ 43 ॥
തപസ്വീ താരകോ ധീമാന്‍പ്രധാനപ്രഭുരവ്യയഃ ।
ലോകപാലോഽന്തര്‍ഹിതാത്മാ കല്‍പാദിഃ കമലേക്ഷണഃ ॥ 44
വേദശാസ്ത്രാര്‍ഥതത്ത്വജ്ഞോ നിയമോ നിയമാശ്രയഃ ।
രാഹുഃ സൂര്യഃ ശനിഃ കേതുര്‍വിരാമോ വിദ്രുമച്ഛവിഃ ॥ 45 ॥
ഭക്തിഗംയഃ പരം ബ്രഹ്മ മൃഗബാണാര്‍പണോഽനഘഃ ।
അദ്രിദ്രോണികൃതസ്ഥാനഃ പവനാത്മാ ജഗത്പതിഃ ॥ 46 ॥
സര്‍വകര്‍മാചലസ്ത്വഷ്ടാ മങ്ഗഽല്യോ മങ്ഗലപ്രദഃ ।
മഹാതപാ ദീര്‍ഘതപാഃ സ്ഥവിഷ്ണുഃ സ്ഥവിരോ ധ്രുവഃ ॥ 47 ॥
അഹഃ സംവത്സരോ വ്യാലഃ പ്രമാണം പരമം തപഃ ।
സംവത്സരകരോ മന്ത്രഃ പ്രത്യയഃ സര്‍വദര്‍ശനഃ ॥ 48 ॥
അജഃ സര്‍വേശ്വരഃ സിദ്ധോ മഹാരേതാ മഹാബലഃ ।
യോഗീ യോഗോ മഹാദേവഃ സിദ്ധഃ സര്‍വാദിരച്യുതഃ ॥ 49 ॥
വസുര്‍വസുമനാഃ സത്യഃ സര്‍വപാപഹരോ ഹരഃ ।
അമൃതഃ ശാശ്വതഃ ശാന്തോ ബാണഹസ്തഃ പ്രതാപവാന്‍ ॥ 50 ॥
കമണ്ഡലുധരോ ധന്വീ വേദാങ്ഗോ വേദവിന്‍മുനിഃ ।
ഭ്രാജിഷ്ണുര്‍ഭോജനം ഭോക്താ ലോകനേതാ ദുരാധരഃ ॥ 51 ॥
അതീന്ദ്രിയോ മഹാമായഃ സര്‍വാവാസശ്ചതുഷ്പഥഃ ।
കാലയോഗീ മഹാനാദോ മഹോത്സാഹോ മഹാചലഃ ॥ 52 ॥
മഹാബുദ്ധിര്‍മഹാവീര്യോ ഭൂതചാരീ പുരന്ദരഃ ।
നിശാചരഃ പ്രേതചാരീ മഹാശക്തിര്‍മഹാദ്യുതിഃ ॥ 53 ॥
അനിര്‍ദേശ്യവപുഃ ശ്രീമാന്‍സര്‍വാകര്‍ഷകരോ മതഃ ।
ബഹുശ്രുതോ ബഹുമായോ നിയതാത്മാഽഭയോദ്ഭവഃ ॥ 54 ॥
ഓജസ്തേജോദ്യുതിധരോ നര്‍തകഃ സര്‍വനായകഃ ।
നിത്യഘണ്ടാപ്രിയോ നിത്യപ്രകാശാത്മാ പ്രതാപനഃ ॥ 55 ॥
ഋദ്ധഃ സ്പഷ്ടാക്ഷരോ മന്ത്രഃ സങ്ഗ്രാമഃ ശാരദപ്ലവഃ ।
യുഗാദികൃദ്യുഗാവര്‍തോ ഗംഭീരോ വൃഷവാഹനഃ ॥ 56 ॥
ഇഷ്ടോ വിശിഷ്ടഃ ശിഷ്ടേഷ്ടഃ ശരഭഃ സരഭോ ധനുഃ ।
അപാം നിധിരധിഷ്ഠാനം വിജയോ ജയകാലവിത് ॥ 57 ॥
പ്രതിഷ്ഠിതഃ പ്രമാണജ്ഞോ ഹിരണ്യകവചോ ഹരിഃ ।
വിമോചനം സുരഗണോ വിദ്യേശോ വിബുധാശ്രയഃ ॥ 58 ॥
ബാലരൂപോ ബലോന്‍മായീ വികര്‍താ ഗഹനോ ഗുഹഃ ।
കരണം കാരണം കര്‍താ സര്‍വബന്ധപ്രമോചനഃ ॥ 59 ॥
വ്യവസായോ വ്യവസ്ഥാനഃ സ്ഥാനദോ ജനദാദിജഃ ।
ദുന്ദുഭോ ലലിതോ വിശ്വോ ഭവാത്മാഽഽത്മനി സംസ്ഥിതഃ ॥ 60 ॥
രാജരാജപ്രിയോ രാമോ രാജചൂഡാമണിഃ പ്രഭുഃ ।
വീരേശ്വരോ വീരഭദ്രോ വീരാസനവിധിര്‍വിരാട് ॥ 61 ॥
വീരചൂഡാമണിഹര്‍താ തീവ്രാനന്ദോ നദീധരഃ ।
ആത്മാധാരസ്ത്രിശൂലാങ്കഃ ശിപിവിഷ്ടഃ ശിവാശ്രയഃ ॥ 62 ॥
ബാലഖില്യോ മഹാചാരസ്തിഗ്മാംശുര്‍വാരിധിഃ ഖഗഃ ।
അഭിരാമഃ സുശരണ്യഃ സുബ്രഹ്മണ്യഃ സുധാപതിഃ ॥ 63 ॥
മധുമാന്‍കൌശികോ ഗോമാന്വിരാമഃ സര്‍വസാധനഃ ।
ലലാടാക്ഷോ വിശ്വദേഹഃ സാരഃ സംസാരചക്രഭൃത് ॥ 64 ॥
അമോഘദണ്ഡോ മധ്യസ്ഥോ ഹിരണ്യോ ബ്രഹ്മവര്‍ചസീ ।
പരബ്രഹ്മപദോ ഹംസഃ ശബരോ വ്യാഘ്രകോഽനലഃ ॥ 65 ॥
രുചിര്‍വരരുചിര്‍വന്ദ്യോ വാചസ്പതിരഹര്‍പതിഃ ।
രവിര്‍വിരോചനഃ സ്കന്ദഃ ശാസ്താ വൈവസ്വതോഽര്‍ജുനഃ ॥ 66 ॥
മുക്തിരുന്നതകീര്‍തിശ്ച ശാന്തരാമഃ പുരഞ്ജയഃ ।
കൈലാസപതിഃ കാമാരിഃ സവിതാ രവിലോചനഃ ॥ 67 ॥
വിദ്വത്തമോ വീതഭയോ വിശ്വകര്‍മാഽനിവാരിതഃ ।
നിത്യോ നിയതകല്യാണഃ പുണ്യശ്രവണകീര്‍തനഃ ॥ 68 ॥
ദൂരശ്രവാ വിശ്വസഹോ ധ്യേയോ ദുഃസ്വപ്നനാശനഃ ।
ഉത്താരകോ ദുഷ്കൃതിഹാ ദുര്‍ധര്‍ഷോ ദുഃസഹോഽഭയഃ ॥ 69 ॥
അനാദിര്‍ഭൂര്‍ഭുവോ ലക്ഷ്മീഃ കിരീടീ ത്രിദശാധിപഃ ।
വിശ്വഗോപ്താ വിശ്വഹര്‍താ സുവീരോ രുചിരാങ്ഗദീ ॥ 70 ॥
ജനനോ ജനജന്‍മാദിഃ പ്രീതിമാന്നീതിമാനഥ ।
വസിഷ്ഠഃ കശ്യപോ ഭാനുര്‍ഭീമോ ഭീമപരാക്രമഃ ॥ 71 ॥
പ്രണവഃ സത്പഥാചാരോ മഹാകായോ മഹാധനുഃ ।
ജന്‍മാധിപോ മഹാദേവഃ സകലാഗമപാരഗഃ ॥ 72 ॥
തത്ത്വം തത്ത്വവിദേകാത്മാ വിഭൂതിര്‍ഭൂതിഭൂഷണഃ ।
ഋഷിര്‍ബ്രാഹ്മണവിദ്വിഷ്ണുര്‍ജന്‍മമൃത്യുജരാതിഗഃ ॥ 73 ॥
യജ്ഞോ യജ്ഞപതിര്യജ്വാ യജ്ഞാന്തോഽമോഘവിക്രമഃ ।
മഹേന്ദ്രോ ദുര്‍ഭരഃ സേനീ യജ്ഞാങ്ഗോ യജ്ഞവാഹനഃ ॥ 74 ॥
പഞ്ചബ്രഹ്മസമുത്പത്തിര്‍വിശ്വതോ വിമലോദയഃ ।
ആത്മയോനിരനാദ്യന്തഃ പട്ത്രിംശോ ലോകഭൃത്കവിഃ ॥ 75 ॥
ഗായത്രീവല്ലഭഃ പ്രാംശുര്‍വിശ്വാവാസഃ സദാശിവഃ ।
ശിശുര്‍ഗിരിരതഃ സംരാട് സുഷേണഃ സുരശത്രുഹാ ॥ 76 ॥
അമേയോഽരിഷ്ടമഥനോ മുകുന്ദോ വിഗതജ്വരഃ ।
സ്വയഞ്ജ്യോതിരനുജ്യോതിരചലഃ പരമേശ്വരഃ ॥ 77 ॥
പിങ്ഗലഃ കപിലശ്മശ്രുഃ ശാസ്ത്രനേത്രസ്ത്രയീതനുഃ ।
ജ്ഞാനസ്കന്ധോ മഹാജ്ഞാനീ വീരോത്പത്തിരുപപ്ലവീ ॥ 78 ॥
ഭഗോ വിവസ്വാനാദിത്യോ യോഗാചാരോ ദിവസ്പതിഃ ।
ഉദാരകീര്‍തിരുദ്യോഗീ സദ്യോഗീ സദസന്‍മയഃ ॥ 79 ॥
നക്ഷത്രമാര്ലാ നാകേശഃ സ്വാധിഷ്ഠാനഷഡാശ്രയഃ ।
പവിത്രപാദഃ പാപാരിര്‍മണിപൂരോ നഭോഗതിഃ ॥ 80 ॥
ഹൃത്പുണ്ഡരീകമാസീനഃ ശുക്രാശാനോ വൃഷാകപിഃ ।
തുഷ്ടോ ഗൃഹപതിഃ കൃഷ്ണഃ സമര്‍ഥോഽനര്‍ഥശാസനഃ ॥ 81 ॥
അധര്‍മശത്രുരക്ഷയ്യഃ പുരുഹൂതഃ പുരുഷ്ടുതഃ ॥
ബൃഹദ്ഭുജോ ബ്രഹ്മഗര്‍ഭോ ധര്‍മധേനുര്‍ധനാഗമഃ ॥ 82 ॥
ജഗദ്ധിതൈഷീ സുഗതഃ കുമാരഃ കുശലാഗമഃ ।
ഹിരണ്യഗര്‍ഭോ ജ്യോതിഷ്മാനുപേന്ദ്രസ്തിമിരാപഹഃ ॥ 83 ॥
അരോഗസ്തപനാധ്യക്ഷോ വിശ്വാമിത്രോ ദ്വിജേശ്വരഃ ।
ബ്രഹ്മജ്യോതിഃ സുബുദ്ധാത്മാ ബൃഹജ്ജ്യോതിരനുത്തമഃ ॥ 84
മാതാമഹോ മാതരിശ്വാ മനസ്വീ നാഗഹാരധൃക് ।
പുലസ്ത്യഃ പുലഹോഽഗസ്ത്യോ ജാതൂകര്‍ണ്യഃ പരാശരഃ ॥
നിരാവരണവിജ്ഞാനോ വിരഞ്ചോ വിഷ്ടരശ്രവാഃ ।
ആത്മഭൂരനിരുദ്ധോഽത്രിര്‍ജ്ഞാനമൂര്‍തിര്‍മഹായശാഃ ॥ 86 ॥
ലോകചൂഡാമണിര്‍വീരശ്ചന്ദ്രഃ സത്യപരാക്രമഃ ।
വ്യാലകല്‍പോ മഹാകല്‍പഃ കല്‍പവൃക്ഷഃ കലാനിധിഃ ॥ 87 ॥
അലകരിഷ്ണുരചലോ രോചിഷ്ണുര്‍വിക്രമോത്തമഃ ।
ആശുഃ സപ്തപതിര്‍വേഗീ പ്ലവനഃ ശിഖിസാരഥിഃ ॥ 88 ॥
അസന്തുഷ്ടോഽതിഥിഃ ശുക്തഃ പ്രമാഥീ പാപശാസനഃ ।
വസുശ്രവാഃ കവ്യവാഹഃ പ്രതപ്തോ വിശ്വഭോജനഃ ॥ 89 ॥
ജയോ ജരാരിശമനോ ലോഹിതാശ്വസ്തനൂനപാത് ।
പൃഷദശ്വോ നഭോയോനിഃ സുപ്രതീകസ്തമിസ്രഹാ ॥ 90 ॥
നിദാഘസ്തപനോ മേഘഃ പക്ഷഃ പരപുരഞ്ജയഃ ।
സുഖീ നീലഃ സുനിഷ്പന്നഃ സുരഭിഃ ശിശിരാത്മകഃ ॥ 91 ॥
വസന്തോ മാധവോ ഗ്രീഷ്മോ നഭസ്യോ ബീജവാഹനഃ ।
മനോ ബുദ്ധിരഹങ്കാരഃ ക്ഷേത്രജ്ഞഃ ക്ഷേത്രപാലകഃ ॥ 92 ॥
ജമദഗ്നിര്‍ജലനിധിര്‍വിപാകോ വിശ്വകാരകഃ ।
അധരോഽനുത്തരോ ജ്ഞേയോ ജ്യേഷ്ഠോ നിഃശ്രേയസാലയഃ ॥ 93 ॥
ശൈലോ നാമ തരുര്‍ദാഹോ ദാനവാരിരരിന്ദമഃ ।
ചാമുണ്ഡീ ജനകശ്ചാരുര്‍നിഃശല്യോ ലോകശല്യഹൃത് ॥ 94 ॥
ചതുര്‍വേദശ്ചതുര്‍ഭാവശ്ചതുരശ്ചത്വരപ്രിയഃ ।
ആംനായോഽഥ സമാംനായരതീര്‍ഥദേവഃ ശിവാലയഃ ॥ 95 ॥
വജ്രരൂപോ മഹാദേവഃ സര്‍വരൂപശ്ചരാചരഃ ।
ന്യായനിര്‍വാഹകോ ന്യായോ ന്യായഗംയോ നിരഞ്ജനഃ ॥ 96 ॥
സഹസ്രമൂര്‍ധാ ദേവേന്ദ്രഃ സര്‍വശസ്ത്രപ്രഭഞ്ജനഃ ।
മുണ്ഡോ വിരൂപോ വികൃതോ ദണ്ഡീ ദാന്തോ ഗുണോത്തരഃ ॥ 97 ॥
പിങ്ഗലാക്ഷോഽഥ ഹര്യശ്വോ നീലഗ്രീവോ നിരാമയഃ ।
സഹസ്രബാഹുഃ സര്‍വേശഃ ശരണ്യഃ സര്‍വലോകധൃക് ॥ 98 ॥
പദ്മാസനഃ പരം ജ്യോതിഃ പരാവരഃ പരം ഫലം ।
പദ്മഗര്‍ഭോ മഹാഗര്‍ഭോ വിശ്വഗര്‍ഭോ വിലക്ഷണഃ ॥ 99 ॥
യജ്ഞഭുഗ്വരദോ ദേവോ വരേശശ്ച മഹാസ്വനഃ ।
ദേവാസുരഗുരുര്‍ദേവഃ ശങ്കരോ ലോകസംഭവഃ ॥ 100 ॥
സര്‍വവേദമയോഽചിന്ത്യോ ദേവതാസത്യസംഭവഃ ।
ദേവാധിദേവോ ദേവര്‍ഷിര്‍ദേവാസുരവരപ്രദഃ ॥ 101 ॥
ദേവാസുരേശ്വരോ ദിവ്യോ ദേവാസുരമഹേശ്വരഃ ।
ദേവാസുരാണാം വരദോ ദേവാസുരനമസ്കൃതഃ ॥ 102 ॥
ദേവാസുരമഹാമാത്രോ ദേവാസുരമഹാശ്രയഃ ।
സര്‍വദേവമയോഽചിന്ത്യോ ദേവാനാമാത്മസംഭവഃ ॥ 103 ॥
ഈഡ്യോഽനീശഃ സുരവ്യാപ്തോ ദേവസിംഹോ ദിവാകരഃ ।
വിബുധാഗ്രവരഃ ശ്രേഷ്ഠഃ സര്‍വദേവോത്തമോത്തമഃ ॥ 104 ॥
ശിവധ്യാനരതഃ ശ്രീമാഞ്ശിഖീ ശ്രീപര്‍വതപ്രിയഃ ।
വജ്രഹസ്തഃ പ്രതിഷ്ടംഭീ വിശ്വജ്ഞാനീ നിശാകരഃ ॥ 105 ॥
ബ്രഹ്മചാരീ ലോകചാരീ ധര്‍മചാരീ ധനാധിപഃ ।
നന്ദീ നന്ദീശ്വരോ നഗ്നോ നഗ്നവ്രതധരഃ ശുചിഃ ॥ 106 ॥
ലിങ്ഗാധ്യക്ഷഃ സുരാധ്യക്ഷോ ധര്‍മാധ്യക്ഷോ യുഗാവഹഃ ।
സ്വവശഃ സ്വര്‍ഗതഃ സ്വര്‍ഗഃ സര്‍ഗഃ സ്വരമയഃ സ്വനഃ ॥ 107 ॥
ബീജാധ്യക്ഷോ ബീജകര്‍താ ധര്‍മകൃദ്ധര്‍മവര്‍ധനഃ ।
ദംഭോഽദംഭോ മഹാദംഭഃ സര്‍വേഭൂതമഹേശ്വരഃ ॥ 108 ॥
ശ്മശാനനിലയസ്തിഷ്യഃ സേതുരപ്രതിമാകൃതിഃ ।
ലോകോത്തരഃ സ്ഫുതാലോകസ്ത്ര്യംബകോ ഭക്തവത്സലഃ ॥ 109 ॥
അന്ധകാരിര്‍മഖദ്വേഷീ വിഷ്ണുകന്ധരപാതനഃ ।
വീതദോഷോഽക്ഷയഗുണോഽന്തകാരിഃ പൂഷദന്തഭിത് ॥ 110 ॥
ധൂര്‍ജടിഃ ഖണ്ഡപരശുഃ സകലോ നിഷ്കലോഽനഘഃ ।
ആകാരഃ സകലാധാരഃ പാണ്ഡുരാഗോ മൃഗോ നടഃ ॥ 111 ॥
പൂര്‍ണഃ പൂരയിതാ പുണ്യഃ സുകുമാരഃ സുലോചനഃ ।
സാമഗേയഃ പ്രിയഃ ക്രൂരഃ പൂണ്യകീര്‍തിരനാമയഃ ॥ 112 ॥
മനോജവസ്തീര്‍ഥകരോ ജടിലോ ജീവിതേശ്വരഃ ।
ജീവിതാന്തകരോഽനന്തോ വസുരേതാ വസുപ്രദഃ ॥ 113 ॥
സദ്ഗതിഃ സത്കൃതിഃ ശാന്തഃ കാലകണ്ഠഃ കലാധരഃ ।
മാനീ മന്തുര്‍മഹാകാലഃ സദ്ഭൂതിഃ സത്പരായണഃ ॥ 114 ॥
ചന്ദ്രസഞ്ജീവനഃ ശാസ്താ ലോകരൂഢോ മഹാധിപഃ ।
ലോകബന്ധുര്ലോകനാഥഃ കൃതജ്ഞഃ കൃതഭൂഷണഃ ॥ 115 ॥
അനപായോഽക്ഷരഃ ശാന്തഃ സര്‍വശസ്ത്രഭൃതാം വരഃ ।
തേജോമയോ ദ്യുതിധരോ ലോകമായോഽഗ്രണീരണുഃ ॥ 116 ॥
സുവിസ്മിതഃ പ്രസന്നാത്മാ ദുര്‍ജയോ ദുരതിക്രമഃ ।
ജ്യോതിര്‍മയോ നിരാകാരോ ജഗന്നാഥോ ജലേശ്വരഃ ॥ 117 ॥
തുംബീ വീണാ മഹാശോകോ വിശോകഃ ശോകനാശനഃ ।
ത്രിലോകേശസ്രിലോകാത്മാ സിദ്ധിഃ ശുദ്ധിരധോക്ഷജഃ ॥ 118 ॥
അവ്യക്തലക്ഷണോ വ്യക്തോ വ്യക്താവ്യക്തോ വിശാമ്പതിഃ ।
വരശീലോ വരഗുണോ ഗതോ ഗവ്യയനോ മയഃ ॥ 119 ॥
ബ്രഹ്മാ വിഷ്ണുഃ പ്രജാപാലോ ഹംസോ ഹംസഗതിര്‍മതഃ ।
വേധാ വിധാതാ സ്രഷ്ടാ ച കര്‍താ ഹര്‍താ ചതുര്‍മുഖഃ ॥ 120 ॥
കൈലാസശിഖരാവാസീ സര്‍വാവാസീ സദാഗതിഃ ।
ഹിരണ്യഗര്‍ഭോ ഗഗനഃ പുരുഷഃ പൂര്‍വജഃ പിതാ ॥ 121 ॥
ഭൂതാലയോ ഭൂതപതിര്‍ഭൂതിദോ ഭുവനേശ്വരഃ ।
സംയമോ യോഗവിദ്ഭ്രഷ്ടോ ബ്രഹ്മണ്യോ ബ്രാഹ്മണപ്രിയഃ ॥ 122 ॥
ദേവപ്രിയോ ദേവനാഥോ ദൈവജ്ഞോ ദേവചിന്തകഃ ।
വിഷമാക്ഷോ വിശാലാക്ഷോ വൃഷദോ വൃഷവര്‍ധനഃ ॥ 123
നിര്‍മമോ നിരഹങ്കാരോ നിര്‍മോഹോ നിരുപദ്രവഃ ।
ദര്‍പഹാ ദര്‍പണോ ദൃപ്തഃ സര്‍വര്‍തുപരിവര്‍തകഃ ॥ 124 ॥
സപ്തജിഹ്വഃ സഹസ്രാര്‍ചിഃ സ്നിഗ്ധഃ പ്രകൃതിദക്ഷിണഃ ।
ഭൂതഭവ്യഭവന്നാഥഃ പ്രഭവോ ഭ്രാന്തിനാശനഃ ॥ 125 ॥
അര്‍ഥോഽനര്‍ഥോ മഹാകോശഃ പരകാര്യൈകപണ്ഡിതഃ ।
നിഷ്കണ്ടകഃ കൃതാനന്ദോ നിര്‍വ്യാജോ വ്യാജദര്‍ശനഃ ॥
സത്ത്വവാന്‍സാത്വികഃ സത്യഃ കീര്‍തിസ്തംഭഃ കൃതാഗമഃ ।
അകമ്പിതോ ഗുണഗ്രാഹീ നൈകാത്മാ ലോകകര്‍മകുത് ॥ 127 ॥
ശ്രീവല്ലഭഃ ശിവാരംഭഃ ശാന്തഭദ്രഃ സമഞ്ജസഃ ।
ഭൂശയോ ഭൂതികൃദ്ഭൂതിര്‍വിഭൂതിര്‍ഭൂതിവാഹനഃ ॥ 128 ॥
അകായോ ഭൂതകായരഥഃ കാലജ്ഞാനോ മഹാപടുഃ ।
സത്യവ്രതോ മഹാത്യാഗ ഇച്ഛാശാന്തിപരായണഃ ॥ 129 ॥
പരാര്‍ഥവൃത്തിവരദോ വിവിക്തഃ ശ്രുതിസാഗരഃ ।
അനിര്‍വിണ്ണോ ഗുണഗ്രാഹീ നിഷ്കലങ്കഃ കലങ്കഹാ ॥ 130 ॥
സ്വഭാവഭദ്രോ മധ്യസ്ഥഃ ശത്രുഘ്നഃ ശത്രുനാശനഃ ।
ശിഖണ്ഡീ കവചീ ശൂലീ ജടീ മുണ്ഡീ ച കുണ്ഡലീ ॥ 131 ॥
മേഖലീ കഞ്ചുകീ ഖഡ്ഗീ മൌലീ സംസാരസാരഥിഃ ।
അമൃത്യുഃ സര്‍വജിത്സിംഹസ്തേജോരാശിര്‍മഹാമണിഃ ॥ 132 ॥
അസങ്ഖ്യേയോഽപ്രമേയാത്മാ വീര്യവാന്‍കാര്യകോവിദഃ ।
വേദ്യോ വൈദ്യോ വിയദ്ഗോപ്താ സപ്താവരമുനീശ്വരഃ ॥ 133 ॥
അനുത്തമോ ദുരാധര്‍ഷോ മധുരഃ പ്രിയദര്‍ശനഃ ।
സുരേശഃ ശരണം ശര്‍മ സര്‍വഃ ശബ്ദവതാം ഗതിഃ ॥ 134 ॥
കാലഃ പക്ഷഃ കരങ്കാരിഃ കങ്കണീകൃതവാസുകിഃ ।
മഹേഷ്വാസോ മഹീഭര്‍താ നിഷ്കലങ്കോ വിശൃങ്ഖലഃ ॥ 135 ॥
ദ്യുമണിസ്തരണിര്‍ധന്യഃ സിദ്ധിദഃ സിദ്ധിസാധനഃ ।
വിവൃതഃ സംവൃതഃ ശില്‍പീ വ്യൂഢോരസ്കോ മഹാഭുജഃ ॥ 136 ॥
ഏകജ്യോതിര്‍നിരാതങ്കോ നരനാരായണപ്രിയഃ ।
നിര്ലേപോ നിഷ്പ്രപഞ്ചാത്മാ നിര്‍വ്യഗ്രോ വ്യഗ്രനാശനഃ ॥ 137 ॥
സ്തവ്യഃ സ്തവപ്രിയഃ സ്തോതാ വ്യോമമൂര്‍തിരനാകുലഃ ।
നിരവേദ്യപദോപായോ വിദ്യാരാശിരകൃത്രിമഃ ॥ 138 ॥
പ്രശാന്തബുദ്ധിരക്ഷുദ്രഃ ക്ഷുദ്രഹാ നിത്യസുന്ദരഃ ।
ധ്യേയോഽഗ്രധുര്യോ ധാത്രീശഃ സാകല്യഃ ശര്‍വരീപതിഃ ॥ 139 ॥
പരമാര്‍ഥഗുരുര്‍വ്യാപീ ശുചിരാശ്രിതവത്സലഃ ।
രസോ രസജ്ഞഃ സാരജ്ഞഃ സര്‍വസത്ത്വാവലംബനഃ ॥ 140 ॥
ഏവം നാംനാം സഹസ്രേണ തുഷ്ടാവ ഗിരിജാപതിം ।
സമ്പൂജ്യ പരയാ ഭക്ത്യാ പുണ്ഡരീകൈദ്വിജോത്തമാഃ ॥ 141 ॥
ജിജ്ഞാസാര്‍ഥം ഹരേര്‍ഭക്ത്യാ കമലേഷു ശിവഃ സ്വയം ।
തത്രൈകം ഗോപയാമാസ കമലം മുനിപുങ്ഗവാഃ ॥ 142 ॥
ഹൃതേ പുഷ്പേ തദാ വിഷ്ണുശ്ചിന്തയന്‍കിമിദം ത്വിതി ।
ജ്ഞാത്വാഽഽത്മനോഽക്ഷിമുദ്ധൃത്യ പൂജയാമാസ ശങ്കരം ॥ 143 ॥
അഥ ജ്ഞാത്വാ മഹാദേവോ ഹരേര്‍ഭക്തി സുനിശ്ചലാം ।
പ്രാദുര്‍ഭൂതോ മഹാദേവോ മണ്ഡലാത്തിഗ്മദീധിതേഃ ॥ 144 ॥
സൂര്യകോടിപ്രതീകാശസ്ത്രിനേത്രശ്ചന്ദ്രശേഖരഃ ।
ശൂലടങ്കദഗാചക്രകുന്തപാശധരോ വിഭുഃ ॥ 145 ॥
വരദാഭയപാണിശ്ച സര്‍വാഭരണഭൂഷിതഃ ।
തം ദൃഷ്ട്വാ ദേവദേവേശം ഭഗവാന്‍കമലേക്ഷണഃ ॥ 146 ॥
പുനര്‍നനാമ ചരണൌ ദണ്ഡവച്ഛൂലപാണിനഃ ।
ദൃഷ്ട്വാ ശംഭും തദാ ദേവാ ദുദ്രുവുര്‍ഭയവിഹ്വലാഃ ॥ 147 ॥
ചചാല ബ്രഹ്മഭുവനം ചകമ്പേ ച വസുന്ധരാ ।
അധശ്ചോര്‍ധ്വം തതഃ പ്രീതേ ദദാഹ ശതയോജനം ॥ 148 ॥
ശംഭോര്‍ഭഗവതസ്തേജസ്തദ്ദൃഷ്ട്വാ പ്രഹസഞ്ശിവഃ ।
അബ്രവീച്ഛാര്‍ങ്ഗിണം വിപ്രാഃ കൃതാഞ്ജലിപുടം സ്ഥിതം ॥ 149 ॥
ദേവകാര്യമിഽദം ജ്ഞാതമിദാനീം മധുസൂദന ।
ദിവ്യം ദദാമി തേ ചക്രമദ്ഭുതം തത്സുദര്‍ശനം ॥ 150 ॥
ഹിതാര്‍ഥം സര്‍വദേവാനാം നിര്‍മിതം യന്‍മയാ പുരാ ।
ഗൃഹീത്വാ തദ്ഗുണൈര്‍ദൈത്യാഞ്ജഹി വിഷ്ണോ മമാഽഽജ്ഞയാ ॥ 151 ॥
ഏവമുക്ത്വാ ദദൌ ചക്രം സൂര്യായുതസമപ്രഭം ।
ലോകേഷു പുണ്ഡരീകാക്ഷ ഇതി ഖ്യാതിം ഗതാ ഹരിഃ ॥ 152 ॥
പുനസ്തമബ്രവീച്ഛംഭുര്‍നാരായണമനാമയം ।
വരാനന്യാന്‍സുരശ്രേഷ്ഠ വരയസ്വ യഥേപ്സിതാന്‍ ॥ 153 ॥
ഏവം ശംഭോര്‍നിഗദിതം ശ്രുത്വാ ദേവോ ജനാര്‍ദനഃ ।
അബ്രവീത്ഖണ്ഡപരശും പ്രാഞ്ജലിഃ പ്രണയാന്വിതഃ ॥ 154 ॥
ശ്രീവിഷ്ണുരുവാച –
ഭഗവന്ദേവദേവേശ പരമാത്മഞ്ശിവാവ്യയ ।
നിശ്ചലാ ത്വയി മേ ഭക്തിര്‍ഭവത്വിതി വരോ മമ ॥ 155 ॥
ഈശ്വര ഉവാച –
ഭക്തിര്‍മയി ദൃഢാ വിഷ്ണോ ഭവിഷ്യതി തവാനഘ ।
അജേയസ്ത്രിഷു ലോകേഷു മത്പ്രസാദാദ്ഭവിഷ്യസി ॥ 156 ॥
സൂത ഉവാച –
ഏവം ദത്ത്വാ വരം ശംഭുര്‍വിഷ്ണവേ പ്രഭവിഷ്ണവേ ।
അന്തര്‍ഹിതോ ദ്വിജശ്രേഷ്ഠാ ഇതി ദേവോഽബ്രവീദ്രവിഃ ॥ 157 ॥
നാംനാം സഹസ്രം യദ്ദിവ്യം വിഷ്ണുനാ സമുദീരിതം ।
യഃ പഠേച്ഛൃണുയാദ്വാഽപി സര്‍വപാപൈഃ പ്രമുച്യതേ ॥ 158 ॥
അശ്വമേധസഹസ്രസ്യ ഫലം പ്രാപ്നോതി നിശ്ചിതം ।
പഠതഃ സര്‍വഭാവേന വിദ്യാ വാ മഹതീ ഭവേ ॥ 159 ॥
ജായതേ മഹദൈശ്വര്യം ശിവസ്യ ദയിതോ ഭവേത് ।
ദുസ്തരേ ജലസങ്ഘാതേ യജ്ജലം സ്ഥലതാം വ്രജേത് ॥ 160 ॥
ഹാരായന്തേ മഹാസര്‍പാഃ സിംഹഃ ക്രീഡാമൃഗായതേ ।
തസ്മാന്നാംനാം സഹസ്രേണ സ്തോതവ്യോ ഭഗവാഞ്ശിവഃ ॥ 161 ॥
പ്രയച്ഛത്യഖിലാന്‍കാമാന്ദേഹാന്തേ ച പരാം ഗതിം ॥ 162 ॥
ഇതി ശ്രീബ്രഹ്മപുരാണോപപുരാണേ ശ്രീസൌരേ സൂതശൌനകസംവാദേ
(വിഷ്ണുചക്രപ്രാപ്തികഥനം നാമൈകചത്വാരിംശോഽധ്യായഃ)
ശ്രീശിവസഹസ്രനാമസ്തോത്രം സമ്പൂര്‍ണം ॥
Also Read:
1000 Names of Sri Shiva | Sahasranama Stotram from Saurapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil