Templesinindiainfo

Best Spiritual Website

1000 Names of Sri Shiva from Saurapurana Lyrics in Oriya

Shiva Sahasranama Stotram from Saurapurana in Oriya:

॥ ଶ୍ରୀଶିଵସହସ୍ରନାମସ୍ତୋତ୍ରଂ ଶ୍ରୀସୌରପୁରାଣାନ୍ତର୍ଗତମ୍ ॥

ଋଷୟ ଊଚୁ –
ସୁଦର୍ଶନାଖ୍ୟଂ ୟଚ୍ଚକ୍ରଂ ଲବ୍ଧଵାଂସ୍ତତ୍କଥଂ ହରିଃ ।
ମହାଦେଵାଦ୍ଭଗଵତଃ ସତ୍ତ ତଦ୍ଵକ୍ତୁମର୍ହସି ॥ ୧ ॥

ସୂତ ଉଵାଚ –
ଦେଵାସୁରାଣାମଭଵତ୍ସଙ୍ଗ୍ରାମୋଽଦ୍ଭୁତଦର୍ଶନଃ ।
ଦେଵା ଵିନିର୍ଜିତା ଦୈତ୍ୟୈର୍ଵିଷ୍ଣୁଂ ଶରଣମାଗତାଃ ॥ ୨ ॥

ସ୍ତୁତ୍ଵା ତଂ ଵିଵିଧୈଃ ସ୍ତୋତ୍ରୈଃ ପ୍ରଣମ୍ୟ ପୁରତଃ ସ୍ଥିତାଃ ।
ଭୟଭୀତାଶ୍ଚ ତେ ସର୍ଵେ କ୍ଷତାଙ୍ଗାଃ କ୍ଲେଶିତା ଭୃଶମ୍ ॥ ୩ ॥

ତାନ୍ଦୃଷ୍ଟ୍ଵା ପ୍ରାହ ଭଗଵାନ୍ଦେଵଦେଵୋ ଜନାର୍ଦନଃ ।
କିମର୍ଥମାଗତା ଦେଵା ଵକ୍ତୁମର୍ହଥ ସାମ୍ପ୍ରତମ୍ ॥ ୪ ॥

ଵଚଃ ଶ୍ରୁତ୍ଵା ହରେର୍ଦେଵାଃ ପ୍ରଣମ୍ୟୋଚୁଃ ସୁରୋତ୍ତମାଃ ।
ନିର୍ଜିତା ଦାନଵୈଃ ସର୍ଵେ ଶରଣଂ ତ୍ଵାମିହାଽଽଗତାଃ ॥ ୫ ॥

ଗତିସ୍ତ୍ଵମେଵ ଦେଵାନାଂ ତ୍ରାତା ତ୍ଵଂ ପୁରୁଷୋତ୍ତମ ।
ହନ୍ତୁମର୍ହସି ତାଞ୍ଶୀଘ୍ରମଵଧ୍ୟାନ୍ଵାରିଜେକ୍ଷଣ ॥ ୬ ॥

ଜାଲନ୍ଧରଵଧାର୍ଥାୟ ୟଚ୍ଚକ୍ରଂ ଶୂଲପାଣିନଃ ।
ମହାଦେଵଵରାଲ୍ଲବ୍ଧଂ ଜହି ତେନ ମହାବଲାନ୍ ॥ ୭ ॥

ତେଷାଂ ତଦ୍ଵଚନଂ ଶ୍ରୁତ୍ଵା ଭଗଵାନ୍ଵାରିଜେକ୍ଷଣଃ ।
ଅହଂ ଦେଵାସ୍ତଥା ନୂନଂ କରିଷ୍ୟାମୀତି ସୁଵ୍ରତାଃ ॥ ୮ ॥

ହିମଵତ୍ପର୍ଵତଂ ଗତ୍ଵା ପୂଜୟାମାସ ଶଙ୍କରମ୍ ।
ଲିଙ୍ଗଂ ତତ୍ର ପ୍ରତିଷ୍ଠାପ୍ୟ ସ୍ନାପ୍ୟ ଗନ୍ଧୋଦକୈଃ ଶୁଭୈଃ ॥ ୯ ॥

ତ୍ଵରିତାଖ୍ୟେନ ରୁଦ୍ରେଣ ସମ୍ପୂଜ୍ୟ ଚ ମହେଶ୍ଵରମ୍ ।
ତତୋ ନାମ୍ନାଂ ସହସ୍ରେଣ ତୁଷ୍ଟାଵ ପରମେଶ୍ଵରମ୍ ॥ ୧୦ ॥

ପ୍ରତିନାମ ଚ ପଦ୍ମାନି ତୈରିଷ୍ଟ୍ଵା ଵୃଷଭଧ୍ଵଜମ୍ ।
ଭଵାଦ୍ୟୈର୍ନାମଭିର୍ଭକ୍ତ୍ୟା ସ୍ତୋତୁଂ ସମୁପଚକ୍ରମେ ॥ ୧୧ ॥

ଶ୍ରୀଵିଷ୍ଣୁରୁଵାଚ –
ଭଵଃ ଶିଵୋ ହରୋ ରୁଦ୍ରଃ ପୁଷ୍କଲୋ ମୁଗ୍ଧଲୋଚନଃ ।
ଅଗ୍ରଗଣ୍ୟଃ ସଦାଚାରଃ ସର୍ଵଃ ଶମ୍ଭୁର୍ମହେଶ୍ଵରଃ ॥ ୧୨ ॥

ଈଶ୍ଵରଃ ସ୍ଥାଣୁରୀଶାନଃ ସହସ୍ରାକ୍ଷଃ ସହସ୍ରପାତ୍ ।
ଵରୀୟାନ୍ଵରଦୋ ଵନ୍ଦ୍ୟଃ ଶଙ୍କରଃ ପରମେଶ୍ଵରଃ ॥ ୧୩ ॥

ଗଙ୍ଗାଧରଃ ଶୂଲଧରଃ ପରାର୍ଥୈକପ୍ରୟୋଜକଃ ।
ସର୍ଵଜ୍ଞଃ ସର୍ଵଦେଵାଦିର୍ଗିରିଧନ୍ଵା ଜଟାଧରଃ ॥ ୧୪ ॥

ଚନ୍ଦ୍ରାପୀଡଶ୍ଚନ୍ଦ୍ରମୌଲିର୍ଵେଧା ଵିଶ୍ଵାମରେଶ୍ଵରଃ ।
ଵେଦାନ୍ତସାରସନ୍ଦୋହଃ କପାଲୀ ନୀଲଲୋହିତଃ ॥ ୧୫ ॥

ଧ୍ୟାନାହାରୋଽପରିଚ୍ଛେଦ୍ୟୋ ଗୌରୀଭର୍ତା ଗଣେଶ୍ଵରଃ ।
ଅଷ୍ଟମୂର୍ତିର୍ଵିଶ୍ଵମୂର୍ତିସ୍ତ୍ରିଵର୍ଗଃ ସ୍ଵର୍ଗସାଧନଃ ॥ ୧୬ ॥

ଜ୍ଞାନଗମ୍ୟୋ ଦୃଢପ୍ରଜ୍ଞୋ ଦେଵଦେଵସ୍ତ୍ରିଲୋଚନଃ ।
ଵାମଦେଵୋ ମହାଦେଵଃ ପଟୁଃ ପରିଵୃଢୋ ଦୃଢଃ ॥ ୧୭ ॥

ଵିଶ୍ଵରୂପୋ ଵିରୂପାକ୍ଷୋ ଵାଗୀଶଃ ଶ୍ରୁତିମନ୍ତ୍ରଗଃ ।
ସର୍ଵପ୍ରଣଵସଂଵାଦୀ ଵୃଷାଙ୍କୋ ଵୃଷଵାହନଃ ॥ ୧୮ ॥

ଈଶଃ ପିନାକୀ ଖଟ୍ଵାଙ୍ଗୀ ଚିତ୍ରଵେଷଶ୍ଚିରନ୍ତନଃ ।
ମନୋମୟୋ ମହାୟୋଗୀ ସ୍ଥିରୋ ବ୍ରହ୍ମାଣ୍ଡଧୂର୍ଜଟୀ ॥ ୧୯ ॥

କାଲକାଲଃ କୃତ୍ତିଵାସାଃ ସୁଭଗଃ ପ୍ରଣଵାତ୍ମକଃ ।
ନାଗଚୂଡଃ ସୁଚକ୍ଷୁଷ୍ୟୋ ଦୁର୍ଵାସାଃ ପୁରଶାସନଃ ॥ ୨୦ ॥

ଦୃଗାୟୁଧଃ ସ୍କନ୍ଦଗୁରୁଃ ପରମେଷ୍ଠୀ ପରାୟଣଃ ।
ଅନାଦିମଧ୍ୟନିଧନୋ ଗିରୀଶୋ ଗିରିଜାଧଵଃ ॥ ୨୧ ॥

କୁବେରବନ୍ଧୁଃ ଶ୍ରୀକଣ୍ଠୋ ଲୋକଵନ୍ଦ୍ୟୋତ୍ତମୋ ମୃଦୁଃ ।
ସାମାନ୍ୟୋ ଦେଵକୋ ଦଣ୍ଡୀ ନୀଲକଣ୍ଠଃ ପରଶ୍ଵଧୀଃ ॥ ୨୨ ॥

ଵିଶାଲାକ୍ଷୋ ମହାଵ୍ୟାଧଃ ସୁରେଶଃ ସୂର୍ୟତାପନଃ ।
ଧର୍ମଧାମା କ୍ଷମାକ୍ଷେତ୍ରଂ ଭଗଵାନ୍ଭଗନେତ୍ରହା ॥ ୨୩ ॥

ଉଗ୍ରଃ ପଶୁପତିସ୍ତାର୍କ୍ଷ୍ୟଃ ପ୍ରିୟଭକ୍ତଃ ପ୍ରିୟଂଵଦଃ ।
ଦାତା ଦୟାକରୋ ଦକ୍ଷଃ କପର୍ଦୀ କାମଶାସନଃ ॥ ୨୪
ଶ୍ମଶାନନିଲୟସ୍ତିଷ୍ୟଃ ଶ୍ମଶାନସ୍ଥୋ ମହେଶ୍ଵରଃ ।
ଲୋକକର୍ତା ଭୂତପତିର୍ମହାକର୍ତା ମହୌଷଧିଃ ॥ ୨୫ ॥

ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ୟଃ ପୁରାତନଃ ।
ନୀତିଃ ସୁନୀତିଃ ଶୁଦ୍ଧାତ୍ମା ସୋମଃ ସୋମରତଃ ସୁଧୀଃ ॥ ୨୫ ॥

ସୋମପୋଽମୃତପଃ ସୌମ୍ୟୋ ମହାନୀତିର୍ମହାସ୍ମୃତିଃ ।
ଅଜାତଶତ୍ରୁରାଲୋକ୍ୟଃ ସମ୍ଭାଵ୍ୟୋ ହଵ୍ୟଵାହନଃ ॥ ୨୭ ॥

ଲୋକକାରୋ ଵେଦକାରଃ ସୂତ୍ରକାରଃ ସନାତନଃ ।
ମହର୍ଷିଃ କପିଲାଚାର୍ୟୋ ଵିଶ୍ଵଦୀପ୍ତିର୍ଵିଲୋଚନଃ ॥ ୨୮ ॥

ପିନାକପାଣିର୍ଭୂଦେଵଃ ସ୍ଵସ୍ତିକୃତ୍ସ୍ଵସ୍ତିଦଃ ସୁଧା ।
ଧାତ୍ରୀଧାମା ଧାମକରଃ ସର୍ଵଗଃ ସର୍ଵଗୋଚରଃ ॥ ୨୯ ॥

ବ୍ରହ୍ମସୃଗ୍ଵିଶ୍ଵସୃକ୍ସର୍ଗଃ କର୍ଣିକାରଃ ପ୍ରିୟଃ କଵିଃ ।
ଶାଖୋ ଵିଶାଖୋ ଗୋଶାଖଃ ଶିଵୋ ଭିଷଗନୁତ୍ତମଃ ॥ ୩୦ ॥

ଗଙ୍ଗାପ୍ଲଵୋଦକୋ ଭଵ୍ୟଃ ପୁଷ୍କଲଃ ସ୍ଥପତିଃ ସ୍ଥିତଃ ।
ଵିଜିତାତ୍ମା ଵିଧେୟାତ୍ମା ଭୂତଵାହନସାରଥିଃ ॥ ୩୧ ॥

ସଗଣୋ ଗଣକାୟଶ୍ଚ ସୁକୀର୍ତିଶ୍ଛିନ୍ନସଂଶୟଃ ।
କାମଦେଵଃ କାମକାଲୋ ଭସ୍ମୋଦ୍ଧୂଲିତଵିଗ୍ରହଃ ॥ ୩୨ ॥

ଭସ୍ମପ୍ରିୟୋ ଭସ୍ମଶାୟୀ କାମୀ କାନ୍ତଃ କୃତାଗମଃ ।
ସମାଵୃତ୍ତୋ ନିଵୃତ୍ତାତ୍ମା ଧର୍ମପୁଞ୍ଜଃ ସଦାଶିଵଃ ॥ ୩୩ ॥

ଅକଲ୍ମଷଶ୍ଚତୁର୍ବାହୁଃ ସର୍ଵାଵାସୋ ଦୁରାସଦଃ ।
ଦୁର୍ଲଭୋ ଦୁର୍ଗମୋ ଦୁର୍ଗଃ ସର୍ଵାୟୁଧଵିଶାରଦଃ ॥ ୩୪ ॥

ଅଧ୍ୟାତ୍ମୟୋଗନିଲୟଃ ସୁତନ୍ତୁସ୍ତନ୍ତୁଵର୍ଧନଃ ।
ଶୁଭାଙ୍ଗୋ ୟୋଗସାରଙ୍ଗୋ ଜଗଦୀଶୋ ଜନାର୍ଦନଃ ॥ ୩୫ ॥

ଭସ୍ମଶୁଦ୍ଧିକରୋ ମେରୁସ୍ତେଜସ୍ଵୀ ଶୁଦ୍ଧଵିଗ୍ରହଃ ।
ହିରଣ୍ୟରେତାସ୍ତରଣିର୍ମରୀଚିର୍ମହିମାଲୟଃ ॥ ୩୬ ॥

ମହାହ୍ରଦୋ ମହାଗର୍ତଃ ସିଦ୍ଧଵୃନ୍ଦାରଵନ୍ଦିତଃ ।
ଵ୍ୟାଘ୍ରଚର୍ମଧରୋ ଵ୍ୟାଲୀ ମହାଭୂତୋ ମହାନିଧିଃ ॥ ୩୭ ॥

ଅମୃତାତ୍ମାଽମୃତଵପୁଃ ପଞ୍ଚୟଜ୍ଞଃ ପ୍ରଭଞ୍ଜନଃ ।
ପଞ୍ଚଵିଂଶତିତତ୍ତ୍ଵସ୍ଥଃ ପାରିଜାତଃ ପରାପରଃ ॥ ୩୮ ॥

ସୁଲଭଃ ସୁଵ୍ରତଃ ଶୂରୋ ଵାଗ୍ମାୟୈକନିଧିର୍ନିଧିଃ ।
ଵର୍ଣାଶ୍ରମଗୁରୁର୍ଵର୍ଣୀ ଶତ୍ରୁଜିଚ୍ଛତ୍ରୁତାପନଃ ॥ ୩୯ ॥

ଆଶ୍ରମଃ କ୍ଷପଣଃ କ୍ଷାମୋ ଜ୍ଞାନଵାନଚଲଶ୍ଚଲଃ ।
ପ୍ରମାଣଭୂତୋ ଦୁର୍ଜ୍ଞେୟଃ ସୁପର୍ଣୋ ଵାୟୁଵାହନଃ ॥ ୪୦ ॥

ଧନୁର୍ଧରୋ ଧନୁର୍ଵେଦୋ ଗୁଣରାଶିର୍ଗୁଣାକରଃ ।
ଅନନ୍ତଦୃଷ୍ଟିରାନନ୍ଦୋ ଦଣ୍ଡୋ ଦମୟିତା ଦମଃ ॥ ୪୧ ॥

ଅଵିଵାଦ୍ୟୋ ମହାକାୟୋ ଵିଶ୍ଵକର୍ମା ଵିଶାରଦଃ ।
ଵୀତରାଗୋ ଵିନୀତାତ୍ମା ତପସ୍ଵୀ ଭୂତଵାହନଃ ॥ ୪୨ ॥

ଉନ୍ମତ୍ତଵେଷଃ ପ୍ରଚ୍ଛନ୍ନୋ ଜିତକାମୋ ଜିତପ୍ରିୟଃ ।
କଲ୍ୟାଣପ୍ରକୃତିଃ କଲ୍ପଃ ସର୍ଵଲୋକପ୍ରଜାପତିଃ ॥ ୪୩ ॥

ତପସ୍ଵୀ ତାରକୋ ଧୀମାନ୍ପ୍ରଧାନପ୍ରଭୁରଵ୍ୟୟଃ ।
ଲୋକପାଲୋଽନ୍ତର୍ହିତାତ୍ମା କଲ୍ପାଦିଃ କମଲେକ୍ଷଣଃ ॥ ୪୪
ଵେଦଶାସ୍ତ୍ରାର୍ଥତତ୍ତ୍ଵଜ୍ଞୋ ନିୟମୋ ନିୟମାଶ୍ରୟଃ ।
ରାହୁଃ ସୂର୍ୟଃ ଶନିଃ କେତୁର୍ଵିରାମୋ ଵିଦ୍ରୁମଚ୍ଛଵିଃ ॥ ୪୫ ॥

ଭକ୍ତିଗମ୍ୟଃ ପରଂ ବ୍ରହ୍ମ ମୃଗବାଣାର୍ପଣୋଽନଘଃ ।
ଅଦ୍ରିଦ୍ରୋଣିକୃତସ୍ଥାନଃ ପଵନାତ୍ମା ଜଗତ୍ପତିଃ ॥ ୪୬ ॥

ସର୍ଵକର୍ମାଚଲସ୍ତ୍ଵଷ୍ଟା ମଙ୍ଗଽଲ୍ୟୋ ମଙ୍ଗଲପ୍ରଦଃ ।
ମହାତପା ଦୀର୍ଘତପାଃ ସ୍ଥଵିଷ୍ଣୁଃ ସ୍ଥଵିରୋ ଧ୍ରୁଵଃ ॥ ୪୭ ॥

ଅହଃ ସଂଵତ୍ସରୋ ଵ୍ୟାଲଃ ପ୍ରମାଣଂ ପରମଂ ତପଃ ।
ସଂଵତ୍ସରକରୋ ମନ୍ତ୍ରଃ ପ୍ରତ୍ୟୟଃ ସର୍ଵଦର୍ଶନଃ ॥ ୪୮ ॥

ଅଜଃ ସର୍ଵେଶ୍ଵରଃ ସିଦ୍ଧୋ ମହାରେତା ମହାବଲଃ ।
ୟୋଗୀ ୟୋଗୋ ମହାଦେଵଃ ସିଦ୍ଧଃ ସର୍ଵାଦିରଚ୍ୟୁତଃ ॥ ୪୯ ॥

ଵସୁର୍ଵସୁମନାଃ ସତ୍ୟଃ ସର୍ଵପାପହରୋ ହରଃ ।
ଅମୃତଃ ଶାଶ୍ଵତଃ ଶାନ୍ତୋ ବାଣହସ୍ତଃ ପ୍ରତାପଵାନ୍ ॥ ୫୦ ॥

କମଣ୍ଡଲୁଧରୋ ଧନ୍ଵୀ ଵେଦାଙ୍ଗୋ ଵେଦଵିନ୍ମୁନିଃ ।
ଭ୍ରାଜିଷ୍ଣୁର୍ଭୋଜନଂ ଭୋକ୍ତା ଲୋକନେତା ଦୁରାଧରଃ ॥ ୫୧ ॥

ଅତୀନ୍ଦ୍ରିୟୋ ମହାମାୟଃ ସର୍ଵାଵାସଶ୍ଚତୁଷ୍ପଥଃ ।
କାଲୟୋଗୀ ମହାନାଦୋ ମହୋତ୍ସାହୋ ମହାଚଲଃ ॥ ୫୨ ॥

ମହାବୁଦ୍ଧିର୍ମହାଵୀର୍ୟୋ ଭୂତଚାରୀ ପୁରନ୍ଦରଃ ।
ନିଶାଚରଃ ପ୍ରେତଚାରୀ ମହାଶକ୍ତିର୍ମହାଦ୍ୟୁତିଃ ॥ ୫୩ ॥

ଅନିର୍ଦେଶ୍ୟଵପୁଃ ଶ୍ରୀମାନ୍ସର୍ଵାକର୍ଷକରୋ ମତଃ ।
ବହୁଶ୍ରୁତୋ ବହୁମାୟୋ ନିୟତାତ୍ମାଽଭୟୋଦ୍ଭଵଃ ॥ ୫୪ ॥

ଓଜସ୍ତେଜୋଦ୍ୟୁତିଧରୋ ନର୍ତକଃ ସର୍ଵନାୟକଃ ।
ନିତ୍ୟଘଣ୍ଟାପ୍ରିୟୋ ନିତ୍ୟପ୍ରକାଶାତ୍ମା ପ୍ରତାପନଃ ॥ ୫୫ ॥

ଋଦ୍ଧଃ ସ୍ପଷ୍ଟାକ୍ଷରୋ ମନ୍ତ୍ରଃ ସଙ୍ଗ୍ରାମଃ ଶାରଦପ୍ଲଵଃ ।
ୟୁଗାଦିକୃଦ୍ୟୁଗାଵର୍ତୋ ଗମ୍ଭୀରୋ ଵୃଷଵାହନଃ ॥ ୫୬ ॥

ଇଷ୍ଟୋ ଵିଶିଷ୍ଟଃ ଶିଷ୍ଟେଷ୍ଟଃ ଶରଭଃ ସରଭୋ ଧନୁଃ ।
ଅପାଂ ନିଧିରଧିଷ୍ଠାନଂ ଵିଜୟୋ ଜୟକାଲଵିତ୍ ॥ ୫୭ ॥

ପ୍ରତିଷ୍ଠିତଃ ପ୍ରମାଣଜ୍ଞୋ ହିରଣ୍ୟକଵଚୋ ହରିଃ ।
ଵିମୋଚନଂ ସୁରଗଣୋ ଵିଦ୍ୟେଶୋ ଵିବୁଧାଶ୍ରୟଃ ॥ ୫୮ ॥

ବାଲରୂପୋ ବଲୋନ୍ମାୟୀ ଵିକର୍ତା ଗହନୋ ଗୁହଃ ।
କରଣଂ କାରଣଂ କର୍ତା ସର୍ଵବନ୍ଧପ୍ରମୋଚନଃ ॥ ୫୯ ॥

ଵ୍ୟଵସାୟୋ ଵ୍ୟଵସ୍ଥାନଃ ସ୍ଥାନଦୋ ଜନଦାଦିଜଃ ।
ଦୁନ୍ଦୁଭୋ ଲଲିତୋ ଵିଶ୍ଵୋ ଭଵାତ୍ମାଽଽତ୍ମନି ସଂସ୍ଥିତଃ ॥ ୬୦ ॥

ରାଜରାଜପ୍ରିୟୋ ରାମୋ ରାଜଚୂଡାମଣିଃ ପ୍ରଭୁଃ ।
ଵୀରେଶ୍ଵରୋ ଵୀରଭଦ୍ରୋ ଵୀରାସନଵିଧିର୍ଵିରାଟ୍ ॥ ୬୧ ॥

ଵୀରଚୂଡାମଣିହର୍ତା ତୀଵ୍ରାନନ୍ଦୋ ନଦୀଧରଃ ।
ଆତ୍ମାଧାରସ୍ତ୍ରିଶୂଲାଙ୍କଃ ଶିପିଵିଷ୍ଟଃ ଶିଵାଶ୍ରୟଃ ॥ ୬୨ ॥

ବାଲଖିଲ୍ୟୋ ମହାଚାରସ୍ତିଗ୍ମାଂଶୁର୍ଵାରିଧିଃ ଖଗଃ ।
ଅଭିରାମଃ ସୁଶରଣ୍ୟଃ ସୁବ୍ରହ୍ମଣ୍ୟଃ ସୁଧାପତିଃ ॥ ୬୩ ॥

ମଧୁମାନ୍କୌଶିକୋ ଗୋମାନ୍ଵିରାମଃ ସର୍ଵସାଧନଃ ।
ଲଲାଟାକ୍ଷୋ ଵିଶ୍ଵଦେହଃ ସାରଃ ସଂସାରଚକ୍ରଭୃତ୍ ॥ ୬୪ ॥

ଅମୋଘଦଣ୍ଡୋ ମଧ୍ୟସ୍ଥୋ ହିରଣ୍ୟୋ ବ୍ରହ୍ମଵର୍ଚସୀ ।
ପରବ୍ରହ୍ମପଦୋ ହଂସଃ ଶବରୋ ଵ୍ୟାଘ୍ରକୋଽନଲଃ ॥ ୬୫ ॥

ରୁଚିର୍ଵରରୁଚିର୍ଵନ୍ଦ୍ୟୋ ଵାଚସ୍ପତିରହର୍ପତିଃ ।
ରଵିର୍ଵିରୋଚନଃ ସ୍କନ୍ଦଃ ଶାସ୍ତା ଵୈଵସ୍ଵତୋଽର୍ଜୁନଃ ॥ ୬୬ ॥

ମୁକ୍ତିରୁନ୍ନତକୀର୍ତିଶ୍ଚ ଶାନ୍ତରାମଃ ପୁରଞ୍ଜୟଃ ।
କୈଲାସପତିଃ କାମାରିଃ ସଵିତା ରଵିଲୋଚନଃ ॥ ୬୭ ॥

ଵିଦ୍ଵତ୍ତମୋ ଵୀତଭୟୋ ଵିଶ୍ଵକର୍ମାଽନିଵାରିତଃ ।
ନିତ୍ୟୋ ନିୟତକଲ୍ୟାଣଃ ପୁଣ୍ୟଶ୍ରଵଣକୀର୍ତନଃ ॥ ୬୮ ॥

ଦୂରଶ୍ରଵା ଵିଶ୍ଵସହୋ ଧ୍ୟେୟୋ ଦୁଃସ୍ଵପ୍ନନାଶନଃ ।
ଉତ୍ତାରକୋ ଦୁଷ୍କୃତିହା ଦୁର୍ଧର୍ଷୋ ଦୁଃସହୋଽଭୟଃ ॥ ୬୯ ॥

ଅନାଦିର୍ଭୂର୍ଭୁଵୋ ଲକ୍ଷ୍ମୀଃ କିରୀଟୀ ତ୍ରିଦଶାଧିପଃ ।
ଵିଶ୍ଵଗୋପ୍ତା ଵିଶ୍ଵହର୍ତା ସୁଵୀରୋ ରୁଚିରାଙ୍ଗଦୀ ॥ ୭୦ ॥

ଜନନୋ ଜନଜନ୍ମାଦିଃ ପ୍ରୀତିମାନ୍ନୀତିମାନଥ ।
ଵସିଷ୍ଠଃ କଶ୍ୟପୋ ଭାନୁର୍ଭୀମୋ ଭୀମପରାକ୍ରମଃ ॥ ୭୧ ॥

ପ୍ରଣଵଃ ସତ୍ପଥାଚାରୋ ମହାକାୟୋ ମହାଧନୁଃ ।
ଜନ୍ମାଧିପୋ ମହାଦେଵଃ ସକଲାଗମପାରଗଃ ॥ ୭୨ ॥

ତତ୍ତ୍ଵଂ ତତ୍ତ୍ଵଵିଦେକାତ୍ମା ଵିଭୂତିର୍ଭୂତିଭୂଷଣଃ ।
ଋଷିର୍ବ୍ରାହ୍ମଣଵିଦ୍ଵିଷ୍ଣୁର୍ଜନ୍ମମୃତ୍ୟୁଜରାତିଗଃ ॥ ୭୩ ॥

ୟଜ୍ଞୋ ୟଜ୍ଞପତିର୍ୟଜ୍ଵା ୟଜ୍ଞାନ୍ତୋଽମୋଘଵିକ୍ରମଃ ।
ମହେନ୍ଦ୍ରୋ ଦୁର୍ଭରଃ ସେନୀ ୟଜ୍ଞାଙ୍ଗୋ ୟଜ୍ଞଵାହନଃ ॥ ୭୪ ॥

ପଞ୍ଚବ୍ରହ୍ମସମୁତ୍ପତ୍ତିର୍ଵିଶ୍ଵତୋ ଵିମଲୋଦୟଃ ।
ଆତ୍ମୟୋନିରନାଦ୍ୟନ୍ତଃ ପଟ୍ତ୍ରିଂଶୋ ଲୋକଭୃତ୍କଵିଃ ॥ ୭୫ ॥

ଗାୟତ୍ରୀଵଲ୍ଲଭଃ ପ୍ରାଂଶୁର୍ଵିଶ୍ଵାଵାସଃ ସଦାଶିଵଃ ।
ଶିଶୁର୍ଗିରିରତଃ ସମ୍ରାଟ୍ ସୁଷେଣଃ ସୁରଶତ୍ରୁହା ॥ ୭୬ ॥

ଅମେୟୋଽରିଷ୍ଟମଥନୋ ମୁକୁନ୍ଦୋ ଵିଗତଜ୍ଵରଃ ।
ସ୍ଵୟଞ୍ଜ୍ୟୋତିରନୁଜ୍ୟୋତିରଚଲଃ ପରମେଶ୍ଵରଃ ॥ ୭୭ ॥

ପିଙ୍ଗଲଃ କପିଲଶ୍ମଶ୍ରୁଃ ଶାସ୍ତ୍ରନେତ୍ରସ୍ତ୍ରୟୀତନୁଃ ।
ଜ୍ଞାନସ୍କନ୍ଧୋ ମହାଜ୍ଞାନୀ ଵୀରୋତ୍ପତ୍ତିରୁପପ୍ଲଵୀ ॥ ୭୮ ॥

ଭଗୋ ଵିଵସ୍ଵାନାଦିତ୍ୟୋ ୟୋଗାଚାରୋ ଦିଵସ୍ପତିଃ ।
ଉଦାରକୀର୍ତିରୁଦ୍ୟୋଗୀ ସଦ୍ୟୋଗୀ ସଦସନ୍ମୟଃ ॥ ୭୯ ॥

ନକ୍ଷତ୍ରମାର୍ଲା ନାକେଶଃ ସ୍ଵାଧିଷ୍ଠାନଷଡାଶ୍ରୟଃ ।
ପଵିତ୍ରପାଦଃ ପାପାରିର୍ମଣିପୂରୋ ନଭୋଗତିଃ ॥ ୮୦ ॥

ହୃତ୍ପୁଣ୍ଡରୀକମାସୀନଃ ଶୁକ୍ରାଶାନୋ ଵୃଷାକପିଃ ।
ତୁଷ୍ଟୋ ଗୃହପତିଃ କୃଷ୍ଣଃ ସମର୍ଥୋଽନର୍ଥଶାସନଃ ॥ ୮୧ ॥

ଅଧର୍ମଶତ୍ରୁରକ୍ଷୟ୍ୟଃ ପୁରୁହୂତଃ ପୁରୁଷ୍ଟୁତଃ ॥

ବୃହଦ୍ଭୁଜୋ ବ୍ରହ୍ମଗର୍ଭୋ ଧର୍ମଧେନୁର୍ଧନାଗମଃ ॥ ୮୨ ॥

ଜଗଦ୍ଧିତୈଷୀ ସୁଗତଃ କୁମାରଃ କୁଶଲାଗମଃ ।
ହିରଣ୍ୟଗର୍ଭୋ ଜ୍ୟୋତିଷ୍ମାନୁପେନ୍ଦ୍ରସ୍ତିମିରାପହଃ ॥ ୮୩ ॥

ଅରୋଗସ୍ତପନାଧ୍ୟକ୍ଷୋ ଵିଶ୍ଵାମିତ୍ରୋ ଦ୍ଵିଜେଶ୍ଵରଃ ।
ବ୍ରହ୍ମଜ୍ୟୋତିଃ ସୁବୁଦ୍ଧାତ୍ମା ବୃହଜ୍ଜ୍ୟୋତିରନୁତ୍ତମଃ ॥ ୮୪
ମାତାମହୋ ମାତରିଶ୍ଵା ମନସ୍ଵୀ ନାଗହାରଧୃକ୍ ।
ପୁଲସ୍ତ୍ୟଃ ପୁଲହୋଽଗସ୍ତ୍ୟୋ ଜାତୂକର୍ଣ୍ୟଃ ପରାଶରଃ ॥

ନିରାଵରଣଵିଜ୍ଞାନୋ ଵିରଞ୍ଚୋ ଵିଷ୍ଟରଶ୍ରଵାଃ ।
ଆତ୍ମଭୂରନିରୁଦ୍ଧୋଽତ୍ରିର୍ଜ୍ଞାନମୂର୍ତିର୍ମହାୟଶାଃ ॥ ୮୬ ॥

ଲୋକଚୂଡାମଣିର୍ଵୀରଶ୍ଚନ୍ଦ୍ରଃ ସତ୍ୟପରାକ୍ରମଃ ।
ଵ୍ୟାଲକଲ୍ପୋ ମହାକଲ୍ପଃ କଲ୍ପଵୃକ୍ଷଃ କଲାନିଧିଃ ॥ ୮୭ ॥

ଅଲକରିଷ୍ଣୁରଚଲୋ ରୋଚିଷ୍ଣୁର୍ଵିକ୍ରମୋତ୍ତମଃ ।
ଆଶୁଃ ସପ୍ତପତିର୍ଵେଗୀ ପ୍ଲଵନଃ ଶିଖିସାରଥିଃ ॥ ୮୮ ॥

ଅସନ୍ତୁଷ୍ଟୋଽତିଥିଃ ଶୁକ୍ତଃ ପ୍ରମାଥୀ ପାପଶାସନଃ ।
ଵସୁଶ୍ରଵାଃ କଵ୍ୟଵାହଃ ପ୍ରତପ୍ତୋ ଵିଶ୍ଵଭୋଜନଃ ॥ ୮୯ ॥

ଜୟୋ ଜରାରିଶମନୋ ଲୋହିତାଶ୍ଵସ୍ତନୂନପାତ୍ ।
ପୃଷଦଶ୍ଵୋ ନଭୋୟୋନିଃ ସୁପ୍ରତୀକସ୍ତମିସ୍ରହା ॥ ୯୦ ॥

ନିଦାଘସ୍ତପନୋ ମେଘଃ ପକ୍ଷଃ ପରପୁରଞ୍ଜୟଃ ।
ସୁଖୀ ନୀଲଃ ସୁନିଷ୍ପନ୍ନଃ ସୁରଭିଃ ଶିଶିରାତ୍ମକଃ ॥ ୯୧ ॥

ଵସନ୍ତୋ ମାଧଵୋ ଗ୍ରୀଷ୍ମୋ ନଭସ୍ୟୋ ବୀଜଵାହନଃ ।
ମନୋ ବୁଦ୍ଧିରହଙ୍କାରଃ କ୍ଷେତ୍ରଜ୍ଞଃ କ୍ଷେତ୍ରପାଲକଃ ॥ ୯୨ ॥

ଜମଦଗ୍ନିର୍ଜଲନିଧିର୍ଵିପାକୋ ଵିଶ୍ଵକାରକଃ ।
ଅଧରୋଽନୁତ୍ତରୋ ଜ୍ଞେୟୋ ଜ୍ୟେଷ୍ଠୋ ନିଃଶ୍ରେୟସାଲୟଃ ॥ ୯୩ ॥

ଶୈଲୋ ନାମ ତରୁର୍ଦାହୋ ଦାନଵାରିରରିନ୍ଦମଃ ।
ଚାମୁଣ୍ଡୀ ଜନକଶ୍ଚାରୁର୍ନିଃଶଲ୍ୟୋ ଲୋକଶଲ୍ୟହୃତ୍ ॥ ୯୪ ॥

ଚତୁର୍ଵେଦଶ୍ଚତୁର୍ଭାଵଶ୍ଚତୁରଶ୍ଚତ୍ଵରପ୍ରିୟଃ ।
ଆମ୍ନାୟୋଽଥ ସମାମ୍ନାୟରତୀର୍ଥଦେଵଃ ଶିଵାଲୟଃ ॥ ୯୫ ॥

ଵଜ୍ରରୂପୋ ମହାଦେଵଃ ସର୍ଵରୂପଶ୍ଚରାଚରଃ ।
ନ୍ୟାୟନିର୍ଵାହକୋ ନ୍ୟାୟୋ ନ୍ୟାୟଗମ୍ୟୋ ନିରଞ୍ଜନଃ ॥ ୯୬ ॥

ସହସ୍ରମୂର୍ଧା ଦେଵେନ୍ଦ୍ରଃ ସର୍ଵଶସ୍ତ୍ରପ୍ରଭଞ୍ଜନଃ ।
ମୁଣ୍ଡୋ ଵିରୂପୋ ଵିକୃତୋ ଦଣ୍ଡୀ ଦାନ୍ତୋ ଗୁଣୋତ୍ତରଃ ॥ ୯୭ ॥

ପିଙ୍ଗଲାକ୍ଷୋଽଥ ହର୍ୟଶ୍ଵୋ ନୀଲଗ୍ରୀଵୋ ନିରାମୟଃ ।
ସହସ୍ରବାହୁଃ ସର୍ଵେଶଃ ଶରଣ୍ୟଃ ସର୍ଵଲୋକଧୃକ୍ ॥ ୯୮ ॥

ପଦ୍ମାସନଃ ପରଂ ଜ୍ୟୋତିଃ ପରାଵରଃ ପରଂ ଫଲମ୍ ।
ପଦ୍ମଗର୍ଭୋ ମହାଗର୍ଭୋ ଵିଶ୍ଵଗର୍ଭୋ ଵିଲକ୍ଷଣଃ ॥ ୯୯ ॥

ୟଜ୍ଞଭୁଗ୍ଵରଦୋ ଦେଵୋ ଵରେଶଶ୍ଚ ମହାସ୍ଵନଃ ।
ଦେଵାସୁରଗୁରୁର୍ଦେଵଃ ଶଙ୍କରୋ ଲୋକସମ୍ଭଵଃ ॥ ୧୦୦ ॥

ସର୍ଵଵେଦମୟୋଽଚିନ୍ତ୍ୟୋ ଦେଵତାସତ୍ୟସମ୍ଭଵଃ ।
ଦେଵାଧିଦେଵୋ ଦେଵର୍ଷିର୍ଦେଵାସୁରଵରପ୍ରଦଃ ॥ ୧୦୧ ॥

ଦେଵାସୁରେଶ୍ଵରୋ ଦିଵ୍ୟୋ ଦେଵାସୁରମହେଶ୍ଵରଃ ।
ଦେଵାସୁରାଣାଂ ଵରଦୋ ଦେଵାସୁରନମସ୍କୃତଃ ॥ ୧୦୨ ॥

ଦେଵାସୁରମହାମାତ୍ରୋ ଦେଵାସୁରମହାଶ୍ରୟଃ ।
ସର୍ଵଦେଵମୟୋଽଚିନ୍ତ୍ୟୋ ଦେଵାନାମାତ୍ମସମ୍ଭଵଃ ॥ ୧୦୩ ॥

ଈଡ୍ୟୋଽନୀଶଃ ସୁରଵ୍ୟାପ୍ତୋ ଦେଵସିଂହୋ ଦିଵାକରଃ ।
ଵିବୁଧାଗ୍ରଵରଃ ଶ୍ରେଷ୍ଠଃ ସର୍ଵଦେଵୋତ୍ତମୋତ୍ତମଃ ॥ ୧୦୪ ॥

ଶିଵଧ୍ୟାନରତଃ ଶ୍ରୀମାଞ୍ଶିଖୀ ଶ୍ରୀପର୍ଵତପ୍ରିୟଃ ।
ଵଜ୍ରହସ୍ତଃ ପ୍ରତିଷ୍ଟମ୍ଭୀ ଵିଶ୍ଵଜ୍ଞାନୀ ନିଶାକରଃ ॥ ୧୦୫ ॥

ବ୍ରହ୍ମଚାରୀ ଲୋକଚାରୀ ଧର୍ମଚାରୀ ଧନାଧିପଃ ।
ନନ୍ଦୀ ନନ୍ଦୀଶ୍ଵରୋ ନଗ୍ନୋ ନଗ୍ନଵ୍ରତଧରଃ ଶୁଚିଃ ॥ ୧୦୬ ॥

ଲିଙ୍ଗାଧ୍ୟକ୍ଷଃ ସୁରାଧ୍ୟକ୍ଷୋ ଧର୍ମାଧ୍ୟକ୍ଷୋ ୟୁଗାଵହଃ ।
ସ୍ଵଵଶଃ ସ୍ଵର୍ଗତଃ ସ୍ଵର୍ଗଃ ସର୍ଗଃ ସ୍ଵରମୟଃ ସ୍ଵନଃ ॥ ୧୦୭ ॥

ବୀଜାଧ୍ୟକ୍ଷୋ ବୀଜକର୍ତା ଧର୍ମକୃଦ୍ଧର୍ମଵର୍ଧନଃ ।
ଦମ୍ଭୋଽଦମ୍ଭୋ ମହାଦମ୍ଭଃ ସର୍ଵେଭୂତମହେଶ୍ଵରଃ ॥ ୧୦୮ ॥

ଶ୍ମଶାନନିଲୟସ୍ତିଷ୍ୟଃ ସେତୁରପ୍ରତିମାକୃତିଃ ।
ଲୋକୋତ୍ତରଃ ସ୍ଫୁତାଲୋକସ୍ତ୍ର୍ୟମ୍ବକୋ ଭକ୍ତଵତ୍ସଲଃ ॥ ୧୦୯ ॥

ଅନ୍ଧକାରିର୍ମଖଦ୍ଵେଷୀ ଵିଷ୍ଣୁକନ୍ଧରପାତନଃ ।
ଵୀତଦୋଷୋଽକ୍ଷୟଗୁଣୋଽନ୍ତକାରିଃ ପୂଷଦନ୍ତଭିତ୍ ॥ ୧୧୦ ॥

ଧୂର୍ଜଟିଃ ଖଣ୍ଡପରଶୁଃ ସକଲୋ ନିଷ୍କଲୋଽନଘଃ ।
ଆକାରଃ ସକଲାଧାରଃ ପାଣ୍ଡୁରାଗୋ ମୃଗୋ ନଟଃ ॥ ୧୧୧ ॥

ପୂର୍ଣଃ ପୂରୟିତା ପୁଣ୍ୟଃ ସୁକୁମାରଃ ସୁଲୋଚନଃ ।
ସାମଗେୟଃ ପ୍ରିୟଃ କ୍ରୂରଃ ପୂଣ୍ୟକୀର୍ତିରନାମୟଃ ॥ ୧୧୨ ॥

ମନୋଜଵସ୍ତୀର୍ଥକରୋ ଜଟିଲୋ ଜୀଵିତେଶ୍ଵରଃ ।
ଜୀଵିତାନ୍ତକରୋଽନନ୍ତୋ ଵସୁରେତା ଵସୁପ୍ରଦଃ ॥ ୧୧୩ ॥

ସଦ୍ଗତିଃ ସତ୍କୃତିଃ ଶାନ୍ତଃ କାଲକଣ୍ଠଃ କଲାଧରଃ ।
ମାନୀ ମନ୍ତୁର୍ମହାକାଲଃ ସଦ୍ଭୂତିଃ ସତ୍ପରାୟଣଃ ॥ ୧୧୪ ॥

ଚନ୍ଦ୍ରସଞ୍ଜୀଵନଃ ଶାସ୍ତା ଲୋକରୂଢୋ ମହାଧିପଃ ।
ଲୋକବନ୍ଧୁର୍ଲୋକନାଥଃ କୃତଜ୍ଞଃ କୃତଭୂଷଣଃ ॥ ୧୧୫ ॥

ଅନପାୟୋଽକ୍ଷରଃ ଶାନ୍ତଃ ସର୍ଵଶସ୍ତ୍ରଭୃତାଂ ଵରଃ ।
ତେଜୋମୟୋ ଦ୍ୟୁତିଧରୋ ଲୋକମାୟୋଽଗ୍ରଣୀରଣୁଃ ॥ ୧୧୬ ॥

ସୁଵିସ୍ମିତଃ ପ୍ରସନ୍ନାତ୍ମା ଦୁର୍ଜୟୋ ଦୁରତିକ୍ରମଃ ।
ଜ୍ୟୋତିର୍ମୟୋ ନିରାକାରୋ ଜଗନ୍ନାଥୋ ଜଲେଶ୍ଵରଃ ॥ ୧୧୭ ॥

ତୁମ୍ବୀ ଵୀଣା ମହାଶୋକୋ ଵିଶୋକଃ ଶୋକନାଶନଃ ।
ତ୍ରିଲୋକେଶସ୍ରିଲୋକାତ୍ମା ସିଦ୍ଧିଃ ଶୁଦ୍ଧିରଧୋକ୍ଷଜଃ ॥ ୧୧୮ ॥

ଅଵ୍ୟକ୍ତଲକ୍ଷଣୋ ଵ୍ୟକ୍ତୋ ଵ୍ୟକ୍ତାଵ୍ୟକ୍ତୋ ଵିଶାମ୍ପତିଃ ।
ଵରଶୀଲୋ ଵରଗୁଣୋ ଗତୋ ଗଵ୍ୟୟନୋ ମୟଃ ॥ ୧୧୯ ॥

ବ୍ରହ୍ମା ଵିଷ୍ଣୁଃ ପ୍ରଜାପାଲୋ ହଂସୋ ହଂସଗତିର୍ମତଃ ।
ଵେଧା ଵିଧାତା ସ୍ରଷ୍ଟା ଚ କର୍ତା ହର୍ତା ଚତୁର୍ମୁଖଃ ॥ ୧୨୦ ॥

କୈଲାସଶିଖରାଵାସୀ ସର୍ଵାଵାସୀ ସଦାଗତିଃ ।
ହିରଣ୍ୟଗର୍ଭୋ ଗଗନଃ ପୁରୁଷଃ ପୂର୍ଵଜଃ ପିତା ॥ ୧୨୧ ॥

ଭୂତାଲୟୋ ଭୂତପତିର୍ଭୂତିଦୋ ଭୁଵନେଶ୍ଵରଃ ।
ସଂୟମୋ ୟୋଗଵିଦ୍ଭ୍ରଷ୍ଟୋ ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ॥ ୧୨୨ ॥

ଦେଵପ୍ରିୟୋ ଦେଵନାଥୋ ଦୈଵଜ୍ଞୋ ଦେଵଚିନ୍ତକଃ ।
ଵିଷମାକ୍ଷୋ ଵିଶାଲାକ୍ଷୋ ଵୃଷଦୋ ଵୃଷଵର୍ଧନଃ ॥ ୧୨୩
ନିର୍ମମୋ ନିରହଙ୍କାରୋ ନିର୍ମୋହୋ ନିରୁପଦ୍ରଵଃ ।
ଦର୍ପହା ଦର୍ପଣୋ ଦୃପ୍ତଃ ସର୍ଵର୍ତୁପରିଵର୍ତକଃ ॥ ୧୨୪ ॥

ସପ୍ତଜିହ୍ଵଃ ସହସ୍ରାର୍ଚିଃ ସ୍ନିଗ୍ଧଃ ପ୍ରକୃତିଦକ୍ଷିଣଃ ।
ଭୂତଭଵ୍ୟଭଵନ୍ନାଥଃ ପ୍ରଭଵୋ ଭ୍ରାନ୍ତିନାଶନଃ ॥ ୧୨୫ ॥

ଅର୍ଥୋଽନର୍ଥୋ ମହାକୋଶଃ ପରକାର୍ୟୈକପଣ୍ଡିତଃ ।
ନିଷ୍କଣ୍ଟକଃ କୃତାନନ୍ଦୋ ନିର୍ଵ୍ୟାଜୋ ଵ୍ୟାଜଦର୍ଶନଃ ॥

ସତ୍ତ୍ଵଵାନ୍ସାତ୍ଵିକଃ ସତ୍ୟଃ କୀର୍ତିସ୍ତମ୍ଭଃ କୃତାଗମଃ ।
ଅକମ୍ପିତୋ ଗୁଣଗ୍ରାହୀ ନୈକାତ୍ମା ଲୋକକର୍ମକୁତ୍ ॥ ୧୨୭ ॥

ଶ୍ରୀଵଲ୍ଲଭଃ ଶିଵାରମ୍ଭଃ ଶାନ୍ତଭଦ୍ରଃ ସମଞ୍ଜସଃ ।
ଭୂଶୟୋ ଭୂତିକୃଦ୍ଭୂତିର୍ଵିଭୂତିର୍ଭୂତିଵାହନଃ ॥ ୧୨୮ ॥

ଅକାୟୋ ଭୂତକାୟରଥଃ କାଲଜ୍ଞାନୋ ମହାପଟୁଃ ।
ସତ୍ୟଵ୍ରତୋ ମହାତ୍ୟାଗ ଇଚ୍ଛାଶାନ୍ତିପରାୟଣଃ ॥ ୧୨୯ ॥

ପରାର୍ଥଵୃତ୍ତିଵରଦୋ ଵିଵିକ୍ତଃ ଶ୍ରୁତିସାଗରଃ ।
ଅନିର୍ଵିଣ୍ଣୋ ଗୁଣଗ୍ରାହୀ ନିଷ୍କଲଙ୍କଃ କଲଙ୍କହା ॥ ୧୩୦ ॥

ସ୍ଵଭାଵଭଦ୍ରୋ ମଧ୍ୟସ୍ଥଃ ଶତ୍ରୁଘ୍ନଃ ଶତ୍ରୁନାଶନଃ ।
ଶିଖଣ୍ଡୀ କଵଚୀ ଶୂଲୀ ଜଟୀ ମୁଣ୍ଡୀ ଚ କୁଣ୍ଡଲୀ ॥ ୧୩୧ ॥

ମେଖଲୀ କଞ୍ଚୁକୀ ଖଡ୍ଗୀ ମୌଲୀ ସଂସାରସାରଥିଃ ।
ଅମୃତ୍ୟୁଃ ସର୍ଵଜିତ୍ସିଂହସ୍ତେଜୋରାଶିର୍ମହାମଣିଃ ॥ ୧୩୨ ॥

ଅସଙ୍ଖ୍ୟେୟୋଽପ୍ରମେୟାତ୍ମା ଵୀର୍ୟଵାନ୍କାର୍ୟକୋଵିଦଃ ।
ଵେଦ୍ୟୋ ଵୈଦ୍ୟୋ ଵିୟଦ୍ଗୋପ୍ତା ସପ୍ତାଵରମୁନୀଶ୍ଵରଃ ॥ ୧୩୩ ॥

ଅନୁତ୍ତମୋ ଦୁରାଧର୍ଷୋ ମଧୁରଃ ପ୍ରିୟଦର୍ଶନଃ ।
ସୁରେଶଃ ଶରଣଂ ଶର୍ମ ସର୍ଵଃ ଶବ୍ଦଵତାଂ ଗତିଃ ॥ ୧୩୪ ॥

କାଲଃ ପକ୍ଷଃ କରଙ୍କାରିଃ କଙ୍କଣୀକୃତଵାସୁକିଃ ।
ମହେଷ୍ଵାସୋ ମହୀଭର୍ତା ନିଷ୍କଲଙ୍କୋ ଵିଶୃଙ୍ଖଲଃ ॥ ୧୩୫ ॥

ଦ୍ୟୁମଣିସ୍ତରଣିର୍ଧନ୍ୟଃ ସିଦ୍ଧିଦଃ ସିଦ୍ଧିସାଧନଃ ।
ଵିଵୃତଃ ସଂଵୃତଃ ଶିଲ୍ପୀ ଵ୍ୟୂଢୋରସ୍କୋ ମହାଭୁଜଃ ॥ ୧୩୬ ॥

ଏକଜ୍ୟୋତିର୍ନିରାତଙ୍କୋ ନରନାରାୟଣପ୍ରିୟଃ ।
ନିର୍ଲେପୋ ନିଷ୍ପ୍ରପଞ୍ଚାତ୍ମା ନିର୍ଵ୍ୟଗ୍ରୋ ଵ୍ୟଗ୍ରନାଶନଃ ॥ ୧୩୭ ॥

ସ୍ତଵ୍ୟଃ ସ୍ତଵପ୍ରିୟଃ ସ୍ତୋତା ଵ୍ୟୋମମୂର୍ତିରନାକୁଲଃ ।
ନିରଵେଦ୍ୟପଦୋପାୟୋ ଵିଦ୍ୟାରାଶିରକୃତ୍ରିମଃ ॥ ୧୩୮ ॥

ପ୍ରଶାନ୍ତବୁଦ୍ଧିରକ୍ଷୁଦ୍ରଃ କ୍ଷୁଦ୍ରହା ନିତ୍ୟସୁନ୍ଦରଃ ।
ଧ୍ୟେୟୋଽଗ୍ରଧୁର୍ୟୋ ଧାତ୍ରୀଶଃ ସାକଲ୍ୟଃ ଶର୍ଵରୀପତିଃ ॥ ୧୩୯ ॥

ପରମାର୍ଥଗୁରୁର୍ଵ୍ୟାପୀ ଶୁଚିରାଶ୍ରିତଵତ୍ସଲଃ ।
ରସୋ ରସଜ୍ଞଃ ସାରଜ୍ଞଃ ସର୍ଵସତ୍ତ୍ଵାଵଲମ୍ବନଃ ॥ ୧୪୦ ॥

ଏଵଂ ନାମ୍ନାଂ ସହସ୍ରେଣ ତୁଷ୍ଟାଵ ଗିରିଜାପତିମ୍ ।
ସମ୍ପୂଜ୍ୟ ପରୟା ଭକ୍ତ୍ୟା ପୁଣ୍ଡରୀକୈଦ୍ଵିଜୋତ୍ତମାଃ ॥ ୧୪୧ ॥

ଜିଜ୍ଞାସାର୍ଥଂ ହରେର୍ଭକ୍ତ୍ୟା କମଲେଷୁ ଶିଵଃ ସ୍ଵୟମ୍ ।
ତତ୍ରୈକଂ ଗୋପୟାମାସ କମଲଂ ମୁନିପୁଙ୍ଗଵାଃ ॥ ୧୪୨ ॥

ହୃତେ ପୁଷ୍ପେ ତଦା ଵିଷ୍ଣୁଶ୍ଚିନ୍ତୟନ୍କିମିଦଂ ତ୍ଵିତି ।
ଜ୍ଞାତ୍ଵାଽଽତ୍ମନୋଽକ୍ଷିମୁଦ୍ଧୃତ୍ୟ ପୂଜୟାମାସ ଶଙ୍କରମ୍ ॥ ୧୪୩ ॥

ଅଥ ଜ୍ଞାତ୍ଵା ମହାଦେଵୋ ହରେର୍ଭକ୍ତି ସୁନିଶ୍ଚଲାମ୍ ।
ପ୍ରାଦୁର୍ଭୂତୋ ମହାଦେଵୋ ମଣ୍ଡଲାତ୍ତିଗ୍ମଦୀଧିତେଃ ॥ ୧୪୪ ॥

ସୂର୍ୟକୋଟିପ୍ରତୀକାଶସ୍ତ୍ରିନେତ୍ରଶ୍ଚନ୍ଦ୍ରଶେଖରଃ ।
ଶୂଲଟଙ୍କଦଗାଚକ୍ରକୁନ୍ତପାଶଧରୋ ଵିଭୁଃ ॥ ୧୪୫ ॥

ଵରଦାଭୟପାଣିଶ୍ଚ ସର୍ଵାଭରଣଭୂଷିତଃ ।
ତଂ ଦୃଷ୍ଟ୍ଵା ଦେଵଦେଵେଶଂ ଭଗଵାନ୍କମଲେକ୍ଷଣଃ ॥ ୧୪୬ ॥

ପୁନର୍ନନାମ ଚରଣୌ ଦଣ୍ଡଵଚ୍ଛୂଲପାଣିନଃ ।
ଦୃଷ୍ଟ୍ଵା ଶମ୍ଭୁଂ ତଦା ଦେଵା ଦୁଦ୍ରୁଵୁର୍ଭୟଵିହ୍ଵଲାଃ ॥ ୧୪୭ ॥

ଚଚାଲ ବ୍ରହ୍ମଭୁଵନଂ ଚକମ୍ପେ ଚ ଵସୁନ୍ଧରା ।
ଅଧଶ୍ଚୋର୍ଧ୍ଵଂ ତତଃ ପ୍ରୀତେ ଦଦାହ ଶତୟୋଜନମ୍ ॥ ୧୪୮ ॥

ଶମ୍ଭୋର୍ଭଗଵତସ୍ତେଜସ୍ତଦ୍ଦୃଷ୍ଟ୍ଵା ପ୍ରହସଞ୍ଶିଵଃ ।
ଅବ୍ରଵୀଚ୍ଛାର୍ଙ୍ଗିଣଂ ଵିପ୍ରାଃ କୃତାଞ୍ଜଲିପୁଟଂ ସ୍ଥିତମ୍ ॥ ୧୪୯ ॥

ଦେଵକାର୍ୟମିଽଦଂ ଜ୍ଞାତମିଦାନୀଂ ମଧୁସୂଦନ ।
ଦିଵ୍ୟଂ ଦଦାମି ତେ ଚକ୍ରମଦ୍ଭୁତଂ ତତ୍ସୁଦର୍ଶନମ୍ ॥ ୧୫୦ ॥

ହିତାର୍ଥଂ ସର୍ଵଦେଵାନାଂ ନିର୍ମିତଂ ୟନ୍ମୟା ପୁରା ।
ଗୃହୀତ୍ଵା ତଦ୍ଗୁଣୈର୍ଦୈତ୍ୟାଞ୍ଜହି ଵିଷ୍ଣୋ ମମାଽଽଜ୍ଞୟା ॥ ୧୫୧ ॥

ଏଵମୁକ୍ତ୍ଵା ଦଦୌ ଚକ୍ରଂ ସୂର୍ୟାୟୁତସମପ୍ରଭମ୍ ।
ଲୋକେଷୁ ପୁଣ୍ଡରୀକାକ୍ଷ ଇତି ଖ୍ୟାତିଂ ଗତା ହରିଃ ॥ ୧୫୨ ॥

ପୁନସ୍ତମବ୍ରଵୀଚ୍ଛମ୍ଭୁର୍ନାରାୟଣମନାମୟମ୍ ।
ଵରାନନ୍ୟାନ୍ସୁରଶ୍ରେଷ୍ଠ ଵରୟସ୍ଵ ୟଥେପ୍ସିତାନ୍ ॥ ୧୫୩ ॥

ଏଵଂ ଶମ୍ଭୋର୍ନିଗଦିତଂ ଶ୍ରୁତ୍ଵା ଦେଵୋ ଜନାର୍ଦନଃ ।
ଅବ୍ରଵୀତ୍ଖଣ୍ଡପରଶୁଂ ପ୍ରାଞ୍ଜଲିଃ ପ୍ରଣୟାନ୍ଵିତଃ ॥ ୧୫୪ ॥

ଶ୍ରୀଵିଷ୍ଣୁରୁଵାଚ –
ଭଗଵନ୍ଦେଵଦେଵେଶ ପରମାତ୍ମଞ୍ଶିଵାଵ୍ୟୟ ।
ନିଶ୍ଚଲା ତ୍ଵୟି ମେ ଭକ୍ତିର୍ଭଵତ୍ଵିତି ଵରୋ ମମ ॥ ୧୫୫ ॥

ଈଶ୍ଵର ଉଵାଚ –
ଭକ୍ତିର୍ମୟି ଦୃଢା ଵିଷ୍ଣୋ ଭଵିଷ୍ୟତି ତଵାନଘ ।
ଅଜେୟସ୍ତ୍ରିଷୁ ଲୋକେଷୁ ମତ୍ପ୍ରସାଦାଦ୍ଭଵିଷ୍ୟସି ॥ ୧୫୬ ॥

ସୂତ ଉଵାଚ –
ଏଵଂ ଦତ୍ତ୍ଵା ଵରଂ ଶମ୍ଭୁର୍ଵିଷ୍ଣଵେ ପ୍ରଭଵିଷ୍ଣଵେ ।
ଅନ୍ତର୍ହିତୋ ଦ୍ଵିଜଶ୍ରେଷ୍ଠା ଇତି ଦେଵୋଽବ୍ରଵୀଦ୍ରଵିଃ ॥ ୧୫୭ ॥

ନାମ୍ନାଂ ସହସ୍ରଂ ୟଦ୍ଦିଵ୍ୟଂ ଵିଷ୍ଣୁନା ସମୁଦୀରିତମ୍ ।
ୟଃ ପଠେଚ୍ଛୃଣୁୟାଦ୍ଵାଽପି ସର୍ଵପାପୈଃ ପ୍ରମୁଚ୍ୟତେ ॥ ୧୫୮ ॥

ଅଶ୍ଵମେଧସହସ୍ରସ୍ୟ ଫଲଂ ପ୍ରାପ୍ନୋତି ନିଶ୍ଚିତମ୍ ।
ପଠତଃ ସର୍ଵଭାଵେନ ଵିଦ୍ୟା ଵା ମହତୀ ଭଵେ ॥ ୧୫୯ ॥

ଜାୟତେ ମହଦୈଶ୍ଵର୍ୟଂ ଶିଵସ୍ୟ ଦୟିତୋ ଭଵେତ୍ ।
ଦୁସ୍ତରେ ଜଲସଙ୍ଘାତେ ୟଜ୍ଜଲଂ ସ୍ଥଲତାଂ ଵ୍ରଜେତ୍ ॥ ୧୬୦ ॥

ହାରାୟନ୍ତେ ମହାସର୍ପାଃ ସିଂହଃ କ୍ରୀଡାମୃଗାୟତେ ।
ତସ୍ମାନ୍ନାମ୍ନାଂ ସହସ୍ରେଣ ସ୍ତୋତଵ୍ୟୋ ଭଗଵାଞ୍ଶିଵଃ ॥ ୧୬୧ ॥

ପ୍ରୟଚ୍ଛତ୍ୟଖିଲାନ୍କାମାନ୍ଦେହାନ୍ତେ ଚ ପରାଂ ଗତିମ୍ ॥ ୧୬୨ ॥

ଇତି ଶ୍ରୀବ୍ରହ୍ମପୁରାଣୋପପୁରାଣେ ଶ୍ରୀସୌରେ ସୂତଶୌନକସଂଵାଦେ
(ଵିଷ୍ଣୁଚକ୍ରପ୍ରାପ୍ତିକଥନଂ ନାମୈକଚତ୍ଵାରିଂଶୋଽଧ୍ୟାୟଃ)
ଶ୍ରୀଶିଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥

Also Read:

1000 Names of Sri Shiva | Sahasranama Stotram from Saurapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Shiva from Saurapurana Lyrics in Oriya

Leave a Reply

Your email address will not be published. Required fields are marked *

Scroll to top