Templesinindiainfo

Best Spiritual Website

1000 Names of Sri Shivakama Sundari 2 | Sahasranama Stotram Lyrics in Malayalam

Shri Shivakama Sundari Sahasranamastotram 2 Lyrics in Malayalam:

॥ ശ്രീശിവകാമസുന്ദരീസഹസ്രനാമസ്തോത്രം രുദ്രയാമലാന്തര്‍ഗതം ॥

॥ പൂര്‍വപീഠികാ ॥

സമാഹൂയ പരം കാന്തം ഏകദാ വിജനേ മുദാ ।
പരമാനന്ദസന്ദോഹമുദിതം പ്രാഹ പാര്‍വതീ ॥ 1 ॥

പാര്‍വതീ ഉവാച
ശ്രീമന്നാഥ മഹാനന്ദകാരണം ബ്രൂഹി ശങ്കര ।
യോഗീന്ദ്രോപാസ്യ ദേവേശ പ്രേമപൂര്‍ണ സുധാനിധേ ॥ 2 ॥

കൃപാസ്തി മയി ചേത് ശംഭോ സുഗോപ്യമപി കഥ്യതാം ।
ശിവകാമേശ്വരീനാമസാഹസ്രം വദ മേ പ്രഭോ ॥ 3 ॥

ശ്രീശങ്കര ഉവാച
നിര്‍ഭരാനന്ദസന്ദോഹഃ ശക്തിഭാവേന ജായതേ ।
ലാവണ്യസിന്ധുസ്തന്നാപി സുന്ദരീ രസകന്ധരാ ॥ 4 ॥

താമേവാനുക്ഷണം ദേവി ചിന്തയാമി തതഃ ശിവേ ।
തസ്യാ നാമസഹസ്രാണി കഥയാമി തവ പ്രിയേ ॥ 5 ॥

സുഗോപ്യാന്യപി രംഭോരു ഗംഭീരസ്നേഹവിഭ്രമാത് ।
താമേവ സ്തുവതാ ദേവീം ധ്യായതോഽനുക്ഷണം മമ ।
സുഖസന്ദോഹസംഭാരഭാവനാനന്ദകാരണം ॥ 6 ॥

അസ്യ ശ്രീശിവകാമസുന്ദരീസഹസ്രനാമ സ്തോത്രമഹാമന്ത്രസ്യ ।
സദാശിവ ഋഷിഃ അനുഷ്ടുപ് ഛന്ദഃ ശ്രീമച്ഛിവകാമസുന്ദരീ ദേവതാ ।
വാഗ്ഭവസ്വരൂപം ഐം ബീജം । ചിദാനന്ദാത്മകം ഹ്രീം ശക്തിഃ ।
കാമരാജാത്മകം ക്ലീം കീലകം ।
ശ്രീമച്ഛിവകാമസുന്ദരീപ്രസാദസിദ്ധ്യര്‍ഥേ ജപേ വിനിയോഗഃ ॥

ഷോഡശാര്‍ണമൂലേന ന്യാസഃ ॥

ഷോഡശാര്‍ണധ്യാനമേവ അത്രാപി ധ്യാനം ।

സിദ്ധസിദ്ധനവരത്നഭൂമികേ കല്‍പവൃക്ഷനവവാടിസംവൃതേ ।
രത്നസാലവനസംഭൃതേഽനിശം തത്ര വാപിശതകേന സംവൃതേ ॥ 7 ॥

രത്നവാടിമണിമണ്ഡപേഽരുണേ ചപഡഭാനുശതകോടിഭാസുരേ ।
ആദിശൈവമണിമഞ്ചകേ പരേ ശങ്കരാങ്കമണിപീഠകോപരി ॥

കാദിഹാന്തമനുരൂപിണീം ശിവാം സംസ്മരേച്ച ശിവകാമസുന്ദരീം ॥ 8 ॥

ലമിത്യാദി പഞ്ചപൂജാ ॥

ശിവകാമേശ്വരീനാമസാഹസ്രസ്തോത്രമുത്തമം ।
പ്രോച്യതേ ശ്രദ്ധയാ ദേവി ശൃണുഷ്വാവഹിതാ പ്രിയേ ॥ 9 ॥

കാമേശീനാമസാഹസ്രേ സദാശിവ ഋഷിഃ സ്മൃതഃ ।
ഛന്ദോഽനുഷ്ടുപ് ദേവതാ ച ശിവകാമേശ്വരീ സ്മൃതാ ॥ 10 ॥

ഐം ബീജം കീലകം ക്ലീം ച ഹ്രീം ശക്തിഃ കഥിതാ പ്രിയേ ।
ന്യാസധ്യാനാദികം സര്‍വം ഷോഡശാര്‍ണവദീരിതം ॥ 11 ॥

അനേന സ്തോത്രരാജേന സര്‍വാഭീഷ്ടം ലഭേത നാ ।

॥ അഥ സഹസ്രനാമസ്തോത്രം ॥

ശ്രീശിവാ ശിവകാമീ ച സുന്ദരീ ഭുവനേശ്വരീ ।
ആനന്ദസിന്ധുരാനന്ദാനന്ദമൂര്‍തിര്‍വിനോദിനീ ॥ 1 ॥

ത്രൈപുരീ സുന്ദരീ പ്രേമപാഥോനിധിരനുത്തമാ ।
രാമോല്ലാസാ പരാ ഭൂതിഃ വിഭൂതിശ്ശങ്കരപ്രിയാ ॥ 2 ॥

ശൃങ്ഗാരമൂര്‍തിര്‍വിരതാ രസാനുഭവരോചനാ ।
പരമാനന്ദലഹരീ രതിരങ്ഗവതീ സതീ ॥ 3 ॥

രങ്ഗമാലാനങ്ഗകലാകേലിഃ കൈവല്യദാ കലാ ।
രസകല്‍പാ കല്‍പലതാ കുതൂഹലവതീ ഗതിഃ ॥ 4 ॥

വിനോദദുഗ്ധാ സുസ്നിഗ്ധാ മുഗ്ധമൂര്‍തിനോഹരാ ।
ബാലാര്‍കകോടികിരണാ ചന്ദ്രകോടിസുശീതലാ ॥ 5 ॥

സ്രവത്പീയൂഷദിഗ്ധാങ്ഗീ സങ്ഗീത നടികാ ശിവാ ।
കുരങ്ഗനയനാ കാന്താ സുഖസന്തതിരിന്ദിരാ ॥ 6 ॥

മങ്ഗലാ മധുരാപാങ്ഗാ രഞ്ജനീ രമണീ രതിഃ ।
രാജരാജേശ്വരീ രാജ്ഞീ മഹേന്ദ്രപരിവന്ദിതാ ॥ 7 ॥

പ്രപഞ്ചഗതിരീശാനീ സാമരസ്യപരായണാ ।
ഹംസോല്ലാസാ ഹംസഗതിഃ ശിഞ്ജത്കനകനൂപുരാ ॥ 8 ॥

മേരുമന്ദരവക്ഷോജാ സൃണിപാശവരായുധാ ।
ശങ്ഖകോദണ്ഡസസ്താബ്ജപാണിദ്വയവിരാജിതാ ॥ 9 ॥

ചന്ദ്രബിംബാനനാ ചാരുമകുടോത്തംസചന്ദ്രികാ ।
സിന്ദൂരതിലകാ ചാരുധമ്മില്ലാമലമാലികാ ॥ 10 ॥

മന്ദാരദാമമുദിതാ രക്തപുഷ്പവിഭൂഷിതാ ।
സുവര്‍ണാഭരണപ്രീതാ മുക്താദാമമനോഹരാ ॥ 11 ॥

താംബൂലപൂരവദനാ മദനാനന്ദമാനസാ ।
സുഖാരാധ്യാ തപസ്സാരാ കൃപാവാരിധിരീശ്വരീ ॥ 12 ॥

വക്ഷഃസ്ഥലലസന്‍മഗ്നാ പ്രഭാ മധുരസോന്‍മുഖാ ।
ബിന്ദുനാദാത്മികാ ചാരുരസിതാ തുര്യരൂപിണീ ॥ 13 ॥

കമനീയാകൃതിഃ ധന്യാ ശങ്കരപ്രീതിമഞ്ജരീ ।
കന്യാ കലാവതീ മാതാ ഗജേന്ദ്രഗമനാ ശുഭാ ॥ 14 ॥

കുമാരീ കരഭോരു ശ്രീഃ രൂപലക്ഷ്മീഃ സുരാജിതാ ।
സന്തോഷസീമാ സമ്പത്തിഃ ശാതകുംഭപ്രിയാ ദ്യുതിഃ ॥ 15 ॥

പരിപൂര്‍ണാ ജഗദ്ധാത്രീ വിധാത്രീ ബലവര്‍ധിനീ ।
സാര്‍വഭൌമനൃപശ്രീശ്ച സാംരാജ്യഗതിരാസികാ ॥ 16 ॥

സരോജാക്ഷീ ദീര്‍ഘദൃഷ്ടിഃ സൌചക്ഷണവിചക്ഷണാ ।
രങ്ഗസ്രവന്തീ രസികാ പ്രധാനരസരൂപിണീ ॥ 17 ॥

രസസിന്ധുഃ സുഗാത്രീ ച യുവതിഃ മൈഥുനോന്‍മുഖീ ।
നിരന്തരാ രസാസക്താ ശക്തിസ്ത്രിഭുവനാത്മികാ ॥

കാമാക്ഷീ കാമനിഷ്ഠാ ച കാമേശീ ഭഗമങ്ഗലാ ।
സുഭഗാ ഭഗിനീ ഭോഗ്യാ ഭാഗ്യദാ ഭയദാ ഭഗാ ।
ഭഗലിങ്ഗാനന്ദകലാ ഭഗമധ്യനിവാസിനീ ॥ 19 ॥

ഭഗരൂപാ ഭഗമയീ ഭഗയന്ത്രാ ഭഗോത്തമാ ।
യോനിര്‍ജയാ കാമകലാ കുലാമൃതപരായണാ ॥ 20 ॥

കുലകുണ്ഡാലയാ സൂക്ഷ്മജീവസ്ഫുലിങ്ഗരൂപിണീ ।
മൂലസ്ഥിതാ കേലിരതാ വലയാകൃതിരീഡിതാ ॥ 21 ॥

സുഷുംനാ കമലാനന്ദാ ചിത്രാ കൂര്‍മഗതിര്‍ഗിരിഃ ।
സിതാരുണാ സിന്ധുരൂപാ പ്രവേഗാ നിര്‍ധനീ ക്ഷമാ ॥ 22 ॥

ധണ്ടാകോടിരസാരാവാ രവിബിംബോത്ഥിതാദ്ഭൂതാ ।
നാദാന്തലീനാ സമ്പൂര്‍ണാ പ്രണവാ ബഹുരൂപിണീ ॥ 23 ॥

ഭൃങ്ഗാരാവാ വശഗതിഃ വാഗീശീ മധുരധ്വനിഃ ।
വര്‍ണമാലാ സിദ്ധികലാ ഷട്ചക്രക്രമവാസിനീ ॥ 24 ॥

മണിപൂരസ്ഥിതാ സ്നിഗ്ധാ കൂര്‍മചക്രപരായണാ ।
മൂലകേലിരതാ സാധ്വീ സ്വാധിഷ്ഠാനനിവാസിനീ ॥ 25 ॥

അനാഹതഗതിര്‍ദീപാ ശിവാനന്ദമയദ്യുതിഃ ।
വിരുദ്ധരുധാ സംബുദ്ധാ ജീവഭോക്ത്രീ സ്ഥലീരതാ ॥ 26 ॥

ആജ്ഞാചക്രോജ്ജ്വലസ്ഫാരസ്ഫുരന്തീ നിര്‍ഗതദ്വിഷാ ।
ചന്ദ്രികാ ചന്ദ്രകോടീശീ സൂര്യകോടിപ്രഭാമയീ ॥ 27 ॥

പദ്മരാഗാരുണച്ഛായാ നിത്യാഹ്ലാദമയീപ്രഭാ ।
മഹാശൂന്യാലയാ ചന്ദ്രമണ്ഡലാമൃതനന്ദിതാ ॥ 28 ॥

കാന്താങ്ഗസങ്ഗമുദിതാ സുധാമാധുര്യസംഭൃതാ ।
മഹാചന്ദ്രസ്മിതാലിസാ മൃത്പാത്രസ്ഥാ സുധാദ്യുതിഃ ॥ 29 ॥

സ്രവത്പീമൂഷസംസക്താ ശശ്വത്കുണ്ഡാലയാ ഭവാ ।
ശ്രേയോ ദ്യുതിഃ പ്രത്യഗര്‍ഥാ സേവാ ഫലവതീ മഹീ ॥ 30 ॥

ശിവാ ശിവപ്രിയാ ശൈവാ ശങ്കരീ ശാംഭവീ വിഭുഃ ।
സ്വയംഭൂ സ്വപ്രിയാ സ്വീയാ സ്വകീയാ ജനമാതൃകാ ॥

സുരാമാ സ്വപ്രിയാ ശ്രേയഃ സ്വാധികാരാധിനായികാ ।
മണ്ഡലാ ജനനീ മാന്യാ സര്‍വമങ്ഗലസന്തതിഃ ॥ 32 ॥

ഭദ്രാ ഭഗവതീ ഭാവ്യാ കലിതാര്‍ധേന്ദുഭാസുരാ ।
കല്യാണലലിതാ കാംയാ കുകര്‍മകുമതിപ്രദാ ॥ 33 ॥

കുരങ്ഗാക്ഷീ ക്ഷീരനേത്രാ ക്ഷീരാ മധുരസോന്‍മദാ ।
വാരുണീപാനമുദിതാ മദിരാമുദിതാ സ്ഥിരാ ॥ 34 ॥

കാദംബരീപാനരുചിഃ വിപാശാ പശുഭാവനാ ।
മുദിതാ ലലിതാപാങ്ഗാ ദരാന്ദോലിതദീര്‍ഘദൃക് ॥ 35 ॥

ദൈത്യാകുലാനലശിഖാ മനോരഥസുധാദ്യുതിഃ ।
സുവാസിനീ പീതഗാത്രീ പീനശ്രോണിപയോധരാ ॥ 36 ॥

സുചാരുകബരീ ദധ്യുദധ്യുത്ഥിമൌക്തികാ ।
ബിംബാധരദ്യുതിഃ മുഗ്ധാ പ്രവാലോത്തമദീധിതിഃ ॥ 37 ॥

തിലപ്രസൂനനാസാഗ്രാ ഹേമമൌക്തികകോരകാ ।
നിഷ്കലങ്കേന്ദുവദനാ ബാലേന്ദുവദനോജ്വലാ ॥ 38 ॥

നൃത്യന്ത്യഞ്ജനനേത്രാന്താ പ്രസ്ഫുരത്കര്‍ണശഷ്കുലീ ।
ഭാലചന്ദ്രാതപോന്നദ്ധാ മണിസൂര്യകിരീടിനീ ॥ 39 ॥

കചൌഘചമ്പകശ്രേണീ മാലിനീദാമമണ്ഡിതാ ।
ഹേമമാണിക്യ താടങ്കാ മണികാഞ്ചന കുണ്ഡലാ ॥ 40 ॥

സുചാരുചുബുകാ കംബുകണ്ഠീ കുണ്ഡാവലീ രമാ ।
ഗങ്ഗാതരങ്ഗഹാരോര്‍മിഃ മത്തകോകിലനിസ്വനാ ॥ 41 ॥

മൃണാലവിലസദ്ബാഹുപാശാകുശധനുര്‍ധരാ ।
കേയൂരകങ്കണശ്രേണീ നാനാമണിമനോരമാ ॥ 42 ॥

താംരപങ്കജപാണിശ്രീഃ നവരത്നപ്രഭാവതീ ।
അങ്ഗുലീയമണിശ്രേണീ കാന്തിമങ്ഗലസന്തതിഃ ॥ 43 ॥

മന്ദരദ്വന്ദ്വസുകുചാ രോമരാജിഭുജങ്ഗികാ ।
ഗംഭീരനാഭിസ്ത്രിവലീഭങ്ഗുരാ ക്ഷണിമധ്യമാ ॥ 44 ॥

രണത്കാഞ്ചീഗുണാനദ്ധാ പട്ടാംശുകനിതംബികാ ।
മേരുസന്ധിനിതംബാഢ്യാ ഗജശുണ്ഡോരുയുഗ്മയുക് ॥ 45 ॥

സുജാനുര്‍മദനാനന്ദമയജങ്ഘാദ്വയാന്വിതാ ।
ഗൂഢഗുല്‍ഫാ മഞ്ജുശിഞ്ജന്‍മണിനൂപുരമണ്ഡിതാ ॥ 46 ॥

പദദ്വന്ദ്വജിതാംഭോജാ നഖചന്ദ്രാവലീപ്രഭാ ।
സുസീമപ്രപദാ രാജംഹസമത്തേഭമന്ദഗാ ॥ 47 ॥

യോഗിധ്യേയപദദ്വദ്വാ സൌന്ദര്യാമൃതസാരിണീ ।
ലാവപയസിന്ധുഃ സിന്ദൂരതിലകാ കുടിലാലകാ ॥ 48 ॥

സാധുസീമന്തിനീ സിദ്ധബുദ്ധവൃന്ദാരകോദയാ ।
ബാലാര്‍കകിരണശ്രേണിശോണശ്രീഃ പ്രേമകാമധുക് ॥ 49 ॥

രസഗംഭീരസരസീ പദ്മിനീ രസസാരസാ ।
പ്രസന്നാസന്നവരദാ ശാരദാ ഭുവി ഭാഗ്യദാ ॥ 50 ॥

നടരാജപ്രിയാ വിശ്വാനാദ്യാ നര്‍തകനര്‍തകീ ।
ചിത്രയന്ത്രാ ചിത്രതന്ത്രാ ചിത്രവിദ്യാവലീയതിഃ ॥ 51 ॥

ചിത്രകൂടാ ത്രികൂടാ ച പന്ധകൂടാ ച പഞ്ചമീ ।
ചതുഷ്ട്കൂടാ ശംഭുവിദ്യാ ഷട്കൂടാ വിഷ്ണുപൂജിതാ ॥ 52 ॥

കൂടഷോഡശസമ്പന്നാ തുരീയാ പരമാ കലാ ।
ഷോഡശീ മന്ത്രയന്ത്രാണാം ഈശ്വരീ മേരുമണ്ഡലാ ॥ 53 ॥

ഷോഡശാര്‍ണാ ത്രിവര്‍ണാ ച ബിന്ദുനാദസ്വരൂപിണീ ।
വര്‍ണാതീതാ വര്‍ണമതാ ശബ്ദബ്രഹ്മമയീ സുഖാ ॥ 54 ॥

സുഖജ്യോത്സ്നാനന്ദവിദ്യുദന്തരാകാശദേവതാ ।
ചൈതന്യാ വിധികൂടാത്മാ കാമേശീ സ്വപ്നദര്‍ശനാ ॥ 55 ॥

സ്വപ്നരൂപാ ബോധകരീ ജാഗ്രതീ ജാഗരാശ്രയാ ।
സ്വപ്നാശ്രയാ സുഷുപ്തിസ്ഥാ തന്ത്രമൂര്‍തിശ്ച മാധവീ ॥ 56 ॥

ലോപാമുദ്രാ കാമരാജ്ഞീ മാധവീ മിത്രരൂപിണീ ।
ശാങ്കരീ നന്ദിവിദ്യാ ച ഭാസ്വന്‍മണ്ഡലമധ്യഗാ ॥ 57 ॥

മാഹേന്ദ്രസ്വര്‍ഗസമ്പത്തിഃ ദൂര്‍വാസസ്സേവിതാ ശ്രുതിഃ ।
സാധകേന്ദ്രഗതിസ്സാധ്വീ സുലിപ്താ സിദ്ധികന്ധരാ ॥ 58 ॥

പുരത്രയേശീ പുരകൃത് ഷഷ്ഠീ ച പരദേവതാ ।
വിഘ്നദൂരീ ഭൂരിഗുണാ പുഷ്ടിഃ പൂജിതകാമധുക് ॥ 59 ॥

ഹേരംബമാതാ ഗണപാ ഗുഹാംബാഽഽര്യാ നിതംബിനീ ।
ഏഷാ സീമന്തിനീ മോക്ഷദക്ഷാ ദീക്ഷിതമാതൃകാ ॥ 60 ॥

സാധകാംബാ സിദ്ധമാതാ സാധകേന്ദ്രമനോരമാ ।
യൌവനോന്‍മാദിനീ തുങ്ഗസ്തനീ സുശ്രോണിമണ്ഡിതാ ॥ 61 ॥

പദ്മരക്തോത്പലവതീ രക്തമാല്യാനുലേപനാ ।
രക്തമാല്യരുചിര്‍ദക്ഷാ ശിഖണ്ഡിന്യതിസുന്ദരീ ॥ 62 ॥

ശിഖണ്ഡിനൃത്യസന്തുഷ്ടാ ശിഖണ്ഡികുലപാലിനീ ।
വസുന്ധരാ ച സുരഭിഃ കമനീയതനുശ്ശുഭാ ॥ 63 ॥

നന്ദിനീ ത്രീക്ഷണവതീ വസിഷ്ഠാലയദേവതാ ।
ഗോലകേശീ ച ലോകേന്ദ്രാ നൃലോകപരിപാലികാ ॥ 64 ॥

ഹവിര്‍ധാത്രീ ദേവമാതാ വൃന്ദാരകപരാത്മയുക് ।
രുദ്രമാതാ രുദ്രപത്നീ മദോദ്ഗാരഭരാ ക്ഷിതിഃ ॥ 65 ॥

ദക്ഷിണാ യജ്ഞസമ്പത്തിഃ സ്വബലാ ധീരനന്ദിതാ ।
ക്ഷീരപൂര്‍ണാര്‍ണവഗതിഃ സുധായോനിഃ സുലോചനാ ॥ 66 ॥

രമാ തുങ്ഗാ സദാസേവ്യാ സുരസങ്ഘദയാ ഉമാ ।
സുചരിത്രാ ചിത്രവരാ സുസ്തനീ വത്സവത്സലാ ॥ 67 ॥

രജസ്വലാ രജോയുക്താ രഞ്ജിതാ രങ്ഗമാലികാ ।
രക്തപ്രിയാ സുരക്താ ച രതിരങ്ഗസ്വരൂപിണീ ॥ 68 ॥

രജശ്ശുക്ലാക്ഷികാ നിഷ്ഠാ ഋതുസ്നാതാ രതിപ്രിയാ ।
ഭാവ്യഭാവ്യാ കാമകേലിഃ സ്മരഭൂഃ സ്മരജീവികാ ॥ 69 ॥

സമാധികുസുമാനന്ദാ സ്വയംഭുകുസുമപ്രിയാ ।
സ്വയംഭുപ്രേമസന്തുഷ്ടാ സ്വയംഭൂനിന്ദകാന്തകാ ॥ 70 ॥

സ്വയംഭുസ്ഥാ ശക്തിപുടാ രവിഃ സര്‍വസ്വപേടികാ ।
അത്യന്തരസികാ ദൂതിഃ വിദഗ്ധാ പ്രീതിപൂജിതാ ॥ 71 ॥

തൂലികായന്ത്രനിലയാ യോഗപീഠനിവാസിനീ ।
സുലക്ഷണാ ദൃശ്യരൂപാ സര്‍വ ലക്ഷണലക്ഷിതാ ॥ 72 ॥

നാനാലങ്കാരസുഭഗാ പഞ്ചകാമശരാര്‍ചിതാ ।
ഊര്‍ധ്വത്രികോണയന്ത്രസ്ഥാ ബാലാ കാമേശ്വരീ തഥാ ॥ 73 ॥

ഗുണാധ്യക്ഷാ കുലാധ്യക്ഷാ ലക്ഷ്മീശ്ചൈവ സരസ്വതീ ।
വസന്തമദനോത്തുങ്ഗ സ്തനീ കുചഭരോന്നതാ ॥ 74 ॥

കലാധരമുഖീ മൂര്‍ധപാഥോധിശ്ച കലാവതീ ।
ദക്ഷപാദാദിശീര്‍ഷാന്തഷോഡശസ്വരസംയുതാ ॥ 75 ॥

ശ്രദ്ധാ പൂര്‍തിഃ രതിശ്ചൈവ ഭൂതിഃ കാന്തിര്‍മനോരമാ ।
വിമലാ യോഗിനീ ഘോരാ മദനോന്‍മാദിനീ മദാ ॥ 76 ॥

മോദിനീ ദീപിനീ ചൈവ ശോഷിണീ ച വശങ്കരീ ।
രജന്യന്താ കാമകലാ ലസത്കമലധാരിണീ ॥ 77 ॥

വാമമൂര്‍ധാദിപാദാന്തഷോഡശസ്വരസംയുതാ ।
പൂഷരൂപാ സുമനസാം സേവ്യാ പ്രീതിഃ ദ്യുതിസ്തഥാ ॥ 78 ॥

ഋദ്ധിഃ സൌദാമിനീ ചിച്ച ഹംസമാലാവൃതാ തഥാ ।
ശശിനീ ചൈവ ച സ്വസ്ഥാ സമ്പൂര്‍ണമണ്ഡലോദയാ ॥ 79 ॥

പുഷ്ടിശ്ചാമൃതപൂര്‍ണാ ച ഭഗമാലാസ്വരൂപിണീ ।
ഭഗയന്ത്രാശ്രയാ ശംഭുരൂപാ സംയോഗയോഗിനീ ॥ 80 ॥

ദ്രാവിണീ ബീജരൂപാ ച ഹ്യക്ഷുബ്ധാ സാധകപ്രിയാ ।
രജഃ പീഠമയീ നാദ്യാ സുഖദാ വാഞ്ഛിതപ്രദാ ॥ 81 ॥

രജസ്സവിത് രജശ്ശക്തിഃ ശുക്ലബിന്ദുസ്വരൂപിണീ ।
സര്‍വസാക്ഷീ സാമരസ്യാ ശിവശക്തിമയീ പ്രഭാ ॥ 82 ॥

സംയോഗാനന്ദനിലയാ സംയോഗപ്രീതിമാതൃകാ ।
സംയോഗകുസുമാനന്ദാ സംയോഗയോഗപദ്ധതിഃ ॥ 83 ॥

സംയോഗസുഖദാവസ്ഥാ ചിദാനന്ദാര്‍ധ്യസേവിതാ ।
അര്‍ഘ്യപൂജ്യാ ച സമ്പത്തിഃ അര്‍ധ്യദാഭിന്നരൂപിണീ ॥ 84 ॥

സാമരസ്യപരാ പ്രീതാ പ്രിയസങ്ഗമരങ്ഗിണീ ।
ജ്ഞാനദൂതീ ജ്ഞാനഗംയാ ജ്ഞാനയോനിശ്ശിവാലയാ ॥ 85 ॥

ചിത്കലാ സത്കലാ ജ്ഞാനകലാ സംവിത്കലാത്മികാ ।
കലാചതുഷ്ടയീ പദ്മവാസിനീ സൂക്ഷ്മരൂപിണീ ॥ 86 ॥

ഹംസകേലിസ്ഥലസ്വസ്ഥാ ഹംസദ്വയവികാസിനീ ।
വിരാഗിതാ മോക്ഷകലാ പരമാത്മകലാവതീ ॥ 87 ॥

വിദ്യാകലാന്തരാത്മസ്ഥാ ചതുഷ്ടയകലാവതീ ।
വിദ്യാസന്തോഷണാ തൃപ്തി പരബ്രഹ്മപ്രകാശിനീ ॥ 88 ॥

പരമാത്മപരാ വസ്തുലീനാ ശക്തിചതുഷ്ടയീ ।
ശാന്തിര്‍ബോധകലാ വ്യാപ്തിഃ പരജ്ഞാനാത്മികാ കലാ ॥ 89 ॥

പശ്യന്തീ പരമാത്മസ്ഥാ ചാന്തരാത്മകലാ ശിവാ ।
മധ്യമാ വൈഖരീ ചാത്മ കലാഽഽനന്ദകലാവതീ ॥ 90 ॥

തരുണീ താരകാ താരാ ശിവലിങ്ഗാലയാത്മവിത് ।
പരസ്പരസ്വഭാവാ ച ബ്രഹ്മജ്ഞാനവിനോദിനീ ॥ 91 ॥

രാമോല്ലാസാ ച ദുര്‍ധര്‍ഷാ പരമാര്‍ഘ്യപ്രിയാ രമാ ।
ജാത്യാദിരഹിതാ യോഗിന്യാനന്ദമാത്രപദ്ധതിഃ ॥ 92 ॥

കാന്താ ശാന്താ ദാന്തയാതിഃ കലിതാ ഹോമപദ്ധതിഃ ।
ദിവ്യഭാവപ്രദാ ദിവ്യാ വീരസൂര്‍വീരഭാവദാ ॥ 93 ॥

പശുദേഹാ വീരഗതിഃ വീരഹംസമനോദയാ ।
മൂര്‍ധാഭിഷിക്താ രാജശ്രീഃ ക്ഷത്രിയോത്തമമാതൃകാ ॥ 94 ॥

ശസ്ത്രാസ്ത്രകുശലാ ശോഭാ രഥസ്ഥാ യുദ്ധജീവികാ ।
അശ്വാരൂഢാ ഗജാരൂഢാ ഭൂതോക്തിഃ സുരസുശ്രയാ ॥ 95 ॥

രാജനീതിശ്ശാന്തികര്‍ത്രീ ചതുരങ്ഗബലാശ്രയാ ।
പോഷിണീ ശരണാ പദ്മപാലികാ ജയപാലികാ ॥ 96 ॥

വിജയാ യോഗിനീ യാത്രാ പരസൈന്യവിമര്‍ദിനീ ।
പൂര്‍ണവിത്താ വിത്തഗംയാ വിത്തസഞ്ചയ ശാലിനീ ॥ 97 ॥

മഹേശീ രാജ്യഭോഗാ ച ഗണികാഗണഭോഗഭൃത് ।
ഉകാരിണീ രമാ യോഗ്യാ മന്ദസേവ്യാ പദാത്മികാ ॥

സൈന്യശ്രേണീ ശൌര്യരതാ പതാകാധ്വജമാലിനീ ।
സുച്ഛത്ര ചാമരശ്രേണിഃ യുവരാജവിവര്‍ധിനീ ॥ 99 ॥

പൂജാ സര്‍വസ്വസംഭാരാ പൂജാപാലനലാലസാ ।
പൂജാഭിപൂജനീയാ ച രാജകാര്യപരായണാ ॥ 100 ॥

ബ്രഹ്മക്ഷത്രമയീ സോമസൂര്യവഹ്നിസ്വരൂപിണീ ।
പൌരോഹിത്യപ്രിയാ സാധ്വീ ബ്രഹ്മാണീ യന്ത്രസന്തതിഃ ॥

സോമപാനജനാപ്രീതാ യോജനാധ്വഗതിക്ഷമാ ।
പ്രീതിഗ്രഹാ പരാ ദാത്രീ ശ്രേഷ്ഠജാതിഃ സതാങ്ഗതിഃ ॥ 102 ॥

ഗായത്രീ വേദവിദ്ധ്യേയാ ദീക്ഷാ സന്തോഷതര്‍പണാ ।
രത്നദീധിതിവിദ്യുത്സഹസനാ വൈശ്യജീവികാ ॥ 103 ॥

കൃഷിര്‍വാണിജ്യഭൂതിശ്ച വൃദ്ധിദാ വൃദ്ധസേവിതാ ।
തുലാധാരാ സ്വപ്നകാമാ മാനോന്‍മാനപരായണാ ॥ 104 ॥

ശ്രദ്ധാ വിപ്രഗതിഃ കര്‍മകരീ കൌതുകപൂജിതാ ।
നാനാഭിചാരചതുരാ വാരസ്ത്രീശ്രീഃ കലാമയീ ॥

സുകര്‍ണധാരാ നൌപാരാ സര്‍വാശാ രതിമോഹിനീ ।
ദുര്‍ഗാ വിന്ധ്യവനസ്ഥാ ച കാലദര്‍പനിഷൂദിനീ ॥

ഭൂമാരശമനീ കൃഷ്ണാ രക്ഷോരാക്ഷസസാഹസാ ।
വിവിധോത്പാതശമനീ സമയാ സുരസേവിതാ ॥ 107 ॥

പഞ്ചാവയവവാക്യശ്രീഃ പ്രപഞ്ചോദ്യാനചന്ദ്രികാ ।
സിദ്ധിസന്ദോഹസംസിദ്ധയോഗിനീവൃന്ദസേവിതാ ॥ 108 ॥

നിത്യാ ഷോഡശികാരൂപാ കാമേശീ ഭഗമാലിനീ ।
നിത്യക്ലിന്നാ നിരാധാരാ വഹ്നിമണ്ഡലവാസിനീ ॥ 109 ॥

മഹാവജ്രേശ്വരീ നിത്യശിവദൂതീതി വിശ്രുതാ ।
ത്വരിതാ പ്രഥിതാ ഖ്യാതാ വിഖ്യാതാ കുലസുന്ദരീ ॥ 110 ॥

നിത്യാ നീലപതാകാ ച വിജയാ സര്‍വമങ്ഗലാ ।
ജ്വാലാമാലാ വിചിത്രാ ച മഹാത്രിപുരസുന്ദരീ ॥ 111 ॥

ഗുരുവൃന്ദാ പരഗുരുഃ പ്രകാശാനന്ദദായിനീ ।
ശിവാനന്ദാ നാദരൂപാ ശക്രാനന്ദസ്വരൂപിണീ ॥ 112 ॥

ദേവ്യാനന്ദാ നാദമയീ കൌലേശാനന്ദനാഥിനീ ।
ശുക്ലദേവ്യാനന്ദനാഥാ കുലേശാനന്ദദായിനീ ॥ 113 ॥

ദിവ്യൌഘസേവിതാ ദിവ്യഭോഗദാനപരായണാ ।
ക്രീഡാനന്ദാ ക്രീഡമാനാ സമയാനന്ദദായിനീ ॥ 114 ॥

വേദാനന്ദാ പാര്‍വതീ ച സഹജാനന്ദദായിനീ ।
സിദ്ധൌഘഗുരുരൂപാ ചാപ്യപരാ ഗുരുരൂപിണീ ॥ 115 ॥

ഗഗനാനന്ദനാഥാ ച വിശ്വാദ്യാനന്ദദായിനീ ।
വിമലാനന്ദനാഥാ ച മദനാനന്ദദായിനീ ॥ 116 ॥

ഭുവനാനന്ദനാഥാ ച ലീലോദ്യാനപ്രിയാ ഗതിഃ ।
സ്വാത്മാന്ദവിനോദാ ച പ്രിയാദ്യാനന്ദനാഥിനീ ॥ 117 ॥

മാനവാദ്യാ ഗുരുശ്രേഷ്ഠാ പരമേഷ്ഠി ഗുരുപ്രഭാ ।
പരമാദ്യാ ഗുരുശ്ശക്തിഃ കിര്‍തനപ്രിയാ ॥ 118 ॥

ത്രൈലോക്യമോഹനാഖ്യാ ച സര്‍വാശാപരിപൂരകാ ।
സര്‍വസങ്ക്ഷോഭിണീ പൂര്‍വാംനായാ ചക്രത്രയാലയാ ॥ 119 ॥

സര്‍വസൌഭാഗ്യദാത്രീ ച സര്‍വാര്‍ഥസാധകപ്രിയാ ।
സര്‍വരക്ഷാകരീ സാധുര്‍ദക്ഷിണാംനായദേവതാ ॥ 120 ॥

മധ്യചക്രൈകനിലയാ പശ്ചിമാംനായദേവതാ ।
നവചക്രകൃതാവാസാ കൌബേരാംനായദേവതാ ॥ 121 ॥

ബിന്ദുചക്രകൃതായാസാ മധ്യസിംഹാസനേശ്വരീ ।
ശ്രീവിദ്യാ നവദുര്‍ഗാ ച മഹിഷാസുരമര്‍ദിനീ ॥ 122 ॥

സര്‍വസാംരാജ്യലക്ഷ്മീശ്ച അഷ്ടലക്ഷ്മീശ്ച സംശ്രുതാ ।
ശൈലേന്ദ്രതനയാ ജ്യോതിഃ നിഷ്കലാ ശാംഭവീ ഉമാ ॥ 123 ॥

അജപാ മാതൃകാ ചേതി ശുക്ലവര്‍ണാ ഷഡാനനാ ।
പാരിജാതേശ്വരീ ചൈവ ത്രികൂടാ പഞ്ചബാണദാ ॥ 114 ॥

പഞ്ചകല്‍പലതാ ചൈവ ത്ര്യക്ഷരീ മൂലപീഠികാ ।
സുധാശ്രീരമൃതേശാനീ ഹ്യന്നപൂര്‍ണാ ച കാമധുക് ॥ 125 ॥

പാശഹസ്താ സിദ്ധലക്ഷ്മീഃ മാതങ്ഗീ ഭുവനേശ്വരീ ।
വാരാഹീ നവരത്നാനാമീശ്വരീ ച പ്രകീര്‍തിദാ ॥ 126 ॥

പരം ജ്യോതിഃ കോശരൂപാ സൈന്ധവീ ശിവദര്‍ശനാ ।
പരാപരാ സ്വാമിനീ ച ശാക്തദര്‍ശനവിശ്രുതാ ॥ 127 ॥

ബ്രഹ്മദര്‍ശനരൂപാ ച ശിവദര്‍ശനരൂപിണീ ।
വിഷ്ണുദര്‍ശനരൂപാ ച സ്രഷ്ടൄദര്‍ശനരൂപിണീ ॥ 128 ॥

സൌരദര്‍ശനരൂപാ ച സ്ഥിതിചക്രകൃതാശ്രയാ ।
ബൌദ്ധദര്‍ശനരൂപാ ച തുരീയാ ബഹുരൂപിണീ ॥ 129 ॥

തത്വമുദ്രാസ്വരൂപാ ച പ്രസന്നാ ജ്ഞാനമാതൃകാ ।
സര്‍വോപചാരസന്തുഷ്ടാ ഹൃന്‍മയീ ശീര്‍ഷദേവതാ ॥ 130 ॥

ശിഖാസ്ഥിതാ വര്‍മമയീ നേത്രത്രയവിലാസിനീ ।
അസ്ത്രസ്ഥാ ചതുരസ്രസ്ഥാ ദ്വാരസ്ഥാ ദ്വാരദേവതാ ॥ 131 ॥

അണിമാ പശ്ചിമസ്ഥാ ച ദക്ഷിണദ്വാരദേവതാ ।
വശിത്വാ വായുകോണസ്ഥാ പ്രാകാംയേശാനദേവതാ ॥ 132 ॥

മഹിമാപൂര്‍വനാഥാ ച ലഘിമോത്തരദേവതാ ।
അഗ്നികോണസ്ഥഗരിമാ പ്രാപ്തിര്‍നൈഋതിവാസിനീ ॥ 133 ॥

ഈശിത്വസിദ്ധിസുരഥാ സര്‍വകാമോര്‍ധ്വവാസിനീ ।
ബ്രാഹ്മീ മാഹേശ്വരീ ചൈവ കൌമാരീ വൈഷ്ണവീ തഥാ ॥ 134 ॥

വാരാഹ്യൈന്ദ്രീ ച ചാമുണ്ഡാ വാമാ ജ്യേഷ്ഠാ സരസ്വതീ ।
ക്ഷോഭിണീ ദ്രാവിണീ രൌദ്രീ കാല്യുന്‍മാദനകാരിണീ ॥ 135 ॥

ഖേചരാ കാലകരണീ ച ബലാനാം വികരണീ തഥാ ।
മനോന്‍മനീ സര്‍വഭൂതദമനീ സര്‍വസിദ്ധിദാ ॥ 136 ॥

ബലപ്രമഥിനീ ശക്തിഃ ബുദ്ധ്യാകര്‍ഷണരൂപിണീ ।
അഹങ്കാരാകര്‍ഷിണീ ച ശബ്ദാകര്‍ഷണരൂപിണീ ॥ 137 ॥

സ്പര്‍ശാകര്‍ഷണരൂപാ ച രൂപാകര്‍ഷണരൂപിണീ ।
രസാകര്‍ഷണരൂപാ ച പ്ലധാകര്‍ഷണരൂപിണീ ॥ 138 ॥

ചിത്രാകര്‍ഷണരൂപാ ച ധൈര്യാകര്‍ഷണരൂപിണീ ।
സ്മൃത്യാകര്‍ഷണരൂപാ ച നാമാകര്‍ഷണസ്ത്വപിണീ ॥ 139 ॥

ബീജാകര്‍ഷണരൂപാ ച ഹ്യാത്മാകര്‍ഷണരൂപിണീ ।
അമൃതാകര്‍ഷിണീ ചൈവ ശരീരാകര്‍ഷണീ തഥാ ॥ 140 ॥

ഷോഡശസ്വരസമ്പന്നാ സ്രവത്പീയൂഷമണ്ഡിതാ ।
ത്രിപുരേശീ സിദ്ധിദാത്രീ കലാദര്‍ശനവാസിനീ ॥ 141 ॥

സര്‍വസങ്ക്ഷോഭചക്രേശീ ശക്തിര്‍ഗുഹ്യതരാഭിധാ ।
അനങ്ഗകുസുമാശക്തിഃ തഥൈവാനങ്ഗമേഖലാ ॥ 142 ॥

അനങ്ഗമദനാഽനങ്ഗമദനാതുരരൂപിണീ ।
അനങ്ഗരേഖാ ചാനങ്ഗവേഗാനങ്ഗാകുശാഭിധാ ॥ 143 ॥

അനങ്ഗമാലിനീ ചൈവ ഹ്യഷ്ടവര്‍ഗാധിഗാമിനീ ।
വസ്വഷ്ടകകൃതാവാസാ ശ്രീമത്ത്രിപുരസുന്ദരീ ॥ 144 ॥

സര്‍വസാംരാജ്യസുഭഗാ സര്‍വഭാഗ്യപ്രദേശ്വരീ ।
സമ്പ്രദായേശ്വരീ സര്‍വസങ്ക്ഷോഭണകരീ തഥാ ॥ 145 ॥

സര്‍വവിദ്രാവണീ സര്‍വാകര്‍ഷിണീരൂപകാരിണീ ।
സര്‍വാഹ്ലാദനശക്തിശ്ച സര്‍വസമ്മോഹിനീ തഥാ ॥ 146 ॥

സര്‍വസ്തംഭനശക്തിശ്ച സര്‍വജൃംഭണകാരിണീ ।
സര്‍വവശ്യകശക്തിശ്ച തഥാ സര്‍വാനുരഞ്ജനീ ॥ 147 ॥

സര്‍വോന്‍മാദനശക്തിശ്ച തഥാ സര്‍വാര്‍ഥസാധികാ ।
സര്‍വസമ്പത്തിദാ ചൈവ സര്‍വമാതൃമയീ തഥാ ॥ 148 ॥

സര്‍വദ്വന്ദ്വക്ഷയകരീ സിദ്ധിസ്ത്രിപുരവസിനീ ।
ചതുര്‍ദശാരചക്രേശീ കുലയോഗസമന്വയാ ॥ 149 ॥

സര്‍വസിദ്ധിപ്രദാ ചൈവ സര്‍വസമ്പത്പ്രദാ തഥാ ।
സര്‍വപ്രിയകരീ ചൈവ സര്‍വമങ്ഗലകാരിണീ ॥ 150 ॥

സര്‍വകാമപ്രപൂര്‍ണാ ച സര്‍വദുഃഖവിമോചിനീ ।
സര്‍വമൃത്യുപ്രശമനീ സര്‍വ വിഘ്നവിനാശിനീ ॥ 151 ॥

സര്‍വാങ്ഗസുന്ദരീ ചൈവ സര്‍വസൌഭാഗ്യദായിനീ ।
ത്രിപുരാ ശ്രീശ്ച സര്‍വാര്‍ഥസാധികാ ദശകോണഗാ ॥ 15 ॥

സര്‍വരക്ഷാകരീ ചൈവ ഈശ്വരീ യോഗിനീ തഥാ ।
സര്‍വജ്ഞാ സര്‍വശക്തിശ്ച സര്‍വൈശ്വര്യപ്രദാ തഥാ ॥ 153 ॥

സര്‍വജ്ഞാനമയീ ചൈവ സര്‍വവ്യാധിവിനാശിനീ ।
സര്‍വാധാരസ്വരൂപാ ച സര്‍വപാപഹരാ തഥാ ॥ 154 ॥

സര്‍വാനന്ദമയീ ചൈവ സര്‍വരക്ഷാസ്വരൂപിണീ ।
തഥൈവ ച മഹാശക്തിഃ സര്‍വേപ്സിതഫലപ്രദാ ॥ 155 ॥

അന്തര്‍ദശാരചക്രസ്ഥാ തഥാ ത്രിപുരമാലിനീ ।
സര്‍വരോഗഹരാ ചൈവ രഹസ്യയോഗിനീ തഥാ ॥ 156 ॥

വാഗ്ദേവീ വശിനീ ചൈവ തഥാ കാമേശ്വരീ തഥാ ।
മോദിനീ വിമലാ ചൈവ ഹ്യരുണാ ജയിനീ തഥാ ॥ 15 ॥

ശിവകാമപ്രദാ ദേവീ ശിവകാമസ്യ സുന്ദരീ ।
ലലിതാ ലലിതാധ്യാനഫലദാ ശുഭകാരിണീ ॥ 15 ॥

സര്‍വേശ്വരീ കൌലിനീ ച വസുവംശാഭിവര്‍ദ്ധിനീ ।
സര്‍വകാമപ്രദാ ചൈവ പരാപരരഹസ്യവിത് ॥ 159 ॥

ത്രികോണചതുരശ്രസ്ഥ കാമേശ്വര്യായുധാത്മികാ ।
കാമേശ്വരീബാണരൂപാ കാമേശീ ചാപരൂപിണീ ॥ 160 ॥

കാമേശീ പാശഹസ്താ ച കാമേശ്യങ്കുശരൂപിണീ ।
കാമേശ്വരീ രുദ്രശക്തിഃ അഗ്നിചക്രകൃതാലയാ ॥ 161 ॥

കാമാഭിന്ത്രാ കാമദോഗ്ധ്രീ കാമദാ ച ത്രികോണഗാ ।
ദക്ഷകോണേശ്വരീ വിഷ്ണുശക്തിര്‍ജാലന്ധരാലയാ ॥ 162 ॥

സൂര്യചക്രാലയാ വാമകോണഗാ സോമചക്രഗാ ।
ഭഗമാലാ ബൃഹച്ഛക്തി പൂര്‍ണാ പൂര്‍വാസ്രരാഗിണീ ॥ 163 ॥

ശ്രീമത്ത്രികോണഭുവനാ ത്രിപുരാഖ്യാ മഹേശ്വരീ ।
സര്‍വാനന്ദമയീശാനീ ബിന്ദുഗാതിരഹസ്യഗാ ॥ 164 ॥

പരബ്രഹ്മസ്വരൂപാ ച മഹാത്രിപുരസുന്ദരീ ।
സര്‍വചക്രാന്തരസ്ഥാ ച സര്‍വചക്രാധിദേവതാ ॥ 165 ॥

സര്‍വചക്രേശ്വരീ സര്‍വമന്ത്രാണാമീശ്വരീ തഥാ ।
സര്‍വവിദ്യേശ്വരീ ചൈവ സര്‍വവാഗീശ്വരീ തഥാ ॥ 166 ॥

സര്‍വയോഗേശ്വരീ സര്‍വപീഠേശ്വര്യഖിലേശ്വരീ ।
സര്‍വകാമേശ്വരീ സര്‍വതത്വേശ്വര്യാഗമേശ്വരീ ॥ 167 ॥

ശക്തിഃ ശക്തിഭൃദുല്ലാസാ നിര്‍ദ്വന്ദ്വാദ്വൈതഗര്‍ഭിണീ ।
നിഷ്പ്രപഞ്ചാ പ്രപഞ്ചാഭാ മഹാമായാ പ്രപഞ്ചസൂഃ ॥ 168 ॥

സര്‍വവിശ്വോത്പത്തിധാത്രീ പരമാനന്ദകാരണാ ।
ലാവണ്യസിന്ധുലഹരീ സുന്ദരീതോഷമന്ദിരാ ॥ 169 ॥

ശിവകാമസുന്ദരീ ദേവീ സര്‍വമങ്ഗലദായിനീ ।
ഇതിനാംനാം സഹസ്രം ച ഗദിതം ഇഷ്ടദായകം ॥ 170 ॥

॥ ഉത്തരപീതികാ ॥

സഹസ്രനാമ മന്ത്രാണാം സാരമാകൃഷ്യ പാര്‍വതി ।
രചിതം ഹി മയാ ചൈതത് സിദ്ധിദം പരമോക്ഷദം ॥ 1 ॥

അനേന സ്തുവതോ നിത്യം അര്‍ധരാത്രേ നിശാമുഖേ ।
പ്രാതഃ കാലേ ച പൂജായാം പഠനം സര്‍വകാമദം ॥ 2 ॥

സര്‍വസാംരാജ്യസുഖദാ സുന്ദരീ പരിതുഷ്യതി ।
രത്നാനി വിവിധാന്യസ്യ വിത്താനി പ്രചുരാണി ച ॥ 3 ॥

മനോരഥരഥസ്ഥാനി ദദാതി പരമേശ്വരീ ।
പുത്രപൌത്രാശ്ച വര്‍ധന്തേ സന്തതിസ്സാര്‍വകാലികാ ॥ 4 ॥

ശത്രവസ്തസ്യ നശ്യന്തി വര്‍ധന്തേ ച ബലാനി ച ।
വ്യാധയസ്തസ്യ നശ്യന്തി ലഭതേ ചൌഷധാനി ച ॥ 5 ॥

മന്ദിരാണി വിചിത്രാണി രാജന്തേ തസ്യ സര്‍വദാ ।
കൃഷിഃ ഫലവതീ തസ്യ ഭൂമിഃ കാമാഖിലപ്രദാ ॥ 6 ॥

സ്ഥിരം ജനപദം തസ്യ രാജ്യം തസ്യ നിരങ്ഗുശം ।
മാതങ്ഗാസ്തുരഗാസ്തുങ്ഗാഃ സിഞ്ചിന്തോ മദവാരിഭിഃ ॥ 7 ॥

സൈനികാശ്ച വിരാജന്തേ തുഷ്ടാഃ പുഷ്ടാസ്തുരങ്ഗമാഃ ।
പൂജാഃ ശശ്വത് വിവര്‍ധന്തേ നിര്‍വിവാദാശ്ച മന്ത്രിണഃ ॥ 8 ॥

ജ്ഞാതയസ്തസ്യ തുഷ്യന്തി ബാന്ധവാഃ വിഗതജ്വരാഃ ।
ഭൃത്യാസ്തസ്യ വശേ നിത്യം വര്‍തന്തേഽസ്യ മനോനുഗാഃ ॥ 9 ॥

ഗദ്യപദ്യമയീ വാണീ വാക്ത്വാതുര്യസുസംഭൃതാ ।
സമഗ്ര സുഖസമ്പത്തി ശാലിനീ ലാസ്യമാലിനീ ॥ 10 ॥

നാനാപദമയീ വാണീ തസ്യ ഗങ്ഗാപ്രവാഹവത് ।
അദൃഷ്ടാന്യപി ച ശാസ്ത്രാണി പ്രകാശന്തേ നിരന്തരം ॥ 11 ॥

നിഗ്രഹഃ പരവാക്യാനാം സഭായാം തസ്യ ജായതേ ।
സ്തുവന്തി കൃതിനസ്തം വൈ രാജാനോ ദാസവത്തഥാ ॥ 12 ॥

ശസ്ത്രാണ്യസ്ത്രാണി തദ്ഗാത്രേ ജനയന്തി രുജോ നഹി ।
മാതങ്ഗാഃ തസ്യ വശഗാഃ സര്‍പവര്യാ ഭവന്തി ച ॥ 13 ॥

വിഷം നിര്‍വിഷതാം യാതി പാനീയമമൃതം ഭവേത് ।
പരസേനാസ്തംഭനം ച പ്രതിവാദിവിജൃംഭണം ॥ 14 ॥

നവരാത്രേണ ജായന്തേ സതതന്യാസയോഗതഃ ।
അഹോരാത്രം പഠേദ്യസ്തു സ്തോത്രം സംയതമാനസഃ ॥ 15 ॥

വശാഃ തസ്യോപജായന്തേ സര്‍വേ ലോകാഃ സുനിശ്ചിതം ।
ഷണ്‍മാസാഭ്യാസയോഗേന ദേവാ യക്ഷാശ്ച കിന്നരാഃ ॥ 16 ॥

സിദ്ധാ മഹോരഗാസ്സര്‍വേ വശമായാന്തി നിശ്ചയം ।
നിത്യം കാമകലാം ന്യസ്യന്‍ യഃ പതേത് സ്തോത്രമുത്തമം ॥ 17 ॥

മദനോന്‍മാദിനീ ലീലാപുരസ്ത്രീ തദ്വശാനുഗാ ।
ലാവണ്യമദനാ സാക്ഷാത് വിദഗ്ധമുഖചന്ദ്രികാ ॥ 18 ॥

പ്രേമപൂര്‍ണാശ്രുനയനാ സുന്ദരീ വശഗാ ഭവേത് ।
ഭൂര്‍ജപത്രേ രോചനേന കുങ്കുമേന വരാനനേ ॥ 19 ॥

ധാതുരാഗേണ വാ ദേവീ മൂലമന്ത്രം വിലിഖ്യ ച ।
രക്ഷാര്‍ഥം ഭസ്മ വിന്യസ്യ പുടീകൃത്യ സമന്ത്രകം ॥ 20 ॥

സുവര്‍ണരൌപ്യഖചിതേ സുഷിരേ സ്ഥാപ്യ യത്നതഃ ।
സമ്പൂജ്യ തത്ര ദേവേശീം പുനരാദായ ഭക്തിതഃ ॥ 21 ॥

ധാരയേന്‍മസ്തകേ കണ്ഠേ ബാഹുമൂലേ തഥാ ഹൃദി ।
നാഭൌ ച വിദ്യുതം ധന്യം ജയദം സര്‍വകാമദം ॥ 22 ॥

രക്ഷാകരം നാന്യദസ്മാത് വിദ്യതേ ഭുവനത്രയേ ।
ജ്വരരോഗനൃപാവിഷ്ടഭയഹൃത് ഭൂതിവര്‍ധനം ॥ 23 ॥

ബലവീര്യകരം ചാഥ ഭൂതശത്രുവിനാശനം ।
പുത്രപൌത്രഗുണശ്രേയോവര്‍ധകം ധനധാന്യകൃത് ॥ 24 ॥

യ ഇദം പഠതി സ്തോത്രം സ സര്‍വം ലഭതേ നരഃ ।
യദ്ഗൃഹേ ലിഖിതം സ്തോത്രം തിഷ്ഠേദേതദ് വരാനനേ ॥ 25 ॥

തത്ര തിഷ്ഠാംയഹം നിത്യം ഹരിശ്ച കമലാസനഃ ।
വസന്തി സര്‍വതീര്‍ഥാനി ഗൌരീ ലക്ഷ്മീസ്സരസ്വതീ ॥ 26 ॥

ശിവകാമേശ്വരീം ധ്യാത്വാ പഠേന്നാമസഹസ്രകം ।
അസകൃത് ധ്യാനപാഠേന സാധകഃ സിദ്ധിമാപ്നുയാത് ॥ 27 ॥

ശുക്രവാരേ പൌര്‍ണമാസ്യാം പഠന്നാമസഹസ്രകം ।
പൂജാം യഃ കുരുതേ ഭക്ത്യാ വാഞ്ഛിതം ലഭതേ ധുവം ॥ 28 ॥

ശിവകാമേശ്വരീമന്ത്രഃ മന്ത്രരാജഃ പ്രകീര്‍തിതഃ ।
തദഭ്യാസാത്സാധകശ്ച സിദ്ധിമാപ്നോത്യനുത്തമാം ॥ 29 ॥

നാസാധകായ ദാതവ്യമശ്രദ്ധായ ശഠായ ച ।
ഭക്തിഹീനായ മലിനേ ഗുരുനിന്ദാപരായ ച ॥ 30 ॥

അലസായായത്നവതേഽശിവഭക്തായ സുന്ദരി ।
വിഷ്ണുഭക്തിവിഹീനായ ന ദാതവ്യം കദാചന ॥ 31 ॥

ദേയം ഭക്തവരായൈതത്ഭുക്തിമുക്യികരം ശുഭം ।
സിദ്ധിദം ഭവരോഗഘ്നം സ്തോത്രമേതദ്വരാനനേ ॥ 32 ॥

ലതായോഗേ പഠേദ്യസ്തു തസ്യ ക്ഷിപ്രം ഫലം ഭവേത് ।
സൈവ കല്‍പലതാ തസ്യ വാഞ്ഛാഫലകരീ സ്മൃതാ ॥ 33 ॥

പുഷ്പിതാം യാം ലതാം സംയക് ദൃഷ്ട്വാ ശ്രീലലിതാം സ്മരന്‍ ।
അക്ഷുബ്ധഃ പ്രപഠേദ്യസ്തു സ യജ്ഞക്രതുപുണ്യഭാക് ॥ 34 ॥

വികല്‍പരഹിതോ യോ ഹി നിര്‍വികല്‍പഃ സ്വയം ശിവഃ ।
നൈതത്പ്രകാശയേദ്ഭക്തഃ കുശിഷ്യായാല്‍പമേധസേ ॥ 35 ॥

അനേകജന്‍മപുണ്യേന ദീക്ഷിതോ ജായതേ നരഃ ।
തത്രാപ്യനേകഭാഗ്യേന ശൈവോ വിഷ്ണു പരായണഃ ॥ 36 ॥

തത്രാപ്യനേകപുണ്യേന ശക്തിഭാവഃ പ്രജായതേ ।
മഹോദയേന തത്രാപി സുന്ദരീഭാവഭാഗ്ഭവേത് ॥ 37 ॥

സഹസ്രനാംനാം തത്രാപി കീര്‍തനം ച സുദുര്ലഭം ।
യത്ര ജന്‍മനി സാ നിത്യം പൂര്‍വപുണ്യവശാദ്ഭവേത് ॥ 38 ॥

ജീവന്‍മുക്തോ ഭവേത്തസ്യ കര്‍തവ്യം നാവശിഷ്യതേ ।
അവധൂതത്വമേവ സ്യാത് ന വര്‍ണാശ്രമകല്‍പനാ ॥ 39 ॥

ബ്രഹ്മാദയോഽപി ദേവേശീം പ്രാര്‍ഥയന്തേ തദവ്യയാം ।
ഹംസത്വം ഭക്തിഭാവേന പരമാനന്ദകാരണം ॥ 40 ॥

ദേവോഽസൌ സര്‍വദാ ശക്തി ഭാവയന്നേവ സംസ്ഥിതഃ ।
സ്വയം ശിവസ്തു വിജ്ഞേയഃ സുന്ദരീഭാവലമ്പടഃ ॥ 41 ॥

ബ്രഹ്മാനന്ദമയീം ജ്യോത്സ്നാം സദാശിവപരായണാം ।
ശിവകാമേശ്വരീം ദേവീം ഭാവയന്‍ സിദ്ധിമാപ്നുയാത് ॥ 42 ॥

ആഹ്ലാദഃ സുന്ദരീധ്യാനാത് സുന്ദരീനാമകീര്‍തനാത് ।
സുന്ദരീദര്‍ശനാച്ചൈവ സദാനന്ദഃ പ്രജായതേ ॥ 43 ॥

॥ ഇതി ശ്രീരുദ്രയാമലേ ഉമാമഹേശസംവാദേ ശ്രീശിവകാമസുന്ദര്യാഃ
ശ്രീമത്ത്രിപുരസുന്ദര്യാഃ ഷോഡശാര്‍ണായാഃ തുരീയസഹസ്രനാമസ്തോത്രം
സമ്പൂര്‍ണം ॥

Also Read 1000 Names of Sri Shivakamasundari:

1000 Names of Sri Shivakama Sundari 2 | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Shivakama Sundari 2 | Sahasranama Stotram Lyrics in Malayalam

Leave a Reply

Your email address will not be published. Required fields are marked *

Scroll to top