Shri Shivakama Sundari Sahasranamastotram 2 Lyrics in Punjabi:
॥ શ્રીશિવકામસુન્દરીસહસ્રનામસ્તોત્રમ્ રુદ્રયામલાન્તર્ગતમ્ ॥
॥ પૂર્વપીઠિકા ॥
સમાહૂય પરં કાન્તં એકદા વિજને મુદા ।
પરમાનન્દસન્દોહમુદિતં પ્રાહ પાર્વતી ॥ ૧ ॥a
પાર્વતી ઉવાચ
શ્રીમન્નાથ મહાનન્દકારણં બ્રૂહિ શઙ્કર ।
યોગીન્દ્રોપાસ્ય દેવેશ પ્રેમપૂર્ણ સુધાનિધે ॥ ૨ ॥
કૃપાસ્તિ મયિ ચેત્ શમ્ભો સુગોપ્યમપિ કથ્યતામ્ ।
શિવકામેશ્વરીનામસાહસ્રં વદ મે પ્રભો ॥ ૩ ॥
શ્રીશઙ્કર ઉવાચ
નિર્ભરાનન્દસન્દોહઃ શક્તિભાવેન જાયતે ।
લાવણ્યસિન્ધુસ્તન્નાપિ સુન્દરી રસકન્ધરા ॥ ૪ ॥
તામેવાનુક્ષણં દેવિ ચિન્તયામિ તતઃ શિવે ।
તસ્યા નામસહસ્રાણિ કથયામિ તવ પ્રિયે ॥ ૫ ॥
સુગોપ્યાન્યપિ રમ્ભોરુ ગમ્ભીરસ્નેહવિભ્રમાત્ ।
તામેવ સ્તુવતા દેવીં ધ્યાયતોઽનુક્ષણં મમ ।
સુખસન્દોહસમ્ભારભાવનાનન્દકારણમ્ ॥ ૬ ॥
અસ્ય શ્રીશિવકામસુન્દરીસહસ્રનામ સ્તોત્રમહામન્ત્રસ્ય ।
સદાશિવ ઋષિઃ અનુષ્ટુપ્ છન્દઃ શ્રીમચ્છિવકામસુન્દરી દેવતા ।
વાગ્ભવસ્વરૂપં ઐં બીજમ્ । ચિદાનન્દાત્મકં હ્રીં શક્તિઃ ।
કામરાજાત્મકં ક્લીં કીલકમ્ ।
શ્રીમચ્છિવકામસુન્દરીપ્રસાદસિદ્ધ્યર્થે જપે વિનિયોગઃ ॥
ષોડશાર્ણમૂલેન ન્યાસઃ ॥
ષોડશાર્ણધ્યાનમેવ અત્રાપિ ધ્યાનમ્ ।
સિદ્ધસિદ્ધનવરત્નભૂમિકે કલ્પવૃક્ષનવવાટિસંવૃતે ।
રત્નસાલવનસમ્ભૃતેઽનિશં તત્ર વાપિશતકેન સંવૃતે ॥ ૭ ॥
રત્નવાટિમણિમણ્ડપેઽરુણે ચપડભાનુશતકોટિભાસુરે ।
આદિશૈવમણિમઞ્ચકે પરે શઙ્કરાઙ્કમણિપીઠકોપરિ ॥
કાદિહાન્તમનુરૂપિણીં શિવાં સંસ્મરેચ્ચ શિવકામસુન્દરીમ્ ॥ ૮ ॥
લમિત્યાદિ પઞ્ચપૂજા ॥
શિવકામેશ્વરીનામસાહસ્રસ્તોત્રમુત્તમમ્ ।
પ્રોચ્યતે શ્રદ્ધયા દેવિ શૃણુષ્વાવહિતા પ્રિયે ॥ ૯ ॥
કામેશીનામસાહસ્રે સદાશિવ ઋષિઃ સ્મૃતઃ ।
છન્દોઽનુષ્ટુપ્ દેવતા ચ શિવકામેશ્વરી સ્મૃતા ॥ ૧૦ ॥
ઐં બીજં કીલકં ક્લીં ચ હ્રીં શક્તિઃ કથિતા પ્રિયે ।
ન્યાસધ્યાનાદિકં સર્વં ષોડશાર્ણવદીરિતમ્ ॥ ૧૧ ॥
અનેન સ્તોત્રરાજેન સર્વાભીષ્ટં લભેત ના ।
॥ અથ સહસ્રનામસ્તોત્રમ્ ॥
શ્રીશિવા શિવકામી ચ સુન્દરી ભુવનેશ્વરી ।
આનન્દસિન્ધુરાનન્દાનન્દમૂર્તિર્વિનોદિની ॥ ૧ ॥
ત્રૈપુરી સુન્દરી પ્રેમપાથોનિધિરનુત્તમા ।
રામોલ્લાસા પરા ભૂતિઃ વિભૂતિશ્શઙ્કરપ્રિયા ॥ ૨ ॥
શૃઙ્ગારમૂર્તિર્વિરતા રસાનુભવરોચના ।
પરમાનન્દલહરી રતિરઙ્ગવતી સતી ॥ ૩ ॥
રઙ્ગમાલાનઙ્ગકલાકેલિઃ કૈવલ્યદા કલા ।
રસકલ્પા કલ્પલતા કુતૂહલવતી ગતિઃ ॥ ૪ ॥
વિનોદદુગ્ધા સુસ્નિગ્ધા મુગ્ધમૂર્તિનોહરા ।
બાલાર્કકોટિકિરણા ચન્દ્રકોટિસુશીતલા ॥ ૫ ॥
સ્રવત્પીયૂષદિગ્ધાઙ્ગી સઙ્ગીત નટિકા શિવા ।
કુરઙ્ગનયના કાન્તા સુખસન્તતિરિન્દિરા ॥ ૬ ॥
મઙ્ગલા મધુરાપાઙ્ગા રઞ્જની રમણી રતિઃ ।
રાજરાજેશ્વરી રાજ્ઞી મહેન્દ્રપરિવન્દિતા ॥ ૭ ॥
પ્રપઞ્ચગતિરીશાની સામરસ્યપરાયણા ।
હંસોલ્લાસા હંસગતિઃ શિઞ્જત્કનકનૂપુરા ॥ ૮ ॥
મેરુમન્દરવક્ષોજા સૃણિપાશવરાયુધા ।
શઙ્ખકોદણ્ડસસ્તાબ્જપાણિદ્વયવિરાજિતા ॥ ૯ ॥
ચન્દ્રબિમ્બાનના ચારુમકુટોત્તંસચન્દ્રિકા ।
સિન્દૂરતિલકા ચારુધમ્મિલ્લામલમાલિકા ॥ ૧૦ ॥
મન્દારદામમુદિતા રક્તપુષ્પવિભૂષિતા ।
સુવર્ણાભરણપ્રીતા મુક્તાદામમનોહરા ॥ ૧૧ ॥
તામ્બૂલપૂરવદના મદનાનન્દમાનસા ।
સુખારાધ્યા તપસ્સારા કૃપાવારિધિરીશ્વરી ॥ ૧૨ ॥
વક્ષઃસ્થલલસન્મગ્ના પ્રભા મધુરસોન્મુખા ।
બિન્દુનાદાત્મિકા ચારુરસિતા તુર્યરૂપિણી ॥ ૧૩ ॥
કમનીયાકૃતિઃ ધન્યા શઙ્કરપ્રીતિમઞ્જરી ।
કન્યા કલાવતી માતા ગજેન્દ્રગમના શુભા ॥ ૧૪ ॥
કુમારી કરભોરુ શ્રીઃ રૂપલક્ષ્મીઃ સુરાજિતા ।
સન્તોષસીમા સમ્પત્તિઃ શાતકુમ્ભપ્રિયા દ્યુતિઃ ॥ ૧૫ ॥
પરિપૂર્ણા જગદ્ધાત્રી વિધાત્રી બલવર્ધિની ।
સાર્વભૌમનૃપશ્રીશ્ચ સામ્રાજ્યગતિરાસિકા ॥ ૧૬ ॥
સરોજાક્ષી દીર્ઘદૃષ્ટિઃ સૌચક્ષણવિચક્ષણા ।
રઙ્ગસ્રવન્તી રસિકા પ્રધાનરસરૂપિણી ॥ ૧૭ ॥
રસસિન્ધુઃ સુગાત્રી ચ યુવતિઃ મૈથુનોન્મુખી ।
નિરન્તરા રસાસક્તા શક્તિસ્ત્રિભુવનાત્મિકા ॥
કામાક્ષી કામનિષ્ઠા ચ કામેશી ભગમઙ્ગલા ।
સુભગા ભગિની ભોગ્યા ભાગ્યદા ભયદા ભગા ।
ભગલિઙ્ગાનન્દકલા ભગમધ્યનિવાસિની ॥ ૧૯ ॥
ભગરૂપા ભગમયી ભગયન્ત્રા ભગોત્તમા ।
યોનિર્જયા કામકલા કુલામૃતપરાયણા ॥ ૨૦ ॥
કુલકુણ્ડાલયા સૂક્ષ્મજીવસ્ફુલિઙ્ગરૂપિણી ।
મૂલસ્થિતા કેલિરતા વલયાકૃતિરીડિતા ॥ ૨૧ ॥
સુષુમ્ના કમલાનન્દા ચિત્રા કૂર્મગતિર્ગિરિઃ ।
સિતારુણા સિન્ધુરૂપા પ્રવેગા નિર્ધની ક્ષમા ॥ ૨૨ ॥
ધણ્ટાકોટિરસારાવા રવિબિમ્બોત્થિતાદ્ભૂતા ।
નાદાન્તલીના સમ્પૂર્ણા પ્રણવા બહુરૂપિણી ॥ ૨૩ ॥
ભૃઙ્ગારાવા વશગતિઃ વાગીશી મધુરધ્વનિઃ ।
વર્ણમાલા સિદ્ધિકલા ષટ્ચક્રક્રમવાસિની ॥ ૨૪ ॥
મણિપૂરસ્થિતા સ્નિગ્ધા કૂર્મચક્રપરાયણા ।
મૂલકેલિરતા સાધ્વી સ્વાધિષ્ઠાનનિવાસિની ॥ ૨૫ ॥
અનાહતગતિર્દીપા શિવાનન્દમયદ્યુતિઃ ।
વિરુદ્ધરુધા સમ્બુદ્ધા જીવભોક્ત્રી સ્થલીરતા ॥ ૨૬ ॥
આજ્ઞાચક્રોજ્જ્વલસ્ફારસ્ફુરન્તી નિર્ગતદ્વિષા ।
ચન્દ્રિકા ચન્દ્રકોટીશી સૂર્યકોટિપ્રભામયી ॥ ૨૭ ॥
પદ્મરાગારુણચ્છાયા નિત્યાહ્લાદમયીપ્રભા ।
મહાશૂન્યાલયા ચન્દ્રમણ્ડલામૃતનન્દિતા ॥ ૨૮ ॥
કાન્તાઙ્ગસઙ્ગમુદિતા સુધામાધુર્યસમ્ભૃતા ।
મહાચન્દ્રસ્મિતાલિસા મૃત્પાત્રસ્થા સુધાદ્યુતિઃ ॥ ૨૯ ॥
સ્રવત્પીમૂષસંસક્તા શશ્વત્કુણ્ડાલયા ભવા ।
શ્રેયો દ્યુતિઃ પ્રત્યગર્થા સેવા ફલવતી મહી ॥ ૩૦ ॥
શિવા શિવપ્રિયા શૈવા શઙ્કરી શામ્ભવી વિભુઃ ।
સ્વયમ્ભૂ સ્વપ્રિયા સ્વીયા સ્વકીયા જનમાતૃકા ॥
સુરામા સ્વપ્રિયા શ્રેયઃ સ્વાધિકારાધિનાયિકા ।
મણ્ડલા જનની માન્યા સર્વમઙ્ગલસન્તતિઃ ॥ ૩૨ ॥
ભદ્રા ભગવતી ભાવ્યા કલિતાર્ધેન્દુભાસુરા ।
કલ્યાણલલિતા કામ્યા કુકર્મકુમતિપ્રદા ॥ ૩૩ ॥
કુરઙ્ગાક્ષી ક્ષીરનેત્રા ક્ષીરા મધુરસોન્મદા ।
વારુણીપાનમુદિતા મદિરામુદિતા સ્થિરા ॥ ૩૪ ॥
કાદમ્બરીપાનરુચિઃ વિપાશા પશુભાવના ।
મુદિતા લલિતાપાઙ્ગા દરાન્દોલિતદીર્ઘદૃક્ ॥ ૩૫ ॥
દૈત્યાકુલાનલશિખા મનોરથસુધાદ્યુતિઃ ।
સુવાસિની પીતગાત્રી પીનશ્રોણિપયોધરા ॥ ૩૬ ॥
સુચારુકબરી દધ્યુદધ્યુત્થિમૌક્તિકા ।
બિમ્બાધરદ્યુતિઃ મુગ્ધા પ્રવાલોત્તમદીધિતિઃ ॥ ૩૭ ॥
તિલપ્રસૂનનાસાગ્રા હેમમૌક્તિકકોરકા ।
નિષ્કલઙ્કેન્દુવદના બાલેન્દુવદનોજ્વલા ॥ ૩૮ ॥
નૃત્યન્ત્યઞ્જનનેત્રાન્તા પ્રસ્ફુરત્કર્ણશષ્કુલી ।
ભાલચન્દ્રાતપોન્નદ્ધા મણિસૂર્યકિરીટિની ॥ ૩૯ ॥
કચૌઘચમ્પકશ્રેણી માલિનીદામમણ્ડિતા ।
હેમમાણિક્ય તાટઙ્કા મણિકાઞ્ચન કુણ્ડલા ॥ ૪૦ ॥
સુચારુચુબુકા કમ્બુકણ્ઠી કુણ્ડાવલી રમા ।
ગઙ્ગાતરઙ્ગહારોર્મિઃ મત્તકોકિલનિસ્વના ॥ ૪૧ ॥
મૃણાલવિલસદ્બાહુપાશાકુશધનુર્ધરા ।
કેયૂરકઙ્કણશ્રેણી નાનામણિમનોરમા ॥ ૪૨ ॥
તામ્રપઙ્કજપાણિશ્રીઃ નવરત્નપ્રભાવતી ।
અઙ્ગુલીયમણિશ્રેણી કાન્તિમઙ્ગલસન્તતિઃ ॥ ૪૩ ॥
મન્દરદ્વન્દ્વસુકુચા રોમરાજિભુજઙ્ગિકા ।
ગમ્ભીરનાભિસ્ત્રિવલીભઙ્ગુરા ક્ષણિમધ્યમા ॥ ૪૪ ॥
રણત્કાઞ્ચીગુણાનદ્ધા પટ્ટાંશુકનિતમ્બિકા ।
મેરુસન્ધિનિતમ્બાઢ્યા ગજશુણ્ડોરુયુગ્મયુક્ ॥ ૪૫ ॥
સુજાનુર્મદનાનન્દમયજઙ્ઘાદ્વયાન્વિતા ।
ગૂઢગુલ્ફા મઞ્જુશિઞ્જન્મણિનૂપુરમણ્ડિતા ॥ ૪૬ ॥
પદદ્વન્દ્વજિતામ્ભોજા નખચન્દ્રાવલીપ્રભા ।
સુસીમપ્રપદા રાજંહસમત્તેભમન્દગા ॥ ૪૭ ॥
યોગિધ્યેયપદદ્વદ્વા સૌન્દર્યામૃતસારિણી ।
લાવપયસિન્ધુઃ સિન્દૂરતિલકા કુટિલાલકા ॥ ૪૮ ॥
સાધુસીમન્તિની સિદ્ધબુદ્ધવૃન્દારકોદયા ।
બાલાર્કકિરણશ્રેણિશોણશ્રીઃ પ્રેમકામધુક્ ॥ ૪૯ ॥
રસગમ્ભીરસરસી પદ્મિની રસસારસા ।
પ્રસન્નાસન્નવરદા શારદા ભુવિ ભાગ્યદા ॥ ૫૦ ॥
નટરાજપ્રિયા વિશ્વાનાદ્યા નર્તકનર્તકી ।
ચિત્રયન્ત્રા ચિત્રતન્ત્રા ચિત્રવિદ્યાવલીયતિઃ ॥ ૫૧ ॥
ચિત્રકૂટા ત્રિકૂટા ચ પન્ધકૂટા ચ પઞ્ચમી ।
ચતુષ્ટ્કૂટા શમ્ભુવિદ્યા ષટ્કૂટા વિષ્ણુપૂજિતા ॥ ૫૨ ॥
કૂટષોડશસમ્પન્ના તુરીયા પરમા કલા ।
ષોડશી મન્ત્રયન્ત્રાણાં ઈશ્વરી મેરુમણ્ડલા ॥ ૫૩ ॥
ષોડશાર્ણા ત્રિવર્ણા ચ બિન્દુનાદસ્વરૂપિણી ।
વર્ણાતીતા વર્ણમતા શબ્દબ્રહ્મમયી સુખા ॥ ૫૪ ॥
સુખજ્યોત્સ્નાનન્દવિદ્યુદન્તરાકાશદેવતા ।
ચૈતન્યા વિધિકૂટાત્મા કામેશી સ્વપ્નદર્શના ॥ ૫૫ ॥
સ્વપ્નરૂપા બોધકરી જાગ્રતી જાગરાશ્રયા ।
સ્વપ્નાશ્રયા સુષુપ્તિસ્થા તન્ત્રમૂર્તિશ્ચ માધવી ॥ ૫૬ ॥
લોપામુદ્રા કામરાજ્ઞી માધવી મિત્રરૂપિણી ।
શાઙ્કરી નન્દિવિદ્યા ચ ભાસ્વન્મણ્ડલમધ્યગા ॥ ૫૭ ॥
માહેન્દ્રસ્વર્ગસમ્પત્તિઃ દૂર્વાસસ્સેવિતા શ્રુતિઃ ।
સાધકેન્દ્રગતિસ્સાધ્વી સુલિપ્તા સિદ્ધિકન્ધરા ॥ ૫૮ ॥
પુરત્રયેશી પુરકૃત્ ષષ્ઠી ચ પરદેવતા ।
વિઘ્નદૂરી ભૂરિગુણા પુષ્ટિઃ પૂજિતકામધુક્ ॥ ૫૯ ॥
હેરમ્બમાતા ગણપા ગુહામ્બાઽઽર્યા નિતમ્બિની ।
એષા સીમન્તિની મોક્ષદક્ષા દીક્ષિતમાતૃકા ॥ ૬૦ ॥
સાધકામ્બા સિદ્ધમાતા સાધકેન્દ્રમનોરમા ।
યૌવનોન્માદિની તુઙ્ગસ્તની સુશ્રોણિમણ્ડિતા ॥ ૬૧ ॥
પદ્મરક્તોત્પલવતી રક્તમાલ્યાનુલેપના ।
રક્તમાલ્યરુચિર્દક્ષા શિખણ્ડિન્યતિસુન્દરી ॥ ૬૨ ॥
શિખણ્ડિનૃત્યસન્તુષ્ટા શિખણ્ડિકુલપાલિની ।
વસુન્ધરા ચ સુરભિઃ કમનીયતનુશ્શુભા ॥ ૬૩ ॥
નન્દિની ત્રીક્ષણવતી વસિષ્ઠાલયદેવતા ।
ગોલકેશી ચ લોકેન્દ્રા નૃલોકપરિપાલિકા ॥ ૬૪ ॥
હવિર્ધાત્રી દેવમાતા વૃન્દારકપરાત્મયુક્ ।
રુદ્રમાતા રુદ્રપત્ની મદોદ્ગારભરા ક્ષિતિઃ ॥ ૬૫ ॥
દક્ષિણા યજ્ઞસમ્પત્તિઃ સ્વબલા ધીરનન્દિતા ।
ક્ષીરપૂર્ણાર્ણવગતિઃ સુધાયોનિઃ સુલોચના ॥ ૬૬ ॥
રમા તુઙ્ગા સદાસેવ્યા સુરસઙ્ઘદયા ઉમા ।
સુચરિત્રા ચિત્રવરા સુસ્તની વત્સવત્સલા ॥ ૬૭ ॥
રજસ્વલા રજોયુક્તા રઞ્જિતા રઙ્ગમાલિકા ।
રક્તપ્રિયા સુરક્તા ચ રતિરઙ્ગસ્વરૂપિણી ॥ ૬૮ ॥
રજશ્શુક્લાક્ષિકા નિષ્ઠા ઋતુસ્નાતા રતિપ્રિયા ।
ભાવ્યભાવ્યા કામકેલિઃ સ્મરભૂઃ સ્મરજીવિકા ॥ ૬૯ ॥
સમાધિકુસુમાનન્દા સ્વયમ્ભુકુસુમપ્રિયા ।
સ્વયમ્ભુપ્રેમસન્તુષ્ટા સ્વયમ્ભૂનિન્દકાન્તકા ॥ ૭૦ ॥
સ્વયમ્ભુસ્થા શક્તિપુટા રવિઃ સર્વસ્વપેટિકા ।
અત્યન્તરસિકા દૂતિઃ વિદગ્ધા પ્રીતિપૂજિતા ॥ ૭૧ ॥
તૂલિકાયન્ત્રનિલયા યોગપીઠનિવાસિની ।
સુલક્ષણા દૃશ્યરૂપા સર્વ લક્ષણલક્ષિતા ॥ ૭૨ ॥
નાનાલઙ્કારસુભગા પઞ્ચકામશરાર્ચિતા ।
ઊર્ધ્વત્રિકોણયન્ત્રસ્થા બાલા કામેશ્વરી તથા ॥ ૭૩ ॥
ગુણાધ્યક્ષા કુલાધ્યક્ષા લક્ષ્મીશ્ચૈવ સરસ્વતી ।
વસન્તમદનોત્તુઙ્ગ સ્તની કુચભરોન્નતા ॥ ૭૪ ॥
કલાધરમુખી મૂર્ધપાથોધિશ્ચ કલાવતી ।
દક્ષપાદાદિશીર્ષાન્તષોડશસ્વરસંયુતા ॥ ૭૫ ॥
શ્રદ્ધા પૂર્તિઃ રતિશ્ચૈવ ભૂતિઃ કાન્તિર્મનોરમા ।
વિમલા યોગિની ઘોરા મદનોન્માદિની મદા ॥ ૭૬ ॥
મોદિની દીપિની ચૈવ શોષિણી ચ વશઙ્કરી ।
રજન્યન્તા કામકલા લસત્કમલધારિણી ॥ ૭૭ ॥
વામમૂર્ધાદિપાદાન્તષોડશસ્વરસંયુતા ।
પૂષરૂપા સુમનસાં સેવ્યા પ્રીતિઃ દ્યુતિસ્તથા ॥ ૭૮ ॥
ઋદ્ધિઃ સૌદામિની ચિચ્ચ હંસમાલાવૃતા તથા ।
શશિની ચૈવ ચ સ્વસ્થા સમ્પૂર્ણમણ્ડલોદયા ॥ ૭૯ ॥
પુષ્ટિશ્ચામૃતપૂર્ણા ચ ભગમાલાસ્વરૂપિણી ।
ભગયન્ત્રાશ્રયા શમ્ભુરૂપા સંયોગયોગિની ॥ ૮૦ ॥
દ્રાવિણી બીજરૂપા ચ હ્યક્ષુબ્ધા સાધકપ્રિયા ।
રજઃ પીઠમયી નાદ્યા સુખદા વાઞ્છિતપ્રદા ॥ ૮૧ ॥
રજસ્સવિત્ રજશ્શક્તિઃ શુક્લબિન્દુસ્વરૂપિણી ।
સર્વસાક્ષી સામરસ્યા શિવશક્તિમયી પ્રભા ॥ ૮૨ ॥
સંયોગાનન્દનિલયા સંયોગપ્રીતિમાતૃકા ।
સંયોગકુસુમાનન્દા સંયોગયોગપદ્ધતિઃ ॥ ૮૩ ॥
સંયોગસુખદાવસ્થા ચિદાનન્દાર્ધ્યસેવિતા ।
અર્ઘ્યપૂજ્યા ચ સમ્પત્તિઃ અર્ધ્યદાભિન્નરૂપિણી ॥ ૮૪ ॥
સામરસ્યપરા પ્રીતા પ્રિયસઙ્ગમરઙ્ગિણી ।
જ્ઞાનદૂતી જ્ઞાનગમ્યા જ્ઞાનયોનિશ્શિવાલયા ॥ ૮૫ ॥
ચિત્કલા સત્કલા જ્ઞાનકલા સંવિત્કલાત્મિકા ।
કલાચતુષ્ટયી પદ્મવાસિની સૂક્ષ્મરૂપિણી ॥ ૮૬ ॥
હંસકેલિસ્થલસ્વસ્થા હંસદ્વયવિકાસિની ।
વિરાગિતા મોક્ષકલા પરમાત્મકલાવતી ॥ ૮૭ ॥
વિદ્યાકલાન્તરાત્મસ્થા ચતુષ્ટયકલાવતી ।
વિદ્યાસન્તોષણા તૃપ્તિ પરબ્રહ્મપ્રકાશિની ॥ ૮૮ ॥
પરમાત્મપરા વસ્તુલીના શક્તિચતુષ્ટયી ।
શાન્તિર્બોધકલા વ્યાપ્તિઃ પરજ્ઞાનાત્મિકા કલા ॥ ૮૯ ॥
પશ્યન્તી પરમાત્મસ્થા ચાન્તરાત્મકલા શિવા ।
મધ્યમા વૈખરી ચાત્મ કલાઽઽનન્દકલાવતી ॥ ૯૦ ॥
તરુણી તારકા તારા શિવલિઙ્ગાલયાત્મવિત્ ।
પરસ્પરસ્વભાવા ચ બ્રહ્મજ્ઞાનવિનોદિની ॥ ૯૧ ॥
રામોલ્લાસા ચ દુર્ધર્ષા પરમાર્ઘ્યપ્રિયા રમા ।
જાત્યાદિરહિતા યોગિન્યાનન્દમાત્રપદ્ધતિઃ ॥ ૯૨ ॥
કાન્તા શાન્તા દાન્તયાતિઃ કલિતા હોમપદ્ધતિઃ ।
દિવ્યભાવપ્રદા દિવ્યા વીરસૂર્વીરભાવદા ॥ ૯૩ ॥
પશુદેહા વીરગતિઃ વીરહંસમનોદયા ।
મૂર્ધાભિષિક્તા રાજશ્રીઃ ક્ષત્રિયોત્તમમાતૃકા ॥ ૯૪ ॥
શસ્ત્રાસ્ત્રકુશલા શોભા રથસ્થા યુદ્ધજીવિકા ।
અશ્વારૂઢા ગજારૂઢા ભૂતોક્તિઃ સુરસુશ્રયા ॥ ૯૫ ॥
રાજનીતિશ્શાન્તિકર્ત્રી ચતુરઙ્ગબલાશ્રયા ।
પોષિણી શરણા પદ્મપાલિકા જયપાલિકા ॥ ૯૬ ॥
વિજયા યોગિની યાત્રા પરસૈન્યવિમર્દિની ।
પૂર્ણવિત્તા વિત્તગમ્યા વિત્તસઞ્ચય શાલિની ॥ ૯૭ ॥
મહેશી રાજ્યભોગા ચ ગણિકાગણભોગભૃત્ ।
ઉકારિણી રમા યોગ્યા મન્દસેવ્યા પદાત્મિકા ॥
સૈન્યશ્રેણી શૌર્યરતા પતાકાધ્વજમાલિની ।
સુચ્છત્ર ચામરશ્રેણિઃ યુવરાજવિવર્ધિની ॥ ૯૯ ॥
પૂજા સર્વસ્વસમ્ભારા પૂજાપાલનલાલસા ।
પૂજાભિપૂજનીયા ચ રાજકાર્યપરાયણા ॥ ૧૦૦ ॥
બ્રહ્મક્ષત્રમયી સોમસૂર્યવહ્નિસ્વરૂપિણી ।
પૌરોહિત્યપ્રિયા સાધ્વી બ્રહ્માણી યન્ત્રસન્તતિઃ ॥
સોમપાનજનાપ્રીતા યોજનાધ્વગતિક્ષમા ।
પ્રીતિગ્રહા પરા દાત્રી શ્રેષ્ઠજાતિઃ સતાઙ્ગતિઃ ॥ ૧૦૨ ॥
ગાયત્રી વેદવિદ્ધ્યેયા દીક્ષા સન્તોષતર્પણા ।
રત્નદીધિતિવિદ્યુત્સહસના વૈશ્યજીવિકા ॥ ૧૦૩ ॥
કૃષિર્વાણિજ્યભૂતિશ્ચ વૃદ્ધિદા વૃદ્ધસેવિતા ।
તુલાધારા સ્વપ્નકામા માનોન્માનપરાયણા ॥ ૧૦૪ ॥
શ્રદ્ધા વિપ્રગતિઃ કર્મકરી કૌતુકપૂજિતા ।
નાનાભિચારચતુરા વારસ્ત્રીશ્રીઃ કલામયી ॥
સુકર્ણધારા નૌપારા સર્વાશા રતિમોહિની ।
દુર્ગા વિન્ધ્યવનસ્થા ચ કાલદર્પનિષૂદિની ॥
ભૂમારશમની કૃષ્ણા રક્ષોરાક્ષસસાહસા ।
વિવિધોત્પાતશમની સમયા સુરસેવિતા ॥ ૧૦૭ ॥
પઞ્ચાવયવવાક્યશ્રીઃ પ્રપઞ્ચોદ્યાનચન્દ્રિકા ।
સિદ્ધિસન્દોહસંસિદ્ધયોગિનીવૃન્દસેવિતા ॥ ૧૦૮ ॥
નિત્યા ષોડશિકારૂપા કામેશી ભગમાલિની ।
નિત્યક્લિન્ના નિરાધારા વહ્નિમણ્ડલવાસિની ॥ ૧૦૯ ॥
મહાવજ્રેશ્વરી નિત્યશિવદૂતીતિ વિશ્રુતા ।
ત્વરિતા પ્રથિતા ખ્યાતા વિખ્યાતા કુલસુન્દરી ॥ ૧૧૦ ॥
નિત્યા નીલપતાકા ચ વિજયા સર્વમઙ્ગલા ।
જ્વાલામાલા વિચિત્રા ચ મહાત્રિપુરસુન્દરી ॥ ૧૧૧ ॥
ગુરુવૃન્દા પરગુરુઃ પ્રકાશાનન્દદાયિની ।
શિવાનન્દા નાદરૂપા શક્રાનન્દસ્વરૂપિણી ॥ ૧૧૨ ॥
દેવ્યાનન્દા નાદમયી કૌલેશાનન્દનાથિની ।
શુક્લદેવ્યાનન્દનાથા કુલેશાનન્દદાયિની ॥ ૧૧૩ ॥
દિવ્યૌઘસેવિતા દિવ્યભોગદાનપરાયણા ।
ક્રીડાનન્દા ક્રીડમાના સમયાનન્દદાયિની ॥ ૧૧૪ ॥
વેદાનન્દા પાર્વતી ચ સહજાનન્દદાયિની ।
સિદ્ધૌઘગુરુરૂપા ચાપ્યપરા ગુરુરૂપિણી ॥ ૧૧૫ ॥
ગગનાનન્દનાથા ચ વિશ્વાદ્યાનન્દદાયિની ।
વિમલાનન્દનાથા ચ મદનાનન્દદાયિની ॥ ૧૧૬ ॥
ભુવનાનન્દનાથા ચ લીલોદ્યાનપ્રિયા ગતિઃ ।
સ્વાત્માન્દવિનોદા ચ પ્રિયાદ્યાનન્દનાથિની ॥ ૧૧૭ ॥
માનવાદ્યા ગુરુશ્રેષ્ઠા પરમેષ્ઠિ ગુરુપ્રભા ।
પરમાદ્યા ગુરુશ્શક્તિઃ કિર્તનપ્રિયા ॥ ૧૧૮ ॥
ત્રૈલોક્યમોહનાખ્યા ચ સર્વાશાપરિપૂરકા ।
સર્વસઙ્ક્ષોભિણી પૂર્વામ્નાયા ચક્રત્રયાલયા ॥ ૧૧૯ ॥
સર્વસૌભાગ્યદાત્રી ચ સર્વાર્થસાધકપ્રિયા ।
સર્વરક્ષાકરી સાધુર્દક્ષિણામ્નાયદેવતા ॥ ૧૨૦ ॥
મધ્યચક્રૈકનિલયા પશ્ચિમામ્નાયદેવતા ।
નવચક્રકૃતાવાસા કૌબેરામ્નાયદેવતા ॥ ૧૨૧ ॥
બિન્દુચક્રકૃતાયાસા મધ્યસિંહાસનેશ્વરી ।
શ્રીવિદ્યા નવદુર્ગા ચ મહિષાસુરમર્દિની ॥ ૧૨૨ ॥
સર્વસામ્રાજ્યલક્ષ્મીશ્ચ અષ્ટલક્ષ્મીશ્ચ સંશ્રુતા ।
શૈલેન્દ્રતનયા જ્યોતિઃ નિષ્કલા શામ્ભવી ઉમા ॥ ૧૨૩ ॥
અજપા માતૃકા ચેતિ શુક્લવર્ણા ષડાનના ।
પારિજાતેશ્વરી ચૈવ ત્રિકૂટા પઞ્ચબાણદા ॥ ૧૧૪ ॥
પઞ્ચકલ્પલતા ચૈવ ત્ર્યક્ષરી મૂલપીઠિકા ।
સુધાશ્રીરમૃતેશાની હ્યન્નપૂર્ણા ચ કામધુક્ ॥ ૧૨૫ ॥
પાશહસ્તા સિદ્ધલક્ષ્મીઃ માતઙ્ગી ભુવનેશ્વરી ।
વારાહી નવરત્નાનામીશ્વરી ચ પ્રકીર્તિદા ॥ ૧૨૬ ॥
પરં જ્યોતિઃ કોશરૂપા સૈન્ધવી શિવદર્શના ।
પરાપરા સ્વામિની ચ શાક્તદર્શનવિશ્રુતા ॥ ૧૨૭ ॥
બ્રહ્મદર્શનરૂપા ચ શિવદર્શનરૂપિણી ।
વિષ્ણુદર્શનરૂપા ચ સ્રષ્ટૄદર્શનરૂપિણી ॥ ૧૨૮ ॥
સૌરદર્શનરૂપા ચ સ્થિતિચક્રકૃતાશ્રયા ।
બૌદ્ધદર્શનરૂપા ચ તુરીયા બહુરૂપિણી ॥ ૧૨૯ ॥
તત્વમુદ્રાસ્વરૂપા ચ પ્રસન્ના જ્ઞાનમાતૃકા ।
સર્વોપચારસન્તુષ્ટા હૃન્મયી શીર્ષદેવતા ॥ ૧૩૦ ॥
શિખાસ્થિતા વર્મમયી નેત્રત્રયવિલાસિની ।
અસ્ત્રસ્થા ચતુરસ્રસ્થા દ્વારસ્થા દ્વારદેવતા ॥ ૧૩૧ ॥
અણિમા પશ્ચિમસ્થા ચ દક્ષિણદ્વારદેવતા ।
વશિત્વા વાયુકોણસ્થા પ્રાકામ્યેશાનદેવતા ॥ ૧૩૨ ॥
મહિમાપૂર્વનાથા ચ લઘિમોત્તરદેવતા ।
અગ્નિકોણસ્થગરિમા પ્રાપ્તિર્નૈઋતિવાસિની ॥ ૧૩૩ ॥
ઈશિત્વસિદ્ધિસુરથા સર્વકામોર્ધ્વવાસિની ।
બ્રાહ્મી માહેશ્વરી ચૈવ કૌમારી વૈષ્ણવી તથા ॥ ૧૩૪ ॥
વારાહ્યૈન્દ્રી ચ ચામુણ્ડા વામા જ્યેષ્ઠા સરસ્વતી ।
ક્ષોભિણી દ્રાવિણી રૌદ્રી કાલ્યુન્માદનકારિણી ॥ ૧૩૫ ॥
ખેચરા કાલકરણી ચ બલાનાં વિકરણી તથા ।
મનોન્મની સર્વભૂતદમની સર્વસિદ્ધિદા ॥ ૧૩૬ ॥
બલપ્રમથિની શક્તિઃ બુદ્ધ્યાકર્ષણરૂપિણી ।
અહઙ્કારાકર્ષિણી ચ શબ્દાકર્ષણરૂપિણી ॥ ૧૩૭ ॥
સ્પર્શાકર્ષણરૂપા ચ રૂપાકર્ષણરૂપિણી ।
રસાકર્ષણરૂપા ચ પ્લધાકર્ષણરૂપિણી ॥ ૧૩૮ ॥
ચિત્રાકર્ષણરૂપા ચ ધૈર્યાકર્ષણરૂપિણી ।
સ્મૃત્યાકર્ષણરૂપા ચ નામાકર્ષણસ્ત્વપિણી ॥ ૧૩૯ ॥
બીજાકર્ષણરૂપા ચ હ્યાત્માકર્ષણરૂપિણી ।
અમૃતાકર્ષિણી ચૈવ શરીરાકર્ષણી તથા ॥ ૧૪૦ ॥
ષોડશસ્વરસમ્પન્ના સ્રવત્પીયૂષમણ્ડિતા ।
ત્રિપુરેશી સિદ્ધિદાત્રી કલાદર્શનવાસિની ॥ ૧૪૧ ॥
સર્વસઙ્ક્ષોભચક્રેશી શક્તિર્ગુહ્યતરાભિધા ।
અનઙ્ગકુસુમાશક્તિઃ તથૈવાનઙ્ગમેખલા ॥ ૧૪૨ ॥
અનઙ્ગમદનાઽનઙ્ગમદનાતુરરૂપિણી ।
અનઙ્ગરેખા ચાનઙ્ગવેગાનઙ્ગાકુશાભિધા ॥ ૧૪૩ ॥
અનઙ્ગમાલિની ચૈવ હ્યષ્ટવર્ગાધિગામિની ।
વસ્વષ્ટકકૃતાવાસા શ્રીમત્ત્રિપુરસુન્દરી ॥ ૧૪૪ ॥
સર્વસામ્રાજ્યસુભગા સર્વભાગ્યપ્રદેશ્વરી ।
સમ્પ્રદાયેશ્વરી સર્વસઙ્ક્ષોભણકરી તથા ॥ ૧૪૫ ॥
સર્વવિદ્રાવણી સર્વાકર્ષિણીરૂપકારિણી ।
સર્વાહ્લાદનશક્તિશ્ચ સર્વસમ્મોહિની તથા ॥ ૧૪૬ ॥
સર્વસ્તમ્ભનશક્તિશ્ચ સર્વજૃમ્ભણકારિણી ।
સર્વવશ્યકશક્તિશ્ચ તથા સર્વાનુરઞ્જની ॥ ૧૪૭ ॥
સર્વોન્માદનશક્તિશ્ચ તથા સર્વાર્થસાધિકા ।
સર્વસમ્પત્તિદા ચૈવ સર્વમાતૃમયી તથા ॥ ૧૪૮ ॥
સર્વદ્વન્દ્વક્ષયકરી સિદ્ધિસ્ત્રિપુરવસિની ।
ચતુર્દશારચક્રેશી કુલયોગસમન્વયા ॥ ૧૪૯ ॥
સર્વસિદ્ધિપ્રદા ચૈવ સર્વસમ્પત્પ્રદા તથા ।
સર્વપ્રિયકરી ચૈવ સર્વમઙ્ગલકારિણી ॥ ૧૫૦ ॥
સર્વકામપ્રપૂર્ણા ચ સર્વદુઃખવિમોચિની ।
સર્વમૃત્યુપ્રશમની સર્વ વિઘ્નવિનાશિની ॥ ૧૫૧ ॥
સર્વાઙ્ગસુન્દરી ચૈવ સર્વસૌભાગ્યદાયિની ।
ત્રિપુરા શ્રીશ્ચ સર્વાર્થસાધિકા દશકોણગા ॥ ૧૫ ॥
સર્વરક્ષાકરી ચૈવ ઈશ્વરી યોગિની તથા ।
સર્વજ્ઞા સર્વશક્તિશ્ચ સર્વૈશ્વર્યપ્રદા તથા ॥ ૧૫૩ ॥
સર્વજ્ઞાનમયી ચૈવ સર્વવ્યાધિવિનાશિની ।
સર્વાધારસ્વરૂપા ચ સર્વપાપહરા તથા ॥ ૧૫૪ ॥
સર્વાનન્દમયી ચૈવ સર્વરક્ષાસ્વરૂપિણી ।
તથૈવ ચ મહાશક્તિઃ સર્વેપ્સિતફલપ્રદા ॥ ૧૫૫ ॥
અન્તર્દશારચક્રસ્થા તથા ત્રિપુરમાલિની ।
સર્વરોગહરા ચૈવ રહસ્યયોગિની તથા ॥ ૧૫૬ ॥
વાગ્દેવી વશિની ચૈવ તથા કામેશ્વરી તથા ।
મોદિની વિમલા ચૈવ હ્યરુણા જયિની તથા ॥ ૧૫ ॥
શિવકામપ્રદા દેવી શિવકામસ્ય સુન્દરી ।
લલિતા લલિતાધ્યાનફલદા શુભકારિણી ॥ ૧૫ ॥
સર્વેશ્વરી કૌલિની ચ વસુવંશાભિવર્દ્ધિની ।
સર્વકામપ્રદા ચૈવ પરાપરરહસ્યવિત્ ॥ ૧૫૯ ॥
ત્રિકોણચતુરશ્રસ્થ કામેશ્વર્યાયુધાત્મિકા ।
કામેશ્વરીબાણરૂપા કામેશી ચાપરૂપિણી ॥ ૧૬૦ ॥
કામેશી પાશહસ્તા ચ કામેશ્યઙ્કુશરૂપિણી ।
કામેશ્વરી રુદ્રશક્તિઃ અગ્નિચક્રકૃતાલયા ॥ ૧૬૧ ॥
કામાભિન્ત્રા કામદોગ્ધ્રી કામદા ચ ત્રિકોણગા ।
દક્ષકોણેશ્વરી વિષ્ણુશક્તિર્જાલન્ધરાલયા ॥ ૧૬૨ ॥
સૂર્યચક્રાલયા વામકોણગા સોમચક્રગા ।
ભગમાલા બૃહચ્છક્તિ પૂર્ણા પૂર્વાસ્રરાગિણી ॥ ૧૬૩ ॥
શ્રીમત્ત્રિકોણભુવના ત્રિપુરાખ્યા મહેશ્વરી ।
સર્વાનન્દમયીશાની બિન્દુગાતિરહસ્યગા ॥ ૧૬૪ ॥
પરબ્રહ્મસ્વરૂપા ચ મહાત્રિપુરસુન્દરી ।
સર્વચક્રાન્તરસ્થા ચ સર્વચક્રાધિદેવતા ॥ ૧૬૫ ॥
સર્વચક્રેશ્વરી સર્વમન્ત્રાણામીશ્વરી તથા ।
સર્વવિદ્યેશ્વરી ચૈવ સર્વવાગીશ્વરી તથા ॥ ૧૬૬ ॥
સર્વયોગેશ્વરી સર્વપીઠેશ્વર્યખિલેશ્વરી ।
સર્વકામેશ્વરી સર્વતત્વેશ્વર્યાગમેશ્વરી ॥ ૧૬૭ ॥
શક્તિઃ શક્તિભૃદુલ્લાસા નિર્દ્વન્દ્વાદ્વૈતગર્ભિણી ।
નિષ્પ્રપઞ્ચા પ્રપઞ્ચાભા મહામાયા પ્રપઞ્ચસૂઃ ॥ ૧૬૮ ॥
સર્વવિશ્વોત્પત્તિધાત્રી પરમાનન્દકારણા ।
લાવણ્યસિન્ધુલહરી સુન્દરીતોષમન્દિરા ॥ ૧૬૯ ॥
શિવકામસુન્દરી દેવી સર્વમઙ્ગલદાયિની ।
ઇતિનામ્નાં સહસ્રં ચ ગદિતં ઇષ્ટદાયકમ્ ॥ ૧૭૦ ॥
॥ ઉત્તરપીતિકા ॥
સહસ્રનામ મન્ત્રાણાં સારમાકૃષ્ય પાર્વતિ ।
રચિતં હિ મયા ચૈતત્ સિદ્ધિદં પરમોક્ષદમ્ ॥ ૧ ॥
અનેન સ્તુવતો નિત્યં અર્ધરાત્રે નિશામુખે ।
પ્રાતઃ કાલે ચ પૂજાયાં પઠનં સર્વકામદમ્ ॥ ૨ ॥
સર્વસામ્રાજ્યસુખદા સુન્દરી પરિતુષ્યતિ ।
રત્નાનિ વિવિધાન્યસ્ય વિત્તાનિ પ્રચુરાણિ ચ ॥ ૩ ॥
મનોરથરથસ્થાનિ દદાતિ પરમેશ્વરી ।
પુત્રપૌત્રાશ્ચ વર્ધન્તે સન્તતિસ્સાર્વકાલિકા ॥ ૪ ॥
શત્રવસ્તસ્ય નશ્યન્તિ વર્ધન્તે ચ બલાનિ ચ ।
વ્યાધયસ્તસ્ય નશ્યન્તિ લભતે ચૌષધાનિ ચ ॥ ૫ ॥
મન્દિરાણિ વિચિત્રાણિ રાજન્તે તસ્ય સર્વદા ।
કૃષિઃ ફલવતી તસ્ય ભૂમિઃ કામાખિલપ્રદા ॥ ૬ ॥
સ્થિરં જનપદં તસ્ય રાજ્યં તસ્ય નિરઙ્ગુશમ્ ।
માતઙ્ગાસ્તુરગાસ્તુઙ્ગાઃ સિઞ્ચિન્તો મદવારિભિઃ ॥ ૭ ॥
સૈનિકાશ્ચ વિરાજન્તે તુષ્ટાઃ પુષ્ટાસ્તુરઙ્ગમાઃ ।
પૂજાઃ શશ્વત્ વિવર્ધન્તે નિર્વિવાદાશ્ચ મન્ત્રિણઃ ॥ ૮ ॥
જ્ઞાતયસ્તસ્ય તુષ્યન્તિ બાન્ધવાઃ વિગતજ્વરાઃ ।
ભૃત્યાસ્તસ્ય વશે નિત્યં વર્તન્તેઽસ્ય મનોનુગાઃ ॥ ૯ ॥
ગદ્યપદ્યમયી વાણી વાક્ત્વાતુર્યસુસમ્ભૃતા ।
સમગ્ર સુખસમ્પત્તિ શાલિની લાસ્યમાલિની ॥ ૧૦ ॥
નાનાપદમયી વાણી તસ્ય ગઙ્ગાપ્રવાહવત્ ।
અદૃષ્ટાન્યપિ ચ શાસ્ત્રાણિ પ્રકાશન્તે નિરન્તરમ્ ॥ ૧૧ ॥
નિગ્રહઃ પરવાક્યાનાં સભાયાં તસ્ય જાયતે ।
સ્તુવન્તિ કૃતિનસ્તં વૈ રાજાનો દાસવત્તથા ॥ ૧૨ ॥
શસ્ત્રાણ્યસ્ત્રાણિ તદ્ગાત્રે જનયન્તિ રુજો નહિ ।
માતઙ્ગાઃ તસ્ય વશગાઃ સર્પવર્યા ભવન્તિ ચ ॥ ૧૩ ॥
વિષં નિર્વિષતાં યાતિ પાનીયમમૃતં ભવેત્ ।
પરસેનાસ્તમ્ભનં ચ પ્રતિવાદિવિજૃમ્ભણમ્ ॥ ૧૪ ॥
નવરાત્રેણ જાયન્તે સતતન્યાસયોગતઃ ।
અહોરાત્રં પઠેદ્યસ્તુ સ્તોત્રં સંયતમાનસઃ ॥ ૧૫ ॥
વશાઃ તસ્યોપજાયન્તે સર્વે લોકાઃ સુનિશ્ચિતમ્ ।
ષણ્માસાભ્યાસયોગેન દેવા યક્ષાશ્ચ કિન્નરાઃ ॥ ૧૬ ॥
સિદ્ધા મહોરગાસ્સર્વે વશમાયાન્તિ નિશ્ચયમ્ ।
નિત્યં કામકલાં ન્યસ્યન્ યઃ પતેત્ સ્તોત્રમુત્તમમ્ ॥ ૧૭ ॥
મદનોન્માદિની લીલાપુરસ્ત્રી તદ્વશાનુગા ।
લાવણ્યમદના સાક્ષાત્ વિદગ્ધમુખચન્દ્રિકા ॥ ૧૮ ॥
પ્રેમપૂર્ણાશ્રુનયના સુન્દરી વશગા ભવેત્ ।
ભૂર્જપત્રે રોચનેન કુઙ્કુમેન વરાનને ॥ ૧૯ ॥
ધાતુરાગેણ વા દેવી મૂલમન્ત્રં વિલિખ્ય ચ ।
રક્ષાર્થં ભસ્મ વિન્યસ્ય પુટીકૃત્ય સમન્ત્રકમ્ ॥ ૨૦ ॥
સુવર્ણરૌપ્યખચિતે સુષિરે સ્થાપ્ય યત્નતઃ ।
સમ્પૂજ્ય તત્ર દેવેશીં પુનરાદાય ભક્તિતઃ ॥ ૨૧ ॥
ધારયેન્મસ્તકે કણ્ઠે બાહુમૂલે તથા હૃદિ ।
નાભૌ ચ વિદ્યુતં ધન્યં જયદં સર્વકામદમ્ ॥ ૨૨ ॥
રક્ષાકરં નાન્યદસ્માત્ વિદ્યતે ભુવનત્રયે ।
જ્વરરોગનૃપાવિષ્ટભયહૃત્ ભૂતિવર્ધનમ્ ॥ ૨૩ ॥
બલવીર્યકરં ચાથ ભૂતશત્રુવિનાશનમ્ ।
પુત્રપૌત્રગુણશ્રેયોવર્ધકં ધનધાન્યકૃત્ ॥ ૨૪ ॥
ય ઇદં પઠતિ સ્તોત્રં સ સર્વં લભતે નરઃ ।
યદ્ગૃહે લિખિતં સ્તોત્રં તિષ્ઠેદેતદ્ વરાનને ॥ ૨૫ ॥
તત્ર તિષ્ઠામ્યહં નિત્યં હરિશ્ચ કમલાસનઃ ।
વસન્તિ સર્વતીર્થાનિ ગૌરી લક્ષ્મીસ્સરસ્વતી ॥ ૨૬ ॥
શિવકામેશ્વરીં ધ્યાત્વા પઠેન્નામસહસ્રકમ્ ।
અસકૃત્ ધ્યાનપાઠેન સાધકઃ સિદ્ધિમાપ્નુયાત્ ॥ ૨૭ ॥
શુક્રવારે પૌર્ણમાસ્યાં પઠન્નામસહસ્રકમ્ ।
પૂજાં યઃ કુરુતે ભક્ત્યા વાઞ્છિતં લભતે ધુવમ્ ॥ ૨૮ ॥
શિવકામેશ્વરીમન્ત્રઃ મન્ત્રરાજઃ પ્રકીર્તિતઃ ।
તદભ્યાસાત્સાધકશ્ચ સિદ્ધિમાપ્નોત્યનુત્તમામ્ ॥ ૨૯ ॥
નાસાધકાય દાતવ્યમશ્રદ્ધાય શઠાય ચ ।
ભક્તિહીનાય મલિને ગુરુનિન્દાપરાય ચ ॥ ૩૦ ॥
અલસાયાયત્નવતેઽશિવભક્તાય સુન્દરિ ।
વિષ્ણુભક્તિવિહીનાય ન દાતવ્યં કદાચન ॥ ૩૧ ॥
દેયં ભક્તવરાયૈતત્ભુક્તિમુક્યિકરં શુભમ્ ।
સિદ્ધિદં ભવરોગઘ્નં સ્તોત્રમેતદ્વરાનને ॥ ૩૨ ॥
લતાયોગે પઠેદ્યસ્તુ તસ્ય ક્ષિપ્રં ફલં ભવેત્ ।
સૈવ કલ્પલતા તસ્ય વાઞ્છાફલકરી સ્મૃતા ॥ ૩૩ ॥
પુષ્પિતાં યાં લતાં સમ્યક્ દૃષ્ટ્વા શ્રીલલિતાં સ્મરન્ ।
અક્ષુબ્ધઃ પ્રપઠેદ્યસ્તુ સ યજ્ઞક્રતુપુણ્યભાક્ ॥ ૩૪ ॥
વિકલ્પરહિતો યો હિ નિર્વિકલ્પઃ સ્વયં શિવઃ ।
નૈતત્પ્રકાશયેદ્ભક્તઃ કુશિષ્યાયાલ્પમેધસે ॥ ૩૫ ॥
અનેકજન્મપુણ્યેન દીક્ષિતો જાયતે નરઃ ।
તત્રાપ્યનેકભાગ્યેન શૈવો વિષ્ણુ પરાયણઃ ॥ ૩૬ ॥
તત્રાપ્યનેકપુણ્યેન શક્તિભાવઃ પ્રજાયતે ।
મહોદયેન તત્રાપિ સુન્દરીભાવભાગ્ભવેત્ ॥ ૩૭ ॥
સહસ્રનામ્નાં તત્રાપિ કીર્તનં ચ સુદુર્લભમ્ ।
યત્ર જન્મનિ સા નિત્યં પૂર્વપુણ્યવશાદ્ભવેત્ ॥ ૩૮ ॥
જીવન્મુક્તો ભવેત્તસ્ય કર્તવ્યં નાવશિષ્યતે ।
અવધૂતત્વમેવ સ્યાત્ ન વર્ણાશ્રમકલ્પના ॥ ૩૯ ॥
બ્રહ્માદયોઽપિ દેવેશીં પ્રાર્થયન્તે તદવ્યયામ્ ।
હંસત્વં ભક્તિભાવેન પરમાનન્દકારણમ્ ॥ ૪૦ ॥
દેવોઽસૌ સર્વદા શક્તિ ભાવયન્નેવ સંસ્થિતઃ ।
સ્વયં શિવસ્તુ વિજ્ઞેયઃ સુન્દરીભાવલમ્પટઃ ॥ ૪૧ ॥
બ્રહ્માનન્દમયીં જ્યોત્સ્નાં સદાશિવપરાયણામ્ ।
શિવકામેશ્વરીં દેવીં ભાવયન્ સિદ્ધિમાપ્નુયાત્ ॥ ૪૨ ॥
આહ્લાદઃ સુન્દરીધ્યાનાત્ સુન્દરીનામકીર્તનાત્ ।
સુન્દરીદર્શનાચ્ચૈવ સદાનન્દઃ પ્રજાયતે ॥ ૪૩ ॥
॥ ઇતિ શ્રીરુદ્રયામલે ઉમામહેશસંવાદે શ્રીશિવકામસુન્દર્યાઃ
શ્રીમત્ત્રિપુરસુન્દર્યાઃ ષોડશાર્ણાયાઃ તુરીયસહસ્રનામસ્તોત્રં
સમ્પૂર્ણમ્ ॥
Also Read 1000 Names of Sri Shivakamasundari:
1000 Names of Sri Shivakama Sundari 2 | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
