Shri Vagvadini Sahasranamastotram Lyrics in Oriya:
॥ ଶ୍ରୀଵାଗ୍ଵାଦିନିସହସ୍ରନାମସ୍ତୋତ୍ରମ୍ ॥
ଓଂ ଶ୍ରୀଗଣେଶାୟ ନମଃ ।
ବ୍ରହ୍ମୋଵାଚ –
ନନ୍ଦିକେଶ୍ଵର ସର୍ଵଜ୍ଞ ଭକ୍ତାନୁଗ୍ରହକାରକ ।
ଋଦ୍ଧିସିଦ୍ଧିପ୍ରଦଂ ନୄଣାଂ ସର୍ଵଦୋଷନିଷୂଦନମ୍ ॥ ୧ ॥
ସର୍ଵସିଦ୍ଧିକରଂ ପୁଣ୍ୟଂ ସର୍ଵକାମାର୍ଥସାଧନମ୍ ।
ଆଧିଵ୍ୟାଧିହରଂ କେନ କେନ ଵା ମୃତ୍ୟୁନାଶନମ୍ ।
ଵକ୍ତୁମର୍ହସି ଦେଵେଶ ନନ୍ଦିକେଶ ସୁରୋତ୍ତମ ॥ ୨ ॥
ଶ୍ରୀନନ୍ଦିକେଶ୍ଵରୋଵାଚ –
ଶୃଣୁ ବ୍ରହ୍ମନ୍ପ୍ରଵକ୍ଷ୍ୟାମି ଗୁପ୍ତାଦ୍ଗୁପ୍ତତରଂ ମହତ୍ ।
ସର୍ଵଭକ୍ତହିତାର୍ଥାୟ କଥିତା କମଲାସନ ॥ ୩ ॥
ସମସ୍ତକଲହଧ୍ଵଂସୀ ଲୋକସ୍ୟ ଲୋକଵଲ୍ଲଭ ।
ଜଲଜାସ୍ସ୍ଥଲଜାଶ୍ଚୈଵ ଵନଜା ଵ୍ୟୋମଜାସ୍ତଥା ॥ ୪ ॥
କୃତ୍ରିମା ଦୋଷଜାଶ୍ଚାପି ଭ୍ରାନ୍ତଭ୍ରାନ୍ତିଵିନାଶନମ୍ ।
ଅପସ୍ମାରଗ୍ରହୋନ୍ମାଦଜନୋନ୍ମତ୍ତପିଶାଚକାଃ ॥ ୫ ॥
ଦୁଃଖପ୍ରଣାଶନଂ ନିତ୍ୟଂ ସୁଖଂ ସମ୍ପ୍ରାପ୍ୟତେ ଵିଧେ ।
ଇଦଂ ସ୍ତୋତ୍ରଂ ନ ଜାନନ୍ତି ଵାଗ୍ଦେଵୀସ୍ମରଣେ ୟଦି ॥ ୬ ॥
ନ ସ ସିଦ୍ଧିମଵାପ୍ନୋତି ଵର୍ଷକୋଟିଶତୈରପି ।
ସର୍ଵଂ ସରସ୍ଵତୀନାମ୍ନାଂ ସଦାଶିଵଋଷିଃ ସ୍ମୃତଃ ॥ ୭ ॥
ଛନ୍ଦୋଽନୁଷ୍ଟୁପ୍ ତଥା ବୀଜଂ ଵାଗ୍ଭଵଂ ଶକ୍ତି କୀଲକମ୍ ।
ରକାରଂ ସର୍ଵକାମାର୍ଥଂ ଵିନିୟୋଗଃ ପ୍ରକୀର୍ତିତାଃ ॥ ୮ ॥
ଅଥ ଧ୍ୟାନଂ –
ଶୁଭ୍ରାଂ ସ୍ଵଚ୍ଛଵିଲେପମାଲ୍ୟଵସନାଂ ଶୀତାଂଶୁଖଣ୍ଡୋଜ୍ଜ୍ଵଲାଂ
ଵ୍ୟାଖ୍ୟାମକ୍ଷଗୁଣଂ ସୁଧାବ୍ଜକଲଶଂ ଵିଦ୍ୟାଂ ଚ ହସ୍ତାମ୍ବୁଜୈଃ ।
ଵିଭ୍ରାଣାଂ କମଲାସନାଂ କୁଚନତାଂ ଵାଗ୍ଦେଵତାଂ ସୁସ୍ମିତାଂ
ଵାଗ୍ଦେଵୀଂ ଵିଭଵପ୍ରଦାଂ ତ୍ରିନୟନାଂ ସୌଭାଗ୍ୟସମ୍ପତ୍କରୀମ୍ ॥
ଓଂ ଶ୍ରୀଵାଗ୍ଵାଦିନୀ ଵାଣୀ ଵାଗୀଶ୍ଵରୀ ସରସ୍ଵତୀ ।
ଵାଚା ଵାଚାମତୀ ଵାକ୍ୟା ଵାଗ୍ଦେଵୀ ବାଲସୁନ୍ଦରୀ ॥ ୧ ॥
ଵଚସା ଵାଚୟିଷ୍ୟା ଚ ଵଲ୍ଲଭା ଵିଷ୍ଣୁଵଲ୍ଲଭା ।
ବାଲରୂପା ସତୀ ଵୃଦ୍ଧା ଵନମାଲୀ ଵନେଶ୍ଵରୀ ॥ ୨ ॥
ଵଲିଧ୍ଵଂସପ୍ରିୟା ଵେଦା ଵରଦା ଵରଵର୍ଧିନୀ ।
ବ୍ରାହ୍ମୀ ସରସ୍ଵତୀ ଵିଦ୍ୟା ବ୍ରହ୍ମାଣ୍ଡଜ୍ଞାନଗୋଚରୀ ॥ ୩ ॥
ବ୍ରହ୍ମନାଡୀ ବ୍ରହ୍ମଜ୍ଞାନୀ ଵ୍ରତି ଵ୍ରତପ୍ରିୟା ଵ୍ରତା ।
ବ୍ରହ୍ମଚାରୀ ବୁଦ୍ଧିରୂପୀ ବୁଦ୍ଧିଦା ବୁଦ୍ଧିଦାପକା ॥ ୪ ॥
ବୁଦ୍ଧିଃ ପ୍ରଜ୍ଞା ବୁଦ୍ଧିମତୀ ବୁଦ୍ଧିଶ୍ରୀ ବୁଦ୍ଧିଵର୍ଧିନୀ ।
ଵାରାହୀ ଵାରୁଣୀ ଵ୍ୟକ୍ତା ଵେଣୁହସ୍ତା ବଲୀୟସୀ ॥ ୫ ॥
ଵାମମାର୍ଗରତା ଦେଵୀ ଵାମାଚାରରସପ୍ରିୟା ।
ଵାମସ୍ତ୍ଥା ଵାମରୂପା ଚ ଵର୍ଧିନୀ ଵାମଲୋଚନା ॥ ୬ ॥
ଵିଶ୍ଵଵ୍ୟାପୀ ଵିଶ୍ଵରୂପା ଵିଶ୍ଵସ୍ଥା ଵିଶ୍ଵମୋହିନୀ ।
ଵିନ୍ଧ୍ୟସ୍ଥା ଵିନ୍ଧ୍ୟନିଲୟା ଵିନ୍ଦୁଦା ଵିନ୍ଦୁଵାସିନୀ ॥ ୭ ॥
ଵକ୍ତ୍ରସ୍ଥା ଵକ୍ରରୂପା ଚ ଵିଜ୍ଞାନଜ୍ଞାନଦାୟିନୀ ।
ଵିଘ୍ନହର୍ତ୍ରୀ ଵିଘ୍ନଦାତ୍ରୀ ଵିଘ୍ନରାଜସ୍ୟ ଵଲ୍ଲଭା ॥ ୮ ॥
ଵାସୁଦେଵପ୍ରିୟା ଦେଵୀ ଵେଣୁଦତ୍ତବଲପ୍ରଦା ।
ବଲଭଦ୍ରସ୍ୟ ଵରଦା ବଲିରାଜପ୍ରପୂଜିତା ॥ ୯ ॥
ଵାକ୍ୟଂ ଵାଚମତୀ ବ୍ରାହ୍ମୀ ଵାଗ୍ଭଵାନୀ ଵିଧାୟିକା ।
ଵାୟୁରୂପା ଚ ଵାଗୀଶା ଵେଗସ୍ଥା ଵେଗଚାରିଣୀ ॥ ୧୦ ॥
ବ୍ରହ୍ମମୂର୍ତିର୍ଵାଙ୍ମୟୀ ଚ ଵାର୍ତାଜ୍ଞା ଵଙ୍ମୟେଶ୍ଵରୀ ।
ବନ୍ଧମୋକ୍ଷପ୍ରଦା ଦେଵୀ ବ୍ରହ୍ମନାଦସ୍ଵରୂପିଣୀ ॥ ୧୧ ॥
ଵସୁନ୍ଧରାସ୍ଥିତା ଦେଵୀ ଵସୁଧାରସ୍ଵରୂପିଣୀ ।
ଵର୍ଗରୂପା ଵେଗଧାତ୍ରୀ ଵନମାଲାଵିଭୂଷଣା ॥ ୧୨ ॥
ଵାଗ୍ଦେଵେଶ୍ଵରକଣ୍ଠସ୍ଥା ଵୈଦ୍ୟା ଵିବୁଧଵନ୍ଦିତା ।
ଵିଦ୍ୟୁତ୍ପ୍ରଭା ଵିନ୍ଦୁମତୀ ଵାଞ୍ଛିତା ଵୀରଵନ୍ଦିତା ॥ ୧୩ ॥
ଵହ୍ନିଜ୍ଵାଲା ଵହ୍ନିମୁଖୀ ଵିଶ୍ଵଵ୍ୟାପୀ ଵିଶାଲଦା ।
ଵିଦ୍ୟାରୂପା ଚ ଶ୍ରୀଵିଦ୍ୟା ଵିଦ୍ୟାଧରପ୍ରପୂଜିତା ॥ ୧୪ ॥
ଵିଦ୍ୟାସ୍ଥା ଵିଦ୍ୟୟା ଦେଵୀ ଵିଦ୍ୟାଦେଵୀ ଵିଷପ୍ରହା ।
ଵିଷଘ୍ନୀ ଵିଷଦୋଷଘ୍ନୀ ଵୃକ୍ଷମୂଲପ୍ରତିଷ୍ଠିତା ॥ ୧୫ ॥
ଵୃକ୍ଷରୂପୀ ଚ ଵୃକ୍ଷେଶୀ ଵୃକ୍ଷଫଲପ୍ରଦାୟକା ।
ଵିଵିଧୌଷଧସମ୍ପନ୍ନା ଵିଵିଧୋତ୍ପାତନାଶିନୀ ॥ ୧୬ ॥
ଵିଧିଜ୍ଞା ଵିଵିଧାକାରା ଵିଶ୍ଵଗର୍ଭା ଵନେଶ୍ଵରୀ ।
ଵିଶ୍ଵେଶ୍ଵରୀ ଵିଶ୍ଵୟୋନୀର୍ଵିଶ୍ଵମାତା ଵିଧିପ୍ରିୟା ॥ ୧୭ ॥
ଵିଭୂତିରୂପା ଵୈଭୂତୀ ଵଂଶୀ ଵଂଶୀଧରପ୍ରିୟା ।
ଵିଶାଲଲୋଚନା ଦେଵୀ ଵିତ୍ତଦା ଚ ଵରାନନା ॥ ୧୮ ॥
ଵାୟୁମଣ୍ଡଲସଂସ୍ଥା ଚ ଵହ୍ନିମଣ୍ଡଲସଂସ୍ଥିତା ।
ଗଙ୍ଗାଦେଵୀ ଚ ଗଙ୍ଗା ଚ ଗୁଣାଦାତ୍ରୀ ଗୁଣାତ୍ମିକା ॥ ୧୯ ॥
ଗୁଣାଶ୍ରୟା ଗୁଣଵତୀ ଗୁଣଶୀଲସମନ୍ଵିତା ।
ଗର୍ଭପ୍ରଦା ଗର୍ଭଦାତ୍ରୀ ଗର୍ଭରକ୍ଷାପ୍ରଦାୟିନୀ ॥ ୨୦ ॥
ଗୀରୂପା ଗୀଷ୍ମତୀ ଗୀତା ଗୀତଜ୍ଞା ଗୀତଵଲ୍ଲଭା ।
ଗିରିଧାରୀପ୍ରିୟା ଦେଵୀ ଗିରିରାଜସୁତା ସତୀ ॥ ୨୧ ॥
ଗତିଦା ଗର୍ଭଦା ଗର୍ଭା ଗଣପୂଜା ଗଣେଶ୍ଵରୀ ।
ଗମ୍ଭୀରା ଗହନା ଗୁହ୍ୟା ଗନ୍ଧର୍ଵଗଣସେଵିତା ॥ ୨୨ ॥
ଗୁହ୍ୟେଶ୍ଵରୀ ଗୁହ୍ୟକାଲୀ ଗୁପ୍ତମାର୍ଗପ୍ରଦାୟିନୀ ।
ଗୁରୁମୂର୍ତିର୍ଗୁରୁସ୍ଥା ଚ ଗୋଚରା ଗୋଚରପ୍ରଦା ॥ ୨୩ ॥
ଗୋପିନୀ ଗୋପିକା ଗୌରୀ ଗୋପାଲଜ୍ଞାନତତ୍ପରା ।
ଗୋରୂପା ଗୋମତୀଦେଵୀ ଗୋଵର୍ଧନଧରପ୍ରିୟା ॥ ୨୪ ॥
ଗୁଣଦାତ୍ରୀ ଗୁଣଶୀଲା ଗୁଣରୂପା ଗୁଣେଶ୍ଵରୀ ।
ଗାୟତ୍ରୀରୂପା ଗାନ୍ଧାରୀ ଗଙ୍ଗାଧରପ୍ରିୟା ତଥା ॥ ୨୫ ॥
ଗିରିକନ୍ୟା ଗିରିସ୍ଥା ଚ ଗୂଢରୂପା ଗୃହସ୍ଥିତା ।
ଗୃହକ୍ଲେଶଵିଧ୍ଵଂସିନୀ ଗୃହେ କଲହଭଞ୍ଜନୀ ॥ ୨୬ ॥
ଗଗନାଡୀ ଗର୍ଭଜ୍ୟୋତିର୍ଗଗନାକାରଶୋଭିତା ।
ଗମସାଗମସ୍ଵରୂପା ଚ ଗରୁଡାସନଵଲ୍ଲଭା ॥ ୨୭ ॥
ଗନ୍ଧରୂପା ଗନ୍ଧରୂପୀ ଗଲସ୍ଥା ଗଲଗୋଚରା ।
ଗଜେନ୍ଦ୍ରଗାମିନୀଦେଵୀ ଗ୍ରହନକ୍ଷତ୍ରଵନ୍ଦିତା ॥ ୨୮ ॥
ଗୋପକନ୍ୟା ଗୋକୁଲେଶୀ ଗୋପୀଚନ୍ଦନଲେପିତା ।
ଦୟାଵତୀ ଦୁଃଖହନ୍ତ୍ରୀ ଦୁଷ୍ଟଦାରିଦ୍ର୍ୟନାଶିନୀ ॥ ୨୯ ॥
ଦିଵ୍ୟଦେହା ଦିଵ୍ୟମୁଖୀ ଦିଵ୍ୟଚନ୍ଦନଲେପିତା ।
ଦିଵ୍ୟଵସ୍ତ୍ରପରୀଧାନା ଦମ୍ଭଲୋଭଵିଵର୍ଜିତା ॥ ୩୦ ॥
ଦାତା ଦାମୋଦରପ୍ରୀତା ଦାମୋଦରପରାୟଣା ।
ଦନୁଜେନ୍ଦ୍ରଵିନାଶୀ ଚ ଦାନଵାଗଣସେଵିତା ॥ ୩୧ ॥
ଦୁଷ୍କୃତଘ୍ନୀ ଦୂରଗାମୀ ଦୁର୍ମତି-ଦୁଃଖନାଶିନୀ ।
ଦାଵାଗ୍ନିରୂପିଣୀଦେଵୀ ଦଶଗ୍ରୀଵଵରପଦା ॥ ୩୨ ॥
ଦୟାନଦୀ ଦୟାଶୀଲା ଦାନଶୀଲା ଚ ଦର୍ଶିନୀ ।
ଦୃଢଦେଵୀ ଦୃଢଦୃଷ୍ଟୀ ଦୁଗ୍ଘପ୍ରପାନତତ୍ପରା ॥ ୩୩ ॥
ଦୁଗ୍ଧଵର୍ଣା ଦୁଗ୍ଧପ୍ରିୟା ଦଧିଦୁଗ୍ଧପ୍ରଦାୟକା ।
ଦେଵକୀ ଦେଵମାତା ଚ ଦେଵେଶୀ ଦେଵପୂଜିତା ॥ ୩୪ ॥
ଦେଵୀମୂର୍ତିର୍ଦୟାମୂର୍ତିର୍ଦୋଷହା ଦୋଷନାଶିନୀ ।
ଦୋଷଘ୍ନୀ ଦୋଷଦମନୀ ଦୋଲାଚଲପ୍ରତିଷ୍ଠିତା ॥ ୩୫ ॥
ଦୈନ୍ୟହା ଦୈତ୍ୟହନ୍ତ୍ରୀ ଚ ଦେଵାରିଗଣମର୍ଦିନୀ ।
ଦମ୍ଭକୃତ୍ ଦମ୍ଭନାଶୀ ଚ ଦାଡିମୀପୁଷ୍ପଵଲ୍ଲଭା ॥ ୩୬ ॥
ଦଶନା ଦାଡିମାକାରା ଦାଡିମୀକୁସୁମପ୍ରଭା ।
ଦାସୀଵରପ୍ରଦା ଦୀକ୍ଷା ଦୀକ୍ଷିତା ଦୀକ୍ଷିତେଶ୍ଵରୀ ॥ ୩୭ ॥
ଦିଲୀପରାଜବଲଦା ଦିନରାତ୍ରିସ୍ଵରୂପିଣୀ ।
ଦିଗମ୍ବରୀ ଦୀପ୍ତତେଜା ଡମରୂଭୁଜଧାରିଣୀ ॥ ୩୮ ॥
ଦ୍ରଵ୍ୟରୂପୀ ଦ୍ରଵ୍ୟକରୀ ଦଶରଥଵରପ୍ରଦା ।
ଈଶ୍ଵରୀ ଈଶ୍ଵରଭାର୍ୟା ଚ ଇନ୍ଦ୍ରିୟରୂପସଂସ୍ଥିତା ॥ ୩୯ ॥
ଇନ୍ଦ୍ରପୂଜ୍ୟା ଇନ୍ଦ୍ରମାତା ଈପ୍ସିତ୍ଵଫଲଦୟକା ।
ଇନ୍ଦ୍ରାଣୀ ଇଙ୍ଗିତଜ୍ଞା ଚ ଈଶାନୀ ଈଶ୍ଵରପ୍ରିୟା ॥ ୪୦ ॥
ଇଷ୍ଟମୂର୍ତୀ ଇହୈଵସ୍ଥା ଇଚ୍ଛାରୂପା ଇହେଶ୍ଵରୀ ।
ଇଚ୍ଛାଶକ୍ତିରୀଶ୍ଵରସ୍ଥା ଇଲ୍ଵଦୈତ୍ୟନିଷୂଦିନୀ ॥ ୪୧ ॥
ଇତିହାସାଦିଶାସ୍ତ୍ରଜ୍ଞା ଇଚ୍ଛାଚାରୀସ୍ଵରୂପିଣୀ ।
ଈକାରାକ୍ଷରରୂପା ଚ ଇନ୍ଦ୍ରିୟଵରଵର୍ଧିନୀ ॥ ୪୨ ॥
ଇଦ୍ରଲୋକନିଵାସିନାଂ ଈପ୍ସିତାର୍ଥପ୍ରଦାୟିନୀ ।
ନାରୀ ନାରାୟଣପ୍ରୀତା ନାରସିଂହୀ ନରେଶ୍ଵରୀ ॥ ୪୩ ॥
ନର୍ମଦା ନନ୍ଦିନୀରୂପା ନର୍ତକୀ ନଗନନ୍ଦିନୀ ।
ନାରାୟଣପ୍ରିୟା ନିତ୍ୟଂ ନାନାଵିଦ୍ୟାପ୍ରଦାୟିନୀ ॥ ୪୪ ॥
ନାନାଶାସ୍ତ୍ରଧରୀଦେଵୀ ନାନାପୁଷ୍ପସୁଶୋଭିତା ।
ନୟନତ୍ରୟରୂପା ଚ ନୃତ୍ୟନାଥସ୍ୟ ଵଲ୍ଲଭା ॥ ୪୫ ॥
ନଦୀରୂପା ନୃତ୍ୟରୂପା ନାଗରୀ ନଗରେଶ୍ଵରୀ ।
ନାନାର୍ଥଦାତା ନଲିନୀ ନାରଦାଦିପ୍ରପୂଜିତା ॥ ୪୬ ॥
ନତାରମ୍ଭେଶ୍ଵରୀଦେଵୀ ନୀତିଜ୍ଞା ଚ ନିରଞ୍ଜନୀ ।
ନିତ୍ୟସିଂହାସନସ୍ଥା ଚ ନିତ୍ୟକଲ୍ୟାଣକାରିଣୀ ॥ ୪୭ ॥
ନିତ୍ୟାନନ୍ଦକରୀ ଦେଵୀ ନିତ୍ୟସିଦ୍ଧିପ୍ରଦାୟକା ।
ନେତ୍ରପଦ୍ମଦଲାକାରା ନେତ୍ରତ୍ରୟସ୍ଵରୂପିଣୀ ॥ ୪୮ ॥
ନୌମୀଦେଵୀନାମମାତ୍ରା ନକାରାକ୍ଷରରୂପିଣୀ ।
ନନ୍ଦା ନିଦ୍ରା ମହାନିଦ୍ରା ନୂପୁରପଦଶୋଭିତା ॥ ୪୯ ॥
ନାଟକୀ ନାଟକାଧ୍ୟକ୍ଷା ନରାନନ୍ଦପ୍ରଦାୟିକା ।
ନାନାଭରଣସନ୍ତୁଷ୍ଟାନାନାରତ୍ନଵିଭୂଷଣା ॥ ୫୦ ॥
ନରକନାଶିନୀଦେଵୀ ନାଗାନ୍ତକସ୍ଥିତା ପ୍ରିୟା ।
ନୀତିଵିଦ୍ୟାପ୍ରଦା ଦେଵୀ ନ୍ୟାୟଶାସ୍ତ୍ରଵିଶାରଦୀ ॥ ୫୧ ॥
ନରଲୋକଗତାଦେଵୀ ନରକାସୁରନାଶିନୀ ।
ଅନନ୍ତଶକ୍ତିରୂପା ଚ ନୈମିତ୍ତିକପ୍ରପୂଜିତା ॥ ୫୨ ॥
ନାନାଶସ୍ତ୍ରଧରାଦେଵୀ ନାରବିନ୍ଦୁସ୍ଵରୂପିଣୀ ।
ନକ୍ଷତ୍ରରୂପା ନନ୍ଦିତା ନଗସ୍ଥା ନଗନନ୍ଦିନୀ ॥ ୫୩ ॥
ସାରଦା ସରିତାରୂପା ସତ୍ୟଭାମା ସୁରେଶ୍ଵରୀ ।
ସର୍ଵାନନ୍ଦକରୀଦେଵୀ ସର୍ଵାଭରଣଭୂଷିତା ॥ ୫୪ ॥
ସର୍ଵଵିଦ୍ୟାଧରାଦେଵୀ ସର୍ଵଶାସ୍ତ୍ରସ୍ଵରୂପିଣୀ ।
ସର୍ଵମଙ୍ଗଲଦାତ୍ରୀ ଚ ସର୍ଵକଲ୍ୟାଣକାରିଣୀ ॥ ୫୫ ॥
ସର୍ଵଜ୍ଞା ସର୍ଵଭାଗ୍ୟଂ ଚ ସର୍ଵସନ୍ତୁଷ୍ଟିଦାୟକା ।
ସର୍ଵଭାରଧରାଦେଵୀ ସର୍ଵଦେଶନିଵାସିନୀ ॥ ୫୬ ॥
ସର୍ଵଦେଵପ୍ରିୟାଦେଵୀ ସର୍ଵଦେଵପ୍ରପୂଜିତା ।
ସର୍ଵଦୋଷହରାଦେଵୀ ସର୍ଵପାତକନାଶିନୀ ॥ ୫୭ ॥
ସର୍ଵସଂସାରସଂରାଜ୍ଞୀ ସର୍ଵସଙ୍କଷ୍ଟନାଶିନୀ । ସର୍ଵସଂସାରସାରାଣି
ସର୍ଵକଲହଵିଧ୍ଵଂସୀ ସର୍ଵଵିଦ୍ୟାଧିଦେଵତା ॥ ୫୮ ॥
ସର୍ଵମୋହନକାରୀ ଚ ସର୍ଵମନ୍ତ୍ରପ୍ରସିଦ୍ଧିଦା ।
ସର୍ଵତନ୍ତ୍ରାତ୍ମିକାଦେଵୀ ସର୍ଵୟନ୍ତ୍ରାଧିଦେଵତା ॥ ୫୯ ॥
ସର୍ଵମଣ୍ଡଲସଂସ୍ଥା ଚ ସର୍ଵମାୟାଵିମୋହିନୀ ।
ସର୍ଵହୃଦୟଵାସିନ୍ୟୋ ସର୍ଵମାତ୍ମସ୍ଵରୂପିଣୀ ॥ ୬୦ ॥
ସର୍ଵକାରଣକାରୀ ଚ ସର୍ଵଶାନ୍ତସ୍ଵରୂପିଣୀ ।
ସର୍ଵସିଦ୍ଧିକରସ୍ଥା ଚ ସର୍ଵଵାକ୍ୟସ୍ଵରୂପିଣୀ ॥ ୬୧ ॥
ସର୍ଵାଧାରା ନିରାଧାରା ସର୍ଵାଙ୍ଗସୁନ୍ଦରୀ ସତୀ ।
ସର୍ଵଵେଦମୟୀଦେଵୀ ସର୍ଵଶବ୍ଦସ୍ଵରୂପିଣୀ ॥ ୬୨ ॥
ସର୍ଵବ୍ରହ୍ମାଣ୍ଡଵ୍ୟାପ୍ତା ଚ ସର୍ଵବ୍ରହ୍ମାଣ୍ଡଵାସିନୀ ।
ସର୍ଵାଚାରରତା ସାଧ୍ଵୀ ସର୍ଵବୀଜସ୍ଵରୂପିଣୀ ॥ ୬୩ ॥
ସର୍ଵୋନ୍ମାଦଵିକାରଘ୍ନୀ ସର୍ଵକଲ୍ମଷନାଶିନୀ ।
ସର୍ଵଦେହଗତାଦେଵୀ ସର୍ଵୟୋଗେଶ୍ଵରୀ ପରା ॥ ୬୪ ॥
ସର୍ଵକଣ୍ଠସ୍ଥିତା ନିତ୍ୟଂ ସର୍ଵଗର୍ଭାସୁରକ୍ଷକା ।
ସର୍ଵଭାଵା ପ୍ରଭାଵାଦ୍ୟା ସର୍ଵଲକ୍ଷ୍ମୀପ୍ରଦାୟିକା ॥ ୬୫ ॥
ସର୍ଵୈଶ୍ଵର୍ୟପ୍ରଦା ଦେଵୀ ସର୍ଵଵାୟୁସ୍ଵରୂପିଣୀ ।
ସୁରଲୋକଗତା ଦେଵୀ ସର୍ଵୟୋଗେଶ୍ଵରୀ ପରା ॥ ୬୬ ॥
ସର୍ଵକଣ୍ଠସ୍ଥିତା ନିତ୍ୟଂ ସୁରାସୁରଵରପ୍ରଦା ।
ସୂର୍ୟକୋଟିପ୍ରତୀକାଶା ସୂର୍ୟମଣ୍ଡଲସଂସ୍ଥିତା ॥ ୬୭ ॥
ଶୂନ୍ୟମଣ୍ଡଲସଂସ୍ଥା ଚ ସାତ୍ତ୍ଵିକୀ ସତ୍ୟଦା ତଥା ।
ସରିତା ସରିତାଶ୍ରେଷ୍ଠା ସଦାଚାରସୁଶୋଭିତା ॥ ୬୮ ॥
ସାକିନୀ ସାମ୍ୟରୂପା ଚ ସାଧ୍ଵୀ ସାଧୁଜନାଶ୍ରୟା ।
ସିଦ୍ଧିଦା ସିଦ୍ଧିରୂପା ଚ ସିଦ୍ଧିସ୍ସିଦ୍ଧିଵିଵର୍ଧିନୀ ॥ ୬୯ ॥
ଶ୍ରିତକଲ୍ୟାଣଦାଦେଵୀ ସର୍ଵମୋହାଧିଦେଵତା ।
ସିଦ୍ଧେଶ୍ଵରୀ ଚ ସିଦ୍ଧାତ୍ମା ସର୍ଵମେଧାଵିଵର୍ଧିନୀ ॥ ୭୦ ॥
ଶକ୍ତିରୂପା ଚ ଶକ୍ତେଶୀ ଶ୍ୟାମା କଷ୍ଟନିଷୂଦିନୀ ।
ସର୍ଵଭକ୍ଷା ଶଙ୍ଖିନୀ ଚ ସରସାଗତକାରିଣୀ ॥ ୭୧ ॥
ସର୍ଵପ୍ରଣଵରୂପା ଚ ସର୍ଵ ଅକ୍ଷରରୂପିଣୀ ।
ସୁଖଦା ସୌଖ୍ୟଦା ଭୋଗା ସର୍ଵଵିଘ୍ନଵିଦାରିଣୀ ॥ ୭୨ ॥
ସନ୍ତାପହା ସର୍ଵବୀଜା ସାଵିତ୍ରୀ ସୁରସୁନ୍ଦରୀ ।
ଶ୍ରୀରୂପା ଶ୍ରୀକରୀ ଶ୍ରୀଶ୍ଚ ଶିଶିରାଚଲଵାସିନୀ ॥ ୭୩ ॥
ଶୈଲପୁତ୍ରୀ ଶୈଲଧାତ୍ରୀ ଶରଣାଗତଵଲ୍ଲଭା ।
ରତ୍ନେଶ୍ଵରୀ ରତ୍ନପ୍ରଦା ରତ୍ନମନ୍ଦିରଵାସିନୀ ॥ ୭୪ ॥
ରତ୍ନମାଲାଵିଚିତ୍ରାଙ୍ଗୀ ରତ୍ନସିଂହାସନସ୍ଥିତା ।
ରସଧାରାରସରତା ରସଜ୍ଞା ରସଵଲ୍ଲଭା ॥ ୭୫ ॥
ରସଭୋକ୍ତ୍ରୀ ରସରୂପା ଷଡ୍ରସଜ୍ଞା ରସେଶ୍ଵରୀ ।
ରସେନ୍ଦ୍ରଭୂଷଣା ନିତ୍ୟଂ ରତିରୂପା ରତିପ୍ରଦା ॥ ୭୬ ॥
ରାଜେଶ୍ଵରୀ ରାକିଣୀ ଚ ରାଵଣାଵରଦାୟକା । ଦଶାସ୍ୟଵରଦାୟକା
ରାମକାନ୍ତା ରାମପ୍ରିୟା ରାମଚନ୍ଦ୍ରସ୍ୟ ଵଲ୍ଲଭା ॥ ୭୭ ॥
ରାକ୍ଷସଘ୍ନୀ ରାଜମାତା ରାଧା ରୁଦ୍ରେଶ୍ଵରୀ ନିଶା ।
ରୁକ୍ମିଣୀ ରମଣୀ ରାମା ରାଜ୍ୟଭୁଗ୍ରାଜ୍ୟଦାୟକା ॥ ୭୮ ॥
ରକ୍ତାମ୍ବରଧରାଦେଵୀ ରକାରାକ୍ଷରରୂପିଣୀ ।
ରାସିସ୍ଥା ରାମଵରଦା ରାଜ୍ୟଦା ରାଜ୍ୟମଣ୍ଡିତା ॥ ୭୯ ॥
ରୋଗହା ଲୋଭହା ଲୋଲା ଲଲିତା ଲଲିତେଶ୍ଵରୀ ।
ତନ୍ତ୍ରିଣୀ ତନ୍ତ୍ରରୂପା ଚ ତତ୍ତ୍ଵୀ ତତ୍ତ୍ଵସ୍ଵରୂପିଣୀ ॥ ୮୦ ॥
ତପସା ତାପସୀ ତାରା ତରୁଣାନଙ୍ଗରୂପିଣୀ ।
ତତ୍ତ୍ଵଜ୍ଞା ତତ୍ତ୍ଵନିଲୟା ତତ୍ତ୍ଵାଲୟନିଵାସିନୀ ॥ ୮୧ ॥
ତମୋଗୁଣପ୍ରଦାଦେଵୀ ତାରିଣୀ ତନ୍ତ୍ରଦାୟିକା ।
ତକାରାକ୍ଷରରୂପା ଚ ତାରକାଭୟଭଞ୍ଜନୀ ॥ ୮୨ ॥
ତୀର୍ଥରୂପା ତୀର୍ଥସଂସ୍ଥା ତୀର୍ଥକୋଟିଫଲପ୍ରଦା ।
ତୀର୍ଥମାତା ତୀର୍ଥଜ୍ୟେଷ୍ଠା ତରଙ୍ଗତୀର୍ଥଦାୟକା ॥ ୮୩ ॥
ତ୍ରୈଲୋକ୍ୟଜନନୀଦେଵୀ ତ୍ରୈଲୋକ୍ୟଭୟଭଞ୍ଜନୀ ।
ତୁଲସୀ ତୋତଲା ତୀର୍ଥା ତ୍ରିପୁରା ତ୍ରିପୁରେଶ୍ଵରୀ ॥ ୮୪ ॥
ତ୍ରୈଲୋକ୍ୟପାଲକଧ୍ଵଂସୀ ତ୍ରିଵର୍ଗଫଲଦାୟକା ।
ତ୍ରିକାଲଜ୍ଞା ତ୍ରିଲୋକେଶୀ ତୃତୀୟଜ୍ଵରନାଶିନୀ ॥ ୮୫ ॥
ତ୍ରିନେତ୍ରଧାରୀ ତ୍ରିଗୁଣା ତ୍ରିସୁଗନ୍ଧିଵିଲେପିନୀ ।
ତ୍ରିଲୌହଦାତ୍ରୀ ଗମ୍ଭୀରା ତାରାଗଣଵିଲାସିନୀ ॥ ୮୬ ॥
ତ୍ରୟୋଦଶଗୁଣୋପେତା ତୁରୀୟମୂର୍ତିରୂପିଣୀ ।
ତାଣ୍ଡଵେଶୀ ତୁଙ୍ଗଭଦ୍ରା ତୁଷ୍ଟିସ୍ତ୍ରେତାୟୁଗପ୍ରିୟା ॥ ୮୭ ॥
ତରଙ୍ଗିଣୀ ତରଙ୍ଗସ୍ଥା ତପୋଲୋକନିଵାସିନୀ ।
ତପ୍ତକାଞ୍ଚନଵର୍ଣାଭା ତପଃସିଦ୍ଧିଵିଧାୟିନୀ ॥ ୮୮ ॥
ତ୍ରିଶକ୍ତିସ୍ତ୍ରିମଧୁପ୍ରୀତା ତ୍ରିଵେଣୀ ତ୍ରିପୁରାନ୍ତକା ।
ପଦ୍ମସ୍ଥା ପଦ୍ମହସ୍ତା ଚ ପରତ୍ରଫଲଦାୟକା ॥ ୮୯ ॥
ପରମାତ୍ମା ପଦ୍ମଵର୍ଣା ପରାପରତରାଷ୍ଟମା ।
ପରମେଷ୍ଠୀ ପରଞ୍ଜ୍ୟୋତିଃ ପଵିତ୍ରା ପରମେଶ୍ଵରୀ ॥ ୯୦ ॥
ପାରକର୍ତ୍ରୀ ପାପହନ୍ତ୍ରୀ ପାତକୌଘଵିନାଶିନୀ ।
ପରମାନନ୍ଦଦାଦେଵୀ ପ୍ରୀତିଦା ପ୍ରୀତିଵର୍ଦ୍ଧିନୀ ॥ ୯୧ ॥
ପୁଣ୍ୟନାମ୍ନୀ ପୁଣ୍ୟଦେହା ପୁଷ୍ଟିପୁସ୍ତକଧାରିଣୀ ।
ପୁତ୍ରଦାତ୍ରୀ ପୁତ୍ରମାତା ପୁରୁଷାର୍ଥପୁରେଶ୍ଵରୀ ॥ ୯୨ ॥
ପୌର୍ଣମୀପୁଣ୍ୟଫଲଦା ପଙ୍କଜାସନସଂସ୍ଥିତା ।
ପୃଥ୍ଵୀରୂପା ଚ ପୃଥିଵୀ ପୀତାମ୍ବରସ୍ୟ ଵଲ୍ଲଭା ॥ ୯୩ ॥
ପାଠାଦେଵୀ ଚ ପଠିତା ପାଠେଶୀ ପାଠଵଲ୍ଲଭା ।
ପନ୍ନଗାନ୍ତକସଂସ୍ଥା ଚ ପରାର୍ଧାଙ୍ଗୋଶ୍ଵପଦ୍ଧତୀ ॥ ୯୪ ॥
ହଂସିନୀ ହାସିନୀଦେଵୀ ହର୍ଷରୂପା ଚ ହର୍ଷଦା ।
ହରିପ୍ରିୟା ହେମଗର୍ଭା ହଂସସ୍ଥା ହଂସଗାମିନୀ ॥ ୯୫ ॥
ହେମାଲଙ୍କାରସର୍ଵାଙ୍ଗୀ ହୈମାଚଲନିଵାସିନୀ ।
ହୁତ୍ଵା ହସିତଦେହା ଚ ହାହା ହୂହୂ ସଦାପ୍ରିୟା ॥ ୯୬ ॥
ହଂସରୂପା ହଂସଵର୍ଣା ହିତା ଲୋକତ୍ରୟେଶ୍ଵରୀ ।
ହୁଙ୍କାରନାଦିନୀଦେଵୀ ହୁତଭୁକ୍ତା ହୁତେଶ୍ଵରୀ ॥ ୯୭ ॥
ଜ୍ଞାନରୂପା ଚ ଜ୍ଞାନଜ୍ଞା ଜ୍ଞାନଦା ଜ୍ଞାନସିଦ୍ଧିଦା ।
ଜ୍ଞାନେଶ୍ଵରୀ ଜ୍ଞାନଗମ୍ୟା ଜ୍ଞାନୀ ଜ୍ଞାନଵିଶାଲଧୀଃ ॥ ୯୮ ॥
ଜ୍ଞାନମୂର୍ତିର୍ଜ୍ଞାନଧାତ୍ରୀ ତାତଵ୍ୟାକରଣାଦିନୀ ।
ଅଜ୍ଞାନନାଶିନୀଦେଵୀ ଜ୍ଞାତା ଜ୍ଞାନାର୍ଣଵେଶ୍ଵରୀ ॥ ୯୯ ॥
ମହାଦେଵୀ ମହାମୋହା ମହାୟୋଗରତା ତଥା ।
ମହାଵିଦ୍ୟା ମହାପ୍ରଜ୍ଞା ମହାଜ୍ଞାନା ମହେଶ୍ଵରୀ ॥ ୧୦୦ ॥
ମଞ୍ଜୁଶ୍ରୀ ମଞ୍ଜୁରପ୍ରୀତା ମଞ୍ଜୁଘୋଷସ୍ୟ ଵନ୍ଦିତା ।
ମହାମଞ୍ଜୁରିକାଦେଵୀ ମଣୀମୁକୁଟଶୋଭିତା ॥ ୧୦୧ ॥
ମାଲାଧରୀ ମନ୍ତ୍ରମୂର୍ତିର୍ମଦନୀ ମଦନପ୍ରଦା ।
ମାନରୂପା ମନସୀ ଚ ମତିର୍ମତିମନୋତ୍ସଵା ॥ ୧୦୨ ॥
ମାନେଶ୍ଵରୀ ମାନମାନ୍ୟା ମଧୁସୂଦନଵଲ୍ଲଭା ।
ମୃଡପ୍ରିୟା ମୂଲସଂସ୍ଥା ମୂର୍ଧ୍ନିସ୍ଥା ମୁନିଵନ୍ଦିତା ॥ ୧୦୩ ॥
ମୁଖବେକ୍ତା ?? ମୂଠହନ୍ତା ମୃତ୍ୟୁର୍ଭୟଵିନାଶିନୀ ।
ମୃତ୍ରିକା ମାତୃକା ମେଧା ମେଧାଵୀ ମାଧଵପ୍ରିୟା ॥ ୧୦୪ ॥
ମକାରାକ୍ଷରରୂପା ଚ ମଣିରତ୍ନଵିଭୂଷିତା ।
ମନ୍ତ୍ରାରାଧନତତ୍ତ୍ଵଜ୍ଞା ମନ୍ତ୍ରୟନ୍ତ୍ରଫଲପ୍ରଦା ॥ ୧୦୫ ॥
ମନୋଦ୍ଭଵା ମନ୍ଦହାସା ମଙ୍ଗଲା ମଙ୍ଗଲେଶ୍ଵରୀ ।
ମୌନହନ୍ତ୍ରୀ ମୋଦଦାତ୍ରୀ ମୈନାକପର୍ଵତେ ସ୍ଥିତା ॥ ୧୦୬ ॥
ମଣିମତୀ ମନୋଜ୍ଞା ଚ ମାତା ମାର୍ଗଵିଲାସିନୀ ।
ମୂଲମାର୍ଗରତାଦେଵୀ ମାନସା ମାନଦାୟିନୀ ॥ ୧୦୭ ॥
ଭାରତୀ ଭୁଵନେଶୀ ଚ ଭୂତଜ୍ଞା ଭୂତପୂଜିତା ।
ଭଦ୍ରଗଙ୍ଗା ଭଦ୍ରରୂପା ଭୁଵନା ଭୁଵନେଶ୍ଵରୀ ॥ ୧୦୮ ॥
ଭୈରଵୀ ଭୋଗଦାଦେଵୀ ଭୈଷଜ୍ୟା ଭୈରଵପ୍ରିୟା ।
ଭଵାନନ୍ଦା ଭଵାତୁଷ୍ଟୀ ଭାଵିନୀ ଭରତାର୍ଚିତା ॥ ୧୦୯ ॥
ଭାଗୀରଥୀ ଭାଷ୍ୟରୂପା ଭାଗ୍ୟା ଭାଗ୍ୟଵତୀତି ଚ ।
ଭଦ୍ରକଲ୍ୟାଣଦାଦେଵୀ ଭ୍ରାନ୍ତିହା ଭ୍ରମନାଶିନୀ ॥ ୧୧୦ ॥
ଭୀମେଶ୍ଵରୀ ଭୀତିହନ୍ତ୍ରୀ ଭଵପାତକଭଞ୍ଜନୀ ।
ଭକ୍ତୋତ୍ସଵା ଭକ୍ତପ୍ରିୟା ଭକ୍ତସ୍ଥା ଭକ୍ତଵତ୍ସଲା ॥ ୧୧୧ ॥
ଭଞ୍ଜା ଚ ଭୂତଦୋଷଘ୍ନୀ ଭଵମାତା ଭଵେଶ୍ଵରୀ ।
ଭୟହା ଭଗ୍ନହା ଭଵ୍ୟା ଭଵକାରଣକାରିଣୀ ॥ ୧୧୨ ॥
ଭୂତୈଶ୍ଵର୍ୟପ୍ରଦା ଦେଵୀ ଭୂଷଣାଙ୍କୀ ଭଵପ୍ରିୟା ।
ଅନନ୍ୟଜ୍ଞାନସମ୍ପନ୍ନା ଅକାରାକ୍ଷରରୂପିଣୀ ॥ ୧୧୩ ॥
ଅନନ୍ତମହିମା ତ୍ର୍ୟକ୍ଷୀ ଅଜପାମନ୍ତ୍ରରୂପିଣୀ ।
ଅନେକସୃଷ୍ଟିସମ୍ପୂର୍ଣା ଅନେକାକ୍ଷରଜ୍ଞାନଦା ॥ ୧୧୪ ॥
ଆନନ୍ଦଦାୟିନୀ ଦେଵୀ ଅମୃତା ଅମୃତୋଦ୍ଭଵା ।
ଆନନ୍ଦିନୀ ଚ ଅରିହା ଅନ୍ନସ୍ଥା ଅଗ୍ନିଵଚ୍ଛଵିଃ ॥ ୧୧୫ ॥
ଅତ୍ୟନ୍ତଜ୍ଞାନସମ୍ପନ୍ନା ଅଣିମାଦିପ୍ରସିଦ୍ଧିଦା ।
ଆରୋଗ୍ୟଦାୟିନୀ ଆଢ୍ୟା ଆଦିଶକ୍ତିରଭୀରୁହା ॥ ୧୧୬ ॥ ଆଜ୍ଞା
ଅଗୋଚରୀ ଆଦିମାତା ଅଶ୍ଵତ୍ଥଵୃକ୍ଷଵାସିନୀ ।
ଧର୍ମାଵତୀ ଧର୍ମଧରୀ ଧରଣୀଧରଵଲ୍ଲଭା ॥ ୧୧୭ ॥
ଧାରଣା ଧାରଣାଧୀଶା ଧର୍ମରୂପଧରାଧରୀ ।
ଧର୍ମମାତା ଧର୍ମକର୍ତ୍ରୀ ଧନଦା ଚ ଧନେଶ୍ଵରୀ ॥ ୧୧୮ ॥
ଧ୍ରୁଵଲୋକଗତା ଧାତା ଧରିତ୍ରୀ ଧେନୁରୂପଧୃକ୍ ।
ଧୀରୂପା ଧୀପ୍ରଦା ଧୀଶା ଧୃତିର୍ଵାକ୍ସିଦ୍ଧିଦାୟକା ॥ ୧୧୯ ॥
ଧୈର୍ୟକୃଦ୍ଧୈର୍ୟଦା ଧୈର୍ୟା ଧୌତଵସ୍ତ୍ରେଣ ଶୋଭିତା ।
ଧୁରନ୍ଧରୀ ଧୁନ୍ଧିମାତା ଧାରଣାଶକ୍ତିରୂପିଣୀ ॥ ୧୨୦ ॥
ଵୈକୁଣ୍ଠସ୍ଥା କଣ୍ଠନିଲୟା କାମଦା କାମଚାରିଣୀ ।
କାମଧେନୁସ୍ଵରୂପା ଚ କଷ୍ଟକଲ୍ଲୋଲହାରିଣୀ ॥ ୧୨୧ ॥
କୁମୁଦହାସିନୀ ନିତ୍ୟଂ କୈଲାସପଦଦାୟକା ।
କମଲା କମଲସ୍ଥା ଚ କାଲହା କ୍ଲେଶନାଶିନୀ ॥ ୧୨୨ ॥
କଲାଷୋଡଶସଂୟୁକ୍ତା କଙ୍କାଲୀ କମଲେଶ୍ଵରୀ ।
କୁମାରୀ କୁଲସନ୍ତୋଷା କୁଲଜ୍ଞା କୁଲଵର୍ଦ୍ଧିନୀ ॥ ୧୨୩ ॥
କାଲକୂଟଵିଷଧ୍ଵଂସୀ କମଲାପତିମୋହନୀ ।
କୁମ୍ଭସ୍ଥା କଲଶସ୍ଥା ଚ କୃଷ୍ଣଵକ୍ଷୋଵିଲାସିନୀ ॥ ୧୨୪ ॥
କୃତ୍ୟାଦିଦୋଷହା କୁନ୍ତୀ କସ୍ତୂରୀତିଲକପ୍ରିୟା ।
କର୍ପୁରଵାସିତାଦେହା କର୍ପୂରମୋଦଧାରିଣୀ ॥ ୧୨୫ ॥
କୁଶସ୍ଥା କୁଶମୂଲସ୍ଥା କୁବ୍ଜା କୈଟଭନାଶିନୀ ।
କୁରୁକ୍ଷେତ୍ରକୃତା ଦେଵୀ କୁଲଶ୍ରୀ କୁଲଭୈରଵୀ ॥ ୧୨୬ ॥
କୃତବ୍ରହ୍ମାଣ୍ଡସର୍ଵେଶୀ କାଲୀ କଙ୍କଣଧାରିଣୀ ।
କୁବେରପୂଜିତା ଦେଵୀ କଣ୍ଠକୃତ୍କଣ୍ଠକର୍ଷଣୀ ॥ ୧୨୭ ॥
କୁମୁଦଃପୁଷ୍ପସନ୍ତୁଷ୍ଟା କିଙ୍କିଣୀପାଦଭୂଷିଣୀ ।
କୁଙ୍କୁମେନ ଵିଲିପ୍ତାଙ୍ଗୀ କୁଙ୍କୁମଦ୍ରଵଲେପିତା ॥ ୧୨୮ ॥
କୁମ୍ଭକର୍ଣସ୍ୟ ଭ୍ରମଦା କୁଞ୍ଜରାସନସଂସ୍ଥିତା ।
କୁସୁମମାଲିକାଵେତ୍ରୀ କୌଶିକୀକୁସୁମପ୍ରିୟା ॥ ୧୨୯ ॥
ୟଜ୍ଞରୂପା ଚ ୟଜ୍ଞେଶୀ ୟଶୋଦା ଜଲଶାୟିନୀ ।
ୟଜ୍ଞଵିଦ୍ୟା ୟୋଗମାୟା ଜାନକୀ ଜନନୀ ଜୟା ॥ ୧୩୦ ॥
ୟମୁନାଜପସନ୍ତୁଷ୍ଟା ଜପୟଜ୍ଞଫଲପ୍ରଦା ।
ୟୋଗଧାତ୍ରୀ ୟୋଗଦାତ୍ରୀ ୟମଲୋକନିଵାରିଣୀ ॥ ୧୩୧ ॥
ୟଶଃକୀର୍ତିପ୍ରଦା ୟୋଗୀ ୟୁକ୍ତିଦା ୟୁକ୍ତିଦାୟନୀ ।
ଜୈଵନୀ ୟୁଗଧାତ୍ରୀ ଚ ୟମଲାର୍ଜୁନଭଞ୍ଜନୀ ॥ ୧୩୨ ॥
ଜୃମ୍ଭନ୍ୟାଦିରତାଦେଵୀ ଜମଦଗ୍ନିପ୍ରପୂଜିତା ।
ଜାଲନ୍ଧରୀ ଜିତକ୍ରୋଧା ଜୀମୂତୈଶ୍ଵର୍ୟଦାୟକା ॥ ୧୩୩ ॥
କ୍ଷେମରୂପା କ୍ଷେମକରୀ କ୍ଷେତ୍ରଦା କ୍ଷେତ୍ରଵର୍ଧିନୀ ।
କ୍ଷାରସମୁଦ୍ରସଂସ୍ଥା ଚ କ୍ଷୀରଜା କ୍ଷୀରଦାୟକା ॥ ୧୩୪ ॥
କ୍ଷୁଧାହନ୍ତ୍ରୀ କ୍ଷେମଧାତ୍ରୀ କ୍ଷୀରାର୍ଣଵସମୁଦ୍ଭଵା ।
କ୍ଷୀରପ୍ରିୟା କ୍ଷୀରଭୋଜୀ କ୍ଷତ୍ରିୟକୁଲଵର୍ଦ୍ଧିନୀ ॥ ୧୩୫ ॥
ଖଗେନ୍ଦ୍ରଵାହିନୀ ଖର୍ଵ ଖଚାରୀଣୀ ଖଗେଶ୍ଵରୀ ।
ଖରୟୂଥଵିନାଶୀ ଚ ଖଡ୍ଗହସ୍ତା ଚ ଖଞ୍ଜନା ॥ ୧୩୬ ॥
ଷଟ୍ଚକ୍ରାଧାରସଂସ୍ଥା ଚ ଷଟ୍ଚକ୍ରସ୍ୟାଧିଦେଵତା ।
ଷଡଙ୍ଗଜ୍ଞାନସମ୍ପନ୍ନା ଖଣ୍ଡଚନ୍ଦ୍ରାର୍ଧଶେଖରା ॥ ୧୩୭ ॥
ଷଟ୍କର୍ମରହିତା ଖ୍ୟାତା ଖରବୁଦ୍ଧିନିଵାରିଣୀ ।
ଷୋଡଶାଧାରକୃଦ୍ଦେଵୀ ଷୋଡଶଭୁଜଶୋଭିତା ॥ ୧୩୮ ॥
ଷୋଡଶମୂର୍ତୀଷୋଡଶ୍ୟା ଖଡ୍ଗଖେଟକଧାରିଣୀ ।
ଘୃତପ୍ରିୟା ଘର୍ଘରିକା ଘୁର୍ଘୁରୀନାଦଶୋଭିତା ॥ ୧୩୯ ॥
ଘଣ୍ଟାନିନାଦସନ୍ତୁଷ୍ଟା ଘଣ୍ଟାଶବ୍ଦସ୍ଵରୂପିଣୀ ।
ଘଟିକାଘଟସଂସ୍ଥା ଚ ଘ୍ରାଣଵାସୀ ଘନେଶ୍ଵରୀ ॥ ୧୪୦ ॥
ଚାରୁନେତ୍ରା ଚାରୁଵକ୍ତ୍ରା ଚତୁର୍ବାହୁଶ୍ଚତୁର୍ଭୁଜା ।
ଚଞ୍ଚଲା ଚପଲା ଚିତ୍ରା ଚିତ୍ରିଣୀ ଚିତ୍ରରଞ୍ଜିନୀ ॥ ୧୪୧ ॥
ଚନ୍ଦ୍ରଭାଗା ଚନ୍ଦ୍ରହାସା ଚିତ୍ରସ୍ଥା ଚିତ୍ରଶୋଭନା ।
ଚିତ୍ରଵିଚିତ୍ରମାଲ୍ୟାଙ୍ଗୀ ଚନ୍ଦ୍ରକୋଟିସମପ୍ରଭା ॥ ୧୪୨ ॥
ଚନ୍ଦ୍ରମା ଚ ଚତୁର୍ଵେଦା ପ୍ରଚଣ୍ଡା ଚଣ୍ଡଶେଖରୀ ।
ଚକ୍ରମଧ୍ୟସ୍ଥିତା ଦେଵୀ ଚକ୍ରହସ୍ତା ଚ ଚକ୍ତ୍ରିଣୀ ॥ ୧୪୩ ॥
ଚନ୍ଦ୍ରଚୂଡା ଚାରୁଦେହା ଚଣ୍ଡମୁଣ୍ଡଵିନାଶିନୀ ।
ଚଣ୍ଡେଶ୍ଵରୀ ଚିତ୍ରଲେଖା ଚରଣେ ନୂପୁରୈର୍ୟୁତା ॥ ୧୪୪ ॥
ଚୈତ୍ରାଦିମାସରୂପା ସା ଚାମରଭୁଜଧାରିଣୀ ।
ଚାର୍ଵଙ୍କା ଚର୍ଚିକା ଦିଵ୍ୟା ଚମ୍ପାଦେଵୀ ଚତୁର୍ଥଚିତ୍ ॥ ୧୪୫ ॥
ଚତୁର୍ଭୁଜପ୍ରିୟା ନିତ୍ୟଂ ଚତୁର୍ଵର୍ଣଫଲପ୍ରଦା ।
ଚତୁସ୍ସାଗରସଙ୍ଖ୍ୟାତା ଚକ୍ରଵର୍ତିଫଲପ୍ରଦା ॥ ୧୪୬ ॥
ଛତ୍ରଦାତ୍ରୀ ଛିନ୍ନମସ୍ତା ଛଲମଧ୍ୟନିଵାସିନୀ ।
ଛାୟାରୂପା ଚ ଛତ୍ରସ୍ଥା ଛୁରିକାହସ୍ତଧାରିଣୀ ॥ ୧୪୭ ॥
ଉତ୍ତମାଙ୍ଗୀ ଉକାରସ୍ଥା ଉମାଦେଵୀସ୍ଵରୂପିଣୀ ।
ଊର୍ଧ୍ଵାମ୍ନାୟୀ ଉର୍ଧ୍ଵଗାମ୍ୟା ଓଂକାରାକ୍ଷରରୂପିଣୀ ॥ ୧୪୮ ॥
ଏକଵକ୍ତ୍ରା ଦେଵମାତା ଐନ୍ଦ୍ରୀ ଐଶ୍ଵର୍ୟଦାୟକା ।
ଔଷଧୀଶା ଚୌଷଧୀକୃତ୍ ଓଷ୍ଟସ୍ଥା ଓଷ୍ଟଵାସିନୀ ॥ ୧୪୯ ॥
ସ୍ଥାଵରସ୍ଥା ସ୍ଥଲଚରା ସ୍ଥିତିସଂହାରକାରିକା ।
ରୁଂ ରୁଂ ଶବ୍ଦସ୍ଵରୂପା ଚ ରୁଙ୍କାରାକ୍ଷରରୂପିଣୀ ॥ ୧୫୦ ॥
ଆର୍ୟୁଦା ଅଦ୍ଭୁତପ୍ରଦା ଆମ୍ନାୟଷଟ୍ସ୍ଵରୂପିଣୀ ।
ଅନ୍ନପୂର୍ଣା ଅନ୍ନଦାତ୍ରୀ ଆଶା ସର୍ଵଜନସ୍ୟ ଚ ॥ ୧୫୧ ॥
ଆର୍ତିହାରୀ ଚ ଅସ୍ଵସ୍ଥା ଅଶେଷଗୁଣସଂୟୁତା ।
ଶୁଦ୍ଧରୂପା ସୁରୂପା ଚ ସାଵିତ୍ରୀ ସାଧକେଶ୍ଵରୀ ॥ ୧୫୨ ॥
ବାଲିକା ୟୁଵତୀ ଵୃଦ୍ଧା ଵିଶ୍ଵାସୀ ଵିଶ୍ଵପାଲିନୀ ।
ଫକାରରୂପା ଫଲଦା ଫଲଵନ୍ନିର୍ଫଲପ୍ରଦା ॥ ୧୫୩ ॥
ଫଣୀନ୍ଦ୍ରଭୂଷଣା ଦେଵୀ ଫକାରକ୍ଷରରୂପିଣୀ ।
ଋଦ୍ଧିରୂପୀ ଋକାରସ୍ଥା ଋଣହା ଋଣନାଶିନୀ ॥ ୧୫୪ ॥
ରେଣୁରାକାରରମଣୀ ପରିଭାଷା ସୁଭାଷିତା ।
ପ୍ରାଣାପାନସମାନସ୍ଥୋଦାନଵ୍ୟାନୌ ଧନଞ୍ଜୟା ॥ ୧୫୫ ॥
କୃକରା ଵାୟୁରୂପା ଚ କୃତଜ୍ଞା ଶଙ୍ଖିନୀ ତଥା ।
କୃର୍ମନାମ୍ନ୍ୟୁନ୍ମୀଲନକରୀ ଜିହ୍ଵକସ୍ଵାଦୁମୀଲନା ॥ ୧୫୬ ॥
ଜିହ୍ଵାରୂପା ଜିହ୍ଵସଂସ୍ଥା ଜିହ୍ଵାସ୍ଵାଦୁପ୍ରଦାୟକା ।
ସ୍ମୃତିଦା ସ୍ମୃତିମୂଲସ୍ଥା ଶ୍ଲୋକକୃଚ୍ଛ୍ଲୋକରାଶିକୃତ୍ ॥ ୧୫୭ ॥
ଆଧାରେ ସଂସ୍ଥିତା ଦେଵୀ ଅନାହତନିଵାସିନୀ ।
ନାଭିସ୍ଥା ହୃଦୟସ୍ଥା ଚ ଭୂମଧ୍ୟେ ଦ୍ଵିଦଲେ ସ୍ଥିତା ॥ ୧୫୮ ॥
ସହସ୍ରଦଲସଂସ୍ଥା ଚ ଗୁରୁପତ୍ନୀସ୍ଵରୂପିଣୀ ।
ଇତି ତେ କଥିତଂ ପ୍ରଶ୍ନଂ ନାମ୍ନା ଵାଗ୍ଵାଦିନୀ ପରମ୍ ॥ ୧୫୯ ॥
ସହସ୍ରଂ ତୁ ମହାଗୋପ୍ୟଂ ଦେଵାନାମପି ଦୁର୍ଲଭମ୍ ।
ନ ପ୍ରକାଶ୍ୟଂ ମୟାଽଽଖ୍ୟାତଂ ତଵ ସ୍ନେହେନ ଆତ୍ମଭୂଃ ॥ ୧୬୦ ॥
ଏକକାଲଂ ଦ୍ଵିକାଲଂ ଵା ତ୍ରିକାଲଂ ଵାପି ଭକ୍ତିତଃ ।
ନ ତେଷାଂ ଦୁର୍ଲଭଂ କିଞ୍ଚିତ୍ ତ୍ରିଷୁ ଲୋକେଷୁ ଵଲ୍ଲଭ ॥ ୧୬୧ ॥
ସାଧକାଭୀଷ୍ଟଦୋ ବ୍ରହ୍ମା ସର୍ଵଵିଦ୍ୟାଵିଶାରଦଃ ।
ତ୍ରିଵାରଂ ୟଃ ପଠିଷ୍ୟତି ନରଃ ଶକ୍ତିଧରୋ ଭଵେତ୍ ॥ ୧୬୨ ॥
ପଞ୍ଚଧା ଭାଗ୍ୟମାପ୍ନୋତି ସପ୍ତଧା ଧନଵାନ୍ଭଵେତ୍ ।
ନଵମୈଶ୍ଵର୍ୟମାପ୍ନୋତି ସାଧକଶ୍ଶୁଦ୍ଧଚେତସା ॥ ୧୬୩ ॥
ପଠେଦେକାଦଶୋ ନିତ୍ୟଂ ସ ସିଦ୍ଧିଭାଜନୋ ଭଵେତ୍ ।
ମାସମେକଂ ପଠିତ୍ଵା ତୁ ଭଵେଦ୍ୟୋଗୀଶ୍ଵରୋପମଃ ॥ ୧୬୪ ॥
ମାସଷଟ୍କଂ ପଠେଦ୍ଧୀମାନ୍ସର୍ଵଵିଦ୍ୟା ପ୍ରଜାୟତେ ।
ଵତ୍ସରୈକଂ ପଠେଦ୍ୟୋ ମାଂ ସାକ୍ଷାତ୍ସର୍ଵାଙ୍ଗତତ୍ତ୍ଵଵିତ୍ ॥ ୧୬୫ ॥
ଗୋରୋଚନାକୁଙ୍କୁମେନ ଵିଲିଖେଦ୍ଭୂର୍ଜପତ୍ରକେ ।
ପୂଜୟିତ୍ଵା ଵିଧାନେନ ଦେଵୀଂ ଵାଗୀଶ୍ଵରୀଂ ଜପେତ୍ ॥ ୧୬୬ ॥
ସହସ୍ରଵାରପଠନାନ୍ମୂକୋଽପି ସୁକଵିର୍ଭଵେତ୍ ।
ପଞ୍ଚମ୍ୟାଂ ଚ ଦଶମ୍ୟାଂ ଚ ପୂର୍ଣମାସ୍ୟାମଥାପି ଵା ॥ ୧୬୭ ॥
ଗୁରୋରାରାଧନତତ୍ତ୍ଵେନାର୍ଚ୍ଚୟେଦ୍ଭକ୍ତିଭାଵତଃ ।
ଜଡଂ ହନ୍ତି ଗଦଂ ହନ୍ତି ଵାନ୍ତିଭ୍ରାନ୍ତିଵିନାଶନମ୍ ॥ ୧୬୮ ॥
ବୁଦ୍ଧି ମେଧା ପ୍ରଵର୍ଧତେ ଆରୋଗ୍ୟଂ ଚ ଦିନେ ଦିନେ ।
ଅପମୃତ୍ୟୁଭୟଂ ନାସ୍ତି ଭୂତଵେତାଲଡକିନୀ- ॥ ୧୬୯ ॥
ରାକ୍ଷସୀଗ୍ରହଦୋଷଘ୍ନଂ କଲିଦୋଷନିଵାରଣମ୍ ।
ଆଧିଵ୍ୟାଧିଜଲୋନ୍ମଗ୍ନ ଅପସ୍ମାରଂ ନ ବାଧତେ ॥ ୧୭୦ ॥
ପ୍ରାତଃକାଲେ ପଠେନ୍ନିତ୍ୟମୁନ୍ମାଦଶ୍ଚ ଵିନଶ୍ୟତି ।
ମେଧାକାନ୍ତିସ୍ମୃତିଦା ଭୋଗମୋକ୍ଷମଵାପ୍ୟତେ ॥ ୧୭୧ ॥
ମହାଵ୍ୟାଧିର୍ମହାମୂଠନିର୍ମୂଲନଂ ଭଵେତତ୍କ୍ଷଣାତ୍ ।
ଵିଦ୍ୟାରମ୍ଭେ ଚ ଵାଦେ ଚ ଵିଦେଶଗମନେ ତଥା ॥ ୧୭୨ ॥
ୟାତ୍ରାକାଲେ ପଠେଦ୍ୟଦି ଵିଜୟଂ ନାତ୍ର ସଂସୟଃ ।
ସିଦ୍ଧମୂଲୀ ତଥା ବ୍ରାହ୍ନୀ ଉଗ୍ରଗନ୍ଧା ହରୀତକୀ ॥ ୧୭୩ ॥
ଚତୁର୍ଦ୍ରଵ୍ୟସମାୟୁକ୍ତଂ ଭକ୍ତିୟୁକ୍ତେନ ମାନସା ।
ବ୍ରାହ୍ମଣେନ ଲଭେଦ୍ଵିଦ୍ୟା ରାଜ୍ୟଂ ଚ କ୍ଷତ୍ରିୟୋ ଲଭେତ୍ ॥ ୧୭୪ ॥
ଵୈଶ୍ୟୋ ଵାଣିଜ୍ୟସିଦ୍ଧିଂ ଚ ଶୂଦ୍ରେଷୁ ଚିରଜୀଵିତଃ ।
ଵାଗ୍ଵାଦିନୀସରସ୍ଵତ୍ୟାସ୍ସହସ୍ରନ୍ନାମ ୟସ୍ମରେତ୍ ॥ ୧୭୫ ॥
ତସ୍ୟ ବୁଦ୍ଧିଃ ସ୍ଥିରା ଲକ୍ଷ୍ମୀ ଜାୟତେ ନାତ୍ର ସଂଶୟଃ ।
ୟଂ ୟଂ କାମୟତେ ମର୍ତ୍ୟସ୍ତଂ ତଂ ପ୍ରାପ୍ନୋତି ନିତ୍ୟଶଃ ॥ ୧୭୬ ॥
ଅତଃପରଂ କିମୁକ୍ତେନ ପରମେଷ୍ଟିନ୍ ମହାମତେ ।
ସର୍ଵାନ୍କାମାନ୍ଲଭେତ୍ସଦ୍ୟଃ ଲୋକଵଶ୍ୟଂ ତିକାରକଃ ॥ ୧୭୭ ॥
ଷଟ୍କର୍ମଂ ଚ ମହାସିଦ୍ଧିମନ୍ତ୍ରୟନ୍ତ୍ରାଦିଗୀଶ୍ଵରଃ ।
କାମକ୍ରୋଧାଦହଙ୍କାରଦମ୍ଭଲୋଭଂ ଵିନଶ୍ୟତି ॥ ୧୭୮ ॥
ପୁରୁଷାର୍ଥୀ ଭଵେଦ୍ଵିଦ୍ଵାନ୍ ଵିଜିତ୍ଵା ତୁ ମହୀତଲେ ।
ନାତଃପରତରଂ ସ୍ତୋତ୍ରଂ ସରସ୍ଵତ୍ୟା ପିତାମହ ॥ ୧୭୯ ॥
ନ ଦେୟଂ ପରଶିଷ୍ୟେଭ୍ୟୋ ଭକ୍ତିହୀନାୟ ନିନ୍ଦକେ ।
ସୁଭକ୍ତେଭ୍ୟୋ ସୁଶିଷ୍ୟେଭ୍ୟୋ ଦେୟଂ ଦେୟଂ ନ ସଂଶୟଃ ॥ ୧୮୦ ॥
ଇଦଂ ସ୍ତୋତ୍ରଂ ପଠିତ୍ଵା ତୁ ୟତ୍ର ୟତ୍ରୈଵ ଗଚ୍ଛତି ।
କାର୍ୟସିଦ୍ଧିଶ୍ଚ ଜାୟତେ ନିର୍ଵିଘ୍ନଂ ପୁନରାଗମଃ ॥ ୧୮୧ ॥
ଇତି ଶ୍ରୀଭଵିଷ୍ୟୋତ୍ତରପୁରାଣେ ଶ୍ରୀନନ୍ଦିକେଶ୍ଵରବ୍ରହ୍ମାସଂଵାଦେ
ସର୍ଵାଧାରସମୟେ ହୃଦୟାକର୍ଷଣକାରଣେ
ଵାଗ୍ଵାଦିନୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
ଶୁଭମସ୍ତୁ ।
ସଂଵତ ୧୮୫୧ ଫଲ୍ଗୁନମାସେ କୃଷ୍ଣପକ୍ଷେ ନଵମ୍ୟାଂ ସୌମ୍ୟଵାସରେ
ସହସ୍ରନାମ ଲିଖିତଂ, ତୁଲସୀବ୍ରାହ୍ମଣ ୟଥାପ୍ରତ୍ୟର୍ହଂ ଚ ଲିଖିତମ୍ ॥
ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ ଶ୍ରୀଂ
Also Read 1000 Names of Sri Vagvadini:
1000 Names of Sri Vagvadini | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
