Shri Vishnu or Vasudeva Sahasranamastotram Lyrics in Bengali:
॥ শ্রীবিষ্ণু অপরনাম বাসুদেবসহস্রনামস্তোত্রম্ ॥
পদ্মপুরাণে উত্তরখণ্ডে – বাসুদেবসহস্রনামস্তোত্রং
নারদপঞ্চরাত্রে বিষ্ণুসহস্রনামং চ
ব্রহ্মনারদ – পার্বতীশিবসংবাদাত্মকং
বিনিয়োগঃ
ওঁ অস্য শ্রীবিষ্ণোস্সহস্রনামস্তোত্রমন্ত্রস্য শ্রীমহাদেব ঋষিঃ ।
অনুষ্টুপ্ছন্দঃ । শ্রীবিষ্ণুঃ পরমাত্মা দেবতা। হ্রীং বীজং।
শ্রীং শক্তিঃ । ক্লীং কীলকম্।
ধর্মার্থকামমোক্ষপ্রাপ্ত্ত্যর্থে নামপারায়ণে বিনিয়োগঃ ।
করন্যাসঃ ।
ওঁ বাসুদেবঃ পরং ব্রহ্ম ইত্যঙ্গুষ্ঠাভ্যাং নমঃ ॥ ১ ॥
ওঁ মূলপ্রকৃতিরিতি তর্জনীভ্যাং নমঃ ॥ ২ ॥
ওঁ মহাবরাহ ইতি মধ্যমাভ্যাং নমঃ ॥ ৩ ॥
সূর্যবংশধ্বজ ইতি অনামিকাভ্যাং নমঃ ॥ ৪ ॥
ব্রহ্মাদিকাম্যললিতজগদাশ্চর্যশৈশব ইতি কনিষ্ঠিকাভ্যাং নমঃ ॥ ৫ ॥
য়থার্থখণ্ডিতাশেষ ইতি করতলকরপৃষ্ঠাভ্যাং নমঃ ॥
এবং হৃদয়াদিন্যাসঃ ॥ ওঁ নমো নারায়ণায়েতি দিগ্বন্ধঃ ॥
॥ ধ্যানম্ ॥
ওঁ নমো নারায়ণায় পুরুষায় মহাত্মনে ।
বিশুদ্ধসত্ত্বধিষ্ণ্যায় মহাহংসায় ধীমহি ॥
লমিত্যাদি পঞ্চপূজা । ওঁ নমো নারায়ণায় ইতি (২)
ওঁ হ্রাং হ্রীং হ্রূং হৈং হ্রৌং হ্রঃ
ক্লীং কৃষ্ণায় বিষ্ণবে হ্রীং রামায় ধীমহি ।
তন্নো দেবঃ প্রচোদয়াত্ ইতি ॥
ক্ষ্রৌং নৃসিংহায় বিদ্মহে শ্রীং শ্রীকণ্ঠায় ধীমহি ।
তন্নো বিষ্ণুঃ প্রচোদয়াত্ ইতি ॥
ওঁ বাসুদেবায় বিদ্মহে দেবকীসুতায় ধীমহি ।
তন্নঃ কৃষ্ণঃ প্রচোদয়াত্ ইতি ॥
ওঁ হ্রাং হ্রীং হ্রূং হৈং হ্রৌং হ্রঃ ।
ক্লীং কৃষ্ণায় গোবিন্দায় গোপীজনবল্লভায় স্বাহা ইতি
বা মন্ত্রং য়থোচিতং জপ্ত্বা ধ্যায়েত্ ।
॥ ধ্যানম্ ॥
বিষ্ণুং ভাস্বত্কিরীটাঙ্গদবলয়গণাকল্পহারোদরাঙ্ঘ্রিং
শ্রীভূষং শ্রীসুবক্ষোমণি মকরমহাকুণ্ডলং মণ্ডিতাশম্ ।
হস্তোদ্যচ্চক্রশঙ্খাম্বুজগলমমলং পীতকৌশয়বাসং
বিদ্যোতদ্ভাসমুদ্যদ্দিনকরসদৃশং পদ্মসংস্থং নমামি ॥
ওঁ বাসুদেবঃ পরং ব্রহ্ম পরমাত্মা পরাত্পরঃ ।
পরং ধাম পরং জ্যোতিঃ পরং তত্ত্বং পরং পদম্ ॥ ১ ॥
পরং শিবঃ পরো ধ্যেয়ঃ পরং জ্ঞানং পরা গতিঃ ।
পরমার্থঃ পরং শ্রেয়ঃ পরানন্দঃ পরোদয়ঃ ॥ ২ ॥
পরোঽব্যক্তাত্পরং ব্যোম পরমর্দ্ধিঃ পরেশ্বরঃ ।
নিরাময়ো নির্বিকারো নির্বিকল্পো নিরাশ্রয়ঃ ॥ ৩ ॥
নিরঞ্জনো নিরাতঙ্কো নির্লেপো নিরবগ্রহঃ ।
নির্গুণো নিষ্কলোঽনন্তোঽভয়োঽচিন্ত্যো বলোচিতঃ ॥ ৪ ॥
অতীন্দ্রিয়োঽমিতোঽপারোঽনীশোঽনীহোঽব্যয়োঽক্ষয়ঃ ।
সর্বজ্ঞঃ সর্বগঃ সর্বঃ সর্বদঃ সর্বভাবনঃ ॥ ৫ ॥
সর্বশাস্তা সর্বসাক্ষী পূজ্যঃ সর্বস্য সর্বদৃক্ ।
সর্বশক্তিঃ সর্বসারঃ সর্বাত্মা সর্বতোমুখঃ ॥ ৬ ॥
সর্বাবাসঃ সর্বরূপঃ সর্বাদিঃ সর্বদুঃখহা ।
সর্বার্থঃ সর্বতোভদ্রঃ সর্বকারণকারণম্ ॥ ৭ ॥
সর্বাতিশায়িতঃ সর্বাধ্যক্ষঃ সর্বসুরেশ্বরঃ ।
ষড্বিংশকো মহাবিষ্ণুর্মহাগুহ্যো মহাবিভুঃ ॥ ৮ ॥
নিত্যোদিতো নিত্যয়ুক্তো নিত্যানন্দঃ সনাতনঃ ।
মায়াপতির্যোগপতিঃ কৈবল্যপতিরাত্মভূঃ ॥ ৯ ॥
জন্মমৃত্যুজরাতীতঃ কালাতীতো ভবাতিগঃ ।
পূর্ণঃ সত্যঃ শুদ্ধবুদ্ধস্বরূপো নিত্যচিন্ময়ঃ ॥ ১০ ॥
য়োগিপ্রিয়ো য়োগময়ো ভববন্ধৈকমোচকঃ ।
পুরাণঃ পুরুষঃ প্রত্যক্চৈতন্যং পুরুষোত্তমঃ ॥ ১১ ॥
বেদান্তবেদ্যো দুর্জ্ঞেয়স্তাপত্রয়বিবর্জিতঃ ।
ব্রহ্মবিদ্যাশ্রয়োঽনাদ্যঃ স্বপ্রকাশঃ স্বয়ম্প্রভুঃ ॥ ১২ ॥
সর্বোপেয় উদাসীনঃ প্রণবঃ সর্বতঃ সমঃ ।
সর্বানবদ্যো দুষ্প্রাপ্যস্তুরীয়স্তমসঃ পরঃ ॥ ১৩ ॥
কূটস্থঃ সর্বসংশ্লিষ্টো বাঙ্গমনোগোচরাতিগঃ ।
সঙ্কর্ষণঃ সর্বহরঃ কালঃ সর্বভয়ঙ্করঃ ॥ ১৪ ॥
অনুল্লঙ্ঘ্যশ্চিত্রগতির্মহারুদ্রো দুরাসদঃ ।
মূলপ্রকৃতিরানন্দঃ প্রদ্যুম্নো বিশ্বমোহনঃ ॥ ১৫ ॥
মহামায়ো বিশ্ববীজং পরাশক্তিসুখৈকভুক্ ।
সর্বকাম্যোঽনন্তশীলঃ সর্বভূতবশঙ্করঃ ॥ ১৬ ॥
অনিরুদ্ধঃ সর্বজীবো হৃষীকেশো মনঃ পতিঃ ।
নিরুপাধিপ্রিয়ো হংসোঽক্ষরঃ সর্বনিয়োজকঃ ॥ ১৭ ॥
ব্রহ্ম প্রাণেশ্বরঃ সর্বভূতভৃদ্দেহনায়কঃ ।
ক্ষেত্রজ্ঞঃ প্রকৃতিস্বামী পুরুষো বিশ্বসূত্রধৃক্ ॥ ১৮ ॥
অন্তর্যামী ত্রিধামাঽন্তঃসাক্ষী ত্রিগুণ ঈশ্বরঃ ।
য়োগিগম্যঃ পদ্মনাভঃ শেষশায়ী শ্রিয়ঃ পতিঃ ॥ ১৯ ॥
শ্রীসদোপাস্যপাদাব্জো নিত্যশ্রীঃ শ্রীনিকেতনঃ ।
নিত্যং বক্ষঃস্থলস্থশ্রীঃ শ্রীনিধিঃ শ্রীধরো হরিঃ ॥ ২০ ॥
বশ্যশ্রীর্নিশ্চলঃ শ্রীদো বিষ্ণুঃ ক্ষীরাব্ধিমন্দিরঃ ।
কৌস্তুভোদ্ভাসিতোরস্কো মাধবো জগদার্তিহা ॥ ২১ ॥
শ্রীবত্সবক্ষা নিঃসীমকল্যাণগুণভাজনম্ ।
পীতাম্বরো জগন্নাথো জগত্ত্রাতা জগত্পিতা ॥ ২২ ॥
জগদ্বন্ধুর্জগত্স্রষ্টা জগদ্ধাতা জগন্নিধিঃ ।
জগদেকস্ফুরদ্বীর্যোঽনহংবাদী জগন্ময়ঃ ॥ ২৩ ॥
সর্বাশ্চর্যময়ঃ সর্বসিদ্ধার্থঃ সর্বরঞ্জিতঃ ।
সর্বামোঘোদ্যমো ব্রহ্মরুদ্রাদ্যুত্কৃষ্টচেতনঃ ॥ ২৪ ॥
শম্ভোঃ পিতামহো ব্রহ্মপিতা শক্রাদ্যধীশ্বরঃ ।
সর্বদেবপ্রিয়ঃ সর্বদেবমূর্তিরনুত্তমঃ ॥ ২৫ ॥
সর্বদেবৈকশরণং সর্বদেবৈকদৈবতম্ ।
য়জ্ঞভুগ্যজ্ঞফলদো য়জ্ঞেশো য়জ্ঞভাবনঃ ॥ ২৬ ॥
য়জ্ঞত্রাতা য়জ্ঞপুমান্ বনমালী দ্বিজপ্রিয়ঃ ।
দ্বিজৈকমানদো বিপ্রকুলদেবোঽসুরান্তকঃ ॥ ২৭ ॥
সর্বদুষ্টান্তকৃত্সর্বসজ্জনানন্যপালকঃ ।
সপ্তলোকৈকজঠরঃ সপ্তলোকৈকমণ্ডনঃ ॥ ২৮ ॥
সৃষ্টিস্থিত্যন্তকৃচ্চক্রী শার্ঙ্গধন্বা গদাধরঃ ।
শঙ্খভৃন্নন্দকী পদ্মপাণির্গরুডবাহনঃ ॥ ২৯ ॥
অনির্দেশ্যবপুঃ সর্বপূজ্যস্ত্রৈলোক্যপাবনঃ ।
অনন্তকীর্তির্নিঃসীমপৌরুষঃ সর্বমঙ্গলঃ ॥ ৩০ ॥
সূর্যকোটিপ্রতীকাশো য়মকোটিদুরাসদঃ ।
ময়কোটিজগত্স্ত্রষ্টা বায়ুকোটিমহাবলঃ ॥ ৩১ ॥
কোটীন্দুজগদানন্দী শম্ভুকোটিমহেশ্বরঃ ।
কন্দর্পকোটিলাবণ্যো দুর্গাকোটিবিমর্দনঃ ॥ ৩২ ॥
সমুদ্রকোটিগম্ভীরস্তীর্থকোটিসমাহ্বয়ঃ ।
কুবেরকোটিলক্ষ্মীবান্ শক্রকোটিবিলাসবান্ ॥ ৩৩ ॥
হিমবত্কোটিনিষ্কম্পঃ কোটিব্রহ্মাণ্ডবিগ্রহঃ ।
কোট্যশ্বমেধপাপঘ্নো য়জ্ঞকোটিসমার্চনঃ ॥ ৩৪ ॥
সুধাকোটিস্বাস্থ্যহেতুঃ কামধুক্কোটিকামদঃ ।
ব্রহ্মবিদ্যাকোটিরূপঃ শিপিবিষ্টঃ শুচিশ্রবাঃ ॥ ৩৫ ॥
বিশ্বম্ভরস্তীর্থপাদঃ পুণ্যশ্রবণকীর্তনঃ ।
আদিদেবো জগজ্জৈত্রো মুকুন্দঃ কালনেমিহা ॥ ৩৬ ॥
বৈকুণ্ঠেশ্বরমাহাত্ম্যো মহায়োগেশ্বরোত্সবঃ ।
নিত্যতৃপ্তো লসদ্ভাবো নিঃশঙ্কো নরকান্তকঃ ॥ ৩৭ ॥
দীনানাথৈকশরণং বিশ্বৈকব্যসনাপহঃ ।
জগত্কৃপাক্ষমো নিত্যং কৃপালুঃ সজ্জনাশ্রয়ঃ ॥ ৩৮ ॥
য়োগেশ্বরঃ সদোদীর্ণো বৃদ্ধিক্ষয়বিবর্জিতঃ ।
অধোক্ষজো বিশ্বরেতা প্রজাপতিশতাধিপঃ ॥ ৩৯ ॥
শক্রব্রহ্মার্চিতপদঃ শম্ভুব্রহ্মোর্ধ্বধামগঃ ।
সূর্যসোমেক্ষণো বিশ্বভোক্তা সর্বস্য পারগঃ ॥ ৪০ ॥
জগত্সেতুধর্মসেতুধরো বিশ্বধুরন্ধরঃ ।
নির্মমোঽখিললোকেশো নিঃসঙ্গোঽদ্ভুতভোগবান্ ॥ ৪১ ॥
বশ্যমায়ো বশ্যবিশ্বো বিষ্বক্সেনো সুরোত্তমঃ ।
সর্বশ্রেয়ঃ পতির্দিব্যানর্ধ্যভূষণভূষিতঃ ॥ ৪২ ॥
সর্বলক্ষণলক্ষণ্যঃ সর্বদৈত্যেন্দ্রদর্পহা ।
সমস্তদেবসর্বস্বং সর্বদৈবতনায়কঃ ॥ ৪৩ ॥
সমস্তদেবকবচং সর্বদেবশিরোমণিঃ ।
সমস্তদেবতাদুর্গঃ প্রপন্নাশনিপঞ্জরঃ ॥ ৪৪ ॥
সমস্তভয়হৃন্নামা ভগবান্বিষ্টরশ্রবাঃ ।
বিভুঃ সর্বহিতোদর্কো হতারিঃ স্বর্গতিপ্রদঃ ॥ ৪৫ ॥
সর্বদৈবতজীবেশো ব্রাহ্মণাদিনিয়োজকঃ ।
ব্রহ্মা শম্ভুঃ শতার্ধায়ুর্ব্রহ্মজ্যেষ্ঠঃ শিশুঃ স্বরাট্ ॥ ৪৬ ॥
বিরাড্ ভক্তপরাধীনঃ স্তুত্যঃ স্তোত্রার্থসাধকঃ ।
পরার্থকর্তা কৃত্যজ্ঞঃ স্বার্থকৃত্যসদোজ্জ্ঞিতঃ ॥ ৪৭ ॥
সদানদঃ সদাভদ্রঃ সদাশান্তঃ সদাশিবঃ ।
সদাপ্রিয়ঃ সদাতুষ্টঃ সদাপুষ্টঃ সদার্চিতঃ ॥ ৪৮ ॥
সদাপূতঃ পাবনাগ্রো বেদগুহ্যো বৃষাকপিঃ ।
সহস্রনামা ত্রিয়ুগশ্চতুমূর্তিশ্চতুর্ভুজঃ ॥ ৪৯ ॥
ভূতভব্যভবন্নাথো মহাপুরুষপূর্বজঃ ।
নারায়ণো মুঞ্জকেশঃ সর্বয়োগবিনিঃসৃতঃ ॥ ৫০ ॥
বেদসারো য়জ্ঞসারঃ সামসারস্তপোনিধিঃ ।
সাধ্যঃ শ্রেষ্ঠঃ পুরাণর্ষির্নিষ্ঠাশান্তিঃ পরায়ণম্ ॥ ৫১ ॥
শিবত্রিশূলবিধ্বংসী শ্রীকণ্ঠৈকবরপ্রদঃ ।
নরঃ কৃষ্ণো হরির্ধর্মনন্দনো ধর্মজীবনঃ ॥ ৫২ ॥
আদিকর্তা সর্বসত্যঃ সর্বস্ত্রীরত্নদর্পহা ।
ত্রিকালজিতকন্দর্প উর্বশীদৃঙ্মুনীশ্বরঃ ॥ ৫৩ ॥
আদ্যঃ কবির্হয়গ্রীবঃ সর্ববাগীশ্বরেশ্বরঃ ।
সর্বদেবময়ো ব্রহ্মা গুরুর্বাগীশ্বরীপতিঃ ॥ ৫৪ ॥
অনন্তবিদ্যাপ্রভবো মূলাবিদ্যাবিনাশকঃ ।
সর্বজ্ঞদো জগজ্জাড্যনাশকো মধুসূদনঃ ॥ ৫৫ ॥
অনন্তমন্ত্রকোটীশঃ শব্দব্রহ্মৈকপারগঃ ।
আদিবিদ্বান্ বেদকর্তা বেদাত্মা শ্রুতিসাগরঃ ॥ ৫৬ ॥
ব্রহ্মার্থবেদহরণঃ সর্ববিজ্ঞানজন্মভূঃ ।
বিদ্যারাজো জ্ঞানমূর্তির্জ্ঞানসিন্ধুরখণ্ডধীঃ ॥ ৫৭ ॥
মত্স্যদেবো মহাশৃঙ্গো জগদ্বীজবহিত্রদৃক্ ।
লীলাব্যাপ্তানিলাম্ভোধিশ্চতুর্বেদপ্রর্বতকঃ ॥ ৫৮ ॥
আদিকূর্মোঽখিলাধারস্তৃণীকৃতজগদ্ভরঃ ।
অমরীকৃতদেবৌঘঃ পীয়ূষোত্পত্তিকারণম্ ॥ ৫৯ ॥
আত্মাধারো ধরাধারো য়জ্ঞাঙ্গো ধরণীধরঃ ।
হিরণ্যাক্ষহরঃ পৃধ্বীপতিঃ শ্রাদ্ধাদিকল্পকঃ ॥ ৬০ ॥
সমস্তপিতৃভীতিঘ্নঃ সমস্তপিতৃজীবনম্ ।
হব্যকব্যৈকভুক্ হব্যকব্যৈকফলদায়কঃ ॥ ৬১ ॥
রোমান্তর্লীনজলধিঃ ক্ষোভিতাশেষসাগরঃ ।
মহাবরাহো য়জ্ঞস্য ধ্বংসকো য়াজ্ঞিকাশ্রয়ঃ ॥ ৬২ ॥
শ্রীনৃসিংহো দিব্যসিংহঃ সর্বানিষ্টার্থদুঃখহা ।
একবীরোঽদ্ভুতবলো য়ন্ত্রমন্ত্রৈকম্ভঞ্জনঃ ॥ ৬৩ ॥
ব্রহ্মাদিদুঃসহজ্যোতির্যুগান্তাগ্ন্যতিভীষণঃ ।
কোটিবজ্রাধিকনখো জগদ্দুষ্প্রেক্ষ্যমূর্তিধৃক্ ॥ ৬৪ ॥
মাতৃচক্রপ্রমথনো মহামাতৃগণেশ্বরঃ ।
অচিন্ত্যামোঘবীর্যাঢ্যঃ সমস্তাসুরঘস্মরঃ ॥ ৬৫ ॥
হিরণ্যকশিপুচ্ছেদী কালঃ সঙ্কর্ষিণীপতিঃ ।
কৃতান্তবাহনাসহ্যঃ সমস্তভয়নাশনঃ ॥ ৬৬ ॥
সর্ববিঘ্নান্তকঃ সর্বসিদ্ধিদঃ সর্বপূরকঃ ।
সমস্তপাতকধ্বংসী সিদ্ধমন্ত্রাধিকাহ্বয়ঃ ॥ ৬৭ ॥
ভৈরবেশো হরার্তিঘ্নঃ কালকল্পো দুরাসদঃ ।
দৈত্যগর্ভস্রাবিনামা স্ফুটদ্ব্রহ্মাণ্ডবর্জিতঃ ॥ ৬৮ ॥
স্মৃতিমাত্রাখিলত্রাতাদ্ভুতরূপো মহাহরিঃ ।
ব্রহ্মচর্যশিরঃপিণ্ডী দিক্পালোঽর্ধাঙ্গভূষণঃ ॥ ৬৯ ॥
দ্বাদশার্কশিরোদামা রুদ্রশীর্ষৈকনূপুরঃ ।
য়োগিনীগ্রস্তগিরিজাত্রাতা ভৈরবতর্জকঃ ॥ ৭০ ॥
বীরচক্রেশ্বরোঽত্যুগ্রোঽপমারিঃ কালশম্বরঃ ।
ক্রোধেশ্বরো রুদ্রচণ্ডীপরিবারাদিদুষ্টভুক্ ॥ ৭১ ॥
সর্বাক্ষোভ্যো মৃত্যুমৃত্যুঃ কালমৃত্যুনিবর্তকঃ ।
অসাধ্যসর্বদেবঘ্নঃ সর্বদুর্গ্রহসৌম্যকৃত্ ॥ ৭২ ॥
গণেশকোটিদর্পঘ্নো দুঃসহাশেষগোত্রহা ।
দেবদানবদুর্দর্শো জগদ্ভয়দভীষণঃ ॥ ৭৩ ॥
সমস্তদুর্গতিত্রাতা জগদ্ভক্ষকভক্ষকঃ ।
উগ্রশাম্বরমার্জারঃ কালমূষকভক্ষকঃ ॥ ৭৪ ॥
অনন্তায়ুধদোর্দণ্ডী নৃসিংহো বীরভদ্রজিত্ ।
য়োগিনীচক্রগুহ্যেশঃ শক্রারিপশুমাংসভুক্ ॥ ৭৫ ॥
রুদ্রো নারায়ণো মেষরূপশঙ্করবাহনঃ ।
মেষরূপশিবত্রাতা দুষ্টশক্তিসহস্রভুক্ ॥ ৭৬ ॥
তুলসীবল্লভো বীরো বামাচারোঽখিলেষ্টদঃ ।
মহাশিবঃ শিবারুঢো ভৈরবৈককপালধৃক্ ॥ ৭৭ ॥
ভিল্লীচক্রেশ্বরঃ শক্রদিব্যমোহনরূপদঃ ।
গৌরীসৌভাগ্যদো মায়ানিধির্মায়াভয়াপহঃ ॥ ৭৮ ॥
ব্রহ্মতেজোময়ো ব্রহ্মশ্রীময়শ্চ ত্রয়ীময়ঃ ।
সুব্রহ্মণ্যো বলিধ্বংসী বামনোঽদিতিদুঃখহা ॥ ৭৯ ॥
উপেন্দ্রো নৃপতির্বিষ্ণুঃ কশ্যপান্বয়মণ্ডনঃ ।
বলিস্বরাজ্যদঃ সর্বদেববিপ্রান্নদোঽচ্যুতঃ ॥ ৮০ ॥
উরুক্রমস্তীর্থপাদস্ত্রিপদস্থস্ত্রিবিক্রমঃ ।
ব্যোমপাদঃ স্বপাদাম্ভঃপবিত্রিতজগত্ত্রয়ঃ ॥ ৮১ ॥
ব্রহ্মেশাদ্যভিবন্দ্যাঙ্ঘ্রির্দ্রুতধর্মাঙ্ঘ্রিধাবনঃ ।
var র্দ্রুতকর্মাদ্রিধারণঃ
অচিন্ত্যাদ্ভুতবিস্তারো বিশ্ববৃক্ষো মহাবলঃ ॥ ৮২ ॥
রাহুমূর্ধাপরাঙ্গছিদ্ ভৃগুপত্নীশিরোহরঃ ।
পাপত্রস্তঃ সদাপুণ্যো দৈত্যাশানিত্যখণ্ডনঃ ॥ ৮৩ ॥
পূরিতাখিলদেবেশো বিশ্বার্থৈকাবতারকৃত্ ।
স্বমায়ানিত্যগুপ্তাত্মা ভক্তচিন্তামণিঃ সদা ॥ ৮৪ ॥
বরদঃ কার্তবীর্যাদিরাজরাজ্যপ্রদোঽনঘঃ ।
বিশ্বশ্লাঘ্যামিতাচারো দত্তাত্রেয়ো মুনীশ্বরঃ ॥ ৮৫ ॥
পরাশক্তিসদাশ্লিষ্টো য়োগানন্দঃ সদোন্মদঃ ।
সমস্তেন্দ্রারিতেজোহৃত্পরমামৃতপদ্মপঃ ॥ ৮৬ ॥
অনসূয়াগর্ভরত্নং ভোগমোক্ষসুখপ্রদঃ ।
জমদগ্নিকুলাদিত্যো রেণুকাদ্ভুতশক্তিকৃত্ ॥ ৮৭ ॥
মাতৃহত্যাদিনির্লেপঃ স্কন্দজিদ্বিপ্ররাজ্যদঃ ।
সর্বক্ষত্রান্তকৃদ্বীরদর্পহা কার্তবীর্যজিত্ ॥ ৮৮ ॥
সপ্তদ্বীপবতীদাতা শিবাচার্যয়শঃপ্রদঃ ।
ভীমঃ পরশুরামশ্চ শিবাচার্যৈকবিপ্রভুক্ ॥ ৮৯ ॥
শিবাখিলজ্ঞানকোষো ভীষ্মাচার্যোঽগ্নিদৈবতঃ ।
দ্রোণাচার্যগুরুর্বিশ্বজৈত্রধন্বা কৃতান্তজিত্ ॥ ৯০ ॥
অদ্বিতীয়তপোমূর্তির্ব্রহ্মচর্যৈকদক্ষিণঃ ।
মনুঃ শ্রেষ্ঠঃ সতাং সেতুর্মহীয়ান্ বৃষভো বিরাট্ ॥ ৯১ ॥
আদিরাজঃ ক্ষিতিপিতা সর্বরত্নৈকদোহকৃত্ ।
পৃথুর্জন্মাদ্যেকদক্ষো গীঃশ্রীকীর্ত্তিস্বয়ংবৃতঃ ॥ ৯২ ॥
জগদ্বৃত্তিপ্রদশ্চক্রবর্তিশ্রেষ্ঠোঽদ্বয়াস্ত্রধৃক্ ।
সনকাদিমুনিপ্রাপ্যো ভগবদ্ভক্তিবর্ধনঃ ॥। ৯৩ ॥
বর্ণাশ্রমাদিধর্মাণাং কর্তা বক্তা প্রবর্তকঃ ।
সূর্যবংশধ্বজো রামো রাধবঃ সদ্গুণার্ণবঃ ॥ ৯৪ ॥
কাকুত্স্থো বীররাড্ রাজা রাজধর্মধুরন্ধরঃ ।
নিত্যস্বঃস্থাশ্রয়ঃ সর্বভদ্রগ্রাহী শুভৈকদৃক্ ॥। ৯৫ ॥
নররত্নং রত্নগর্ভো ধর্মাধ্যক্ষো মহানিধিঃ ।
সর্বশ্রেষ্ঠাশ্রয়ঃ সর্বশাস্ত্রার্থগ্রামবীর্যবান্ ॥ ৯৬ ॥
জগদ্বশো দাশরথিঃ সর্বরত্নাশ্রয়ো নৃপঃ ।
সমস্তধর্মসূঃ সর্বধর্মদ্রষ্টাঽখিলাঘহা ॥ ৯৭ ॥
অতীন্দ্রো জ্ঞানবিজ্ঞানপারদশ্চ ক্ষমাম্বুধিঃ ।
সর্বপ্রকৃষ্টশিষ্টেষ্টো হর্ষশোকাদ্যনাকুলঃ ॥ ৯৮ ॥
পিত্রাজ্ঞাত্যক্তসাম্রাজ্যঃ সপত্নোদয়নির্ভয়ঃ ।
গুহাদেশার্পিতৈশ্বর্যঃ শিবস্পর্ধী জটাধরঃ ॥। ৯৯ ॥
চিত্রকূটাপ্তরত্নাদ্রির্জগদীশো বনেচরঃ ।
য়থেষ্টামোঘসর্বাস্ত্রো দেবেন্দ্রতনয়াক্ষিহা ॥ ১০০ ॥
ব্রহ্মেন্দ্রাদিনতৈষীকো মারীচঘ্নো বিরাধহা ।
ব্রহ্মশাপহতাশেষদণ্ডকারণ্যপাবনঃ ॥ ১০১ ॥
চতুর্দশসহস্রোগ্ররক্ষোঘ্নৈকশরৈকধৃক্ ।
খরারিস্ত্রিশিরোহন্তা দূষণঘ্নো জনার্দনঃ ॥ ১০২ ॥
জটায়ুষোঽগ্নিগতিদো কবন্ধস্বর্গদায়কঃ ।
লীলাধনুঃকোট্যাপাস্তদুন্দুভ্যস্থিমহাচয়ঃ ॥ ১০৩ ॥
সপ্ততালব্যধাকৃষ্টধ্বজপাতালদানবঃ ।
সুগ্রীবরাজ্যদোঽহীনমনসৈবাভয়প্রদঃ ॥ ১০৪ ॥
হনূমদ্রুদ্রমুখ্যেশঃ সমস্তকপিদেহভৃত্ ।
সনাগদৈত্যবাণৈকব্যাকুলীকৃতসাগরঃ ॥ ১০৫ ॥
সম্লেচ্ছকোটিবাণৈকশুষ্কনির্দগ্ধসাগরঃ ।
সমুদ্রাদ্ভুতপূর্বৈকবদ্ধসেতুর্যশোনিধিঃ ॥ ১০৬ ॥
অসাধ্যসাধকো লঙ্কাসমূলোত্কর্ষদক্ষিণঃ ।
বরদৃপ্তজগচ্ছল্যপৌলস্ত্যকুলকৃন্তনঃ ॥ ১০৭ ॥
রাবণিঘ্নঃ প্রহস্তচ্ছিত্ কুম্ভকর্ণভিদুগ্রহা ।
রাবণৈকশিরচ্ছেত্তা নিঃশঙ্কেন্দ্রৈকরাজ্যদঃ ॥ ১০৮ ॥
স্বর্গাস্বর্গত্ববিচ্ছেদী দেবেন্দ্রাদিন্দ্রতাহরঃ ।
রক্ষোদেবত্বহৃদ্ধর্মাধর্মধ্নশ্চ পুরুষ্টুতঃ ॥ ১০৯ ॥
নতিমাত্রদশাস্যারির্দত্তরজ্যবিভীষণঃ ।
সুধাবৃষ্টিভৃতাশেষস্বসৈন্যোজ্জীবনৈককৃত্ ॥ ১১০ ॥
দেবব্রাহ্মণনামৈকধাতা সর্বামরার্চিতঃ ।
ব্রহ্মসূর্যেন্দ্ররুদ্রাদিবৃন্দার্পিতসতীপ্রিয়ঃ ॥ ১১১ ॥
অয়োধ্যাখিলরাজন্যঃ সর্বভূতমনোহরঃ ।
স্বামিতুল্যকৃপাদণ্ডো হীনোত্কৃষ্টৈকসত্প্রিয়ঃ ॥ ১১২ ॥
স্বপক্ষাদিন্যায়দর্শী হীনার্থাধিকসাধকঃ ।
ব্যাধব্যাজানুচিতকৃত্তারকোঽখিলতুল্যকৃত্ ॥ ১১৩ ॥
পার্বত্যাঽধিকয়ুক্তাত্মা প্রিয়াত্যক্তঃ স্মরারিজিত্ ।
সাক্ষাত্কুশলবচ্ছদ্মেন্দ্রাগ্নিতাতোঽপরাজিতঃ ॥ ১১৪ ॥
কোশলেন্দ্রো বীরবাহুঃ সত্যার্থত্যক্তসোদরঃ ।
শরসন্ধাননির্ধূতধরণীমণ্ডলোদয়ঃ ॥ ১১৫ ॥
ব্রহ্মাদিকাম্যসান্নিধ্যসনাথীকৃতদৈবতঃ ।
ব্রহ্মলোকাপ্তচাণ্ডালাদ্যশেষপ্রাণিসার্থকঃ ॥ ১১৬ ॥
স্বর্নীতগর্দভাশ্বাদিঃ চিরায়োধ্যাবনৈককৃত্ত্ ।
রামাদ্বিতীয়ঃ সৌমিত্রির্লক্ষ্মণঃ প্রহতেন্দ্রজিত্ ॥ ১১৭ ॥
বিষ্ণুভক্ত্যাপ্তরামাঙ্ঘ্রিঃ পাদুকারাজ্যনির্বৃতঃ ।
ভরতোঽসহ্যগন্ধর্বকোটিঘ্নো লবণান্তকঃ ॥ ১১৮ ॥
শত্রুঘ্নো বৈদ্যরাজায়ুর্বেদগর্ভৌষধীপতিঃ ।
নিত্যামৃতকরো ধন্বন্তরির্যজ্ঞো জগদ্ধরঃ ॥ ১১৯ ॥
সূর্যারিঘ্নঃ সুরাজীবো দক্ষিণেশো দ্বিজপ্রিয়ঃ ।
ছিন্নমূর্ধোপদেশার্কঃ শেষাঙ্গস্থাপিতামরঃ ॥ ১২০ ॥
বিশ্বার্থাশেষকৃদ্রাহুশিরশ্ছেদাক্ষতাকৃতিঃ ।
বাজপেয়াদিনামাগ্নির্বেদধর্মাপরায়ণঃ ॥ ১২১ ॥
শ্বেতদ্বীপপতিঃ সাঙ্খ্যপ্রণেতা সর্বসিদ্ধিরাট্ ।
বিশ্বপ্রকাশিতজ্ঞানয়োগো মোহতমিস্রহা ॥ ১২২ ॥
দেবহূত্যাত্মজঃ সিদ্ধঃ কপিলঃ কর্দমাত্মজঃ ।
য়োগস্বমী ধ্যানভঙ্গসগরাত্মজভস্মকৃত্ ॥ ১২৩ ॥
ধর্মো বিশ্বেন্দ্রসুরভীপতিঃ শুদ্ধাত্মভাবিতঃ ।
শম্ভুস্ত্রিপুরদাহৈকস্থৈর্যবিশ্বরথোদ্ধতঃ ॥ ১২৪ ॥
ভক্তশম্ভুজিতো দৈত্যামৃতবাপীসমস্তপঃ ।
মহাপ্রলয়বিশ্বৈকোঽদ্বিতীয়োঽখিলনাগরাট্ ॥ ১২৫ ॥
শেষদেবঃ সহস্রাক্ষঃ সহস্রাস্যশিরোভুজঃ ।
ফণামণিকণাকারয়োজিতাব্ধ্যম্বুদক্ষিতিঃ ॥ ১২৬ ॥
কালাগ্নিরুদ্রজনকো মুসলাস্ত্রো হলায়ুধঃ ।
নীলাম্বরো বারুণীশো মনোবাক্কায়দোষহা ॥ ১২৭ ॥
অসন্তোষদৃষ্টিমাত্রপাতিতৈকদশাননঃ ।
বলিসংয়মনো ঘোরো রৌহিণেয়ঃ প্রলম্বহা ॥ ১২৮ ॥
মুষ্টিকঘ্নো দ্বিবিদহা কালিন্দীকর্ষণো বলঃ ।
রেবতীরমণঃ পূর্বভক্তিখেদাচ্যুতাগ্রজঃ ॥ ১২৯ ॥
দেবকীবসুদেবাহ্বকশ্যপাদিতিনন্দনঃ ।
বার্ষ্ণেয়ঃ সাত্বতাং শ্রেষ্ঠঃ শৌরির্যদুকুলোদ্বহঃ ॥ ১৩০ ॥
নরাকৃতিঃ পরং ব্রহ্ম সব্যসাচীবরপ্রদঃ ।
ব্রহ্মাদিকাম্যলালিত্যজগদাশ্চৈর্যশৈশবঃ ॥ ১৩১ ॥
পূতনাধ্নঃ শকটভিদ্ য়মলার্জুনভঞ্জনঃ ।
বাতাসুরারিঃ কেশিঘ্নো ধেনুকারির্গবীশ্বরঃ ॥ ১৩২ ॥
দামোদরো গোপদেবো য়শোদাঽঽনন্দকারকঃ ।
কালীয়মর্দনঃ সর্বগোপগোপীজনপ্রিয়ঃ ॥ ১৩৩ ॥
লীলাগোবর্ধনধরো গোবিন্দো গোকুলোত্সবঃ ।
অরিষ্টমথনঃ কামোন্মত্তগোপীবিমুক্তিদঃ ॥ ১৩৪ ॥
সদ্যঃ কুবলয়াপীডঘাতী চাণূরমর্দনঃ ।
কংসারিরুগ্রসেনাদিরাজ্যব্যাপারিতাপরঃ ॥ ১৩৫ ॥
সুধর্মাঙ্কিতভূলোকো জরাসন্ধবলান্তকঃ ।
ত্যক্তভক্তজরাসন্ধভীমসেনয়শঃপ্রদঃ ॥ ১৩৬ ॥
সান্দীপনিমৃতাপত্যদাতা কালান্তকাদিজিত্ ।
সমস্তনারকিত্রাতা সর্বভূপতিকোটিজিত্ ॥ ১৩৭ ॥
রুক্মিণীরমণো রুক্মিশাসনো নরকান্তকঃ ।
সমস্তসুন্দরীকান্তো মুরারির্গরুডধ্বজঃ ॥ ১৩৮ ॥
একাকীজিতরুদ্রার্কমরুদাদ্যখিলেশ্বরঃ ।
দেবেন্দ্রদর্পহা কল্পদ্রুমালঙ্কৃতভূতলঃ ॥ ১৩৯ ॥
বাণবাহুসহস্রচ্ছিন্নন্দ্যাদিগণকোটিজিত্ ।
লীলাজিতমহাদেবো মহাদৈবেকপূজিতঃ ॥ ১৪০ ॥
ইন্দ্রার্থার্জুননির্ভঙ্গজয়দঃ পাণ্ডবৈকধৃক্ ।
কাশীরাজশিরস্ছেত্তা রুদ্রশক্ত্ত্যেকমর্দনঃ ॥ ১৪১ ॥
বিশ্বেশ্বরপ্রসাদাক্ষঃ কাশীরাজসুতার্দনঃ ।
শম্ভুপ্রতিজ্ঞাবিধ্বংসী কাশীনির্দগ্ধ নায়কঃ ॥ ১৪২ ॥
কাশীশগণকোটিঘ্নঃ লোকশিক্ষাশিবার্চকঃ ।
য়ুবতীব্রতপোবশ্যঃ পুরা শিববরপ্রদঃ ॥ ১৪৩ ॥
শঙ্করৈকপ্রতিষ্ঠাধৃক্ স্বাংশশঙ্করপূজকঃ ।
শিবকন্যাব্রতপতিঃ কৃষ্ণরূপশিবারিহা ॥ ১৪৪ ॥
মহালক্ষ্মীবপুর্গৌরীত্রাতা বৈদলবৃত্রহা ।
স্বধামমুচুকুন্দৈকনিষ্কালয়বনেষ্টকৃত্ ॥ ১৪৫ ॥
য়মুনাপতিরানীতপরিলীনশিবাত্মজঃ ।
শ্রীদামরঙ্কভক্তার্থভূম্যানীতেন্দ্রবৈভবঃ ॥ ১৪৬ ॥
দুর্বৃত্তশিশুপালৈকমুক্তিকোদ্ধারকেশ্বরঃ ।
আচাণ্ডালাদিকপ্রাপ্যদ্বারকানিধিকোটিকৃত্ ॥ ১৪৭ ॥
অক্রূরোদ্ভবমুখ্যৈকভক্তস্বচ্ছন্দমুক্তিদঃ ।
সবালস্ত্রীজলক্রীডোঽমৃতবাপীকৃতার্ণবঃ ॥ ১৪৮ ॥
ব্রহ্মাস্ত্রদগ্ধগর্ভস্থপরীক্ষিজ্জীবনৈককৃত্ ।
পরিলীনদ্বিজসুতানেতাঽর্জুনমদাপহঃ ॥ ১৪৯ ॥
গূঢমুদ্রাকৃতিগ্রস্তভীষ্মাদ্যখিলগৌরবঃ ।
পার্থার্থখণ্ডিতাশেষদিব্যাস্ত্রঃ পার্থমোহহৃত্ ॥ ১৫০ ॥
গর্ভশাপচ্ছলধ্বস্তয়াদবোর্বীভয়াপহঃ ।
জরাব্যাধারিগতিদঃ স্মৃতিমাত্রাখিলেষ্টদঃ ॥ ১৫১ ॥
কামদেবো রতিপতির্মন্মথঃ শম্বরান্তকঃ ।
অনঙ্গো জিতগৌরীশো রতিকান্তঃ সদেপ্সিতঃ ॥ ১৫২ ॥
পুষ্পেষুর্বিশ্ববিজয়ী স্মরঃ কামেশ্বরীপতিঃ ।
উষাপতির্বিশ্বকেতুর্বিশ্বতৃপ্তোঽধিপূরুষঃ ॥ ১৫৩ ॥
চতুরাত্মা চতুর্ব্যূহশ্চতুর্যুগবিধায়কঃ ।
চতুর্বেদৈকবিশ্বাত্মা সর্বোত্কৃষ্টাংশকোটিকঃ ॥ ১৫৪ ॥
আশ্রয়াত্মা পুরাণর্ষির্ব্যাসঃ শাখাসহস্রকৃত্ ।
মহাভারতনির্মাতা কবীন্দ্রো বাদরায়ণঃ ॥ ১৫৫ ॥
কৃষ্ণদ্বৈপায়নঃ সর্বপুরুষার্থৈকবোধকঃ ।
বেদান্তকর্তা ব্রহ্মৈকব্যঞ্জকঃ পুরুবংশকৃত্ ॥ ১৫৬ ॥
বুদ্ধো ধ্যানজিতাশেষদেবদেবো জগত্প্রিয়ঃ ।
নিরায়ুধো জগজ্জৈত্রঃ শ্রীধরো দুষ্টমোহনঃ ॥ ১৫৭ ॥
দৈত্যবেদবহিঃকর্তা বেদার্থশ্রুতিগোপকঃ ।
শৌদ্ধোদনির্দৃষ্টদিষ্টঃ সুখদঃ সদসস্পতিঃ ॥ ১৫৮ ॥
য়থায়োগ্যাখিলকৃপঃ সর্বশূন্যোঽখিলেষ্টদঃ ।
চতুষ্কোটিপৃথক্তত্ত্বং প্রজ্ঞাপারমিতেশ্বরঃ ॥ ১৫৯ ॥
পাখণ্ডবেদমার্গেশঃ পাখণ্ডশ্রুতিগোপকঃ ।
কল্কী বিষ্ণুয়শঃপূত্রঃ কলিকালবিলোপকঃ ॥ ১৬০ ॥
সমস্তম্লেচ্ছদুষ্টঘ্নঃ সর্বশিষ্টদ্বিজাতিকৃত্ ।
সত্যপ্রবর্ত্তকো দেবদ্বিজদীর্ঘক্ষুধাপহঃ ॥ ১৬১ ॥
অশ্ববারাদিরেবান্তঃ পৃথ্বীদুর্গতিনাশনঃ ।
সদ্যঃ ক্ষ্মানন্তলক্ষ্মীকৃত্ নষ্টনিঃশেষধর্মবিত্ ॥ ১৬২ ॥
অনন্তস্বর্গয়াগৈকহেমপূর্ণাখিলদ্বিজঃ ।
অসাধ্যৈকজগচ্ছাস্তা বিশ্ববন্দ্যো জয়ধ্বজঃ ॥ ১৬৩ ॥
আত্মতত্ত্বাধিপঃ কর্তৃশ্রেষ্ঠো বিধিরুমাপতিঃ ।
ভর্তৃশ্রেষ্ঠঃ প্রজেশাগ্র্যো মরীচিজনকাগ্রণীঃ ॥ ১৬৪ ॥
কশ্যপো দেবরাজেন্দ্রঃ প্রহ্লাদো দৈত্যরাট্ শশী ।
নক্ষত্রেশো রবিস্তেজঃশ্রেষ্ঠঃ শুক্রঃ কবীশ্বরঃ ॥ ১৬৫ ॥
মহর্ষিরাড্ ভৃগুর্বিষ্ণুরাদিত্যেশো বলিঃ স্বরাট্ ।
বায়ুর্বহ্নিঃ শুচিশ্রেষ্ঠঃ শঙ্করো রুদ্ররাড্ গুরুঃ ॥ ১৬৬ ॥
বিদ্বত্তমশ্চিত্ররথো গন্ধর্বাগ্র্যোঽক্ষরোত্তমঃ ।
বর্ণাদিরগ্র্যঃ স্ত্রী গৌরী শক্ত্যাগ্র্যঃ শ্রীশ্চ নারদঃ ॥ ১৬৭ ॥
দেবর্ষিরাট্ পাণ্ডবাগ্র্যোঽর্জুনো বাদপ্রবাদরাট্ ।
পবনঃ পবনেশানো বরুণো য়াদসাং পতিঃ ॥ ১৬৮ ॥
গঙ্গাতীর্থোত্তমোদ্ভূতং ছত্রকাগ্র্যবরৌষধম্ ।
অন্নং সুদর্শনাস্ত্রাগ্র্যং বজ্রং প্রহরণোত্তমম্ ॥ ১৬৯ ॥
উচ্চৈঃশ্রবা বাজিরাজঃ ঐরাবত ইভেশ্বরঃ ।
অরুন্ধত্যেকপত্নীশো হ্যশ্বত্থোঽশেষবৃক্ষরাট্ ॥ ১৭০ ॥
অধ্যাত্মবিদ্যা বিদ্যাগ্র্যঃ প্রণবশ্ছন্দসাং বরঃ ।
মেরুর্গিরিপতির্মার্গো মাসাগ্র্যঃ কালসত্তমঃ ॥ ১৭১ ॥
দিনাদ্যাত্মা পূর্বসিদ্ধিঃ কপিলঃ সামবেদরাট্ ।
তার্ক্ষ্যঃ খগেন্দ্রো ঋত্বগ্র্যো বসন্তঃ কল্পপাদপঃ ॥ ১৭২ ॥
দাতৃশ্রেষ্ঠঃ কামধেনুরার্তিঘ্নাগ্র্যঃ সুহৃত্তমঃ ।
চিন্তামণির্গুরুশ্রেষ্ঠো মাতা হিততমঃ পিতা ॥ ১৭৩ ॥
সিংহো মৃগেন্দ্রো নাগেন্দ্রো বাসুকির্নৃবরো নৃপঃ ।
বর্ণেশো ব্রাহ্মণশ্চেতঃ করণাগ্র্যো নমো নমঃ ॥ ১৭৪ ॥
ইত্যেতদ্বাসুদেবস্য বিষ্ণোর্নামসহস্রকম্ ।
সর্বাপরাধশমনং পরং ভক্তিবিবর্দ্ধনম্ ॥ ১৭৫ ॥
অক্ষয়ব্রহ্মলোকাদিসর্বার্থাপ্যেকসাধনম্ ।
বিষ্ণুলোকৈকসোপানং সর্বদুঃখবিনাশনম্ ॥ ১৭৬ ॥
সমস্তসুখদং সদ্যঃ পরনির্বাণদায়কম্ ।
কামক্রোধাদি নিঃশেষমনোমলবিশোধনম্ ॥ ১৭৭ ॥
শান্তিদং পাবনং নৄণাং মহাপাতাকিনামপি ।
সর্বেষাং প্রাণিনামাশু সর্বাভীষ্টফলপ্রদম্ ॥ ১৭৮ ॥
সমস্তবিঘ্নশমনং সর্বারিষ্টবিনাশনম্ ।
ঘোরদুঃখপ্রশমনং তীব্রদারিদ্র্যনাশনম্ ॥ ১৭৯ ॥
ঋণত্রয়াপহং গুহ্যং ধনধান্যয়শস্করম্ ।
সর্বৈশ্বর্যপ্রদং সর্বসিদ্ধিদং সর্বধর্মদম্ ॥ ১৮০ ॥
তীর্থয়জ্ঞতপোদানব্রতকোটিফলপ্রদম্ ।
জগজ্জাড্যপ্রশমনং সর্ববিদ্যাপ্রবর্ত্তকম্ ॥ ১৮১ ॥
রাজ্যদং ভ্রষ্টরাজ্যানাং রোগিণাং সর্বরোগহৃত্ ।
বন্ধ্যানাং সুতদং চায়ুঃক্ষীণানাং জীবিতপ্রদম্ ॥ ১৮২ ॥
ভূতগ্রহবিষধ্বংসি গ্রহপীডাবিনাশনম্ ।
মঙ্গল্যং পুণ্যমাপুষ্পং শ্রবণাত্ পঠনাজ্জপাত্ ॥ ১৮৩ ॥
নাস্তি বিষ্ণোঃ পরং ধাম নাস্তি বিষ্ণোঃ পরন্তপঃ ।
নাস্তি বিষ্ণো পরো ধর্মো নাস্তি মন্ত্রো হ্যবৈষ্ণবঃ ॥ ১৮৪ ॥
নাস্তি বিষ্ণোঃ পরং ধ্যানং নাস্তি বিষ্ণোঃ পরা গতিঃ ।
সর্বতীর্থময়ো বিষ্ণুঃ সর্বশাস্ত্রময়ঃ প্রভুঃ ।
সর্বক্রতুময়ো বিষ্ণুঃ সত্যং সত্যং বদাম্যহম্ ॥ ১৮৫ ॥
পার্বত্যুবাচ
ধন্যাস্ম্যনুগৃহিতাস্মি কৃতার্থাস্মি জগত্পতে ।
য়ন্ময়েদং শ্রুতং স্তোত্রং ত্বদ্রহস্যং সুদুর্লভম্ ॥ ১৮৬ ॥
কামাদ্যাসক্তচিত্তত্বাত্কিং তু সর্বেশ্বর প্রভো ।
ত্বন্ময়ত্বাত্প্রমাদাদ্বা শক্নোমি পঠিতুং ন চেত্ ॥ ১৮৭ ॥
বিষ্ণোঃ সহস্রনামৈতত্ প্রত্যহং বৃষভধ্বজ ।
নাম্নৈকেন তু য়েন স্যাত্তত্ফলং ব্রূহি মে প্রভো ॥ ১৮৮ ॥
মহাদেব উবাচ
রাম রামেতি রামেতি রমে রামে মনোরমে ।
সহস্রনাম তত্তুল্যং রামনাম বরাননে ॥ ১৮৯ ॥
॥ ইতি শ্রীপদ্মপুরাণে উত্তরখণ্ডে পার্বতীশিবসংবাদে
শ্রীবিষ্ণোর্নামসহস্রং চ বাসুদেবসহস্রনামস্তোত্রং সম্পূর্ণম্ ॥
Also Read Vasudeva’s Sri Vishnu 1000 Names:
1000 Names of Sri Vishnu or Vasudeva | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
