Shri Vishnu or Vasudeva Sahasranamastotram Lyrics in Malayalam:
॥ ശ്രീവിഷ്ണു അപരനാമ വാസുദേവസഹസ്രനാമസ്തോത്രം ॥
പദ്മപുരാണേ ഉത്തരഖണ്ഡേ – വാസുദേവസഹസ്രനാമസ്തോത്രം
നാരദപഞ്ചരാത്രേ വിഷ്ണുസഹസ്രനാമം ച
ബ്രഹ്മനാരദ – പാര്‍വതീശിവസംവാദാത്മകം
വിനിയോഗഃ
ഓം അസ്യ ശ്രീവിഷ്ണോസ്സഹസ്രനാമസ്തോത്രമന്ത്രസ്യ ശ്രീമഹാദേവ ഋഷിഃ ।
അനുഷ്ടുപ്ഛന്ദഃ । ശ്രീവിഷ്ണുഃ പരമാത്മാ ദേവതാ। ഹ്രീം ബീജം।
ശ്രീം ശക്തിഃ । ക്ലീം കീലകം।
ധര്‍മാര്‍ഥകാമമോക്ഷപ്രാപ്ത്ത്യര്‍ഥേ നാമപാരായണേ വിനിയോഗഃ ।
കരന്യാസഃ ।
ഓം വാസുദേവഃ പരം ബ്രഹ്മ ഇത്യങ്ഗുഷ്ഠാഭ്യാം നമഃ ॥ 1 ॥
ഓം മൂലപ്രകൃതിരിതി തര്‍ജനീഭ്യാം നമഃ ॥ 2 ॥
ഓം മഹാവരാഹ ഇതി മധ്യമാഭ്യാം നമഃ ॥ 3 ॥
സൂര്യവംശധ്വജ ഇതി അനാമികാഭ്യാം നമഃ ॥ 4 ॥
ബ്രഹ്മാദികാംയലലിതജഗദാശ്ചര്യശൈശവ ഇതി കനിഷ്ഠികാഭ്യാം നമഃ ॥ 5 ॥
യഥാര്‍ഥഖണ്ഡിതാശേഷ ഇതി കരതലകരപൃഷ്ഠാഭ്യാം നമഃ ॥
ഏവം ഹൃദയാദിന്യാസഃ ॥ ഓം നമോ നാരായണായേതി ദിഗ്ബന്ധഃ ॥
॥ ധ്യാനം ॥
ഓം നമോ നാരായണായ പുരുഷായ മഹാത്മനേ ।
വിശുദ്ധസത്ത്വധിഷ്ണ്യായ മഹാഹംസായ ധീമഹി ॥
ലമിത്യാദി പഞ്ചപൂജാ । ഓം നമോ നാരായണായ ഇതി (2)
ഓം ഹ്രാം ഹ്രീം ഹ്രൂം ഹൈം ഹ്രൌം ഹ്രഃ
ക്ലീം കൃഷ്ണായ വിഷ്ണവേ ഹ്രീം രാമായ ധീമഹി ।
തന്നോ ദേവഃ പ്രചോദയാത് ഇതി ॥
ക്ഷ്രൌം നൃസിംഹായ വിദ്മഹേ ശ്രീം ശ്രീകണ്ഠായ ധീമഹി ।
തന്നോ വിഷ്ണുഃ പ്രചോദയാത് ഇതി ॥
ഓം വാസുദേവായ വിദ്മഹേ ദേവകീസുതായ ധീമഹി ।
തന്നഃ കൃഷ്ണഃ പ്രചോദയാത് ഇതി ॥
ഓം ഹ്രാം ഹ്രീം ഹ്രൂം ഹൈം ഹ്രൌം ഹ്രഃ ।
ക്ലീം കൃഷ്ണായ ഗോവിന്ദായ ഗോപീജനവല്ലഭായ സ്വാഹാ ഇതി
വാ മന്ത്രം യഥോചിതം ജപ്ത്വാ ധ്യായേത് ।
॥ ധ്യാനം ॥
വിഷ്ണും ഭാസ്വത്കിരീടാങ്ഗദവലയഗണാകല്‍പഹാരോദരാങ്ഘ്രിം
ശ്രീഭൂഷം ശ്രീസുവക്ഷോമണി മകരമഹാകുണ്ഡലം മണ്ഡിതാശം ।
ഹസ്തോദ്യച്ചക്രശങ്ഖാംബുജഗലമമലം പീതകൌശയവാസം
വിദ്യോതദ്ഭാസമുദ്യദ്ദിനകരസദൃശം പദ്മസംസ്ഥം നമാമി ॥
ഓം വാസുദേവഃ പരം ബ്രഹ്മ പരമാത്മാ പരാത്പരഃ ।
പരം ധാമ പരം ജ്യോതിഃ പരം തത്ത്വം പരം പദം ॥ 1 ॥
പരം ശിവഃ പരോ ധ്യേയഃ പരം ജ്ഞാനം പരാ ഗതിഃ ।
പരമാര്‍ഥഃ പരം ശ്രേയഃ പരാനന്ദഃ പരോദയഃ ॥ 2 ॥
പരോഽവ്യക്താത്പരം വ്യോമ പരമര്‍ദ്ധിഃ പരേശ്വരഃ ।
നിരാമയോ നിര്‍വികാരോ നിര്‍വികല്‍പോ നിരാശ്രയഃ ॥ 3 ॥
നിരഞ്ജനോ നിരാതങ്കോ നിര്ലേപോ നിരവഗ്രഹഃ ।
നിര്‍ഗുണോ നിഷ്കലോഽനന്തോഽഭയോഽചിന്ത്യോ ബലോചിതഃ ॥ 4 ॥
അതീന്ദ്രിയോഽമിതോഽപാരോഽനീശോഽനീഹോഽവ്യയോഽക്ഷയഃ ।
സര്‍വജ്ഞഃ സര്‍വഗഃ സര്‍വഃ സര്‍വദഃ സര്‍വഭാവനഃ ॥ 5 ॥
സര്‍വശാസ്താ സര്‍വസാക്ഷീ പൂജ്യഃ സര്‍വസ്യ സര്‍വദൃക് ।
സര്‍വശക്തിഃ സര്‍വസാരഃ സര്‍വാത്മാ സര്‍വതോമുഖഃ ॥ 6 ॥
സര്‍വാവാസഃ സര്‍വരൂപഃ സര്‍വാദിഃ സര്‍വദുഃഖഹാ ।
സര്‍വാര്‍ഥഃ സര്‍വതോഭദ്രഃ സര്‍വകാരണകാരണം ॥ 7 ॥
സര്‍വാതിശായിതഃ സര്‍വാധ്യക്ഷഃ സര്‍വസുരേശ്വരഃ ।
ഷഡ്വിംശകോ മഹാവിഷ്ണുര്‍മഹാഗുഹ്യോ മഹാവിഭുഃ ॥ 8 ॥
നിത്യോദിതോ നിത്യയുക്തോ നിത്യാനന്ദഃ സനാതനഃ ।
മായാപതിര്യോഗപതിഃ കൈവല്യപതിരാത്മഭൂഃ ॥ 9 ॥
ജന്‍മമൃത്യുജരാതീതഃ കാലാതീതോ ഭവാതിഗഃ ।
പൂര്‍ണഃ സത്യഃ ശുദ്ധബുദ്ധസ്വരൂപോ നിത്യചിന്‍മയഃ ॥ 10 ॥
യോഗിപ്രിയോ യോഗമയോ ഭവബന്ധൈകമോചകഃ ।
പുരാണഃ പുരുഷഃ പ്രത്യക്ചൈതന്യം പുരുഷോത്തമഃ ॥ 11 ॥
വേദാന്തവേദ്യോ ദുര്‍ജ്ഞേയസ്താപത്രയവിവര്‍ജിതഃ ।
ബ്രഹ്മവിദ്യാശ്രയോഽനാദ്യഃ സ്വപ്രകാശഃ സ്വയമ്പ്രഭുഃ ॥ 12 ॥
സര്‍വോപേയ ഉദാസീനഃ പ്രണവഃ സര്‍വതഃ സമഃ ।
സര്‍വാനവദ്യോ ദുഷ്പ്രാപ്യസ്തുരീയസ്തമസഃ പരഃ ॥ 13 ॥
കൂടസ്ഥഃ സര്‍വസംശ്ലിഷ്ടോ വാങ്ഗമനോഗോചരാതിഗഃ ।
സങ്കര്‍ഷണഃ സര്‍വഹരഃ കാലഃ സര്‍വഭയങ്കരഃ ॥ 14 ॥
അനുല്ലങ്ഘ്യശ്ചിത്രഗതിര്‍മഹാരുദ്രോ ദുരാസദഃ ।
മൂലപ്രകൃതിരാനന്ദഃ പ്രദ്യുംനോ വിശ്വമോഹനഃ ॥ 15 ॥
മഹാമായോ വിശ്വബീജം പരാശക്തിസുഖൈകഭുക് ।
സര്‍വകാംയോഽനന്തശീലഃ സര്‍വഭൂതവശങ്കരഃ ॥ 16 ॥
അനിരുദ്ധഃ സര്‍വജീവോ ഹൃഷീകേശോ മനഃ പതിഃ ।
നിരുപാധിപ്രിയോ ഹംസോഽക്ഷരഃ സര്‍വനിയോജകഃ ॥ 17 ॥
ബ്രഹ്മ പ്രാണേശ്വരഃ സര്‍വഭൂതഭൃദ്ദേഹനായകഃ ।
ക്ഷേത്രജ്ഞഃ പ്രകൃതിസ്വാമീ പുരുഷോ വിശ്വസൂത്രധൃക് ॥ 18 ॥
അന്തര്യാമീ ത്രിധാമാഽന്തഃസാക്ഷീ ത്രിഗുണ ഈശ്വരഃ ।
യോഗിഗംയഃ പദ്മനാഭഃ ശേഷശായീ ശ്രിയഃ പതിഃ ॥ 19 ॥
ശ്രീസദോപാസ്യപാദാബ്ജോ നിത്യശ്രീഃ ശ്രീനികേതനഃ ।
നിത്യം വക്ഷഃസ്ഥലസ്ഥശ്രീഃ ശ്രീനിധിഃ ശ്രീധരോ ഹരിഃ ॥ 20 ॥
വശ്യശ്രീര്‍നിശ്ചലഃ ശ്രീദോ വിഷ്ണുഃ ക്ഷീരാബ്ധിമന്ദിരഃ ।
കൌസ്തുഭോദ്ഭാസിതോരസ്കോ മാധവോ ജഗദാര്‍തിഹാ ॥ 21 ॥
ശ്രീവത്സവക്ഷാ നിഃസീമകല്യാണഗുണഭാജനം ।
പീതാംബരോ ജഗന്നാഥോ ജഗത്ത്രാതാ ജഗത്പിതാ ॥ 22 ॥
ജഗദ്ബന്ധുര്‍ജഗത്സ്രഷ്ടാ ജഗദ്ധാതാ ജഗന്നിധിഃ ।
ജഗദേകസ്ഫുരദ്വീര്യോഽനഹംവാദീ ജഗന്‍മയഃ ॥ 23 ॥
സര്‍വാശ്ചര്യമയഃ സര്‍വസിദ്ധാര്‍ഥഃ സര്‍വരഞ്ജിതഃ ।
സര്‍വാമോഘോദ്യമോ ബ്രഹ്മരുദ്രാദ്യുത്കൃഷ്ടചേതനഃ ॥ 24 ॥
ശംഭോഃ പിതാമഹോ ബ്രഹ്മപിതാ ശക്രാദ്യധീശ്വരഃ ।
സര്‍വദേവപ്രിയഃ സര്‍വദേവമൂര്‍തിരനുത്തമഃ ॥ 25 ॥
സര്‍വദേവൈകശരണം സര്‍വദേവൈകദൈവതം ।
യജ്ഞഭുഗ്യജ്ഞഫലദോ യജ്ഞേശോ യജ്ഞഭാവനഃ ॥ 26 ॥
യജ്ഞത്രാതാ യജ്ഞപുമാന്‍ വനമാലീ ദ്വിജപ്രിയഃ ।
ദ്വിജൈകമാനദോ വിപ്രകുലദേവോഽസുരാന്തകഃ ॥ 27 ॥
സര്‍വദുഷ്ടാന്തകൃത്സര്‍വസജ്ജനാനന്യപാലകഃ ।
സപ്തലോകൈകജഠരഃ സപ്തലോകൈകമണ്ഡനഃ ॥ 28 ॥
സൃഷ്ടിസ്ഥിത്യന്തകൃച്ചക്രീ ശാര്‍ങ്ഗധന്വാ ഗദാധരഃ ।
ശങ്ഖഭൃന്നന്ദകീ പദ്മപാണിര്‍ഗരുഡവാഹനഃ ॥ 29 ॥
അനിര്‍ദേശ്യവപുഃ സര്‍വപൂജ്യസ്ത്രൈലോക്യപാവനഃ ।
അനന്തകീര്‍തിര്‍നിഃസീമപൌരുഷഃ സര്‍വമങ്ഗലഃ ॥ 30 ॥
സൂര്യകോടിപ്രതീകാശോ യമകോടിദുരാസദഃ ।
മയകോടിജഗത്സ്ത്രഷ്ടാ വായുകോടിമഹാബലഃ ॥ 31 ॥
കോടീന്ദുജഗദാനന്ദീ ശംഭുകോടിമഹേശ്വരഃ ।
കന്ദര്‍പകോടിലാവണ്യോ ദുര്‍ഗാകോടിവിമര്‍ദനഃ ॥ 32 ॥
സമുദ്രകോടിഗംഭീരസ്തീര്‍ഥകോടിസമാഹ്വയഃ ।
കുബേരകോടിലക്ഷ്മീവാന്‍ ശക്രകോടിവിലാസവാന്‍ ॥ 33 ॥
ഹിമവത്കോടിനിഷ്കമ്പഃ കോടിബ്രഹ്മാണ്ഡവിഗ്രഹഃ ।
കോട്യശ്വമേധപാപഘ്നോ യജ്ഞകോടിസമാര്‍ചനഃ ॥ 34 ॥
സുധാകോടിസ്വാസ്ഥ്യഹേതുഃ കാമധുക്കോടികാമദഃ ।
ബ്രഹ്മവിദ്യാകോടിരൂപഃ ശിപിവിഷ്ടഃ ശുചിശ്രവാഃ ॥ 35 ॥
വിശ്വംഭരസ്തീര്‍ഥപാദഃ പുണ്യശ്രവണകീര്‍തനഃ ।
ആദിദേവോ ജഗജ്ജൈത്രോ മുകുന്ദഃ കാലനേമിഹാ ॥ 36 ॥
വൈകുണ്ഠേശ്വരമാഹാത്മ്യോ മഹായോഗേശ്വരോത്സവഃ ।
നിത്യതൃപ്തോ ലസദ്ഭാവോ നിഃശങ്കോ നരകാന്തകഃ ॥ 37 ॥
ദീനാനാഥൈകശരണം വിശ്വൈകവ്യസനാപഹഃ ।
ജഗത്കൃപാക്ഷമോ നിത്യം കൃപാലുഃ സജ്ജനാശ്രയഃ ॥ 38 ॥
യോഗേശ്വരഃ സദോദീര്‍ണോ വൃദ്ധിക്ഷയവിവര്‍ജിതഃ ।
അധോക്ഷജോ വിശ്വരേതാ പ്രജാപതിശതാധിപഃ ॥ 39 ॥
ശക്രബ്രഹ്മാര്‍ചിതപദഃ ശംഭുബ്രഹ്മോര്‍ധ്വധാമഗഃ ।
സൂര്യസോമേക്ഷണോ വിശ്വഭോക്താ സര്‍വസ്യ പാരഗഃ ॥ 40 ॥
ജഗത്സേതുധര്‍മസേതുധരോ വിശ്വധുരന്ധരഃ ।
നിര്‍മമോഽഖിലലോകേശോ നിഃസങ്ഗോഽദ്ഭുതഭോഗവാന്‍ ॥ 41 ॥
വശ്യമായോ വശ്യവിശ്വോ വിഷ്വക്സേനോ സുരോത്തമഃ ।
സര്‍വശ്രേയഃ പതിര്‍ദിവ്യാനര്‍ധ്യഭൂഷണഭൂഷിതഃ ॥ 42 ॥
സര്‍വലക്ഷണലക്ഷണ്യഃ സര്‍വദൈത്യേന്ദ്രദര്‍പഹാ ।
സമസ്തദേവസര്‍വസ്വം സര്‍വദൈവതനായകഃ ॥ 43 ॥
സമസ്തദേവകവചം സര്‍വദേവശിരോമണിഃ ।
സമസ്തദേവതാദുര്‍ഗഃ പ്രപന്നാശനിപഞ്ജരഃ ॥ 44 ॥
സമസ്തഭയഹൃന്നാമാ ഭഗവാന്വിഷ്ടരശ്രവാഃ ।
വിഭുഃ സര്‍വഹിതോദര്‍കോ ഹതാരിഃ സ്വര്‍ഗതിപ്രദഃ ॥ 45 ॥
സര്‍വദൈവതജീവേശോ ബ്രാഹ്മണാദിനിയോജകഃ ।
ബ്രഹ്മാ ശംഭുഃ ശതാര്‍ധായുര്‍ബ്രഹ്മജ്യേഷ്ഠഃ ശിശുഃ സ്വരാട് ॥ 46 ॥
വിരാഡ് ഭക്തപരാധീനഃ സ്തുത്യഃ സ്തോത്രാര്‍ഥസാധകഃ ।
പരാര്‍ഥകര്‍താ കൃത്യജ്ഞഃ സ്വാര്‍ഥകൃത്യസദോജ്ജ്ഞിതഃ ॥ 47 ॥
സദാനദഃ സദാഭദ്രഃ സദാശാന്തഃ സദാശിവഃ ।
സദാപ്രിയഃ സദാതുഷ്ടഃ സദാപുഷ്ടഃ സദാര്‍ചിതഃ ॥ 48 ॥
സദാപൂതഃ പാവനാഗ്രോ വേദഗുഹ്യോ വൃഷാകപിഃ ।
സഹസ്രനാമാ ത്രിയുഗശ്ചതുമൂര്‍തിശ്ചതുര്‍ഭുജഃ ॥ 49 ॥
ഭൂതഭവ്യഭവന്നാഥോ മഹാപുരുഷപൂര്‍വജഃ ।
നാരായണോ മുഞ്ജകേശഃ സര്‍വയോഗവിനിഃസൃതഃ ॥ 50 ॥
വേദസാരോ യജ്ഞസാരഃ സാമസാരസ്തപോനിധിഃ ।
സാധ്യഃ ശ്രേഷ്ഠഃ പുരാണര്‍ഷിര്‍നിഷ്ഠാശാന്തിഃ പരായണം ॥ 51 ॥
ശിവത്രിശൂലവിധ്വംസീ ശ്രീകണ്ഠൈകവരപ്രദഃ ।
നരഃ കൃഷ്ണോ ഹരിര്‍ധര്‍മനന്ദനോ ധര്‍മജീവനഃ ॥ 52 ॥
ആദികര്‍താ സര്‍വസത്യഃ സര്‍വസ്ത്രീരത്നദര്‍പഹാ ।
ത്രികാലജിതകന്ദര്‍പ ഉര്‍വശീദൃങ്മുനീശ്വരഃ ॥ 53 ॥
ആദ്യഃ കവിര്‍ഹയഗ്രീവഃ സര്‍വവാഗീശ്വരേശ്വരഃ ।
സര്‍വദേവമയോ ബ്രഹ്മാ ഗുരുര്‍വാഗീശ്വരീപതിഃ ॥ 54 ॥
അനന്തവിദ്യാപ്രഭവോ മൂലാവിദ്യാവിനാശകഃ ।
സര്‍വജ്ഞദോ ജഗജ്ജാഡ്യനാശകോ മധുസൂദനഃ ॥ 55 ॥
അനന്തമന്ത്രകോടീശഃ ശബ്ദബ്രഹ്മൈകപാരഗഃ ।
ആദിവിദ്വാന്‍ വേദകര്‍താ വേദാത്മാ ശ്രുതിസാഗരഃ ॥ 56 ॥
ബ്രഹ്മാര്‍ഥവേദഹരണഃ സര്‍വവിജ്ഞാനജന്‍മഭൂഃ ।
വിദ്യാരാജോ ജ്ഞാനമൂര്‍തിര്‍ജ്ഞാനസിന്ധുരഖണ്ഡധീഃ ॥ 57 ॥
മത്സ്യദേവോ മഹാശൃങ്ഗോ ജഗദ്ബീജവഹിത്രദൃക് ।
ലീലാവ്യാപ്താനിലാംഭോധിശ്ചതുര്‍വേദപ്രര്‍വതകഃ ॥ 58 ॥
ആദികൂര്‍മോഽഖിലാധാരസ്തൃണീകൃതജഗദ്ഭരഃ ।
അമരീകൃതദേവൌഘഃ പീയൂഷോത്പത്തികാരണം ॥ 59 ॥
ആത്മാധാരോ ധരാധാരോ യജ്ഞാങ്ഗോ ധരണീധരഃ ।
ഹിരണ്യാക്ഷഹരഃ പൃധ്വീപതിഃ ശ്രാദ്ധാദികല്‍പകഃ ॥ 60 ॥
സമസ്തപിതൃഭീതിഘ്നഃ സമസ്തപിതൃജീവനം ।
ഹവ്യകവ്യൈകഭുക് ഹവ്യകവ്യൈകഫലദായകഃ ॥ 61 ॥
രോമാന്തര്ലീനജലധിഃ ക്ഷോഭിതാശേഷസാഗരഃ ।
മഹാവരാഹോ യജ്ഞസ്യ ധ്വംസകോ യാജ്ഞികാശ്രയഃ ॥ 62 ॥
ശ്രീനൃസിംഹോ ദിവ്യസിംഹഃ സര്‍വാനിഷ്ടാര്‍ഥദുഃഖഹാ ।
ഏകവീരോഽദ്ഭുതബലോ യന്ത്രമന്ത്രൈകംഭഞ്ജനഃ ॥ 63 ॥
ബ്രഹ്മാദിദുഃസഹജ്യോതിര്യുഗാന്താഗ്ന്യതിഭീഷണഃ ।
കോടിവജ്രാധികനഖോ ജഗദ്ദുഷ്പ്രേക്ഷ്യമൂര്‍തിധൃക് ॥ 64 ॥
മാതൃചക്രപ്രമഥനോ മഹാമാതൃഗണേശ്വരഃ ।
അചിന്ത്യാമോഘവീര്യാഢ്യഃ സമസ്താസുരഘസ്മരഃ ॥ 65 ॥
ഹിരണ്യകശിപുച്ഛേദീ കാലഃ സങ്കര്‍ഷിണീപതിഃ ।
കൃതാന്തവാഹനാസഹ്യഃ സമസ്തഭയനാശനഃ ॥ 66 ॥
സര്‍വവിഘ്നാന്തകഃ സര്‍വസിദ്ധിദഃ സര്‍വപൂരകഃ ।
സമസ്തപാതകധ്വംസീ സിദ്ധമന്ത്രാധികാഹ്വയഃ ॥ 67 ॥
ഭൈരവേശോ ഹരാര്‍തിഘ്നഃ കാലകല്‍പോ ദുരാസദഃ ।
ദൈത്യഗര്‍ഭസ്രാവിനാമാ സ്ഫുടദ്ബ്രഹ്മാണ്ഡവര്‍ജിതഃ ॥ 68 ॥
സ്മൃതിമാത്രാഖിലത്രാതാദ്ഭുതരൂപോ മഹാഹരിഃ ।
ബ്രഹ്മചര്യശിരഃപിണ്ഡീ ദിക്പാലോഽര്‍ധാങ്ഗഭൂഷണഃ ॥ 69 ॥
ദ്വാദശാര്‍കശിരോദാമാ രുദ്രശീര്‍ഷൈകനൂപുരഃ ।
യോഗിനീഗ്രസ്തഗിരിജാത്രാതാ ഭൈരവതര്‍ജകഃ ॥ 70 ॥
വീരചക്രേശ്വരോഽത്യുഗ്രോഽപമാരിഃ കാലശംബരഃ ।
ക്രോധേശ്വരോ രുദ്രചണ്ഡീപരിവാരാദിദുഷ്ടഭുക് ॥ 71 ॥
സര്‍വാക്ഷോഭ്യോ മൃത്യുമൃത്യുഃ കാലമൃത്യുനിവര്‍തകഃ ।
അസാധ്യസര്‍വദേവഘ്നഃ സര്‍വദുര്‍ഗ്രഹസൌംയകൃത് ॥ 72 ॥
ഗണേശകോടിദര്‍പഘ്നോ ദുഃസഹാശേഷഗോത്രഹാ ।
ദേവദാനവദുര്‍ദര്‍ശോ ജഗദ്ഭയദഭീഷണഃ ॥ 73 ॥
സമസ്തദുര്‍ഗതിത്രാതാ ജഗദ്ഭക്ഷകഭക്ഷകഃ ।
ഉഗ്രശാംബരമാര്‍ജാരഃ കാലമൂഷകഭക്ഷകഃ ॥ 74 ॥
അനന്തായുധദോര്‍ദണ്ഡീ നൃസിംഹോ വീരഭദ്രജിത് ।
യോഗിനീചക്രഗുഹ്യേശഃ ശക്രാരിപശുമാംസഭുക് ॥ 75 ॥
രുദ്രോ നാരായണോ മേഷരൂപശങ്കരവാഹനഃ ।
മേഷരൂപശിവത്രാതാ ദുഷ്ടശക്തിസഹസ്രഭുക് ॥ 76 ॥
തുലസീവല്ലഭോ വീരോ വാമാചാരോഽഖിലേഷ്ടദഃ ।
മഹാശിവഃ ശിവാരുഢോ ഭൈരവൈകകപാലധൃക് ॥ 77 ॥
ഭില്ലീചക്രേശ്വരഃ ശക്രദിവ്യമോഹനരൂപദഃ ।
ഗൌരീസൌഭാഗ്യദോ മായാനിധിര്‍മായാഭയാപഹഃ ॥ 78 ॥
ബ്രഹ്മതേജോമയോ ബ്രഹ്മശ്രീമയശ്ച ത്രയീമയഃ ।
സുബ്രഹ്മണ്യോ ബലിധ്വംസീ വാമനോഽദിതിദുഃഖഹാ ॥ 79 ॥
ഉപേന്ദ്രോ നൃപതിര്‍വിഷ്ണുഃ കശ്യപാന്വയമണ്ഡനഃ ।
ബലിസ്വരാജ്യദഃ സര്‍വദേവവിപ്രാന്നദോഽച്യുതഃ ॥ 80 ॥
ഉരുക്രമസ്തീര്‍ഥപാദസ്ത്രിപദസ്ഥസ്ത്രിവിക്രമഃ ।
വ്യോമപാദഃ സ്വപാദാംഭഃപവിത്രിതജഗത്ത്രയഃ ॥ 81 ॥
ബ്രഹ്മേശാദ്യഭിവന്ദ്യാങ്ഘ്രിര്‍ദ്രുതധര്‍മാങ്ഘ്രിധാവനഃ ।
var ര്‍ദ്രുതകര്‍മാദ്രിധാരണഃ
അചിന്ത്യാദ്ഭുതവിസ്താരോ വിശ്വവൃക്ഷോ മഹാബലഃ ॥ 82 ॥
രാഹുമൂര്‍ധാപരാങ്ഗഛിദ് ഭൃഗുപത്നീശിരോഹരഃ ।
പാപത്രസ്തഃ സദാപുണ്യോ ദൈത്യാശാനിത്യഖണ്ഡനഃ ॥ 83 ॥
പൂരിതാഖിലദേവേശോ വിശ്വാര്‍ഥൈകാവതാരകൃത് ।
സ്വമായാനിത്യഗുപ്താത്മാ ഭക്തചിന്താമണിഃ സദാ ॥ 84 ॥
വരദഃ കാര്‍തവീര്യാദിരാജരാജ്യപ്രദോഽനഘഃ ।
വിശ്വശ്ലാഘ്യാമിതാചാരോ ദത്താത്രേയോ മുനീശ്വരഃ ॥ 85 ॥
പരാശക്തിസദാശ്ലിഷ്ടോ യോഗാനന്ദഃ സദോന്‍മദഃ ।
സമസ്തേന്ദ്രാരിതേജോഹൃത്പരമാമൃതപദ്മപഃ ॥ 86 ॥
അനസൂയാഗര്‍ഭരത്നം ഭോഗമോക്ഷസുഖപ്രദഃ ।
ജമദഗ്നികുലാദിത്യോ രേണുകാദ്ഭുതശക്തികൃത് ॥ 87 ॥
മാതൃഹത്യാദിനിര്ലേപഃ സ്കന്ദജിദ്വിപ്രരാജ്യദഃ ।
സര്‍വക്ഷത്രാന്തകൃദ്വീരദര്‍പഹാ കാര്‍തവീര്യജിത് ॥ 88 ॥
സപ്തദ്വീപവതീദാതാ ശിവാചാര്യയശഃപ്രദഃ ।
ഭീമഃ പരശുരാമശ്ച ശിവാചാര്യൈകവിപ്രഭുക് ॥ 89 ॥
ശിവാഖിലജ്ഞാനകോഷോ ഭീഷ്മാചാര്യോഽഗ്നിദൈവതഃ ।
ദ്രോണാചാര്യഗുരുര്‍വിശ്വജൈത്രധന്വാ കൃതാന്തജിത് ॥ 90 ॥
അദ്വിതീയതപോമൂര്‍തിര്‍ബ്രഹ്മചര്യൈകദക്ഷിണഃ ।
മനുഃ ശ്രേഷ്ഠഃ സതാം സേതുര്‍മഹീയാന്‍ വൃഷഭോ വിരാട് ॥ 91 ॥
ആദിരാജഃ ക്ഷിതിപിതാ സര്‍വരത്നൈകദോഹകൃത് ।
പൃഥുര്‍ജന്‍മാദ്യേകദക്ഷോ ഗീഃശ്രീകീര്‍ത്തിസ്വയംവൃതഃ ॥ 92 ॥
ജഗദ്വൃത്തിപ്രദശ്ചക്രവര്‍തിശ്രേഷ്ഠോഽദ്വയാസ്ത്രധൃക് ।
സനകാദിമുനിപ്രാപ്യോ ഭഗവദ്ഭക്തിവര്‍ധനഃ ॥। 93 ॥
വര്‍ണാശ്രമാദിധര്‍മാണാം കര്‍താ വക്താ പ്രവര്‍തകഃ ।
സൂര്യവംശധ്വജോ രാമോ രാധവഃ സദ്ഗുണാര്‍ണവഃ ॥ 94 ॥
കാകുത്സ്ഥോ വീരരാഡ് രാജാ രാജധര്‍മധുരന്ധരഃ ।
നിത്യസ്വഃസ്ഥാശ്രയഃ സര്‍വഭദ്രഗ്രാഹീ ശുഭൈകദൃക് ॥। 95 ॥
നരരത്നം രത്നഗര്‍ഭോ ധര്‍മാധ്യക്ഷോ മഹാനിധിഃ ।
സര്‍വശ്രേഷ്ഠാശ്രയഃ സര്‍വശാസ്ത്രാര്‍ഥഗ്രാമവീര്യവാന്‍ ॥ 96 ॥
ജഗദ്വശോ ദാശരഥിഃ സര്‍വരത്നാശ്രയോ നൃപഃ ।
സമസ്തധര്‍മസൂഃ സര്‍വധര്‍മദ്രഷ്ടാഽഖിലാഘഹാ ॥ 97 ॥
അതീന്ദ്രോ ജ്ഞാനവിജ്ഞാനപാരദശ്ച ക്ഷമാംബുധിഃ ।
സര്‍വപ്രകൃഷ്ടശിഷ്ടേഷ്ടോ ഹര്‍ഷശോകാദ്യനാകുലഃ ॥ 98 ॥
പിത്രാജ്ഞാത്യക്തസാംരാജ്യഃ സപത്നോദയനിര്‍ഭയഃ ।
ഗുഹാദേശാര്‍പിതൈശ്വര്യഃ ശിവസ്പര്‍ധീ ജടാധരഃ ॥। 99 ॥
ചിത്രകൂടാപ്തരത്നാദ്രിര്‍ജഗദീശോ വനേചരഃ ।
യഥേഷ്ടാമോഘസര്‍വാസ്ത്രോ ദേവേന്ദ്രതനയാക്ഷിഹാ ॥ 100 ॥
ബ്രഹ്മേന്ദ്രാദിനതൈഷീകോ മാരീചഘ്നോ വിരാധഹാ ।
ബ്രഹ്മശാപഹതാശേഷദണ്ഡകാരണ്യപാവനഃ ॥ 101 ॥
ചതുര്‍ദശസഹസ്രോഗ്രരക്ഷോഘ്നൈകശരൈകധൃക് ।
ഖരാരിസ്ത്രിശിരോഹന്താ ദൂഷണഘ്നോ ജനാര്‍ദനഃ ॥ 102 ॥
ജടായുഷോഽഗ്നിഗതിദോ കബന്ധസ്വര്‍ഗദായകഃ ।
ലീലാധനുഃകോട്യാപാസ്തദുന്ദുഭ്യസ്ഥിമഹാചയഃ ॥ 103 ॥
സപ്തതാലവ്യധാകൃഷ്ടധ്വജപാതാലദാനവഃ ।
സുഗ്രീവരാജ്യദോഽഹീനമനസൈവാഭയപ്രദഃ ॥ 104 ॥
ഹനൂമദ്രുദ്രമുഖ്യേശഃ സമസ്തകപിദേഹഭൃത് ।
സനാഗദൈത്യബാണൈകവ്യാകുലീകൃതസാഗരഃ ॥ 105 ॥
സംലേച്ഛകോടിബാണൈകശുഷ്കനിര്‍ദഗ്ധസാഗരഃ ।
സമുദ്രാദ്ഭുതപൂര്‍വൈകബദ്ധസേതുര്യശോനിധിഃ ॥ 106 ॥
അസാധ്യസാധകോ ലങ്കാസമൂലോത്കര്‍ഷദക്ഷിണഃ ।
വരദൃപ്തജഗച്ഛല്യപൌലസ്ത്യകുലകൃന്തനഃ ॥ 107 ॥
രാവണിഘ്നഃ പ്രഹസ്തച്ഛിത് കുംഭകര്‍ണഭിദുഗ്രഹാ ।
രാവണൈകശിരച്ഛേത്താ നിഃശങ്കേന്ദ്രൈകരാജ്യദഃ ॥ 108 ॥
സ്വര്‍ഗാസ്വര്‍ഗത്വവിച്ഛേദീ ദേവേന്ദ്രാദിന്ദ്രതാഹരഃ ।
രക്ഷോദേവത്വഹൃദ്ധര്‍മാധര്‍മധ്നശ്ച പുരുഷ്ടുതഃ ॥ 109 ॥
നതിമാത്രദശാസ്യാരിര്‍ദത്തരജ്യവിഭീഷണഃ ।
സുധാവൃഷ്ടിഭൃതാശേഷസ്വസൈന്യോജ്ജീവനൈകകൃത് ॥ 110 ॥
ദേവബ്രാഹ്മണനാമൈകധാതാ സര്‍വാമരാര്‍ചിതഃ ।
ബ്രഹ്മസൂര്യേന്ദ്രരുദ്രാദിവൃന്ദാര്‍പിതസതീപ്രിയഃ ॥ 111 ॥
അയോധ്യാഖിലരാജന്യഃ സര്‍വഭൂതമനോഹരഃ ।
സ്വാമിതുല്യകൃപാദണ്ഡോ ഹീനോത്കൃഷ്ടൈകസത്പ്രിയഃ ॥ 112 ॥
സ്വപക്ഷാദിന്യായദര്‍ശീ ഹീനാര്‍ഥാധികസാധകഃ ।
വ്യാധവ്യാജാനുചിതകൃത്താരകോഽഖിലതുല്യകൃത് ॥ 113 ॥
പാര്‍വത്യാഽധികയുക്താത്മാ പ്രിയാത്യക്തഃ സ്മരാരിജിത് ।
സാക്ഷാത്കുശലവച്ഛദ്മേന്ദ്രാഗ്നിതാതോഽപരാജിതഃ ॥ 114 ॥
കോശലേന്ദ്രോ വീരബാഹുഃ സത്യാര്‍ഥത്യക്തസോദരഃ ।
ശരസന്ധാനനിര്‍ധൂതധരണീമണ്ഡലോദയഃ ॥ 115 ॥
ബ്രഹ്മാദികാംയസാന്നിധ്യസനാഥീകൃതദൈവതഃ ।
ബ്രഹ്മലോകാപ്തചാണ്ഡാലാദ്യശേഷപ്രാണിസാര്‍ഥകഃ ॥ 116 ॥
സ്വര്‍നീതഗര്‍ദഭാശ്വാദിഃ ചിരായോധ്യാവനൈകകൃത്ത് ।
രാമാദ്വിതീയഃ സൌമിത്രിര്ലക്ഷ്മണഃ പ്രഹതേന്ദ്രജിത് ॥ 117 ॥
വിഷ്ണുഭക്ത്യാപ്തരാമാങ്ഘ്രിഃ പാദുകാരാജ്യനിര്‍വൃതഃ ।
ഭരതോഽസഹ്യഗന്ധര്‍വകോടിഘ്നോ ലവണാന്തകഃ ॥ 118 ॥
ശത്രുഘ്നോ വൈദ്യരാജായുര്‍വേദഗര്‍ഭൌഷധീപതിഃ ।
നിത്യാമൃതകരോ ധന്വന്തരിര്യജ്ഞോ ജഗദ്ധരഃ ॥ 119 ॥
സൂര്യാരിഘ്നഃ സുരാജീവോ ദക്ഷിണേശോ ദ്വിജപ്രിയഃ ।
ഛിന്നമൂര്‍ധോപദേശാര്‍കഃ ശേഷാങ്ഗസ്ഥാപിതാമരഃ ॥ 120 ॥
വിശ്വാര്‍ഥാശേഷകൃദ്രാഹുശിരശ്ഛേദാക്ഷതാകൃതിഃ ।
വാജപേയാദിനാമാഗ്നിര്‍വേദധര്‍മാപരായണഃ ॥ 121 ॥
ശ്വേതദ്വീപപതിഃ സാങ്ഖ്യപ്രണേതാ സര്‍വസിദ്ധിരാട് ।
വിശ്വപ്രകാശിതജ്ഞാനയോഗോ മോഹതമിസ്രഹാ ॥ 122 ॥
ദേവഹൂത്യാത്മജഃ സിദ്ധഃ കപിലഃ കര്‍ദമാത്മജഃ ।
യോഗസ്വമീ ധ്യാനഭങ്ഗസഗരാത്മജഭസ്മകൃത് ॥ 123 ॥
ധര്‍മോ വിശ്വേന്ദ്രസുരഭീപതിഃ ശുദ്ധാത്മഭാവിതഃ ।
ശംഭുസ്ത്രിപുരദാഹൈകസ്ഥൈര്യവിശ്വരഥോദ്ധതഃ ॥ 124 ॥
ഭക്തശംഭുജിതോ ദൈത്യാമൃതവാപീസമസ്തപഃ ।
മഹാപ്രലയവിശ്വൈകോഽദ്വിതീയോഽഖിലനാഗരാട് ॥ 125 ॥
ശേഷദേവഃ സഹസ്രാക്ഷഃ സഹസ്രാസ്യശിരോഭുജഃ ।
ഫണാമണികണാകാരയോജിതാബ്ധ്യംബുദക്ഷിതിഃ ॥ 126 ॥
കാലാഗ്നിരുദ്രജനകോ മുസലാസ്ത്രോ ഹലായുധഃ ।
നീലാംബരോ വാരുണീശോ മനോവാക്കായദോഷഹാ ॥ 127 ॥
അസന്തോഷദൃഷ്ടിമാത്രപാതിതൈകദശാനനഃ ।
ബലിസംയമനോ ഘോരോ രൌഹിണേയഃ പ്രലംബഹാ ॥ 128 ॥
മുഷ്ടികഘ്നോ ദ്വിവിദഹാ കാലിന്ദീകര്‍ഷണോ ബലഃ ।
രേവതീരമണഃ പൂര്‍വഭക്തിഖേദാച്യുതാഗ്രജഃ ॥ 129 ॥
ദേവകീവസുദേവാഹ്വകശ്യപാദിതിനന്ദനഃ ।
വാര്‍ഷ്ണേയഃ സാത്വതാം ശ്രേഷ്ഠഃ ശൌരിര്യദുകുലോദ്വഹഃ ॥ 130 ॥
നരാകൃതിഃ പരം ബ്രഹ്മ സവ്യസാചീവരപ്രദഃ ।
ബ്രഹ്മാദികാംയലാലിത്യജഗദാശ്ചൈര്യശൈശവഃ ॥ 131 ॥
പൂതനാധ്നഃ ശകടഭിദ് യമലാര്‍ജുനഭഞ്ജനഃ ।
വാതാസുരാരിഃ കേശിഘ്നോ ധേനുകാരിര്‍ഗവീശ്വരഃ ॥ 132 ॥
ദാമോദരോ ഗോപദേവോ യശോദാഽഽനന്ദകാരകഃ ।
കാലീയമര്‍ദനഃ സര്‍വഗോപഗോപീജനപ്രിയഃ ॥ 133 ॥
ലീലാഗോവര്‍ധനധരോ ഗോവിന്ദോ ഗോകുലോത്സവഃ ।
അരിഷ്ടമഥനഃ കാമോന്‍മത്തഗോപീവിമുക്തിദഃ ॥ 134 ॥
സദ്യഃ കുവലയാപീഡഘാതീ ചാണൂരമര്‍ദനഃ ।
കംസാരിരുഗ്രസേനാദിരാജ്യവ്യാപാരിതാപരഃ ॥ 135 ॥
സുധര്‍മാങ്കിതഭൂലോകോ ജരാസന്ധബലാന്തകഃ ।
ത്യക്തഭക്തജരാസന്ധഭീമസേനയശഃപ്രദഃ ॥ 136 ॥
സാന്ദീപനിമൃതാപത്യദാതാ കാലാന്തകാദിജിത് ।
സമസ്തനാരകിത്രാതാ സര്‍വഭൂപതികോടിജിത് ॥ 137 ॥
രുക്മിണീരമണോ രുക്മിശാസനോ നരകാന്തകഃ ।
സമസ്തസുന്ദരീകാന്തോ മുരാരിര്‍ഗരുഡധ്വജഃ ॥ 138 ॥
ഏകാകീജിതരുദ്രാര്‍കമരുദാദ്യഖിലേശ്വരഃ ।
ദേവേന്ദ്രദര്‍പഹാ കല്‍പദ്രുമാലങ്കൃതഭൂതലഃ ॥ 139 ॥
ബാണബാഹുസഹസ്രച്ഛിന്നന്ദ്യാദിഗണകോടിജിത് ।
ലീലാജിതമഹാദേവോ മഹാദൈവേകപൂജിതഃ ॥ 140 ॥
ഇന്ദ്രാര്‍ഥാര്‍ജുനനിര്‍ഭങ്ഗജയദഃ പാണ്ഡവൈകധൃക് ।
കാശീരാജശിരസ്ഛേത്താ രുദ്രശക്ത്ത്യേകമര്‍ദനഃ ॥ 141 ॥
വിശ്വേശ്വരപ്രസാദാക്ഷഃ കാശീരാജസുതാര്‍ദനഃ ।
ശംഭുപ്രതിജ്ഞാവിധ്വംസീ കാശീനിര്‍ദഗ്ധ നായകഃ ॥ 142 ॥
കാശീശഗണകോടിഘ്നഃ ലോകശിക്ഷാശിവാര്‍ചകഃ ।
യുവതീവ്രതപോവശ്യഃ പുരാ ശിവവരപ്രദഃ ॥ 143 ॥
ശങ്കരൈകപ്രതിഷ്ഠാധൃക് സ്വാംശശങ്കരപൂജകഃ ।
ശിവകന്യാവ്രതപതിഃ കൃഷ്ണരൂപശിവാരിഹാ ॥ 144 ॥
മഹാലക്ഷ്മീവപുര്‍ഗൌരീത്രാതാ വൈദലവൃത്രഹാ ।
സ്വധാമമുചുകുന്ദൈകനിഷ്കാലയവനേഷ്ടകൃത് ॥ 145 ॥
യമുനാപതിരാനീതപരിലീനശിവാത്മജഃ ।
ശ്രീദാമരങ്കഭക്താര്‍ഥഭൂംയാനീതേന്ദ്രവൈഭവഃ ॥ 146 ॥
ദുര്‍വൃത്തശിശുപാലൈകമുക്തികോദ്ധാരകേശ്വരഃ ।
ആചാണ്ഡാലാദികപ്രാപ്യദ്വാരകാനിധികോടികൃത് ॥ 147 ॥
അക്രൂരോദ്ഭവമുഖ്യൈകഭക്തസ്വച്ഛന്ദമുക്തിദഃ ।
സബാലസ്ത്രീജലക്രീഡോഽമൃതവാപീകൃതാര്‍ണവഃ ॥ 148 ॥
ബ്രഹ്മാസ്ത്രദഗ്ധഗര്‍ഭസ്ഥപരീക്ഷിജ്ജീവനൈകകൃത് ।
പരിലീനദ്വിജസുതാനേതാഽര്‍ജുനമദാപഹഃ ॥ 149 ॥
ഗൂഢമുദ്രാകൃതിഗ്രസ്തഭീഷ്മാദ്യഖിലഗൌരവഃ ।
പാര്‍ഥാര്‍ഥഖണ്ഡിതാശേഷദിവ്യാസ്ത്രഃ പാര്‍ഥമോഹഹൃത് ॥ 150 ॥
ഗര്‍ഭശാപച്ഛലധ്വസ്തയാദവോര്‍വീഭയാപഹഃ ।
ജരാവ്യാധാരിഗതിദഃ സ്മൃതിമാത്രാഖിലേഷ്ടദഃ ॥ 151 ॥
കാമദേവോ രതിപതിര്‍മന്‍മഥഃ ശംബരാന്തകഃ ।
അനങ്ഗോ ജിതഗൌരീശോ രതികാന്തഃ സദേപ്സിതഃ ॥ 152 ॥
പുഷ്പേഷുര്‍വിശ്വവിജയീ സ്മരഃ കാമേശ്വരീപതിഃ ।
ഉഷാപതിര്‍വിശ്വകേതുര്‍വിശ്വതൃപ്തോഽധിപൂരുഷഃ ॥ 153 ॥
ചതുരാത്മാ ചതുര്‍വ്യൂഹശ്ചതുര്യുഗവിധായകഃ ।
ചതുര്‍വേദൈകവിശ്വാത്മാ സര്‍വോത്കൃഷ്ടാംശകോടികഃ ॥ 154 ॥
ആശ്രയാത്മാ പുരാണര്‍ഷിര്‍വ്യാസഃ ശാഖാസഹസ്രകൃത് ।
മഹാഭാരതനിര്‍മാതാ കവീന്ദ്രോ ബാദരായണഃ ॥ 155 ॥
കൃഷ്ണദ്വൈപായനഃ സര്‍വപുരുഷാര്‍ഥൈകബോധകഃ ।
വേദാന്തകര്‍താ ബ്രഹ്മൈകവ്യഞ്ജകഃ പുരുവംശകൃത് ॥ 156 ॥
ബുദ്ധോ ധ്യാനജിതാശേഷദേവദേവോ ജഗത്പ്രിയഃ ।
നിരായുധോ ജഗജ്ജൈത്രഃ ശ്രീധരോ ദുഷ്ടമോഹനഃ ॥ 157 ॥
ദൈത്യവേദബഹിഃകര്‍താ വേദാര്‍ഥശ്രുതിഗോപകഃ ।
ശൌദ്ധോദനിര്‍ദൃഷ്ടദിഷ്ടഃ സുഖദഃ സദസസ്പതിഃ ॥ 158 ॥
യഥായോഗ്യാഖിലകൃപഃ സര്‍വശൂന്യോഽഖിലേഷ്ടദഃ ।
ചതുഷ്കോടിപൃഥക്തത്ത്വം പ്രജ്ഞാപാരമിതേശ്വരഃ ॥ 159 ॥
പാഖണ്ഡവേദമാര്‍ഗേശഃ പാഖണ്ഡശ്രുതിഗോപകഃ ।
കല്‍കീ വിഷ്ണുയശഃപൂത്രഃ കലികാലവിലോപകഃ ॥ 160 ॥
സമസ്തംലേച്ഛദുഷ്ടഘ്നഃ സര്‍വശിഷ്ടദ്വിജാതികൃത് ।
സത്യപ്രവര്‍ത്തകോ ദേവദ്വിജദീര്‍ഘക്ഷുധാപഹഃ ॥ 161 ॥
അശ്വവാരാദിരേവാന്തഃ പൃഥ്വീദുര്‍ഗതിനാശനഃ ।
സദ്യഃ ക്ഷ്മാനന്തലക്ഷ്മീകൃത് നഷ്ടനിഃശേഷധര്‍മവിത് ॥ 162 ॥
അനന്തസ്വര്‍ഗയാഗൈകഹേമപൂര്‍ണാഖിലദ്വിജഃ ।
അസാധ്യൈകജഗച്ഛാസ്താ വിശ്വവന്ദ്യോ ജയധ്വജഃ ॥ 163 ॥
ആത്മതത്ത്വാധിപഃ കര്‍തൃശ്രേഷ്ഠോ വിധിരുമാപതിഃ ।
ഭര്‍തൃശ്രേഷ്ഠഃ പ്രജേശാഗ്ര്യോ മരീചിജനകാഗ്രണീഃ ॥ 164 ॥
കശ്യപോ ദേവരാജേന്ദ്രഃ പ്രഹ്ലാദോ ദൈത്യരാട് ശശീ ।
നക്ഷത്രേശോ രവിസ്തേജഃശ്രേഷ്ഠഃ ശുക്രഃ കവീശ്വരഃ ॥ 165 ॥
മഹര്‍ഷിരാഡ് ഭൃഗുര്‍വിഷ്ണുരാദിത്യേശോ ബലിഃ സ്വരാട് ।
വായുര്‍വഹ്നിഃ ശുചിശ്രേഷ്ഠഃ ശങ്കരോ രുദ്രരാഡ് ഗുരുഃ ॥ 166 ॥
വിദ്വത്തമശ്ചിത്രരഥോ ഗന്ധര്‍വാഗ്ര്യോഽക്ഷരോത്തമഃ ।
വര്‍ണാദിരഗ്ര്യഃ സ്ത്രീ ഗൌരീ ശക്ത്യാഗ്ര്യഃ ശ്രീശ്ച നാരദഃ ॥ 167 ॥
ദേവര്‍ഷിരാട് പാണ്ഡവാഗ്ര്യോഽര്‍ജുനോ വാദപ്രവാദരാട് ।
പവനഃ പവനേശാനോ വരുണോ യാദസാം പതിഃ ॥ 168 ॥
ഗങ്ഗാതീര്‍ഥോത്തമോദ്ഭൂതം ഛത്രകാഗ്ര്യവരൌഷധം ।
അന്നം സുദര്‍ശനാസ്ത്രാഗ്ര്യം വജ്രം പ്രഹരണോത്തമം ॥ 169 ॥
ഉച്ചൈഃശ്രവാ വാജിരാജഃ ഐരാവത ഇഭേശ്വരഃ ।
അരുന്ധത്യേകപത്നീശോ ഹ്യശ്വത്ഥോഽശേഷവൃക്ഷരാട് ॥ 170 ॥
അധ്യാത്മവിദ്യാ വിദ്യാഗ്ര്യഃ പ്രണവശ്ഛന്ദസാം വരഃ ।
മേരുര്‍ഗിരിപതിര്‍മാര്‍ഗോ മാസാഗ്ര്യഃ കാലസത്തമഃ ॥ 171 ॥
ദിനാദ്യാത്മാ പൂര്‍വസിദ്ധിഃ കപിലഃ സാമവേദരാട് ।
താര്‍ക്ഷ്യഃ ഖഗേന്ദ്രോ ഋത്വഗ്ര്യോ വസന്തഃ കല്‍പപാദപഃ ॥ 172 ॥
ദാതൃശ്രേഷ്ഠഃ കാമധേനുരാര്‍തിഘ്നാഗ്ര്യഃ സുഹൃത്തമഃ ।
ചിന്താമണിര്‍ഗുരുശ്രേഷ്ഠോ മാതാ ഹിതതമഃ പിതാ ॥ 173 ॥
സിംഹോ മൃഗേന്ദ്രോ നാഗേന്ദ്രോ വാസുകിര്‍നൃവരോ നൃപഃ ।
വര്‍ണേശോ ബ്രാഹ്മണശ്ചേതഃ കരണാഗ്ര്യോ നമോ നമഃ ॥ 174 ॥
ഇത്യേതദ്വാസുദേവസ്യ വിഷ്ണോര്‍നാമസഹസ്രകം ।
സര്‍വാപരാധശമനം പരം ഭക്തിവിവര്‍ദ്ധനം ॥ 175 ॥
അക്ഷയബ്രഹ്മലോകാദിസര്‍വാര്‍ഥാപ്യേകസാധനം ।
വിഷ്ണുലോകൈകസോപാനം സര്‍വദുഃഖവിനാശനം ॥ 176 ॥
സമസ്തസുഖദം സദ്യഃ പരനിര്‍വാണദായകം ।
കാമക്രോധാദി നിഃശേഷമനോമലവിശോധനം ॥ 177 ॥
ശാന്തിദം പാവനം നൄണാം മഹാപാതാകിനാമപി ।
സര്‍വേഷാം പ്രാണിനാമാശു സര്‍വാഭീഷ്ടഫലപ്രദം ॥ 178 ॥
സമസ്തവിഘ്നശമനം സര്‍വാരിഷ്ടവിനാശനം ।
ഘോരദുഃഖപ്രശമനം തീവ്രദാരിദ്ര്യനാശനം ॥ 179 ॥
ഋണത്രയാപഹം ഗുഹ്യം ധനധാന്യയശസ്കരം ।
സര്‍വൈശ്വര്യപ്രദം സര്‍വസിദ്ധിദം സര്‍വധര്‍മദം ॥ 180 ॥
തീര്‍ഥയജ്ഞതപോദാനവ്രതകോടിഫലപ്രദം ।
ജഗജ്ജാഡ്യപ്രശമനം സര്‍വവിദ്യാപ്രവര്‍ത്തകം ॥ 181 ॥
രാജ്യദം ഭ്രഷ്ടരാജ്യാനാം രോഗിണാം സര്‍വരോഗഹൃത് ।
വന്ധ്യാനാം സുതദം ചായുഃക്ഷീണാനാം ജീവിതപ്രദം ॥ 182 ॥
ഭൂതഗ്രഹവിഷധ്വംസി ഗ്രഹപീഡാവിനാശനം ।
മങ്ഗല്യം പുണ്യമാപുഷ്പം ശ്രവണാത് പഠനാജ്ജപാത് ॥ 183 ॥
നാസ്തി വിഷ്ണോഃ പരം ധാമ നാസ്തി വിഷ്ണോഃ പരന്തപഃ ।
നാസ്തി വിഷ്ണോ പരോ ധര്‍മോ നാസ്തി മന്ത്രോ ഹ്യവൈഷ്ണവഃ ॥ 184 ॥
നാസ്തി വിഷ്ണോഃ പരം ധ്യാനം നാസ്തി വിഷ്ണോഃ പരാ ഗതിഃ ।
സര്‍വതീര്‍ഥമയോ വിഷ്ണുഃ സര്‍വശാസ്ത്രമയഃ പ്രഭുഃ ।
സര്‍വക്രതുമയോ വിഷ്ണുഃ സത്യം സത്യം വദാംയഹം ॥ 185 ॥
പാര്‍വത്യുവാച
ധന്യാസ്ംയനുഗൃഹിതാസ്മി കൃതാര്‍ഥാസ്മി ജഗത്പതേ ।
യന്‍മയേദം ശ്രുതം സ്തോത്രം ത്വദ്രഹസ്യം സുദുര്ലഭം ॥ 186 ॥
കാമാദ്യാസക്തചിത്തത്വാത്കിം തു സര്‍വേശ്വര പ്രഭോ ।
ത്വന്‍മയത്വാത്പ്രമാദാദ്വാ ശക്നോമി പഠിതും ന ചേത് ॥ 187 ॥
വിഷ്ണോഃ സഹസ്രനാമൈതത് പ്രത്യഹം വൃഷഭധ്വജ ।
നാംനൈകേന തു യേന സ്യാത്തത്ഫലം ബ്രൂഹി മേ പ്രഭോ ॥ 188 ॥
മഹാദേവ ഉവാച
രാമ രാമേതി രാമേതി രമേ രാമേ മനോരമേ ।
സഹസ്രനാമ തത്തുല്യം രാമനാമ വരാനനേ ॥ 189 ॥
॥ ഇതി ശ്രീപദ്മപുരാണേ ഉത്തരഖണ്ഡേ പാര്‍വതീശിവസംവാദേ
ശ്രീവിഷ്ണോര്‍നാമസഹസ്രം ച വാസുദേവസഹസ്രനാമസ്തോത്രം സമ്പൂര്‍ണം ॥
Also Read Vasudeva’s Sri Vishnu 1000 Names:
1000 Names of Sri Vishnu or Vasudeva | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
