ShriramaSahasranamastotram Lyrics in Bengali:
॥ শ্রীরামসহস্রনামস্তোত্রং অনন্তসুতশ্রীদিবাকরবিরচিতম্ ॥
অনন্তসুতশ্রীদিবাকরঘৈসাসশাস্ত্রিবিরচিতং
প্রজ্ঞাগোদাবরীতীরে চেতঃপর্ণকুটীকৃতে ।
বৈদেহীশক্তিসংয়ুক্তং তপস্যালক্ষ্মণদ্বয়ম্ ॥
পঞ্চেন্দ্রিয়পঞ্চবটীনিবাসস্থং ধনুর্ধরম্ ।
ধ্যায়াম্যাত্মস্বরূপং তং রাঘবং ভয়নাশনম্ ॥
বাল্মীকি-ভরদ্বাজ-দিবাকরাঃ ঋষয়ঃ, অনুষ্টুপ্ ছন্দঃ,
শ্রীরামচন্দ্রো দেবতা ।
প্রাতর্ধ্যেয়ঃ সদাভদ্রো ভয়ভঞ্জনকোবিদঃ ইতি বীজম্ ।
সূক্ষ্মবুদ্ধির্মহাতেজা অনাসক্তঃ প্রিয়াহবঃ ইতি শক্তিঃ ।
বর্ধিষ্ণুর্বিজয়ী প্রাজ্ঞো রহস্যজ্ঞো বিমর্শবিদিতি কীলকম্ ।
শ্রীরামসহস্রনামস্তোত্রস্য জপে বিনিয়োগঃ ।
কদাচিত্পূর্ণসঙ্কল্পো বাল্মীকিকবিরাত্মবান্।
ধ্যায়ন্ রামমুপাবিষ্টঃ স্বাশ্রমে শান্তচেতসা ॥ ১ ॥
অভিগম্য ভরদ্বাজস্তমুবাচাদরেণ ভোঃ ।
শ্রুতং দৃষ্টং চ চরিতং রামচন্দ্রস্য পাবনম্ ॥ ২ ॥
ললিতং বিস্তরং সৌম্যং কারুণ্যমধুরং শুভম্ ।
স্মৃত্বা স্বানন্দভরিতং হৃদয়ং মে ভবত্যহো ॥ ৩ ॥
তত্তথা প্রাকৃতৈর্লোকৈর্যথা সাঙ্গং ন গীয়তে ।
কলৌ স্বল্পাত্মধৈর্যেভ্যো দুরাপস্তং বিশেষতঃ ॥ ৪ ॥
ভবান্ প্রাতিভবিদ্যায়াং প্রবীণঃ পরমার্থতঃ ।
তদ্ব্রবীতু হি রামস্য সঙ্ক্ষেপেণ মহাগুণান্ ॥ ৫ ॥
কিং নিত্যং পঠনীয়ং কিং স্বল্পসারৈর্জনৈঃ শ্রুতম্ ।
ভবেত্কল্যাণকৃল্লোকে প্রেরণাদায়কং তথা ॥ ৬ ॥
তচ্ছ্রুত্বা সাদরং বাক্যং বাল্মীকিকবিরব্রবীত্ ।
শৃণু নামানি রামস্য সহস্রণি য়থাক্রমম্ ॥ ৭ ॥
স্তোত্রমেতত্পঠিত্বা হি ভক্তো জ্ঞাস্যতি সর্বথা ।
রাঘবস্য গুণান্ মুখ্যান্ ধ্যাত্বা শান্তিং নিগচ্ছতি ॥ ৮ ॥
অথ স্তোত্রম্ ।
ওঁ আর্যশ্রেষ্ঠো ধরাপালঃ সাকেতপুরপালকঃ ।
একবাণো ধর্মবেত্তা সত্যসন্ধোঽপরাজিতঃ ॥ ১ ॥
ইক্ষ্বাকুকুলসম্ভূতো রঘুনাথঃ সদাশ্রয়ঃ ।
অঘধ্বংসী মহাপুণ্যো মনস্বী মোহনাশনঃ ॥ ২ ॥
অপ্রমেয়ো মহাভাগঃ সীতাসৌন্দর্যবর্ধনঃ ।
অহল্যোদ্ধারকঃ শাস্তা কুলদীপঃ প্রভাকরঃ ॥ ৩ ॥
আপদ্বিনাশী গুহ্যজ্ঞঃ সীতাবিরহব্যাকুলঃ ।
অন্তর্জ্ঞানী মহাজ্ঞানী শুদ্ধসঞ্জ্ঞোঽনুজপ্রিয়ঃ ॥ ৪ ॥
অসাধ্যসাধকো ভীমো মিতভাষী বিদাং বরঃ ।
অবতীর্ণঃ সমুত্তারো দশস্যন্দনমানদঃ ॥ ৫ ॥
আত্মারামো বিমানার্হো হর্ষামর্ষসুসঙ্গতঃ ।
অভিগম্যো বিশালাত্মা বিরামশ্চিন্তনাত্মকঃ ॥ ৬ ॥
অদ্বিতীয়ো মহায়োগী সাধুচেতাঃ প্রসাদনঃ ।
উগ্রশ্রীরন্তকস্তেজস্তারণো ভূরিসঙ্গ্রহঃ ॥ ৭ ॥
একদারঃ সত্ত্বনিধিঃ সন্নিধিঃ স্মৃতিরূপবান্ ।
উত্তমালঙ্কৃতঃ কর্তা উপমারহিতঃ কৃতী ॥ ৮ ॥
আজানুবাহুরক্ষুব্ধঃ ক্ষুব্ধসাগরদর্পহা ।
আদিত্যকুলসন্তানো বংশোচিতপরাক্রমঃ ॥ ৯ ॥
অনুকূলঃ সতাং সদ্ভির্ভাববদ্ধকরৈঃ স্তুতঃ ।
উপদেষ্টা নৃপোত্কৃষ্টো ভূজামাতা খগপ্রিয়ঃ ॥ ১০ ॥
ওজোরাশির্নিধিঃ সাক্ষাত্ক্ষণদৃষ্টাত্মচেতনঃ ।
উমাপরীক্ষিতো মূকঃ সন্ধিজ্ঞো রাবণান্তকঃ ॥ ১১ ॥
অলৌকিকো লোকপালস্ত্রৈলোক্যব্যাপ্তবৈভবঃ ।
অনুজাশ্বাসিতঃ শিষ্টো বরিষ্ঠশ্চাপধারিষু ॥ ১২ ॥
উদ্যমী বুদ্ধিমান্ গুপ্তো য়ুয়ুত্সুঃ সর্বদর্শনঃ ।
ঐক্ষ্বাকো লক্ষ্যণপ্রাণো লক্ষ্মীবান্ ভার্গবপ্রিয়ঃ ॥ ১৩ ॥
ইষ্টদঃ সত্যদিদৃক্ষুর্দিগ্জয়ী দক্ষিণায়নঃ ।
অনন্যবৃত্তিরুদ্যোগী চন্দ্রশেখরশান্তিদঃ ॥ ১৪ ॥
অনুজার্থসমুত্কণ্ঠঃ সুরত্রাণঃ সুরাকৃতিঃ ।
অশ্বমেধী য়শোবৃদ্ধস্তরুণস্তারণেক্ষণঃ ॥ ১৫ ॥
অপ্রাকৃতঃ প্রতিজ্ঞাতা বরপ্রাপ্তো বরপ্রদঃ ।
অভূতপূর্বোঽদ্ভুতধ্যেয়ো রুদ্রপ্রেমী সুশীতলঃ ॥ ১৬ ॥
অন্তঃস্পৃক্ ধনুঃস্পৃক্চৈব ভরতাপৃষ্টকৌশলঃ ।
আত্মসংস্থো মনঃসংস্থঃ সত্ত্বসংস্থো রণস্থিতঃ ॥ ১৭ ॥
ঈর্ষ্যাহীনো মহাশক্তিঃ সূর্যবংশী জনস্তুতঃ ।
আসনস্থো বান্ধবস্থঃ শ্রদ্ধাস্থানং গুণস্থিতঃ ॥ ১৮ ॥
ইন্দ্রমিত্রোঽশুভহরো মায়াবিমৃগঘাতকঃ ।
অমোঘেষুঃ স্বভাবজ্ঞো নামোচ্চারণসংস্মৃতঃ ॥ ১৯ ॥
অরণ্যরুদনাক্রান্তো বাষ্পসঙ্কুললোচনঃ ।
অমোঘাশীর্বচোঽমন্দো বিদ্বদ্বন্দ্যো বনেচরঃ ॥ ২০ ॥
ইন্দ্রাদিদেবতাতোষঃ সংয়মী ব্রতধারকঃ ।
অন্তর্যামী বিনষ্টারির্দম্ভহীনো রবিদ্যুতিঃ ॥ ২১ ॥
কাকুত্স্থো গিরিগম্ভীরস্তাটকাপ্রাণকর্ষণঃ ।
কন্দমূলান্নসন্তুষ্টো দণ্ডকারণ্যশোধনঃ ॥ ২২ ॥
কর্তব্যদক্ষঃ স্নেহার্দ্রঃ স্নেহকৃত্কামসুন্দরঃ ।
কৈকেয়ীলীনপ্রবৃত্তির্নিবৃত্তির্নামকীর্তিতঃ ॥ ২৩ ॥
কবন্ধঘ্নো ভয়ত্রাণো ভরদ্বাজকৃতাদরঃ ।
করুণঃ পুরুষশ্রেষ্ঠঃ পুরুষঃ পরমার্থবিত্ ॥ ২৪ ॥
কেবলঃ সুতসঙ্গীতাকর্ষিতো ঋষিসঙ্গতঃ ।
কাব্যাত্মা নয়বিন্মান্যো মুক্তাত্মা গুরুবিক্রমঃ ॥ ২৫ ॥
ক্রমজ্ঞঃ কর্মশাস্ত্রজ্ঞঃ সম্বন্ধজ্ঞঃ সুলক্ষঃ ।
কিষ্কিন্ধেশহিতাকাঙ্ক্ষী লঘুবাক্যবিশারদঃ ॥ ২৬ ॥
কপিশ্রেষ্ঠসমায়ুক্তঃ প্রাচীনো বল্কলাবৃতঃ ।
কাকপ্রেরিতব্রহ্মাস্ত্রঃ সপ্ততালবিভঞ্জনঃ ॥ ২৭ ॥
কপটজ্ঞঃ কপিপ্রীতঃ কবিস্ফূর্তিপ্রদায়কঃ ।
কিংবদন্তীদ্বিধাবৃত্তির্নিধারাদ্রির্বিধিপ্রিয়ঃ ॥ ২৮ ॥
কালমিত্রঃ কালকর্তা কালদিগ্দর্শিতান্তবিত্ ।
ক্রান্তদর্শী বিনিষ্ক্রান্তো নীতিশাস্ত্রপুরঃসরঃ ॥ ২৯ ॥
কুণ্ডলালঙ্কৃতশ্রোত্রো ভ্রান্তিহা ভ্রমনাশকঃ ।
কমলায়তাক্ষো নীরোগঃ সুবদ্ধাঙ্গো মৃদুস্বনঃ ॥ ৩০ ॥
ক্রব্যাদঘ্নো বদান্যাত্ম সংশয়াপন্নমানসঃ ।
কৌসল্যাক্রোডবিশ্রামঃ কাকপক্ষধরঃ শুভঃ ॥ ৩১ ॥
খলক্ষয়োঽখিলশ্রেষ্ঠঃ পৃথুখ্যাতিপুরস্কৃতঃ ।
গুহকপ্রেমভাগ্দেবো মানবেশো মহীধরঃ ॥ ৩২ ॥
গূঢাত্মা জগদাধারঃ কলত্রবিরহাতুরঃ ।
গূঢাচারো নরব্যাঘ্রো বুধো বুদ্ধিপ্রচোদনঃ ॥ ৩৩ ॥
গুণভৃদ্গুণসঙ্ঘাতঃ সমাজোন্নতিকারণঃ ।
গৃধ্রহৃদ্গতসঙ্কল্পো নলনীলাঙ্গদপ্রিয়ঃ ॥ ৩৪ ॥
গৃহস্থো বিপিনস্থায়ী মার্গস্থো মুনিসঙ্গতঃ ।
গূঢজত্রুর্বৃষস্কঙ্ঘো মহোদারঃ শমাস্পদঃ ॥ ৩৫ ॥
চারবৃত্তান্তসন্দিষ্টো দুরবস্থাসহঃ সখা ।
চতুর্দশসহস্রঘ্নো নানাসুরনিষূদনঃ ॥ ৩৬ ॥
চৈত্রেয়শ্চিত্রচরিতঃ চমত্কারক্ষমোঽলঘুঃ ।
চতুরো বান্ধবো ভর্তা গুরুরাত্মপ্রবোধনঃ ॥ ৩৭ ॥
জানকীকান্ত আনন্দো বাত্সল্যবহুলঃ পিতা ।
জটায়ুসেবিতঃ সৌম্যো মুক্তিধাম পরন্তপঃ ॥ ৩৮ ॥
জনসঙ্গ্রহকৃত্সূক্ষ্মশ্চরণাশ্রিতকোমলঃ ।
জনকানন্দসঙ্কল্পঃ সীতাপীরণয়োত্সুকঃ ॥ ৩৯ ॥
তপস্বী দণ্ডনাধারো দেবাসুরবিলক্ষণঃ ।
ত্রিবন্ধুর্বিজয়াকাঙ্ক্ষী প্রতিজ্ঞাপারগো মহান্ ॥ ৪০ ॥
ত্বরিতো দ্বেষহীনেচ্ছঃ স্বস্থঃ স্বাগততত্পরঃ ।
জননীজনসৌজন্যঃ পরিবারাগ্রণীর্গুরুঃ ॥ ৪১ ॥
তত্ত্ববিত্তত্ত্বসন্দেষ্টা তত্ত্বাচারী বিচারবান্ ।
তীক্ষ্ণবাণশ্চাপপাণিঃ সীতাপাণিগ্রহী য়ুবা ॥ ৪২ ॥
তীক্ষ্ণাশুগঃ সরিত্তীর্ণো লঙ্ঘিতোচ্চমহীধরঃ ।
দেবতাসঙ্গতোঽসঙ্গো রমণীয়ো দয়াময়ঃ ॥ ৪৩ ॥
দিব্যো দেদীপ্যমানাভো দারুণারিনিষূদনঃ ।
দুর্ধর্ষো দক্ষিণো দক্ষো দীক্ষিতোঽমোঘবীর্যবান্ ॥ ৪৪ ॥
দাতা দূরগতাখ্যাতির্নিয়ন্তা লোকসংশ্রয়ঃ ।
দুষ্কীর্তিশঙ্কিতো বীরো নিষ্পাপো দিব্যদর্শনঃ ॥ ৪৫ ॥
দেহধারী ব্রহ্মবেত্তা বিজিগীষুর্গুণাকরঃ ।
দৈত্যঘাতী বাণপাণির্ব্রহ্যাস্ত্রাঢ্যো গুণান্বিতঃ ॥ ৪৬ ॥
দিব্যাভরণলিপ্তাঙ্গো দিব্যমাল্যসুপূজিতঃ ।
দৈবজ্ঞো দেবতারাধ্যো দেবকার্যসমুত্সুকঃ ॥ ৪৭ ॥
দৃঢপ্রতিজ্ঞো দীর্ঘায়ুর্দুষ্টদণ্ডনপণ্ডিতঃ ।
দণ্ডকারণ্যসঞ্চারী চতুর্দিগ্বিজয়ী জয়ঃ ॥ ৪৮ ॥
দিব্যজন্মা ইন্দ্রিয়েশঃ স্বল্পসন্তুষ্টমানসঃ ।
দেবসম্পূজিতো রম্যো দীনদুর্বলরক্ষকঃ ॥ ৪৯ ॥
দশাস্যহননোঽদূরঃ স্থাণুসদৃশনিশ্চয়ঃ ।
দোষহা সেবকারামঃ সীতাসন্তাপনাশনঃ ॥ ৫০ ॥
দূষণঘ্নঃ খরধ্বংসী সমগ্রনৃপনায়কঃ ।
দুর্ধরো দুর্লভো দীপ্তো দুর্দিনাহতবৈভবঃ ॥ ৫১ ॥
দীননাথো দিব্যরথঃ সজ্জনাত্মমনোরথঃ ।
দিলীপকুলসন্দীপো রঘুবংশসুশোভনঃ ॥ ৫২ ॥
দীর্ঘবাহুর্দূরদর্শী বিচারী বিধিপণ্ডিতঃ ।
ধনুর্ধরো ধনী দান্তস্তাপসো নিয়তাত্মবান্ ॥ ৫৩ ॥
ধর্মসেতুর্ধর্মমার্গঃ সেতুবন্ধনসাধনঃ ।
ধর্মোদ্ধারো মনোরূপো মনোহারী মহাধনঃ ॥ ৫৪ ॥
ধ্যাতৃধ্যেয়াত্মকো মধ্যো মোহলোভপ্রতিক্রিয়ঃ ।
ধামমুক্ পুরমুগ্বক্তা দেশত্যাগী মুনিব্রতী ॥ ৫৫ ॥
ধ্যানশক্তির্ধ্যানমূর্তির্ধ্যাতৃরূপো বিধায়কঃ ।
ধর্মাভিপ্রায়বিজ্ঞানী দৃঢো দুঃস্বপ্ননাশনঃ ॥ ৫৬ ॥
ধুরন্ধরো ধরাভর্তা প্রশস্তঃ পুণ্যবান্ধবঃ ।
নীলাভো নিশ্চলো রাজা কৌসল্যেয়ো রঘূত্তমঃ ॥ ৫৭ ॥
নীলনীরজসঙ্কাকাশঃ কর্কশো বিষকর্ষণঃ ।
নিরন্তরঃ সমারাধ্যঃ সেনাধ্যক্ষঃ সনাতনঃ ॥ ৫৮ ॥
নিশাচরভয়াবর্তো বর্তমানস্ত্রিকালবিত্ ।
নীতিজ্ঞো রাজনীতিজ্ঞো ধর্মনীতিজ্ঞ আত্মবান্ ॥ ৫৯ ॥
নায়কঃ সায়কোত্সারী বিপক্ষাসুবিকর্ষণঃ ।
নৌকাগামী কুশেশায়ী তপোধামার্তরক্ষণঃ ॥ ৬০ ॥
নিঃস্পৃহঃ স্পৃহণীয়শ্রীর্নিজানন্দো বিতন্দ্রিতঃ ।
নিত্যোপায়ো বনোপেতো গুহকঃ শ্রেয়সাং নিধিঃ ॥ ৬১ ॥
নিষ্ঠাবান্নিপুণো ধুর্যো ধৃতিমানুত্তমস্বরঃ ।
নানাঋষিমখাহূতো য়জমানো য়শস্করঃ ॥ ৬২ ॥
মৈথিলীদূষিতার্তান্তঃকরণো বিবুধপ্রিয়ঃ ।
নিত্যানিত্যবিবেকী সত্কার্যসজ্জঃ সদুক্তিমান্ ॥ ৬৩ ॥
পুরুষার্থদর্শকো বাগ্মী হনুমত্সেবিতঃ প্রভুঃ ।
প্রৌঢপ্রভাবো ভাবজ্ঞো ভক্তাধীনো ঋষিপ্রিয়ঃ ॥ ৬৪ ॥
পাবনো রাজকার্যজ্ঞো বসিষ্ঠানন্দকারণঃ ।
পর্ণগেহী বিগূঢাত্মা কূটজ্ঞঃ কমলেক্ষণঃ ॥ ৬৫ ॥
প্রিয়ার্হঃ প্রিয়সঙ্কল্পঃ প্রিয়ামোদনপণ্ডিতঃ ।
পরদুঃখার্তচেতা দুর্ব্যসনেঽচলনিশ্চয়ঃ ॥ ৬৬ ॥
প্রমাণঃ প্রেমসংবেদ্যো মুনিমানসচিন্তনঃ ।
প্রীতিমান্ ঋতবান্ বিদ্বান্ কীর্তিমান্ য়ুগধারণঃ ॥ ৬৭ ॥
প্রেরকশ্চন্দ্রবচ্চারুর্জাগৃতঃ সজ্জকার্মুকঃ ।
পূজ্যঃ পবিত্রঃ সর্বাত্মা পূজনীয়ঃ প্রিয়ংবদঃ ॥ ৬৮ ॥
প্রাপ্যঃ প্রাপ্তোঽনবদ্যঃ স্বর্নিলয়ো নীলবিগ্রহী ।
পরতত্ত্বার্থসন্মূর্তিঃ সত্কৃতঃ কৃতবিদ্বরঃ ॥ ৬৯ ॥
প্রসন্নঃ প্রয়তঃ প্রীতঃ প্রিয়প্রায়ঃ প্রতীক্ষিতঃ ।
পাপহা শক্রদত্তাস্ত্রঃ শক্রদত্তরথস্থিতঃ ॥ ৭০ ॥
প্রাতর্ধ্যেয়ঃ সদাভদ্রো ভয়ভঞ্জনকোবিদঃ ।
পুণ্যস্মরণঃ সন্নদ্ধঃ পুণ্যপুষ্টিপরায়ণঃ ॥ ৭১ ॥
পুত্রয়ুগ্মপরিস্পৃষ্টো বিশ্বাসঃ শান্তিবর্ধনঃ ।
পরিচর্যাপরামর্শী ভূমিজাপতিরীশ্বরঃ ॥ ৭২ ॥
পাদুকাদোঽনুজপ্রেমী ঋজুনামাভয়প্রদঃ ।
পুত্রধর্মবিশেষজ্ঞঃ সমর্থঃ সঙ্গরপ্রিয়ঃ ॥ ৭৩ ॥
পুষ্পবর্ষাবশুভ্রাঙ্গো জয়বানমরস্তুতঃ ।
পুণ্যশ্লোকঃ প্রশান্তার্চিশ্চন্দনাঙ্গবিলেপনঃ ॥ ৭৪ ॥
পৌরানুরঞ্জনঃ শুদ্ধঃ সুগ্রীবকৃতসঙ্গতিঃ ।
পার্থিবঃ স্বার্থসন্যাসী সুবৃত্তঃ পরচিত্তবিত্ ॥
পুষ্পকারূঢবৈদেহীসংলাপস্নেহবর্ধনঃ ।
পিতৃমোদকরোঽরূক্ষো নষ্টরাক্ষসবল্গনঃ ॥ ৭৬ ॥
প্রাবৃণ্মেঘসমোদারঃ শিশিরঃ শত্রুকালনঃ ।
পৌরানুগমনোঽবধ্যো বৈরিবিধ্বংসনব্রতী ॥ ৭৭ ॥
পিনাকিমানসাহ্লাদো বালুকালিঙ্গপূজকঃ ।
পুরস্থো বিজনস্থায়ী হৃদয়স্থো গিরিস্থিতঃ ॥ ৭৮ ॥
পুণ্যস্পর্শঃ সুখস্পর্শঃ পদসংস্পৃষ্টপ্রস্তরঃ ।
প্রতিপন্নসমগ্রশ্রীঃ সত্প্রপন্নঃ প্রতাপবান্ ॥ ৭৯ ॥
প্রণিপাতপ্রসন্নাত্মা চন্দনাদ্ভুতশীতলঃ ।
পুণ্যনামস্মৃতো নিত্যো মনুজো দিব্যতাং গতঃ ॥ ৮০ ॥
বন্ধচ্ছেদী বনচ্ছন্দঃ স্বচ্ছন্দশ্ছাদনো ধ্রুবঃ ।
বন্ধুত্রয়সমায়ুক্তো হৃন্নিধানো মনোময়ঃ ॥ ৮১ ॥
বিভীষণশরণ্যঃ শ্রীয়ুক্তঃ শ্রীবর্ধনঃ পরঃ ।
বন্ধুনিক্ষিপ্তরাজ্যস্বঃ সীতামোচনধোরণী ॥ ৮২ ॥
ভব্যভালঃ সমুন্নাসঃ কিরীটাঙ্কিতমস্তকঃ ।
ভবাব্ধিতরণো বোধো ধনমানবিলক্ষণঃ ॥ ৮৩ ॥
ভূরিভৃদ্ভব্যসঙ্কল্পো ভূতেশাত্মা বিবোধনঃ ।
ভক্তচাতকমেঘার্দ্রো মেধাবী বর্ধিতশ্রুতিঃ ॥ ৮৪ ॥
ভয়নিষ্কাসনোঽজেয়ো নির্জরাশাপ্রপূরকঃ ।
ভবসারো ভাবসারো ভক্তসর্বস্বরক্ষকঃ ॥ ৮৫ ॥
ভার্গবৌজাঃ সমুত্কর্ষো রাবণস্বসৃমোহনঃ ।
ভরতন্যস্তরাজ্যশ্রীর্জানকীসুখসাগরঃ ॥ ৮৬ ॥
মিথিলেশ্বরজামাতা জানকীহৃদয়েশ্বরঃ ।
মাতৃভক্তো হ্যনন্তশ্রীঃ পিতৃসন্দিষ্টকর্মকৃত্ ॥ ৮৭ ॥
মর্যাদাপুরুষঃ শান্তঃ শ্যামো নীরজলোচনঃ ।
মেঘবর্ণো বিশালাক্ষঃ শরবর্ষাবভীষণঃ ॥ ৮৮ ॥
মন্ত্রবিদ্গাধিজাদিষ্টো গৌতমাশ্রমপাবনঃ ।
মধুরোঽমন্দগঃ সত্ত্বঃ সাত্ত্বিকো মৃদুলো বলী ॥ ৮৯ ॥
মন্দস্মিতমুখোঽলুব্ধো বিশ্রামঃ সুমনোহরঃ ।
মানবেন্দ্রঃ সভাসজ্জো ঘনগম্ভীরগর্জনঃ ॥ ৯০ ॥
মৈথিলীমোহনো মানী গর্বঘ্নঃ পুণ্যপোষণঃ ।
মধুজো মধুরাকারো মধুবাঙ্মধুরাননঃ ॥ ৯১ ॥
মহাকর্মা বিরাধঘ্নো বিঘ্নশান্তিররিন্দমঃ ।
মর্মস্পর্শী নবোন্মেষঃ ক্ষত্রিয়ঃ পুরুষোত্তমঃ ॥ ৯২ ॥
মারীচবঞ্চিতো ভার্যাপ্রিয়কৃত্প্রণয়োত্কটঃ ।
মহাত্যাগী রথারূঢঃ পদগামী বহুশ্রুতঃ ॥ ৯৩ ॥
মহাবেগো মহাবীর্যো বীরো মাতলিসারথিঃ ।
মখত্রাতা সদাচারী হরকার্মুকভঞ্জনঃ ॥ ৯৪ ॥
মহাপ্রয়াসঃ প্রামাণ্যগ্রাহী সর্বস্বদায়কঃ ।
মুনিবিঘ্নান্তকঃ শস্ত্রী শাপসম্ভ্রান্তলোচনঃ ॥ ৯৫ ॥
মলহারী কলাবিজ্ঞো মনোজ্ঞঃ পরমার্থবিত্ ।
মিতাহারী সহিষ্ণুর্ভূপালকঃ পরবীরহা ॥ ৯৬ ॥
মাতৃস্নেহী সুতস্নেহী স্নিগ্ধাঙ্গঃ স্নিগ্ধদর্শনঃ ।
মাতৃপিতৃপদস্পর্শী অশ্মস্পর্শী মনোগতঃ ॥ ৯৭ ॥
মৃদুস্পর্শ ইষুস্পর্শী সীতাসম্মিতবিগ্রহঃ ।
মাতৃপ্রমোদনো জপ্যো বনপ্রস্থঃ প্রগল্ভধীঃ ॥ ৯৮ ॥
য়জ্ঞসংরক্ষণঃ সাক্ষী আধারো বেদবিন্নৃপঃ ।
য়োজনাচতুরঃ স্বামী দীর্ঘান্বেষী সুবাহুহা ॥ ৯৯ ॥
য়ুগেন্দ্রো ভারতাদর্শঃ সূক্ষ্মদর্শী ঋজুস্বনঃ ।
য়দৃচ্ছালাভলঘ্বাশী মন্ত্ররশ্মিপ্রভাকরঃ ॥ ১০০ ॥
য়জ্ঞাহূতনৃপবৃন্দো ঋক্ষবানরসেবিতঃ ।
য়জ্ঞদত্তো য়জ্ঞকর্তা য়জ্ঞবেত্তা য়শোময়ঃ ॥ ১০১ ॥
য়তেন্দ্রিয়ো য়তী য়ুক্তো রাজয়োগী হরপ্রিয়ঃ ।
রাঘবো রবিবংশাঢ্যো রামচন্দ্রোঽরিমর্দনঃ ॥ ১ ০ ২ ॥
রুচিরশ্চিরসন্ধেয়ঃ সঙ্ঘর্ষজ্ঞো নরেশ্বরঃ ।
রুচিরস্মিতশোভাড্যো দৃঢোরস্কো মহাভুজঃ ॥ ১০৩ ॥
রাজ্যহীনঃ পুরত্যাগী বাষ্পসঙ্কুললোচনঃ ।
ঋষিসম্মানিতঃ সীমাপারীণো রাজসত্তমঃ ॥ ১০৪ ॥
রামো দাশরথিঃ শ্রেয়ান্ পরমাত্মসমো ভুবি ।
লঙ্কেশক্ষোভণো ধন্যশ্চেতোহারী স্বয়ন্ধনঃ ॥ ১০৫ ॥
লাবণ্যখনিরাখ্যাতঃ প্রমুখঃ ক্ষত্ররক্ষণঃ ।
লঙ্কাপতিভয়োদ্রেকঃ সুপুত্রো বিমলান্তরঃ ॥ ১০৬ ॥
বিবেকী কোমলঃ কান্তঃ ক্ষমাবান্ দুরিতান্তকঃ ।
বনবাসী সুখত্যাগী সুখকৃত্সুন্দরো বশী ॥ ১০৭ ॥
বিরাগী গৌরবো ধীরঃ শূরো রাক্ষসঘাতকঃ ।
বর্ধিষ্ণুর্বিজয়ী প্রাজ্ঞো রহস্যজ্ঞো বিমর্শবিত্ ॥ ১০৮ ॥
বাল্মীকিপ্রতিভাস্রোতঃ সাধুকর্মা সতাং গতিঃ ।
বিনয়ী ন্যায়বিজ্ঞাতা প্রজারঞ্জনধর্মবিত্ ॥ ১০৯ ॥
বিমলো মতিমান্নেতা নেত্রানন্দপ্রদায়কঃ ।
বিনীতো বৃদ্ধসৌজন্যো বৃক্ষভিত্ চেতসা ঋজুঃ ॥ ১১০ ॥
বত্সলো মিত্রহৃন্মোদঃ সুগ্রীবহিতকৃদ্বিভুঃ ।
বালিনির্দলনোঽসহ্যো ঋক্ষসাহ্যো মহামতিঃ ॥ ১১১ ॥
বৃক্ষালিঙ্গনলীলাবিন্মুনিমোক্ষপটুঃ সুধীঃ ।
বরেণ্যঃ পরমোদ্যোগো নিগ্রহী চিরবিগ্রহী ॥ ১১২ ॥
বাসবোপমসামর্থ্যো জ্যাসঙ্ঘাতোগ্রনিঃস্বনঃ ।
বিশ্বামিত্রপরামৃষ্টঃ পূর্ণো বলসমায়ুতঃ ॥ ১১৩ ॥
বৈদেহীপ্রাণসন্তোষঃ শরণাগতবত্সলঃ ।
বিনম্রঃ স্বাভিমানার্হঃ পর্ণশালাসমাশ্রিতঃ ॥ ১১৪ ॥
বৃত্তগণ্ডঃ শুভ্রদন্তী সমভ্রূদ্বয়শোভিতঃ ।
বিকসত্পঙ্কজাভাস্যঃ প্রেমদৃষ্টিঃ সুলোচনঃ ॥ ১১৫ ॥
বৈষ্ণবো নরশার্দূলো ভগবান্ ভক্তরক্ষণঃ ।
বসিষ্ঠপ্রিয়শিষ্যশ্চিত্স্বরূপশ্চেতনাত্মকঃ ॥ ১১৬ ॥
বিবিধাপত্পরাক্রান্তো বানরোত্কর্ষকারণঃ ।
বীতরাগী শর্মদায়ী মুনিমন্তব্যসাধনঃ ॥ ১১৭ ॥
বিরহী হরসঙ্কল্পো হর্ষোত্ফুল্লবরাননঃ ।
বৃত্তিজ্ঞো ব্যবহারজ্ঞঃ ক্ষেমকারী পৃধুপ্রভঃ ॥ ১১৮ ॥
বিপ্রপ্রেমী বনক্রান্তঃ ফলভুক্ ফলদায়কঃ ।
বিপন্মিত্রং মহামন্ত্রঃ শক্তিয়ুক্তো জটাধরঃ ॥ ১১৯ ॥
ব্যায়ামব্যায়তাকারো বিদাং বিশ্রামসম্ভবঃ ।
বন্যমানবকল্যাণঃ কুলাচারবিচক্ষণঃ ॥ ১২০ ॥
বিপক্ষোরঃপ্রহারজ্ঞশ্চাপধারিবহূকৃতঃ ।
বিপল্লঙ্ঘী ঘনশ্যামো ঘোরকৃদ্রাক্ষসাসহঃ ॥ ১২১ ॥
বামাঙ্কাশ্রয়িণীসীতামুখদর্শনতত্পরঃ ।
বিবিধাশ্রমসম্পূজ্যঃ শরভঙ্গকৃতাদরঃ ॥ ১২২ ॥
বিষ্ণুচাপধরঃ ক্ষত্রো ধনুর্ধরশিরোমণিঃ ।
বনগামী পদত্যাগী পাদচারী ব্রতস্থিতঃ ॥ ১২৩ ॥
বিজিতাশো মহাবীরো দাক্ষিণ্যনবনির্ঝরঃ ।
বিষ্ণুতেজোংঽসসম্ভূতঃ সত্যপ্রেমী দৃঢব্রতঃ ॥ ১২৪ ॥
বানরারামদো নম্রো মৃদুভাষী মহামনাঃ ।
শত্রুহা বিঘ্নহন্তা সল্লোকসম্মানতত্পরঃ ॥ ১২৫ ॥
শত্রুঘ্নাগ্রজনিঃ শ্রীমান্ সাগরাদরপূজকঃ ।
শোককর্তা শোকহর্তা শীলবান্ হৃদয়ঙ্গমঃ ॥ ১২৬ ॥
শুভকৃচ্ছুভসঙ্কল্পঃ কৃতান্তো দৃঢসঙ্গরঃ ।
শোকহন্তা বিশেষার্হঃ শেষসঙ্গতজীবনঃ ॥ ১২৭ ॥ ।
শত্রুজিত্সর্বকল্যাণো মোহজিত্সর্বমঙ্গলঃ ।
শম্বূকবধকোঽভীষ্টো য়ুগধর্মাগ্রহী য়মঃ ॥ ১২৮ ॥
শক্তিমান্ রণমেধাবী শ্রেষ্ঠঃ সামর্থ্যসংয়ুতঃ ।
শিবস্বঃ শিবচৈতন্যঃ শিবাত্মা শিববোধনঃ ॥ ১২৯ ॥
শবরীভাবনামুগ্ধঃ সর্বমার্দবসুন্দরঃ ।
শমী দমী সমাসীনঃ কর্ময়োগী সুসাধকঃ ॥ ১৩০ ॥
শাকভুক্ ক্ষেপণাস্ত্রজ্ঞো ন্যায়রূপো নৃণাং বরঃ ।
শূন্যাশ্রমঃ শূন্যমনাঃ লতাপাদপপৃচ্ছকঃ ॥ ১৩১ ॥
শাপোক্তিরহিতোদ্গারো নির্মলো নামপাবনঃ ।
শুদ্ধান্তঃকরণঃ প্রেষ্ঠো নিষ্কলঙ্কোঽবিকম্পনঃ ॥ ১৩২ ॥
শ্রেয়স্করঃ পৃধুস্কন্ধো বন্ধনাসিঃ সুরার্চিতঃ ।
শ্রদ্ধেয়ঃ শীলসম্পন্নঃ সুজনঃ সজ্জনান্তিকঃ ॥ ১৩৩ ॥
শ্রমিকঃ শ্রান্তবৈদেহীবিশ্রামঃ শ্রুতিপারগঃ ।
শ্রদ্ধালুর্নীতিসিদ্ধান্তী সভ্যঃ সামান্যবত্সলঃ ॥ ১৩৪ ॥
সুমিত্রাসুতসেবার্থী ভরতাদিষ্টবৈভবঃ ।
সাধ্যঃ স্বাধ্যায়বিজ্ঞেয়ঃ শব্দপালঃ পরাত্পরঃ ॥ ১৩৫ ॥
সঞ্জীবনো জীবসখা ধনুর্বিদ্যাবিশারদঃ ।
সূক্ষ্মবুদ্ধির্মহাতেজাঃ অনাসক্তঃ প্রিয়াবহঃ ॥ ১৩৬ ॥
সিদ্ধঃ সর্বাঙ্গসম্পূর্ণঃ কারুণ্যার্দ্রপয়োনিধিঃ ।
সুশীলঃ শিবচিত্তজ্ঞঃ শিবধ্যেয়ঃ শিবাস্পদঃ ॥ ১৩৭ ॥
সমদর্শী ধনুর্ভঙ্গী সংশয়োচ্ছেদনঃ শুচিঃ ।
সত্যবাদী কার্যবাহশ্চৈতন্যঃ সুসমাহিতঃ ॥ ১৩৮ ॥
সন্মিত্রো বায়ুপুত্রেশো বিভীষণকৃতানতিঃ ।
সগুণঃ সর্বথাঽঽরামো নির্দ্বন্দ্বঃ সত্যমাস্থিতঃ ॥ ১৩৯ ॥
সামকৃদ্দণ্ডবিদ্দণ্ডী কোদণ্ডী চণ্ডবিক্রমঃ ।
সাধুক্ষেমো রণাবেশী রণকর্তা দয়ার্ণবঃ ॥ ১৪০ ॥
সত্ত্বমূর্তিঃ পরঞ্জ্যোতিঃ জ্যেষ্ঠপুত্রো নিরাময়ঃ ।
স্বকীয়াভ্যন্তরাবিষ্টোঽবিকারী নভসন্দৃশঃ ॥ ১৪১ ॥
সরলঃ সারসর্বস্বঃ সতাং সঙ্কল্পসৌরভঃ ।
সুরসঙ্ঘসমুদ্ধর্তা চক্রবর্তী মহীপতিঃ ॥ ১৪২ ॥
সুজ্ঞঃ স্বভাববিজ্ঞানী তিতিক্ষুঃ শত্রুতাপনঃ ।
সমাধিস্থঃ শস্ত্রসজ্জঃ পিত্রাজ্ঞাপালনপ্রিয়ঃ ॥ ১৪৩ ॥
সমকর্ণঃ সুবাক্যজ্ঞো গন্ধরেখিতভালকঃ ।
স্কন্ধস্থাপিততূণীরো ধনুর্ধারণধোরণী ॥ ১৪৪ ॥
সর্বসিদ্ধিসমাবেশো বীরবেষো রিপুক্ষয়ঃ ।
সঙ্কল্পসাধকোঽক্লিষ্টো ঘোরাসুরবিমর্দনঃ ॥ ১৪৫ ॥
সমুদ্রপারগো জেতা জিতক্রোধো জনপ্রিয়ঃ ।
সংস্কৃতঃ সুষমঃ শ্যামঃ সমুত্ক্রান্তঃ সদা শুচিঃ ॥ ১৪৬ ॥
সদ্ধর্মপ্রেরকো ধর্মো ধর্মসংরক্ষণোত্সুকঃ ।
ভয়নিষ্কাসনে নঃ স সম্ভবেত্পুনরাত্মনি ॥ ১৪৭ ॥
॥ ইতি শ্রীঅনন্তসুত শ্রীদিবাকরবিরচিতং
শ্রীরামসহস্রনামস্তোত্রং সম্পূর্ণম্ ॥
Also Read 1000 Names of Shri Rama:
1000 Names of Srirama | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
