Templesinindiainfo

Best Spiritual Website

Advaita Pancharatnam Lyrics in Malayalam

അദ്വൈത പഞ്ചരത്നം Lyrics in Malayalam:

॥ ശ്രീഃ ॥

നാഹം ദേഹോ നേന്ദ്രിയാണ്യന്തരങ്ഗോ
നാഹങ്കാരഃ പ്രാണവര്‍ഗോ ന ബുദ്ധിഃ ।
ദാരാപത്യക്ഷേത്രവിത്താദിദൂരഃ
സാക്ഷീ നിത്യഃ പ്രത്യഗാത്മാ ശിവോഽഹം ॥ 1 ॥

രജ്ജ്വജ്ഞാനാദ്ഭാതി രജ്ജൌ യഥാഹിഃ
സ്വാത്മാജ്ഞാനാദാത്മനോ ജീവഭാവഃ ।
ആപ്തോക്ത്യാഽഹിഭ്രാന്തിനാശോ സ രജ്ജു-
ര്‍ജീവോ നാഹം ദേശികോക്ത്യാ ശിവോഽഹം ॥ 2 ॥

ആഭാതീദം വിശ്വമാത്മന്യസത്യം
സത്യജ്ഞാനാനന്ദരൂപേ വിമോഹാത് ।
നിദ്രാമോഹാത്സ്വപ്നവത്തന്ന സത്യം
ശുദ്ധഃ പൂര്‍ണോ നിത്യ ഏകഃ ശിവോഽഹം ॥ 3 ॥

നാഹം ജാതോ ന പ്രവൃദ്ധോ ന നഷ്ടോ
ദേഹസ്യോക്താഃ പ്രാകൃതാഃ സര്‍വധര്‍മാഃ ।
കര്‍തൃത്വാദിശ്ചിന്‍മയസ്യാസ്തി നാഹം-
കാരസ്യൈവ ഹ്യാത്മനോ മേ ശിവോഽഹം ॥ 4 ॥

മത്തോ നാന്യത്കിഞ്ചിദത്രാസ്തി വിശ്വം
സത്യം ബാഹ്യം വസ്തു മായോപക്ലൃപ്തം ।
ആദര്‍ശാന്തര്‍ഭാസമാനസ്യ തുല്യം
മയ്യദ്വൈതേ ഭാതി തസ്മാച്ഛിവോഽഹം ॥ 5 ॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
അദ്വൈത പഞ്ചരത്നം സമ്പൂര്‍ണം ॥

Advaita Pancharatnam Lyrics in Malayalam

Leave a Reply

Your email address will not be published. Required fields are marked *

Scroll to top